Colaboración: "Nada que ver con nós", por Javier Ferreirós

"Xa viches a un millón de persoas así. Poida que na parte máis poboada da túa cidade; a parte de atrás, a que está conxestionada e amoreada, a parte pola que é máis difícil transitar en coche. Poida que te preguntaras: “De onde vén tanta xente? Como comen e se manteñen vivos? Para que serven? E por que viven dese modo?”. Esas persoas tiveron unha casa e un fogar coma o teu, establecéronse e tiveron un emprego igual ca ti. Entón algo os sacudiu e perdérono todo.”

Quen nos fala é Woody Guthrie (1912-1967) a quen xa dediquei un artigo en Certo. Recolle esta reflexión nas súas memorias, Bound for Glory (publicadas en castelán co título Rumbo a la gloria por Global Rhythm Press en 2009), escritas cando tiña 30 anos e xa vivira máis do que moitos viviremos nunca. Os Estados Unidos saían da Gran Depresión e entraban na guerra; o ser humano vivía o momento máis crítico da súa historia, polo momento. As razóns polas que comento este texto son, obviamente, a súa “rabiosa actualidade” e a súa ferinte honestidade, tan propia de toda a obra deste bardo da era industrial que nunca coñeceu o “Estado do Benestar” con que as esgotadas democracias europeas, a través dunha serie de concesións, intentaron contentar ós traballadores trala II Guerra Mundial por medo ó triunfo do comunismo, igual que antes intentaran contentar a Hitler concedéndolle todos os seus caprichos ata que invadiu Polonia o 1 de setembro de 1939.

Nos Estados Unidos creouse a arte que mellor reflicte os vaivéns do século XX, o “século das masas”, durante o cal ese inmenso país foi o seu grande protagonista. Cando Woody escribiu isto a clase traballadora aínda sufría os efectos da Depresión, por moito que os indicadores macroeconómicos dixeran o contrario. Igualmente, todo se suavizará nos medios de comunicación cando cheguen dunha vez por todas os “brotes verdes”, todo soará como unha pílula efervescente caendo na auga das nosas inquedanzas. Pero a besta neoliberal estará a rir entre dentes, refregándose as súas mans de ferro cubertas por luvas de seda.

Que será de nós entón, habitantes do último recuncho do mundo? Ata fai nada os galegos viviamos nunha Depresión eterna, entón Franco morreu na cama, os caciques quedaron e de súpeto estabamos integrados no mundo moderno das liberdades e o Estado do Benestar. Xa que entramos nesta dinámica, que antes nos estaba vedada, de poder loitar contra esa miseria estrutural, poida que debéramos facer algo como colectivo; se a angustia ven polo dilema de renunciar a un día de paga ou non, levámola clara. Ás veces semella que a cousa non ten nada que ver con nós. A terra afúndese ós nosos pés e seguimos a asubiar. Como comemos e nos mantemos vivos? Por que vivimos deste modo? E, sobre todo, para que servimos? Deberiamos responder antes de que o faga o Monstro Mecánico.

Anterior colaboración:

"Lennon e McCartney, artistas parisienses"

 

Músico e historiador
Serie exclusiva para Certo coa análise

dos principais discos da música mundial
"Música por dentro"

 

Posted via email from Certo.gl, o xornal dixital de Barbanza e Noia

Colaboración: "Lennon e McCartney, artistas parisienses", por Javier Ferreirós

Lennon e McCartney, a parella de compositores máis famosa quizais do século XX. Wikipedia

Diego Manrique dedica un artigo, dentro do especial de El País sobre os Beatles con motivo do cincuenta aniversario da súa carreira discográfica, ó milagroso que resulta que aquel grupo de desastrados rockers chegaran a sacar un disco –“Love me do”- o 5 de outubro de 1962. Como estandartes do imaxinario popular do noso tempo, parécenos incrible que o seu destino non estivera gravado en mármore dende o principio dos tempos: é unha desas cousas que tiña que pasar. Pero o camiño que levou ó Beatles dende o momento que colleron por primeira vez unha guitarra ata a edición de “Love me do” aseméllase máis a aquela escena de Bugs Bunny cruzando a rúa entre un tráfico frenético mentres le distraído o xornal e chega ileso á outra beira: un milagre que a ratos resulta igual de cómico. Postos a divagar, poderiamos remontarnos na cadea de acontecementos favorables ata o Big Bang, pero o caso é que Manrique menciona no seu artigo un episodio deses anos de tugurios e tupés graxentos que eu esquecera: a viaxe de Lennon e McCartney a París facendo autostop. Se ben a súa intención non parecía ser instalarse alí e facerse “artistas bohemios”, neses anos de descubrimento e terra queimada moi ben poderían ter quedado aló enredados no encanto do vello París dos artistas que xa se esfumara décadas atrás. Cando es mozo e ademais artista, raras veces xurde a sensación de chegar tarde, porque o tempo é infinito na túa mente. Todo existe ó mesmo tempo. Tal vez, como lle pasou a Bob Dylan co poeta Carl Sandburg, este par de liverpoolianos de pantalóns estreitos terían petado á porta de Picasso e o vello diría que o deixaran en paz. (Ou, se tiña unha boa tarde, os convidaría ó té lembrando que de mozo pensara en instalarse en Londres polo liberadas que estaban as mulleres inglesas. E despois botaríaos fóra, deixádeme en paz, teño que traballar.)

 

A historia, tal e como a contan os seus protagonistas no Beatles Anthology, é a seguinte: polo seu 21 cumpreanos, chegando á maioría de idade, Lennon recibiu do seu tío cen libras como regalo, unha cantidade considerable daquela (McCartney di que aínda hoxe en día lle impresiona ver esa cantidade en efectivo...). Así que a el e a Paul se lles ocorreu gastalas nunha viaxe a dedo ata España. Alá foron, deixando colgados a Harrison e Pete Best (batería do grupo daquela) e pasando da súa axenda de concertos, anulados por incomparecencia. Semellaba a fin do grupo: John e Paul polas cunetas e Bugs Bunny a piques de ser atropelado. Para que os recolleran, McCartney, sempre espelido, propuxo que levaran uns bombíns para chamar a atención dos condutores, mostrando que viñan dun largo camiño dende Inglaterra: Lennon e McCartney con sombreiros de Charlot. Puro marketing incipiente. Entre o autostop e o tren chegaron a París, e unha vez deitados na cama do hotel decidiron que España estaba moi lonxe...así que se dedicarían a percorrer os cafés e a vivir coma nun vello cartel do Moulin Rouge.

The Beatles en Holanda, 1964. Wikipedia

Estiveron dando tombos e facendo o indio como correspondía  á súa idade e carácter; compraron pantalóns bombachos (que despois converteron tamén en pantalóns estreitos con agulla e fío) e Lennon fotografouse en calzóns. Unha semana despois volveron a Liverpool e ó rock and roll, e a historia seguiu camiño e o destino, esa ilusión, cumpriuse.

Agora xoguemos á historia-ficción: que tería pasado se decidiran quedar e se puxeran a debuxar (Lennon tiña no debuxo unha vocación paralela, estivera matriculado na Escola de Arte de Liverpool, e McCartney, como é sabido, pégalle a todo) e a vender os seus debuxos nos cafés? Non creo que iniciasen unha revolución pictórica, pero tal vez non teriamos escoitado falar de Andy Warhol; Lennon seguiría vivo, e despois duns aniños bos, malviviría nun faiado parisiense, convertido nun persoeiro rosmón co que se sacarían fotos os turistas, unha especie de Zapatóns da Rive Gauche. McCartney, prescindindo da careta de goma, posuiría unha cadea de galerías de arte, e vendería o seu produto cunha actitude semellante á do dono de Ryanair. George Harrison, farto de esperar, tería fundado un grupo tan lembrado como os Merseybeats e presentaría recopilatorios da música da época na teletenda, e Ringo sería hoxe un xubilado inglés residente en Málaga despois de toda unha vida como músico de sesión, e escribiría un libro de anécdotas (Batería de historias. Historias dun batería) no que contaría que unha vez coincidiu con Phil Collins e lle ensinou un ritmo de pandeireta da súa invención.

Paso de Abbey Road, con greñas. Wikipedia.

Pero o destino constrúese día a día con vontade, talento e paixón, e tamén con algo máis que un chisco de circunstancias favorables, abofé. No caso dos Beatles, tocando oito horas cada noite nos escenarios pegañentos de Hamburgo, para as putas,os mafiosos e os mariñeiros, entre esgarros e botellas escachadas. A fuxida parisiense só durou dúas semanas, pero o tempo parece ir máis rápido para os Beatles, que como tales só duraron oito anos dende aquel 5 de outubro de 1962; de aí que Harrison e Best se cheiraran aqueles días a fin do grupo.

O que si tiña que pasar é que Lennon e McCartney se separaran, porque non todas as historias de amor duran tanto como a de Victorio e Lucchino. De terse establecido a realidade paralela de París, Yoko Ono, despois dun bolo conceptual nas Galerías McCartney, botaría unhas moedas no bombín roído de Lennon sen mirarlle sequera ós lentes, e non tería a culpa de todo.

 

Músico e historiador
Serie exclusiva para Certo coa análise

dos principais discos da música mundial
"Música por dentro"

 

Posted via email from Certo.gl, o xornal dixital de Barbanza e Noia

Porto do Son: o sábado 13 de outubro, o I Festival Furnas Music promete dez horas de música sen parar

• Máis información no Facebook do festival en http://www.facebook.com/FestivalFurnasMusic

https://twitter.com/PSdGBarbanza/status/253204416361021440

Porto do Son: Praia de O Dique. Facendo forma de lagoa.: youtu.be/uWLKoC7lSOk vía Xanma, un namorado e defensor desta magnífica praia

— Certo (@Certo) October 3, 2012

Posted via email from Certo.gl, o xornal dixital de Barbanza e Noia

Noia: a igrexa de Santa María a Nova acollerá "Comer, rezar, namorar..." en setembro

• Trátase de músicas dos cancioneiros ibéricos do renacemento arredor de tres temas universais
• Vai interpretar este concerto o grupo de música antiga 1500 e o artista convidado Marco Ambrosini, dentro da iniciativa da Xunta "Espazos sonoros"

O secretario xeral de Cultura presentou a programación de Espazos Sonoros, unha experiencia única de descuberta da música en diálogo con diversos espazos arquitectónicos de especial interese do patrimonio cultural galego

   

Noia, 17 de xullo de 2012.- A Consellería de Cultura, Educación e Ordenación Universitaria pon en valor o patrimonio cultural a través dun ciclo de música de estilos diversos que percorrerá diferentes espazos arquitectónicos de toda Galicia, entre o 8 de setembro e o 18 de outubro de 2012. Trátase da iniciativa Espazos Sonoros, que foi presentada onte polo secretario xeral de Cultura, Anxo Lorenzo, e pola responsable do ciclo, Belén Bermejo, no Centro Galego de Arte Contemporánea (CGAC), un dos escenarios deste proxecto que pon en diálogo a música co patrimonio.

“Con esta programación, desde a Consellería de Cultura e Educación pretendemos alentar unha oferta diferente para o lecer musical das galegas e dos galegos, que contribúa a difundir o interese polo noso patrimonio arquitectónico”, afirmou Anxo Lorenzo. “Este diálogo que propoñemos –dixo– permítenos ofrecer unha vivencia diferente do patrimonio, vinculada ao interese pola música e con formatos de proximidade cos artistas que favorecen tamén un maior coñecemento e unha vivencia musical singular”.

Implicación na preservación do patrimonio
O secretario xeral considerou o aprecio polo patrimonio como “un aspecto fundamental para a implicación de todos na súa preservación”. “Ten, polo tanto, este ciclo unha intención de lecer, de gozo musical, pero tamén unha vertente didáctica, de sensibilización e de posta en valor do moito que temos e tantas veces descoñecido”, concluíu.

Espazos Sonoros foi consolidando ao longo destes anos a posta en valor do patrimonio histórico e do potencial artístico, musical e creador do noso país, mediante a programación de concertos en diferentes espazos de interese cultural, e foi engadindo obxectivos como a captación de novos públicos para a música clásica, a descentralización das programacións polos espazos da xeografía galega, a dinamización de públicos e o fomento da súa mobilidade a través do territorio e entre diferentes estilos musicais, a contribución á recuperación dos instrumentos musicais históricos e a promoción dun turismo e dun lecer de calidade en Galicia.

Propostas musicais variadas e de calidade
Nesta nova edición, mantén a súa aposta pola variedade de propostas musicais de calidade, ofrecendo música para órgano, música antiga, de cámara e outras músicas. Conta para isto con algunhas das máis salientables formacións que traballan no país, como Germán Díaz, Fernando Abreu ou o Grupo 1500, que comparten cartel con artistas convidados do nivel do arpista Andrew Lawrence-King, o polifacético músico especialista no instrumento nórdico da nyckelharpa, Marco Ambrosini, ou o quinteto de frautas holandés Seldom Sene.

Os espazos
Espazos Sonoros propón diversas citas coa música e o patrimonio no tempo de lecer para para ver, escoitar, aprender e deixarse sorprender. A selección de espazos procura casar as características do lugar coa música que se vai interpretar nel. En 2012, o programa chegará ata a reitoral de Gundivós en Sober, á igrexa de Santa María a Nova de Noia, á antiga conserveira de Bueu rehabilitada en Museo Massó, á igrexa de Santa María de Cambre, á Casa Grande de Vilancosta, na Estrada –da familia do estudoso das letras e da tradición oral de Galicia Marcial Valladares–, á Igrexa de San Pedro de Lugo, ao Liceo de Ourense, a San Martiño Pinario, á igrexa de Santa María do Campo de Ribadeo, ao CGAC e ao Parque Arqueolóxico de Arte Rupestre de Campo Lameiro.

Escea da adoración dos Magos, en Santa María a Nova, igrexa que xa é célebre en medio mundo grazas ao libro de Javier Sierra "El ángel perdido", do que falamos aquí

Revitalización do patrimonio organístico
A música para órgano é unha das especificidades do festival. Por iso, Espazos Sonoros ofrece nesta edición unha vivencia musical completa arredor deste instrumento. A organista Marisol Mendive e o zanfonista Iván Abal ofrecerán un singular concerto para órgano e zanfona na igrexa de Santa María do Campo, en Ribadeo, unindo así o mundo tradicional e o relixioso e académico. Será a estación final dunha xornada de roteiro pola paisaxe organística da Mariña.

Actividades paralelas
A captación e formación de públicos segue a ser un dos obxectivos básicos do proxecto e, arredor deste, constrúense os contidos musicais pero tamén o conxunto de actividades que axudan a ampliar o interese do festival. Neste sentido, a programación conta con actividades que teñen por finalidade achegar o público á música desde perspectivas diferentes ás que ofrecen os concertos ao uso, como obradoiros, charlas-concerto, roteiros musicais e roldas pola paisaxe organística galega.

Diálogo entre a música e os espazos arquitectónicos
A través desta iniciativa, a Secretaría Xeral de Cultura desenvolve unha diversa programación musical en espazos de especial interese do patrimonio cultural, aberta a múltiples manifestacións artísticas e estilos. Deste xeito, propíciase un frutífero diálogo entre xéneros e estéticas musicais diferentes, ao tempo que se favorece o interese e un maior coñecemento dos espazos arquitectónicos de Galicia.

espazos_sonoros_NOia.pdf Download this file

Relacionadas:

• Turismo e cultura: o maior embaixador de Noia é Javier Sierra, quen escribiu e presentou "El ángel perdido"

• Turismo: Barbanza, Noia e Muros, ninguneados pola Xunta no ránking

• Laudas: a dos Canteiros pódese ver na Cidade da Cultura ata decembro

• Porto histórico: cando se recupera?, pregunta o Bng

 

 

Posted via email from Certo.gl, o xornal dixital de Barbanza e Noia

Porto do Son: este sábado 26, Encontro de Corais

[[posterous-content:pid___0]]https://twitter.com/Certo/status/204943257866731521

Porto do Son: a sala Perseveira programa sesións de contadas para alumnado de Infantil post.ly/7Qcpe

— Certo (@Certo) May 23, 2012

Crónica-fotos-vídeos do q dou d si o día d onte adicado n Nebra a S Rita @JerusalenOrq @galiciaenfestas @Weborquestas5c nebra.blogaliza.org/2012/05/23/rom…

— Francisco Calo (@pacodomartelo) May 23, 2012

Posted via email from Certo.gl, o xornal dixital de Barbanza e Noia

Música: o noiés Sleeping Cat colabora no tributo a Magín Blanco, cuxo crowdfunding precisa dun último impulso para gravar o disco

• Son necesarios case 700 euros para chegar aos 3.000 que custa gravar o dobre disco
• Case trinta músicos ou grupos galegos ou relacionados con Galicia participan nesta homenaxe a Magín, que non pode tocar a guitarra por un accidente dende o ano pasado

Sleeping Cat é Jerry Noia e canta "Lluvia dorada" neste disco

Noia, 21 de maio de 2012. "Doutor Apertas. Tributo a Magín Blanco" é o título do proxecto no que se comprometeron arredor de trinta músicos do noso país. Entre eles atópase o noiés Sleeping Cat, formado polo músico Jerry Noia, que interpreta "Lluvia dorada". A finalidade é gravar un disco dobre de versións de Blanco en homenaxe a este músico, quen por mor dun accidente en 2011 ficou imposibilitado para tocar a guitarra.

Magín Blanco actuou en Ribeira en 2007, na presentación do libro "Palabras contadas" de Camilo Franco. Imaxe do Ateneo Valle-Inclán

O proxecto abriu unha conta no web Verkami -o mesmo web no que se fixo Vitaminas para o galego e se sobrepasou a cantidade inicial- para recadar fondos mediante o sistema de Crowdfunding. A falta de 27 días para rematar o prazo da colecta, obtivo xa 2.370 euros dos 3.000 que se marcaron como obxectivo. O citado Sleeping Cat e músicos como Xoel López, Malvela, Eladio & los Seres Queridos, Uxía, Roger de Flor, Nancho Novo y los castigados sin postre ou Emilio Rúa son algúns dos artistas que participan nesta iniciativa.

Queres colaborar?

Tan só tes que ir a esta ligazón:

http://www.verkami.com/projects/1942-doutor-apertas-tributo-a-magin-blanco-2xcd

Queres ver quen está implicado musicalmente?

BandCamp do disco

Queres espallalo entre as túas amizades?

Só tes que compartir esta noticia no twitter ou no facebook, ou tamén podes ir ao Facebook do tributo: http://www.facebook.com/pages/Doutor-Apertas-Tributo-a-Mag%C3%ADn-Blanco/2315...

Posted via email from Certo.gl, o xornal dixital de Barbanza e Noia

Rianxo: do 1 ao 3 de xuño, I Curso de Frauta a cargo de André Cebrián

• As actividades das Letras Galegas en Rianxo concéntranse o venres 18 e sábado 19

• Fotografía: "Retrospectiva", do Foto Club Sálvora, do 4 ao 23 de maio

• Serán "Mar de Rianxo": o sábado 26 de maio. Anótense!

• Andaina por Forcarei: o sábado 26 de maio

• Antrospinos: certame de teloneiros e de carteis para o seu Festival

Posted via email from Certo.gl, o xornal dixital de Barbanza e Noia

Música: o ribeirense Amaro Sampedro, primeiro premio de saxofón na Mostra Musical do Eixo Atlántico

• O certame tivo lugar esta fin de semana en Vilagarcía de Arousa

[[posterous-content:pid___0]]

Ribeira, 14 de maio de 2012.- Na pasada fin de semana tivo lugar no Auditorio Municipal de Vilagarcía de Arousa a terceira edición da Mostra Musical do Eixo Atlántico, na que concorreron máis de 200 artistas noveis procedentes de toda Galicia e da zona norte de Portugal.  En representación do Concello de Ribeira, acudiron catro alumnos que están a cursar a súa formación no Conservatorio Profesional de Música de Riveira: Manuel Jesús Montero González (Piano – Grupo A), Amaro Sampedro López (Saxofón – Grupo C), Lois Pimentel Iglesias (Trompeta . Grupo B) e Michelle Pena González (Piano – Grupo B).

Scaramouche

Hai que salientar que o saxofonista Amaro Sampedro acadou o primeiro premio na súa categoría, coa interpretación da obra Scaramouche de Darius Milhaud, acompañado ao piano polo profesor do Conservatorio ribeirense Luís Ignacio Blanco Picos.

Acompañando en todo momento ao novos intérpretes (e compartindo os seus nervios e alegrías) estivo o director do centro musical ribeirense dependente da Concellería de Educación, Álvaro López González, ademais dos mestres tutores Juan Carlos Ledo González, Teresa Lojo Cores e o mentado Luis Ignacio Blanco Picos.

Ribeira: a andaina máis especial e desexada do ano é o 10 de xuño, ás Illas Cíes post.ly/7HV2G

— Certo (@Certo) May 14, 2012

Ribeira: presentada a IX Carreira Virxe da Guía, que se celebra este xoves 17 de maio post.ly/7HMA8

— Certo (@Certo) May 14, 2012

youtu.be/kWomwZUSz8c #17vitaminas @vitaminasgalego Dende o máis fondo de Galicia, a Cova do Rei Cintolo, piden Vitaminas para o galego

— Certo (@Certo) May 14, 2012

 

Posted via email from Certo.gl, o xornal dixital de Barbanza e Noia

Rianxo: "Zona da Zanfona 2012" vaise celebrar entre o venres 20 e o domingo 22 de abril

Zanfoneiro tocando na Feira de Artesanía de Ribeira

Rianxo, 13 de abril de 2012. Do venres 20 ao domingo 22 de abril terá lugar en Rianxo o 8 Encontro Internacional: Zona da Zanfona organizado por aCentral Folque, Centro Galego de Música Popular, en colaboración co Concello de Rianxo.

Zona da Zanfona 2012 é o VIII Encontro Internacional para zanfonistas en Galicia, onde cada ano, aCentral Folque achega os mellores intérpretes e compositores para amosar a súa arte e impartir cursos prácticos para os especialistas deste instrumento milenario que está a rexurdir cunha forza consolidada nos últimos 10 anos e dos que este encontro é a cita máis importante do ano nesta periferia de Europa. Os mestres convidados deste ano son os franceses Gilles Chabenat e Patrick Bouffar.

Un deles é Gilles Chabenat...

O programa que se vai desenvolver é o seguinte:

• VENRES 20 DE ABRIL

- 19.00 h Praza Rafael Dieste "Zanfonas á rúa"

- 21.00 h Auditorio de Rianxo "Concerto Tour à tour" de Gilles Chabenat & Patrick Bouffard

• SÁBADO 21 E DOMINGO 22 DE ABRIL

- Curso de zanfona con Chabenat e Bouffard

Para máis información poden consultar o seguinte enlace

Posted via email from Certo.gl, o xornal dixital de Barbanza e Noia

A Pobra: estrean banda de música municipal logo de máis de 80 anos sen ela

• A Pobra non tiña banda municipal dende o ano da Gran Depresión, 1929

A Pobra, 10 de xullo de 2011. Onte, sábado 9 de xullo, o Teatro Elma acubillou o peche do curso 2010-2011 da Escola de Música que conta na actualidade con 76 alumnos/as, un director e seis mestres e tamén se presentou a Banda de Música, integrada por 21 nenas e nenos desta escola, na que aprenden e tocan dende os catro anos de idade instrumentos como piano, frauta, batería, clarinete, saxo, tuba, trompeta, guitarra, marimba, pandeireta, metalófono, caixón flamenco ou guitarra.

No acto estiveron presentes varios membros do equipo de goberno, ademais do alcalde, Isaac Maceiras, que dixo estar "moi orgulloso da Escola de Música, xa que en só dous anos que leva funcionando, acadou os seus obxetivos como era o reto de poñer en funcionamento a Banda de Música". Lembrouse que A Pobra non ten unha banda dende o ano 1929; e hoxe en día era un dos poucos concellos que non a tiña. Fixo referencia a que este esforzo "é posible primordialmente ao traballo dos alumnos e dos seus pais, pola dedicación e o entusiasmo que poñen nisto, así como a profesionalidade dos seus mestres. E como recompensa o mellor premio que poden recibir é o apoio e o cariño de tódolos pobrenses".

Tamén estivo no acto o Director Xeral de Xuventude e Voluntariado, Ovidio Rodeiro Tato, que dixo que "un pobo culto e o que crea cultura, e que dá gusto ver a todos estes nenos e nenas, mozos e mozas volcados nunha tarefa nada fácil como a de involucrarse na creación dunha Banda de música, pero coa súa tenacidade, empeño e ilusión conseguíronno nun tempo simbólico". Tamén fixo referencia a que dende a Dirección Xeral que el dirixe e dende a Xunta de Galicia "farase todo o que estea nas nosas mans para apoiar iniciativas como ésta, que poñen á Pobra do Caramiñal no lugar que debe ocupar no mapa cultural de Galicia".

O teatro-cine Elma estaba totalmente ateigado e ao remate da actuación da Banda de Música, o público pusoxe en pé para cos seus aplausos fecilitar aos compoñentes desta Banda recén estreada.

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: confirmados os grupos para o "Rockandorna", que traen dende metal ata música surf

miércoles 14 de julio de 2010

Rockandorna

Xa chega a Festa da Dorna e como todos os anos hai rockandorna, por fin temos todos os grupos confirmados, non é sin tempo!!!

O Xoves 22 de Xullo contaremos coas actuacións de:  Kolapz, Talón de Aquiles, Siberets, Piruflauticos, Krasta, Generazion Perdida, 8 Ferrados+TresU+Mordaz.

O Vernres 23 todos diremos, que ACDC non vai o Xacobeo, é a min que. Na Festa da Dorna: 

 O sabado 24 pola ruta do grelo chegan á LXII Sinjladura da Festa da Dorna:

nos contaran historias da súa infancia a ritmo de rockanroll.
A continuación a marea dorneira vivirá un maremoto coa chegada de

co seu surf-rock nós farán vibrar e non deixaran a ninguen indiferente.

Referencias videograficas:
Los Coronas-secret agent man
Los Coronas-Maremoto
Los Coronas-Rumbaleros
Los riffraff
kastomä-infancia

O vintecatro de xullo
Chejou a chea a ribeira
Enchendo ruas e prazas
Sube a marea dorneira

Bota o risón compañeiro ....

via noticiasdorneiras.blogspot.com

Posted via email from Certo.gl, o xornal dixital de Barbanza e Noia

Noia: entrevistamos a Serafín Marcos, un provocador poético

via certo.es

A entrevista en http://certo.es/index.php?page=serafin_marcos

Posted via email from Certo.gl, o xornal dixital de Barbanza e Noia

Música: se xa non te lembras de cando Juliette estivo en Noia, este xoves volve a Santiago

via youtube.com

Cornelius co tema que os mandou á fama:

Morcheeba, co seu tema "Blood like lemonade"

Juliette Lewis coa súa banda The Licks volta a Galicia. O primeiro lugar que visitou nesta terra foi Noia (o vídeo é do 19 de xullo de 2008, cando estivo no festival "Mar de Fondo"). Agora tocará en Santiago, xunto con Morcheeba, e aproveita para presentar novo disco. Ademais, estará Cornelius 1960, o grupo revelación que toca pop en inglés e que proceden da outra banda da ría de Arousa (Vilagarcía).

O concerto, baixo a denominación "Help Concert", está programado polo Xacobeo, e ten como obxectivo concienciar sobre o cambio climático (??) e a recadación irá destinada a Manos Unidas e Juntos Podemos.

Morcheeba presentará en exclusiva e por primeira vez en España o seu novo traballo Blood like lemonade, coa esperada volta da súa mítica vocalista Skye Edwards e a súa reunión cos irmáns Paul e Godfrey Ross. Este novo traballo non só supón o retorno da voz soul da cantante, senón que recolle a esencia de clásicos como Who can you trust? ou Big Calm e transporta ao oínte a novos e exóticos lugares. Trátase igualmente, do seu traballo máis introspectivo, con temas que reflicten a situación persoal da banda, ademais doutros con carácter máis aberto, como as situacións e personaxes descritas por Paul Godfrey nalgunha das cancións. Caracterizada pola súa mestura de trip hop, blues e pop e nada a mediados dos anos 90, Morcheeba converteuse nunha referencia musical que retorna cun novo traballo desde o seu último álbum con Skye Edwards como vocalista en 2003.

No Help Concert tamén estará a actriz e cantante Juliette Lewis, que conta ás súas costas cunha longa carreira cinematográfica, na que atesoura títulos coma O cabo do medo, Kalifornia, Asasinos natos ou Aberto ata o amencer, aínda que tamén desenvolve o seu talento e creatividade no eido musical. Precisamente, este concerto solidario será o primeiro escenario de Europa ao que se suba Juliette Lewis este ano para presentar o seu novo disco Terra Incognita. O título do álbum fai referencia a un territorio descoñecido, lugar a onde leva o seu novo traballo, caracterizado polas guitarras e os contrastes de sons.

Posted via web from Certo.gl, o xornal dixital de Barbanza e Noia

Lingua galega: dende a capital americana do polo frito, "Vive o galego"

via youtube.com

Zan Hoffmann -usuario zanstones de Youtube- compuxo este tema en defensa do idioma e fixo o vídeo -tan mareante como a canción- na Serra da Capelada, ao pé do santuario de San Andrés de Teixido. "Inspired by modern and historic Galego language prosecution I was inspired to write this Galego language anthem", argumenta.
Lyrics:
Galego translation by Ana Belén Barrera:
Vive o galego!
Esta é a historia dun home que é po,
cuxo nome, se o dis, deixa mal sabor de boca.
Un día embebedouse co poder e,
drogado pola desconfianza,
tratou de borrar das bocas da súa xente
as verbas coas que falaban dos seus mundos e das súas vidas
Dixo: para avanzar cara o futuro, a vosa lingua ten que morrer
E este home esmagou o que non puido destruír
Pero as verbas dun pobo resisten unha vida de odio e rancor
Agora el é po, e a lingua está viva
Franco está morto mais vive a Galiza
Franco non puido co galego, aínda que o intentou.
Este conto non rematou no setenta e cinco
Ao inferno co estado!!!
Fala galego para que sobreviva"
Quen é Zan Hoffman?

O seu MySpace: http://www.myspace.com/zanhoffmanlive
E a súa estadía por estas terras en http://zhspain.blogspot.com
(vía Vieiros)

Posted via web from Certo.es, o xornal virtual de Barbanza e Noia

Música: o Sónar fai a segunda entrega da súa promoción xacobea

Posted via web from Certo.es, o xornal virtual de Barbanza e Noia

Youtube: a última parodia de Lady Gaga vén de Afganistán

via youtube.com

Non podían ser talibáns os que fixeran a parodia, por suposto. Soldados de USA aburridos, imaxinamos...

Posted via web from Certo.es, o xornal virtual de Barbanza e Noia

Boiro: CANCELADO!! o dos locais de ensaio do Centro Social, abertos para os grupos de Rianxo este sábado 27

Avisarán na data na que se poida voltar organizar...

A causa ten nome de muller: Xynthia.

Cal é a razón? Os de Galiza Nova cóntano no seu Facebook:

"Este sábado de catro a nove os locais de ensaio do Centro Social de Boiro estarán abertos para todos aqueles grupos de Rianxo que queiran ensaiar alí. Este é un acto de protesta ligado á campaña a prol dun local para a mocidade en Rianxo. Deste xeito manifestaremos que a realidade é distinta do que refflicte o goberno actual. É unha mágoa que a cultura que nace debaixo das pedras rianxeiras teña que ir a outro concello para poder, neste caso, ensaiar ao quente e sen pagar nada, nadiña. Quen estea interesado que se poña en contacto connosco".

Por se non chegase, argumentan nunha nota de prensa:

"Este sábado 27 de febreiro, Galiza Nova Rianxo celebrará unha Xornada de Portas Abertas no Centro Social de Boiro desde as 4 ata as 9 como protesta pola falta de locais desta índole no seu propio Concello, onde os grupos rianxeiros que o desexen poderán participar. Demostrarase in situ a numerosa cultura musical emerxente nas súas aldeas. En verdade, é unha mágoa que teñan que recorrer a outro concello, neste caso Boiro, para poder ensaiar ó quente e de balde. Os nacionalistas rianxeiros queren dar a ver deste xeito que é unha realidade manifesta. Existen mozos que ensaian e non teñen onde, polo que se demanda a posibilidade do uso do Auditorio. Dado que o goberno actual non destinou os cartos do Plan Anticrise na reforma da antiga clínica para convertela nunha Casa para a Mocidade, agora o mínimo é que este colectivo poida empregar as instalacións xa existentes no Concello".

Un asunto do que en Certo xa falamos no seu día aquí e aquí

null

Posted via email from Posterous de Certo, o xornal virtual de Barbanza e Noia

Música: E.K.O.S. presenta a súa maqueta o 31 de decembro en Rianxo

via ekosrianxo.com

Ou iso poñía na mensaxe en MySpace (pero marca ano 2020 así que xa non sabemos). Pásate polo myspace de E.K.O.S. http://myspace.com/ekosonline e oe a súa primeira maketa, cos seus primeiros seis temas gravados. Se lles das a túa opinión, mellor!

Posted via web from Posterous de Certo, o xornal virtual de Barbanza e Noia

Nós tamén queremos ser astronautas...

Non estudia, non traballa/non anda á navalla

A polo ghit

Baute: En Noia e en Noja

Sí, pensabamos que era un erro pero non... tamén actúa Baute en Noja (Cantabria) o 30 de agosto.


En Noia xa sabedes, abre as patronais de San Bartolomeu, o venres 21 de agosto, como podedes ler aquí