Sociedade: haberá Lei de Fomento da Cultura da Paz de Galicia este ano 2010

O luns constitúese ponencia conxunta no Parlamento de Galicia, a raíz dunha iniciativa do Seminario Galego de Educación para a Paz

 

Santiago, 3 de xuño de 2010. O vindeiro luns, día 7 de Xuño, quedará constituída oficialmente a Ponencia Conxunta no Parlamento Galego, cos representantes nomeados polos tres grupos parlamentarios, para iniciar o procedemento de elaboración do Anteproxecto de Lei de Fomento da Cultura da Paz de Galicia, unha iniciativa promovida, hai case que dous anos, polo Seminario Galego de Educación para a Paz e a Fundación Cultura de Paz sobre os precedentes da Lei Catalana de 2003 e a española de 2005.

 

O borrador anexo, aceptado polos tres grupos parlamentarios como documento base, foi elaborado polo Seminario Galego de Educación para a Paz, e contempla un Preámbulo explicativo e xustificativo do proxecto e do concepto de Cultura de Paz xunto con 9 artigos nos que se abordan os seguintes aspectos:o obxecto da lei, o ámbito de aplicación, actuacións no ámbito dos dereitos humanos, na convivencia democrática, no ensino e na cooperación, nos medios de comunicación social, no desarmamento global, iniciativas de promoción da paz, así como a creación dun Instituto Internacional pola Paz. 

 

Para o Seminario Galego de Educación para a Paz e para a Fundación Cultura de Paz, que preside D. Federico Mayor Zaragoza, "é unha enorme satisfacción que, neste ano no que se cumpre o XXV Aniversario do Seminario, se materialice un obxectivo moi buscado, a creación de estruturas de participación específica en materia de paz e a consolidación de medidas concretas de apoio á cultura de paz de carácter anual, con orzamentos precisos, aprobados en sede parlamentaria", explican os promotores.

 

Esta iniciativa únese á recente creación da Cátedra UNESCO de Cultura de Paz e Dereitos Humanos na Universidade de Santiago de Compostela, a organización e celebración do Foro 2010, xunto coa ´posta en marcha do Lar da Paz de Herbón en Padrón, outros tres proxectos estrela deseñados no Plan Estratéxico do Seminario Galego de Educación para a Paz como mellor conmemoración do seu XXV Aniversario.

 

 

Seminario Galego de Educación para a Paz
FUNDACION CULTURA DE PAZ
www.sgep.org

Download now or preview on posterous

Ley Galega Cultura de Paz 0522 VB.doc (74 KB)

Posted via email from Certo.es, o xornal virtual de Barbanza e Noia

Ribeira: programa da Muiñada de Amendo, o sábado 12 de xuño na parroquia de Carreira

"Vale máis unha terra con árbores nos montes que un estado con ouro nos bancos". Castelao

Ribeira, 3 de xuño de 2010. Un ano máis, a tradicional Muiñada de Amendo vaise celebrar neste lugar da parroquia ribeirense de Carreira. Nesta volta cadra o sábado 12 de xuño e, como en pasadas edicións, haberá romería, explicación da muiñada nos da Inasia e Cochas, andaina polo parque natural, comida partillada entre os participantes, música, actividades para nenos e un monólogo. Un plan ben completo para un sábado en contacto coa terra e cuns costumes rurais que se van perdendo.

Programa da Muiñada de Amendo 2010

ROMERIA –   (pola mañá)

 Ás 10:00

-     Exposición fotográfica da Muiñada 2009.

-     Explicación do funcionamento dos muiños da Inasia e de Cochas.      

-      Repartirase tríptico explicativo .

ACTIVIDADE Ó AIRE LIBRE

Ás 11:00  a 2ª ás 12:00

          - Andaina polo Parque Natural para todas as idades.     
            Haberá dous itinerarios diferenes de 3 km. cada un, comezarán e rematarán nos muiños,  coa a opción de facer un ou os dous. Son independentes e complementarios

Ás 13:00               -      Lendas no Muiño… Contacontos.

XANTAR

Ás 14:00

         -      Levar comida para partillar.

         -      A comida traída das casas sumarase á da organización para a mesa común.

O SERÁN -  (pola tarde)

Ás 16 : 00

         -     Actividades para os rapaces con Golfiño:  maquillaxe  de cara, e obradoiros diversos a cargo de monitores

Ás 18:00
         -      Actuación de Fogo Fatuo de Rianxo: gaitas, pandeiretas, baile, etc..

MONÓLOGO

  Ás 19:00                           TRISTE VIDA…!! por.. Bartolo.

   Ás 20:00                     -  Merenda.

                                       - Karaoke

Posted via email from Certo.es, o xornal virtual de Barbanza e Noia

Boiro: os moluscos que comían por estas terras antes de que Cristo perdera as sandalias

Download now or preview on posterous

Concheiro Neixón.pdf (596 KB)

Vía http://arqueomalacologia.blogspot.com

Posted via email from Certo.es, o xornal virtual de Barbanza e Noia

Lingua galega: hai que tomalo con humor

via facebook.com

Collido do taboleiro de fotos de Adolfo Muíños Sánchez (Bng de Rianxo)

Posted via web from Certo.es, o xornal virtual de Barbanza e Noia

Rianxo: entregaron os premios do concurso de lectura en galego do "Félix Muriel"

via bicodaria.com

Camisolas para todos! Para todos? Non! Para os que mellor o fixeron. Todos os premiados, en http://www.bicodaria.com/spip.php?article498

Posted via web from Certo.es, o xornal virtual de Barbanza e Noia

Faranji: no capítulo XIX, Xurxo Ayán explica cómo facer un museo que acabou sendo un ximnasio

via certo.es

Con párrafos tan chamativos como:
"Nesa Galicia que é Ruanda, desencadeouse, entre vales e montañas tinguidos de sangue para sempre, un xenocidio[1] en abril de 1994. A maioría hutu (85 % da poboación do país) emprendeu a matanza sistemática da minoría tutsi (14 %) que detentara tradicionalmente o poder. Dende os departamentos universitarios, dende os Laboratorios, unha manchea de intelectuais e profesores elaboraran previamente un discurso ideolóxico racista, unha versión concreta do pasado, da historia e da identidade: o tutsi era un pobo estranxeiro (négaselle a condición de ruandés), unha raza extraña, nilótica (son os Outros), que colonizou o país, explotando, escravizando e deturpando aos seus verdadeiros fillos, afundíndoos na miseria, na humillación e na fame. As ondas radiofónicas espallan a chamada á recuperación da identidade, da dignidade hutu, exhortan á aniquilación dese cancro parasitario, desa anomalía tutsi na paisaxe de Ruanda. Dende a radio desencadenouse a metástase do odio".
Lea o capítulo completo en http://certo.es/index.php?page=save_the_children

Posted via web from Certo.es, o xornal virtual de Barbanza e Noia