Ribeira: a comunidade educativa do IES Leliadoura maniféstase este martes 20 en defensa do Ensino Público

Ribeira, 19 de Nadal de 2011. Mañá martes, día 20 de decembro de 2011, de 11:15 a 11:45 horas, terá lugar unha manifestación arredor do IES Leliadoura pola defensa do Ensino Público.

Trátase dunha medida acordada por unanimidade polo Consello Escolar do centro, que no seu momento xa informou ao Subdelegado do Goberno da provincia de A Coruña para solicitar o devandito permiso.

Non cubren prazas

O obxecto da concentración é a defensa da Educación Pública e demandar da Consellería de Educación que se cubra a praza do profesor/a de Pedagoxía Terapéutica, e o profesorado necesario (2 como mínimo) para cubrir a atencións ao alumnado con dificultades (apoio), gardas de rede (mantemento de ordenadores), gardas custodias de transporte, biblioteca, desdobres para atención do alumnado nos laboratorios de Física e Química e Bioloxía, ...

Como medida de seguridade establecerase un servizo de orde, convenientemente identificado, integrado por persoas do Instituto.

iesleliadoura.com

Posted via email from Certo.gl, o xornal dixital de Barbanza e Noia

Ribeira: a Asemblea do Bng advirte á poboación sobre a progresiva deterioración da atención sanitaria

Ribeira, 19 de decembro de 2011. A Asemblea Local do BNG de Ribeira fai un chamamento á poboación "diante do deterioro progresivo da atención sanitaria da Xunta de Galicia. Sendo competencia exclusiva da Xunta de Galicia, desde a toma de posesión do Goberno do PP presidido por Núñez Feixoo vimos comprobando un claro deterioro da atención sanitaria pública en Galicia. O PP xa viña poñendo en práctica, coa escusa da crise, medidas privatizadoras da atención sanitaria que xa iniciara, antes da crise, noutras comunidades como Madrid ou Valencia", explican en nota de prensa.

A responsable de Sanidade da Xunta, Pilar Farjas

"No concello de Ribeira percibimos, claramente, as consecuencias dos continuos recortes en gasto sanitario: xa nos primeiros meses de goberno PP deixáronse de cubrir a baixas por vacacións ou enfermidade de persoal sanitario (médico e enfermería) nos centros sanitarios da comarca co conseguinte retardo e deterioro da calidade na atención. Nos vindeiros orzamentos para o 2012 a Xunta anuncia novas medidas que, ao igual que a inmensa maioría do colectivo de sanitarios e pacientes, consideramos intolerables porque provocarán maior deterioro da asistencia sanitaria: foi o propio presidenta da Xunta quen anunciou a intención de cobrar por "servizos non sanitarios" (alimentación, lavandería...) nos hospitais galegos, o que suporá de feito a introdución do co-pago na nosa sanidade pública.
Outras medidas anunciadas deste tipo serán tamén o cobro de 10€ pola tramitación da tarxeta sanitaria, o bloqueo da tarxeta a parados de longa duración, ou aos emigrantes que non teñan máis de 183 días empadroados no noso país, o pago adiantado de próteses dos enfermos ou o pago por transporte en ambulancias, etc...  No caso da atención Primaria no concello de Ribeira, temos que lembrar o acordo plenario de 20 de decembro de 2010 no que, a proposta do BNG, se acordou por unanimidade "solicitar da Xunta de Galicia un novo Centro de saúde para Ribeira" dada a situación de saturación dos servizos que padece o actual. No orzamento para o 2012 non aparece ningunha partida para esta actuación pese á insistencia do BNG para incluíla. A estas medidas regresivas no ámbito do SERGAS temos que engadir os non menos graves recortes (redución dun 14% a respecto de 2011) no ámbito da Asistencia e Prevención de Drogodependencias levadas a cabo a través de programas xestionados polos Concellos ou por Asociacións que veñen prestando un inestimable labor neste ámbito", proseguen, ademais de convidar á cidadanía "a participar nas mobilizacións que promoven os diferentes colectivos cidadás de defensa da sanidade pública e a evitar a deterioración definitiva e irreversible da atención ao noso dereito máis básico: a saúde".

Posted via email from Certo.gl, o xornal dixital de Barbanza e Noia

Dodro: o Psoe acusa ao PP de querer afogar á oposición

Dodro, 19 de decembro de 2011. Hoxe 19 de decembro de 2011, celebrouse un pleno extraordinario no Concello de Dodro a petición do goberno do Partido Popular.

      Nese mesmo pleno, incluído no punto 4, estaba a toma de posesión dos concelleiros representantes da Agrupación Municipal Socialista. Os citados concelleiros foron Paula Blanco Giráldez e Jacobo Tanoira Janeiro.

Renuncia á asignación de partidos do 2010

      Ademáis, no seguinte punto da orde do día, o equipo de goberno propoñía a renuncia por parte dos grupos municipais á asignación de partidos fixada para o ano 2010. Neste caso, o grupo municipal socialista "non só non renunciamos a dita asignación, senón que aproveitamos para destacar que esa mesma asignación foi a que lle axudou ao PP a exercer a súa oposición destructiva chea de demandas e querelas contra o equipo de gobernó anterior", explican os do Psoe en nota de prensa.  Tamén, dende ese partido, están convencidos de que "é un intento máis de afogar á oposición, de facela calar, e evitar, unha vez máis, que se exerza a oposición á que temos dereito".

Pagamento de débeda herdada do PP

      No último punto, e un dos motivos fundamentais para convocar o Pleno Extraordinario de hoxe, o goberno quere recoñecer unha débeda con Augas de Galicia correspondente  ao ano 2005 e setembro do 2006, "deuda herdada non do bipartito, senón que proviña do anterior goberno do PP", explicaron os socialistas. O importe da citada débeda é de 111.000 €uros.

Posted via email from Certo.gl, o xornal dixital de Barbanza e Noia

Ribeira: os clientes das prazas de abastos de Palmeira e Santa Uxía poderán escoller praceir@ favorit@ en Nadal

• Dentro da campaña da Xunta “Este ano presume de praceiro/a”
• O ano pasado foi designada como mellor praceira de Ribeira María Teresa Domínguez Caamaño, da froitería María Teresa.

Ribeira, 19 de decembro de 2011- O Concello informa de que tras o éxito acadado no 2010 pola campaña “Este ano presume de praceiro e praceira”, a Consellería de Economía e Industria da Xunta de Galicia pon en marcha unha nova edición desta iniciativa cos obxectivos de promocionar e visibilizar os mercados galegos, destacar a calidade dos seus produtos e resaltar a profesionalidade dos responsables dos postos que desempeñan alí o seu labor.

    O Concello está a colaborar a través da Concellería de Consumo no desenvolvemento desta acción, que atinxe a máis de 100 mercados e prazas de abastos de Galicia e que dentro deste termo municipal afecta ao inmoble de Ribeira e, como novidade deste ano, tamén ao de Palmeira.  

    Como incentivo para buscar a participación dos usuarios, entre os días 12 e 23 de decembro, os clientes de mercados como os de Ribeira e Palmeira recibirán un cupón por cada compra. O consumidor unicamente terá que enchelo co seu nome, apelidos e teléfono de contacto, indicando o número de posto do seu praceiro favorito ou da praceira que mellor lle caia, e depositar o cupón na urna instalada ao efecto dentro do mercado.

    Cheques de compra como premio

    Os días 23 de decembro de 2011 (este venres vindeiro) e venres 20 de xaneiro de 2012 procederase ao elección ao azar de tres cupóns de cada mercado, que se corresponderán con tres clientes agraciados con cheques de compra desa quincena, por valor de 75, 50 e 25 euros, intercambiables en forma de desconto nas seguintes compras que se efectúen no propio mercado (caducan o 28 de febreiro de 2012). Só poden ser recompensados os clientes que estean presentes no momento do sorteo.

   

Posted via email from Certo.gl, o xornal dixital de Barbanza e Noia

Boiro: O Faiado 2 acolle este xoves 22 unha charla sobre escultura e a inauguración dunha mostra de tallas en madeira

invitacion exposicion tallas.pdf Download this file

Posted via email from Certo.gl, o xornal dixital de Barbanza e Noia

Noia: o Liceo programa un concerto de Nadal o venres 23 e o baile de Nadal o 25 coa orquestra París de Noia

http://www.pillandpillow.com/growAXmasTree/index.php?id=11910&key=n212hx02ht0

Baile nadal 2011.pdf Download this file

NAVIDAD NUESTRA.pdf Download this file

Posted via email from Certo.gl, o xornal dixital de Barbanza e Noia

Rianxo: o premio "Modesto R. Figueiredo" entrégase o venres 30 de decembro a X. Amancio Liñares

• O gañador da XXXVII edición presentou "Corografía Obama"
  

O acto de entrega será no auditorio rianxeiro

Rianxo, 19 de decembro de 2011. Onte, domingo 18 de Nadal, fallouse o premio de narracións curtas "Modesto R. Figueiredo" que organiza o Pedrón de Ouro xunto co Concello de Rianxo (este Premio rota cada ano por un Concello de Galicia).

O gañador, coa obra titulada "Corografía Obama", lévase mil euros. Desta volta foi o profesor Amancio Ñiñares Giraut, residente en Negreira e director da editorial tresCtres Editores. Tamén obtiveron accese, cunha contía de catro centos euros cadansúa obra, as tituladas: "Frío Azul" de Ledicia Costas (escritora de Vigo) e "Eco de Afasia", de Xaime Domínguez Toxo (natural de Pontevedra).

O xurado estivo formado por: Xosé Ramón Fandiño Veiga (Presidente do Pedrón de Ouro), Xesús Santos Suárez , que foi o Moderador, Tucho Calvo en representación do PEN CLUBE de Galicia, Agustín Agra en representación da AELG, Esther Carrodeguas en representación do Concello de Rianxo, Anxo Angueira en representación do Pedrón de Ouro e David Otero que actuou como Secretario.

A entrega destes premios terá lugar o trinta de decembro ás oito horas da tarde no Auditorio Municipal de Rianxo e deste acto será o mantedor literario o profesor e académico Xosé Luís Axeitos e a presenza musical do trío Vai formado por ex-membros de Fía na Roca. Neste acto de entrega a organización conta coa presenza en Rianxo da viúva de Modesto RFigueiredo e tamén as fillas deste.

Posted via email from Certo.gl, o xornal dixital de Barbanza e Noia