Ribeira: sae no DOG a Declaración de Impacto Ambiental da depuradora de Corrubedo

• Este trámite supón a finalización da última fase de tramitación ambiental da obra e permite o remate da redacción do anteproxecto
• A nova estación depuradora, que se poderá licitar en 2013, dará servizo aos mais de 38.000 habitantes dos núcleos de Aguiño e Ribeira
• Un ano despois do remate do plan de saneamento local para o Concello de Ribeira xa se están finalizando as actuacións máis urxentes coa reparación do emisario submarino de Punta Touro e na EDAR de Corrubedo
• Ao redactar esta noticia non se daba atopado en ningunha das webs da Xunta http://www.cmati.xunta.es/ ou http://augasdegalicia.xunta.es a DIA devandita
  

Peirao de Corrubedo

Ribeira, 26 de outubro de 2012.- A Consellería de Medio Ambiente, Territorio e Infraestruturas publica hoxe no Diario Oficial de Galicia (DOG) a Declaración de Impacto Ambiental (DIA) da nova estación depuradora de augas residuais (EDAR) de Ribeira. Isto supón a finalización da última fase de tramitación ambiental da obra e permite o remate da redacción do anteproxecto.

A tramitación ambiental comezou en marzo co sometemento a información pública, por parte de Augas de Galicia, do estudo de impacto ambiental do anteproxecto de construción e explotación da EDAR. Neste estudo presentouse a alternativa seleccionada consistente na construción da depuradora no lugar de Couso e un emisario submariño que canalizará o vertido da EDAR.

A aprobación da declaración de impacto ambiental é un importante fito na tramitación desta obra. Con este paso dáse o visto bo para a redacción do anteproxecto que desenvolve a alternativa elixida, e que Augas de Galicia espera rematar este ano. Deste modo, a obra da depuradora de Ribeira poderase licitar en 2013.

O documento aprobado establece condicionantes para que a obra produza os menores impactos posibles na atmosfera, augas, solo, fauna, vexetación e hábitats da zona, e no patrimonio cultural, tanto durante a execución dos traballos como na explotación da instalación. Do mesmo xeito, establece medidas para a xestión dos residuos de obra ou a integración paisaxística. Tamén contempla consideracións de obrigado cumprimento ao programa de seguimento ambiental que se define no estudo e impacto ambiental presentado.

Antecedentes
A Xunta de Galicia presentou o ano pasado o Plan de saneamento local da Ría de Arousa para os concellos de Riberia e A Pobra. O estudo do actual sistema de saneamento do concello de Ribeira, no que a Xunta investiu 721.135,39 euros, presenta como conclusións, entre outras, que é necesario realizar varias actuacións en infraestruturas de saneamento e depuración, con carácter prioritario.

Neste senso, preséntase a necesidade da construción antes do 2015 dunha EDAR que dea servizo ás máis de 38.000 persoas que viven nos núcleos Ribeira e Aguiño. Do mesmo xeito, considéranse importantes a corto prazo o remate da EDAR de Corrubedo e a reparación do emisario de Punta Touro. A Administración Hidráulica de Galicia, consciente da importancia destas actuacións, ponse a traballar na liña marcada polo plan de xeito inmediato.

En decembro do 2011 a Xunta licita as obras de reparación do emisario de Punta Touro por un importe de 1.887.790,95 euros, que actualmente se atopan en execución. O remate previsto para esta obra é a principios do 2013 e coincide coas previsión de finalización da obra de rede de saneamento e EDAR en Corrubedo que se licitou a finais de 2009 por 7.360.072,98 euros.

AnuncioO143-231012-0001_gl.pdf Download this file

Posted via email from Certo.gl, o xornal dixital de Barbanza e Noia

Ribeira: Verdegaia tamén alega contra a nova depuradora, que cualifica como "trámite ante Bruxelas"

Ribeira, 16 de maio de 2012. Verdegaia advirte de que o Estudo de Impacto Ambiental da estación depuradora de augas de Ribeira "ten enormes eivas que o fan inviable se se pretende falar dun proceso de depuración real e efectivo, que permita garantir a saúde da nosa ría (fundamental para a nosa vida, para o ambiente e para a economía da comarca) a longo prazo".

Para este colectivo ecoloxista, "o estudo non contempla (ou cando menos non explicita) a separación en orixe das augas fecais, pluviais e industriais (agás as referidas ao polígono de Xaras, que se separan mais non se depuran). Consideramos dita separación condición esencial para realizar unha depuración efectiva de todo tipo de augas residuais, xa que cada un dos tipos precisa unha depuración específica. Isto resulta especialmente grave cando o propio EIA recoñece e cando está demostrado que o polígono industrial verte directamente á ría unha gran cantidade de residuos industriais sen ningún tipo de depuración. Polo tanto, a separación dos tipos de augas residuais en orixe daría como resultado a clara mellora da calidade da auga, dado que cada tipo iría ben depurado segundo as súas  características".

Depuradora específica para Xarás

"Queremos recordarlle á opinión pública que, no seu día, acordárase en pleno do Concello de Ribeira por tódolos grupos municipais solicitar unha depuradora específica para o polígono industrial de Xarás. Non nos parece de recibo que un estudo de impacto ambiental dunha EDAR deixe de lado algo tan serio como as augas industriais de todo un Concello, que, na proposta que se fai, verterán directamente á ría sen depuración previa. Trátase dun volume de vertidos importante, cuxa carga contaminante é moito maior que a das augas fecais", lembran en Verdegaia.

Verter as augas residuais do polígono de maneira separada, tal e como se propón no proxecto, "é necesario, pero non é en absoluto suficiente. Trátase dunha eiva tan grande deste proxecto, que só ela convérteo directamente en papel mollado. Non pode ser que esteamos falando en serio de depuración e de botar os residuos industriais directamente ao mar ao mesmo tempo", aclaran.

"Como é que, cando o propio documento recoñece que a maior carga contaminante procede dos vertidos industriais de Xarás, se propoña unha “solución” depuradora que coas augas procedentes de Xarás non fai outra cousa que vertelas ao mar directamente?

Queremos unha solución integral para o Concello de Ribeira, non un parche para evitar multas de Bruxelas. Un parche que, ademais, é demasiado caro para o ineficiente que vai resultar, xa que seguiremos envelenando a nosa ría cos vertidos tóxicos do polígono industrial", proseguen dende Verdegaia.

Solicitan, ademais, que se faga unha verdadeira separación das augas pluviais. A solución que se propón no actual proxecto "supón unha enorme carga contaminante, aínda que só sexa en momentos puntuais, para as zonas onde están previstos os  aliviadoiros. O propio estudo recoñece que as cargas puntuais en caso de chuvias torrenciais ou abundantes dan lugar a desbordamentos de augas sen depurar ao mar. A opción elexida cremos que é a pior, xa que se opta por unha gran depuradora en lugar de por dúas máis pequenas e é necesario trasladar os residuos ao longo de centos de metros ata chegar ao punto de depuración. Un sistema de pequenas depuradoras permitiría tamén non acumular todos os residuos nunha grande que, se algún día se reborda, non tería capacidade e deixaría todos os residuos á mercede de ter que librarse deles botándoos directamente á ría".

Por último, din que debe contemplarse a depuración separada das augas pluviais e a súa reutilización para outros usos como regos ou limpeza de rúas, tal e como se ven facendo noutros concellos do Estado onde se leva a cabo un proceso de depuración real e efectivo, "e non unha parodia de depuración como parece que se quere facer neste caso".

• Ribeira: o Psoe, tamén oposto á ubicación e características da depuradora

Posted via email from Certo.gl, o xornal dixital de Barbanza e Noia

Ribeira: el Psoe también se opone a la nueva depuradora

Ribeira, 15 de mayo de 2012. Según indica en nota de prensa el grupo municipal socialista de Ribeira, "examinado el estudio de impacto ambiental de la Edar que quiere establecerse en Ribeira, el PSOE de Ribeira ha puesto de manifiesto algunas cuestiones básicas:

1.-que el proyecto de Edar es el que salió a exposición pública en el año 2009 y ante las deficiencias observadas se acordó por el Concello, por la Dirección General de Aguas y por otros intervinientes que se buscaría nueva ubicación para la Edar.

 
2.- Transcurridos casi tres años, no sólo no se busca una nueva ubicación, pese a haberse así acordado, sino que en ese tiempo se instalan distintas tuberías, no contempladas en el proyecto aludido, que escapan al estudio de impacto ambiental.

 3.- Los vertidos del polígono de Xarás vierten directamente al Touro sin ningún tipo de depuración, pese a que el Concello tiene la obligación de solicitar o exigir una depuradora para los peligrosos residuos industriales.

4.- No se depura tampoco ni se ha calculado el impacto de los vertidos del Hospital que van directamente al Touro.

5.-Ni los criterios de selección escogidos en el estudio ni los coeficientes de pondración son los más adecuados. Los vertidos van al lugar más protegido de Europa medioambientalmente pues allí se ubica el parque de las islas Atlánticas, el parque natural de Corrubedo y es una Zona de Interés Comunitario.

6.- No nos parece de recibo que todo el vertido que procede de Palmeira siga pasando, como hasta ahora, por toda la cabecera de la Playa de Coroso .

7.-El bombeo desde Palmeira hasta Couso hace que el consumo de energía acabe siendo impresionante, lo que va a suponer al ciudadano un importante coste mensual, debiendo tenerse, en cuenta que el coste de la energía, en este caso electricidad, está encareciéndose de manera exponencial. Existen alternativas menos impactantes ambientalmente y muchos menos costosas en su
construcción, y no digamos en cuanto al gasto que van a producir los bombeos, que hacen que el lugar elegido sea de los menos adecuados. Se ha señalado un lugar determinado y a partir de ahí se han hecho las justificaciones que se precisaron, pero en modo alguno se buscó cual podría ser el sitio más adecuado para la instalación de la Edar; lo que hará que en su momento haya un
arrepentimiento general pero prácticamente irreversible si se lleva a cabo cual ahora se pretende.

Más información y alegaciones al completo del Psoe de Ribeira, aquí

Relacionada:

Depuradora de Ribeira: Sagres alerta do cara e ineficiente que será

 

Posted via email from Certo.gl, o xornal dixital de Barbanza e Noia