24.4.10

Dodro: negocian polo Paseo das Brañas con Costas

(Nota do Concello)

Dodro, 24 de abril de 2010. No día de onte reuníronse no concello de Dodro o responsable da Demarcación de Costas, Rafael Eimil, o alcalde de Dodro, Arturo Díaz e o tenente alcalde, Anxo Franco.

   A reunión foi unha primeira toma de contacto para tratar de resolver as alegacións que o concello formulou ao proxecto de actuación nas Brañas, elaborado por Costas do Estado.

Recordamos que o concello pedía a supresión de tramos de paseo alí onde coincidía con pistas de terra, así coma o traslado de ubicación do embarcadoiro e do observatorio de aves, e tamén mudar o paseo previsto de pizarra por outro de igual percorrido pero de madeira. A maiores, a supresión total ou parcial de tres aparcamentos e a creación dunha Aula de Interpretación da Natureza.

   Nesta primeira toma de contacto, o responsábel da Demarcación de Costas via razonabeis as alegacións presentadas polo Concello. Tamén anunciou que a construcción da praia fluvial era moi difícil pois, tanto segundo a Xunta de Galiza coma segundo as agrupacións ecoloxistas, está situada na zona máis sensíbel medioambientalmente, polo que, a proposta do Concello na mesma reunión, vai estudiarse a posibilidade de eliminala e, no seu canto, anexar ao embarcadoiro unha plataforma de madeira que permita a realización de deportes náuticos. Outra dificultade será a Aula de Interpretación da Natureza, que sería posíbel levala a cabo sempre e cando non implique iniciar de novo toda a tramitación burocrática.

    Os prazos previstos pola Demarcación de Costas son responder todas as alegacións antes do inicio do verán, reformular o proxecto nese mesmo prazo e licitar a obra a finais do presente ano 2010.

Posted via email from Certo.es, o xornal virtual de Barbanza e Noia

Susana Moo: milagros de los transgénicos

Seguro que la idea no tendrá buena recepción entre el colectivo ecologista, pero Susana Moo no busca arreglar el mundo, sólo calentarlo. En el sentido más ecológico del verbo.
http://certo.es/index.php?page=la_cientifica

Posted via web from Certo.es, o xornal virtual de Barbanza e Noia

Ribeira: preto de cincocentos inscritos na Copa Sálvora 2010

Cerrado o prazo de inscripción da Copa Sálvora 2010.

Ribeira, 24 de abril de 2010. Todo semella indicar que a Copa Sálvora’10 volverá a ser un gran éxito de público e participación e, de feito, o número de equipos participantes acada o seu punto máis álxido cun total de 40 equipos.

Como novidade e debido ao gran número de peticións da pasada edición a organización optou por realizar dúas fases para que poidan participar o maior número de rapaces, polo que nesta edición da Copa Sálvora participarán un total de 480 rapaces de idades comprendidas entre os 6 e 12 anos.

 Á fase previa, que se disputará o vindeiro día 9 de Maio no campo municipal de A Tasca, asistirán aqueles clubes que inscribiron máis de un equipo por categoría e aqueles clubes que se quedaron sen praza na fase final, pasarán os dous mellores equipos de cada categoría a fase final.

A categoría Benxamín estará  composta polo Sálvora C.F “B”,Abanqueiro S.D “C”,C.D Unión “B”, S.D Milladoiro”B”, Flavia S.D. Na categoría Alevín participarán o ATL.Oleiros, Sálvora C.F “B”,S.D Milladoiro, C.D Boiro,Puebla F.C “B” e S.D Milladoiro.

Na fase final competirán aqueles clubes que sólo inscribiron un equipo por categoría, e disputarase os vindeiros 15,16 de Maio no campo municipal de A Tasca.

Confirmaron a súa asistencia na categoría Benxamín o Sálvora C.F “A”,S.D Milladoiro ,Arosa S.C, U.S.C O Grove,Porto do Son, X.Aguiño, Puebla F.C, E.D Val do Ulla,Crocha C.F,S.D Compostela Monumental,Carreira C.F,C.D Unión e ATL.Oleiros. Na categoría Alevín tomarán parte Sálvora C.F “A”,Abanqueiro S.D, Puebla F.C”A”,ATL.Fátima, S.D Flavia,Porto do Son, X.Aguiño, X.Oroso, Carreira C.F, E.D Val do Ulla,Crocha C.F, C.D Unión “A”, Arosa S.C e S.D Compostela Monumental.

A organización do torneo correrá a cargo do Sálvora C.F , que presentará o torneo o vindeiro sábado 1 de Maio no Conservatorio Municipal de Ribeira as 13:30h, mediante o transcurso do acto levarase a cabo o sorteo das diferentes roldas de que se compón o campeonato.

Posted via email from Certo.es, o xornal virtual de Barbanza e Noia

Twitter

Related Posts with Thumbnails Banner: Regale selva tropical