28.3.12

Boiro: o venres 3o, Curota Sound e o sábado 31, vídeo con fotos de Bealo

Cartel_proxec_bealo_b

Boiro, 28 de marzo de 2012. Como cada venres, e ata xuño, na Pousada das Ánimas celebrarase unha nova actuación do certame Curota Sound. Este venres, 30 de marzo, ás 23 horas actuarán os grupos: Dr.Quack e Da Ría Mafia

O sábado 31 marzo ás 18 horas realizarase no Centro Social de Bealo a proxección das fotografías realizadas na ruta fotográfica pola parroquia de Bealo o pasado 11 de febreiro.

Antes, en Certo:


Recital Leñaverde: este xoves 29 de marzo


Semana Santa: ludoteca para rapaces (6-11) do 2 ao 4 de abril



Sendeirismo: o 7 de abril, de Río Grande a Río Beluso


14 de abril: curso sobre independentismo galego en Aturuxo


  Semana Santa 2012: programación relixiosa


Certame "Ramón Martínez López": prazo ata o venres 4 de maio

Posted via email from Certo.gl, o xornal dixital de Barbanza e Noia

Rianxo: celebran o Día do Libro Infantil o 2 de abril cunha solta de libros ou bookcrossing

Cartel_bookcrossing_2_abril_co

Rianxo, 28 de marzo de 2012. O vindeiro dous de abril, que cadra en luns, conmemórase o Día Internacional do Libro Infantil e, para celebralo, a Biblioteca Pública Castelao suxire unha proposta de "bookcrossing" (solta de libros para que outras persoas os recollan e os lean) que comezará ese mesmo luns ás 18.00 horas.


Posted via email from Certo.gl, o xornal dixital de Barbanza e Noia

Rianxo: o sábado 31 de marzo, Burromaquia

Burromaquia

Rianxo, 28 de marzo de 2012. O próximo sábado 31 de marzo, ás 12.00 horas, terá lugar na Biblioteca Pública Municipal a proposta "Burromaquia inacio contacontos".


Neste espectáculo de narración oral encontrámonos cunha selección de contos, fábulas, poemas e cancións na que se fala con simpatía dese animal tan entrañable que é o burro. A través da súa participación, os rapaces e rapazas van descubrindo a historia do burro da Tía Lola, personaxe que popularizaron nun pasodobre os gaiteiros Os Dezas de Moneixas.

Mesa redonda suspendida

A proposta da Mesa Redonda: novos retos da muller na sociedade queda suspendida.

Antes, en Certo:







Posted via email from Certo.gl, o xornal dixital de Barbanza e Noia

Noia: orde do día do pleno do venres 30 de marzo

Media_httpfarm5static_iyimh

1 .- Aprobación da acta da sesión de data 24/02/2012.

2 .- Dación de conta das resolucións da número 470/2012 á número 876/2012 e actas da Xunta de Goberno Local de datas 14/02/2012, 21/02/2012, 28/02/2012, 06/03/2012, 13/03/2012 e 20/03/2012.

3.- Dación de conta dos informes de Intervención Municipal sobre a estabilidade orzamentaria dos meses de febreiro e marzo de 2012.

4.- Dación de conta do informe de Intervención sobre relación certificada do artigo 3 do Real Decreto-Lei 4/2012, de 24 de febreiro, polo que se determinan as obrigas de información e os procedementos necesarios para establecer un mecanismo de financiamento para o pago dos provedores das entidades locais.

5.- Modificación número 7 da Ordenanza número 25, Reguladora da taxa pola prestación do servizo da piscina municipal.

6.- Modificación número 7 da Ordenanza número 31, Reguladora do prezo público pola prestación de servizos nas instalacións deportivas da piscina municipal.

7.- Ordenanza número 39, Reguladora da taxa por aproveitamento especial do dominio público municipal a través da instalación de postos durante a Feira Medieval con acceso directo desde a vía pública.

8.- Aprobación do crédito extraordinario número 1/2012.

9.- Aprobación do Regulamento da Feira Medieval do Concello de Noia.

10.- Solicitude de compatibilidade de don Ramón Fernández Couso.

11.- Rogos e Preguntas.

Posted via email from Certo.gl, o xornal dixital de Barbanza e Noia

Noia: este venres 30 de marzo preséntase o novo partido Máis Galiza

Final

Noia, 28 de marzo de 2012. Este venres, 30 de marzo, ás 20:30, no novo edificio
administrativo do Espírito Santo preséntase o novo partido Máis Galiza, un dos escindidos do Bng.
Será a primeira localidade da comarca no que se constitúa publicamente. Intervirán no acto a responsable comarcal, Lola Caramés; Manolo González como membro da executiva nacional de + Galiza; José Manuel Barreiro, responsable local de Máis Galiza na localidade de Noia e Xoán Bascuas, secretario xeral de Máis Galiza.

Media_httpfarm7static_hfpng

"Queremos facer un chamamento á cidadanía para que nos veña a coñecer e lle poidamos transmitir o nosos compromisos coa localidade e o traballo que vamos desenvolver a curto-medio prazo. Na última xuntanza na que se deseñou o acto, a militancia da localidade mostra neste novo proxecto unha ilusión enorme e moitas gañas de traballar", explican os organizadores.

Antes, en Certo:






Posted via email from Certo.gl, o xornal dixital de Barbanza e Noia

A Pobra: charla sobre alimentación para enfermos de Alzhéimer, o venres 12 de abril

Cartel-charla-alimentacion-alz

A Pobra, 28 de marzo de 2012. O Centro Sociocomunitario do Benestar da Pobra do Caramiñal, coa colaboración da Consellería de Traballo e Benestar da Xunta de Galicia, exerce como promotor dunha charla informativa aberta a todas as persoas que poidan estar interesadas en asistir, que leva por título: "Alimentación  específica para persoas con alzhéimer e demencia senil".

O acto terá lugar na primeira planta do Centro Sociocomunitario pobrense da rúa Castelao, na sala de televisión, o vindeiro xoves 12 de abril ás 19:00 h., e contará coa nutricionista Raquel Pozo Goberna como conferenciante.

Trátase, con esta exposición, de sensibilizarnos a todos cos afectados por unhas doenzas que cada vez parecen máis arraigadas na sociedade e de facilitarlles unha situación que xa de por si resulta tan difícil.

Desde o departamento de Servizos Sociais da Pobra do Caramiñal, convidan e animan a asistir ás persoas que poidan estar interesadas. Se alguén precisa máis información, pode requerila no número de teléfono 981832753.






Posted via email from Certo.gl, o xornal dixital de Barbanza e Noia

Solidariedade: a Federación Galega de Enfermidades Raras e Crónicas acode ás microachegas en Internet ante os recortes en subvencións

Fegerec_maraton


Barbanza-Noia, 28 de marzo de 2012. Segundo explica a Federación Galega de Enfermidades Raras e Crónicas (FEGEREC), "coa crise e os recortes actuais, as ONG estamos sufrindo moito e as persoas ás que atendemos, moito máis, producíndose un deterioro na súa calidade de vida engadido á falta de saúde".

Esta asociación de asociacións organiza a próxima maratón Coruña 42 -que se celebra o domingo 15 de abril- e quere xuntar o espírito deportivo e sacrificio que esixe unha maratón, coa solidariedade e as ganas de loitar que cada un dos afectados por unha enfermidade rara e/ou crónica ten. Ultimamente están surxindo moitos proxectos de crowdfundingé dicir, financiación colectiva ou micromecenado. Trátase, a través de microdoacións de moita xente, conseguir apoiar un proxecto moito maior. Neste caso o proxecto sería FEGEREC a través da capacidade de mobilización doutras entidades, como poderían ser os medios de comunicación.

Hai moitas páxinas para xestionar este tipo de iniciativas. FEGEREC deuse de alta en www.migranodearena.org, onde xestionan os donativos recibidos.  A idea que teñen é, aproveitando a maratón, "1 kilómetro, 100 euros" por ver de conseguir 4.200 euros, que foi aproximadamente o recorte total en subvencións que tiveron este ano.

A ligazón da páxina onde poder realizar os donativos é esta: http://www.migranodearena.org/fegerecfederacion-galega-de-enfermidades-raras-e-cronicas1

"É unha idea un tanto utópica, posto que queda menos dun mes ata a maratón e aínda así temos postas moitas esperanzas nesta idea, sería un grande éxito conseguilo e precisariamos da axuda dos medios de comunicación para dala a coñecer á poboación en xeral", explícannos dende FEGEREC. Dende Certo non podemos facer caso omiso a unha iniciativa deste tipo e solicitamos, dentro da medida que as nosas lectoras e lectores poidan, que colaboren con esta causa, non só facendo microachegas na páxina indicada, senón espallando a iniciativa nos seus perfís nas redes sociais (Cabozo, Facebook, Twitter, Pinterest ou calquera outra) ou, no caso de que tiveran, nos seus blogs ou páxinas web.

"O obxectivo é darlle a maior difusión posible en internet, por ver de chegar a moita xente que se solidarice coa causa, e parécenos que sería un aliciente extra para os corredores saber que o seu esforzo vai ser seguido por todos os nosos socios con moito entusiasmo", finalizan dende FEGEREC. 

Hai creado un evento no Facebook con este motivo, para que os que teñan perfil na rede de Zuckerberg fagan por partillalo: https://www.facebook.com/events/403000436395261/

Que é Fegerec

FEGEREC é unha entidade sen ánimo de lucro destinada a mellorar a situación socio-sanitaria das persoas afectadas por unha enfermidade rara e/ou crónica na Comunidade Autónoma de Galicia. Está formada por 7 asociacións de ámbito galego e unha coruñesa (lupus, esclerose lateral amiotrófica, ataxia, fibrosis quística, linfedema, retinose pigmentaria, Arnold-Chiari e esclerose múltiple), algunhas delas membros de  COGAMI. A súa sede está en Coruña, onde prestan servizos, ademais de en Pontedeume, Narón, Lugo, Pontevedra, Vilagarcía e Vigo, con idea de continuar dando asistencia proximamente en Sada e Ourense. En total, FEGEREC ten arredor de 1300 socios afectados.


FEDERACIÓN GALEGA DE ENFERMIDADES RARAS E CRÓNICAS-FEGEREC

Pza. Esteban Lareo, Bloque 17, Sótano

15008 A Coruña

Tfno: 981 234 651

fegerec@cofc.es

fegerec.blogspot.com

twitter.com/FEGEREC

Facebook FEGEREC

Posted via email from Certo.gl, o xornal dixital de Barbanza e Noia

Rianxo: cursos para mulleres en abril, maio e xuño

Rianxo cartaz.pdf Download this file

Rianxo, 28 de marzo de 2012. O Concello de Rianxo vai realizar cursos de novas tecnoloxías para a busca e mellora de emprego nos vindeiros meses de abril, maio e xuño.

Estes cursos están subvencionados pola Deputación da Coruña e son dirixidos só a mulleres.

1. Iniciación á informática e a internet. 20h

2. Ofimática. 40h.

3.Redes Sociais para a busca de emprego e desenvolvemento profesional. 24h.
4.  Iniciación de guía turística. 24 h.

Os cursos 1 e 2 van dirixidos concretamente a mulleres de entre 30 e 55 anos, o resto dos cursos non ten límite de idade.
Máis información e inscrición:

-Concello (Praza castelao s/n) Tlfn: 981860075

-Servizos Sociais Comunitarios (crta. de tanxil, 12) Tlfn: 981860061
Correo-e: igualdade@concelloderianxo.es



Antes, en Certo:






Posted via email from Certo.gl, o xornal dixital de Barbanza e Noia

Ribeira: praceiros da cidade foron á Coruña a ver o funcionamento dos mercados

Ribeira, 28 de marzo de 2012.  Hoxe tivo lugar a viaxe que as praceiras e praceiros de Ribeira, nun total de 26, fan á Coruña para ver dous mercados municipais que son referente na cidade herculina e tamén en Galicia: o mercado de Elviña e o da praza de Lugo. Tamén se sumaron á expedición o alcalde Manuel Ruiz, o concelleiro de Consumo Vicente Mariño e a directora xeral de Comercio da Xunta Nava Castro, que quixo acompañar aos vendedores ribeirenses na praza de Lugo.
 
A continuación, os ribeirenses desprazáronse ata a Casa Consistorial situada na praza de María Pita, onde tiveron ocasión de visitar as instalacións e foron recibidos no salón de plenos polo actual alcalde da Coruña, o popular Carlos Negreira.

Antes, en Certo:






Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical