Boiro: presentan o venres 15 o IV Encontro Arqueolóxico do Barbanza

Este venres 15 de xaneiro terá lugar a presentación do programa do “IV Encontro Arqueolóxico do Barbanza”, que se desenvolverá os días 27 e 28 de febreiro, e que na xornada inaugural contará coa asistencia do Director Xeral de Patrimonio, José Manuel Rey Pichel.
Presentan o alcalde, Xosé Deira Triñanes (BNG); o concelleiro de Cultura, Gerardo Piñeiro Lorenzo (PSOE), e o técnico do CAB Víctor Barbeito.

E en Certo preguntámonos: proxectarán por fin a primeira longametraxe documental da Arqueoloxía Galega, que vai sobre Neixón? Ou seguirán facéndose o sueco? Pode que Xurxo Ayán teña a resposta.

Obradoiro no polígono da Espiñeira

Por outra banda, o vindeiro luns, 18 de xaneiro, Dores Torrado, concelleira de Facenda e Emprego, visitará o polígono de Espiñeira para ver os trababallos que os alumnos do Obradoiro de Emprego “Viveiro de Empresas” acaban de iniciar na nave que dará cabida ao Centro de formación- Viveiro de Empresas. O obradoiro de emprego, que conta con 26 alumnos das especialidades de albanelería e carpintería, será o encargado de rematar as obras, agora que a empresa construtora rematou a estrutura.

Posted via email from Posterous de Certo, o xornal virtual de Barbanza e Noia

Opinión: Manuel Domínguez confía más en el amor que en la justicia

via certo.es

http://certo.es/index.php?page=no_creo_en_la_justicia

Posted via web from Posterous de Certo, o xornal virtual de Barbanza e Noia

Boiro: interpretación de "Happy", de Leona Lewis, na Cachada

via youtube.com

Subida hai un pouquiño a YouTube, e xa parece que hai diverxencias nos comentaristas:

Susy0o (hace 13 horas)

por favor que alguien le tape la boca!

greeneyes251 (hace 15 horas)

Toda una artista por descubrir...!! Qué voz!!

O vídeo aproveita as posibilidades de YouTube para etiquetar o que se ve, asi que podemos saber os nomes dos que bailan e da que canta....

Posted via web from Posterous de Certo, o xornal virtual de Barbanza e Noia

Economía: nace a sección galega da Banca Ética "Fiare"

O  proxecto de Banca Ética Fiare funciona xa con delegacións en distintos lugares do Estado e o vindeiro sábado 16 de xaneiro celebrarase a Constitución da Sección Territorial Galega de Fiare. Entre os membros fundadores de Fiare Galiza atópanse asociacións como: AIS O Peto, Arela, Amarante, Verdegaia, Adega, Altermundo, SLG, Panxea, colexio La Salle, CONGD´s....  O acto de constitución terá lugar en La Salle de Santiago de Compostela, rúa San Roque, 6 ás 10:00 da mañá.

O proxecto Fiare parte dun diagnóstico concreto: as nosas sociedades son inxustas. É desde a indignación que produce esa inxustiza desde a que xorden os dinamismos para desenvolvelo. Dentro das múltiples e complexas  facetas que debullan esta estrutura de desigualdade e exclusión, o sistema bancario é o piar sobre o que Fiare se propón actuar, construindo unha realidade alternativa. Fiare nace, xa que logo, como un proxecto de sistema de banca ética que se constitúa en alternativa elixíbel pola cidadanía e que actúe significativamente pola transformación do sistema financieiro e cunha característica fundamental (entre outras): o seu funcionamento está en mans dos movementos sociais.

Máis información:

http://www.fiare.org/
http://opeto.org/paxina/proxecto-fiare-gz

Humor

Visto na Festa da Dorna de Ribeira, en 2009

Posted via email from Posterous de Certo, o xornal virtual de Barbanza e Noia

Boiro: Google Street View conxelou a cordelería queimada, que se ve como era antes do incendio

O incendio foi o 24 de setembro. Catro meses despois, a cordelería segue en Google Street View como se non pasara nada. Cousas da técnica!

<br /><small>Ver mapa más grande</small>

Posted via email from Posterous de Certo, o xornal virtual de Barbanza e Noia

Arqueoloxía: a Pedra da Bullosa, en Boiro, segue a deteriorarse

De novo envíovos algo máis de “lo que el viento se llevó”. Neste intre tócalle o Concello de Boiro onde se atopa o Centro Arqueolóxico da Barbanza.

Trátase da Pedra da Bullosa: esquecida polos cultos, polo Concello e polos técnicos de Neixón,  os cales verten pragas sobre os causantes de tal deterioro acusando de tal desfeita  á administración. E eu pregúntome:  quen é a autoridade na Barbanza sobre esta materia?

Coido que os políticos bastante teñen intentando satisfacer a tódolos cidadáns contándolles milongas  e outras patrañas. Son tan mediocres e hipócritas, que non teñen valor para dicirlles ós cidadáns que a tarta non da para máis, e que o empeño ao que someteron  ós concellos, está que rebenta,  e  cos  flecos que poidan saír dos inflados  orzamentos  irán reparando atascos de sumidoiros, baches , farois e suprimindo os poucos aparcamentos públicos para rendibilizar aos da súa ralea, e seguir empufando ás pequenas  empresas.

Oxalá o pouco que fan o fixeran ben, e que as obras que levan a cabo durasen e fosen proxectadas con visión futurista e dirixidas por xente competente que tivese un pouquiño de idea do que é  a paisaxe, os materiais e formas,  para integrar con sentidiño  estes elementos no ambiente, respectando o entorno urbano, rural  típico, artístico e paisaxístico.

Non obstante, debemos ter a suficiente humildade para recoñecer que estamos nun confín fisterrán onde todo chega con retraso:  as artes, as ciencias, as letras, o gas, o tren e mesmo as epidemias.

E unha mágoa.  Pero  temos que admitilo.

Sen máis preámbulo paso a mostrarlles en imaxes o drama da pedra da Bullosa en Seán, Boiro.

A primeira, na súa fase de resistencia milenaria.

A segunda foto, é un detalle intentando destacar a súa enigmática mensaxe.

A terceira é a situación en que se atopa dende fai  varios anos,  ferida de morte por uns energúmenos, tanto municipais  ou quen  fose. Sospeito que o anaco de pedra que asoma deitado, xa foi sustraído.

A cuarta é como se atopa na actualidade.

 Domingo Regueira

See and download the full gallery on posterous

Posted via email from Posterous de Certo, o xornal virtual de Barbanza e Noia

Ribeira: o venres 15 de xaneiro, "Os soños de Walla"

<div><br /><b>OS SOÑOS DE WALLA</b><br /><i>por juliopez</i></div>

Teatro e sensibilización social danse a man este venres coa representación de Os soños de Walla

 

Santa Uxía de Ribeira, 13 de xaneira de 2010.- Este venres, día 15 de xaneiro, a partir das 19.30 horas, o Auditorio Municipal de Ribeira vai dar cabida ao espectáculo teatral “Os soños de Walla”, que se adscribe dentro do programa teatrAcción: unha iniciativa promovida polo Fondo Galego de Cooperación e Solidariedade e a Escola Superior de Arte Dramático (ESAD), cuxo principal obxecto estriba en utilizar o teatro como ferramenta de sensibilización cidadá en relación aos desequilibrios globais, as súas causas e as súas consecuencias. Para a súa posta en escena no municipio de Ribeira contou coa colaboración da Concellería de Igualdade, Acción Social, Deportes e Voluntariado que dirixe María Esther Patiño.

 

“Os soños de Walla”, de Julio Fernández, aborda a historia dunha adolescente con muletas empeñada en ir á escola que, ante o impedimento da súa minusvalía física e da longa distancia que separa a súa aldea da escola máis próxima, afronta o seu desexo de aprendizaxe cos obstáculos determinados polos seus prexuízos e a discriminación existente no seu entorno. O seu soño de aprendizaxe encerra tamén a súa pretensión de xerar ilusión ao seu redor.               

 

TeatrAcción

A creación do programa teatrAcción xurde da sinatura dun convenio no 2008 entre o Fondo Galego e a Escola Superior de Arte Dramática (ESAD) de Galicia, con Manuel Vieites á fronte do proxecto como director. Con el preténdese unir teatro e sensibilización social. O primeiro ano destinouse á conformación do grupo e á execución de diferentes obradoiros de traballo nos que se afinaron as posibilidades de empregar o teatro como ferramenta de sensibilización social. Neste segundo ano o grupo de traballo conformado pola ESAD de Galicia, representará a obra “Os soños de Walla” en 10 Concellos galegos.

 

Neste sentido, ademais de en Ribeira, a obra vaise representar proximamente en Oleiros, Outes e Baiona e xa se escenificou en Vigo, Sarria, Allariz, Viveiro, O Barco e Ourense: todos eles concellos asociados ao Fondo Galego.

Posted via email from Posterous de Certo, o xornal virtual de Barbanza e Noia

Ribeira: esta fin de semana, Aguiño lembra con varios actos culturais a Francisco Lorenzo Mariño

See and download the full gallery on posterous

Download now or preview on posterous

Semana Cultural Francisco Lorenzo Mariño.doc (108 KB)

See and download the full gallery on posterous

Posted via email from Posterous de Certo, o xornal virtual de Barbanza e Noia

Lingua galega: a Coordinadora de Equipos de Normalización e Dinamización Lingüística da Barbanza, tamén contra o decreto

via equiposndlbarbanza.blogspot.com

Posted via web from Posterous de Certo, o xornal virtual de Barbanza e Noia

Ecoloxía: os rapaces de Axena falan hoxe de cambio climático en Galicia

via blogueiros.axena.org

Datos da páxina da Consellería de Medio Ambiente da Xunta de Galicia, moi ben resumidiños. Paga a pena botarlle un ollo. Xa facer algo por remedialo sería a bomba!

Posted via web from Posterous de Certo, o xornal virtual de Barbanza e Noia