Ribeira: o alcalde pide outro obradoiro na mesma clausura do "Illote Noro II"

O alcalde, que entregou os diplomas aos 26 alumnos-traballadores egresados, agarda que o seguinte obradoiro remate o periurbano de San Roque

Ribeira, 25 de xuño de 2010.- O Obradoiro Illote Noro 2 chegou hoxe ao seu fin cun acto de clausura no que os 26 alumnos–traballadores (17 mulleres e 9 homes) que participaron na iniciativa recolleron os seus diplomas tras un ano de traballos. Cabe recordar que a meirande parte destes labores se concentraron no Parque Periurbano de San Roque, de 180.000 metros cadrados de superficie, no obxectivo de converter esta área nun referente para o lecer dos veciños do municipio e nun foco de atracción turística. 

A clausura do obradoiro contou coa participación do alcalde, José Luis Torres Colomer; do director xeral de Promoción do Emprego da Xunta de Galicia, Andrés Hermida Trastoy; da concelleira municipal de Educación Juana Ermitas Crugeiras Vidal, e do director do obradoiro, Juan Ramón Cores Pérez, quen realizou unha proxección de 50 diapositivas para explicar visualmente o traballo desenvolvido no transcurso do taller.

Algunhas das actuacións realizadas no parque foron a restauración do lavadoiro situado no parque e a rexeneración do seu entorno; a pavimentación do camiño que conecta o parque coa cidade de Santa Uxía (a través da zona dos xulgados); a construción dun sistema de recollida de pluviais; a restauración do anfiteatro (obra que tamén incluíu o empedrado do camiño que  une esta edificación coa zona de baños), a restauración do área de picnic, a construcción dunha rocalla cun ceador, a elaboración de bancos/xardineiras na zona de acceso e a construción dunha ponte de madeira sobre un regato.

Tamén se realizaron actuacións fóra do parque: basicamente mobiliario urbano para uso e disfrute dos veciños do municipio: 46 xardineiras, 20 bancos, 25 mesas de merendoiro... 

Cofinanciación

O Obradoiro de Emprego comezou a súa andaina no mes de xullo do 2009 como un programa mixto de formación e emprego para formar profesionais maiores de 25 anos nas especialidades de carpintería, albanelería ou xardinería. Estivo cofinanciado polo Concello de Riveira, a Consellería de Traballo da Xunta de Galicia e o Fondo Social Europeo. Investíronse 678.000 euros, dos cales 548.000 euros foron aportados pola Xunta de Galicia e o Fondo Social Europeo e 130.000 polo propio Concello.  

No apartado de discursos, Andrés Hermida recalcou a idoneidade desta acción para que os maiores de 25 anos acaden unha preparación que lles permita incrementar as súas opcións de conseguir un emprego nestes tempos difíciles. 

Pola súa parte, o alcalde felicitou aos alumnos participantes e aproveitou a súa intervención para solicitar ante o director xeral a concesión dun novo obradoiro de emprego que dea remate as actuacións deseñadas co fin de dinamizar o parque.

Relacionadas:

Concedido o obradoiro "Illote Noro II", aquí

Composición do Illote Noro II, aquí

Restauración do lavadoiro de San Roque, aquí

See and download the full gallery on posterous

Posted via email from Certo.gl, o xornal dixital de Barbanza e Noia

Montes: o Bng acusa ao goberno de mentir e querer eliminar as Uxfor mediante a parálise da súa tramitación

Vistas dende o mirador de Culou, en Lousame

A nacionalista Tereixa Paz asegura que "o Conselleiro de Medio Rural mentiu no Parlamento galego cando dixo que non ía eliminar as UXFOR (unidades de xestión forestal) cando en realidade, a política do PP non permite a súa tramitación"

Barbanza-Noia, 25 de xuño de 2010. A portavoz de agricultura, gandería e montes do  BNG, Tereixa Paz, trala resposta do director xeral de Montes na Comisión 7ª de Agricultura, celebrada hoxe no Parlamento galego, acusou á Xunta de manter unha “postura cínica” cando o propio Conselleiro de Medio Rural “minte” na Cámara galega ao afirmar que non se eliminarían as unidades de xestión forestal.

Para a deputada do BNG, a resposta do director xeral de Montes a unha pregunta formulada pola  nacionalista, confirma que “é falsa a tese” sobre a falta de personalidade  xurídica que lles impide aos montes veciñais   establecer actuacións na súa defensa e  posta en valor.

Tereixa Paz preguntoulle  ao director xeral de Montes se nalgunha ocasión asinara algún convenio coas comunidades de montes e se consideraba que esta circunstancia se podía cualificar de “ilegal”. Asemade, a deputada do BNG reiterou na súa intervención,  que era notorio que, a día de hoxe, “non existía ningunha unidade de xestión forestal legalmente constituída” ao abeiro do decreto do ano 2008” e denunciou que  esta situación, débese “ á negativa do Goberno galego e o Partido popular a que se constitúan”.

Para Tereixa Paz, o director xeral de Montes “delátase” ao afirmar que estas unidades non son un instrumento válido e mesmo critica as dúas que existen en Muros e Lousame pero a respecto da de Camboño - dixo- como afecta na súa maior parte a propietarios privados “non ten nada que dicir”.

Paz explicou que o anterior goberno aprobou unha lei na que se  prevía unha medida estrutural para cambiar en profundidade as explotacións forestais galegas e para isto, encomendou a xestión  á empresa pública SEAGA con dúas finalidades: elaborar todos os traballos de redacción dos proxectos para a constitución das UXFOR e realizar as actuacións e infraestrutura necesaria para a súa posta en marcha.

A deputada do BNG recriminou que o Partido popular pretenda crear unha nova “figura societaria” para que desapareza o “asemblearismo” e se introduzan os grandes capitais nos montes dos pequenos propietarios co obxecto de especular coa súa riqueza.

Posted via email from Certo.gl, o xornal dixital de Barbanza e Noia

Ribeira: Pífano Teatro aborda con "Rotas" este sábado 26 a violencia de xénero

Ribeira, 25 de xuño de 2010. A compañía Pífano Teatro vai actuar mañá, sábado 26, no auditorio municipal de Ribeira ás 21.30 horas coa obra “Rotas”, dirixida por Xavier Picallo a partir dun texto de Rosa Castro.  

Esta peza dramática consiste nun alegato contra a violencia de xénero no que se pretende denunciar a tortura e o asasinato que sofren algunhas mulleres. Actuarán Mela Casal e María Salgueiro (na imaxe, extraída do blog da compañía Pífano, en http://pifanoteatro.blogspot.com)

A obra está recomendada para maiores de 12 anos. A entrada é gratuíta. Colaboran na organización a Asociación da Prensa da Coruña, a Deputación da Coruña e o Concello de Ribeira a través da Concellería de Cultura e Festexos. 

Mesa de debate

Ao rematar a obra, que durará arredor de 35 minutos, realizarase unha mesa de debate en torno á violencia de xénero.

Posted via email from Certo.gl, o xornal dixital de Barbanza e Noia

Rianxo: a banda infantil e a sinfónica, no concerto de Musigalizando 2010, o domingo 27 de xuño en Santiago

O concerto é na Quintana de Vivos, en Santiago

Rianxo, 25 de xuño de 2010. A banda infantil e a banda sinfónica de Rianxo están a participar en Musigalizando, un campamento musical que ten como colofón final un concerto para todos os públicos. Aínda que o campamento é en Gandarío, o concerto execútase na Praza da Quintana de Santiago de Compostela, o vindeiro domingo 27 de xuño ás oito e media da tarde.

Posted via email from Certo.gl, o xornal dixital de Barbanza e Noia

Noia: as obras de reforma do teatro Coliseo Noela xa teñen consignado orzamento, de máis de 300.000 euros

Noia, 25 de xuño de 2010. O Consello da Xunta de Galicia autorizou onte a subscrición dun convenio de colaboración entre a Consellería de Cultura e Turismo e o Concello de Noia para a rehabilitación da cuberta, a instalación dun ascensor, a mellora de seguridade e a reparación de revestimentos do Teatro Coliseo Noela. O acordo conta cunha dotación orzamentaria de 311.760 euros, distribuída en dúas anualidades.

As obras de acondicionamento e reparación do Teatro Coliseo Noela inclúen a rehabilitación da cuberta, a instalación dun ascensor, a mellora de seguridade e a reparación de revestimentos. A Consellería de Cultura e Turismo, a través da Dirección
Xeral do Patrimonio Cultural, tamén se encargará da contratación das obras de rehabilitación, a dirección e execución de obra, e a coordinación de seguridade e saúde.
O Teatro Coliseo Noela é unha edificación de 1920 que está catalogada no vixente Plan Especial de Protección e Reforma Interior do Centro Histórico de Noia. Debido ao actual estado de deterioración progresiva do inmoble, que podería afectar elementos estruturais da cuberta, a Consellería de Cultura e Turismo realizará as reformas necesarias en materia de protección, conservación e posta en valor deste ben cultural.
Debido ás obras de reforma, algúns dos moitos actos culturais que se viñan celebrando neste recinto serán trasladados, do que se avisará ao seu debido tempo.

Posted via email from Certo.gl, o xornal dixital de Barbanza e Noia

Boiro: O Faiado 2 acolle unha exposición de pezas de metal do artista rianxeiro José Tembra en xullo

A inauguración, o vindeiro martes 29 de xuño ás nove menos cuarto da noite.

Posted via email from Certo.gl, o xornal dixital de Barbanza e Noia

Noia: la ong "ConTacto" inaugura hoy una oficina en este municipio

Iglesia de San Francisco, en Noia

Noia, 25 de junio de 2010. Hoy, viernes 25 de junio, a las siete de la tarde, tendrá lugar la inauguración de la nueva oficina de la ongd "ConTacto", en la parte de atrás del edificio de los Padres Franciscanos (detrás del ayuntamiento).
   La organización no gubernamental "ConTacto", que se define como "asesoría al inmigrante y su integración", lleva un año trabajando en la Comarca del Barbanza y dada la situación que presenta el colectivo inmigrante en Noia respecto a la necesidad de asesoría jurídica, laboral, sanitaria y asistencial, consideran "imprescindible establecer un punto de información más cercano al  inmigrante, especialmente con el colectivo senegalés y peruano, entre otros". Prevén abrir la oficina al menos dos días a la semana.

Otras noticias relacionadas con esta organización, aquí

Posted via email from Certo.gl, o xornal dixital de Barbanza e Noia

Dodro: este domingo 27 de xuño, XVI Festa Rural (antes coñecida como Festa do Carneiro ao espeto)

Dodro, 23 de xuño de 2010. A XVI Festa Rural celébrase este domingo 27 de xuño en Fonte Primeiral. Teñen toda a información no cartel e non se esquezan de que hai que recoller invitación ata este venres para poder participar nalgúns actos.
Colabora a asociación cultrual "Virxe do Leite e do Bo Parto"

Posted via email from Certo.gl, o xornal dixital de Barbanza e Noia

Rianxo: "Os vellos non deben de namorarse", obra de teatro de Castelao, esta fin de semana no auditorio

Rianxo, 23 de xuño de 2010. No Auditorio de Rianxo esta fin de semana representarase a obra "Os vellos non deben de namorarse" (orixinal de Castelao), a cargo do grupo de teatro AIRIÑOS do Centro Cultural Simón Varela de Asados. As funcións terán lugar o SÁBADO 26 ás 21:00 h e o DOMINGO 27 ás 20:00 h.
As entradas poden retirarse 2 horas antes de cada representación.

A obra, dirixida por Xesús Santos e escrita por A.D.R. Castelao, conmemora o 77 aniversario do Grupo de Teatro Airiños.

Conta co seguinte reparto:

Personaxes:                                       Actores:                   

Prólogo                                              Anxo Angueira (o escritor de Dodro)  

O Boticario                                        Xesús Santos (director de Airiños)

Lela                                                   Adelina Ces

O Carabineiro                                   Álvaro Ordóñez

A  Morte                                            Xián Iglesias                                                                                              

As irmás do Boticario:                      Ánxela Silva,Lupe Mazariegos, Maruxa Miguéns e Patricia Carnota.

Coro :                                               Juanjo Rodríguez, Saro Varela, Ánxela e Maruxa

Don Ramón                                      Tino Miranda

Pais de D. Ramón                            Bautista Romero e Patricia

Micaela                                            Mari Santos

O  Portugués                                   Saro Varela

O Rapaz                                           Marcos Iglesias

As Máscaras                                    Pepe Collazo e Xián

Os Espantallos                                Álvaro Ordóñez e Ramón Romero

O Sapo                                            Lucía Casal

Pimpinela                                       Graciela Muñiz

Pais de Pimpinela:                         Merche R. Pimentel e Xosé Mª Rodríguez

O mozo                                           Pepe Collazo

Sr. Fuco                                         Segis Zúñiga  

As Mulleres                                   Ánxela, Lupe, Maruxa e Patricia 

Actuación gaita e tambor             Romero e Maruxa (Os Rosales)

Colaboradores e  montaxe escénica:

Arranxo musical                            Chapí e Juanjo

Decorados                                     Xosé Comoxo (escritor)

Escenografía:                               Xosé e Loli Otero, Xavier Gey,

                                                     Epigmenio Arias

 Maquillaxe                                   Graciela Muñiz- “Peluquería Pel’os”

Vestiario e aderezos                    Encarna – “Airiños”

Técnico Iluminador                    Javi Gey

Auxiliares dirección:                  Mª Carmen Ordóñez e Encarna Romay

Dirección                                   Xesús Santos

Posted via email from Certo.gl, o xornal dixital de Barbanza e Noia

Boiro: Juancho Armental presenta en Santiago os seus retos "Loitar contra o imposible" para este verán

Download now or preview on posterous

Dossier prensa.pdf (1543 KB)

Boiro, 23 de xuño de 20010. Mañá, xoves 24 de xullo, á unha da tarde na sala de xuntas do centro comercial Área Central de Santiago terá lugar a presentación das probas que o psicólogo deportivo e coñecido afrontador de retos de Boiro, Juancho Armental, vai realizar este verán. Como xa vimos explicando en Certo, Juancho Armental leva entrenando dende hai meses para esta fazaña que nomea "Loitar contra o imposible" e que vai relatando no seu blog, en http://juanchoarmental.blogspot.com, xunto a consellos e vivos exemplos de superación en diversas facetas da vida.

Plans previstos

En xullo fará a Ruta Xacobea, e convertirase deste xeito no segundo peregrino a nado do Camiño de Santiago (o primeiro foi David Meca, que case deixa o pelexo no intento por facelo en xaneiro, nas xélidas augas do río Ulla). Irá de Carril a Padrón a nado e logo fará Padrón - Santiago a pé, co que sumará nada menos que 17 quilómetros de natación e vinte de andaina. Agarda facelo nunhas once ou doce horas.

Xa en agosto, intentará sacarse a espiña do ano pasado, en que intentou salvar a distancia por mar entre a Illa de Sálvora (Ribeira) e a praia de Barraña (Boiro) e houbo de ser evacuado cara ao hospital. Son 21 quilómetros de distancia na auga, que debería realizar nun tempo aproximado de seis ou sete horas, sempre segundo os seus cálculos.

Como é habitual en Certo, poñémoslle o dossier de prensa enteiro, para que vostedes mesmos debullen a información.

Posted via email from Certo.gl, o xornal dixital de Barbanza e Noia