4.8.10

Cultura: atención creadores novos de Barbanza e Noia, o Xuventude Crea só ten de prazo ata o 31 deste mes de agosto

Download now or preview on posterous
Xuventude Crea.pdf (141 KB)

128.000 euros en premios para artistas non profesionais entre os 16 e os 30 anos. Nada menos que unha ducia de modalidades distintas, entre as que destacan a de monologuistas, a de banda deseñada e a de graffiti

Hai modalidade para graffiteiros pero o máis novidoso é unha para monologuistas

Barbanza-Noia, 4 de agosto de 2010. O certame Xuventude Crea (antes Galiza Crea) xa está en marcha nesta edición de 2010. E queda menos dun mes para presentar obras!!!! Está destinado a mozos e mozas de entre 16 e 30 anos residentes en Galicia e inclúe este ano diversas novidades entre as que destaca por primeira vez a convocatoria da modalidade de monólogos. Así, ao concurso, que convoca a Dirección Xeral de Xuventude e Voluntariado, poderán optar persoas non profesionais de 12 especialidades diferentes: teatro, artes plásticas, moda, música, relato breve, poesía, videocreación, banda deseñada, graffiti, carteis e deseño de xoias, ademais de monólogos.

Nesta edición, por primeira vez, os gañadores das categorías de teatro, música e monólogos, á parte de recibir o premio en metálico, poderán desenvolver as súas propias actuacións. Serán dúas exhibicións para os primeiros galardoados de cada unha das modalidades sinaladas, e unha actuación para os segundos e terceiros. Pola súa banda, as contías que percibirán os participantes serán as seguintes: 3.000 euros para os premiados en primeiro lugar; 1.500 para os segundos; e 1.000 para os terceiros.

Tamén se poderán entregar mencións de honra nas diferentes especialidades a aquelas obras que a xuízo da comisión de selección acaden a suficiente calidade. As mencións carecerán de dotación económica. Os interesados en tomar parte do certame poderán presentar as súas obras ata o próximo 31 de agosto. Os mozos e mozas que gañaron o primeiro premio nalgunhas das especialidades convocadas en 2009 non se poderán presentar a esa mesma modalidade.

Salvo no caso das especialidades de teatro, música, banda deseñada e graffiti, a participación será sempre a título individual. O departamento autonómico destinará este ano ao certame un total de 128.000 euros. A entrega dos premios está prevista entre finais de novembro e principios de decembro. Asemade, a Xunta está a traballar para estender o circuíto de creatividade a outras comunidades autónomas. De feito, Xuventude asinou este mesmo ano un convenio de colaboración con Castela e León para que os creadores novos dos distintos lugares poidan desenvolver intercambios.

Esta iniciativa xa se está a realizar na comunidade veciña e estará centrada en artes plásticas (pintura, fotografía e escultura). No pasado mes de abril, no centro de documentación e información xuvenil de Santiago, tivo lugar unha exposición das obras finalistas do certame de 2009 e de traballos de artistas de Castela e León.

A intención da Dirección Xeral de Xuventude é lograr que este circuíto non só se estenda a outras comunidades do país, senón que tamén chegue a Portugal. De feito, a principios do mes de outubro terá lugar no Concello de Porriño un encontro musical entre grupos galegos e portugueses para afondar neste obxectivo.

Web de referencia:

http://xuventude.xunta.es/xuventude-crea.html

Posted via email from Certo.gl, o xornal dixital de Barbanza e Noia

Humor: no 50 aniversario de ZP, rescatamos unha tira de RunTime do seu contrincante

La crisis también afecta "duramente" a los políticos

Rajoy con un cubito en el cubata 

Nas tumbonas aínda non mandaron poñer cinturón de seguridade, non? Alguén da DGT por aquí? XD

Posted via email from Certo.gl, o xornal dixital de Barbanza e Noia

Rianxo: o sábado 7 de agosto, conto musicado para nenos no auditorio

Rianxo, 4 de agosto de 2010. O vindeiro sábado 7 de agosto terá lugar ás 12:00 h no Centro Sociocultural - Auditorio de Rianxo, unha nova proposta de Animación á Lectura no marco do programa LETRAS VIVAS ANIMACION, promovido conxuntamente pola Consellería de Cultura e o Concello de Rianxo. Nesta ocasión trátase dun CONTO MUSICADO e a actividade estará a cargo da actriz e ilustradora MARISA IRIMIA, acompañada ao piano e violín por Juan Carlos Vazquez.

O conto interactivo musicado está dirixido a nenos e nenas a partires de 3 anos.

Posted via email from Certo.gl, o xornal dixital de Barbanza e Noia

Opinión: Bóveda escribe sobre os efectos sobre o mañá do que facemos hoxe

Boiro: a romaría de Neixón, este domingo 8 de agosto, neste lugar de Cespón


Boiro, 4 de agosto de 2010. A tradicional romaría de Neixón ten lugar este domingo 8 de agosto. Comezará o día con alboradas, foguetes de estalos e gaitas. A procesión sairá ás once e media da mañá da igrexa para pasar por Quinteiro e Nine. Ás doce e media comezará a misa cantada na honra da Virxe do Carme e san Xosé. Actuará a coral polifónica do Liceo Marítimo de Rianxo.

Logo da misa, gran mexilloada e sardiñada de balde para todos os asistentes.

Amenizarán os seguintes grupos de gaitas: Os da Volta do Monte, Aloumiño, Cernade do Castro de Fruíme e Aires do Río Vello. Tamén haberá charangas e bailes tradicionais. Ás dúas da tarde, a sesión vermú contará coa orquestra Abanico. Logo, comida campestre nos arredores dos castros de Neixón. Pola noite, a partires das nove e media, verbena coa orquestra Abanico.

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical