15.3.11
Noia: a película "Retornos", de Luís Avilés, consegue quince nominacións aos premios Mestre Mateo do cinema galego
"Retornos" contén esceas rodadas en PonteNafonso
A illa de Sálvora, de Ribeira, tamén vai ser protagonista nos Mestre Mateo deste ano, xa que a película para televisión ambientada en parte alí, "Mar Libre", que dirixiu Dani de la Torre, obtivo dez nominacións. A gala dos Mestre Mateo é este ano en Ourense, o domingo 17 de abril, no auditorio municipal.
Posted via email from Certo.gl, o xornal dixital de Barbanza e Noia
Compártelo
Ribeira: o alcaldable do Psoe reuniuse co comité de empresa do Hospital da Barbanza
Ribeira, 15 de marzo de 2011. O alcaldable do PSdeG por Ribeira, Andrés Fariña, xunto coa número 2 da súa lista, Encarna Romero, tiveron unha xuntanza co comité de empresa do Hospital da Barbanza, o cal alertou dende hai dous anos da falta de persoal neste centro sanitario.
Fariña e Romero, acompañados por un representante da Plataforma pola Sanidade Pública, atenderon as demandas dps traballadores, que reclaman maior dotación e recursos para persoal co obxectivo de atender mellor as necesidades dos pacientes.
O candidato á alcaldía polo Psoe comprometeuse a trasladar estas demandas á Xunta e a converter "nunha prioridade a mellora do Hospital se os cidadáns me dan a súa confianza nas eleccións do 22 de maio", explicou Fariña.
Con Amicos
Fariña e Romero reunironse tamén con representantes da asociación Amicos, a cal xestiona un centro de día para persoas con discapacidade síquica. Segundo os socialistas, "a agrupación traballa desde fai anos para mellorar a calidade de vida das persoas con diversidade funcional e nós queremos proxectar un modelo de cidade en Ribeira onde a política social facilite o traballo a organizacións como Amicos".
Posted via email from Certo.gl, o xornal dixital de Barbanza e Noia
Compártelo
Ribeira: a Copa Sálvora celébrase en xuño. Aberto hoxe, 15 de marzo, o prazo de inscrición
Ribeira, 15 de marzo de 2011. Hoxe, 15 de marzo, ábrese o prazo de inscrición para a Edición 2011 da Copa Sálvora que se disputará os vindeiros 4 e 5 deXuño no Campo Municipal de A Fieiteira . As categorías elexidas pola organización son Prebenxamín, Benxamín e Alevín.
Cada clube poderá inscribir na copa 3 equipos como máximo en cada unha das categorías. Un de esos equipos pasará a Fase Final e os outros dous irán á Fase Previa do 29 de maio.
A cota de inscripción será de 30€ por equipo e categoría quedando exento do pagamento a categoría Prebenxamín que será gratuita. A data límite de inscrición será o 20 de maio ou remate de vacantes.
Posted via email from Certo.gl, o xornal dixital de Barbanza e Noia
Compártelo
Dodro: este venres 18, presentación do libro "Toponimia de Dodro e Laíño", de Manuel Lorenzo Baleirón, con licenza libre de distribución
Dodro, 15 de marzo de 2011. O vindeiro día 18, ás 20.00 horas, preséntase no Auditorio da Casa do Regadío o libro elaborado polo veciño Manuel Lorenzo Baleirón que recolle a maior parte do tesouro lingüístico que constitúe a toponimia do municipio.
O Concello "quere mostrar o orgullo de ter patrocinado a súa publicación para que todas as persoas interesadas do noso Concello, e tamén de todo o país, teñan coñecemento e acceso doado a este recurso cultural. A toponimía de Dodro constitúe unha parte valiosa do patrimonio inmaterial do idioma galego que queremos poñer en valor, aprofundando no seu coñecemento e explicación para recuperar a través del a experiencia vital de centos de xeracións anteriores á nosa, recoñecéndoa e respectándoa para a nosa propia dignificación como comunidade, para comprender a súa singularidade, para compartir o pasado e o futuro", explica o equipo de goberno. Este libro, de case 400 páxinas, prologado por Anxo Angueira, ten como colaboradores a numerosos veciños e veciñas que o autor fixo partícipes, e recolle todos (ou case) os nomes de lugares do término municipal dodrense, nas súas tres parroquias. A presentación do libro forma parte do conxunto de investigacións e actividades que o Concello vén animando para a posta en valor do noso patrimonio material e inmaterial que nos enriquece como país. "A Toponimia resulta un fito transcendental na historia dos traballos sobre o Concello e acompañarase de actividades complementarias ao longo deste ano para divulgalo e ilustralo, especialmente entre as novas xeracións", explica o Concello na súa web oficial.Ademais, como obra cultural e grazas á xenerosidade do autor, o libro conta cunha licenza de distribución libre, os seus contidos, tanto textuais como gráficos serán reutilizables, transformables e distribuíbles por calquera medio e formato para calquera que queira contribuír coa súa achega neste sentido. O propio Concello elaborará unha versión que estará dispoñible para descarga a través da páxina municipal en soporte electrónico. Manuel Lorenzo Baleirón, "veciño ilustre de Dodro e xenerosísimo autor deste traballo que tantas horas e días de esforzo lle dedicou por puro amor á súa Terra", din dende o Concello, naceu en Tarrío, Laíño en 1957; é licenciado en Filosofía e Historia da Arte pola Universidade de Santiago de Compostela e exerce como mestre no IES Macías o Namorado do veciño Padrón.
Posted via email from Certo.gl, o xornal dixital de Barbanza e Noia
Compártelo
Boiro: este venres 18 de marzo, clase de improvisación co jazzista neoiorquino Logan Richardson
Boiro, 15 de marzo de 2011. Este venres, 18 de marzo, a Escola de Música de Boiro organiza un work shop de improvisación que se desenvolverá de 17:00 a 20:00h.
Correrá a cargo de Logan Richardson, un dos músicos máis sobresaíntes do jazz neoinorquino.
O prezo é de 20 € para o público en xeral e de 10 € para os alumnos da Escola.
Máis información nos teléfonos 655 700 620 e 655 700 104 ou en info(at)sonaxe.com
Posted via email from Certo.gl, o xornal dixital de Barbanza e Noia
Compártelo
A Pobra do Caramiñal: este domingo 20, campaña de sensibilización a prol do veganismo
Proxectarán este documental (pódense atopar o resto de partes en YouTube)
Posted via email from Certo.gl, o xornal dixital de Barbanza e Noia
Compártelo
