Lingua galega: o ribeirense Carlos Callón presentou "Como falar e escribir en galego con corrección e fluidez"

• Foi en Santiago, no Centro Galego de Arte Contemporánea, nun almorzo informativo

Carlos Callón co seu editor, Manuel Bragado

Ribeira, 29 de novembro de 2012. Esta mañá presentouse en Compostela, só aos medios, "Como falar e escribir en galego con corrección e fluidez" nun almorzo informativo. Nese encontro con xornalistas o autor, Carlos Callón, natural de Ribeira, estivo acompañado polo director de Xerais, Manuel Bragado, quen deu alí "unha moi boa noticia: estase a preparar xa a segunda edición deste libro, para poder dar resposta á demanda existente", explicou Callón.

"O manualiño leva escasas semanas nas librarías e, como digo, a presentación para os medios aínda foi esta mesma mañá, polo que o meu agradecemento e a miña alegría pola extraordinaria resposta se multiplican. Grazas por acollérdelo como un traballo útil!", remata Callón, activista cultural e da lingua galega que inda está pendente dos tribunais por recriminarlle a un xuíz da Coruña -o decano para máis escarnio- que non cumpría a Lei de Normalización Lingüística.

Callón ten agora mesmo tres libros en Xerais sobre a cuestión da lingua

Os primeiros actos públicos de presentación deste manual serán o día 13 de decembro en Santiago de Compostela e o día 18 en Silleda. Calquera día cáese pola súa terra para presentalo, do que daremos cumprida información.

Quere mercar este libro en Internet? Pois prema aquí

O BNG pide explicacións no Parlamento polo xuízo contra Carlos Callón pola suá defensa da toponimia. fb.me/1CBTCTkA7

— A Mesa Normalización (@amesanl) November 28, 2012

@carloscallon VENTO MAREIROÉ un nome caralludo para unha Casa da Cultura en Ribeira. O Vento ese non é poeta, non? #Boh

— Tacho González (@TachoGonzalez) November 28, 2012

A concelleira do PP que pensou que Martin Codax era só o nome dun viño propuxo tamén que a Casa da Cultura levase... fb.me/1qMTC0d8C

— Carlos Callón (@carloscallon) November 27, 2012

Posted via email from Certo.gl, o xornal dixital de Barbanza e Noia

Lingua galega: só A Pobra, Boiro e Ribeira terán Os Axóuxeres nestas bisbarras

• O secretario xeral de Política Lingüística deu a coñecer hoxe os detalles desta iniciativa de dinamización lingüística dirixida a nenos e nenas de 0 a 6 anos e ás súas familias
• En A Pobra, Boiro e Ribeira hai gobernos do Partido Popular
  
• O novo programa transmedia achegaralle a lingua galega ás familias a través do teatro, do cine, da televisión, de internet e dos dispositivos móbiles
• Os Axóuxeres chegarán á TVG2 o 22 de outubro e, a partir do 28 dese mes, a preto de 40 concellos da Rede de Dinamización Lingüística

Un dos encontros dos Axóuxeres no que estivo Uxía Senlle

Barbanza, 4 de outubro de 2012.- A Consellería de Cultura, Educación e Ordenación Universitaria, representada no seu secretario xeral de Política Lingüística, Valentín García, deu a coñecer esta tarde a nova edición dos Axóuxeres, un programa multiplataforma destinado a dinamizar a lingua galega e a súa transmisión interxeracional nas familias con bebés de 0 a 6 anos de idade.

Os Axóuxeres actualízanse e transfórmanse neste ano 2012, segundo explicou o secretario xeral, “para adaptárense aos retos dunha sociedade que utiliza cada vez máis medios para relacionarse e educar. Os Axóuxeres mudan cos tempos, sempre co empeño de ofreceren ferramentas para cantar, para xogar, para medrar en galego co apoio dos pais e nais que, en definitiva, son os encargados de transmitirlles aos seus fillos e fillas a lingua galega”.

Encontros teatrais e dixitais na Rede de Dinamización Lingüística
Os Encontros dos Axóuxeres son pezas teatrais dunha hora de duración pensadas para cativos de 0 a 3 anos, participativas e con moita presenza da música e do xogo. Pola súa banda, os Encontros dixitais son sesións de cine dixital pensadas para nenos e nenas de 3 a 6 anos acompañados dos seus pais e nais. Nestas actividades fomentarase a participación do público con xogos e cancións para desenvolver durante a celebración.

Este ano haberá 20 Encontros teatrais e outros 20 Encontros dixitais que acollerán entidades pertencentes á Rede de Dinamización Lingüística (RDL) nas catro provincias galegas. Os Encontros teatrais visitarán a cidade da Coruña mercé á participación da Deputación coruñesa na RDL; a Pobra do Caramiñal, grazas á pertenza á Rede da Mancomunidade de Arousa Norte; a Fundación Eduardo Pondal de Ponteceso e os concellos de Santiago de Compostela, Ferrol, Ames, Arteixo, Vilagarcía de Arousa, Oleiros, Ribeira, Ponteareas, Cangas, Marín, A Estrada, Teo, Tui, Boiro, Baiona, O Barco de Valdeorras e Cee.

A entrada aos encontros dos Axóuxeres será gratuíta, pero cumprirá reservar praza no teléfono 637 179 304. Este número estará aberto ás reservas de cada localidade unha semana antes da celebración de cada encontro. Nos encontros dixitais a entrada será de balde ata completar o aforo.

Toda a información sobre este programa estará dispoñible no web da Secretaría Xeral de Política Lingüística www.xunta.es/linguagalega/os_axouxeres_2012.>

Os Axóuxeres, tamén na TVG2
Nesta nova etapa, ademais dos Encontros teatrais e dos dixitais, Os Axóuxeres adquiren unha nova dimensión televisiva para chegar a todos os fogares de Galicia, grazas ao novo espazo televisivo do mesmo nome, que se emitirá a partir do día 22 de outubro na segunda canle da Televisión de Galicia (TVG2). O horario será de luns a venres, ás 7.30, ás 13.00 e ás 17.00 h, no marco da súa programación infantil e do coñecido Xabarín Club.

Este espazo de televisión, baseado no xogo e no fomento da creatividade, está pensado para ver en familia e, sobre todo, para que a xente adulta poida extraer ideas para xogar despois coas crianzas e estimular a súa creatividade en galego. Cada programa está dividido en dúas partes, unha primeira pensada para nenos e nenas de 0 a 3 anos, e unha segunda parte está pensada para cativos de 0 a 6.

A Secretaría Xeral de Política Lingüística dálle así continuidade á aposta pola TVG como espazo de promoción da lingua galega, aposta da que tamén forman parte os microespazos sobre o noso idioma Ben falado!, o programa de dinamización lingüística Nós tamén creamos! (que permitu emitir curtas de animación en galego elaboradas por nenos) ou a serie Os Bolechas que se empezou a emitir hai unhas semanas. Deste xeito, poténciase a existencia dunha oferta ampla e variada de programas infantís en galego que contribuirá á aprendizaxe e á valoración da lingua propia de Galicia polos máis pequenos.

Outras plataformas
Os Axóuxeres tamén terán presenza en internet a través da sección infantil da web da CRTVG e mais da web da Secretaría Xeral de Política Lingüística www.xunta.es/linguagalega/os_axouxeres_2012, onde –a medida que avance o programa- se poderá ir consultando o calendario dos Encontros, compartindo a experiencia de participación neles ou descargando cancións e actividades.

Tamén estarán a disposición dos nenos e dos pais dúas aplicacións con sinxelos xogos de balde para o móbil.

Obxectivos do programa
O programa de dinamización lingüística Os Axóuxeres responde aos obxectivos marcados no Plan xeral de normalización da lingua galega (PXNLG) para os sectores de Lecer e Tempo Libre e mais Educación, Familia e Mocidade, en concreto, os referidos á transmisión familiar, como “fomentar a transmisión e mais a aprendizaxe da lingua galega dentro das familias” ou “aumentar a presenza da lingua galega nas actividades de lecer e incrementar a oferta de recursos informáticos e audiovisuais en galego destinados á infancia”, actividades e recursos que permitan asociar o galego cunha estética dinámica e actual, tal e como sinala o devandito PXNLG.

Posted via email from Certo.gl, o xornal dixital de Barbanza e Noia

Rianxo: o Concello e a plataforma "Vitaminas para o galego" presentan este mércores 12 a campaña "Móllate polo galego"

• Trátase dunha campaña de sensibilización da mocidade de cara ao idioma galego
• Terá lugar o sábado 22 de setembro na mítica praia de Tanxil, por onde pasearon Castelao, Rafael Dieste e Manuel Antonio
• Os participantes deberán, cunha camisola facilitada de xeito gratuito polo Concello, enviar fotos orixinais co lema ás redes sociais. Os mellores recibirán premio.

As camisolas serán distribuídas o sábado 22 na praia de Tanxil

Rianxo, 10 de setembro de 2012. O vindeiro mércores, 12 de setembro, será presentada no Concello de Rianxo, ás doce do mediodía, a campaña "Móllate polo galego", destinada a aumentar a sensibilidade dos mozos polo idioma galego. Na presentación estarán o músico e actor Tonhito de Poi, ex compoñente de Heredeiros da Crus que agora milita en Rasa Loba; o alcalde de Rianxo, Adolfo Muíños, e un dos integrantes de Certo, diario dixital do Barbanza que colabora na plataforma organizadora, Vitaminas para o galego.

"MÓLLATE POLO GALEGO": CAMPAÑA ACUÁTICA

Acuática será esta campaña, no mellor espazo estival que ten Rianxo -Tanxil-, xa no límite do verán co outono, o sábado 22 de setembro. Na presentación daranse os detalles da xornada, que ten como obxectivo concienciar á mocidade sobre a importancia de empregar a lingua propia de Galicia en todos os eidos, e tamén de xeito lúdico e artístico.

QUE É VITAMINAS PARA O GALEGO?
O idioma galego necesita vitaminas. A lingua galega precisa de axudas. Entre os apoios fundamentais figuran os medios de comunicación que empregan, prestixian e difunden o xeito de falar dos habitantes do Noroeste da Península Ibérica. A pluralidade de linguas é unha riqueza cultural que a humanidade debe protexer e cultivar. Para espallar esta idea xorde o proxecto "Vitaminas para o galego", impulsado por medios en galego.

QUEN IMPULSA VITAMINAS?
A plataforma Vitaminas para o Galego está artellada polos medios de comunicación: Galicia Confidencial, Tempos Novos, Radiofusión, Praza Pública, Novas da Galiza, Val Miñor.info e Quepasanacosta. 

Medios colaboradores: Certo xornal dixital de Barbanza e Noia, Osil.info de Valdeorras,  Crónica3 da Mariña Lucense, Radio Nordés (Cadena Ser Costa da Morte), Terra Chá.Xa, Crónicas da Comarca (Arzúa – Melide), a revista de surf SurfGZ, Cadernos de Comunicación e Análise; O periódico de Lalín e Comarca; Hermes e Atenea, xornal en galego de deporte e cultura; Disquecool, o medio de tendencias made in Galicia; O xornal De Luns a Venres; Cabozo, a rede social galega; a rede de blogues Vencello; Cartafol, a revista multimedia para Ipad; A Nova Peneira ,o programa radiofónico Plástico Elástico,  Revista Kubus, Compas da Costa, Ábrete de Orellas, Televinte Chantada e Fervenzas Literarias.

Posted via email from Certo.gl, o xornal dixital de Barbanza e Noia

Lingua galega: LEGA (Lecer galego) bota a andar como plataforma de recursos lúdicos na nosa lingua

 

Barbanza-Noia, 18 de xuño de 2012. O xoves 21 de xuño, ás 11.30 horas, presentarase na libraría Couceiro de Santiago LEGA (Lecer galego), un proxecto de GalegoLab encamiñado a poñer a disposición da sociedade galega recursos lúdicos dixitais naquelas áreas onde a presenza do galego sexa baixa ou escasa, xerando estes contidos baixo licenzas libres maioritariamente que permitan a súa libre distribución e uso.

Os proxectos cos que LEGA bota a andar son:

1. Galegogym (http://galegolab.org/proxecto-aberto/galegogym-1/), un cd de música galega, en Creative Commons, para facer fitness en galego, que contou coa colaboración de artistas como GalegoZ, Zimmer 103 e Projecto Mourente.

2. Astronomía básica, un recurso de astronomía orientado a afeccionados e persoas que se queiran iniciar na astronomía. O proxecto consta de material dixital de astronomía, unha guía de astronomía básica eun dvd do sistema operativo Ubuntu en galego, totalmente funcional para usos xenéricos, e

modificado de tal xeito que se engaden tanto programas de astronomía en galego de mapase atlas celestes (Stellarium e Cellestia). Está completamente en galego (o software,navegador web, procesador de textos, reprodutor de vídeo e audio…) e cabe tamén destacarque se pode executar sen instalar. Astronomía básica levouse a cabo en colaboración con Astronomía na Beirarrúa http://astronabeira.blogspot.com/, un proxecto nacido dentro da Universidade de Santiago deCompostela e que ao longo destes últimos anos leva traballando para achegar a astronomíadun xeito lúdico e participativo.

3. Xogos para ordenador totalmente traducidos ó galego: polo momento, Frozen Bubble (http://www.frozen-bubble.org/) e Childsplay (http://www.schoolsplay.org/).

4. Subtitulado ó galego de Sintel, unha curtametraxe de animación desenvolvida pola fundación Blender.

5.Os recursos de todos os proxectos rematados en GalegoLab estarán tamén

dispoñibles para a súa descarga.

GalegoLab

GalegoLab é unha organización sen fin de lucro, fundada en 2010, que ten como

obxectivo o impulso de accións concretas de promoción da lingua galega, cun enfoque deabaixo-arriba, con especial incidencia nas culturas emerxentes e na naturalidade da vida cotiá.A súa ferramenta principal é a web GalegoLab (http://galegolab.org), unha rede social de crowdsourcing, para concitar apoios ás accións propias e as que propoñan os usuarios e outros colectivos. Esta web está en marcha dende o 20 de maio do 2010. O pasado 14 de setembro recebiu o primeiro premio da Secretaría Xeral de Modernización ao desenvolvemento de contidos en Internet na categoría de promoción do Patrimonio, Cultura e

Lingua Galegas. A páxina web conta na actualidade con 1093 usuarios. Actualmente hai nela 40 ideas a prol do galego (http://galegolab.org/explora/ideas/).

Algúns dos proxectos máis destacados que se desenvolveron na páxina son:

- Adiviña @s autor@s (http://galegolab.org/proxecto-aberto/adivina-s-autors/). Concursoen colaboración con latri.ca e Rinoceronte Editora que se desenvolveu na semana do 17 de maio na rede social galega.

- Redeseña o logo de Cabozo para o 17 de maio (http://galegolab.org/proxecto-

aberto/redesena-o-logo-de-cabozo-para-o-17-de-maio-1/). Concurso consistente en redeseñar o logo doutra rede social galega, Cabozo.

- Pinchada de música (http://galegolab.org/proxecto-realizado/pinchadas-de-musica-pero-da-boa--1/)l, toda en galego, que se fixo en Vigo en setembro do ano pasado.

- 24 horas galego fullscreen (http://galegolab.org/proxecto-realizado/24-horas-galego-fullscreen-1/), un concurso de vídeos nos que os participantes relataban como era para eles un día en galego e no que o gañador foi “Co galego… ata o inferno” (http://eufalo.tv/video/co-galego-ata-o-inferno/).

- Fútbol galego, fútbol en galego (http://galegolab.org/proxecto-realizado/futbol-galego-utbol-en-galego/) busca que o equipo de fútbol da Coruña, o Dépor, comece a usar o galego nas súas comunicacións.

- Memoria Pixelada (http://galegolab.org/proxecto-realizado/memoria-pixelada/) é un blog sobre videoxogos na nosa lingua, para o que o seu coordinador atopou en GalegoLab tres colaboradores.

- A galega para 145 millóns de usuarios e A lingua galega máis alta no Twitter

(http://galegolab.org/proxecto-realizado/a-lingua-galega-mais-alta-no-twitter-3), dúas iniciativas que colocaron a etiqueta #galega entre os temas do momento na rede social Twitter o 6 de outubro e o 17 de decembro de 2010, para conmemorar o aniversario do primeiro mitin político en galego e o cabodano da execución de Pardo de Cela, respectivamente.

- Falemos de cinema na nosa lingua (http://galegolab.org/proxecto-realizado/falemos-de-cinema-na-nosa-lingua-1/). Neste proxecto, os directores d’A Cuarta Parede, unha revista dixital de crítica cinematográfica, atoparon catro persoas que lles axuden a traducir os artigos que os colaboradores lles envían noutros idiomas.

- Twitter en galego (http://galegolab.org/proxecto-aberto/twitter-en-galego/) atopou xente voluntaria para facer a tradución ó galego da rede social. Actualmente estase á espera de que opropio Twitter a autorice.

- Documental audiovisual sobre a diáspora galega (http://galegolab.org/proxecto-

realizado/documental-audiovisual-sobre-a-diaspora-galega/) tivo como obxectivo buscar recursospara a realización dun documental (en preproducción) sobre a nova diáspora galega, a 2.0, máis vencellada á terra gracias ás novas tecnoloxías do que o estiveran os emigrantes de xeracións

anteriores

Posted via email from Certo.gl, o xornal dixital de Barbanza e Noia

Dodro: últimas actividades realizadas en Servizos Sociais e polas Letras Galegas

See the full gallery on Posterous

Dodro, 29 de maio de 2012. Os maiores de Dodro rematan de chegar dunha viaxe de 5 días a Santander (do 23 ao 27 de maio) organizada pola Concellería de Servizos Sociais e Igualdade que dirixe Marisol Boga. Entre outros lugares visitaron en Asturias a fábrica de sidra “O Gaiteiro”, Villaviciosa, Covadonga, Cangas de Onis y Cudillero.

Xa en Cantabria realizáronse visitas á cidade de Santander, Isla, San Vicente de la Barquera, Santillana del Mar, Comillas, Torrelavega e Suances. Tamén realizaron unha visita guiada ao Parque de Cabárceno do que trouxeron un vídeo personalizado de recordo, e unha visita guiada ás Covas de Altamira onde visitaron a réplica das covas.

Tamén disfrutaron de dúas noites de cea-baile e unha de xogos. Os participantes quedaron moi satisfeitos coa viaxe e xa solicitaron á concelleira máis e novos destinos. A concellería valora estas saídas e retoma así as viaxes lúdicas de varios días para os maiores que se deixaran de realizar nos últimos anos.

FALAREDES

See the full gallery on Posterous

O pasado xoves, 24 de maio, preto de 20 escolares do Concello de Dodro, de idades entre os 6 e os 12 anos subíronse a caravana do programa FalaRedes da Secretaría Xeral de Política Linguística, convertida en cine itinerante, para ver diversas curtametraxes de animación feitas en Galicia e en galego.

A actividade foi presentada pola Concelleira de Cultura do Concello de Dodro, Cristina Codesido Fernández, e ten por obxecto a promoción do uso da lingua galega entre a infancia e desde o tempo de lecer, empregando como recurso as novas tecnoloxías e máis en concreto, o cine.

Entre as 5 e as 8 da tarde, as nenas e nenos participantes achegáronse á caravana situada na explanada do pavillón polideportivo do Concello, visionaron diferentes filmes, realizaron actividades de comprensión sobre os mesmos e posteriormente elaboraron un conto orixinal que converteron en curtametraxe grazas á técnica do video-matón. O final da tarde as familias das/os participantes disfrutaron da película que resultou destas gravacións e que xa se pode consultar en internet, no canal de Youtube Galego de Cine.

A caravana de FalaRedes está a percorrer outras vilas galegas pertencentes a Rede de Dinamización Lingüística, cando finalice esta viaxe farase un concurso no que se premiarán os mellores contos en galego que foron gravados en vídeo e naceron grazas a esta actividade; as persoas gañadoras recibirán o libro-DVD O soldadiño de Chumbo.

DEPENDENTES A DOMICILIO

Tamén o  24 de maio fíxose entrega dos diplomas do curso formativo “Mantemento e rehabilitación psicosocial das persoas dependentes no domicilio”, o segundo dos cursos que, subvencionados pola Deputación Provincial de A Coruña, organizou o Concello de Dodro na súa aposta pola formación contínua das persoas coidadoras.
O primeiro, que se levara a cabo en datas anteriores e consecutivas, versara sobre a “Administración de alimentos e tratamentos no domicilio”, acadando en total ambos cursos as 80 horas de formación. Entre aplausos, as 30 persoas asistentes recibiron de mans do alcalde de Dodro, Valentín Alfonsín, o diploma que acredita a súa participación.
 

Organizadores, ponentes e participantes coincidiron na necesidade de seguir promocionando actividades formativas, nun horario adaptado á conciliación da vida laboral e doméstica do alumnado, para “medrar en calidade nos coidados das persoas dependentes ao noso cargo, non so dándolles as atencións físicas que necesitan, senón aprendendo maneiras de que teñan de novo as habilidades perdidas, para que elas e nós nos sintamos mellor”.
A Concellería de Servizos Sociais e Igualdade do Concello de Dodro, que dirixe  Marisol Boga, ten entre os seus obxectivos fundamentais o desenvolvemento dun programa de atención ás persoas maiores dependentes e ás persoas coidadoras, con actividades como estes cursos pero tamén  outras de atención domiciliaria e respiro familiar que están tendo moi boa acollida.

Antes, en Certo:

Queixas: sobre o curso de informática

 

Posted via email from Certo.gl, o xornal dixital de Barbanza e Noia

Porto do Son: a sala Perseveira programa sesións de contadas para alumnado de Infantil

• A vindeira será o martes 29 de maio para os de Portosín e Nebra

[[posterous-content:pid___0]]Imaxe da contada de hoxe para rapazada de Xuño, Carballosa, Baroña e Caamaño

Porto do Son, 23 de maio de 2012. O equipo da Biblioteca do IES Porto do Son, no marco do seu programa de dinamización da lectura, vén desenvolvendo unhas sesións de contadas para o alumnado de infantil dos colexios do Concello.

O principal obxectivo desta actividade é poñer en valor o hábito da lectura a través duns xogos dramáticos, así como amosar as múltiples posibilidades da sala,  para o que un grupo de alumnos e alumnas do centro, dirixidos pola profesora Ánxela Doval,  elixiu uns contos e interpretounos ante os máis pequenos.

Á sesión realizada o mércores 23 para os centros de Xuño, Carballosa, Baroña e Caamaño, na que participaron aproximadamente 90 nenos e nenas, ofrecerase tamén aos colexios de Portosín e Nebra o vindeiro martes, 29 de maio.

Crónica-fotos-vídeos do q dou d si o día d onte adicado n Nebra a S Rita @JerusalenOrq @galiciaenfestas @Weborquestas5c nebra.blogaliza.org/2012/05/23/rom…

— Francisco Calo (@pacodomartelo) May 23, 2012

Q seria d 1 festa sen fogeteiro, d día ou d.. noite.. sen facer moito escándalo @Certo @galiciaenfestas @Weborquestas5c twitter.com/pacodomartelo/…

— Francisco Calo (@pacodomartelo) May 23, 2012

Se maio vén de auga, é tempo de ir ver fervenzas. A de Ribasieira, en Porto do Son, por Xosé Antón Castro flic.kr/p/c44LAS

— Certo (@Certo) May 23, 2012

Posted via email from Certo.gl, o xornal dixital de Barbanza e Noia

A Pobra do Caramiñal: o Concello, gobernado polo PP, posiciónase a prol do castelán con Galicia Bilingüe, denuncia o Psoe

Páxina onde sae a publicidade dos concellos. Na outra páxina "Puebla" repetidas veces

A Pobra do Caramiñal, 19 de maio de 2012. A asociación sen ánimo de lucro “Galicia Bilingüe”, que se autodefine como “apartidista e independiente” vén de presentar recentemente en Vigo unha revista de vintecinco páxinas á que denominan “Vosotros” (dispoñible en dúas versións, unha en castelán e outra en castelán e galego na páxina www.galiciabilingue.es) na cal o Concello da Pobra comparte co de Ribeira –ambos gobernados polo PP- unha páxina completa a toda cor anunciando a súa marca turística… en castelán, vén de denunciar a portavoz do Psoe da Pobra, Teresa García Guillán.

"En ambas versións, castelán e “bilingüe”, o Concello da Pobra anúnciase institucionalmente en castelán, posicionándose dentro desa suposta liberdade de elección do idioma que di defender “Galicia Bilingüe” a favor do castelán, utilizando o medio de expresión desa asociación como plataforma para a definición da preferencia política do Sr. Maceiras", sinala a concelleira socialista pobrense.

A revista, que debe ser o vehículo de expresión do que o colectivo que a edita entende por "pluralismo lingüístico", repite na súa curta estensión o topónimo castelanizado “PUEBLA DEL CARAMIÑAL” -ou abreviado como “PUEBLA” ou “LA PUEBLA”- en máis dunha ducia de ocasións, "sen que ao Sr. Maceiras lle trema o pulso á hora de asociar a imaxe da vila co perfil editorial da publicación, a pesar da utilización impropia e reiterada do nome do concello, sen amosar respecto algún polos graves sucesos producidos nos anos oitenta e noventa en torno ao emprego ilegal do topónimo histórico castelanizado", apunta Guillán en nota de prensa.

Unha parodia da revista "Nós"

"Os Socialistas da Pobra consideramos desafortunado que o Concello da Pobra vincule a súa imaxe turística cunha revista de marcado corte ideolóxico -cuxo nome é unha parodia do da revista "Nós", referente do galeguismo-, no que constitúe unha clara vontade política do PP de sufragar correntes de opinión afíns con miras pre-electorais, asumindo gastos de difícil xustificación nun contexto de desmantelamento sistemático dos servizos públicos, e lamentamos o uso partidista do idioma como manobra de distracción sobre os duros recortes nos niveis máis esenciais dos dereitos básicos, abrindo sen pudor vellas feridas tocante ao topónimo do Concello con manifesto desprezo da paz social conseguida arredor do topónimo oficial, que como Alcalde debera defender", remata a nota dos socialistas pobrenses.

Pode que tamén lle interese:

• A Pobra: este sábado 19, acto polas Letras Galegas ás 21:00

• Presentación de libro: o venres 25 de maio, Dark Butterfly

Os Concellos da Pobra e de Ribeira financian a nova revista ("Vosotros") de Galicia Bilingüe ir.gl/a8cb9 Haberá que "felicitalos"?

— Certo (@Certo) May 17, 2012

As amizades perigosas de partidos e dos Concellos da Pobra e de Ribeira do Caramiñal (vala a boutade), por Filipe Díez: enredando.blogaliza.org/2012/05/17/les…

— Certo (@Certo) May 18, 2012

Vosotros: Les liaisons dangereuses [Filipe diez] ir.gl/600e12 #chuza!

— chuza (@chuza) May 18, 2012

 

 

Posted via email from Certo.gl, o xornal dixital de Barbanza e Noia

Ribeira: o venres 13 de abril, "Ferramentas na Rede", iniciativa para empregar a lingua galega coas novas tecnoloxías

•  Aberto gratuitamente para público maior de 16 anos na aula multimedia

[[posterous-content:pid___0]]Imaxes da presentación do programa FalaRedes en Compostela

Ribeira, 12 de abril de 2012.- A Aula Multimedia vai ser escenario no día de mañá, venres 13 de abril, da iniciativa Ferramentas na Rede: un curso dirixido á posta en valor do uso das novas tecnoloxías para a mellora do uso de galego.

Esta acción terá lugar de 20.30 a 22.30 horas e os participantes obterán información sobre as aplicacións que hoxe en día están a disposición en Internet para a mellora en competencia lingüística e para dar a coñecer a posibilidade e beneficios das ferramentas (software, dicionarios, blogues, páxinas de interese...) existentes en galego.

“Ferramentas na rede” desenvólvese en colaboración co profesor colaborador da Xunta de Galicia que está a impartir formación de adultos para a obtención dos títulos CELGA; e vai dirixida fundamentalmente ao seu alumnado, aínda que está aberta gratuitamente ao público maior de 16 anos en xeral que desexe achegarse polas instalacións situadas na avenida do Malecón, baixo a sede da Confraría de Pescadores.

Proxección audiovisual

A sesión completarase coa proxección do capítulo piloto da serie televisiva, Mareas Vivas, na que o alumnado poderá comprobar diferentes rexistros lingüísticos do galego e variedades dialectais; co que complementan a súa formación en lingua oral de cara a aprobaren os exames CELGA.

A técnica do Servizo de Normalización Lingüística, Alicia Padín, será a formadora nesta aula.

O sábado 14 de abril, Títere-Hop en Ribeira. Rimas, monicreques e gravacións. No programa FalaRedes. 2 sesións flic.kr/p/bLwPhT

— Certo (@Certo) April 11, 2012

O documento do ano pasado:[[posterous-content:pid___1]]https://twitter.com/#!/Certo/status/190025592643665921

A 1 de xaneiro de 2011 a idade media da poboación galega situouse en 45,1 anos (Ourense 48,7) ige.eu/igebdt/esqv.js…

— IGE Estatística (@IGE_Estatistica) April 12, 2012

Pesca: a lonxa de Ribeira bate o récord de facturación en marzo con ventas por 4,5 millóns de euros post.ly/6i0rG

— Certo (@Certo) April 12, 2012

Ribeira: comeza este xoves 12 a escola municipal de break-dance, con 16 inscritos post.ly/6gY7m

— Certo (@Certo) April 11, 2012

Posted via email from Certo.gl, o xornal dixital de Barbanza e Noia

Dodro: o Concello contribúe á difusión da guía Agasallo.eu co seu servizo de Normalización Lingüística

21/12/10 14:51

O Concello de Dodro, a través do seu Servizo de Normalización Lingüística está a difundir Agasallo. Propostas de regalos en galego, unha guía editada pola Área de Normalización Lingüística da Deputación da Coruña en colaboración coa Coordinadora de Traballadores/as de Normalización da Lingua (CTNL), e na que se dan arredor de 250 ideas de regalos en galego para o tempo de Nadal.
 

Agasallo inclúe unha selección de novas creacións e produtos, de libros, discos, aparellos electrónicos, fragrancias, camisolas, cinema, xogos, etc. E, aínda que necesariamente só poden estar algúns dos que son, son todos os que están. Porque todas as ideas que inclúe este catálogo teñen unha cousa en común: a lingua galega.

A personaxe mítica do Nadal galego que lle trae agasallos aos nenos e ás nenas, o Apalpador, fala galego e dispón de todos os agasallos que aparecen na guía. Ao Papá Noel e mais aos Reis Magos, que falan todas as linguas do mundo, failles tamén moita ilusión que en cada lugar se fale e apoie a lingua propia e que, polo tanto, apoiemos os produtos e creacións en galego.

Por estas razóns, desde a Deputación da Coruña, desde a CTNL e desde o Servizo de Normalización Lingüística do Concello de Dodro se quere contribuír a visibilizar a lingua galega e a recomendar os agasallos que a usan, que son moitos, e dos que na guía figuran algúns.

Así, quérese contribuír a difundir socialmente os produtos de agasallo en galego de todo tipo e para todas as idades; a promocionar os produtos culturais e, polo tanto e ao mesmo tempo, a promocionar a nosa música, a literatura, o cinema, etc. Deste xeito procúranse aproveitar as festas do Nadal para promocionar a lingua galega para contribuír a que estea presente na vida social cotiá e no lecer.

Do catálogo Agasallo editáronse 45.000 exemplares, que son distribuídos principalmente a través dos 46 servizos de normalización lingüística (SNL) que existen nos diversos concellos da provincia. Tamén está dispoñíbel a través do enderezo web www.agasallo.eu.

O SNL de Dodro distribúe 350 exemplares entre os diferentes centros de ensino e espazos públicos municipais.

www.agasallo.eu

via concellodedodro.org

Posted via email from Certo.gl, o xornal dixital de Barbanza e Noia

Internet: a difusión da lingua #galega en Twitter deixou hoxe, entre as catro e cinco da tarde, unha pegada histórica

A galega para 145 millóns de usuarios

Creado e xestionado por Henrique Sanfiz | 17 de setembro ás 17:58

Etiquetado como Twitter, lingua, galega

Tentouse posicionar e divulgar o conceito de lingua galega entre os 145 millóns de usuarios de twitter. Buscouse dar a coñecer a existencia do noso idioma no mundo, un xeito máis de lograr prestixialo.

Esta proposta trataba de visibilizar a lingua galega no mundo a través da súa presenza no twitter, rede social que conta con 145 millóns de usuarios, segundo dados de comezos deste mes de setembro. O obxectivo foi posicionar o hashtag #galega entre os "trending topics" (temas do momento) en Twitter.

A proposta foi que se divulgase a iniciativa entre os usuarios de twitter (ou xente disposta a darse de alta nesa rede) a se enviaran twits con ese hashtag o dia 6 de outubro entre as 4 e as 5 da tarde, conmemorando así os 103 anos dende que Manuel Lugrís falou en galego por primeira vez nun mitin político celebrado en Betanzos.

Na iniciativa puidéronse implicar tamén a internautas de Portugal e Brasil, divulgando alí que é a lingua galega as súas orixes, e onde situamos a Galicia.

Por suposto tamén a toda América Latina e aos galegos residentes en calquera parte do mundo.

Estudos optimistas indicaban que bastan con 500 usuarios e 1200 twits para aparecer na lista dos 10 "trending topics" de Twitter. Os bibliotecarios fixeran no pasado mes de agosto unha iniciativa similar e non lograron aparecer a pesar de superar esa cifra.

Logrouse poñer #galega como o tema do momento durante esa hora en España (e como o quinto hashtag do día), con máis de 1300 twits feitos por case 300 usuarios.

via galegolab.org

Posted via email from Certo.gl, o xornal dixital de Barbanza e Noia

Opinión: Bóveda relaciona turismo e lingua en Perspectiva cabaleira

via certo.es

"Supoño que bilingüismo (estou falando do bilingüismo serio, nin monolingüísmo eufemístico nin diglosia) o hai en tantas vilas e cidades como ten a Galicia pero non deixa de abraiar que nos establecementos deste lugar onde estou, e tras escoitar como falas galego coa túa compaña, che respondan nun castelán impostado destinado sen dúbida ás masas turísticas madrileñas (ou ren)".

Todo o artigo en http://certo.es/index.php?page=vecinos_invasores

Posted via email from Certo.gl, o xornal dixital de Barbanza e Noia

Lingua galega: fallados os premios "Lingua de amor", cun terceiro para Outes

3.º Premio: Querer con pronome, Jessica Amado Dosil (Outes)

“Cheísta de corazón, nunca sei se "che quero" ou "te quero".
Eu, para asegurarme,
quéroche e quérote.
En tódalas variedades dialectais posibles, meu sol.”

via culturagalega.org

O resto dos premiados, cos seus textos, en http://www.culturagalega.org/noticia.php?id=17135

Posted via web from Certo.gl, o xornal dixital de Barbanza e Noia

Lingua galega: dende a capital americana do polo frito, "Vive o galego"

via youtube.com

Zan Hoffmann -usuario zanstones de Youtube- compuxo este tema en defensa do idioma e fixo o vídeo -tan mareante como a canción- na Serra da Capelada, ao pé do santuario de San Andrés de Teixido. "Inspired by modern and historic Galego language prosecution I was inspired to write this Galego language anthem", argumenta.
Lyrics:
Galego translation by Ana Belén Barrera:
Vive o galego!
Esta é a historia dun home que é po,
cuxo nome, se o dis, deixa mal sabor de boca.
Un día embebedouse co poder e,
drogado pola desconfianza,
tratou de borrar das bocas da súa xente
as verbas coas que falaban dos seus mundos e das súas vidas
Dixo: para avanzar cara o futuro, a vosa lingua ten que morrer
E este home esmagou o que non puido destruír
Pero as verbas dun pobo resisten unha vida de odio e rancor
Agora el é po, e a lingua está viva
Franco está morto mais vive a Galiza
Franco non puido co galego, aínda que o intentou.
Este conto non rematou no setenta e cinco
Ao inferno co estado!!!
Fala galego para que sobreviva"
Quen é Zan Hoffman?

O seu MySpace: http://www.myspace.com/zanhoffmanlive
E a súa estadía por estas terras en http://zhspain.blogspot.com
(vía Vieiros)

Posted via web from Certo.es, o xornal virtual de Barbanza e Noia

Lingua galega: a rusa como arma cómoda de futuro en Aguiño

via 4.bp.blogspot.com

Xa lles faláramos en http://certo.posterous.com/lingua-galega-os-do-ceip-de-aguino-ponen-as-r das rusas, as zapatillas da avoa, as máis cómodas para andar pola casa. Tanto, que de cote vemos polas rúas señoriñas (coma no Facebook, señoras que...) que as empregan para ir facer pequenos recados, desbotar o lixo ou mesmo pasear á cadela.
Con este obxecto cotián, os do colexio de Aguiño seguen a facer campaña a prol do emprego do idioma dun xeito moi creativo. O que ven na imaxe é unha espiral, figura xeométrica moi ligada a moitas das nosas vellas pedras. Mais esta acción non é a única coas rusas como eixo: pásense por http://heroinasdesalvora.blogspot.com/search/label/o%20zapatillazo e verán máis.
(Nota de Certo: esta entrada no xornal foi feita tamén en rusas. Cousas do teletraballo co teletrebello).

Posted via web from Certo.es, o xornal virtual de Barbanza e Noia

Lingua galega: botou a andar "Galego Lab", plataforma crowdsourcing para difundir o noso idioma

Novas ideas que están esperando que as valores

Velas todas
Tes unha idea?

Flashgalego

Xestionada por GalegoLab | 4 de xuño ás 14:09

Etiquetado como Música, a coruña, flashmob, praia, baile

Idea

Ida e volta

Xestionada por GalegoLab | 4 de xuño ás 13:28

Etiquetado como Música, Vigo, cidades, concerto, a coruña

Idea

via galegolab.org

Xa estamos rexistrados... Somos o usuario Certo. E vós a que agardades?

http://galegolab.org

E xa que estamos... Queremos que volte Flocos.tv!!!!!!!

Posted via web from Certo.es, o xornal virtual de Barbanza e Noia

Lingua galega: os do Ceip de Aguiño poñen as rusas tamén en galego

via equiposndlbarbanza.blogspot.com

Habitantes de todo o mundo que non vivides en Aguiño ou arredores: que son as rusas? Temos que sacar o "Dissionario de vocablos perdidos", feito con moito "solás" pola Cofradía da Dorna e buscar:
"Rusas: sapatillas de tua abuela". Pois iso.
Esta imaxe é unha das moitas da última campaña gráfica a prol do galego que fixo o Equipo de Innovación en Normalización Lingüística do colexio de Aguiño.

Posted via web from Certo.es, o xornal virtual de Barbanza e Noia

Lingua galega: Carlos Callón e Craig Patterson, dous entrevistados por Certo na manifestación do 21 de xaneiro

via youtube.com

Comenta Xensboy neste vídeo:
"Impresionante intervención do ribeirense Carlos Callón en defensa do fermoso idioma da nosa terra, nunha praza do Obradoiro chea, coa presencia de moitos educadores e estudantes.

Gustoume moito a participación do galés Craig Patterson.

Penso que é importante, e triste, o tema dos Teletubbies. Mesmo unha serie subversiva como a xaponesa Shin-Chan ten a virtude de ensinar un bo galego aos nenos. Todo o mundo sabe que a dobraxe galega desa serie é moi superior á que se fixo en castelán. O castelán que é, por certo, unha lingua que amo.

O castelán non está en perigo, pero o galego si".

En Certo entrevistamos a Callón en http://certo.es/index.php?page=carlos_manuel_callon
e a Craig Patterson en http://certo.es/index.php?page=craig_patterson

Posted via web from Posterous de Certo, o xornal virtual de Barbanza e Noia

Primeiras fotos da manifestación por Berto Yañez

Un medio menos. Sentímolo...

Aclaracións sobre o peche de InfoRosal.com
Novidades
Venres, 16 de Maio do 2008

Dende a Administración da web InfoRosal.com, e diante de diferentes opinións que se están dando a respeito dos motivos do peche deste portal informativo, queremos facer as seguintes aclaracións:



1. O peche de InfoRosal.com obedece única e exclusivamente a unha decisión do Administrador desta web, e debido a falla de disponibilidade para poder continuar coa labor que agora mesmo desenvolvia, deixando a porta aberta a unha reformulación deste proxecto informativo.
2. Non houbo ningún tipo de "presión exterior" para tomar esta decisión.
3. Os contidos do web, foro e galería de imaxes, permanecerá a disposición dos usuarios deste portal até que caduque o rexistro do dominio inforosal.com, que será en abril de 2009.
4. Asi mesmo, o foro permanecerá activo até esa data -abril de 2009- coa posibilidade de que os usuarios se rexistren e participen nos debates, etc.


O Administrador de InfoRosal.com tamén quere dar as grazas a todas as persoas e usuarios deste portal que lle teñen mostrado o seu apoio a este proxecto informativo.



Estamos seguros que o futuro depararanos agradables sorpresas.



Unha vez máis, grazas.

Até aqui chegou InfoRosal.com
Novidades
Xoves, 15 de Maio do 2008

O mes pasado celebramos o terceiro aniversario deste medio virtual de información da comarca do Baixo Miño. Miles de noticias colgadas, reportaxes, dossiers, colaboracións....



Pero todo ten un principio e un fin, e hoxe InfoRosal.com pon fin a súa andaina, nun momento doce en canto a número de visitas, mais por diversas razóns que non ven a conto enumerar aqui, fechamos.



Grazas a todos e todas que día tras día estiveches aí.

Lingua galega en Ribeira

Aberto o prazo de inscrición CURSOS DE LINGUA GALEGA O Servizo de Normalización Lingüística do Concello de Riveira pon en coñecemento dos cidadáns e cidadás que está aberto ata o día 20 de marzo de 2008 o prazo de inscrición nos cursos de capacitación en lingua galega, correspondentes aos niveis de formación CELGA 1, 2, 3 e 4, convocados pola Secretaría Xeral de Política Lingüística da Xunta de Galicia. Nota: Tamén se poden inscribir por medio dun correo electrónico no que indiquen o seu nome e apelidos, DNI e curso (CELGA 1,2,3,4) ao correo do propio servizo (normalizacion@riveira.com)

Concello de Riveira

Blogged with Flock