Ribeira: adxudicada a Aldasa o saneamento de Reiriz e Olveira de Arriba

• O Concello tamén informou dos 77.000 euros que se están a investir na rede de saneamento, auga potable e pluviais na Revolta, na parroquia de Castiñeiras

Zona de Reiriz na que se vai actuar

Ribeira, 5 de decembro de 2012.- A xunta de goberno local do Concello adxudicou á empresa C. Aldasa, S.L.U., a actuación consistente na instalación de saneamento e pluviais nos lugares de Olveira de Arriba e Reiriz, ambos situados na parroquia de Olveira. Houbera 68 ofertas presentadas á licitación. A actuación foi adxudicada por un prezo final de 281.747,34 euros e un prazo de execución de 61 naturais. A día de hoxe, os dous núcleos citados carecen de rede de saneamento e pluviais, existindo unicamente algún tramo de cuneta destinado a canalizar as augas superficiais.

Zona de Olveira de Arriba

Técnicos municipais elaboraron un proxecto co obxectivo de instalar unha rede de saneamento que ofreza servizo aos veciños de ambas zonas, e que consistirá na colocación de dúas tubaxes (unha de 1.119 metros e outra de 164) de PVC compacto, dispoñéndose 43 pozos a 1,70 metros de profundidade e outros 13 a 2,90 metros. A través dos colectores indicados conduciranse as augas fecais por gravidade ata o punto máis baixo do trazado, onde se implantará un bombeo no que se instalarán dúas bombas somerxidas. Dende aí, as augas impulsaranse a través dunha tubaxe de polietileno de alta densidade ata a súa conexión á rede xeral.

Tamén se prevé a instalación dunha rede de pluviais a través de dúas tubaxes de 371 e 177 metros de PVC corrugado. Disporanse 26 pozos a 1,70 metros de profundidade, 17 arquetas sumidouro e unha canaleta con reixa de 37 metros.

Pavimentación

No que se refire á pavimentación, se empregarán diversos materiais en función da zona. Así, no núcleo de Olveira de Arriba e nunha parte do núcleo de Reiriz se colocará adoquín rústico de dimensións 20x10x6 centímetros; mentres que en diversos ramais de Reiriz se pavimentará con formigón armado. A actuación está adscrita ao canon de saneamento derivado da adxudicación do servizo de augas.

Saneamento na Revolta, en Castiñeiras

O Concello informa da adxudicación dunha nova actuación dirixida á instalación de rede de auga potable, saneamento e pluviais en A Revolta, lugar situado na parroquia de Castiñeiras. A empresa Excavaciones Nima, S.L., será a encargada de executar a obra, que ten un importe de 76.856,92 euros. O prazo de execución de 3 meses.

Actualmente na zona obxecto de actuación non existen servizos de auga potable, saneamento e pluviais.  Co obxecto de subsanar esta carencia, o Concello dispuxo unha actuación que inclúe, no que respecta ao abastecemento de auga potable, a colocación de 300 metros de tubaxe de polietileno de alta densidade, cun diámetro de 75 milímetro. Polo que respecta ao saneamento, instalaranse 226 metros de PVC compacto de 315 milímetros de diámetro e 49 metros de tubaxe de polietileno de alta densidade de 90 milímetros.

En canto a pluviais, empregarase unha tubaxe de PVC corrugado de 315 milímetros de diámetro e 115 metros de lonxitude. Instalaranse 8 arquetas sumidoiro e cinco pozos de rexistro. Todas as canalizacións irán soterradas en gabia. O pavimento afectado será reposto cunha mestura bituminosa tipo D-12.

A actuación adscríbese ao canon de saneamento derivado da adxudicación do servizo de augas.

Pode que tamén lle interese:

• Ribeira: este domingo 9, "O Señor das Dunas"

• Ribeira: Altofalante renova a súa directiva o sábado 15

  

• Ribeira: un banco de tempo infantil en "O Grupo"

  

• Ribeira: ata o 28 de decembro, obras da IX Bienal do Eixo Atlántico

Posted via email from Certo.gl, o xornal dixital de Barbanza e Noia

Noia: o Concello márcase como obxectivo solventar os problemas de auga e saneamento en Labarta logo de cumprirse un ano sen crebas na traída xeral

 

• A concelleira de Obras e Servizos, Marisa Lorenzo Blanco, realizou un balance moi positivo do funcionamento da nova traída xeral

Noia, 7 de novembro de 2012. Hai un ano, a finais de outubro de 2011, rematouse a obra da nova canalización de auga dende a Estación de Tratamento de Auga Potable ao centro urbano de Noia, cun investimento de 350 mil euros. A  tubaxe foi en fundición todo o tramo desde a Estación de tratamento de Augas (en Vilarvello) ata a Ponte de San Lázaro.  Procedeuse a eliminar a vella canalización de fibrocemento, totalmente escachada e con perdas neste tramo que superaban o 40% do caudal. Esta actuación foi feita por administración polo Concello, coa conseguinte contratación de persoal para esta obra.

Segundo informou a concelleira, "desde que finalizou a obra, hai un ano, non houbo ningunha avaría nin corte no subministro xeral. Se ben aínda existen zonas na rede secundaria que padecen moitos cortes, especialmente na zona de Labarta, na canalización principal non se interrumpiu nin unha soa vez o subministro".
 

Cero avarías

Para Lorenzo Blanco a principal mellora está no indicador de crebas: "a media antes desta intervención superaba máis dunha rotura ao mes, deixando a toda a vila sen o subministro de auga potable. Neste último ano pasouse a cero avarías".

Outra das zonas da rede secundaria con máis problemas, Bergondo, está nestes momentos en obras, coa substitución de máis 1.944 metros canalización de auga en fibrocemento a PVC (ademais de obras de saneamento e melloras na estrada). Prevéndose a finalización das obras para o mes de xaneiro.

 

Ademais da eliminación total das roturas na rede principal, reducíronse notablemente as perdas, aumentando a presión na rede de subministro de auga municipal. E por outra banda o cambio de canalización, eliminou as filtracións evitando a entrada de lixo na rede. O principal incidente no último ano foi a turbidez no subministro municipal de auga producida no mes de outubro deste ano por mor dun vertido ilegal no río San Xusto, debido a un recheo no Concello de Lousame.

A concelleira de Obras e Servizos de Noia, Marisa Lorenzo, tamén sinala a mellora do subministro de auga na Zona Histórica desde que se instalou unha válvula redutora que reduciu a presión e evitou as constantes crebas na zona.

O obxectivo para o 2013 é solucionar definitivamente os problemas de auga e saneamento na zona de Labarta, rematou.

Onte, en Certo:

• Libro: o técnico de Drogodependencias de Noia, David Saavedra, presenta un este vernes 9 en Catoira

• Noia-Muros: vareada de Europa ao goberno de Feijóo pola nefasta xestión das gaiolas de salmón na ría

• Noia: o Concello promete reabrir a piscina en decembro se ten que resgatar a concesión

Posted via email from Certo.gl, o xornal dixital de Barbanza e Noia

A Pobra do Caramiñal: tras anos de verteduras e desleixo, á Xunta acórdalle limpar os ríos do municipio

• As actuacións céntranse no desbroce de herbáceas e retirada de árbores caídas para facilitar o discorrer das augas e comezarán o vindeiro luns
• Medio Ambiente tamén está a estudar a adecuación doutros ríos como o Lérez, na súa desembocadura na aldea da Raña, e o Pedras

Estado do río Morto en maio deste mesmo ano

A Pobra do Caramiñal, 7 de setembro de 2012.- Nada como convocar unhas eleccións para que diferentes administracións comecen a facer algo por cuestións que veciños e oposición levan anos pedindo. Desta volta tocoulle á Consellería de Medio Ambiente, Territorio e Infraestruturas, a través de Augas de Galicia, que vai executar varias limpezas nos ríos do Concello da Pobra do Caramiñal tras a solicitude deste municipio, ao que lle veñen botando en cara o seu desleixo nesta cuestión lexislatura tras lexislatura. Trátase de tarefas de conservación nos ríos Morto, Lérez e Pedras.

Estes proxectos de limpeza céntranse en traballos de retirada de escombros, eliminación de árbores caídas e adecuación das marxes co fin de facilitar o discorrer das augas polo leito dos ríos. Con este tipo de actuacións preténdese o mantemento dos ríos e os seus entornos.

O primeiro dos ríos nos que se levarán a cabo melloras de conservación será o Morto, espazo no que se iniciarán os traballos o vindeiro luns, 10 de setembro. O proxecto céntrase en tres zonas: un primeiro punto no que existe unha taxea de sección reducida, un tramo intermedio no que o río está canalizado por un canal trapezoidal de escollera, así como un terceiro treito próximo a un colexio, na desembocadura.

As actuacións consistirán na limpeza de vexetación arbustiva, desbroce de herbáceas e retirada de madeira caída ao cauce. Estímase unha duración dos traballos de 2 semanas, cun importe de máis de 7.700 euros.

Lérez
A Xunta de Galicia tamén está a estudar un treito da desembocadura do río Lérez na aldea da Raña. Dende o punto de vista de mantemento e conservación do Dominio Público Hidráulico (DPH) estudarase o desbroce da masa de silvas existente na marxe esquerda, a efectos de mellorar a accesibilidade na zona de servidume.

Pedras
A Consellería de Medio Ambiente, na visita realizada a este río, comproba a existencia dunha canle de derivación cara a marxe dereita do río. Aprécianse indicios de actividade fluvial recente, como depósitos de areas soltas. Neste caso, Augas de Galicia estudará unha posible recuperación das condicións naturais do leito para mitigar os efectos de eventuais enchentes en propiedades colindantes ao río.

Posted via email from Certo.gl, o xornal dixital de Barbanza e Noia

Ribeira: el Psoe también se opone a la nueva depuradora

Ribeira, 15 de mayo de 2012. Según indica en nota de prensa el grupo municipal socialista de Ribeira, "examinado el estudio de impacto ambiental de la Edar que quiere establecerse en Ribeira, el PSOE de Ribeira ha puesto de manifiesto algunas cuestiones básicas:

1.-que el proyecto de Edar es el que salió a exposición pública en el año 2009 y ante las deficiencias observadas se acordó por el Concello, por la Dirección General de Aguas y por otros intervinientes que se buscaría nueva ubicación para la Edar.

 
2.- Transcurridos casi tres años, no sólo no se busca una nueva ubicación, pese a haberse así acordado, sino que en ese tiempo se instalan distintas tuberías, no contempladas en el proyecto aludido, que escapan al estudio de impacto ambiental.

 3.- Los vertidos del polígono de Xarás vierten directamente al Touro sin ningún tipo de depuración, pese a que el Concello tiene la obligación de solicitar o exigir una depuradora para los peligrosos residuos industriales.

4.- No se depura tampoco ni se ha calculado el impacto de los vertidos del Hospital que van directamente al Touro.

5.-Ni los criterios de selección escogidos en el estudio ni los coeficientes de pondración son los más adecuados. Los vertidos van al lugar más protegido de Europa medioambientalmente pues allí se ubica el parque de las islas Atlánticas, el parque natural de Corrubedo y es una Zona de Interés Comunitario.

6.- No nos parece de recibo que todo el vertido que procede de Palmeira siga pasando, como hasta ahora, por toda la cabecera de la Playa de Coroso .

7.-El bombeo desde Palmeira hasta Couso hace que el consumo de energía acabe siendo impresionante, lo que va a suponer al ciudadano un importante coste mensual, debiendo tenerse, en cuenta que el coste de la energía, en este caso electricidad, está encareciéndose de manera exponencial. Existen alternativas menos impactantes ambientalmente y muchos menos costosas en su
construcción, y no digamos en cuanto al gasto que van a producir los bombeos, que hacen que el lugar elegido sea de los menos adecuados. Se ha señalado un lugar determinado y a partir de ahí se han hecho las justificaciones que se precisaron, pero en modo alguno se buscó cual podría ser el sitio más adecuado para la instalación de la Edar; lo que hará que en su momento haya un
arrepentimiento general pero prácticamente irreversible si se lleva a cabo cual ahora se pretende.

Más información y alegaciones al completo del Psoe de Ribeira, aquí

Relacionada:

Depuradora de Ribeira: Sagres alerta do cara e ineficiente que será

 

Posted via email from Certo.gl, o xornal dixital de Barbanza e Noia

Noia: a Xunta presentará o proxecto de saneamento en setembro

O luns 26 de Xullo o alcalde de Noia, Rafael García Guerrero, reuniuse co Conselleiro de Medio Ambiente, Agustín Hernández, polo tema do saneamento de Noia.

A Xunta comprométeuse, a través do conselleiro, a presentar o proxecto en setembro.
O proxecto está sendo agora realizado pola empresa Pettra. Os dous anteriores foron realizados pola empresa Applus. O procedemento será a aprobación do pleno, exposición pública, informes sectoriais, e posteriormente debe ser aprobado pola Xunta para a súa posterior contratación. O prazo de inicio das obras vaise ao 2011.

Por outra banda, o alcalde solicitoulle ao conselleiro que estudie a construción do saneamento no lugar de Sampaio, onde se concentran as molestias polas obras do corredor Noia-Brión, e o enlace con Lousame.

via rafaelgarciaguerrero.blogspot.com

Posted via email from Certo.gl, o xornal dixital de Barbanza e Noia