Mostrando entradas con la etiqueta Compromiso x Galicia. Mostrar todas las entradas
Mostrando entradas con la etiqueta Compromiso x Galicia. Mostrar todas las entradas

17.12.12

Política: Compromiso Por Galicia conta con tres integrantes de Muros e Noia na directiva

  • Trátase de María Xosé Alfonso (concelleira de Muros), Lola Caramés, ex concelleira de Noia e Manuel González

Compromiso_x_galicia

Noia-Muros, 17 de decembro de 2012. Logo do Congreso Constituínte celebrado o pasado domingo, día 16 de decembro, baixo o lema “Proxecto de país” Compromiso Por Galicia vén de elixir as persoas que formarán parte dos órganos de dirección nacional ademais de aprobar a súa liña ideolóxica e os estatutos polos que se rexerán nos vindeiros anos.


Os membros de Compromiso destas bisbarras son: María Xosé Alfonso, Lola
Caramés e Manuel González, que se presentaron ao Consello Político Nacional mediante listas abertas e saíron os tres elixidos pola militancia.

O secretario xeral Xoán Bascuas elaborou unha proposta de Executiva
Nacional entre os membros do Consello Político xa elixidos na que incluía a María Xosé Alfonso como Coordinadora Territorial de A Coruña e a Manuel González como responsable de finanzas. O Congreso ratificou por unanimidade a proposta de Xoán Bascuas. Cabe salientar a liña ideolóxica que define a Compromiso Por Galicia como un partido "galeguista, progresista e socialdemócrata”. Este punto foi aprobado no seu documento político que marcará a liña ideolóxica e estratéxica que guiará ao novo partido ao longo dos vindeiros anos.

Segundo explicaron dende este partido, "o reto a seguir son as eleccións ao parlamento europeo para poñer o seu principal obxectivo nas vindeiras eleccións locais. Agora será tempo para as comarcas, nos vindeiros días celebrárase unha xuntanza na comarca para elixir a persoa que ocupará a secretaría comarcal".

Posted via email from Certo.gl, o xornal dixital de Barbanza e Noia

17.9.12

Muros: a nova secretaria de Compromiso X Galicia é María Sambade

Maria

Muros, 17 de setembro de 2012. Trala xuntanza mantida a semana pasada por membros de Compromiso, achegados,  veciños e veciñas de Muros, María Sambade resultou escollida como secretaria local de Compromiso X Galicia en Muros.

Sambade é profesora no colexio Ramón de Artaza de Muros e iniciouse na política hai tan só dous anos, ocupando a terceira posición na lista que encabezaba María Xosé Alfonso e saíndo concelleira eleita, cargo que ocupa na actualidade.

"Fartas da casta política"

Asegura que se sinte  honrada por dous motivos:  “en primeiro lugar porque os meus compañeiros e compañeiras depositaran esa confianza en min sen ningún tipo de reservas e en segundo lugar porque me identifico plenamente co proxecto de Compromiso por Galicia". Na súa intervención incidiu en que Compromiso nace para darlle unha luz de esperanza a aquelas persoas "que están fartas da casta política que antepón os intereses dos partidos aos verdadeiros problemas da cidadanía. A política de Compromiso x Galicia en Muros vai a estar destinada a xente, ao seu servizo. Quero que a política se faga cos pés na terra, solucionando os problemas reais dos veciños e veciñas”.

Maria_alfonso_e_maria_sambade
María Xosé Alfonso e María Sambade

O rumbo a seguir, segundo a nova secretaria local "é o que se ven facendo con María Xosé Alfonso, xa que a súa maneira de entender a política de actuar é a esencia de Compromiso X Galicia”. Fixo ademais un chamamento aos veciños e veciñas “ Chegou a hora de deixar de queixarnos, chegou a hora de comprometernos”.

Posted via email from Certo.gl, o xornal dixital de Barbanza e Noia

13.9.12

Muros: este venres 14, xornada aberta e charla coloquio sobre as modificacións da Lei de Costas

  • Na Casa da Sociedade, en Esteiro, ás 21:00 horas

Media_httpfarm3static_rgmvp

Esteiro arredor de 1925. Foto da estadounidense Ruth Matilde Anderson

Muros, 13 de setembro de 2012. Mañá, na casa da sociedade de Esteiro, ás nove da noite, haberá unha xuntanza aberta e charla coloquio sobre as “modificacións na Lei de Costas”.
 

Compromiso X Galicia en Muros é o partido que organiza esta xornada informativa na Casa da Sociedade en Esteiro ás 21:00. Nesta xuntanza informarase aos veciños e veciñas que acudan das modificacións que se veñen de aprobar na lei de costas. Ao remate poderase facer unha valoración sobre a situación política do Concello de Muros e sobre as vindeiras eleccións autonómicas que se celebrarán o 21 de outubro. Compromiso convida a toda a veciñanza a participar nesta xuntanza informativa, xa que según asegura María Xosé Alfonso ( Portavoz de CXG) “afectará a numerosos veciños e veciñas de Muros, pois o que nos rodea é costa “

A portavoz de Compromiso asegura que se proporcionará numerosa información aos asistentes a xuntanza. Recorda ademais que se trata de un acto aberto, polo tanto todo o mundo pode participar, sen necesidade de simpatizar nin militar en Compromiso, xa que di que "este novo partido nace como instrumento ao servizo dos cidadáns". Tamén queren lembrar que o vindeiro sábado (15 de setembro) hai votacións para as primarias de Compromiso X Galicia e todo aquel que queira participar tense que anotar previamente na web: www.compromisoxgalicia.org.

Antes, en Certo:

 

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical