22.3.12

A Pobra: turismo de ida e volta. Pobrenses van ao Escorial e madrileños veñen ao museo local de Valle-Inclán

A Pobra, 22 de marzo de 2012. Namentres un grupo de pobrenses marchaba ás seis da madrugada do 21 de marzo cara a Madrid, esa mesma tarde, da capital do Estado, achegábase un grupo de 30 persoas para coñecer de cerca os lugares barbanzanos máis ligados á figura de don Ramón María del Valle-Inclán. Antes de retornar ao hotel no que se hospedan estes días de estancia en terras galegas, aproveitaron o soleado día para pasear polas rúas da vila e asomarse a Villa Eugenia, a Farmacia de Tato e os Xardíns de Valle-Inclán.


Mentras, os pobrenses de viaxe -nada menos que catro días por aí endiante-, logo de asentarse no céntrico hotel no que se hospedan, encamiñáronse cara ao Mosteiro do Escorial, unha especie de Cidade das Reliquias ideada polo rei -da dinastía Habsburgo, non como o de agora que é Borbón- Felipe II, "El Prudente", disque. O lugar é Monumento Patrimonio da Humanidade e conta cunha importante historia, posto que foi a  antiga residencia real, mentres que hoxe é o acubillo dos monxes da Orde de Santo Agostiño. Os seus muros están decorados con obras de recoñecidos  pintores como O Bosco, O Greco ou Goya, e entre as súas obras de arte máis preciadas atópanse facturas de nomes como Cellini e Bernini, ademais das coñecidas reliquias que Felipe II, xa medio trastornado pola relixión, mandou dispór estratexicamente en cada recuncho.

Na xornada do venres terán a posibilidade dunha visita panorámica en autobús e de visitar lugares como a Catedral da Almudena e o Palacio Real.


Posted via email from Certo.gl, o xornal dixital de Barbanza e Noia

Ribeira: o instituto Leliadoura, escollido para elaborar o Informe PISA 2012 que avalía aos estudantes españois

  • Alumnas e alumnos terán as probas entre o 10 de abril e o 21 de maio (alá van as vacacións de Semana Santa)
Media_httpfarm3static_bbfdy

Alumnado do Leliadoura nunha saída ás Illas Cíes o curso pasado

Ribeira, 22 de marzo de 2012. Segundo informa no seu blog o mesmo instituto, este ano o IES Leliadoura foi seleccionado para formar parte da mostra do estudo PISA 2012. As datas de celebración das probas será entre o 10 de abril e o 21 de maio.

O Programa Internacional de Avaliación de Alumnos (PISA) é un estudo internacional de avaliación educativa coordinado pola Organización para a Cooperación e o Desenvolvemento Económico (OCDE). Na edición deste ano 2012 participan case 70 países.

Este programa avalía de xeito regular os resultados educativos dos alumnos e alumnas de 15 anos en lectura, matemáticas e ciencias. O obxectivo é obter de maneira sistemática e continua datos sobre o rendemento académico do alumnado que proporcionarán un perfil de coñecementos, destrezas e competencias dos estudantes de cada país, xunto con outras informacións de contexto demográfico e socioeconómico.

Máis información:



Posted via email from Certo.gl, o xornal dixital de Barbanza e Noia

Ribeira: o pavillón de Coroso conta cunha sala de musculación e fitness para deportistas de clubs e usuarios da UAD

 

Ribeira, 22 de marzo de 2012.- O alcalde Manuel Ruiz Rivas e o concelleiro de Deportes, Juan Luis Martínez Queiruga, visitaron hoxe o novo ximnasio de musculación e fitness que, situado no pavillón de Santa Uxía (Coroso), o Concello proporciona de balde pero, ollo, só a disposición dos deportistas membros dos clubs do municipio e de usuarios da Unidade de Atención de Drogodependencias.

 

“Esta é outra forma de dar servizo e prestacións aos clubs dende o Concello, pois a nosa axuda non ten por que pasar unicamente pola vía das subvencións”, explicou o rexedor aos representantes das entidades do municipio que quixeron acudir a este acto de apertura (tamén estivo presente o xefe de servizo da UAD, Jesús Cartelle).

 

Novos investimentos

Ruiz Rivas tamén avanzou que é intención do Concello, a través dos seus orzamentos, seguir incrementando o gasto en inversión deportiva a través dunha nova pista multideporte semellante á que xa hai en Abesadas e tamén da compra de terreos na parroquia de Oleiros para a súa dedicación á práctica deportiva.

 

Pola súa parte, Juan Luis Martínez -que procede do mundo dos ximnasios e o taekwondo- explicou que esta sala ximnasio conta con máquinas de fitness de circuíto pechado (o que as fai máis idóneas en canto á prevención de lesións), unha zona de traballo de tonificación abdominal, bicicletas de spinning para traballo aeróbico e outra maquinaria que cubre todos os grupos musculares dos trens superior e inferior.

 

Os usuarios dos clubs que queiran facer uso das instalacións (recomendadas para maiores de 16 anos) poden solicitar cita previa na oficina de Deportes situada no complexo da Fieiteira (deportes@riveira.com).




 

Posted via email from Certo.gl, o xornal dixital de Barbanza e Noia

Rianxo: Burromaquia, A bicicleta de Ana María e dous concertos esta fin de semana

Media_httpfarm4static_fjzjh

Burromaquia é un contacontos levado por Ignacio Vilariño
(flickr de Biblioteca Pública de Santiago Ánxel Casal

Rianxo, 22 de marzo de 2012. A programación cultural prevista polo Concello para esta fin de semana é a que segue:
  • CONTACONTOS: BURROMAQUIA organizado pola Área de Educación, Cultura e Normalización Lingüística e o Programa Letras Vivas da Consellería de Cultura e Turismo da Xunta de Galicia.
  • LUGAR: Biblioteca Pública Municipal de Rianxo
  • DÍA: sábado 24 de marzo
  • HORA: 12.00 h
  • TEATRO EXPRESS: A BICICLETA DE ANA MARÍA a cargo do Cadro Artístico Airiños organizado pola Área de Educación, Cultura e Normalización Lingüística.
  • DÍA: sábado 24 de marzo
  • TARAGOÑA: Praza Campo de Pazos 17.00 h
  • ARAÑO: Exterior da Escola de Buía 18.00 h
  • ASADOS: Exterior das Escolas de Atalaia 19.00 h
  • DÍA: domingo 25 de marzo
    • ISORNA: Exterior da Escola de Vacariza 17.00 h
    • LEIRO: Campo da festa 18.00 h
    • RIANXO: Praza Rafael Dieste 19.00 h
    • CONCERTO X ANIVERSARIO organizado pola Escola de Música de Rianxo.
    • LUGAR: Auditorio de Rianxo
    • DÍA: sábado 24 de marzo
    • HORA: 20.00 h
    As entradas poden recollerse unha hora antes do concerto  (máximo 2 por persoa)
    • CONCERTO DA ESCOLA DE MÚSICA DE SANTIAGO DE COMPOSTELA organizado pola Escola Municipal de Música de Santiago de Compostela.
    • LUGAR: Praza de Rafael Dieste
    • DÍA: domingo 25 de marzo
    • HORA:13.00 h

    ATENCIÓN:

    As propostas, recollidas no folleto da programación cultural publicado anteriormente, A primeira distinción 25 de marzo- Concello de Rianxo e a Mesa Redonda: novos retos da muller na sociedade para o 30 de marzo quedan suspendidas.

    A proposta do Teatro Express: A bicicleta de Ana María, en Rianxo o domingo 25 ás 19.00 h, realizarase na Praza Rafael Dieste e non no Auditorio.

    Antes, en Certo:


    X Aniversario da Escola de Música: concerto o sábado 24


    Semana Santa: actividades relixiosas ata o 9 de abril


    Viaxe: a Xerusalén e Terra Santa, en abril


    Obradoiro: de iniciación musical. Prazo para anotarse ata o 30M


    Posted via email from Certo.gl, o xornal dixital de Barbanza e Noia

    Noia: o PP oponse no Parlamento de Galicia a que se abra expediente pola mala execución do saneamento de 1994

     

    • Tereixa Paz (BNG) afirmou que está "máis que demostrado o mal funcionamento do sistema dende a súa posta en marcha polo que a Xunta non pode eludir esta cuestión”

     

    Noia, 22 marzo de 2012.- Os votos do PP impediron hoxe sacar adiante unha proposición non de lei do BNG reclamando responsabilidades polos defectos na execución das obras de saneamento da ría de Noia.

     

    A deputada Tereixa Paz explicou que andado o tempo, logo de terse construido a estación depuradora, constatouse que o sistema só funciona nunha proporción mínima, atopándose os maiores problemas no colector xeral e nos pozos de bombeo.

     

    A deputada nacionalista lembrou que se trata dun sistema de saneamento deseñado para o concello en 1994, que xa vén arrastrando eivas dende ese ano, polo que a Xunta, a través de Augas de Galicia, decidiu a posta en marcha dun novo procedemento administrativo para redactar un novo proxecto técnico, que obtivo o respaldo unánime do pleno do concello o 15 de Novembro do pasado ano.

     

    O novo proxecto describe unha situación segundo a cal nestes momentos só funciona, conectada á EDAR, a conca que verque ao interceptor sur dende a piscina municipal. O resto dos tramos do colector sofren distintos problemas que impiden o seu funcionamento correcto; o sistema de bombeo que se sitúa sobre o colector está fóra de servizo e só está en funcionamento o bombeo previo á EDAR, situado no Cruceiro de Barro.

     

    Perante esta realidade, e tendo en conta que o concello aprobou unha resolución a favor de reclamar, Tereixa Paz explicou que era lóxico traer este asunto ao Parlamento, “pois hai base suficiente para esixir unha reclamación. Estamos ante unha obra moi necesaria para a vila, mal feita, e a Xunta non pode mirar para outro lado”.


    Relacionada:


    Saneamento: o conselleiro de Infraestruturas presentou a obra dos colectores e aproveitou para cargar contra o Bipartito

    Antes, en Certo:


    Saneamento de 1994: lévano ao Parlamento para pedir responsabilidades






     

    Posted via email from Certo.gl, o xornal dixital de Barbanza e Noia

    A Pobra: o instituto comeza este venres 23 a súa VIII Semana Cultural

    A Pobra do Caramiñal, 22 de marzo de 2012. A inauguración  da oitava  edición da Semana Cultural do Instituto da Pobra terá lugar mañá venres, día 23, ás 12:30 h no Salón de actos do IES , coa presentación oficial do cartel anunciador e do programa oficial de actos.

    Ao longo da vindeira semana os estudantes do instituto pobrense terán ocasión de compatibilizar a súa actividade académica ordinaria cun amplo programa de actos que combinan conferencias,  debates, contacontos, exposicións, obradoiros, proxeccións, talleres de música, competicións deportivas…

    Media_httpfarm2static_xphfn

    Aguia de Harris, ave rapaz empregada en cetrería

    A Semana Cultural rematará o venres 30 cunha exhibición de aves rapaces e cun concerto organizado polo alumnado do centro.

    Invitacin

    PROGRAMA 8ª SEMANA CULTURAL.doc Download this file

    Posted via email from Certo.gl, o xornal dixital de Barbanza e Noia

    Ribeira: charla sobre a prevención do alcoholismo en Carreira o venres 30 de marzo

    Charla_alcohol_carreira

    Ribeira, 22 de marzo de 2012. A AAVV de Carreira organiza a charla "Prevención do Alcoholismo" o venres 30 marzo ás 21:00 na Casa de Cultura de Carreira.




    Posted via email from Certo.gl, o xornal dixital de Barbanza e Noia

    Ribeira: un experto aposta por concellos a dous niveis administrativos, onde unha parte teña servizos supralocais

    •  O catedrático Luís Caramés impartiu unha conferencia en castelán na aula multimedia
    • Considera que a administración municipal actual está obsoleta e cheira a alcanfor
    • Non se opón ás fusións pero prevén contra delas: hai que incentivalas pero non coaccionar, pois moitos concellos obrigados no pasado a fusionarse separáronse logo

     

    Ribeira, 22 de marzo de 2012.- O catedrático de Facenda Pública e Sistemas Fiscais da Universidade de Santiago de Compostela, Luis Caramés Viéitez, impartiu onte unha clase maxistral na Aula Multimedia baixo o título de “A Facenda Municipal: entre a fragmentación territorial e a insuficiencia financeira”.

     

    No transcurso da súa intervención, dunha hora e media de duración, Luis Caramés manifestou que ao seu xuízo estamos convivindo cunha organización municipal obsoleta, sobrepasada pola realidade contemporánea (“la realidad económica, social, cultural, etc. ha variado, pero la armazón de la administración pasada por el tamiz municipal sigue siendo alcanforado”, explicou).

     

    Luis Caramés entende que Galicia padece problemas de fragmentación e despoboamento, e tamén de eficacia e equidade. Non se proclama contrario as fusións (sempre que se vaia pola vía de incentivar, e non de coaccionar: “buena parte de los municipios que fueron obligados a fusionarse, se desfusionaron después”), pero avoga por fórmulas intermedias de cooperación representadas por un dobre nivel de Administración, no que aos servizos e competencias puramente locais se sumen outras supramunicipais en ámbitos que poderían ser, a título de exemplo, o saneamento, a recollida de lixo ou a loita contraincendios.

     

    Non obstante, advirte do perigo de que este segundo nivel perda contacto cos cidadáns e se volva tecnocrático.


    Entre as persoas que se deron cita no local situado na avenida do Malecón estiveron os alcaldes de Ribeira e Boiro, Manuel Ruiz e Juan José Dieste; o senador José Luis Torres, distintos edís e persoal ligado á acción municipal, alumnos da Universidade e público en xeral.

     

    Currículum

    Luis Caramés é doutor en Economía pola Universidade de Santiago de Compostela. Ampliou estudos na Universidade de Burdeos, cunha bolsa de estudos do Ministerio de Facenda. É catedrático de Facenda Pública e Sistemas Fiscais na USC desde 1987. Foi Decano da Facultade de Económicas da USC e director do seu Departamento de Economía Aplicada. Foi Profesor visitante nas Universidades de Burdeos e Pau en Francia; da Business School de Curitiba, en Brasil. Tamén foi director da Cátedra Bolívar (USC) para as relacións con América Latina.

     

    Co-Editor da “Urban Public Economics Review” e director executivo do Plan Estratéxico de Santiago de Compostela, primeiro Presidente do Consello Galego de Relacións Laborais e avaliador da Agencia Nacional de Evaluación y Prospectiva (Ministerio de Ciencia e Innovación) e presidente da Organización de Economistas de la Educación (OEE) son outros dos cargos que figuran no seu amplo currículo profesional.



    Posted via email from Certo.gl, o xornal dixital de Barbanza e Noia

    Noia: programación cultural prevista ata maio

    Media_httpfarm8static_pyrcb

    Non o ve abondo grande? Entón ten que premer aquí

    Posted via email from Certo.gl, o xornal dixital de Barbanza e Noia

    Twitter

    Related Posts with Thumbnails Banner: Regale selva tropical