Rianxo: as xornadas sobre turismo accesible teñen lugar hoxe e mañá no auditorio

• A secretaria xeral para o Turismo, Carmen Pardo, inaugurounas está mañá

  

  See the full gallery on Posterous

• O encontro está organizado pola Mancomunidade de Municipios Arousa Norte e mais pola Deputación da Coruña e ten por obxectivo afondar nos aspectos relacionados coas melloras na accesibilidade turística, co uso das tecnoloxías para tal fin así como co turismo accesible como oportunidade de negocio

Rianxo, 24 de maio de 2012.- Carmen Pardo inaugurou hoxe en Rianxo as Xornadas de Turismo Accesible, organizadas pola Mancomunidade de Municipios Arousa Norte coa colaboración da Deputación da Coruña. A secretaria xeral para o Turismo explicou que a consecución dunha maior accesibilidade turística en Galicia constitúe un dos principais retos da Administración Turística galega, xunto coa diferenciación, a desestacionalización turística, o incremento do gasto medio e a estadía media ou o aumento da cota de turismo internacional. Segundo explicou a secretaria xeral, “en España existen catro millóns de persoas con diversidade funcional e en Europa a cifra supera os cincuenta millóns”, de xeito que implementar medidas que incentiven a accesibilidade constitúe, sobre todo, un “acto de xustiza cidadá” porque facilitar o acceso ao disfrute dos destinos turísticos é unha tarefa de todos e require da implicación de diversos axentes. A secretaria xeral aportou tamén datos sobre a cifra de aloxamentos accesibles existentes en Galicia. En Galicia hai 153 aloxamentos turísticos practicables e 33 accesibles, en total 186 aloxamentos con estas características e que abarcan o 6,6% da oferta total de aloxamento da comunidade.

No que respecta ao seu departamento, Carmen Pardo explicou que a Administración Turística galega leva traballando nestes últimos anos neste eido, tendo como folla de ruta o Plan de Acción do Turismo de Galicia 2010-2013, que xa no marco da súas políticas de desenvolvemento sectorial inclúe dúas actuacións específicas dentro da estratexia de actuación orientada ao apoio do turismo accesible a través da eliminación de barreiras e o impulso á accesibilidade nos recursos turísticos.

Entre as medidas específicas do Plan inclúense accións de promoción, habilitación de espazos e recursos; reconversión de zonas como preferencia para persoas con diversidade funcional e mellora de accesos e redución de elementos físicos que impidan a accesibilidade.

Dende Turismo de Galicia, no marco desta estratexia tamén se teñen levado a cabo outras iniciativas para mellorar a accesibilidade turística como o convenio coa Mancomunidade de Municipios de Arousa Norte para que, coa colaboración da Fundación ONCE, se adaptara a web turística da mancomunidade ás condicións de accesibilidade das persoas invidentes, de modo que a páxina obtivo o certificado Doble A que acredita que se trata dunha web accesible para persoas con este tipo de diversidade funcional. Xa en 2011, a Secretaría Xeral para o Turismo asinara con Arousa Norte un convenio para a creación de paquetes turísticos accesibles na mancomunidade de municipios. Esta iniciativa foi premiada na quinta edición dos Premios Solidarios de Once-Galicia a comezos deste ano. Do mesmo xeito, tamén no marco do programa Vive Galicia que alcanza este ano a súa terceira edición e que foi desenvolvido por Turismo de Galicia, figuran dous paquetes de turismo accesible que inclúen experiencias para persoas con diversidade funcional en catro municipios de Arousa Norte.

Así mesmo, dende a Secretaría Xeral para o Turismo, segundo explicou a secretaria, incluíronse nas ordes de axudas para o sector medidas de discriminación positiva para todos aqueles establecementos ou servizos turísticos que quixeran facer obras ou melloras para adaptar os seus establecementos ás condicións de accesibilidade para os usuarios.

Ademais, dende Turismo de Galicia, a través de Turgalicia publicáronse dúas edicións da Guía de Establecementos Accesibles de Galicia. Na edición de 2011 imprimíronse 1.300 exemplares da guía, mil en castelán e 300 en galego e producíronse máis de 1.600 descargas da versión electrónica da mesma.

Tamén, en Rianxo:

• Escola de Música: o domingo 27 e o mércores 30, concertos da EMR

• Gorgullo: o concello, contra as fumigacións sobre eucaliptos

• Memoria histórica: do 1 ao 3 de xuño, seminario sobre campos de concentración nesta bisbarra

• Baile e canto tradicional: este sábado 26, serán "Mar de Rianxo"

 

Posted via email from Certo.gl, o xornal dixital de Barbanza e Noia

Política: novo remendo administrativo da Deputación para non facer fusións de concellos

• O presidente da Deputación, un ente obsoleto e caciquil que os partidos se negan a extinguir, explicou esta mañá as características do convenio marco que regulará a creación das denominadas Comunidades Intermunicipais de Servizos Públicos Consorciados (CISPC, outro cisco de siglas)
• A Deputación da Coruña presenta, disque, "un novo instrumento para fomentar a cooperación entre os concellos da provincia"
• Os primeiros concellos que se sumarán a esta iniciativa serán os nove que formaron os consorcios de Val do Ulla (Boqueixón, Touro e Vedra), Terras de Iria (Padrón, Rois e Dodro) e A Montaña (Curtis, Vilasantar e Sobrado)

Barbanza-Noia, 15 de maio de 2012. O caso é non disolver as deputacións e buscarlle algo que facer e as xustifique: o presidente da coruñesa, Diego Calvo, presentou esta mañá o borrador do convenio marco que, aprobado no último Pleno cos votos favorables do PSOE e publicado hoxe no BOP, guiará e regulará a creación e o funcionamento das novas Comunidades Intermunicipais de Servizos Consorciados. Logo do fracaso da comarcalización feita polo PP, que creou unha administración paralela despilfarradora e inútil, parece ser agora éste o novo remendo argallado para que non se alporicen os concellos coas tan temidas fusións. Unha receita que non parece ser orixinal, pois aseméllase tremendamente ás tamén fallidas -salvo honrosas excepcións, como a de Serra do Barbanza para tratar o lixo- mancomunidades.

Para explicar a razón desta nova figura creada desde o organismo provincial, Calvo falou de que se trata de dar saída a “un novo espazo, unha nova fórmula de cooperación entre os concellos que non existía ata agora”. Fixo especial fincapé na importancia da súa creación porque “adáptase á nova situación socioeconómica da provincia e non supón a creación dunha nova entidade local, xa que carece de entidade xurídica propia e non complicará o mapa administrativo e xeográfico actual”. 

Máximo de cinco concellos, cunha media de 25.000 habitantes

En principio o convenio marco está pensado para un máximo de cinco concellos e unha media de 25.000 habitantes como cifras orientativas, o que para o presidente provincial deixa claro que “estamos a falar de medianos e pequenos concellos, que son os que peor o están pasando agora”. Outro motivo para propor estas cifras é que “segundo os estudos feitos desde a Deputación, son as máis axeitadas para o bo funcionamento das novas comunidades que se creen”. 

Ningún cargo remunerado, disque, e plenos cada tres meses

Aínda que o texto estará a exposición pública durante os próximos 30 días, susceptible de cambios dependendo das alegacións que se presenten, Calvo adiantou como será a súa estrutura, que a formarán dous representantes de cada concello e dous representantes da Deputación. Ningún destes cargos será remunerado, e en principio a previsión é que se convoque un pleno cada tres meses. Suponse que a asistencia a eses plenos terá un custe en dietas, aínda que non se matizou.

“A intención, en definitiva, é darlles aos concellos un instrumento, unha ferramenta útil para que poidan compartir servizos que, a día de hoxe, me atrevo a dicir que é o que queren os 94 alcaldes dos concellos da provincia: reducir gastos para poder prestar un mellor servizo aos cidadáns”, continuou Calvo.

Engadiu que estas novas comunidades funcionarán “baixo a tutela da Deputación provincial”, que porá a súa disposición todos os medios humanos e técnicos necesarios e adiantou que, unha vez aprobado definitivamente polo Pleno, previsiblemente no mes de xuño, serán os concellos dos tres consorcios formados pola Deputación os que inaugurarán este novo convenio marco.

Malabarismos dialécticos para dicir que non dan fusionado concellos

De xeito especial resaltou Calvo que se trata "dunha organización horizontal, creada entre iguais, que non é un ente supramunicipal e que está orientado a crear un vínculo entre os concellos que o desexen”. Logo de vender a fusión -anunciada por sorpresa e sen consensuar cos veciños nin lles preguntar nada, en plan despotismo ilustrado- de Oza dos Ríos e Cesuras como un incrible avance, vese que se parou todo e que aquel parto dos montes non vai valer para moito. A maioría dos expertos coincide en que as fusións de concellos, debido aos localismos sobre todo, ou se fai por decreto de Madrid ou é un proceso que podería tomar décadas, máis incluso que unha típica concentración parcelaria galega. 

A grande vantaxe desta nova ferramenta, insiste Calvo, "é a súa falta de rixidez, xa que permitirá engadir todo tipo de colaboracións posteriores a medida que as comunidades o consideren necesario. En resumen, nós estamos a ofrecer a ferramenta en xeral, e cada comunidade poderá despois personalizala segundo as súas necesidades”, explicou o presidente provincial, que engadiu que “non hai unha carteira pechada de servizos a consorciar, iso dependerá do que queira e precise cada concello no seu momento”.

Fito histórico o día de hoxe, disque

Para rematar, Diego Calvo apuntou que “isto é un paso máis do que vimos predicando desde esta Deputación desde hai tempo, que é necesario unirse para lograr unha maior eficiencia, calidade e eficacia na xestión”, e concluíu dicindo que “o día de hoxe marcará un antes e un despois no mapa administrativo de Galicia, xa que estamos creando unha figura totalmente nova e que estou seguro de que terá moito recorrido”.

Relacionadas:

• Un experto avoga por concellos con dous niveis administrativos

• Diego Calvo pretende que os da Coruña sexan os primeiros concellos en fusionarse de toda España
  

Posted via email from Certo.gl, o xornal dixital de Barbanza e Noia

A Pobra: a Deputación adica 340.000 euros para a construción dun campo de fútbol de herba artificial en Cadreche

O vicepresidente da Deputación da Coruña, Pablo Villamar, e o alcalde da Pobra do Caramiñal, Isaac Maceiras, suscribiron esta mañá, na sede da institución provincial, un convenio para financiar a construción dun campo de fútbol con vestiarios no lugar de Cadreche, no municipio pobrense. Ao acto asistiu tamén a deputada provincial pobrense Rosana Pérez.

A Deputación destinará para esta nova infraestrutura deportiva un orzamento de 340.000 euros, que representan o 43,76% do importe total do proxecto, que ascende a 776.950 euros.

A parcela na que se construirá o campo ten unha superficie aproximada de 15.300 m2. As obras que contempla o proxecto consisten na ampliación e acondicionamento do espazo de aparcadoiro existente e a creación dunha nova área de aparcadoiro na zona de acceso ao recinto; o peche do recinto con malla metálica con instalación de dúas portas que permiten o uso unificado das dúas zonas, así como un pórtico de formigón armado na entrada; a construción dun campo de fútbol 11 de herba artificial, que terá unha área de xogo de 95 x 60 metros, e equiparase con portarías, redes de fondo e banderíns, e a construción dun edificio de planta baixa destinado a vestiarios para deportistas e árbitros, composto de dous volumes unificados por unha mesma cuberta, cunha superficie construída de 281,7 m2. Este edificio tamén albergará aseos, almacéns e o cuarto de instalacións.

Tanto o alcalde como a deputada provincial mostráronse moi satisfeitos coa sinatura deste convenio, co que se da resposta a unha vella reivindicación dos clubes de fútbol da localidade e aos centos de rapaces e rapazas que constitúen a base deste deporte no concello e que ademais vai permitir ter unhas instalacións modernas e alternativas ao campo de herba natural da Alta.

via dicoruna.es

Posted via email from Certo.gl, o xornal dixital de Barbanza e Noia

Boiro: 340.000 euros para construír unha nave que albergará un centro de formación e un viveiro de empresas

A infraestrutura contará cun taller de hostalaría e cociña de 135 metros cadrados

A Deputación da Coruña destinará 340.000 euros para financiar a construción dunha nave no polígono industrial de Espiñeira (Boiro), que se destinará a centro de formación e viveiro de empresas. Así se recolle no convenio subscrito na sede da institución provincial, polo presidente da Deputación, Salvador Fernández Moreda, e o alcalde de Boiro, Xosé Deira, que acudiu acompañado polo tenente alcalde da localidade, Juan Jesús Ares.

A edificación proxectada está formada por tres bloques, un bloque ou nave principal e dúas naves secundarias.

As obras de acondicionamento interior do viveiro de empresas consisten na execución das instalacións de electricidade, fontanería, saneamento, ventilación, gas e iluminación.

O Centro de Formación contará cunha aula de 45 metros cadrados, con capacidade para 15 alumnos, con mesas, cadeiras, equipos audiovisuais e computadores con conexión a internet.

O taller de cociña, cunha superficie de 135 m2 contará con maquinaria especial para a formación en hostalaría como forno, cortadora de carnes, armarios e cámaras frigoríficas, máquina de conservación ao baleiro, e esterilizador, entre outras.

via dicoruna.es

Posted via email from Certo.gl, o xornal dixital de Barbanza e Noia

Porto do Son: un millón seiscentos mil euros da Deputación para unha piscina cuberta climatizada en Tarela

Fernández Moreda e Xoán Pastor Rodríguez asinaron hoxe o convenio de colaboración na sede da institución provincial

A Deputación da Coruña destina 1,6 millóns de euros á piscina cuberta climatizada de Porto do Son

25/11/2010

A Deputación da Coruña destinará 1.660.187, 48 euros para financiar as obras de contrución da piscina climatizada cuberta de Porto do Son. Así se estipula no convenio suscrito esta mañá, na sede da institución provincial, polo presidente da Deputación, Salvador Fernández Moreda, e o alcalde de Porto do Son, Xoán Pastor Rodríguez Santamaría. A achega provincial representa o 100% do orzamento da instalación deportiva, que se ubica no lugar de Tarela, na parroquia sonense de Noal.

O edificio consta de planta soto e planta baixa, que albergará a piscina climatizada, con vestiarios, aseos, e ximnasio.

No soto, cunha superficie de 480,25 m², aloxaranse as caldeiras e maquinaria, isntalacións e escaleiras de acceso á planta superior.

Na planta baixa, cunha ampla superficie de 1.186,80 metros cadrados, sitúase a piscina, cun vaso principal de 25 x 12,5 metros e un volume de 492 m³ de auga, e unha piscina de aprendizaxe, de 3,5 x 13,10 metros. A nova instalación acollerá tamén un ximnasio, sauna, baño turco, salas de control e enfermería e posto de socorrista, ademais de vestiarios con aseos e duchas.

O alcalde de Porto do Son expresou a súa satisfacción pola sinatura do convenio, que permitirá o financiamento dunha instalación deportiva moi demandada polos veciños.

via dicoruna.es

Posted via email from Certo.gl, o xornal dixital de Barbanza e Noia

Noia: el presidente de la Diputación visitó las obras de acceso a Testal y la rehabilitación de Santa Mariña de Obre

Fernández Moreda visitó también la iglesia de Santa Mariña de Obre, en cuyos trabajos de rehabilitación se han invertido 118.855 euros

Fernández Moreda visitó en Noia la carretera de acceso a la playa de O Testal, en cuyas obras de mejora la Diputación ha invertido 115.000 euros

15/11/2010

El presidente de la Diputación de A Coruña, Salvador Fernández Moreda, ha realizado esta mañana una visita institucional al Concello de Noia, donde ha visitado la carretera provincial 5706, que da acceso a la playa de Testal, y en cuyas obras de ensanchamiento y mejora la institución provincial ha invertido 115.000 euros, así como la iglesia parroquial de Santa Mariña de Obre, cuyas obras de rehabilitación integral han supuesto una inversión de 90.000 euros.

El presidente provincial, acompañado por el teniente alcalde de la localidad noiesa, Lino García Novo y por los concejales Rosana Mariño y José Rodríguez Agulleiras, expresó su satisfacción por el resultado de las obras realizadas en la carretera de O Testal, que han supuesto el ensanchamiento de la plataforma hasta los 8,5 metros y la renovación del firme en un tramo de medio kilómetro “que registra un nivel de tráfico importante”, apuntó Fernández Moreda, “por lo que podemos estar satisfechos del resultado de los trabajos, ya que se trata de una obra importante y muy demandada por los vecinos”. 

Según n las estimaciones del gobierno municipal, más de 1.600 personas usan a diario el vial, que da acceso a la playa, al puerto y a la lonja de O Testal, una de las principales de la comunidad autónoma en la producción de berberechos, y cuyas instalaciones fueron visitadas también por la comitiva, que supervisó los trabajos de clasificación y venta de los bivalvos.

Santa Mariña de Obre

Tras la visita a la lonja, Fernández Moreda visitó la iglesia de Santa Mariña de Obre, un conjunto arquitectónico incluido en el inventario de la Dirección Xeral de Patrimonio para cuyos trabajos de rehabilitación la institución provincial ha destinado un presupuesto de 90.000 euros, el 75% del importe total del proyecto, que asciende a 118.855 euros, y que ha supuesto “una reforma integral” del inmueble, según explicaron los miembros de la Asociación Cultural Santa Mariña de Obre, que acompañaron al presidente provincial durante la visita y explicaron que parte del templo data del siglo XII.

Las obras realizadas han incluido la sustitución del tejado, la consolidación de la estructura, obras de cantería en los muros, carpintería exterior e interior, cierre del recinto, pintado de la iglesia, vidrieras, iluminación y electricidad, reconstrucción de las escaleras de acceso a la planta superior y otras acciones, como la renovación del mobiliario, “que han dejado la iglesia como nueva”, según explicó el párroco de la localidad.

Salvador Fernández Moreda ha destacado el gran valor artístico-cultural de la iglesia de Santa Mariña de Obre, lo que justifica la colaboración económica de la Diputación de A Coruña, que de esta forma “quiere preservar un valor arquitectónico y patrimonial del concello de Noia”.

via dicoruna.es

Posted via email from Certo.gl, o xornal dixital de Barbanza e Noia

Dodro: a Deputación inviste 149.000 euros en obras de mellora e recuperación de patrimonio

As achegas provinciais destinaranse á mellora da contorna de vivendas de Tallós, a construción de beirarrúas en Devesa e rehabilitación de fontes, lavadoiros e cruceiros

A Deputación da Coruña inviste 149.000 euros en obras de mellora no Concello de Dodro

09/09/2010

A Deputación da Coruña destinará 149.000 euros para realizar diversas obras e investimentos no Concello de Dodro, segundo se recolle nos convenios subscritos na sede da institución provincial, polo presidente da Deputación, Salvador Fernández Moreda, e o alcalde da localidade, Arturo Díaz Díaz.

Entre estes investimentos, a institución provincial destinará 65.000 euros para financiar o proxecto de mellora da contorna de vivendas de Tallós, que inclúe a substitución do actual pavimento, por un novo de lastros de granito, asentado sobre unha base de formigón, e máis adecuado co medio.

Tamén se destinarán 18.818,52 euros para a construción de dous treitos de beirarrúas de 240 x 1,00 e 120 x 1,65 metros, con bordo de formigón prefabricado, así como a pavimentación dun treito de 360 x 0,25 metros en formigón, todas elas no lugar da Devesa (Lestrove).

Rehabilitación de fontes, lavadoiros e cruceiros

Entre os investimentos provinciais comprometidos destaca o financiamento das obras de rehabilitación do cruceiro de Revixós con pedras de idénticas características ás existentes e a eparación das xuntas en mal estado, e a demolición do actual pavimento da praza, que será substituido por un novo de granito e formigón pulido.

A Deputación cofinanciará tamén os traballos de rehabilitación das fontes de Fontela e Reboiras, do cruceiro de Manselle, e das fontes e lavadoiros de Teaio e Reveixós. Estas obras comprenden, entre outras accións, a reposición das pedras danadas e reparación das xuntas, a instalación de novas varandas e mobiliario urbano, novas conexións e desaugadoiros das fontes e lavadoiros e acondicionamento ou substitución dos pavementos existentes.Estas obras contarán cunha achega provincial de 63.279 euros.

O alcalde de Dodro, Arturo Díaz, agradeceu os investimentos da institución provincial que servirán para recuperar e poñer en valor diversos núcleos do municipio.

Pola súa banda, o presidente da Deputación, Salvador Fernández Moreda, enmarcou estes investimentos na liña de cooperación cos concellos que está a desenvolver a institución provincial e expresou o seu desexo de que éstes contribúan a mellorar a calidade de vida dos veciños do municipio.

via dicoruna.es

Posted via email from Certo.gl, o xornal dixital de Barbanza e Noia

Boiro: 800.000 euros para financiar o remate das obras do centro sociocultural de Cabo de Cruz e dotalo de mobiliario

Fernández Moreda e Xosé Deira asinaron onte o convenio de colaboración

O presidente da Deputación da Coruña, Salvador Fernández Moreda, e o alcalde de Boiro, Xosé Deira Triñanes, asinaron na sede da institución provincial, un convenio para  financiar a  segunda e terceira fase das obras do centro sociocultural e de usos múltiples da parroquia de Santa María de Castro, en Cabo de Cruz (Boiro), para o que o organismo provincial achegará 800.000 euros. Deste orzamento, 96.813 euros destinaranse á adquisición de mobiliario para o centro.

O edificio está situado no predio ocupado polo antigo mercado municipal de Cabo de Cruz, e conta con soto,  planta baixa, e tres alturas, o que supón unha superficie total construída de 4.233 m2.

O centro contará, entre outras, coas seguintes instalacións: salón social, salón de actos, aula de usos múltiples, cafetería, biblioteca, despachos, sala de xuntas e sala de exposicións. Aínda que esta nova infraestrutura sociocultural beneficiará a toda a poboación boirense, prevese que os  principais usuarios sexan nenos e adolescentes e maiores de 60 anos.

OBRA: Centro sociocultural e de usos múltiples en Cabo de Cruz (BOIRO)

A nova construción, da que parte unha zona central formando unha “U”, ocupa a totalidade da parcela do antigo mercado. O edificio contará cun gran patio central que permitirá iluminar as distintas estancias, á vez que serve de zona de entrada a nivel de planta primeira, o que simplifica a utilización da zona de exposición e auditorio.

Obras incluídas na segunda e terceira fase:

- División das zonas definidas que non se completaron na primeira fase.

- Acabado dos locais e pavimentos das plantas

- Instalación de electricidade, fontanería, e ventilación.

- Colocación de teitos acristalados no acceso da planta baixa e recepción.

- Antepeito de ladrillo no baixo cuberta, sobre a biblioteca.

- Colocación de varios tramos de varanda e pasamáns en aceiro inoxidable.

- Colocación de portas e acristalamentos interiores.

- Beirarrúas e canalizacións varias

Subministro de mobiliario para a cafetería (mesas, cadeiras e taburetes), mobiliario para a sala da terceira idade (zona de lectura, zona de tv e xogos), mobiliario de oficinas, aulas, despacho, vestiarios e biblioteca. Expositores e bancos para a zona de exposición. Mostrador e armario do gardarroupas. Butacas para o auditorio. (96.813, 58 euros)

DISTRIBUCIÓN DO EDIFICIO

PLANTA SOTO (996,89 m2)

Instalacións

Almacéns

Salas polivalentes

Aseos

PLANTA BAIXA (869,83 m2)

Recepción

Zona 3ª Idade

Despachos

Oficinas

Cafetería

Aseos

PLANTA PRIMEIRA (806,05 m2)

Sala de Exposicións

Aulas

Oficina

Aseos

PLANTA SEGUNDA (679,24 m2)

Auditorio

Aulas

Vestíbulo-Gardarroupa

Oficina

PLANTA TERCEIRA (574,32 m2)

Biblioteca

Auditorio

Vestíbulo

PLANTA BAIXO CUBERTA (307,45 m2)

Despachos

Sala de Xuntas

Alto Biblioteca

Aseos

TOTAL METROS CONSTRUÍDOS     4.233,76 m2.

via dicoruna.es

Posted via email from Certo.gl, o xornal dixital de Barbanza e Noia

A Pobra: a Deputación da Coruña destina 100.000 euros para financiar o proxecto Deán Stock Centro Formativo

A iniciativa inclúese no Plan Director do Comercio para as comarcas de Muros-Noia, Barbanza e O Sar

A Deputación da Coruña destinará 100.000 euros para financiar a posta en marcha na Pobra do Caramiñal do proxecto Deán Stock Centro Formativo, incluído no Plan Director do Comercio para as comarcas de Muros-Noia, Barbanza e O Sar. Así se estipula no convenio suscrito esta mañá, na sede da institución provincial, polo presidente da Deputación, Salvador Fernández Moreda, e a súa homóloga da Asociación do pequeno comercio da Pobra do Caramiñal, Amparo Cerecedo Sánchez, nun acto que contou tamén coa asistencia da deputada provincial Rosana Pérez.

O proxecto pretende a posta en marcha dunha tenda-escola para comerciantes, impulsada polo centro comercial aberto O Deán, na que se formaran tanto os futuros empregados do comercio como os comerciantes en activo, a través de cursos adaptados ás súas necesidades, que se axusten ás demandas actuais dos consumidores e ás novas tendencias comerciais, e que contribúan a mellorar as súas competencias profesionais e a adquirir novas habilidades.

A formación desenvolverase nunha simulación de tenda que permitirá aos alumnos desenvolverse cos clientes e os produtos, facilitándolles unha formación orientada á práctica profesional. Os obxectivos do proxecto son a profesionalización do sector do pequeno comercio, mellorando a cualificación dos traballadores, a dignificación dunha profesión que achega o 16% do PIB galego, e a promoción de novas iniciativas empresariais, tendencias e fórmulas de negocio nun sector caracterizado polo seu gran dinamismo e polo contacto directo co cliente.

O centro servirá ademais para crear novas vocacións, ofertando unha formación axeitada a aqueles que queiran entrar no mundo do comercio tradicional e garantirá aos empresarios a contratación de persoal cunha cualificación profesional garantida.

A formación teórica e práctica impartida no centro incluirá diferentes aspectos da profesión que van dende os aspectos formais do trato co cliente e a presentación adecuada dos beneficios do produto, á xestión de stocks, o escaparatismo, ou transito eficaz no punto de venda.

Tres millóns de euros para potenciar o comercio

O presidente da Deputación da Coruña, Salvador Fernández Moreda, lembrou que esta iniciativa enmárcase no Plan Director do Comercio para as comarcas de Muros-Noia, Barbanza e O Sar, “un ambicioso proxecto no que imos investir máis de 3 millóns de euros nos vindeiros catro anos, para modernizar e promocionar o pequeno comercio” nos concellos da Pobra do Caramiñal, Boiro, Dodro, Muros, Noia, Lousame, Outes, Padrón, Porto do Son, Rianxo, Ribeira e Rois, cunha poboación estimada de 130.000 habitantes.

As achegas orzamentarias da Deputación da Coruña para o financiamento do Plan serán de 700.000 euros no ano 2010; 1.223.500 no ano 2011; 822.500 (ano 2012); e 372.000 (ano 2013).

Fernández Moreda subliñou que o Plan conta con tres eixos fundamentais: a dinamización do comercio local a través de feiras de produtos típicos, outlets, e do reforzo de campañas comerciais; a modernización dos mercados locais, e a mellora da formación e xestión do pequeno comercio, aspecto no que se investirán preto de 600.000 euros e no que o proxecto Dean Stock Centro Formativo “terá un papel fundamental”, segundo o presidente provincial.

Pola súa banda, a responsable da Asociación do pequeno comercio da Pobra do Caramiñal, Amparo Cerecedo, agradeceu a achega provincial para o financiamento do proxecto e subliñou o compromiso da Deputación co comercio tradicional da comarca.

via dicoruna.es

Posted via email from Certo.gl, o xornal dixital de Barbanza e Noia

A Pobra: crónica da presentación de "Tiempos de vela"

O libro, que repasa tres séculos de historia marítima das rías de Arousa e Muros-Noia, foi presentado na Pobra polo presidente provincial, Salvador Fernández Moreda

A Deputación da Coruña edita o libro "Tiempos de vela", de Ramiro Villoch

20/07/2010

O presidente da Deputación da Coruña, Salvador Fernández Moreda, e o alcalde da Pobra do Caramiñal, Isaac Maceiras, participaron, na Casa da Cultura “Raquel Fernández Soler” da Pobra do Caramiñal, no acto de presentación do libro “Tiempos de vela”, editado pola institución provincial. 

O acto contou tamén coa asistencia da deputada provincial Rosana Pérez, do autor da publicación, Ramiro Villoch Herrera, de concelleiros da localidade, e numeroso público, entre os que había representantes do eido social, asociativo e cultural da vila pobrenese. 

Nas súas máis de 200 páxinas, “Tiempos de vela” repasa tres séculos de historia marítima nas rías de Arousa e Muros-Noia e afonda na historia dos armadores e “fomentadores” cataláns que alí se asentaron, e que deron orixe á unha importante industria pesqueira e de salgadura de peixe que contribuíu decisivamente ao desenvolvemento socio-económico da zona. 

Fernández Moreda gabou “o excelente traballo de investigación realizado polo autor” durante máis dunha década, que deu como resultado “este magnífico ensaio no que se nos desvelan algunhas claves da estreita vinculación histórica e económica desta comarca co mar, e coa industria da salgadura implantada nestas terras por cataláns emprendedores e visionarios, que permitiu unha mellor conservación do peixe, facilitando o seu transporte e distribución a sitios cada vez máis lonxanos, o que supuxo unha auténtica revolución comercial en todo o litoral galego”. 

Para o presidente da Deputación da Coruña, o libro “ten un indubidable valor histórico e antropolóxico, pois recupera documentos e testemuñas de gran valor, que corrían o risco de perderse para sempre no esquecemento se Ramiro Villoch non dedicara os seus esforzos a compilalos nesta publicación, froito de máis de dez anos de traballo”, motivo polo que a institución provincial “decidiu poñer en marcha este proxecto editorial para promover un mellor coñecemento da historia da Pobra do Caramiñal e de toda esta comarca, e dun sector que conta, aínda hoxe, cun gran peso específico na economía galega”.  

Fernández Moreda, que aludiu ás súas orixes mariñeiras como neto de conserveiros, felicitou tamén aos responsables da imprenta provincial “polo gran esmero depositado na edición deste libro”, magnificamente ilustrado con reproducións de antigos documentos das casas armadoras,  e con fotografías, realizadas tamén por Ramiro Villoch, das obras que os “retratistas” de barcos da época plasmaron nos seus lenzos, e que supuxeron “o xerme e a inspiración” deste traballo de investigación, segundo apuntou o autor do libro. 

Precisamente, estas fotografías de Ramiro Villoch expóñense ao público na Casa da Cultura “Raquel Fernández Soler”, do municipio pobrense, que acolleu a presentación da publicación. 

O autor do libro, Ramiro Villoch, agradeceu o apoio editorial da Deputación da Coruña “e de todos os que colaboraron no libro”, e afirmou que con esta publicación quixo facer “un recoñecemento aos protagonistas desta historia”, en referencia ás xentes do mar. 

Pola súa banda, o alcalde da Pobra, Isaac Maceiras, destacou o bo facer de Ramiro Villoch como médico de cabeceira da localidade durante máis de corenta anos e subliñou algúns dos aspectos históricos tratados no libro e relacionados coa vila como os antigos estaleiros do Areal ou a tradición dos xigantes e cabezudos, que os cataláns trouxeron á Pobra.

via dicoruna.es

Posted via email from Certo.gl, o xornal dixital de Barbanza e Noia

Porto do Son: a Deputación entregou en Portosín unha embarcación "Omega" para o fomento do deporte da vela

 

O Concello de Porto do Son dispón dende onte dunha embarcación tipo “Omega” para o fomento do deporte da vela na localidade. O barco, que supuxo un investimento de algo máis de 9.000 euros, foi entregado polo presidente da Deputación da Coruña, Salvador Fernández Moreda, nun acto no Náutico de Portosín que contou coa asistencia do alcalde da localidade, Xoán Pastor Rodríguez Santamaría, do concelleiro de Deportes da localidade e de representantes da Federación Galega de Vela.

 

A embarcación estrearase na impartición dun curso de vela para 40 rapaces e rapazas de 9 a 18 anos do municipio que comezou onte e rematará o vindeiro 9 de xullo.

Segundo os datos facilitados polo presidente da Deputación da Coruña, Salvador Fernández Moreda, a institución provincial destina este ano 48.500 euros para a “Campaña de vela 2010”, que fomentará os deportes náuticos entre os nenos e nenas dos concellos de Camariñas, Porto do Son e Malpica e que inclúe a adquisición de tres embarcacións tipo “Omega” (unha por municipio) e o financiamento dos cursos de vela nestas localidades.

En total, uns 120 nenos destes tres concellos coruñeses, entre 40 e 50 por municipio, terán a oportunidade de formarse durante unha semana no deporte da vela, con monitores especializados, seguros, material e embarcacións axeitadas, grazas a esta campaña que a institución provincial desenvolve cada verán en colaboración coa Federación Galega de Vela, que se encarga da organización técnica dos cursos.

As embarcacións tipo “Omega” están especialmente deseñadas para a formación no deporte da vela e é a máis utilizada no sector para as primeiras horas de navegación. Fernández Moreda destacou a importancia dos deportes náuticos na provincia da Coruña, que conta con máis de mil kilómetros de costa e as condicións idóneas para a práctica da vela.

Pola súa banda, o alcalde Porto do Son agradeceu o compromiso da Deputación da Coruña co municipio e o apoio económico para fomentar o deporte da vela entre os máis pequenos.

Segundo subliñou o presidente provincial, coa entrega deste barco tipo “Omega” en Portosín son xa un total de 18 concellos da provincia os que dispoñen de embarcacións deste tipo para o fomento da práctica da vela. Na campaña de 2007 os concellos beneficiarios foron Laxe, Cee, Cedeira, Ferrol e Rianxo; en 2008, Ribeira, Corcubión, Cerceda, Ares e Ortigueira; en 2009, Muxía, Fisterra, Boiro, Sada e Cariño; e en 2010 Camariñas, Porto do Son e Malpica.

Visita ás obras da piscina

Tras a entrega da embarcación en Portosín, O presidente da Deputación e o alcalde de Porto do Son desprazáronse ata o lugar de Noal – A Tarela, onde se están a executar as obras de construción da piscina municipal, financiadas integramente pola Deputación da Coruña cun orzamento de 1.204.741,37 euros.

A infraestrutura deportiva contará con soto e planta baixa (cunha superficie 1.887 metros cadrados) que albergará unha piscina cuberta e climatizada con vestiarios, aseos masculinos e femininos, ximnasio e zona de control, ademais dun espazo para enfermería, masaxes, sauna e baño turco.

A dimensión do vaso da piscina principal será de 25 x 12,5 metros, mentres que na piscina de aprendizaxe será de 3,52 x 13,10 m. O volume da piscina principal é de 492 metros cúbicos e o da piscina de aprendizaxe de 46,11 metros cúbicos.

O soto, de 480 metros cadrados, destinarase a albergar as instalacións e as caldeiras.

via dicoruna.es

Posted via email from Certo.gl, o xornal dixital de Barbanza e Noia

Cinema: Noia, Boiro, Lousame e A Pobra, incluídos no programa "Noite de cine" da Deputación

A Deputación da Coruña patrocina, un ano máis, o ciclo “Noite de Cine”, que levará a numerosos concellos da provincia un total de 290 proxeccións cinematográficas ao aire libre durante os meses de xullo, agosto e setembro. Cada concello participante contará con entre 3 e 7 proxeccións en función do número de habitantes.

Entre os dez filmes seleccionados para esta vixésima edición do ciclo atópanse algunhas da producións máis taquilleiras e premiadas dos últimos meses como “Crepúsculo”, “El niño con el pijama de rayas” (gañadora do Goya á mellor película europea), “Los girasoles ciegos” (Goya ao mellor guión adaptado), “Viaje al centro de la tierra”, “La ola”, “Mi monstruo y yo”, ou “007: Quantum of Solace”. Non faltan as películas de debuxos animados para os máis pequenos, como “El lince perdido”, gañadora do Goya á mellor película de animación, ou a segunda parte de “Pérez, o ratiño dos teus soños”, así como a comedia para público adolescente “Disaster Movie”. A selección das películas realizouse en función do perfil do público asistente ás proxeccións, conformado basicamente por familias.

Esta XX edición do programa Noite de Cine pretende tamén sumarse á conmemoración do ano 2010 como “Ano do libro e a Lectura de Galicia”, polo que boa parte dos filmes seleccionados son adaptacións cinematográficas de novelas de éxito de autores como Julio Verne, John Boyne, Ian Fleming, William Ron Jones, ou Alberto Méndez, entre outros.

Ademais, nun labor de promoción do cine galego que se repite por terceiro ano consecutivo, ao longo do verán “Noite de Cine” repartirá gratuitamente entre os espectadores 5.800 DVD orixinais de películas galegas, entre elas o clásico “Sempre Xonxa”, e organizará un concurso no que se sorteará un TV LCD de 16 polgadas e un reprodutor DVD, tan só por responder a unhas simples preguntas sobre cine e literatura.

O investimento da Deputación da Coruña para financiar este programa é de 127.437 euros.

Para máis información: www.dicoruna.es ou www.noitedecine.com.

PROGRAMACIÓN DO MES DE XULLO

DATA	CONCELLO	PROXECCIÓN
2	ROIS	PÉREZ, O RATIÑO DOS TEUS SOÑOS II
5	CULLEREDO	MI MONSTRUO Y YO
6	CULLEREDO	VIAJE AL CENTRO DE LA TIERRA
7	CULLEREDO	CREPÚSCULO
8	LOUSAME	EL LINCE PERDIDO
9	O PINO	EL NIÑO CON EL PIJAMA DE RAYAS
9	ARES	VIAJE AL CENTRO DE LA TIERRA
9	CABANA DE BERGANTIÑOS	VIAJE AL CENTRO DE LA TIERRA
13	AS PONTES	PÉREZ, O RATIÑO DOS TEUS SOÑOS II
13	ORDES	MI MONSTRUO Y YO
14	CARBALLO	CREPÚSCULO
14	AS PONTES	CREPÚSCULO
14	VALDOVIÑO	EL NIÑO CON EL PIJAMA DE RAYAS
14	BRIÓN	MI MONSTRUO Y YO
14	FENE	PÉREZ, O RATIÑO DOS TEUS SOÑOS II
15	AS PONTES	VIAJE AL CENTRO DE LA TIERRA
15	OLEIROS	VIAJE AL CENTRO DE LA TIERRA
15	LOUSAME	DISASTER MOVIE
16	BERGONDO	PÉREZ, O RATIÑO DOS TEUS SOÑOS II
16	BRIÓN	VIAJE AL CENTRO DE LA TIERRA
16	BOIMORTO	007:QUANTUM OF SOLACE
17	O PINO	CREPÚSCULO
18	CABANAS	EL LINCE PERDIDO
19	ORDES	PÉREZ, O RATIÑO DOS TEUS SOÑOS II
19	MUGARDOS	EL LINCE PERDIDO
20	MUGARDOS	DISASTER MOVIE
20	NOIA	VIAJE AL CENTRO DE LA TIERRA
20	AS PONTES	007:QUANTUM OF SOLACE
20	CAMBRE	VIAJE AL CENTRO DE LA TIERRA
21	BRIÓN	EL NIÑO CON EL PIJAMA DE RAYAS
21	CARBALLO	DISASTER MOVIE
21	AS PONTES	MI MONSTRUO Y YO
21	CAMBRE	EL NIÑO CON EL PIJAMA DE RAYAS
21	BOIRO	PÉREZ, O RATIÑO DOS TEUS SOÑOS II
22	BRIÓN	CREPÚSCULO
22	POBRA DO CARAMIÑAL	VIAJE AL CENTRO DE LA TIERRA
22	MUGARDOS	MI MONSTRUO Y YO
22	LOUSAME	VIAJE AL CENTRO DE LA TIERRA
22	MUXÍA	EL LINCE PERDIDO
23	BOIMORTO	CREPÚSCULO
23	ARES	CREPÚSCULO
23	OLEIROS	EL NIÑO CON EL PIJAMA DE RAYAS
23	SADA	VIAJE AL CENTRO DE LA TIERRA
24	OLEIROS	CREPÚSCULO
26	ORDES	007: QUANTUM OF SOLACE
26	POBRA DO CARAMIÑAL	MI MONSTRUO Y YO
26	MAZARICOS	VIAJE AL CENTRO DE LA TIERRA
27	SADA	007:QUANTUM OF SOLACE
27	NOIA	CREPÚSCULO
27	MAZARICOS	MI MONSTRUO Y YO
27	LOUSAME	PÉREZ, O RATIÑO DOS TEUS SOÑOS II
28	BETANZOS	EL NIÑO CON EL PIJAMA DE RAYAS
28	CARBALLO	EL NIÑO CON EL PIJAMA DE RAYAS
28	FENE	VIAJE AL CENTRO DE LA TIERRA
28	MUGARDOS	VIAJE AL CENTRO DE LA TIERRA
28	MAZARICOS	DISASTER MOVIE
29	ARES	EL LINCE PERDIDO
29	MIÑO	VIAJE AL CENTRO DE LA TIERRA
29	MAZARICOS	EL NIÑO CON EL PIJAMA DE RAYAS
29	MUXÍA	CREPÚSCULO
29	OLEIROS	007:QUANTUM OF SOLACE
30	BERGONDO	CREPÚSCULO
30	BOIMORTO	PÉREZ, O RATIÑO DOS TEUS SOÑOS II
30	OLEIROS	EL LINCE PERDIDO
30	BOIRO	VIAJE AL CENTRO DE LA TIERRA
31	ARTEIXO	MI MONSTRUO Y YO

via dicoruna.es

Posted via email from Certo.gl, o xornal dixital de Barbanza e Noia