Cultura: o técnico de Drogodependencias de Noia-Muros presenta un libro coeditado con Manuel Isorna

• Este venres 9 de novembro, no Concello de Catoira

Noia, 6 de novembro de 2012. O técnico de Prevención de Drogodependencias de Noia-Muros, David Saavedra Pino, presenta este venres en Catoira o libro titulado "Prevención de drogodependencias y otras conductas adictivas", que escribiu e coordinou xunto con Manuel Isorna, profesor da Facultade de Educación de Vigo.

O libro, editado por Pirámide, pódese mercar por internet no seguinte enderezo: http://www.edicionespiramide.es/libro.php?id=3237349

Invitacion_Presentación_del_Libro_PREVENCION.pdf Download this file

Información tomada da páxina web da editorial Pirámide:

Saavedra Pino, David

David Saavedra Pino es diplomado en trabajo social por la Universidad de Santiago de Compostela y especialista universitario en Riesgos Psicosociales en Jóvenes y Adolescentes por la Universidad Pablo Olavide de Sevilla y la Fundación de Ayuda contra la Drogadicción. Actualmente desarrolla su labor profesional como técni­co de prevención de drogodependencias en las Comarcas de Noia-Muros. Anteriormente trabajó como educador de me­nores tutelados por la Xunta de Galicia, educador de me­nores inmigrantes no acompañados y como trabajador social en un CAMF. Asimismo, colabora como docente en diversos cursos y desarrolla ponencias y conferencias en jor­nadas y congresos. Es coordinador del grupo de trabajo del área de prevención para la elaboración del Plan Gallego de Conductas Adictivas 2011-2016, Consellería de Sanidade (Xunta de Galicia) con la colaboración de GMV (2010), y ha elaborado el estudio Actitudes y percepciones hacia el consumo de drogas en la población escolar de 14 a 17 años de Noia-Muros (2004). Es el fundador y administrador del blog sobre prevención de drogodependencias:http://prevenciondrogodependencias.blogspot.com/

 

Isorna, Manuel

Manuel Isorna Folgar es doctor en Psicología y máster en Drogodependencias por la Universidad de Santiago de Compostela. En la actualidad ejerce como profesor asociado en la Facultad de Educación de la Universidad de Vigo y como coordinador del programa de prevención de las drogodependencias de los ayuntamientos de Catoira, Dodro, Padrón, Pontecesures, Rois y Valga; este trabajo ha sido reconocido a nivel nacional en el año 2011 con el tercer premio de la Federación Española de Municipios y Provincias y el primer premio de la fundación CREFAT (Cruz Roja) en el ámbito educativo en 2012. Toda una vida profesional y personal ligada a la prevención de las drogodependencias y al deporte le han llevado a realizar diversas investigaciones en estos ámbitos y diversas publicaciones de reconocido prestigio.

Posted via email from Certo.gl, o xornal dixital de Barbanza e Noia

Noia: o 5 de novembro comeza un curso virtual para familias

• O seu obxectivo é a prevención de condutas de risco

Noia, 31 de outubro de 2012. A Concellería de Igualdade e Benestar do Concello de Noia comunica que o próximo día 5 de novembro, luns, o BBVA e a Fundación de Axuda contra a Drogadicción (FAD), no seu afán de dotar as familias de instrumentos que faciliten o seu labor de prevención de condutas de risco, pon a disposición de todos os internautas un curso online dirixido a pais e nais que desexen pautas de orientación ou de actuación en relación coa educación dos seus fillos.

O curso virtual para pais "En Familia" foi deseñado para fortalecer o papel preventivo de condutas de risco (entre as que se encontran os problemas derivados polo consumo de drogas), dende o convencemento de que previr na familia é algo natural, é dicir, algo posible de realizar día a día, de forma sinxela e constante dende unha idade moi temperá. Está dirixido a pais e nais con fillos en idade escolar, interesados en coñecer ou, no seu caso, afondar nas posibilidades de actuación preventiva na súa familia.

Hai que solicitalo e confirmar participación

Dado o carácter gratuíto da actividade e o gran nivel de aceptación, é conveniente confirmar o interese en participar no Curso Virtual. Para poder atender a solicitude das familias o máis eficazmente posible hai que achegarse á seguinte dirección Web http://aulavirtual.fad.es/enfamilia_BBVA.htm onde poderán inscribirse e encontrarán unha descrición pormenorizada dos Cursos Virtuais.

CURSO VIRTUAL PARA PAIS "EN FAMILIA"

http://aulavirtual.fad.es/enfamilia_BBVA.htm

 

Máis información: Plan Comarcal de Prevención de Drogodependencias

Rúa do Curro, 4 – 2º andar. 15.200 Noia. infodrogas@gmail.com

Posted via email from Certo.gl, o xornal dixital de Barbanza e Noia

Noia: o Concello participa no programa "Constrúe o teu mundo", adicado á prevención de drogodependencias no eido educativo

Unha das imaxes do novo web "Construye tu mundo"

Noia, 2 de outubro de 2012. A Concelleira de Benestar e Igualdade, a nacionalista Sofía Caamaño Lado, informa hoxe da participación do Concello de Noia no programa "Constrúe o teu mundo" en colaboración coa "Fundación de ayuda contra la Drogadicción", que este ano se lles vai ofertar aos centros educativos para traballar temas referentes á información sobre os riscos de consumir drogas e en contribuír a desenvolver en nenos, nenas e tamén destinado a construír nos adolescentes unha personalidade autónoma, crítica e reflexiva.

A Fundación de Axuda contra a Drogadicción presenta esta nova web www.construyetumundo.org, unha plataforma universal, integral e de acceso gratuíto que pon ao alcance da comunidade educativa o programa "Constrúe o teu mundo", cuxo obxectivo é a prevención do consumo de drogas e as condutas de risco no ámbito escolar.

O programa "Constrúe o teu mundo", dirixido ao profesorado de Infantil, Primaria e Secundaria, pretende contribuír a desenvolver en nenos, nenas e adolescentes unha personalidade autónoma, crítica e reflexiva, sobre a base da dilatada experiencia que no deseño e implementación de programas posúe a FAD.

"Constrúe o teu mundo" ofrece ferramentas para modificar, na dirección axeitada, as principais variables relacionadas cos problemas derivados dos consumos de drogas e outras condutas de risco, permitindo non só reducir a influencia dos factores de risco e aumentar a presenza dos factores de protección, senón tamén orientar nenos, nenas e adolescentes cara a un estilo de vida máis saudable e máis afastado dos riscos.

Toda a información e materiais do programa “Constrúe o teu mundo” en

www.construyetumundo.org

Noia: este venres, 5 de outubro, concerto dos búlgaros Mandolin Quartet Seasons post.ly/9U8wW E o xoves 4 comeza o curso de Teatro!

— Certo (@Certo) October 1, 2012

Noia: martes de Entroido e Día do Carme, festivos locais. (12 febreiro e 16 xullo). O San Bartolomeu é o 24 de agosto, sábado.

— Certo (@Certo) October 1, 2012

Posted via email from Certo.gl, o xornal dixital de Barbanza e Noia

Noia: curso sobre novas pautas das condutas adictivas, o 1 e 2 de xuño

• Destinado a mediadores sociais, consta de tres seminarios
• Impartido por un psicólogo clínico, unha pedagoga e un educador social

O alcoholismo será unha das condutas abordadas

Noia, 16 de maio de 2012. Os seminarios teñen como finalidade tratar o fenómeno das drogodependencias e condutas adictivas dende varios enfoques: a familia, a perspectiva de xénero e o espazo de ocio.

Para iso no primer seminario (venres, 1 de xuño de 17:00 a 21:00 h.) vaise tratar a prevención do abuso de alcol dende a familia, xa que ésta é o referente próximo das persoas e é onde antes se detectan situacións de abuso. Este seminario será impartido por Niceto González, psicólogo clínico con 18 anos de experiencia no ámbito das adicciones tóxicas (alcoholismo e outras drogas) e non tóxicas.

No segundo seminario (sábado, 2 de xuño de 17:00 a 21:00 h.) tratarase das adiccións dende un enfoque de xénero, cómo afectan de maneira diferente a homes e mulleres, así como estratexias de afrontamento nas relacións afectivas onde interfieren o consumo de drogas. Esta parte será impartida por Pilar Lorenzo, pedagoga, responsable da área de saúde do Consello da Xuventude de Galicia.

No terceiro seminario (sábado, 2 de xuño de 16:00 a 20:00 h.), tratarase a reducción das conductas de risco na xuventude, onde se falará dos riscos que ten o consumo de drogas, así coma os diferentes tipos de prevención e que tipo de intervencións son máis efectivas no contexto de ocio e tempo libre, tamén se falará da xestión dos praceres e riscos. Esta parte será impartida por Xaquín Bouza, educador social, responsable do programa de prevención de drogodependencias de ASFEDRO.

Destinatarios

O curso irá destiñado a aquelas persoas tanto que teñan algunha titulación relacionada co eido social ou de xestión de ocio e tempo libre así coma aquelas persoas interesadas no abordaxe das drogodependencias.

Esta actividade ten lugar dentro do programa de formación sobre conductas adictivas do Plan Comarcal de Prevención de Drogodependencias do Concello de Noia. Terá lugar os días 1 de xuño de 17:00 a 21:00 h. e o 2 de xuño de 10:00 a 14:00 h. e de 16:00 h. a 20:00 h. Entregarase certificado de asistencia expedido pola Concellería de Benestar do Concello de Noia. As persoas interesadas pódense anotar no número de teléfono: 609.82.31.34 ou na dirección de enderezo electrónico: infodrogas@gmail.com

Noia: do 18 ao 20 de maio, V Trofeo Feminino das Nacións de baloncesto post.ly/7J03L

— Certo (@Certo) May 16, 2012

16 de maio: véspera do Día das Letras Galegas. Tempo de darlle @vitaminasgalego #17vitaminas en k12comunicacion.com/vpg/17v/

— Certo (@Certo) May 16, 2012

Actos do día das letras galegas wp.me/p1KBCH-as

— Novas de Noia (@novasdenoia) May 15, 2012

Posted via email from Certo.gl, o xornal dixital de Barbanza e Noia

Ribeira: o venres 12 de novembro, cea benéfica de Renacer, co gallo do seu vixésimo aniversario

Vixésimo aniversario de Renacer

22-10-2010

A Asociación Antidroga Renacer cumpre este ano 2010 o seu vixésimo aniversario (1990–2010), traballando no campo da prevención das drogodependencias e na inserción social dos afectados/as.

Para conmemorar os vinte anos de traballo vamos a organizar diversos actos, entre os que destaca a cea benéfica o vindeiro día doce de novembro.

A cea terá lugar no Restaurante Baiuca sito no lugar de Goda en Artes, as dez da noite. Durante a mesma celebrarase un sorteo no que se rifarán obxectos e lotes de produtos doados por establecementos comerciais.

Invitamos á poboación a participar neste acto e a colaborar connosco. Para elo, os/as que o desexen poden mercar unha entrada para asistir, facerse con algunha das rifas que dende hai uns días están xa a venda ou ben, si se trata dun comercio doar algún articulo para o sorteo.

Agradecemos de antemán todo o apoio e colaboración que nos poidan prestar.

Un pouco de historia:

A Asociación Renacer constituíuse o 23 de xullo de 1990 a proposta de grupo de nais e persoas interesadas en dar unha resposta ao grave problema sanitario e social do consumo de drogas que naqueles momentos había no noso concello e estaba centrado principalmente na heroína.

En torno a 1990 as drogas eran un dos problemas que máis preocupaban aos cidadáns. O consumo destas sustancias asociábase a marxinación, delincuencia e morte. Ademais, a aparición da SIDA e a súa propagación entre persoas consumidoras de heroína veu complicar unha situación que ocasionou estragos en parte da mocidade daquela época. A sociedade reclamaba medidas urxentes para atallar o problema, así como un sistema de atención sanitaria e rehabilitación social para estas persoas. Estas inquietudes estiveron presentes na orixe da Asociación Antidroga Renacer.

Hoxe, vinte anos despois, a heroína foi substituída por outras sustancias igualmente nocivas para a saúde. Ademais, ha ir diminuíndo neste tempo a percepción do risco que comporta o consumo de drogas, especialmente entre os máis novos, o que obrigou a buscar novas fórmulas para afrontar o problema.

Todos estes asuntos formaron parte da axenda de traballo da nosa entidade no seu vinte anos de existencia, nos que ha actuouse tanto en aspectos de prevención como de reinserción social dos drogodependentes.

Na actualidade a Asociación conta con diversos programas centrados na prevención do consumo de drogas na escola, información-formación, escolas de pais-nais, prevención e asesoramento do VIH/SIDA e atención xurídico-social ao drogodependente.

 

NOTA:

O prezo de das rifas é 1 € e o das entradas de 35 € por persoa. Estas pódense mercar na Farmacia Sanmamed, no local da Asociación ou facer un ingreso na Cta. Caixa Galicia: 2091-0385-52-3040001082. Ref. Cea Benéfica.

Para doazóns pódense poñer en contacto connosco ou ben, chamando o 981 87 40 86 ou acercándose o local social, en horario de 9 a 14:00 horas.

via asociacion-renacer.org

Posted via email from Certo.gl, o xornal dixital de Barbanza e Noia