Ribeira: novo servizo de información, orientación e busca de emprego na Casa da Xuventude

Pista multideporte da Casa da Xuventude de Ribeira

Ribeira, 11 de setembro de 2012.- O Concello conta desde o pasado día 3 de setembro de 2012 cun novo Servizo de Información, Orientación e Busca de Emprego, cofinanciado pola Consellería de Traballo e Benestar e o Fondo Social Europeo. Deste xeito, o Concello pasa a ser entidade colaboradora do Servizo Público de Emprego de Galicia (SPEG) na área de información, orientación e busca de emprego.

A oficina atópase situada na pranta baixa da Casa da Xuventude e consta dunha orientadora laboral chamada Carolina Pamín Pérez que é licenciada en Pedagoxía. Son destinatarios deste servizo as persoas inscritas como demandantes de emprego no SPEG, que son derivadas dende a Consellería.

Entre as funcións da oficina, figuran o asesoramento na busca activa de emprego, así como sobre formación, seguimento de itinerarios personalizados de inserción (IPIs), organización de cursos relacionados coa busca activa de emprego (busca de emprego por Internet, elaboración do currículo, carta de presentación,...), desenvolvemento de habilidades sociais, etc.

Onte, en Certo:

• Denuncia: "Flor de Toxo", endebedada por unha subvención reducida pola Xunta ás agochadas

• Atletismo: máis de 220 inscritos na carreira deste domingo 16 en Ribeira. Quedan 2 días para anotarse!

• Memoria: este sábado 15, homenaxe ao patrón do Xurelo en Ribeira

• Ribeira: abren prazo para viaxe a Portugal

Posted via email from Certo.gl, o xornal dixital de Barbanza e Noia

Ribeira: o xoves 31 de maio, xornada informativa sobre empresas de inserción laboral

•  O 2 de xuño haberá a mesma charla en Rianxo
  

Ribeira, 15 de maio de 2012.- A Aula Multimedia (paseo do Malecón de Santa Uxía) vai ser escenario o xoves día 31 de maio dunha xornada de promoción das empresas de inserción laboral.

Organizada pola Mancomunidade Arousa Norte, esta acción pretende informar aos asistentes sobre este modelo de empresa e vai dirixida en especial aos seguintes colectivos:

        Técnicos e membros da directiva de Asociacións, Ongs.

        Técnicos de servizos sociais, de xuventude, de emprego e   orientadores laborais dos concellos.

        Orientadores laborais de centros integrados de formación profesional, de formación ocupacional e do Servizo Galego de Colocación.

        Persoas en situación ou en risco de exclusión social.

        Emprendedores.

        Calquera persoa con interese.

A xornada terá lugar de 16 a 20 horas. Ten carácter gratuíto. Os interesados poden inscribirse na oficina de desenvolvemento local do Concello (Casa do Concello, 1ª planta. Tel.: 981835417) ou na Mancomunidade de municipios Arousa Norte (Concello de Boiro)

Na seguinte ligazón pódese atopar máis información ao respecto: http://arousanortemprego.wordpress.com/xornadas-sobre-a-e-i-l/

Ribeira: presentada a IX Carreira Virxe da Guía, que se celebra este xoves 17 de maio post.ly/7HMA8

— Certo (@Certo) May 14, 2012

Posted via email from Certo.gl, o xornal dixital de Barbanza e Noia