Barbanza, por Certo: castros de Neixón

Mostrando entradas con la etiqueta castros de Neixón. Mostrar todas las entradas

23.7.10

Boiro: continúan en agosto as escavacións en Neixón, con estudantes de Historia

Exploran unha área intermedia nos castros de Neixón

23 / 7 / 2010

Santiago. Redacción

historia
patrimonio

O equipo científico responsable actual das escavacións nos castros de Neixón realizará este ano unha escavación na área situada entre os dous castros que se localizan nesta península do fondo da ría de Arousa, en Cespón (Boiro). Así o manifestaron onte na rolda de prensa que presentou no concello de Boiro o novo campo de traballo con estudantes de Historia.

Os castros de Neixón teñen unha peculiar disposición: nunha península conviven dous castros de épocas distintas. O máis antigo, o Castro Pequeno, está no cabo da Península, e é o máis antigo dos dous, dos inicios da época castrexa e o grande, un recinto moi monumental, nunca foi habitado, pero nel atópase moitos restos cerámicos que evidencian o contacto comercial das comunidades do Barbanza co mundo mediterráneo.

via culturagalega.org

Posted via email from Certo.gl, o xornal dixital de Barbanza e Noia

15.7.10

Boiro: debuxos de ciencia ficción para promocionar os castros de Neixón

Aquí vedes reproducida unha reconstrución dos castros de Neixón que apareceu no libro das festas de Boiro 2010 e que seica vai ser a portada da guía breve da área arqueolóxica de Neixón. Seica esta era a visión de Neixón no século III a. C.
É lamentable que se engane á xente despois de anos e anos de escavacións, despois de centos de páxinas publicadas. O arqueólogo do CAB volve amosar a súa sapiencia con despropósitos como amosar habitado o Castro Pequeno cando os vestixios últimos de ocupación son do século V a. C., como inventarse entradas ao Castro Grande por onde non son, como inzar o interior do recinto superior do Castro Grande de casas no século III a. C., cando o único que había eran foxas esparexidas polo interior da croa (non era un poboado), como inventarse literalmente un antecastro habitado.
O que está claro é que aquí hai alguén que non sabe nada da área arqueolóxica que seica debe xestionar, que non leu nin unha páxina das memorias de escavación precedentes e que engana ao público visitante. Profesional, moi profesional.