Ribeira: andaina ata o dolmen de Axeitos este domingo 16

• Organiza Arousa Natureza e Ocio
• Transcorrerá, máis ou menos, entre as dez da mañá e as doce do mediodía
  

[[posterous-content:pid___0]]

Ribeira, 11 de decembro de 2012. O vindeiro domingo 16, ás 10.00 horas, sairá da rúa Industrial (Polígono Industrial de Xarás, detrás de Frinsa) unha andaina de 12 quilómetros aproximadamente que levará, a todos aqueles que se queiran anotar, por camiños de terra ata Bretal e Axeitos, onde pasarán polo monumento megalítico máis senlleiro da zona, o Dolmen de Axeitos, para regresar unhas dúas horas despois ó punto de partida.

Dificultade técnica: Baixa.
Dificultade física: Baixa.
Inscrición: Gratuita.

Recomendacións:

- Levar roupa e calzado cómodo en concordancia coa actividade que se vai facer.
- Non se permiten animais.
- Prégase estar entre 5 e 10 minutos antes no punto de partida, xa que se sairá con puntualidade.
- Levar auga e alimento en función das necesidades de cada persoa xa que non haberá avituallamentos.

Cultura: docu sobre Celso Emilio, no que fan del un pandeiro. Tráiler xenial: vimeo.com/55263864 vía @magago Sae o dodrense Anxo Angueira.

— Certo (@Certo) December 11, 2012

Música: Familia Caamagno canta polo Nadal! Xa podes baixar o seu ep de balde de familiacaamagno.bandcamp.com Estiveron en Boiro cos @terbutalina

— Certo (@Certo) December 11, 2012

Boiro: Pedro Campos gañou o torneo poético Slam Arousa na súa vila post.ly/9xPoZ

— Certo (@Certo) December 11, 2012

A ver se solucionan pronto o do facebook, que aínda lle vai dar á xente por ler libros ou algo.

— David Fontán (@fbestilleiro) December 10, 2012

Posted via email from Certo.gl, o xornal dixital de Barbanza e Noia

Ribeira: este domingo 21, ademais das eleccións, Andaina polos montes da Garita

E o domingo seguinte, unha máis lonxe, na Costa da Vela:

http://www.facebook.com/events/322334787865390/

Posted via email from Certo.gl, o xornal dixital de Barbanza e Noia

Rianxo: o sábado 26 de maio, roteiro ás pontes do Lérez en Forcarei

Batáns tradicionais, onde se "curaba" o liño e outros materiais textís

Rianxo, 15 de maio de 2012. O sábado 26 de maio organízase unha andaina dirixida a adultos (maiores de 16 anos e menores acompañados). Esta fermosa ruta discorre paralela ao río Lérez e ten como puntos principais de interese o Mosteiro de Aciveiro e todo un regueiro de muíños, batáns e outras construcións tradicionais ao pé dos ríos galegos.

O nivel de dificultade é medio e o percorrido é de aproximadamente 14 quilómetros.

• Itinerario
• Folleto informativo [PDF]

• Tamén, en Rianxo:
• 
  Fotografía: "Retrospectiva", do Foto Club Sálvora, ata o 23 de maio
• 
  Serán "Mar de Rianxo": o sábado 26 de maio. Anótense!
  
• 
  Antrospinos: certame de teloneiros e de carteis para o seu Festival

 

Posted via email from Certo.gl, o xornal dixital de Barbanza e Noia

Ribeira: organizan unha andaina por Catoira para o 25 de abril

Hórreo de Carnota, o terceiro máis longo do mundo. O máis longo está no Araño, Rianxo e o segundo tamén en Carnota, pero en Lira.

Ribeira, 14 de abril.- O domingo 25 de Abril, a Asociación Cultural As Miñoteiras, en colaboración co Concello de Ribeira a través da súa Concellería de Deportes, e Asociación de Veciños de Carreira, van organizar unha ruta de sendeirismo por terras de Catoira.

Con saída ás 9.30 dende a Estación de Autobuses de Ribeira, a expedición comezará a percorrer un sendeiro catalogado como de dificultade baixa, no que ó longo dos seus, aproximadamente, 18 km se poderán descubrir, entre outros, lugares como os muíños de vento de Abalo; a ermida e capela de San Cibrán; o Camiño Natural do río Catoira; o muíño de marea do Cura; rematando a ruta no lugar máis emblemático do concello, as Torres de Oeste.

O prezo será de  10 euros, e as prazas estarán limitadas a 50 polo que é conveniente non esperar ós derradeiros días (lembrar que na anterior andaina, o prazo de inscrición quedou pechado unha semana antes por mor da ampla expectación que acadou).

Inscricións e información, no Auditorio Municipal (981 835 650)

 

Posted via email from Certo.es, o xornal virtual de Barbanza e Noia