Noia, 15 de marzo de 2011. Nada menos que 15 nominacións para a súa ópera prima no mundo da largometraxe. Luís Avilés Baquero, cineasta noiés que levou adiante a dirección de "Retornos", rodada en parte nas inmediacións de Noia, só foi superado por "18 comidas", do cineasta Jorge Coira, con 16 candidaturas aos Mestre Mateo. "Retornos" é candidata á mellor longametraxe, mellor dirección de producción, mellor dirección de fotografía, mellor maquillaxe e perruquería, mellor deseño de vestiario, mellor dirección artística, mellor montaxe, mellor son, mellor guión, mellor dirección, mellor interpretación masculina protagonista (Xabier Estévez), mellor interpretación feminina protagonista (Manuela Vellés), mellor interpretación masculina de reparto (Xosé Manuel Olveira, "Pico") e mellor intérprete feminina de reparto (María Bouzas) A continuación, xa con 12 candidaturas aos premios, está a comedia "Crebinsky", de Enrique Otero, cunha ducia de nominacións. Sálvora tamén é protagonista A illa de Sálvora, de Ribeira, tamén vai ser protagonista nos Mestre Mateo deste ano, xa que a película para televisión ambientada en parte alí, "Mar Libre", que dirixiu Dani de la Torre, obtivo dez nominacións. A gala dos Mestre Mateo é este ano en Ourense, o domingo 17 de abril, no auditorio municipal.
No hay comentarios:
Publicar un comentario