Audiovisual: só se atopan vídeos de Ribeira e Noia no arquivo en Internet do NO-DO

NOT N 1659 A

• NOT N 1659 A

Ribeira

NOT N 86 A

• NOT N 86 A

Atopastes máis vídeos de Barbanza ou Noia en http://www.rtve.es/filmoteca/no-do ? Avísanos e poñémolos!

Posted via email from Certo.gl, o xornal dixital de Barbanza e Noia

Ribeira: bases do Festival de Murgas e Comparsas do Entroido, a celebrar o martes 12 de febreiro

• Máis de dous mil euros en premios e 200 euros de gratificación por participar, segundo os casos

BASES

 

1.- Establécense dúas categorías de participación:

- Infantil: ata 15 anos (incluídos).

- Adulto: dende os 16 anos (incluídos).

 

2.- As murgas e comparsas deberán estar formadas por un mínimo de 14 participantes, sen límite máximo. Na categoría infantil ademais deberá contar con 1 adulto (como máximo) por cada 2 nenos/as.

 

3.- Deberán representar a unha asociación, entidade ou agrupación, establecendo o máximo permitido de unha murga ou comparsa por categoría, modalidade e asociación.

 

3.1.- Establécense as seguintes categorías e modalidades:

a) Murgas (persoas adultas): Máx. 15 agrupacións, das que doce serán do termo municipal e tres do resto de Galicia. De non cubrirse os máximos admitiranse todas as solicitudes presentadas que reúnan os requisitos destas bases.

b) Murgas (infantil): Máx. 5 agrupacións.

c) Comparsas: Máx. 5 agrupacións.

Serán seleccionadas pola organización tendo en conta en primeiro lugar a antigüidade de participación neste evento e en segundo lugar a data e número de rexistro da súa inscrición no festival.

 

4.- Para ambas as dúas categorías (infantil e adulta), as letras das MURGAS deberán ter unha extensión máxima de 1 canción, non superiores no seu conxunto a 60 versos, nin cunha duración total superior a 8 minutos (incluíndo música, posta en escena e coreografía).

 

5.- O vestiario debe estar en consonancia con algún dos temas principais das letras das murgas ou un tema de actualidade ou interese xeral.

 

6.- Poderase introducir elementos complementarios en relación coa interpretación dos temas e letras, sempre que non constitúan un risco nin perigo para a cidadanía ou motivo de ofensa á honra e dignidade das persoas, asumindo o representante de cada murga ou comparsa a responsabilidade ante reclamacións de terceiros que puideran xurdir en canto ás letras, músicas, vestiarios e outros.

 

7.- Establécese como data límite de inscrición e de presentación das letras o MARTES 5 de febreiro do presente ano, antes das 13:30 h, no Rexistro Xeral do Concello ou no Auditorio Municipal. Entenderase que a non presentación dará lugar á non participación no Festival de Murgas.

 

7.1- Xunto coa solicitude de participación, achegarase letra/s da murga debendo ademais presentalas en soporte dixital xunto ao logo identificativo da agrupación (cd, pendrive, email...), relación dos integrantes do grupo (murga ou comparsa), co nome e apelidos de cada participante, así como o nome da Murga ou Comparsa. No caso de non tratarse dunha entidade deberán presentar fotocopia de DNI de todos os integrantes da Murga ou Comparsa e aplicaráselle o IRPF correspondente á gratificación e/ou premio que corresponda. Tamén haberá que nomear un representante de cada grupo ante o Concello, que deberá entregar fotocopia do DNI e datos fiscais (CIF da entidade) para o pago da gratificación/premio correspondente.

 

8.- As murgas participantes comprométense a tomar parte no desfile previo á celebración do festival no lugar e hora que a organización estableza, así como a animar o pasarrúas.

 

9.- O Festival celebrarase da seguinte maneira: subirán ao escenario as comparsas participantes para lucir a súa vestimenta –a súa actuación non excederá de 3 minutos-, actuarán a continuación as Murgas da categoría Infantil, e ao rematar estas, As da categoría de persoas Adultas. Todas elas por orde alfabética.

 

10.- Establécese a contía total de 3.800 € para as gratificacións e 2.200 € para os premios, segundo o seguinte sistema de reparto para as distintas categorías e/ou modalidades:

 

10.1.- Gratificacións por participación:

a) POR CATEGORÍA/MODALIDADE: Máx. 200 € para cada Murga (infantil ou adulta)

Máx. 200 € para cada Comparsa

b) POR AMBAS DÚAS CATEGORÍAS:

No caso de que algunha asociación estea representada nas dúas categorías/modalidades a gratificación será en conxunto por importe máximo de 300 € (os membros de cada unha das murgas (infantil/adulta) ou comparsas deberán ser diferentes entre si e acadar os mínimos requiridos).

Nota: No caso de que as gratificacións aos grupos participantes excedan a contía total destinada aos mesmos o reparto será proporcional entre todas elas ata o límite establecido. Ás gratificacións aplicaráselle a retención fiscal que corresponda segundo a lei.

 

10.2.- As murgas, na categoría de Adultos, optarán os seguintes Premios:

- Primeiro Premio: 1.000,00 €

- Segundo Premio: 500,00 €

- Terceiro Premio: 350,00 €

- Especial Premio Local: 350,00 €.

(No caso de que ningunha murga adulta do municipio de Riveira acadase un dos tres premios establecidos, este galardón entregaráselle á agrupación local que obtivese a maior puntuación).

 

10.3.- As murgas premiadas quedarán excluídas das gratificacións e as murgas infantís e

comparsas, non optarán a ningún premio.

 

11.- Para establecer os premios, existirá un Xurado que estar á composto por seis membros: cinco profesionais (un por cada categoría a valorar: Letra, Música, Vestiario, Maquillaxe, e Posta en escena) e pola Concelleira de Cultura e Festexos –ou quen designe- que ostentará a presidencia do mesmo.

Cada membro contará con voto -1, 3 e 5-. A secretaría do xurado recaerá nun representante da Área de Cultura, con voz pero sen voto. A votación será inmediata ao remate de cada unha das actuacións. A decisión do Xurado será inapelable. En caso de empate priorizarase o criterio do xurado xa que os premios

son individuais e indivisibles.

 

12.- Ao remate do festival farase entrega a cada murga e/ou comparsa dun diploma acreditativo da gratificación, así como do premio obtido aos galardoados, que serán canxeables polo importe sinalado nos mesmos e recollido nestas bases, e faranse efectivos mediante transferencia bancaria nos Servizos Económicos do Concello nos días posteriores ao festival. A non presenza do representante designado por cada murga ou comparsa, no momento da entrega dos diplomas e galardóns e durante todo o Festival, considerarase motivo de renuncia á gratificación e/ou premio correspondentes, que inmediatamente pasarán a disposición da organización.

 

13.- Todas as murgas e comparsas participantes deberán aceptar estes criterios no momento da súa inscrición no festival; a organización será competente para resolver calquera dúbida xurdida das presentes bases.

 

Máis información:

AUDITORIO MUNICIPAL

Praza dos Mariñeiros -RIVEIRA

Teléfono 981.83.56.50 – Fax 981 873209

Correo electrónico: culturaefestexos@riveira.com

www.riveira.com

 

Posted via email from Certo.gl, o xornal dixital de Barbanza e Noia

Cultura: o ribeirense Francisco Castro Alvaredo gañou o II certame de relatos de Adega "O lugar onde vivo"

• Pode ler o relato gañador na fin desta información[[posterous-content:pid___0]]O ribeirense Francisco Castro recolle o premio

Ribeira, 7 de xaneiro de 2013. ADEGA e o delegado de Cultura e Turismo da Deputación de Lugo, Mario Outeiro, entregaron hoxe os premios do II Concurso Fotográfico “Fotografías polo territorio”, do II Certame de Relatos ‘O lugar onde vivo’ e do I Certame de Curtametraxes ‘E ti que é o que ves”, que organiza ADEGA en colaboración coa Vicepresidencia da Deputación de Lugo. Os tres certames en enmárcanse dentro da campaña “PONTE NO MEDIO. MÓVETE POLO TERRITORIO”, nacida co gallo de que a sociedade retrate o estado actual do territorio galego a través da imaxe e da palabra, e están patrocinados pola Área de Cultura e Turismo da Deputación de Lugo. Nesta edición achegáronse 50 fotografías, uns 40 relatos e 8 curtametraxes procedentes de toda a xeografía galega: Mugardos, Agolada, Lalín, Lugo, Cerceda, As Nogais, Vilar de Santos, Cedeira, Ourense, Ribeira, Brión, Arbo, Pontecesures, etc. Entre os gañadores do certame de relatos destaca o ribeirense Francisco Castro Alvaredo, que leva 250 euros e diploma polo relato "Ribeira".

Segundo explica Adega, "no caso do certame literario tamén participaron máis de 40 relatos, e para decidir os gañadores, o xurado baseouse na orixinalidade, na calidade literaria, na coherencia do código lingüístico empregado e que o territorio galego figurase no relato".

[[posterous-content:pid___1]]Grupo de premiados

Cómprenos salientar que unha entrevistada en Certo hai ben pouco, con conexións en Porto do Son, a vedrense Marisa Otero, foi a gañadora do segundo premio de relatos con "O anel" e tamén a gañadora do I concurso de curtas "E ti que é o que ves?", coa curta "Cóntame como era". Levou 250 euros e diploma por isto, namentres que polo relato só diploma.

Este é o relato premiado, "Ribeira":

[[posterous-content:pid___2]]

Relacionada:

• Marisa Otero dirixiu "Nebra", curta sobre os Mártires de Cans de Porto do Son

Entrevistamos a Pitusa Arias, unha das autoras de "Bóveda, un alegato pacifista contra a inxustiza". certo.es/index.php?page…@radiofusionga

— Certo (@Certo) January 7, 2013

Ribeira: o rianxeiro Marcos Saborido, o padronés Jesús Bustelo e o ribeirense Pablo Chouza gañaron os torneos de ten... post.ly/A62bT

— Certo (@Certo) January 7, 2013

Posted via email from Certo.gl, o xornal dixital de Barbanza e Noia

Ribeira: o rianxeiro Marcos Saborido, o padronés Jesús Bustelo e o ribeirense Pablo Chouza gañaron os torneos de tenis de Nadal

Quiero que Pablo Alborán venga a Ribeira.

— Maá ☆ (@Mary_Resu) January 7, 2013

Ribeira, 7 de xaneiro de 2013.- Na tarde do día de onte disputáronse no pavillón de Santa Uxía (Coroso) as finais dos Torneos de Tenis de Nadal de Riveira, organizados polo Concello coa colaboración da Asociación As Miñoteiras e o club Punta Salera.

Ás 16 horas comezou a primeira das finais, pertencente á categoría xúnior masculina, na que Marcos Saborido, de Rianxo, derrotou por 9 xogos a 5 ao boirense Adrián Cespón.

A continuación, o padronés Jesús  Bustelo venceu ao ribeirense Aitor Muñiz por idéntico resultado na final senior masculina.

Gustavo López e Jorge Oujo derrotaron a Jesús Bustelo e Javier Camino na final de dobres por 9-6.

E no último encontro da xornada, o ribeirense Pablo Chouza venceu ao seu compañeiro de club, o vigués Hugo Santorio, por 6-2 e 7-5 na final do Máster Social.

...13 día de encerro, no Concello de Boiro, dos afectad@s polas preferentes. twitter.com/bngboiro/statu…

— bngboiro (@bngboiro) January 7, 2013

O único deportista galego que supera os 1.000 euros anuais de axuda da Xunta é o xogador de squash Borja Golán, que recibirá 1.071,48 euros.

— alfonso hermida (@alfhermida) January 7, 2013

Turismo: @jorgeguitian dalle un repaso a Paradores, unha marca que se está afundindo coa ex muller de Rato á fronte. gourmetymerlin.blogspot.com.es/2013/01/que-pa…

— Certo (@Certo) January 7, 2013

Posted via email from Certo.gl, o xornal dixital de Barbanza e Noia

Cultura: vídeos da presentación de "Extramunde", de Xavier Queipo, no Ateneo de Ribeira

Posted via email from Certo.gl, o xornal dixital de Barbanza e Noia

Ribeira: sete agrupacións musicais e nove carrozas protagonizarán a Cabalgata de Reis

• O Concello tamén informa dos emparellamentos para o torneo de tenis de Nadal que disputa esta fin de semana as finais

Ribeira, 4 de xaneiro de 2013- Mañá sábado terá lugar na cidade de Santa Uxía a tradicional Cabalgata de Reis, que unha vez máis agarda ser un acontecemento multitudinario. No desfile participarán sete agrupacións musicais e de animación da rúa con preto de 200 compoñentes, nove carrozas e o Spresso de Oriente con dous vagóns. Tamén desfilarán un total de 250 nenos e nenas con idades de 5 a 12 anos vestidos de estrelas, mouras, pastores, galleta de xenxibre, paxes verdes, amarelos e vermellos, e paxes reais.

1.200 quilos de caramelos

Como persoal de apoio asistirán 70 persoas, entre o monitorado para o reparto de 1.200 quilos de caramelos, protección lateral das carrozas, Protección Civil, Policía Local e membros da organización, ademais dun servizo especial de ambulancia medicalizada que acompañará todo o percorrido.

Os Reis Magos chegarán por mar á cidade a bordo dunha embarcación da Confraría de Pescadores San Pedro de Ribeira (desembarcarán no pantalán da caseta de Portos). Ás 17.30 horas comezará a cabalgata dende o recheo do Malecón, se ben previamente (ás 17 horas) haberá un pequeno pasarrúas de todos os nenos e agrupacións dende o Auditorio.

Ás 19 horas aproximadamente a comitiva chegará ao Concello, onde as Súas Maxestades serán recibidas polo alcalde. O percorrido incuirá o Malecón, a praza da Concordia, a rúa de Galicia, Romero Ortiz, Malecón, Rosalía de Castro, Concello, 9 de Agosto, Rosalía de Castro e Concello.

Sorteo de agasallos

Melchor, Gaspar e Baltasar terán ocasión de felicitar as festas aos veciños dende o balcón da Casa Consistorial: un acto que servirá tamén para celebrar o sorteo dos tres superagasallos aos que poden optar os nenos e nenas coas rifas que repartiu o Carteiro Real durante as súas visitas polas distintas parroquias do municipio. Os tres superagasallos serán outros tantos monopatíns con casco e proteccións que os nenos: un regalo ideal para estrear a pista recentemente instalada nas inmediacións da praza do Centenario. 

Despois de dirixirse á  veciñanza dende o Consistorio, haberá un espectáculo pirotécnico de luz e son dende as pérgolas da praza e lanzaranse 24 cañóns de serpentinas.

Noutros concellos:

A Pobra: Sae do peirao ás 18.00 horas. Percorren rúa Principal e xiran visita ao belén da Praza

Rianxo: chegan a cabalo ao porto ás 18:30. Visitan belén vivinte e rematan na praza de Castelao, diante do Concello, con tirada de caramelos sen gluten.

Noia: sae ás seis da tarde e fai o percorrido habitual

Dodro: sae ás 17:00 do polideportivo, vai polas parroquias e volta ao Concello, onde haberá agasallos e tamén chocolate con churros

Boiro: Sae ás 17:30 de Lampón, chega ás 19:00 ao concello (caramelos) e volta a Escarabote, ao peirao, onde hai misa ás dez da noite

OS TROFEOS DE TENIS DE NADAL CHEGAN ÁS FINAIS O DOMINGO NO PAVILLÓN DE COROSO

Este domingo 6 de Xaneiro vanse celebrar no Polideportivo de Santa Uxía (en Coroso) as finais dos Trofeos de Tenis do Nadal, organizados polas Concellerías de Deportes e Xuventude, en colaboración co Club de Tenis Punta Salera e a ACD As Miñoteiras.

O horario previsto das finais e o seguinte:

•  
  • 16:00 Final xunior
  • 17:00 Final individual trofeo Miñoteiras, que disputarán o padronés Bustelo e Aitor Muñiz, este último a grata sorpresa do campionato. Claro favoritismo de Bustelo, que encabeza invicto a clasificación da primeira división da liga de inverno, mentres que Aitor Muñiz e 4º clasificado en segunda división.
  • 18:00 Final dobres trofeo Mirador de Padín: será disputado polas parellas Bustelo/Javier Camino e Jorge Oujo/Gustavo, partido que se presume moi igualado, xa que pasan por ser as mellores parellas do Circuíto Miñoteiras.
  • 19:00 Final Master Zonal, que disputan os mellores tenistas federados da comarca.

As tres primeiras finais serán ao mellor de 9 xogos, sendo a final master zonal ao mellor de tres sets. A entrega de premios farase o remate deste partido.

Posted via email from Certo.gl, o xornal dixital de Barbanza e Noia

Ribeira: os torneos de Unicef e Residencial Mirador de Padín dan remate ao 2012 na Fieiteiradeportivo

 

 

Ribeira, 26 de decembro de 2012.- Proseguindo co calendario de competicións para estas datas de Nadal, mañá e pasado mañá terá lugar no polideportivo de A Fieiteira, en horario de tarde, o Trofeo Unicef de Fútbol Sala: un campionato no que terán cabida un total de catro categorías -prebenxamín, benxamín, alevín e infantil-.

 

Este é o cadro de emparellamentos:

 

XOVES 27 DECEMBRO

 

1º PARTIDO CATEGORIA ALEVÍN
15.00	XUÑO	X AGUIÑO A

 

1º PARTIDO CATEGORIA BENXAMIN
15.35	G1) X AGUIÑO A	G1) ATL RIVEIRA B
16.10	G2) ATL RIVEIRA A	G2) X AGUIÑO B

 

1º PARTIDO CATEGORIA  PREBENXAMÍN
16.55	XUÑO	ATL RIVEIRA B

 

CATEGORIA INFANTIL
17.30	G1) O CASTRO	G1) X AGUIÑO B
18.05	G2) ATL RIVEIRA B	G2) X AGUIÑO A

 

2º PARTIDO CATEGORIA ALEVÍN
18.40	PERDEDOR 1	X AGUIÑO B

 

SEGUNDO PARTIDO CATEGORIA BENXAMIN
19.15	G1) PERDEDOR	G1) XUÑO
19.50	G2) ATL RIVEIRA A	G2) X AGUIÑO B

 

SEGUNDO PARTIDO CATEGORIA INFANTIL
20.25	G1) PERDEDOR	G1) ATL RIVEIRA A
21.00	G2)  PERDEDOR	G2) DESCANSA CF

 

VENRES 28 DECEMBRO

 

CATEGORIA INFANTIL
15:00	G1) GAÑADOR	G1) ATL RIVEIRA A
15:35	G2)  GAÑADOR	G2) DESCANSA CF

 

SEGUNDO PARTIDO CATEGORIA PREBENXAMÍN
16.10	PERDEDOR 1	ATL RIVEIRA A

 

3º PARTIDO BENXAMIN
16.55	G1) GAÑADOR	G1) XUÑO

 

 

FINAIS
ALEVÍN	17.30	GAÑADOR 1	X AGUIÑO B
INFANTIL	18.05	1º CLASIFICADO G1	1º CLASIFICADO G2
PITUFOS	18.40	ATL RIVEIRA	SALVORA
BENXAMIN	19.15	1º CLASIFICADO G1	1º CLASIFICADO G2
PREBENXAMINS	19.50	GAÑADOR 1	ATL RIVEIRA A

 

PREBENXAMINS:XUÑO, ATL RIVEIRA A, ATL RIVEIRA B

BENXAMINS: G1) XUÑO, ATL RIVEIRA B, X AGUIÑO A            G2) ATL RIVEIRA A, X AGUIÑO B

ALEVINS: XUÑO, X AGUIÑO A, X AGUIÑO B

INFANTIS: G1) O CASTRO, X AGUIÑO B E ATL RIVEIRA A;    G2) ATL RIVEIRA B, X AGUIÑO A, X DESCANSA CF

TROFEO MIRADOR DE PADÍN

Ademais, esta fin de semana terá lugar no campo de céspede artificial de A Fieiteira un acontecemento deportivo enmarcado no programa de eventos organizados pola Concellería de Deportes para este Nadal. Trátase do Primeiro Trofeo Residencial Mirador de Padín de Fútbol: cita dirixida ás categorías cadete e xuvenil.

Na categoría cadete mediranse un total de sete equipos: Crocha Balompié C. F., Xuventú Aguiño, Atlético Oleiros, Carreira C.F., Sálvora C.F. e Atlético Riveira.

En canto á categoría xuvenil, participarán: Crocha Balompié C. F., Carreira C.F., Atlético Riveira, Xuventú  Aguiño “A” e Xuventú Aguiño “B”.

 

O cadro de emparellamentos e horarios é o seguinte:

	SABADO 29 DECEMBRO
Horario		Categoría
09.30	GRUPO 1:  CROCHA BALOMPIE C.F.- SD XUVENTU AGUIÑO	CADETE
10.15	GRUPO 2:  ATL OLEIROS – CARREIRA C.F.	CADETE
11.00	GRUPO 1:  Perdedor – SALVORA C.F.	CADETE
11.45	GRUPO 2:  Perdedor – ATL RIVEIRA	CADETE
12.30	GRUPO 1:  Gañador – SALVORA C.F.	CADETE
13.15	GRUPO 2:  Gañador –ATL RIVEIRA	CADETE
16.00	GRUPO 1:  CROCHA BALOMPIE C.F. - CARREIRA C.F.	XUVENIL
16.45	GRUPO 2:  ATL RIVEIRA-S.D. X AGUIÑO “B”	XUVENIL
17,30	GRUPO 1:  Perdedor – X. AGUIÑO “A”	XUVENIL
18.15	GRUPO 2:  Perdedor – ATL. OLEIROS	XUVENIL
19.00	GRUPO 1:  Gañador – X. AGUIÑO “A”	XUVENIL
19.45	GRUPO 2:  Gañador –ATL. OLEIROS	XUVENIL
	DOMINGO 30 DECEMBRO
10.30	FINAL	CADETE
11.45	FINAL	XUVENIL

Posted via email from Certo.gl, o xornal dixital de Barbanza e Noia

Ribeira: Renacer alíase co Concello para recomendar á mocidade que se modere co alcol

 

Ribeira, 20 de decembro de 2012.- Coincidindo coa festividade de Nadal, o Concello de Ribeira e a Asociación Renacer, coa colaboración da Asociación Abril e Iniciativa Xove, decidiron lanzar unha campaña de sensibilización encamiñada a un consumo responsable entre a mocidade. O seu nome, “Co alcohol, elixe ben as túas cartas”. 

A concelleira de Ecudación, Mª Carmen Vizcaya; a psicóloga de Renacer, Mª del Pilar Quintela; e Mario Vidal como técnico municipal de Xuventude, foron os encargados de explicar esta iniciativa, que se está a materializar no reparto duns carteis informativos en establecementos dispensadores e centros de ensino.

Tal e como reflectiu Mª del Pilar Quintela, o obxectivo é xerar reflexión entre os xóvenes a través das mensaxes e consellos contidos nestes soportes, tales como o de tomar tragos máis curtos, deixar o vaso na barra entre trato e trago, non mesturar cervexa e licores xuntos, botarlle máis refresco aos combinados e, por suposto, non conducir no caso de que un beba.

Outras accións

Ademais, tanto Vidal como Quintela lembraron outras accións enfocadas a un consumo moderado como poden ser, no caso de Renacer, a campaña desenvolvida no pasado Nadal dentro do Proxecto Alcohol para informar sobre a nova lei reguladora deste tema, a charla impartida polo responsable da Consellería de Sanidade, Jorge Suances; ou os talleres desenvolvidas nos colexios e autoescolas.

Pola súa parte, o técnico de Xuventude recordou a posta en marcha dun programa de ocio alternativo sobre cultura urbana (breakdance, graffiti...) ou a instalación dunha barra de cócteles sen alcohol coincidente cos concertos celebrados no parque García Bayón nas pasadas festas de Santa Uxía, que tamén deron cabida a unhas xornadas de seguridade viaria.

Mª Carmen Vizcaya, que aplaudiu a nova iniciativa, lembrou que o exceso de alcohol é unha causa de preocupación non só entre os mozos senón tamén entre os maiores, que poden tomar boa nota dos consellos apuntados nos novos carteis.

Ribeira: Protección Civil explicará polas parroquias consellos sobre seguridade no fogar durante o Nadal post.ly/A2EAy

— Certo (@Certo) December 20, 2012

A única democracia real é na que decide o povo twitter.com/ptgaliza/statu…

— Partido da Terra (@ptgaliza) December 20, 2012

O pesadelo dun disléxico. Se ademais es daltónico, explótache o cerebro twitter.com/PPopular/statu…

— Xoán Castro (@xoancastro) December 20, 2012

 

Posted via email from Certo.gl, o xornal dixital de Barbanza e Noia

Ribeira: Protección Civil explicará polas parroquias consellos sobre seguridade no fogar durante o Nadal

• Este venres 21 haberá charla en Artes, ás sete da tarde -Centro Recreativo- e terá continuidade noutras parroquias 
• Esta iniciativa está dirixida a todos os veciños que desexen acudir e na mesma se tratarán os seguintes temas:

1. Coñecementos básicos de Primeiros Auxilios
2. Consellos de autoprotección no fogar relacionados co uso de aparellos de calefacción
3. Consellos de autoprotección no fogar relacionados coa iluminación do Nadal

 http://farm6.staticflickr.com/5465/7176637218_c950064b6d_c.jpg
Foto de arquivo de integrantes de Protección Civil de Ribeira

Posted via email from Certo.gl, o xornal dixital de Barbanza e Noia

Ribeira: comezou o novo obradoiro de emprego "Vionta", que remata en xuño do vindeiro ano

• Son 25 persoas, das cales 7 mulleres e 18 homes
• Entre os seus cometidos estará a construción dun novo local social en Carreira, unha tarefa que sacarán adiante sobre todo os de albanelería e carpintería

Ribeira: falamos con Jacobo Otero, que acaba de publicar a súa segunda novela, "Expediente Othalan". @tele_ateneo certo.es/index.php?page…

— Certo (@Certo) December 14, 2012

Alumnado e docentes do novo obradoiro na sesión de inauguración

Ribeira,14 de decembro de 2012.- Un total de 25 persoas (18 homes e 7 mulleres) iniciaron no día de hoxe o novo Obradoiro de Emprego ‘Vionta’: unha iniciativa que se desenvolverá no municipio ata o vindeiro 13 de xuño de 2013.

O arranque do curso contou coa participación do alcalde, Manuel Ruiz, quen se dirixiu ao alumnado e profesorado do obradoiro para explicar cal  é a motivación desta iniciativa que ten un dobre carácter formativo e laboral.

Os 25 alumnos (todos eles maiores de 25 anos que estaban en situación de desemprego) están distribuídos en dúas especialidades: fábricas de albanelería (15 alumnos-traballadores: 13 homes e 2 mulleres) e carpintería (10 alumnos-traballadores: 5 homes e 5 mulleres).

O concelleiro de Emprego, o alcalde e a directora, Sandra Pérez

Persoal docente

O persoal docente está conformado por unha directora (Sandra Pérez), un mestre para cada unha das especialidades (Manuel del Río Valiño para carpintería e Juan Carlos Pérez para albanelería), unha titora (Susana Otero), un arquitecto técnico (José Manuel Gago), un mestre de xestión empresarial (Severino Fontaíña) e unha auxiliar administrativo (Elena Fernández).

A principal actuación que está previsto afronten estes alumnos unha vez aprendan o coñecementos necesarios é o inicio da construción dun novo local social e multiusos na parroquia de Carreira. Fabricar equipamento de madeira para espazos públicos ou mobiliario de madeira para departamentos municipais son outros das accións programadas para o semestre.

O alcalde Manuel Ruiz desexoulles unha frutífera experiencia aos participantes e salientou as iniciativas que a instancias do Concello se están levando a cabo para promover o emprego no municipio. Entre elas, este obradoiro de emprego, pero tamén outras accións como a contratación dunha orientadora laboral, a celebración de cursos dirixidos aos emprendedores ou outras iniciativas auspiciadas dende a mancomunidade Arousa Norte.

Así mesmo, avanzou que dende o Executivo e buscando a colaboración do empresariado local se está traballando na elaboración dun novo plan orientado a facilitarlle aos xóvenes o acceso a un primeiro emprego.

Otra burbuja que deberíamos explotar en 2013 es la del Gobierno Abierto. Instituciones que abren un Twitter y dicen que eso es transparencia

— Antonio Delgado (@adelgado) December 14, 2012

Ribeira: formalizan o contrato de explotación do matadoiro de Xarás. Dará servizo a Rianxo, Boiro, A Pobra e Ribeira post.ly/87FK4

— Certo (@Certo) December 14, 2012

Posted via email from Certo.gl, o xornal dixital de Barbanza e Noia

Ribeira: programación deportiva e de aventura de Nadal

Interésalle tamén:

• Ribeira: programa do Nadal Cultural ata xaneiro de 2013

 

Ribeira,13 de decembro de 2012.- Logo de que fora presentada publicamente a programación que para este Nadal organizou o Concello de Ribeira a través das Concellerías de Cultura e Comercio, chega a ocasión de expoñer o calendario de eventos postos en marcha dende as áreas de Xuventude e Deportes, e que están a orientados a un público basicamente de carácter xuvenil e infantil.

Os edís Aroa Fernández e Juan Luis Martínez foron os encargados de debullar estas actividades, que están divididas en dúas clases, segundo teñan carácter competitivo ou ben sexan de índole máis participativa.

Torneos

• Trofeo Unicef de Fútbol Sala: Terá lugar os días 27 e 28 de decembro no polideportivo de A Fieiteira en horario de tarde, nas categorías prebenxamín, benxamín, alevín e infantil.

 

• 3x3 de Baloncesto: Celebrarase o día 29 de novembro no polideportivo de Santa Uxía (Coroso) entre as 17 e as 21 horas. Destinado ás categorías infantil, cadete e xuvenil.

 

• Torneo de Fútbol 11 ‘Residencial Mirador de Padín’: Desenvolverase nos días 29 e 30 de decembro no campo de herba sintético de A Fieiteira, a partir das 9.30 horas. Dirixido ás modalidades cadete e xuvenil.

 

• Torneo de Xadrez de Reis: Acontecerá o 4 de xaneiro na Casa da Xuventude, de 10 a 13 horas. Orientado ás categorías prebenxamín, benxamín, alevín e infantil.

 

• Trofeos de Tenis: Que xa se iniciou e se prolongará ata o 4 de febreiro, coas finais que se disputarán no polideportivo de A Fieiteira. No torneo de dobres están inscritas doce parellas e no individual, 39 tenistas. Categoría absoluta.

 

• Carreira Popular de Nadal: Carreira pedestre destinada ás categorías base que se celebrará o día 5 de xaneiro, con saída e chegada nas inmediacións do poliderportivo de Santa Uxía (Coroso).

Actividades deportivas ou de aventura

• Minicampus de Baloncesto: Destinado a nenos e nenas de 6 a 12 anos que queiran iniciarse no mundo do baloncesto. Terá lugar o día 22 de decembro, no polideportivo de Santa Uxía, de 16.30 a 20.30 horas.

• Campamento Deportivo: Actividades predeportivas e de recreación para ocupar o tempo de lecer dos nenos de 5 a 11 anos durante o tempo de lecer. Terá lugar os días 24, 26, 27, 28 e 31 de decembro e 2, 3 e 4 de xaneiro no Complexo de A Fieiteira, en horario de 10 a 13 horas.

• Puenting: actividade de aventura que se celebra todos os 31 de decembro en Ponte Ceilán (estrada Noia-Outes). O particular “San Silvestre” do Concello de Riveira. Dirixida a maiores de idade.

• Patinaxe sobre xeo e parque de ocio: Viaxe en autobús a Pontevedra a patinar sobre xeo, disfrutar do seu parque de ocio e pasar o día pola cidade. Orientado a rapaces de 8 a 15 anos. Será o 2 de xaneiro con saída pola mañá da estación de autobuses e regreso a última hora da tarde.

• Partido Deportivo de A Coruña – Málaga: Viaxe en autobús o día 6 de xaneiro para presenciar este partido de Primeira División na cidade herculina. Destinado a xóvenes de 10 a 17 anos.

Para máis información e inscricións, cómpre poñerse en contacto coa oficina da Concellería de Deportes en A Fieteira (teléfono 981 873 646; email deportes@riveira.com) ou coa Casa da Xuventude (teléfono 981 835 289; email xuventude@riveira.com).

Dende as concellerías de Xuventude e Deportes quixeron agradecer a colaboración recibida de entidades como Unicef, Club Baloncesto Riveira, Asociación As Miñoteiras, Club Atletismo Santa Uxía ou o Club de Xadrez do Círculo Mercantil.

Noia: gran actuación dos taekwondistas noieses no Campeonato de España de Clubs en Gandía post.ly/9yD1f

— Certo (@Certo) December 13, 2012

Ribeira: este sábado, 15 de decembro, Campionato Galego Absoluto de Taekwondo post.ly/9yCKP

— Certo (@Certo) December 13, 2012

A ver: non é o mesmo "alerta amarela" que "alerta á marela". Pero por se as moscas pecha as vacas no establo ou na corte. #avisodetemporal

— Certo (@Certo) December 13, 2012

Posted via email from Certo.gl, o xornal dixital de Barbanza e Noia

Ribeira: listas a zona canina e a pista de skate do Centenario, así como o parque infantil

Ribeira, 12 de decembro de 2012.- O Concello segue coas melloras no entorno da praza do Centenario e do barrio de Abesadas a través dun conxuntos actuacións que teñen como obxectivo unha maior prestación de servizos aos cidadáns que redunden na súa calidade de vida.

Así, se hai escasas semanas se completaba a colocación dunha pista polideportiva de 10x7 metros ideada para a súa utilización por nenos de 4 a 10 anos, nestes días se poden observar nas súas inmediacións como se están desenvolvendo os labores de instalación doutras dúas infraestruturas, ás que axiña se vai sumar unha terceira.

Solo continuo de caucho

Dentro da mesma praza estase a ubicar un segundo parque infantil que amplía a dotación de xogos para os nenos e nenas usuarios desta esplanada. O Executivo decidiu actuar nunha zona da praza que consideraba infrautilizada polos cidadáns, procurando incrementar así a súa capacidade de ocio. Cabe destacar que este novo parque infantil será o primeiro do municipio que conte cun solo continuo de caucho, en lugar de estar conformado por losetas como era habitual.

Doutra banda, onte iniciouse a instalación da pista de skate no solar situado fronte aos xulgados. Ten unha pista de skate de 25x11 metros e consta dos elementos necesarios para o disfrute dos skaters e das bicicletas bmx (ciclismo acrobático): un módulo bank, un módulo quarter e un módulo integrado con dobre rampa, rail e planter dobre. Está previsto que o vindeiro luns os afeccionados a estes dous deportes podan facer uso da estrutura, unha vez se lle dote das condicións de seguridade necesarias.

Parque canino

Por último, en breves días está previsto situar tamén ao lado da pista de skate un parque canino que ocupará  unha superficie próxima aos 600 metros cadrados e contará con zonas de paseo, zonas para a recollida de feces e zonas de xogo para mascotas, tales como picas para slalom, roda, valas de salto, escaleira ou balancín, entre outros.

Pode que tamén lle interese:

• Ribeira: Cáritas agradece o traballo e o recadado no I Torneo de Aguiño

• Ribeira: 136.000€ para rexenerar o sistema dunar da Catía

• Ribeira: andaina por Bretal e Axeitos este domingo 16

 

Posted via email from Certo.gl, o xornal dixital de Barbanza e Noia

Cultura: o académico e historiador ribeirense Xosé Ramón Barreiro presentou "Murguía y Mondariz"

• A publicación foi editada pola Fundación Mondariz Balneario en colaboración coa Xunta de Galicia e coa Real Academia Galega
• Barreiro Fernández recolle este sábado en Lousame o "Sereo" de Barbantia
  

See the full gallery on Posterous

Mondariz-Balneario, 11 de decembro de 2012.- O Balneario de Mondariz acolleu hoxe a presentación do libro Murguía y Mondariz, unha obra do profesor Xosé Ramón Barreiro Fernández, natural de Ribeira, editada pola Fundación Mondariz Balneario coa colaboración da Consellería de Cultura, Educación e Ordenación Universitaria e da Real Academia Galega (RAG).

A obra, segundo afirmou no acto o secretario xeral de Cultura, Anxo Lorenzo, é “o resultado dun traballo de integración de todo un conxunto de perspectivas que nos ofrece unha lectura completa dun tempo fundamental da nosa historia cultural e lingüística”.

Ao fío disto, indicou que o libro reúne “algúns dos elementos clave da construción galeguista, que marcou unha época histórica e que puxo os alicerces para a reflexión, o compromiso e a estima pola cultura propia de Galicia”. Faino a partir da relación entre Mondariz e Manuel Murguía, “figura que representou en boa maneira iso que hoxe denominamos un dinamización da vida intelectual, que marcou unha pauta para o cambio de século, como ponte entre o Rexurdimento e a Xeración Nós”, dixo.

Vinculación entre o cultural e o empresarial

Murguía y Mondariz afonda na súa parte introdutoria na relación do primeiro presidente da RAG cos Peinador (cos irmáns Ramón e Sabino Enrique Peinador Vela, e mais co fillo deste último, Enrique Peinador Lines), impulsores do Balneario de Mondariz. Ademais, a obra aborda a relación de Murguía con Mondariz e trata tamén da súa colaboración con La Temporada en Mondariz, publicación que se repartía gratuitamente entre os hóspedes do balneario.

En referencia a estas relacións, Anxo Lorenzo asegurou que exemplifican “unha vinculación entre o cultural e a actividade empresarial aínda con longo percorrido un século despois”.

Na segunda parte da publicación reprodúcense unha serie de artigos da autoría de Manuel Murguía, entre os que se inclúen o que orixina a creación da RAG e outros arredor de Mondariz e a súa comarca, xunto con artigos etnográficos, arqueolóxicos e biográficos, entre outros.

Finalmente, o secretario xeral felicitou ao profesor Barreiro Fernández “pola súa capacidade de traer ao noso presente os elementos esenciais da nosa vitalidade cultural e identitaria”, así como tamén á RAG, como parte imprescindible deste labor investigador”, e á Fundación Mondariz Balneario. “Para a Xunta de Galicia –concluíu– constitúe un orgullo tomarmos parte tamén, co noso apoio, deste traballo, que nos ofrece unha análise fundamental dunha época que marca a nosa historia cultural colectiva”.

No remate do acto –no que tamén interviron o propio autor da obra, o presidente da Fundación Mondariz Balneario, Javier Solano; e a concelleira de Cultura de Mondariz-Balneario, Cristina Rodríguez– fíxose entrega do diploma III Embaixador de Mondariz a D. Manuel Murguía, que recibiu o alcalde do Concello de Arteixo, terra natal do escritor.

De fascistas a reis e sultáns, ademais de comunicadores como Lecquio

Na lista de "personaxes ilustres" que colga da web do balneario de Mondariz dá mesmo arrepío ver que alí estiveron, entre outros, fascistas asasinos como José Millán Astray (en 1922 inda non estaba nos seus "mellores tempos") ou o golpista Miguel Primo de Rivera (en 1927), xunto a sultáns como Al Kaitoo. Mais na lista, o que predomina agora son personaxes do famoseo, como Alessandro Lecquio, disque comunicador, e presentadores de televisión como a nosa paisana Paula Vázquez, ou actores como Manquiña, Sancho Gracia (xa falecido) ou Natalia Verbeke. O século pasado a farándula estaba composta por escritores da talla de Ramón Cabanillas, Wenceslao Fernández Flórez, Vicente Risco ou Emilia Pardo Bazán. Os tempos mudaron moito neste aspecto, mais non no dos políticos, que seguen a encher este establecemento. Antes eran Castelar e os citados Rivera e Astray, namentres estes últimos anos pasaron Bono, Paco Vázquez, Aznar ou Javier Solana.

Relacionada:

• Cultura: este sábado 15, en Lousame, Xosé Ramón Barreiro recolle un dos "Sereos" de Barbantia

Posted via email from Certo.gl, o xornal dixital de Barbanza e Noia

Ribeira: andaina ata o dolmen de Axeitos este domingo 16

• Organiza Arousa Natureza e Ocio
• Transcorrerá, máis ou menos, entre as dez da mañá e as doce do mediodía
  

[[posterous-content:pid___0]]

Ribeira, 11 de decembro de 2012. O vindeiro domingo 16, ás 10.00 horas, sairá da rúa Industrial (Polígono Industrial de Xarás, detrás de Frinsa) unha andaina de 12 quilómetros aproximadamente que levará, a todos aqueles que se queiran anotar, por camiños de terra ata Bretal e Axeitos, onde pasarán polo monumento megalítico máis senlleiro da zona, o Dolmen de Axeitos, para regresar unhas dúas horas despois ó punto de partida.

Dificultade técnica: Baixa.
Dificultade física: Baixa.
Inscrición: Gratuita.

Recomendacións:

- Levar roupa e calzado cómodo en concordancia coa actividade que se vai facer.
- Non se permiten animais.
- Prégase estar entre 5 e 10 minutos antes no punto de partida, xa que se sairá con puntualidade.
- Levar auga e alimento en función das necesidades de cada persoa xa que non haberá avituallamentos.

Cultura: docu sobre Celso Emilio, no que fan del un pandeiro. Tráiler xenial: vimeo.com/55263864 vía @magago Sae o dodrense Anxo Angueira.

— Certo (@Certo) December 11, 2012

Música: Familia Caamagno canta polo Nadal! Xa podes baixar o seu ep de balde de familiacaamagno.bandcamp.com Estiveron en Boiro cos @terbutalina

— Certo (@Certo) December 11, 2012

Boiro: Pedro Campos gañou o torneo poético Slam Arousa na súa vila post.ly/9xPoZ

— Certo (@Certo) December 11, 2012

A ver se solucionan pronto o do facebook, que aínda lle vai dar á xente por ler libros ou algo.

— David Fontán (@fbestilleiro) December 10, 2012

Posted via email from Certo.gl, o xornal dixital de Barbanza e Noia

Patrimonio: restauran en Ribeira cinco fontes e un lavadoiro antigo

Fonte da rúa da Fonte en Corrubedo

Ribeira: saída de vía en Corrubedo con dous feridos hoxe. O coche impactou con outros aparcados. Coidadiño na estrada! twitter.com/Certo/status/2…

— Certo (@Certo) December 7, 2012

Ribeira, 7 de decembro de 2012.- Un dos obxectivos perseguidos polo Concello de Ribeira para esta lexislatura é o da restauración integral e posta en valor de dous elementos básicos do seu patrimonio etnográfico, como son as súas fontes e lavadoiros. Con este obxectivo, o Executivo local vén actuar sobre cinco fontes e un lavadoiro que están localizados en tres parroquias do termo municipal. 

Así, dúas destas fontes están situadas na parroquia de Carreira: unha no lugar de Laxes e a outra en Castro. Á primeira delas se lle limpou a pedra e encintou, ademais de mellorar a canalización co obxecto de que a auga mane máis fluidamente. Á segunda mudóuselle a techumbre, limpóuselle a pedra e pintouse a estrutura, ademais de adecuar o entorno.

Outra fonte sitúase en Corrubedo, precisamente na vía coñecida como rúa da Fonte. Foi limpada e encintada.

Santa Uxía

E os tres elementos restantes sitúanse na parroquia de Santa Uxía. Na fonte ubicada no lugar de Martín procedeuse á súa limpeza, encintado e pintado, ademais de mellorar os accesos que desembocan na mesma. Outra fonte das fontes obxecto de mellora e posta en valor é a da Nogueira, xunto á avenida de Ferrol, á que lle instalou unha pérgola de madeira, recuperouse o manancial e situouse nas inmediacións unha pequena zona axardinada. E por último, no lavadoiro de Fondevila recuperouse o manancial e introducíronse melloras na súa estrutura.

O Concello destinará unha nova partida orzamentaria o vindeiro ano para seguir restaurando este tipos de elementos no municipio.

Política: haberá algún concello destas bisbarras que fixera esta falcatruada? Entre os 1.500 non sería de estranar... elconfidencialdigital.com/dinero/079654/…

— Certo (@Certo) December 7, 2012

Ribeira: colocados os beléns en Outeiro Goyanes e en Aguiño. Mañá acenden as luces de Nadal. post.ly/9vaG1 vía @certo

— Certo (@Certo) December 7, 2012

Ribeira: o centro integrado de formación profesional de Coroso recolleu alimentos para Servizos Sociais post.ly/9wF0F

— Certo (@Certo) December 7, 2012

Posted via email from Certo.gl, o xornal dixital de Barbanza e Noia