Política: o número 1 por A Coruña do Psoe di que os orzamentos estatais discriminan a esta provincia

• O ceense Francisco Caamaño advirte que se “a resposta do Goberno aos recortes son máis recortes”, o resultado será “máis recesión e máis paro” 
• Afirma que a provincia da Coruña “é unha das máis perxudicadas”, cun investimento por habitante de 212 euros, fronte aos 468 € da media galega , o que supón “unha clara discriminación” 
• Lembra que o investimento total do goberno de Rajoy para 2013 na provincia da Coruña diminúe nun 59% con respecto aos últimos PXE do goberno de Zapatero, pasando de 602 a 243 millóns de euros en só dous exercicios.

O PP destina a variable de Padrón 0 € nos orzamentos para 2013. Velaí o compromiso da dereita. E Feijoo sacando peito...

— fran caamaño (@francaamano) September 29, 2012

Caamaño estivo a semana pasada manifestándose a prol da sanidade pública en Ribeira

Barbanza-Noia, 1 de outubro de 2012.  O cabeza de lista dos socialistas coruñeses nas eleccións autonómicas do 21 de outubro, Francisco Caamaño, afirmou onte que os Orzamentos Xerais do Estado para 2013, “recortan sobre o recortado” e “discriminan claramente á provincia da Coruña”, que recibirá no vindeiro exercicio uns 243 millóns de euros, un 23% menos que en 2012, e un 59% menos que o investido na provincia polo goberno de Zapatero, que en 2011 destinou 602 millóns de euros á provincia da Coruña.

“Se a resposta de Rajoy aos recortes son máis recortes, cal é a pregunta?”, ironizou Caamaño, que considerou que esa senda emprendida polo Partido Popular conducirá irremediablemente a xerar “máis recesión e máis paro”.

212 de media para os coruñeses, 468 euros para o resto dos galegos

Francisco Caamaño subliñou que o investimento medio por habitante na provincia coruñesa será de 212 euros, fronte á media galega de 468 euros, “o que supón unha clara discriminación para esta provincia, que volve a ser unha das máis perxudicadas polos Presupostos Xerais do Estado”, en relación ao seu peso socioeconómico e poboación.

O candidato socialista apuntou que o investimento de Fomento na provincia recórtase nun 45% na provincia e considerou que os orzamentos do goberno de Rajoy  “esquecen ou alonxan no tempo algúns dos principais investimentos  produtivos e estratéxicos para a provincia”, como a conexión ferroviaria cos portos exteriores da Coruña e Ferrol, que reciben “partidas simbólicas” de 50.000 e 250.000 euros, respectivamente; a Terceira Ronda coruñesa, que pasa dos 35 millóns previstos o ano pasado a  só 25 millóns; a ampliación da avenida Alfonso Molina da Coruña e o túnel de Conxo en Santiago, con só 100.000 euros para cada obra; ou as variantes de Ordes e Padrón, para as que se esperaba un investimento de 1,5 millóns, que finalmente será de 15.000 euros.

No “avultado apartado de omisións” dos PXE 2013, Caamaño destacou a ausencia de presuposto para o dique flotante que demanda o sector naval de Ferrol, os “cero euros” destinados, un ano máis, para os saneamentos da rías do Burgo (A Coruña) e Ferrol; e a falta de asignación orzamentaria para proxectos como a nova terminal do aeroporto de Alvedro e a estación intermodal da Coruña.

O candidato socialista afirmou que os presupostos de Rajoy para 2013 “volverán recortar duramente na área social”, cunha diminución global das partidas destinadas a sanidade, política social e educación de preto do 15% e un recorte de 48 millóns en becas.

Política: en campaña, precampaña e fóra dela, os comportamentos irregulares dos partidos alcatrean. galiciaconfidencial.com/nova/11689.html vía @gconfidencial

— Certo (@Certo) September 30, 2012

OTRO INTENTO DE GOLPE DE ESTADO INTENTANDO OCUPAR UN PARLAMENTO ELEGIDO DEMOCRÁTICAMENTE EN LAS URNAS bit.ly/QCKnbf

— masaenfurecida (@masaenfurecida) September 30, 2012

Os + pobres, recortes + contundentes. Recortan 40% dos fondos para axudas sociais básicas dos concellos. vía @iescolar Grazas @feijoo2012

— Certo (@Certo) September 29, 2012

Política: @feijoo2012 xa ten a web que nunca desexaría ter: feijoo2012.com. @gconfidencial @quepasanacosta @radiofusionga

— Certo (@Certo) September 28, 2012

Posted via email from Certo.gl, o xornal dixital de Barbanza e Noia

Política: o número 1 por A Coruña do Psoe di que os orzamentos estatais discriminan a esta provincia

• O ceense Francisco Caamaño advirte que se “a resposta do Goberno aos recortes son máis recortes”, o resultado será “máis recesión e máis paro” 
• Afirma que a provincia da Coruña “é unha das máis perxudicadas”, cun investimento por habitante de 212 euros, fronte aos 468 € da media galega , o que supón “unha clara discriminación” 
• Lembra que o investimento total do goberno de Rajoy para 2013 na provincia da Coruña diminúe nun 59% con respecto aos últimos PXE do goberno de Zapatero, pasando de 602 a 243 millóns de euros en só dous exercicios.

O PP destina a variable de Padrón 0 € nos orzamentos para 2013. Velaí o compromiso da dereita. E Feijoo sacando peito...

— fran caamaño (@francaamano) September 29, 2012

Caamaño estivo a semana pasada manifestándose a prol da sanidade pública en Ribeira

Barbanza-Noia, 1 de outubro de 2012.  O cabeza de lista dos socialistas coruñeses nas eleccións autonómicas do 21 de outubro, Francisco Caamaño, afirmou onte que os Orzamentos Xerais do Estado para 2013, “recortan sobre o recortado” e “discriminan claramente á provincia da Coruña”, que recibirá no vindeiro exercicio uns 243 millóns de euros, un 23% menos que en 2012, e un 59% menos que o investido na provincia polo goberno de Zapatero, que en 2011 destinou 602 millóns de euros á provincia da Coruña.

“Se a resposta de Rajoy aos recortes son máis recortes, cal é a pregunta?”, ironizou Caamaño, que considerou que esa senda emprendida polo Partido Popular conducirá irremediablemente a xerar “máis recesión e máis paro”.

212 de media para os coruñeses, 468 euros para o resto dos galegos

Francisco Caamaño subliñou que o investimento medio por habitante na provincia coruñesa será de 212 euros, fronte á media galega de 468 euros, “o que supón unha clara discriminación para esta provincia, que volve a ser unha das máis perxudicadas polos Presupostos Xerais do Estado”, en relación ao seu peso socioeconómico e poboación.

O candidato socialista apuntou que o investimento de Fomento na provincia recórtase nun 45% na provincia e considerou que os orzamentos do goberno de Rajoy  “esquecen ou alonxan no tempo algúns dos principais investimentos  produtivos e estratéxicos para a provincia”, como a conexión ferroviaria cos portos exteriores da Coruña e Ferrol, que reciben “partidas simbólicas” de 50.000 e 250.000 euros, respectivamente; a Terceira Ronda coruñesa, que pasa dos 35 millóns previstos o ano pasado a  só 25 millóns; a ampliación da avenida Alfonso Molina da Coruña e o túnel de Conxo en Santiago, con só 100.000 euros para cada obra; ou as variantes de Ordes e Padrón, para as que se esperaba un investimento de 1,5 millóns, que finalmente será de 15.000 euros.

No “avultado apartado de omisións” dos PXE 2013, Caamaño destacou a ausencia de presuposto para o dique flotante que demanda o sector naval de Ferrol, os “cero euros” destinados, un ano máis, para os saneamentos da rías do Burgo (A Coruña) e Ferrol; e a falta de asignación orzamentaria para proxectos como a nova terminal do aeroporto de Alvedro e a estación intermodal da Coruña.

O candidato socialista afirmou que os presupostos de Rajoy para 2013 “volverán recortar duramente na área social”, cunha diminución global das partidas destinadas a sanidade, política social e educación de preto do 15% e un recorte de 48 millóns en becas.

Política: en campaña, precampaña e fóra dela, os comportamentos irregulares dos partidos alcatrean. galiciaconfidencial.com/nova/11689.html vía @gconfidencial

— Certo (@Certo) September 30, 2012

OTRO INTENTO DE GOLPE DE ESTADO INTENTANDO OCUPAR UN PARLAMENTO ELEGIDO DEMOCRÁTICAMENTE EN LAS URNAS bit.ly/QCKnbf

— masaenfurecida (@masaenfurecida) September 30, 2012

Os + pobres, recortes + contundentes. Recortan 40% dos fondos para axudas sociais básicas dos concellos. vía @iescolar Grazas @feijoo2012

— Certo (@Certo) September 29, 2012

Política: @feijoo2012 xa ten a web que nunca desexaría ter: feijoo2012.com. @gconfidencial @quepasanacosta @radiofusionga

— Certo (@Certo) September 28, 2012

Posted via email from Certo.gl, o xornal dixital de Barbanza e Noia

Política: Rianxo foi escollido polo Bng para abrir os mitins de precampaña, con Guillerme Vázquez

• O portavoz nacional do Bng incide en que "votar Feijóo é votar Rajoy" e ponlle nota ao goberno da Xunta actual: "non supera o umbral do moi deficiente"
• Tamén se fixeron alusións ás andanadas do Borbón contra o independentismo: "namentres o Rei di que rememos todos xuntos, el segue no seu iate"

Comezan os mitins de PRECAMPAÑA do BNG na COMARCA DA BARBANZA @obloque @certo . twitter.com/hadrianaordone…

— Hadriana Ordóñez(@hadrianaordonez) September 19, 2012

@anaponton 'Estan FACENDO que DEIXEMOS de vivir no NOSO PROPIO TRABALLO'.

— Hadriana Ordóñez(@hadrianaordonez) September 19, 2012

Rianxo, 19 de setembro do 2012. O portavoz nacional do BNG participou este serán nunha charla-coloquio en Rianxo xunto co alcalde, Adolfo Muiños, a candidata número 2 por A Coruña, Ana Pontón, e representantes do ensino, do mar e mesmo afectados polas preferentes.

Vázquez criticou as medidas do PP “consistentes só en duros recortes que recaen nas costas de traballadores, pensionistas, mulleres, estudantes, persoas dependentes e os máis desfavorecidos. Ou na súa pasividade para cos nosos sectores productivos porque os está deixando caer sen remedio”.

Tamén se referiu á grave situación pola que están a atravesar os estaleiros galegos públicos e privados, os baixos prezos para o leite, o engano masivo das preferentes “posto que o PP legalizou unha fraude e agora aproba unha lei segundo a cal poden perder até o 80% dos aforros investidos”. Mencionou “os acordos de pesca que non se renovan e prexudican sobre todo á flota galega, e a última que non vos debedes perder: fan unha proposta no Parlamento europeo para que na etiquetaxe das conservas e peixe e marisco fresco non figure a orixe dos productos”.

@adolfomuinhos @certo' O PP dalle VERGOÑA levar a MARCA GALEGA no PRODUCTO PROPIO como e o MEXILLON'.

— Hadriana Ordóñez(@hadrianaordonez) September 19, 2012

@guillermegz 'CARMEN FRAGA, Galega coma ti desde sempre, leva a PROPOSTA da nn necesidade da ETIQUETAXE Del MEJILLON' @certo

— Hadriana Ordóñez(@hadrianaordonez) September 19, 2012

As GRANDES FORTUNAS pagan un 1%! Os 1000eur pagan un 9%!, di DORES TORRADO @certo @obloque . twitter.com/hadrianaordone…

— Hadriana Ordóñez(@hadrianaordonez) September 19, 2012

@guillermegz "Na POLITICA ESTAN OS PROBLEMAS, pero na politica estan as SOLUCIONS". @certo twitter.com/hadrianaordone…

— Hadriana Ordóñez(@hadrianaordonez) September 19, 2012

“Son únicos en destrozar o país. E vai Feijoó e pide que os comicios galegos non se convirtan nun exame da xestión de Rajoy senón que se avalíe só a súa xestión. Claro que sí, el soliño abonda. Desde logo, nós estamos dacordo en pór nota á súa xestión porque a verdade que non chega nen ao umbral do moi deficiente”, asegurou o portavoz nacional do BNG, quen engadiu “que ninguén se leve a engano. Son a mesma cousa: votar a Feijoó é votar a Rajoy. Andan a voltas co resgate, xa non saben que facer para evitar pedilo antes do 21-O, e por qué? Porque nos están enganando, ocultan o seu verdadeiro programa e os seguintes salvaxes recortes que van levar a cabo. Xa o dixo o Eurogrupo, un segundo resgate implicará unhas duras condicións”, argumentou Vázquez na emblemática praza de Rafael Dieste.

Guillerme Vázquez sinala “a necesidade de parar esta deriva. Hai que parar ao PP e na Galiza temos unha oportunidade excelente para poñerlles o primeiro atranco. O descontento social, o malestar pola baixada de salarios, por unha altísima taxa de paro, por desmantelar a sanidade e a educación públicas, por pechar a lei de dependencia, por todos os ataques ás maiorías sociais, hai que canalizalo, hai que reaxir e votar opcións políticas nacionalistas e de esquerdas como o BNG que defende a Galiza, aos seus sectores produtivos, e estamos radicalmente en contra dos recortes”.

Posted via email from Certo.gl, o xornal dixital de Barbanza e Noia

Muros: a nova secretaria de Compromiso X Galicia é María Sambade

Muros, 17 de setembro de 2012. Trala xuntanza mantida a semana pasada por membros de Compromiso, achegados,  veciños e veciñas de Muros, María Sambade resultou escollida como secretaria local de Compromiso X Galicia en Muros.

Sambade é profesora no colexio Ramón de Artaza de Muros e iniciouse na política hai tan só dous anos, ocupando a terceira posición na lista que encabezaba María Xosé Alfonso e saíndo concelleira eleita, cargo que ocupa na actualidade.

"Fartas da casta política"

Asegura que se sinte  honrada por dous motivos:  “en primeiro lugar porque os meus compañeiros e compañeiras depositaran esa confianza en min sen ningún tipo de reservas e en segundo lugar porque me identifico plenamente co proxecto de Compromiso por Galicia". Na súa intervención incidiu en que Compromiso nace para darlle unha luz de esperanza a aquelas persoas "que están fartas da casta política que antepón os intereses dos partidos aos verdadeiros problemas da cidadanía. A política de Compromiso x Galicia en Muros vai a estar destinada a xente, ao seu servizo. Quero que a política se faga cos pés na terra, solucionando os problemas reais dos veciños e veciñas”.

María Xosé Alfonso e María Sambade

O rumbo a seguir, segundo a nova secretaria local "é o que se ven facendo con María Xosé Alfonso, xa que a súa maneira de entender a política de actuar é a esencia de Compromiso X Galicia”. Fixo ademais un chamamento aos veciños e veciñas “ Chegou a hora de deixar de queixarnos, chegou a hora de comprometernos”.

Posted via email from Certo.gl, o xornal dixital de Barbanza e Noia

Lousame: o alcalde fai precampaña o mesmo día no que se coñece que abandona o posto

• Do mesmo xeito que calou sobre a posible fusión con Noia, cando xa tiña todo falado con Núñez Feijóo, agochou o seu abandono da alcaldía ata o último momento 

• Lousame pasará, probablemente, a ter alcaldesa sobrevida, María Teresa Villaverde, como pasara en Madrid con Ana Botella e Gallardón
  

• Hoxe estivo acompañando á secretaria xeral para o Turismo nas obras de rehabilitación do edificio destinado a café-bar restaurante no complexo das Minas de San Finx

Los diputados provinciales Santiago Freire (alcalde de Lousame) y María Faraldo (Betanzos)renuncian para ir listas del pp a la Xunta

— Begoña Rodríguez (@begonacerceda) September 14, 2012

Política: Libertad Popular: LAS LISTAS DEL PP YA ESTÁN FIRMADAS libertadpp.blogspot.com/2012/09/las-li… E só dan 33 nomes. Que pasa? A tan pouco aspiran?

— Certo (@Certo) September 14, 2012

[[posterous-content:pid___1]]

Lousame, 14 de setembro de 2012.- Santiago Freire deixa a alcaldía de Lousame para ir de oitavo na lista do PP da Coruña nas vindeiras eleccións autonómicas do 21 de outubro. Tamén tivo que deixar o seu posto como deputado provincial e corre o ruxe-ruxe de que o vai substituír o alcalde de Outes, tamén do PP, Carlos Crespo. Santiago Freire iría na mesma lista que as conselleiras Beatriz Mato e Rosa Quintana (1 e 2 pola Coruña), e con Pedro Puy, Miguel Tellado, Paula Prado, Pedro Arias e a súperdelegada Belén do Campo. Tamén se filtraron os nomes de María Faraldo e Álvaro Pérez nesta lista que o PPdeG presumía de facer unha tarde pero que está a causar bastantes crebadeiros de cabeza xa que a maioría de conselleiros do goberno Feijóo ou están queimados ou apenas son coñecidos. 

A noticia sóubose hoxe, unha táctica habitual deste alcalde, que no seu día, ante a publicación da posible fusión con Noia que fixo este xornal, negouno no Facebook do Concello, coa tamaña hipocrisía de dicirlle aos veciños que eles ían ser os primeiros en sabelo, cando xa tiña todo falado con Núñez Feijóo, co que se reunira, a tres bandas, xunto co alcalde de Noia. Por suposto, ao chegar a convocatoria de eleccións, queda todo o da anexión no aire, porque lle viu as orellas ao lobo ante a oposición veciñal e sabe que se vai por ese camiño perde todo o rédito electoral, que sempre foi moito, no seu concello. Non se coñece, polo menos oficialmente, quen quedará á fronte de Lousame, pero suponse que María Teresa Villaverde Pais.

Facendo precampaña nun complexo que chucha recursos públicos sen unha utilidade clara

Como se tal cousa, Santiago Freire estivo hoxe coa secretaria xeral para o Turismo, Carmen Pardo,  visitando as obras que financia a Xunta de Galicia a través da Secretaría Xeral para o Turismo para a rehabilitación dun dos edificios do complexo das minas de San Finx co obxectivo de convertelo nun servizo de café-bar restaurante dentro do conxunto de edificios que conforman as antigas instalacións desta explotación mineira.

 

As minas de San Finx son un complexo que leva anos rehabilitándose, chuchando recursos públicos como un burato negro e, cuns accesos moi deficientes no medio de ningunha parte, co que é moi cuestionable que se convirta nun recurso turístico de primeiro orde, que é o que se pretende. De seguir así, San Finx pode acabar converténdose na Cidade da Cultura de Lousame: un saco sen fondo pagado cos cartos de todos nun concello no que non hai cartos nin para asfaltar o máis básico.

Débeda dos catro últimos anos en Lousame: case se duplicou en 2011
2008:	473,000	Euros	127.77	por habitante
2009:	533,000	Euros	143.98	por habitante
2010:	471,000	Euros	127.23	por habitante
2011:	831,000	Euros	227.24	por habitante
POBOACIÓN 2011:	3,657

[[posterous-content:pid___0]]

Os traballos para converter este edificio en restaurante comezaron o pasado mes de xullo e está previsto que rematen no vindeiro mes de novembro. O investimento total da obras é de 197.962 euros. Con esta rehabilitación actuarase nun antigo edificio de pedra que ocupa unha parcela de 24,65 metros de largo por 7,35 metros de ancho para instalar servizos de cociñas, sala de instalacións, un espazo de reserva, un distribuidor, zonas de servizos, zona de barra, un comedor e dous aseos.

A edificación obxecto de rehabilitación neste proxecto destaca sobre as demais polo seu alto valor arquitectónico, construtivo e ambiental. Trátase dunha edificación de dúas plantas e un anexo de planta baixa que no pasado albergou entre outros usos o de cuartel da Garda Civil e vivendas. O edificio atópase nunha posición dominante e de peche sobre un conxunto de edificacións, así como punto final do acceso rodado ao conxunto.

A xeometría da planta é rectangular, e construtivamente posúe muros de fábrica de mampostería duns 65 centímetros de espesor e cuberta a dúas augas. O edificio non posúe forxados interiores nin carpinterías e antes de iniciarse as obras atopábase totalmente baleiro.

Patrimonio material e inmaterial

As minas de estaño-wolfran de San Finx teñen un importante valor patrimonial desde o punto de vista cultural e histórico, un patrimonio tanto inmaterial como material, asegura a Xunta na súa nota de prensa, e disque "desde o punto de vista do patrimonio industrial mineiro, as minas de San Finx constan na actualidade dun conxunto de valores, equipamentos e instalacións. Un conxunto de elementos que son o resultado da realización de actividades e a creación de infraestruturas e equipamentos que foron transformándose, cambiándose, adaptándose ata configurar o estado actual da mina. Están inventariados 35 elementos construtivos de diferentes anos".

Relacionada:

Fusión de Concellos: Noia e Lousame, en proceso de diálogo

Posted via email from Certo.gl, o xornal dixital de Barbanza e Noia

Barbanza: o Bng pon en marcha unha campaña a prol do comercio local

A Pobra do Caramiñal, 7 de setembro de 2012. O BNG do Barbanza, como xa fixo antes o de Noia e Muros, inicia unha campaña en defensa dos intereses do pequeno comercio, que se está levando a cabo en toda Galiza.

O PP busca beneficiar ás grandes superficies e transnacionais

O motivo desta campaña está en dous reais decretos-lei (19/2012 e 20/2012) que o goberno de Rajoy aprobou recentemente e que contemplan, entre outras cousas como a subida do IVE ou os recortes nos soldos dos funcionarios, "varias medidas que son moi lesivas para o comercio tradicional", aseguran os nacionalistas. Destacan a liberalización de horarios, o aumento no número de domingos e festivos de apertura e a modificación na temporada de rebaixas. "Estas medidas, amparadas polo paraugas da crise, responden ao interese do PP en beneficiar ás grandes superficies e transnacionais en detrimento do pequeno comercio, contrario desde sempre a esta liberalización. Por outra parte son medidas que invaden competencias autonómicas sen que Feijoo abrise a boca ao respecto, someténdose, coma sempre, ás decisións impostas desde Madrid", argumentan dende o Bng barbanzán.

 O BNG vén de pór en marcha esta campaña que inclúe carteis de promoción do comercio tradicional e reparto de información explicando as medidas aprobadas polo PP e as alternativas do BNG. Tamén se presentou no Parlamento Galego unha iniciativa na que se insta ao parlamento e ao goberno galego a rexeitar os reais decreto-lei, a promover un recurso de inconstitucionalidade por invasión de competencias e a elaborar un plan sectorial con medidas que realmente benefician ao pequeno comercio. Estas medidas propostas polo BNG inclúen o fomento das asociacións de comerciantes, o fomento dos centros comerciais abertos, a aplicación de plans de promoción do turismo e do comercio local, axudas para comercios que promocionen produtos do país, entre outras propostas.

A Pobra do Caramiñal: tras anos de verteduras e desleixo, á Xunta acórdalle limpar os ríos do municipio post.ly/9CkHP

— Certo (@Certo) September 7, 2012

Por cobrar prestación de desempleo, a limpiar montes quemados. Por defraudar al fisco, amnistía.

— Modesto Nolla (@ModestoNolla) September 7, 2012

Si los parados son llamados para apagar un incendio,tendrán q ir en grupos pequeños, en grandes grupos podrá ser considerado manifestación

— Jesus Puente (@susopuente) September 7, 2012

Barclays apuesta por que España pedirá el rescate a mediados de octubre bit.ly/RtEiMV

— Cinco Días (@Cincodiascom) September 7, 2012

Posted via email from Certo.gl, o xornal dixital de Barbanza e Noia

A Pobra do Caramiñal: tras anos de verteduras e desleixo, á Xunta acórdalle limpar os ríos do municipio

• As actuacións céntranse no desbroce de herbáceas e retirada de árbores caídas para facilitar o discorrer das augas e comezarán o vindeiro luns
• Medio Ambiente tamén está a estudar a adecuación doutros ríos como o Lérez, na súa desembocadura na aldea da Raña, e o Pedras

Estado do río Morto en maio deste mesmo ano

A Pobra do Caramiñal, 7 de setembro de 2012.- Nada como convocar unhas eleccións para que diferentes administracións comecen a facer algo por cuestións que veciños e oposición levan anos pedindo. Desta volta tocoulle á Consellería de Medio Ambiente, Territorio e Infraestruturas, a través de Augas de Galicia, que vai executar varias limpezas nos ríos do Concello da Pobra do Caramiñal tras a solicitude deste municipio, ao que lle veñen botando en cara o seu desleixo nesta cuestión lexislatura tras lexislatura. Trátase de tarefas de conservación nos ríos Morto, Lérez e Pedras.

Estes proxectos de limpeza céntranse en traballos de retirada de escombros, eliminación de árbores caídas e adecuación das marxes co fin de facilitar o discorrer das augas polo leito dos ríos. Con este tipo de actuacións preténdese o mantemento dos ríos e os seus entornos.

O primeiro dos ríos nos que se levarán a cabo melloras de conservación será o Morto, espazo no que se iniciarán os traballos o vindeiro luns, 10 de setembro. O proxecto céntrase en tres zonas: un primeiro punto no que existe unha taxea de sección reducida, un tramo intermedio no que o río está canalizado por un canal trapezoidal de escollera, así como un terceiro treito próximo a un colexio, na desembocadura.

As actuacións consistirán na limpeza de vexetación arbustiva, desbroce de herbáceas e retirada de madeira caída ao cauce. Estímase unha duración dos traballos de 2 semanas, cun importe de máis de 7.700 euros.

Lérez
A Xunta de Galicia tamén está a estudar un treito da desembocadura do río Lérez na aldea da Raña. Dende o punto de vista de mantemento e conservación do Dominio Público Hidráulico (DPH) estudarase o desbroce da masa de silvas existente na marxe esquerda, a efectos de mellorar a accesibilidade na zona de servidume.

Pedras
A Consellería de Medio Ambiente, na visita realizada a este río, comproba a existencia dunha canle de derivación cara a marxe dereita do río. Aprécianse indicios de actividade fluvial recente, como depósitos de areas soltas. Neste caso, Augas de Galicia estudará unha posible recuperación das condicións naturais do leito para mitigar os efectos de eventuais enchentes en propiedades colindantes ao río.

Posted via email from Certo.gl, o xornal dixital de Barbanza e Noia

Noia: Xaquín Fdez Leiceaga acada o primeiro posto nas votacións da asemblea local do Psoe para as listas electorais

Xaquín Fernández Leiceaga, na foto oficial do flickr do PSdeG-PSOE

• Sorpresa coa segunda máis votada, unha militante de base chamada María Teresa Gundín, que quedou a só dous votos de "Xocas", quen levou 30. O terceiro foi o ex-concelleiro noiés de Facenda, Lino García, con 26 votos.
• Xosé Manuel Lage Tuñas, un dos parlamentarios máis activos, quedou relegado a un quinto posto ao obter  tan só 23 votos, os mesmos que levou Rosana Mariño, ex concelleira de Tráfico
• Votaron 45 militantes, nun proceso de listas abertas, polo que podían emitir o voto por varios á vez.
• Este tipo de votacións en cada asemblea local do Psoe de Galicia non son vinculantes pero van amosando as preferencias dos militantes para escoller os diversos postos de saída nas listas -que non son abertas- electorais para as votacións autonómicas

• Tanto o parlamentario Xaquín Fernández Leiceaga como José Manuel Lage Tuñas son parte do sector crítico co actual líder do PSdeG, Pachi Vázquez, polo que non se agarda que ningún deles vaia nas listas electorais en postos de saída

Posted via email from Certo.gl, o xornal dixital de Barbanza e Noia

Porto do Son: prometen gardería de 41 prazas para finais do ano que vén na antiga Casa do Mar

• A conselleira de Traballo e Benestar, Beatriz Mato, anunciou hoxe, nunha visita ao concello a posta en marcha desta nova infraestrutura pola que levan agardando no veciño Concello de Noia catro anos
• Mato só concede garderías a municipios onde goberna o PP nestas bisbarras (Ribeira e A Pobra teñen comprometida cadansúa)
  
• A reforma da casa do mar conta cun orzamento de 410.000 euros e o que se pretende é que o centro de 0-3 anos se emprace na planta baixa con acceso independente ao club de xubilados que permanecería no primeiro andar

O edificio "multiusos" onde se pretende poñer a gardería e que pasaría a ser edificio interxeneracional, pois estará pegado ao club de xubilados

Porto do Son, 15 de maio de 2012.- A primeira "escola pública para nenos e nenas de 0-3 anos" de Porto do Son porase en marcha antes de que remate 2013, segundo anunciou hoxe a conselleira de Traballo e Benestar, Beatriz Mato, no transcurso dunha visita que desenvolveu a este concello. Avanzou que a Xunta ten previsto rehabilitar a Casa do Mar para dotar a esta localidade do seu desta infraestrutura social que contará con 41 prazas públicas distribuídas en tres unidades. Esta reforma ten un orzamento de 410.000 euros.

En concreto, a titular de Benestar explicou que a actuación prevista, que conta cun informe de viabilidade positivo da Secretaria Xeral Técnica da Consellería, propón que a escola ocupe a planta baixa da Casa do Mar, que se ubica no centro do núcleo urbano. As novas instalacións contarían cun acceso independente, mentres que o club de xubilados permanecería no primeiro andar e disporía dun novo acceso.

Xa en plena precampaña das autonómicas, e coa polémica xurdida tralas últimas privatizacións de garderías en varios concellos de Galicia, a conselleira destacou que con esta actuación "demóstrase que o Goberno galego segue a apostar pola construción de escolas infantís, xa que son un recurso esencial para a conciliación da vida persoal, familiar e laboral. Trátase dun dos ámbitos sobre os que estamos a incidir para facer fronte ao problema demográfico, tal e como se recolle no Plan para a Dinamización Demográfica de Galicia, que entregamos xa no Parlamento”, apuntou Mato.

Lería estes datos Beatriz Mato antes de intentar facer medrar a poboación galega? A que se lle pasaron! noticias.lainformacion.com/economia-negoc… É a economía!

— Certo (@Certo) May 14, 2012

A responsable de Benestar explicou, ademais, que o Goberno galego incrementou as prazas públicas de 0-3 anos na provincia da Coruña nun 61 por cento con respecto a 2009, é dicir, puxo en marcha máis de 1.100 prazas en tres anos. En toda Galicia, este aumento é do 44 por cento, polo que desde 2009 puxéronse en funcionamento máis de 2.400 prazas na Comunidade autónoma, sempre segundo as extrapolacións da Xunta actual.

Para concluír, Mato garantiu que a Xunta "seguirá a traballar nesta liña de actuación co obxectivo de mellorar o benestar das familias galegas. E imos continuar facéndoo sempre da man do diálogo e a colaboración cos concellos”, destacou.

Galicia podría llegar al 2051 con un millón menos de personas: bit.ly/L0nxw5 Un drama sin políticas ni políticos con ideas

— frmartinez (@frmartinezh) May 14, 2012

EN CADA CONSEJO DE MINISTROS CADA UNO DE ELLOS PROPONE ALGO O ALGUIEN AL QUE ECHARLE LA CULPA DE TODO. VOTAN. DESPUÉS SE ANUNCIA Y YA ESTÁ.

— masaenfurecida (@masaenfurecida) May 14, 2012

youtu.be/kWomwZUSz8c #17vitaminas @vitaminasgalego Dende o máis fondo de Galicia, a Cova do Rei Cintolo, piden Vitaminas para o galego

— Certo (@Certo) May 14, 2012

Solo una intervención judicial de Bankia permitirá conocer de verdad cómo financiaron al PP. #CierraBankia #Vigilia13M #14Mmad

— Bufet Almeida (@bufetalmeida) May 14, 2012

Posted via email from Certo.gl, o xornal dixital de Barbanza e Noia