Ribeira: o Bng mantivo unha xuntanza con representantes do sector pesqueiro

• O BNG di apostar por revitalizar a pesca e o marisqueo para crear emprego e riqueza no mar

[[posterous-content:pid___0]]Ribeira, 9 de outubro de 2012. O BNG mantivo unha xuntanza cos representantes do sector do mar de Ribeira. Neste encontro, no que participaron, ademais de Bieito Lobeira, unha ampla representación do BNG de Ribeira, púxose de manifesto a nosa aposta por revitalizar a pesca e o marisqueo, por crear emprego e riqueza no mar, para o que porá en marcha "medidas inseridas nunha
orientación política propia, galega, non dependente nin obediente a directrices españolas e comunitarias que persisten na discriminación do sector pesqueiro galego coa finalidade de primar intereses foráneos", segundo explicaron en nota de prensa.

Balance negativo do goberno Feijóo

O BNG considera "moi negativo o balance en materia pesqueira do goberno de Feijoo, con políticas de acoso e derrubo ao sector. Unha boa mostra disto e que a acuicultura, o desmantelamento de buques e a actividade nautico-deportiva foran, por esta orde, as actividades máis subvencionadas polo goberno do PP, en detrimento do sector produtivo. Isto trae consigo o seu continuo desmantelamento: neste curto período, causaron baixa 210 embarcacións pesqueiras, que supuxeron a eliminación de 1.700 postos de traballo directos e uns 8.500 inducidos en terra (procesado, transformación, comercialización, estiba, transporte, cordelaría, reparacións, efectos navais etc.)".

Prometeron 20.000 mariscadoras a pé e reduciron 550

 Segundo os nacionalistas, "cómpre aínda acrecentarmos a perda de 550 mariscadoras a pé, fronte á promesa inicial de elevar a 20.000 o número de traballadoras. A día de hoxe fican tan só 3.900, a cifra máis baixa da nosa historia, das que o 60% posúen rendas que non chegan ao Salario Mínimo Interprofesional. Ademais, unha nova ameaza pende, neste momento, sobre 24 buques cefalopodeiros galegos no caladoiro de Mauritania. “Estes datos son unha boa proba de que o Goberno do PP neste período non defendeu nin impulsou a pesca, o marisqueo nin a produción mexilloeira”, indicou o portavoz
de pesca no Parlamento Galego.

3 millóns de euros en reportaxes publicitarias

“Fronte a sensación de derrota, pensamos que hai lugar para a esperanza” afirmou Lobeira. Apostou, entre outras cousas, polo saneamento da Ría para garantir a calidade das augas e por mellorar as canles de comercialización dos nosos produtos pesqueiros, identificando claramente a súa orixe. Tamén considerou fundamental exercer as competencias que ten a Xunta en augas interiores para adoptar medidas que favorezan ao sector e incrementalas en augas exteriores. Non é argumento o de que “non hai cartos”, dixo. “Esta Consellería vén de gastar 3 millóns de euros en reportaxes publicitarias”, concluíu. Outros problemas, como o da falta de subvención da gasolina profesional, a regularización das embarcacións ou a necesidade de aumentar as cotas pesqueiras, tamén foron tratados nesta xuntanza de tinte electoral.

Ribeira: baixaron en 750 as consultas nas oficinas de turismo con respecto a 2011. De 26 países distintos pasouse a 17 post.ly/9X6gz

— Certo (@Certo) October 9, 2012

Outes: tal día coma hoxe, en 1812, naceu Francisco Añón Paz. Hoxe, ás 12.30ofrenda floral, diante do seu monumento. Ás 12, estará Ferrín.

— Certo (@Certo) October 9, 2012

"@galiciaenfureci: ANTES DO DEBATE EMIGRAR ERA UNHA SOLUCIÓN. DESPOIS DO DEBATE É UNHA NECESIDADE" #debatiño

— Certo (@Certo) October 8, 2012

En Alemania hay 13 millones de pobres y 1,5 millones de personas acuden a comedores sociales. Y este es el espejo donde debemos mirarnos...

— Cristina Barrial (@cristinabarrial) October 8, 2012

Posted via email from Certo.gl, o xornal dixital de Barbanza e Noia

Boiro: o Concello asina convenio, xunto a outros tres municipios gobernados polo PP, dun plan piloto de iluminación

• Substituiranse luminarias e equipos por outros máis eficientes, o que permitirá acadar aforros enerxéticos de ata o 75%
• Nos catro concellos beneficiados goberna o Partido Popular
• No mesmo plan anunciado en febreiro eran oito os concellos que se ían beneficiar, todos do PP tamén
  

 

Boiro, 5 de outubro de 2012.- Como xa anunciamos o 14 de febreiro deste ano, a Consellería de Economía e Industria, a través do Instituto Enerxético de Galicia (Inega), vén de asinar un convenio cos concellos de Boiro, Taboada, Pontedeva e Nigrán para a posta en marcha dun proxecto piloto de tecnoloxía eficiente en iluminación pública que ten por obxectivo permitir aos concellos galegos reducir custos enerxéticos e económicos.

Mediante este plan piloto ensaiarase a posta en práctica de medidas de aforro e eficiencia enerxética en puntos estratéxicos dos catro concellos dotándoos dos sistemas más avanzados. Ademais da conseguinte redución de custos enerxéticos e económicos e a potenciación dun uso racional da enerxía, levará aparelladas unha mellora na calidade do servizo público, así como unha repercusión directa na protección do medio ambiente.

Así, e tralo convenio firmado hoxe, instalaranse nos catro concellos preto de 600 luminarias coas últimas tecnoloxías, aspirándose a reducir de xeito considerable os consumos enerxéticos nas zonas incluídas no estudo. En total, prevese un aforro enerxético conxunto superior ás 273.000 kWh/ano, o que significaría acadar unha redución de entre o 55% e o 75% con respecto aos consumos actuais, aforrándose, nas zonas de actuación, máis de 46.000 euros por exercicio. Ademais, evitarase a emisión a atmosfera de preto de 100.000 kg de CO2 por exercicio, cifra equivalente á plantación de 4.800 árbores.

Coa materialización deste acordo, adóptanse importantes medidas de promoción do aforro na administración local, onde o contacto co cidadán é directo e, polo tanto, ditas medidas teñen un maior grao de visibilidade e repercusión pública. O proxecto piloto ten un custo total de 200.000 euros, dos que o Inega achega o 40%, General Electric Lighting custea o 49%, e os concellos seleccionados participan, a partes iguais, co 11% do orzamento restante.

Pásase de 8 concellos no plan piloto a catro

O Inega non explica na súa nota de prensa a razón de que os beneficiados por este plan piloto sexan agora catro concellos e non os oito que anunciou en febreiro. Daquela escribimos:

"Na Coruña foron escollidos Boiro e Boqueixón, ambos con maioría absoluta do PP; en Lugo, Foz -PP en minoría pero gobernando- e Taboada -maioría do PP-; en Pontevedra serán tres concellos, a saber: Nigrán, onde tamén goberna o PP; Moraña, tamén con alcaldesa do PP, e Ribadumia, oh casualidade, tamén con alcaldesa do PP. En Ourense, nin que dicir ten que os concellos beneficiados deste plan aforrista son do PP: Arnoia -cun alcalde do PP que leva 30 anos e tamén é delegado da Xunta en Ourense, Rogelio Martínez, o que foi ver o partido do Madrid mentres a provincia ardía por todos lados en outubro- e Pontedeva".

Posted via email from Certo.gl, o xornal dixital de Barbanza e Noia