4.10.11

A Pobra: denuncian, unha volta máis, a evidente contaminación do Río Morto

A Pobra, 4 de outubro de 2011. Un grupo de veciños do lugar da Devesa, do Concello da Pobra do Caramiñal, vén de denunciar, outra volta máis, "a contaminación continuada que está a sufrir o Río Morto, coa que están a converterlo nunha autentica cloaca, cun cheiro isoportable, e as augas nun estado de podremia permanente. Hai uns días certo xornal da provincia facíase eco dunha nova sobre unha vertedura ao río. Por suposto,para aclarar tal asunto, non saíron as autoridades municipais, que éstas non deben ter competencias sobre o tema, quen sí saíron, agora convertidos en voceiros do goberno local, foron os membros da empresa Aquagest, dicindo, que a vertedura fora producida polas máquinas das obras que actualmente están a traballar na zona, e que a vertedura non tiña ningunha importancia_: algo sen repercusión, un asunto leve".

Aquagest minte sobre o das obras


Estes veciños queren dicir ao respecto que esa aclaración por parte da empresa Aquagest "é unha verdadeira mentira, e os veciños sentímonos ofendidos diante do que consideramos unha verdadeira tomadura de pelo. As máquinas actualmente están ben lonxe do cauce e non propiciaron ese vertido. As máquinas, que nós saibamos, non verten morca e outras lindezas. As marxes do río, no que actualmente o Concello da Pobra está a facer unha inversión de máis dun millón douscentos mil euros, non se traduce ao río, que a estas alturas segue a estar contaminado, un día si e outro tamén, coma hai un ano, dous, tres, ou cinco".

Augas de Galicia e Goberno municipal: ningún fai nada

"Parécenos lamentable que Augas de Galicia, despois de tanto tempo, non se tome este problema en serio, parécenos lamentable que os serviciós de protección do ambiente non aparezan por ningún lado para rematar con esta lacra. O máis, ou o mesmo de grave, son os propios responsables do goberno municipal, que, xunto co señor alcalde, non son quen de deter estes vertidos e abrirlle un expediente aos responsables de tal desfeita, a pesar, de que o propio alcalde, unha e outra vez, cando se lle tercia, e non usa aos seus portavoces, nos prometa, dende hai anos, que o asunto da localización dos presuntos contaminantes, cada vez, está máis perta. Véxase a hemeroteca", finalizan os veciños, que tamén envían imaxes de diversas verteduras ao Río Morto ao longo destes anos.


Posted via email from Certo.gl, o xornal dixital de Barbanza e Noia

Atletismo: o mércores 12 de outubro, XIII Carreira Pedestre de Lestrobe

Triptico Carreira Pedrestre.pdf Download this file

  • O prazo para anotarse remata o 10 de outubro, o vindeiro luns

Dodro, 4 de outubro de 2011. O Concello de Dodro organiza a XIII Carreira Pedestre de Lestrobe 2011.
Nesta ocasión a carreira conta coa axuda da Deputación de A Coruña que destinará 2.500 euros para a súa realización despois das xestións realizadas polo goberno municipal que dirixe Valentin Alfonsín.
Celebraráse o vindeiro 12 de outubro (festivo nacional) a partir das 17,30 horas. O control técnico correrá a cargo da Federación Galega de Atletismo-Delegación de Santiago e poderán participar atletas federados e non federados.
O prazo de inscricións rematará o luns 10 de outubro ás 22 horas.
A entrega de trofeos realizarase no lugar da Devesa en Dodro aproximadamente sobre as 20 horas
Máis información no documento adxunto.

Posted via email from Certo.gl, o xornal dixital de Barbanza e Noia

Arte: el Museo del Grabado de Ribeira prorroga el envío de grabados al III Premio Atlante

  • Se podrán enviar hasta el 31 de noviembre
  • También está preparando una exposición sobre Dalí en una comparación con los grabados de Goya
Media_httpfarm5static_utccb

Ribeira, 4 de octubre de 2011. El  Museo del Grabado de Artes ha decidido prorrogar la recepción de grabados de su III Premio de Grabado Atlante por lo que se podrán enviar hasta el 31 noviembre (este día inclusive). Se invita a la participación de los diversos artistas a este certamen con temática libre y con más de 11.000€ en premios.

Destacan que este año el Premio del Barbanza, pasa a denominarse Premio Del Barbanza -RÍa de Arousa, pues están incluidos todos los municipios pertenecientes a la Ria de Arousa.

Más información www.fundartes.com o tlf: 981871342.

CAPRICHOS DE DALÍ:

El Museo del grabado de Artes está preparando durante este mes una exposición de los Caprichos de Dalí,  mostrado en una comparativa con los grabados de Goya, por lo que la inauguración se retrasara a noviembre.

Los grabados pertenecen a los fondos de la Fundación y estarán por primera vez en las salas del Museo, aunque de forma parcial ya se expuso en Santiago  de Compostela y en la Universidad de Cantabria, en la muestra de Goya a Dalí y en su totalidad se expuso por vez primera en las Salas de la Fundación Canal en  Madrid en el 2010.

Salvador Dalí toma la estampa crítica, satírica y claramente comprometida en los Caprichos, las ochenta láminas que completaron la serie del inmortal aragonés son recreadas por el no menos genial Dalí, recrea el nombre de Goya en todas las estampas, reconociéndole de esta manera como inventor de todas las composiciones.

Para resaltar la importancia de la obra grabada que nos presenta Dalí, para “comprender “ el dibujo añadido”, hay que comprender la obra de Goya. Así, en 1796 el maestro aragonés elaboró una serie de dibujos a los que el propio artista denominó "Sueños" y de los que tuvo el propósito de título "Idioma Universal". Entre estos dibujos fue muy afamado el conocido como “El Autor soñando sobre una mesa” que prestaría como imagen introductoria del resto de las composiciones con el fin de perpetuarlas.

Media_httpfarm5static_yevsc

Ochenta fueron  los dibujos que Goya eligió y ordenó para formar parte de la serie que conocemos como Los Caprichos y que fueron grabados en su mayoría al aguafuerte y al aguatinta consiguiendo efectos técnicos que nos se conseguían desde Rembrandt, hay que destacar el trabajo del aguafuerte con un concepto de la línea amplia, trabajada con magistral libertad, se desenvuelve ligera sin obstáculos. El buril y la punta seca las utilizará para los detalles, el aguatinta para las sombras y fondos.

En 1799 salió a la luz esta serie de asuntos caprichosos de donde la caricatura es fiel reflejo de una sociedad enfermiza a través de la cual Goya nos expresa su particular y decepcionada visión del mundo .

Dalí retoma y recrea, dibuja en el dibujo, en estos ochenta Caprichos no solamente pone color a las líneas entintadas, sino que consigue , a través del heliograbado, la imagen propuesta por Goya y sobre ella actúa su imaginación  fantástica dando salida a otros Caprichos que, en su resultado, vienen a ser tan originales y desprender  tanta vida como aquellos del maestro aragonés.

La serie las abrió Goya con su retrato, aspecto que Dalí respeta añadiendo algunas imágenes que, en su rareza, nos hablan de lo extraño del inframundo.

En los Caprichos el mote o lema se dispone bajo la imagen y supone la síntesis semántica de lo representado. Dalí añade los dibujos de Goya  los suyos propios, dibuja en el dibujo y a convertir la estampa en una recreación diferente cambia los motes o juega con sus palabras. Si Goya propone: Si amanece, nos vamos, Dalí señala; Si no amanece nos quedamos. Dalí respeta la fígura de Goya.En resumen, lo que vemos en las salas del museo de artes, mejor dicho lo que miramos, no es otra cosa sino sueños sobre otros sueños olvidados que, en negro sobre blanco, reposaban durmientes en el tiempo y que, el genio catalán, supo despertar para construir nuevamente, sueños en papel.

Posted via email from Certo.gl, o xornal dixital de Barbanza e Noia

Opinión: "Un escultor con memoria", por Gonzalo José Sarasquete

Imaxes:
Camión levando balea a Porto
Testemuñas e un activista canadense que veu a Ribeira co que colaboramos miña nai, eu e os da caseta do carro de obras de Porto


"Agora resulta que o homenaxeado na praza de España non son dous traballadores, senón a Frinsa, a mesma que para moitos significa a especulación co traballo dos demais: compro barato e vendo despois máis caro. Por outra banda, unha actividade do máis honrada, pero non digna de louvanza e menos de dar como resultado un monumento con dous sufridos traballadores.

Vos preguntaredes que teño eu que ver como escultor e persoa: eu sufrín e vinme afectado. Primeiro diferenciaría a vella Frinsa da nova, ésta procura moitos postos de traballo, pero nas dúas sempre con Don Ramiro á fronte,

A principios dos oitenta estiven a colaborar coa  Sociedade de Historia Natural de Galicia, primeiro mergullándome pola ría e despois tomando conciencia ecolóxica.  Os primeiros compromisos nos que me vin embolicado pasaban por conseguir que entrásemos na moratoria da pesca das baleas. Por aquelas datas, Frinsa colaboraba ca empresa IBSA, a concesionaria da explotación de tan noxento negocio. En Frinsa almacenábase, conxelábase, cortábase en anacos, cualificábase a balea, para despois mandala a Xapón.

Eu colaborei de varios xeitos: un deles foi a protesta cunha balea inchable no peirao e unha pegada de carteis. O obxectivo era que tomásemos conciencia e as oficinas de Frinsa no mercado de Ribeira foron o destino ideal, polo que os mandamases desta empresa mandáronme  o día seguinte un “”anónimo ameazador””, elixiron parte do cartel que o día anterior peguei eu mesmo, en el a imaxe moi gráfica dun arpoeiro disparando o arpón e meteume un pouco de medo, que agora non teño.

Por outra banda, tamén lle mandaba a información á Sociedade Galega de Historia Natural das toneladas que se carregaban no porto. Recordo moi ben un barco e concreto: chamábase SEKY-REX, un dos máis grandes que entraron no porto, de triste lembranza, pois un de nós chegou a caer na adega e case morre. Só neste, e segundo os membros da SHNG, carregouse a concesión anual de captura que tiña España, para un ano, pero nese verán carregáronse tres barcos máis e como detalle: a uns de nós rompéuselle un saco de graxa de balea, quedando logo ben sorprendidos, pois alí dentro había unha aleta caudal moi pequena dunha cría acabada de nacer..

Anos despois a Frinsa e Don Ramiro volvéronse cruzar na miña vida como para dar unha segunda volta de torca a vinganza: corría o ano 1988 e dous escultores de Ribeira eramos seleccionados pola Universidade de Verán Menéndez Pelayo, eu e Xoán Cabeza, para participar nunha importante exposición nas rúas da Coruña.

Naquel outono organizábanse unha das primeiras feiras de mostras “EXPOBARBANZA” , uns da Pobra encargados da organización souberon da miña presenza na devandita exposición e propuxéronme traela e poñela, abrindo o espazo, pero eu apuntei unha posible reforma sobre da peza que era un imán que apuntaba ó ceo,  mudando a orientación a oeste, pois a expo estaba dedicada á emigración, detalle poético- simbólico. Só pedín, como eu xa estaba incorporado á Universidade de Salamanca, que se me pagase un billete para vir  facer a modificación da escultura, e gratis. O último que souben foi por un telegrama dos organizadores: "NOM SEI QUE LLE FIXECHES A D. RAMIRO QUE SE NEGA EN ROTUNDO A TUA PRESENCIA E DA TUA ESCULTURA  NA EXPOSICIÓN"

Por isto se me mandasen a min a realización da famosa escultura da praza de España, seguramente  negariame e non a faría ou se cadra agocharía unha mensaxe con moita retranca.  Retranca tan necesaria coma o ar que respiramos, como o pan que comemos. A culpa de todo isto tería que ver coa boa memoria que teño".



Posted via email from Certo.gl, o xornal dixital de Barbanza e Noia

Dodro: exposición sobre o Cambio Climático ata o luns 17 de outubro nos baixos da Casa do Concello

Exposicion_cambio_climatico

Dodro, 4 de outubro de 2011. A Concellería de Cultura, Voluntariado e Asociacionismo do Concello de Dodro que dirixe Cristina Codesido, inaugurou onte a mostra "O noso mundo, o noso futuro, a nosa opción". A exposición  é unha iniciativa do Servizo de Educación para a Sostibilidade da Dirección Xeral de Desenvolvemento Sostible da Consellería de Medio Ambiente e Desenvolvemento Sostible que o Concello de Dodro quere ofrecer para o coñecemento dos veciños, "xa que o cambio climático é un dos maiores retos cos que se enfronta a sociedade", aseguran dende o equipo de goberno..

A través de paneis, videos e algo de práctica, trátase de expoñer de forma amena e pedagóxica a situación actual sobre os efectos da contaminación a nivel planetario, así como as iniciativas industriais e as individuais que se poden tomar para facer fronte a estas ameazas.

A exposición toma en conta o ámbito global pero resulta especialmente de interese nos aspectos máis próximos como os índices de contaminación en Galicia, respecto das expectivas do Acordo de Kyoto para a súa reducióne, as iniciativas que se están a desenvolver para mellorar o noso entorno e a posición que ocupamos dentro desta loita internacional.

Para iso a exposición conta con elementos visuais, multimedia e interactivos que informan de forma concreta, ilustran respecto das interaccións e conxunto dos cambios que se están producindo e tamén permiten comprobar de forma directa e práctica a importancia e transcendencia de considerar alternativas para o transporte e a produción de enerxía co audiovisual “Cambio climático: ti tamén decides”, así como diminuír dentro do posible a nosa pegada ecolóxica mediante a redución de emisións contaminantes con pilas de combustible de hidróxeno a partir da radiación solar ou co uso da bicicleta para os desprazamentos persoais “E mais eu. Cantas emisións podo evitar?

A exposición estará aberta nos baixos da Casa do Concello de luns a venres, en horario de 9 a 14 horas para todos os públicos ata o día 17 de outubro, e recoméndase a visita en grupos de menores acompañados dos seus maiores para o maior aproveitamento. Realizaránse algunhas visitas guiadas sempre que se soliciten con antelación.


Posted via email from Certo.gl, o xornal dixital de Barbanza e Noia

Ribeira: medio cento de veciños na última saída cultural para maiores deste ano, que foi a San Andrés de Teixido

San_andrs_de_teixido

50 VECIÑOS DE RIVEIRA PARTICIPARON NA VIAXE PARA MAIORES A SAN ANDRÉS DE TEIXIDO, ÚLTIMA DAS SAÍDAS CULTURAIS PROGRAMADA PARA 2011 

Ribeira, 4 de outubro de 2011.- Medio cento veciños e veciñas do municipio tomaron parte en setembro na último das viaxes programados para 2011 polos Servizos Sociais dentro da iniciativa de Saídas Culturais para o colectivo da terceira idade.  

Este desprazamento tivo como destino a localidade de San Andrés de Teixido, e durante o itinerario tiveron a oportunidade de coñecer tamén outros lugares como Pontedeume e Ortigueira, ademais dos acantilados de Vixía de Herbeira, os máis altos de Europa con 620 metros de altura. 

A coordinadora do programa de dinamización social dos maiores, María José Carreira, acompañou á expedición.

Pode que tamén lle interese:


Lan Party UxíaNet 1.1: do 14 ao 16 de outubro. Só 55 prazas!


Carreira de Santa Uxía: uns 500 nenos correrán o 8 de outubro


Marcha ciclista: imaxes da de Santiago a Fisterra



A Creba: estrean curta o venres 7 de outubro


Altofalante 2011: gañou a Plataforma pola Sanidade Pública do Barbanza


Obradoiro: e quererán facer teatro os sen teito?



 

Posted via email from Certo.gl, o xornal dixital de Barbanza e Noia

Ribeira: voltan os badéns para facer diminuír a velocidade do tráfico nos arredores dos colexios

  • O Concello tamén anunciou melloras na iluminación de Lepanto e Barreira

Ribeira, 4 de outubro de 2011. O Concello vén de anunciar a próxima instalación dunha serie de badéns en distintas vías públicas da cidade que están próximas a centros educativos, co fin de moderar a velocidade dos vehículos que por alí transiten e afianzar a seguridade dos peóns nuns puntos que contan cunha alta presenza de cativos. 

Concretamente, na próxima semana colocaranse catro badenes na avenida Miguel Rodríguez Bautista: dous deles á altura do colexio O Grupo e os outros dous ao principio de cada un dos lados da vía.  

Polo que respecto ao entorno do colexio Galaxia, en principio está prevista a colocación dun badén na rúa 9 de agosto, máis ou menos na metade da vía, e se se estimase necesario colocaríase un segundo resalto na zona onde está a rotonda. Tamén se se considerase oportuno instalaríanse badéns nas inmediacións do colexio Bayón. Todos estes elementos estarán fabricados en aglomerado en quente e terán os marxes regulamentarios que establece a normativa. 

Pode que no futuro tamén os poñan nas parroquias

No caso de que se constate a eficacia destes elementos para a regulación do tráfico, o Concello estenderá esta medida a outros centros educativos nas parroquias onde se detecte a necesidade de instar aos condutores a que baixen a velocidade.

Aforro enerxético nos alumeados de Barreira e Lepanto

O Concello vai mellorar o sistema de alumeado público nas rúas Lepanto e da Barreira, ambas situadas no casco urbano de Santa Uxía. A tal efecto, a administración local ven de adxudicar á empresa Miyares Electricidad, S.L. esta actuación, que tivo un orzamento de saída de 34.089 euros e foi finalmente concedida por 27.404 euros. O prazo de execución é un mes.

O proxecto da obra, que foi elaborado polos servizos técnicos municipais do Concello, contempla a substitución das luminarias existentes, xa bastante deterioradas, por outras novas que están adaptadas ás directrices da Unión Europea sobre contaminación lumínica e aforro enerxético.  

Ademais, serán suplantados os brazos adheridos ás fachadas por outros de aceiro inoxidable de 1,5 metros de lonxitude. Tamén se cambiará a liña de alimentación en toda a rúa Lepanto e gran parte da rúa da Barreira. 

Esta actuación está  adscrita ao PAC-2, anualidade 2011, da Deputación Provincial da Coruña.

Posted via email from Certo.gl, o xornal dixital de Barbanza e Noia

Noia: este sábado 8 de outubro, "Dous menos", teatro para rir e reflexionar na Sociedade Liceo

Dous_menos_noia

Noia, 4 de outubro de 2011. Este vindeiro sábado, 8 de outubro, ás 21:00 horas, no Liceo de Noia, terá lugar a representación de "Dous menos" de Samuel Benchetrit, a cargo do Grupo de Teatro Liceo.

Sinopse:

Dous homes maiores espertan nunha sala de hospital para, en poucos minutos e ao mesmo tempo, ser informados de que lles queda nadiña de vida. Póñense de acordo para facer unha viaxe inesquecible, a cal non só se convirte nunha fuga do hospital senón tamén nunha volta aos sentimentos máis prezados polo ser humano.

Foi escrita esta obra teatral polo mozo (nado en 1973) dramaturgo francés Samuel Benchetrit, e xa a levaron ao teatro en castelán Hector Alterio e José Sacristán.

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical