Noia: o Concello resolve o contrato da piscina e, logo do pleno deste mes, pasará a dirixir a piscina

• Xa se traballa co día 12 de decembro como data de reapertura, tras arranxar as deficiencias detectadas
• O Concello faise cargo dos traballadores da concesionaria polo momento

Entre as deficiencias denunciadas, a incorrecta temperatura da auga

Noia, 16 de novembro de 2012. Segundo informa hoxe o Concello de Noia en nota de prensa, "unha vez finalizado o prazo dado desde o Concello de Noia á empresa que ten a concesión da piscina municipal, os técnicos municipais comprobaron o incumprimento das órdenes dadas de realizar as obras de mantemento precisas e de reapertura da instalación.  Ante esta situación (previsible dada a pasividade da empresa), desde o Concello tomáronse distintas medidas:

1. Desestimáronse os recursos presentados, ademais iniciouse a desestimación da solicitude de desequilibrio económico 
2. O máis importante: iniciouse o expediente de secuestro da concesión para o restablecemento inmediato do servizo, e ao mesmo tempo iniciouse o proceso de resolución contractual".

Os trámites a seguir agora son a notificación á empresa da incoación do inicio destes expedientes e audiencia antes de levalo ao pleno extraordinario que se celebrará na última semana do mes.  Unha vez se celebre o pleno, o concello pasará a dirixir a piscina, facendo as obras precisas para reabrir a piscina a primeiros de decembro, "previsiblemente o mércores 12 de decembro".

Segundo fontes municipais, "o secuestro da concesión é unha medida moi excepcional, onde o concello se fará cargo da concesión, facéndose cargo temporalmente de todas instalacións, materiais e incluso traballadores. Mentres dure o secuestro (que ten un máximo de dous anos, pero que a previsión é que dure ata a resolución do contrato), os traballadores seguirán mantendo a relación contractual coa empresa, pero baixo a dirección do concello a través do interventor técnico que se designe en representación da administración municipal".

En Boiro, por causas semellantes, a piscina leva pechada dende xullo

Tamén aclara o Concello que "as irregularidades detectadas son moitas, de feito no 2011 xa se lle abriron expedientes sancionadores á empresa en varias ocasións. Os principais erros son os incumprimentos en mantemento das instalacións, que culminou coa desatención á orde de realizar as obras precisas en 15 días e reabrir o servizo, pero xúntanse outros incumprimentos como non ter o persoal axeitado segundo contrato, mala atención aos usuarios, eliminación do servizo de raios UVA, supresión de actividades que debería realizar, temperatura incorrecta na auga e un longa lista de irregularidades".

E o vídeo que o peta no Youtube é da Costa da Morte: GHAÑAN STYLE (Galician Parody Gangnam Style): youtu.be/8Gqfir1-MlA vía @quepasanacosta

— Certo (@Certo) November 16, 2012

.@matrujil fuiste ministra de Vivienda, pero dónde has dejado tu alma socialista?

— Elena Valenciano (@ElenaValenciano) November 16, 2012

Colaboración: "Nada que ver con nós", por Javier Ferreirós post.ly/9nIvd

— Certo (@Certo) November 16, 2012

 

 

Posted via email from Certo.gl, o xornal dixital de Barbanza e Noia

Noia: a piscina reabrirá en decembro se a rescata o Concello

• É "previsible" que haxa que rescatar a concesión e o Concello mesmo tilda de "ridículos" os argumentos e alegacións dados dende a empresa que a leva ata agora, con informes técnicos "chapuceiros"

Noia, 6 de novembro de 2012. Segundo informa hoxe o Concello de Noia en nota de prensa, "ante o previsible incumprimento da orde dada á concesionaria da piscina para que arranxe as intalacións e abra antes do 16 de novembro, o Concello está traballando na adopción de medidas administrativas para garantir a reapertura en condicións da instalación municipal a primeiros de decembro".

Calcando a situación de Boiro, que o Concello noiés non vai permitir

Polo visto, dende o Concello están a estudar varias opcións para garantir a continuidade do servizo, e inclúen "previsiblemente" a resolución do contrato. Segundo fontes municipais, "os argumentos e alegacións dados desde a concesionaria son ridículos, presentando informes técnicos chapuceiros. E están seguindo un procedemento calcado ao que pasou coa piscina de Boiro, coa diferencia que o Concello de Noia non vai permitir a interrupción do servizo".

Medidas contundentes

Para o equipo de goberno tripartito noiés, "a prioridade é a continuidade do servizo en condicións, polo que unha vez rematado o prazo han se tomar medidas contundentes contra as infraccións cometidas pola concesionaria, especialmente polo incumprimento da orde de arranxar e reabrir en quince días. Unha vez se acabe o prazo concedido á empresa para solucionar as deficiencias sen que o fagan, o Concello comunicará aos usuarios e aos traballadores as medidas adoptadas. Asemade, desde o Concello de Noia estanse analizando os danos e prexuízos causados para iniciar as oportunas reclamacións á empresa: que non pensen que poden prexudicar á nosa vila, aos traballadores, e aos usuarios e saír indemnes".

Noia: os arquivos fotográficos do Esteirán, do 9 de novembro ao 5 de decembro na casa da cultura post.ly/9jB8g

— Certo (@Certo) November 6, 2012

este venres temos concerto na Sala Aquarium (Xuño, Porto do Son) xunto La Yegua 2.0 a eso das 22:00! alí nosvemos xente!

— RUXE-RUXE (@ruxeruxe) November 5, 2012

CUANDO PASA ALGO CHUNGO, LO MEJOR ES IRSE LEJOS. ESO LO SABE HASTA ANA BOTELLA.

— masaenfurecida (@masaenfurecida) November 6, 2012

A Consellería de Economía e Industria destinou a dedo 450.000€ a La Voz de Galicia, El Correo Gallego e El Progreso para facer propaganda.

— Verbas Núas (@VerbasNuas) November 6, 2012

Posted via email from Certo.gl, o xornal dixital de Barbanza e Noia

Noia: a piscina reabrirá en decembro se a rescata o Concello

• É "previsible" que haxa que rescatar a concesión e o Concello mesmo tilda de "ridículos" os argumentos e alegacións dados dende a empresa que a leva ata agora, con informes técnicos "chapuceiros"

Noia, 6 de novembro de 2012. Segundo informa hoxe o Concello de Noia en nota de prensa, "ante o previsible incumprimento da orde dada á concesionaria da piscina para que arranxe as intalacións e abra antes do 16 de novembro, o Concello está traballando na adopción de medidas administrativas para garantir a reapertura en condicións da instalación municipal a primeiros de decembro".

Calcando a situación de Boiro, que o Concello noiés non vai permitir

Polo visto, dende o Concello están a estudar varias opcións para garantir a continuidade do servizo, e inclúen "previsiblemente" a resolución do contrato. Segundo fontes municipais, "os argumentos e alegacións dados desde a concesionaria son ridículos, presentando informes técnicos chapuceiros. E están seguindo un procedemento calcado ao que pasou coa piscina de Boiro, coa diferencia que o Concello de Noia non vai permitir a interrupción do servizo".

Medidas contundentes

Para o equipo de goberno tripartito noiés, "a prioridade é a continuidade do servizo en condicións, polo que unha vez rematado o prazo han se tomar medidas contundentes contra as infraccións cometidas pola concesionaria, especialmente polo incumprimento da orde de arranxar e reabrir en quince días. Unha vez se acabe o prazo concedido á empresa para solucionar as deficiencias sen que o fagan, o Concello comunicará aos usuarios e aos traballadores as medidas adoptadas. Asemade, desde o Concello de Noia estanse analizando os danos e prexuízos causados para iniciar as oportunas reclamacións á empresa: que non pensen que poden prexudicar á nosa vila, aos traballadores, e aos usuarios e saír indemnes".

Noia: os arquivos fotográficos do Esteirán, do 9 de novembro ao 5 de decembro na casa da cultura post.ly/9jB8g

— Certo (@Certo) November 6, 2012

este venres temos concerto na Sala Aquarium (Xuño, Porto do Son) xunto La Yegua 2.0 a eso das 22:00! alí nosvemos xente!

— RUXE-RUXE (@ruxeruxe) November 5, 2012

CUANDO PASA ALGO CHUNGO, LO MEJOR ES IRSE LEJOS. ESO LO SABE HASTA ANA BOTELLA.

— masaenfurecida (@masaenfurecida) November 6, 2012

A Consellería de Economía e Industria destinou a dedo 450.000€ a La Voz de Galicia, El Correo Gallego e El Progreso para facer propaganda.

— Verbas Núas (@VerbasNuas) November 6, 2012

Posted via email from Certo.gl, o xornal dixital de Barbanza e Noia

Boiro: o Psoe esixe a reapertura "inmediata" da piscina municipal

Boiro, 17 de outubro de 2012. A Executiva do PSOE de Boiro demanda ao alcalde Juan José Dieste a reapertura da piscina municipal, mediante o emprego dos cauces necesarios, facendo fincapé en que estas instalacións son unha necesidade primordial para os cidadáns do Concello de Boiro.

Despois de que nestes días a empresa concesionaria da piscina, Supera, sinalara que as obras que se viñeron facendo no complexo de A Cachada non serán suficientes para o seu uso e que mesmo non se estaría informando á empresa dos detalles destas accións por parte do Concello, os socialistas quixeron lembrar que estas instalacións foron pagadas por tódolos boirenses e teñen dereito a usalas.

Un problema sen solventar dende xuño

 Os socialistas critican que se leve con este problema dende o mes de xuño, cando se pecharon estas instalacións deixando sen este servicio aos boirenses, os cales teñen que desprazarse a outros municipios da comarca para poder realizar cursos de natación para aprender a nadar, por prescripción médica ou mesmo por cuestión de saúde ou hobby.

Un alcalde ineficaz ante un problema menor

Jorge Campaña, secretario xeral do PSOE local, criticou que “se o alcalde Juan José Dieste non foi capaz de solucionar un problema que poderíamos tildar de “menor” —pola súa xestionabilidade— como é o da piscina municipal, con que garantías vai a enfrontar verdadeiros problemas coma os do desemprego xuvenil no noso Concello, por exemplo?”.

Dende o PSOE esixen “eficiencia e eficacia por parte do executivo, especialmente tendo en consideración que temos un alcalde que cobra coma un Ministro: falamos de 110.000 euros entre o alcalde e o tenente de alcalde, é dicir, case vinte millóns de pesetas”. Se ben dende o goberno do Partido Popular sinalaron en varias ocasións a través da prensa que a solución estaba próxima, case cinco meses despois o complexo deportivo segue pechado. “Pensamos que estas novas foron feitas para gañar tempo e enganar aos veciños e veciñas xa que, de ser certas, os boirenses estaríamos desfrutando da piscina, do pavillón e do ximnasio dende hai tempo”, quixo engadir Campaña, quen reclama ao alcalde "que traballe para solventar os problemas dos veciños e veciñas de Boiro".

Pode que tamén lle interese:

• Boiro: cacicadas enerxéticas para comezar a campaña

• Barbanza:  xornadas sobre cooperativismo forestal en Dodro, o Son e Boiro no mes de novembro

• Boiro: axenda cultural ata decembro

• Turismo: concurso no Facebook e Twitter para promocionar Barbanza

• Sábado 20 de outubro: V Curso de Improvisación de Jazz en Boiro
  

• Exposición: Paula Tubío amosa "Lío de palangre" no centro social

• Mostras: Pepe Potel e unha de aves en Cabo de Cruz

• Curso: de turismo ornitolóxico, do 22 ao 27 de outubro

 

 

Posted via email from Certo.gl, o xornal dixital de Barbanza e Noia

Porto do Son: o Bng esixe explicacións por unha piscina "inda máis cara antes de iniciarse"

Porto do Son, 30 de maio de 2012. Diante da polémica creada polo Goberno municipal e o PSOE con respecto á obra da piscina municipal de Porto do Son, o BNG considera que "é moi importante que alguén lle conte a verdade aos veciños e veciñas sobre a piscina municipal", explica hoxe en nota de prensa o partido nacionalista.
    A piscina estaba proxectada dentro dun plan da Deputación da Coruña para o período 2005/2006, "polo que xa debería de estar en funcionamento, non o está pola falta de intereses políticos dos anteriores gobernos do PSOE, do PP e de Quiñoi (en ámbolos dous gobernos). O proxecto e a ubicación da piscina foron aprobados en Pleno por un goberno do PSOE, sendo Quiñoi tenente de alcalde e máximo responsábel da área de deportes, co respaldo do PP e sen ter en consideración o posicionamento do BNG que era o de facer a piscina no casco urbano do Son, axeitada á realidade do noso concello e a súa sustentabilidade", sinalan dende o Bng sonense.
    O primeiro proxecto era de 1.011.523,70 euros, que logo se convertiron en 1.500.000 euros "polos extras do Sr. Quiñoi (textualmente na acta: piscina de prácticas para os pequenos, un iakuzi, unha sauna, unha ducha para masaxes, que se inclúen agora co obxecto de lograr que a explotación sexa máis rendible), que ademais aseguraba que se ía manter cos ingresos do Parque Eólico Singular. Cando chega o PP ao goberno non conforme con este proxecto, túmbao, paga unha rescisión do contrato por 26.000 euros, fai un proxecto novo que lle costa ao concello 63.000 euros e presentan unha piscina de 2.500.000 euros", critica o Bng.
    Cando o BNG chegou ao Goberno municipal, "vendo que a piscina seguía a ser unha promesa e que non existía o financiamento da Xunta de Galiza prometido polo PP para a súa piscina, tivo que retomar o anterior proxecto e para o que si tiñamos garantido o seu financiamento por parte da Deputación da Coruña. Iniciamos o acondicionamento da parcela e consideramos que a arquitecta municipal tiña que tutelar esta obra, para aforrar cartos e para que fixese o seu seguimento puntual", aseguran os nacionalistas, que sinalan que "deixamos a obra da piscina en fase de adxudicación por unhas alegacións que presentou a empresa COPCISA que ao final foi a adxudicataria, ao igual que das obras da 2ª fase do Museo do Mar. Consideramos que un tema tan relevante coma éste non debería ser motivo de liortas de prensa, senón que xa se debería de ter convocada unha Xunta de Portavoces por parte do Goberno municipal, que tanto lles gustaba ao PP e a AVS solicitar cando estaban na oposición. Por último, lembrarlles que o BNG é a segunda forza política deste concello e como tal pedimos unha explicación formal por parte do goberno."

Relacionada:

Piscina: o Psoe fala de despilfarro e engano

Antes, en Certo:

• Porto do Son: os contos da Sala Perseveira seguen o martes 29 de maio

Perseveira:  gargalladas co inaugurador, Quico Cadaval

Castro de Baroña: traballos de recuperación ata xullo

 

 

Posted via email from Certo.gl, o xornal dixital de Barbanza e Noia

Porto do Son: o Psoe considera que se está a enganar aos veciños coa obra da piscina

Entrada da piscina de Rianxo, unha das que se comparan nesta información

Porto do Son, 21 de maio de 2012. Segundo aclara hoxe en nota de prensa o portavoz municipal do Psoe sonense, Xoán Pastor Rodríguez Santamaría, "en 2005, a Deputación da Coruña, sendo o seu presidente,  Salvador Fernández Moreda e Deputado de Deportes, espúxose a necesidade de proxectar
Piscinas Municipais a costes moi baixos tanto na súa construcción coma no seu mantemento para os concellos de Cariño, Rianxo e Porto do Son. Facer unha piscina con orzamentos ilimitados ou simplemente desproporcionados a unha realidade é moi doado: basta con deixarse levar polas ganas de proxectar baixo parámetros lonxe da rigorosidade do construído. Un exemplo claro pode ser o da Piscina Municipal do concello de Muros, piscina que alcanzou os 3 millóns de euros, ou a que se proxectou e pagou dito proxecto o PP de Porto do Son hai só dous anos –sendo alcalde Manuel Tomé- que elevaba o proxecto da Piscina Municipal do Son a case 2’5 millóns de euros. Iso si que é un exemplo claro de despilfarro indecente non só por pagar un proxecto dúas veces, senón ao intentar colar unha piscina desproporcionada á realidade dun concello pequeno e lonxe de poder financiarse por si mesma. Eran as ilusións carísimas do anterior alcalde do PP do Son".

Os socialistas de Porto do Son aportan os datos das outras piscinas para que se reflicta a realidade da deste municipio:

Piscina de Cariño
Estado : en funcionamiento.
Empresa adxudicataria obras: Alcuba s.a.
Orzamento do proxecto: 1.562.632 €
Reformados: Un a coste 0 €, é dicir, non houbo aumento presupuestario.
Superficie destinada en sótanos ás instalacións:
- Sala de caldeiras: 60,00 m 2 (11,30 m x 5,30 m)
- Cuarto de instalacións: 21,20 m 2
Bomba de calor colocada e proxectada: Roca BCP-60, 96.210 Kcalorias/hora.
Coste bomba de calor: 29.768,54 €
Dimensións bomba de calor: 4,12 metros x 2,20 metros e corredor lateral
practicable de 1 metro.

Piscina de Rianxo
Estado : en funcionamiento.
Empresa adjudicataria obras : Hispanica s.a.
Presuposto do proxecto: 1.676.528,00 €
Reformados : Un a coste 0 €, é dicir, non houbo aumento presupuestario.
Superficie destinada en sótanos ás instalacións :
- Sala de caldeiras : 60,00 m2  ( 11,30 m x 5,30 m)
- Cuarto de instalaciones : 21,20 m 2
Bomba de calor colocada e proxectada : Roca BCP-60, 96.210 Kcalorias/hora
Coste bomba de calor: 29.768,54 €
Dimensións bomba de calor: 4,12 metros x 2,20 metros e corredor lateral practicable de 1 metro.

Piscina de Porto do Son
Estado: En fase de execución.
Empresa adjudicataria obras: COPCISA s.a.
Presuposto de proxecto: 1.663.024,98 €
Reformados : Camiño de un aumento presupuestario de 200.000 €, segundo anuncia o equipo de goberno do PP-AVS de Porto do Son.
Superficie destinada en sótanos ás instalacións:
- Sala de caldeiras: 61,00 m2  (11,90 m x 5,12 m)
- Cuarto de instalacións: 25,60 m2
Bomba de calor proxectada : Sen marca e potencia calorífica 96.210 Kcalorias /hora
Custo bomba de calor: 32.860,77 €
Dimensións bomba de calor: 4,12 metros x 2,20 metros e corredor lateral practicable de 1 metro.

Segundo Pastor Rodríguez, "no que atinxe á información do que se di de que hai uns muros a menos de 2,00 metros da liña de alta tensión, segundo os planos da piscina municipal de Porto do Son, o extremo máis cercano está a 5,00 metros da liña e o máis apartado a 16,00 metros. No segundo Plan E do goberno do Estado (FEESL), cuxa dirección de obra foi feita pola Arquitecta Municipal do Concello, proxectouse exactamente baixo o topográfico da piscina".

Engano de 200.000 euros

Polo tanto, prosegue, "está claro que a construtora fixo unha baixa forte cando se presentou ao concurso da Piscina, e que agora ten que pagar favores técnicos ou doutro tipo. O que é imposible e, ao noso xuízo, escandoloso, é como os técnicos se prestan a este xogo de facer un reformado de 200.000 €. Un disparate maiúsculo. Os proxectos, por sentido común, deben ser dirixidos polos arquitectos proxectistas, pois son eles os auténticos coñecedores de todas as partes de todo o proxecto. A primeira fase, executada polo goberno anterior foi dirixida pola arquitecta municipal debido a que os nosos socios de goberno, o BNG, non querían que os técnicos redactores do proxecto dirixisen esa fase e que o fixese a técnica municipal como así foi".

E remata o voceiro socialista sinalando que "neste momento, debido ao engano que quere facer o goberno do PP-AVS do Son, con ese aumento de 200.000 €, o técnico redactor do proxecto da Piscina Municipal de Porto do Son, o mesmo que elaborou a de Rianxo e Cariño, está disposto a executar o proxecto sen acudir a reformado ningún que supoña coste 0 € ao Concello do Son. É máis, realizará o seu traballo profesional  cun coste do 50% menos ao contratado, para así demostrar que unha xestión eficaz é aquela que traballa a favor do aforro dos cartos do Son".
 

Pode que tamén lle interese:

• Porto do Son: gardería na vella casa do mar para finais de 2013

• Natureza: cemiterio de cans en Barbanza. Axena denuncia. Ollo! Imaxes fortes

• Cultura: bases do IV certame internacional de novela de Ribeira

 

 

Posted via email from Certo.gl, o xornal dixital de Barbanza e Noia