Noia: o Día contra a Violencia de Xénero celébrase, entre outras actividades, con obradoiros, un manifesto, unha solta de globos e o programa "Xeración 2020"

Unha das actividades é plantar 900 vexetais nos xardíns da alameda
Noia, 23 de novembro de 2010. Dende a Concellería de Muller e Servizos Sociais e co gallo do Día Internacional para a eliminación da violencia contra as mulleres, vanse realizar unha serie de actividades dirixidas a tódolos públicos.

Días 24 e 25 de Novembro:

Obradoiro de xardinería “Plántate contra a Violencia de xénero”

Lugar: Nos xardíns da Alameda de Noia.

Mércores en horario de 11 a 14h e de 16 a 19h.

Xoves en horario de 10 a 14h (se non se remataron as plantas o día anterior)

Obxetivo: conseguir a participación de 450 persoas (homes, mulleres, rapazas e rapaces) para plantar 900 plantas nos xardins da alameda. Cada participante poderá poñer o seu nome deixando constancia da súa colaboración na campaña “Plántate contra a violencia de xénero”. Noiesas e noieses poderán participar e amosar a súa repulsa contra a violencia machista. Este obradoiro vai dirixido especialmente as nenas e nenos, para que dende pequeniños se amosen sensibles a esta lacra social que se pretende erradicar. 

Día 25 de Novembro: Día Internacional contra a Violencia Machista

Na alameda de Noia ás 12.30h

• Posta en marcha dunha iniciativa das Concellerías de Muller, Educación e Xuventude chamada “ Xeración 2020 “
• Lectura do MANIFESTO contra a violencia de xénero.
• Solta de globos.

Actos no Coliseo Noela ás 17h.

• Presentación e asinamento do Itinerario de actuación en violencia de Xénero do Concello de Noia no que participaron,a través dunha mesa de traballo,  persoal de distintos departamentos da Vila de Noia como: Xuíz, Garda Civil, Xefe da policia Local, Cim (centro de información a muller), Servizos Sociais e Centro de saúde.
• Visualización dos Spots publicitarios adicados ao día 25 de Novembro e realizados polo alumnado de 4º de Eso dos institutos de Noia Virxe do Mar e Campo San Alberto.
• Danza reivindicativa contra a violencia de xénero.
  

Proxecto “Xeración 2020 ”

QUÉ  É ? 


Xeración 2020 é un programa de intervención socioeducativa a nivel local orientado á difusión de valores de igualdade entre os mozos como ferramenta básica para a prevención, tratamento e erradicación da violencia de xénero. 


OBXETIVO XERAL 


Alcanzar, co ano 2020 como horizonte, unha sociedade equitativa en materia de igualdad e  na que a violencia de xénero sexa unha lacra do pasado. 


OBXETIVOS ESPECÍFICOS 


1. Impulsar a educación en materia de igualdade en edades temperás como base para a prevención da  violencia de  xénero, educando e sensibilizando acerca da gravidade  deste fenómeno e dando pautas para identificar as distintas formas que adopta esta violencia, tanto no ámbito público e laboral como no familiar ou privado.
2. Concienciar á comunidade educativa (pais, nais, profesionais deste ámbito, asociacións, entidades e organizaciós) da súa responsabilidade directa no que respecta ao comportamento futuro en materia de xénero dos que serán os xóvenes do ano 2020, facendo fincapé no concepto de prevención.
3. Complementar a formación específica da comunidade educativa no referente á detección precoz de actitudes ou situacións que promovan valores sexistas ou discriminatorios, proporcionándolles ferramentas educativas para reconducir eficazmente ditas actitudes.
4. Promover a difusión de información, recursos e materiais didácticos específicos en materia de igualdade e prevención da violencia de xénero.
5. Asesorar e involucrar a aqueles centros que queiran participar nesta campaña.
   
6. Implementar actividades didácticas complementarias ás xa establecidas no curriculum escolar e promover intervencions socioeducativas no Concello que sirvan de vehículo de difusión destes valores de equidade e que xeneren un espacio de reflexión e debate acerca dos roles de xénero, da violencia como mecanismo de control e de todos aqueles aspectos que dun modo u outro concirnan a este particular. 
7. Promover na xuventude, nos responsables da sua educación e na sociedade en xenral a adopción de posturas de rexeito  e denuncia activa fronte a desigualdade e a violencia cara a muller.
8. Formar aos xóvenes para a prevención de conflictos e a resolución efectiva dos mesmos.
9. Converter Xeración 2020 nun selo identificativo de todas aquellas actividades e iniciativas educativas promovidas polo Concello dentro do marco da prevención e tratamento da violencia machista.
10. Promover Xeración 2020 como un reto e obxetivo común claro no que todos os membros da comunidade se sintan implicados e comprometidos con esta iniciativa social de transformación para a que é necesaria a participación de todos/as, propiciando a súa difusión a través dos medios de comunicación.
    

Posted via email from Certo.gl, o xornal dixital de Barbanza e Noia

Noia: modifican o tráfico no barrio de Bergondo e limitarán a media hora o estacionamento na rúa de Galicia

Tamén hai un control de cumprimento de semáforos no que xa van 25 denuncias nunha mañá

Na rúa de Galicia o tempo de estacionamento permitido será só de media hora

Noia, 23 de novembro de 2010. A Concellería de Tráfico e Seguridade Cidadá noiesa vén de informar que dende este luns 22 retomouse o proxecto de sinalización do barrio de Bergondo, co que se pretende ordenar o tráfico rodado. Está prevista a colocación de sinais de Stop e de Ceda o Paso, cun total de máis de 20 sinais de tráfico "que darán orde e seguridade, no que a tráfico se refire, a esta zona", explican.

O cambio máis significativo é o de dar preferencia aos vehículos que suban pola rúa Carlos Aboy, que ten un cambio de rasante moi pronunciado e no cal, a partir de agora, os conductores que circulen por ela terán preferencia sobre os que o fagan pola rúa Ramón Lira Castro, os cales veranse na obriga de ceder o paso.

No barrio de Bergondo, e dentro do plan estatal deste ano, colocáronse xa dous pasos de peóns elevados para mellorar a seguridade dos viandantes. Agora, con este proxecto de sinalización, a Concellería de Tráfico busca "un complemento de mellora para a seguridade do tráfico rodado e tamén dos peóns".

Só media hora de párking na rúa de Galicia

    A rúa de Galicia sufrirá tamén modificacións nas zonas destinadas ao estacionamento. Ao longo desta semana colocaranse sinais con placas complementarias donde se informa aos usuarios destes estacionamentos que o tempo máximo permitido para deixar os vehículos será de 30 minutos.

No mes de agosto mantivo o Concello e o xefe da Policía Local unha reunión cos propietarios dos locais comerciais desta rúa  onde se acordou reducir o tempo de estacionamento a un máximo de media hora. Segundo a concelleira de Tráfico, Rosana Mariño, "eran moitas as protestas dos comerciantes da zona polas continuas sancións por parte da policía local na zona de carga e descarga; os comerciantes de rúa Galicia demandaban unha solución para que os seus clientes puidesen parar, sen risco de ser multados, a facer as compras nos locais da súa propiedade. O acordo ao que se chegou na reunión mantida fai uns meses foi colocar sinais que obriguen aos conductores a quitar os seus vehículos estacionados nestas zonas antes de trinta minutos. Deste xeito preténdese conseguir que sexan moitos os usuarios que utilicen estas zonas de estacionamento e non sexan acupadas por un único vehículo ao longo de toda a mañá. Esta rotación de vehículos axudará tamén a que a zona de carga e descarga se destine ao seu uso e os vehículos de transporte de mercadorías non quedará, como está pasando agora, no medio da rúa obstaculizando o tráfico ou sobre as aceras e impedindo o paso dos viandantes".

Rúa Besteiros: prohibido aparcar enriba das beirarrúas

    Na rúa Besteiros será prohibido, a partir de do día 2 de Xaneiro de 2011, estacionar vehículos enriba das beirarrúas. "Restablecerase o uso exclusivo das aceras para os peóns e serán sancionados todos aqueles vehículos que estacionen enriba delas. Foi a directiva de Noia Histórica a que solicitara que se permitise o estacionamento sobre as aceras de rúa Besteiros; fai uns días chegouse a un novo acordo cos representantes dos comerciantes do centro comercial aberto para que despois da campaña de Nadal as beirarrúas sexan de uso exclusivo dos peóns", explicaron dende Tráfico de Noia.

Ollo cos semáforos en vermello: 25 denuncias nunha mañá

A policía local de Noia comezou hoxe mesmo un operativo de control do uso dos semáforos. Ao largo da mañá de hoxe puxéronse 25 denuncias por non respectar os semáforos en vermello da rúa Pedra Sartaña. Este operativo repetirase no resto das zonas semaforizadas da vila de Noia para que conductores e viandantes respeten os semáforos.

Poranse tamén en funcionamento os semáforos ubicados na saída principal do barrio de Labarta que darán máis fluidez na incorporación e saída dos vehículos a esta zona. En Labarta levaranse a cabo unha serie de modificacións máis, que serán a continuación das xa iniciadas fai uns meses. Por un lado, poñerase sentido único ao tramo que falta da rúa Pintor Xenaro Carrero e invertiranse os estacionamentos na rúa Fernández da Ponte para ver se é posible manter o dobre sentido de circulación ou se se deixa un único sentido de saída. Na rúa Irmáns Labarta vaise pintar un paso de peóns que comunique a beirarrúa co parque infantil, co obxetivo de facer máis seguro o cruce das persoas para a parada de autobús ou para a área de xogo.

Por outra banda, a rúa Pontevedra pasará a ser de sentido único no tramo que vai dende o Outonil á avenida da Coruña e quedará como vía de saída e a vía de entrada será pola Travesía do Outonil.

Posted via email from Certo.gl, o xornal dixital de Barbanza e Noia

Boiro: o Concello participa nun novo intercambio europeo do venres 26 ata o venres 3 de decembro, desta volta con destino Sicilia

A moza seleccionada para o intercambio fará un obradoiro de música galega tradicional en Sicilia

Boiro, 23 de novembro de 2010. Segundo explica o Concello de Boiro en nota de prensa, "un dos compromisos da Concellería de Mocidade, que dirixe Dores Torrado, do ano 2009, cando comezou a formar parte do programa Xuventude en Acción, foi facilitar a participación dos mozos en programas de mobilidade europea, ofertándolles a oportunidade de ser partícipes en accións xuvenís a través da educación non formal. O primeiro paso foi poder acoller outros mozos europeos e enviar a 5 xóvenes do municipio a participar durante nove meses en programas de voluntariado europeo, pero sendo consciente da dificultade que teñen algúns xóvenes para participar nas accións xuvenís de longa duración por motivos laborais ou formativos, o Concello de Boiro, decidiu acoller outros programas europeos que posibilitasen o encontro con outros mozos durante estancias de curta duración e accións xuvenís que permitisen coñecer outras rexións e medios de vida".

     A primeira de estas iniciativas foi a participación nun seminario europeo en Holanda, no que participou un técnico municipal. Desta participación xurdiron varias iniciativas e contactos con diferentes organizacións, pero ademais da relación cos participantes procedentes de Italia, fíxose posible a participación do Concello nun novo intercambio xuvenil que se celebrará en Sicilia (Italia) do 26 de novembro ao 3 de decembro.

     Neste intercambio xuvenil participarán xóvenes menores de 25 anos de Bulgaria, Grecia, Portugal, Rumanía e Italia. O obxectivo principal deste encontro é establecer un espazo de debate sobre temas que lle interesan aos mozos de cada país, tales como o medio ambiente, as posibilidades de inserción laboral dos xóvenes, o acceso a vivenda ou a exclusión social e expresalas a través da arte (graffiti, reciclaxe, música, etcétera). Cada país deberá realizar un obradoiro artístico, mediante o que explicará a realidade cultural e os elementos tradicionais do país de procedencia.

     O Concello de Boiro enviará neste intercambio a unha moza con formación no eido social que ademais se encargará de realizar un obradoiro de música galega tradicional en Sicilia.

Posted via email from Certo.gl, o xornal dixital de Barbanza e Noia

Boiro: Servizos Sociais publica un manifesto contra a violencia de xénero co gallo do 25 de novembro

Download now or preview on posterous

25 DE NOVEMBRO.pdf (618 KB)

Posted via email from Certo.gl, o xornal dixital de Barbanza e Noia

Lousame: a banda de música municipal celebra Santa Icía o sábado 27 con misa e concerto

Igrexa de San Pedro de Tállara, en Lousame
Lousame, por Santa Icía.  A Banda de Música Municipal de Lousame celebra a festividade da patrona dos músicos, Santa Icía, que é hoxe, cunha misa e un concerto que terán lugar o día 27 de novembro ás 7 da tarde na igrexa de San Pedro de Tállara. Neste concerto presentarase o novo repertorio que se vai interpretar ao longo do próximo ano nas diversas festas e actuacións desta banda.

Semana musical de Noia

Igrexa de San Martiño en Noia

O día 28 de novembro a Banda Municipal de Música de Lousame clausarará a 34 Semana Musical de Noia cun concerto que terá lugar na Igrexa de San Martiño ás 20.30 da noite. Esta actividade cultural é unha das máis antigas e recoñecidas en toda Galicia no ámbito musical e por ela  teñen pasado as mellores agrupacións e solistas da nosa comunidade. Neste concerto, a banda presentará tamén parte do seu novo repertorio,  o cal interpretará nesta nova tempada.

Canle en YouTube da Banda de Lousame: http://www.youtube.com/user/BandaLousame

Posted via email from Certo.gl, o xornal dixital de Barbanza e Noia

Rianxo: critican o sistema de reparto de entradas para os espectáculos do auditorio

Rianxo, 22 de novembro de 2010. Varios veciños de Rianxo veñen queixándose do que consideran "reparto de entradas totalmente arbitrario e amañado" para as actividades e espectáculos que se ofrecen no auditorio municipal. A pinga que colmou o vaso chegoulle a Óscar Reboiras este sábado pasado, o 20 de novembro, coa actuación do mago rianxeiro Alán Golias.

Adícalle a este caso unha entrada enteira no seu interesantísimo blog fotográfico, Fotos de Rianxo, xa que considera que "non é lóxico que haxa 300 prazas de capacidade no auditorio, indiquen que se comecen a repartir ás 19:30 horas e unha vez que chegas alí a esa hora non haxa ningunha. Non é tampouco a primeira vez que pasa, xa que varios veciños me comentaron que non hai moito houbo unha obra de teatro con catro funcións e pasou practicamente o mesmo: mentres que algúns veciños non puideron ir nin unha soa vez, outros tiveron entradas para os catro pases".

Poden ler a entrada completa aquí

E se vostede non foi á actuación do mago Golias, pode ver un anaquiño xa na Rede, subido a Youtube por Xensboy, alias do escritor Ramón Torrado, colaborador de Certo:

Na información do vídeo, Xensboy comenta: "Só gravei unha pequena parte do seu extraordinario espectáculo para non desvelar nada. Pola miña parte, de xeito amistoso, só lle ofrezo a Alán tres consellos ou opinións: pode prolongar un pouco menos a parte dos naipes, ter un micro para a xente do público cando ten que dicir algo, e respectar sempre a estes invitados. Alán ten un humor moi simpático e atrevido (dúas veces me tocou que fora á miña costa) que por intres é subido de ton - os magos tamén teñen hormonas!"

Posted via email from Certo.gl, o xornal dixital de Barbanza e Noia

Voleibol: cinco victorias y dos derrotas para los equipos de Boiro en el fin de semana del 20 de noviembre

Crónica de María Cortés Ayaso

Fin de semana positivo para nuestros equipos, que dieron la cara en sus respectivos encuentros con un cómputo general de 5 victorias contra 2 derrotas para el club. Cabe destacar otra semana más el increíble ambiente que había en "A Cachada" durante los encuentros, GRACIAS A TODOS por animar y acompañar a los equipos del Boiro Voleibol.

Imagen del blog Boiro Voleibol

1ª DIVISIÓN NACIONAL MASCULINA

HIPESCAR BOIRO VOLEIBOL 

3-0

 CV ZALAETA (26-24, 25-17, 25-18)

Nueva victoria del HIPESCAR dirigido por Emilio Palacio, que siguen acumulando minutos de juego como equipo y ganando en confianza y buenas sensaciones de cara a futuros compromisos. Se vio un primer set de muy buen nivel por parte de ambos equipos llegando a un final ajustado tal y como refleja el tanteador (26-24). En los dos siguientes parciales el HIPESCAR no daba opción al Zalaeta basando su juego en una muy buena recepción y defensa y a un inspiradísimo Narciso Abalo en ataque.

Jugaron por el Hipescar Boiro Voleibol: Iván Souto "Pas", Narciso Abalo, Cristóbal Álvarez, Iago Vidal, Jesús Vázquez "Pivot", Antón Pérez y Adrián Alves "Chicho" (líbero). Como reservas estaban Gustavo Romero, Manuel Pérez Andrade, Miguel Vázquez, Ignacio Cibeira "Frigu" y Daniel Eiras.

Otros resultados del fin de semana fueron: 

AULE 

2-3

 Club Vigo Voleibol B (25-21, 25-18, 12-25, 16-25, 16-18); 

San Sadurniño 

3-1

 CV Rianxo (15-25, 25-20, 27-25, 25-21); 

Universidad Valladolid 

3-0

 Auria Vella Voleyourense (25-15, 25-12, 25-13) quedando la clasificación de la siguiente manera:

EQUIPO		PJ	PG	PP	NP	JF	JC	TF	TC	PUNTOS
1	Universidad de Valladolid	3	3	0	0	9	2	258	204	6
2	Club Vigo Voleibol B	3	3	0	0	9	2	257	222	6
3	Aule	4	2	2	0	9	7	359	360	6
4	Zalaeta	4	2	2	0	6	8	327	326	6
5	Hipescar Boiro Voleibol	3	2	1	0	8	5	295	265	5
6	CV Rianxo	4	1	3	0	6	10	355	368	5
7	Auria Vella Voleyourense	4	1	3	0	6	10	322	376	5
8	San Sadurniño	4	1	3	0	5	10	323	365	5
9	CID Jovellanos	3	1	2	0	4	8	264	274	4

2ª DIVISIÓN A GALLEGA MASCULINA

REDESYL BOIRO VOLEIBOL 3-0 C.V. ZALAETA 

(25-14, 25-19, 25-19)

Encuentro sin problemas para el REDESYL, que saldó con una victoria su andadura en la 2ª división autonómica. El equipo de Antón Pérez se mostró sólido durante todo el encuntro debido a la buena aportación en ataque de Xavier Sarille y Roberto Rodríguez "Tito". 

Jugaron por el REDESYL BOIRO VOLEIBOL: Luis Lustres, Roberto Rodríguez "Tito", Fran Outeiral, Marcos Figueira, Xavier Sarilla, Manuel Pérez "Cholo" y Diego Alcalde (líbero). Como reservas actuaron Alén Gacía, Rubén Taibo, Fran López, Juan Resúa y Juan "Mande"

2ª DIVISIÓN AL GALLEGA FEMENINA

PROBOIN BOIRO VOLEIBOL 3-0 VOLEY ARTEIXO

Contundente triunfo del nuestras chicas del PROBOIN, que sirve para alcanzar el liderato de la 2ª división autonómica. Las de Andrés Martínez demostraron un buen orden táctico basado en una buena recepción y defensa que les permitió dominar el partido ante un rival que prometía mucha batalla en el polideportivo de Barraña. El REDESYL parece poder afrontar cualquier situación complicada ya que afrontaban el partido con la sensible baja de su líbero Carla Castro (sufre un esguince) por lo que las centrales del equipo tuvieron que multiplicar sus funciones en la línea de recepción y en labores defensivas. 

Por el Proboin Boiro Voleibol jugaron: Ángela Triñanes, Luci Paz, María Triñanes, Anael Gómez, Carolina Cuadros y Alicia Novoa. Como reserva actuaba Sara Martínez.

La tabla clasificatoria queda tal que así:

EQUIPO		PJ	PG	PP	NP	JF	JC	TF	TC	PUNTOS

Posted via email from Certo.gl, o xornal dixital de Barbanza e Noia

Cultura: a editorial noiesa Toxosoutos participa na Feira Internacional do Libro de Guadalajara en México do 27 de novembro ao 6 de decembro

A Consellería de Cultura e Turismo promove o stand no que estará a editorial de Noia xunto con outras 17 de Galicia

Noia, 22 de novembro de 2010.- Un stand compartido pola Xunta de Galicia e a Asociación Galega de Editores permitirá a promoción do libro galego na Feira Internacional do Libro de Guadalajara (México), entre o 27 de novembro e o 6 de decembro. Este ano terá unha especial relevancia a celebración en Galicia do Ano do Libro e da Lectura, segundo di a Xunta, xa que se presentarán as novidades dun total de 18 editoriais galegas, entre elas a noiesa Toxosoutos.

Coñecida como a FIL, a Feira Internacional do Libro é un dos eventos máis importantes do xénero no mundo hispano e está organizada pola Universidade de Guadalajara. Trátase dunha feira non exclusivamente de carácter profesional senón aberta ao público. Na pasada edición asistiron a este evento uns 2.000 editores de 40 países, 17.000 profesionais do sector e 600.000 visitantes, o que amosa a importancia desta cita.

A representación institucional da Xunta de Galicia correrá a cargo do director xeral de Promoción e Difusión da Cultura, Francisco López. No stand galego, situado na zona internacional, estarán presentes, ademais de Toxosoutos, as seguintes editoriais: Luis Vives, Ideas Propias, Xerais, Kalandraka, Do Cumio, KNS Edicións, Rodeira-Edebé, Baía Edicións, Ir Indo, Everest, Obradoiro, Oqo, El Patito, Galaxia, Biblos, Amiris Edicións e Linteo.

Entre os libros destacados de Toxosoutos estarán os novos das súas colección Keltia, Anais e Trivium, así como o interesante "50 Anos de Pop, Rock e Malditismo na Música Galega", do ferrolán Fernando Fdez Rego ou a novela de Jorge Emilio Bóveda "A vila das ánimas".

Dentro do programa deseñado para a FIL de Guadalajara e para conmemorar neste foro a efeméride do Centenario de Gonzalo Torrente Ballester, o día 3 de decembro está prevista a presentación da edición en banda deseñada da súa obra Fragmentos de Apocalipsis, con guión de César Lombera e debuxos de Jaime Asensi. Nesta presentación intervirán o director xeral de Promoción e Difusión da Cultura e a directora da Fundación GTB, Carmen Becerra.

Os escritores galegos José Antonio Neira Cruz e Xavier Alcalá participarán no programa Ecos de la FIL, un foro de encontro entre autores e os lectores máis novos. A través deste programa, posibilitarase que os narradores, poetas e xornalistas que acoden á Feira do Libro compartan espazo e tempo co público novo que non pode asistir ao recinto feiral. Será os días 30 de novembro e 1 de decembro, nos que Neira Cruz e Xavier Alcalá manterán un encontro con estudantes de Guadalajara. Ademais, José Antonio Neira Cruz participará o día 29 de novembro nunha entrevista cos lectores e público en xeral baixo o título El placer de la lectura.

Posted via email from Certo.gl, o xornal dixital de Barbanza e Noia

Dodro: o Concello programou unha serie de actividades para celebrar o Día contra a Violencia de Xénero

Dodro, 22 de novembro de 2010. A concellaría de Igualdade e Benestar fixo público o programa para conmemorar o Día Internacional contra a Violencia de Xénero, este vindeiro xoves, 25 de novembro. A celebración inclúe actividades toda a semana para  incidir na necesidade de traballar contra a violencia machista todos os días do ano.

“Este programa contén actuacións públicas dirixidas a sensibilizar á poboación e provocar que se fale deste grave problema, entre elas a exhibición dunha pancarta nos balcóns da Casa do Concello ou a concentración en Padrón; outras de tipo formativo para a poboación máis nova, neste caso a actuación do grupo Chévere no colexio; e outras pensadas para todo o ano a través da presentación do II Plan de Igualdade”,
sinalou a concelleira nacionalista Victoria Rei, responsable das políticas de Igualdade no concello de Dodro.

Durante toda a semana, entre o 22 e o 26 de novembro estará colgada nos balcóns da Casa do Concello, como xa é tradición nos últimos anos, aa pancarta co lema  “O concello de Dodro pola igualdade, contra a violencia machista”, como parte visible da declaración institucional contra a violencia machista.

O día 26 de novembro, venres, farase a presentación da publicación en papel do II Plan de Igualdade para o concello de Dodro, que inclúe 200 exemplares do documento e 1200 dípticos de difusión. Como xa se informou no seu día, este documento foi elaborado ao abeiro dunha subvención da Deputación, coa finalidade de traballar pola igualdade durante todo o ano e en todas as áreas, como a mellor forma de combatir a violencia de xénero: promovendo a igualdade. Segundo a concelleira Victoria Rei, “este é o compromiso do BNG no goberno local, e así se recolle neste plan”.

Tamén o venres, haberá unha actuación do grupo “Chévere”, ás 11,30 horas, no colexio Eusebio Lorenzo Baleirón para o alumnado de secundaria coa conferencia-espectáculo “Os Dildos, making off de xénero”, representando fragmentos das obras “Ser home por un día” e “Testosterona”. Trátase dun novo formato de traballar os contidos relacionados coa muller, a identidade ou o xénero. “Así sumamos a esta compañía de teatro de prestixiosos profesionais na concienciación da xente máis nova do concello que teñen o futuro nas súas mans. Queremos que sexa un futuro en igualdade, por eso é preciso traballar con mozos e mozas que aínda non iniciaron ou están iniciando as súas relacións”, explicou Victoria Rei.

Concentración en Padrón do ano pasado

O domingo, 28 de novembro, será o día da concentración na praza De Macías en Padrón, como xa vén sendo tradicional, e que está convocada polos tres concellos da comarca do Sar: Dodro, Rois e Padrón. A tenenta de alcalde e concelleira do BNG, Victoria Rei, anima á poboación a sumarse a esta concentración.

O ano pasado, en Certo:
Rematou a Semana contra a Violencia de Xénero

Posted via email from Certo.gl, o xornal dixital de Barbanza e Noia

Ribeira: o colexio de Aguiño amosará a identidade galega coa súa participación no programa estatal Tece-Redes

Download now or preview on posterous

Arce Guia.pdf (622 KB)

Ribeira, 21 de novembro de 2010. Durante dous cursos o colexio de Educación Infantil e Primaria de Aguiño participará nun proxecto intercentros a nivel estatal titulado TECE-REDES  dentro do programa ARCE  (asociación de centros ) do Ministerio de Educación e Ciencia. 

O Ceip de Aguiño traballará conxuntamente con centros de Asturias, Lleida e Valencia. Segundo explican os responsables do centro, "trátase dun proxecto onde a identidade galega xoga un papel esencial. Aguiño viaxará fisicamente e virtualmente mostrando a súa parroquia, a súa comarca, a Galicia, a nosa lingua e demais, potenciando o respecto pola pluraridade dende o coñecemento da nosa propia cultura e creando un espazo comparativo de semellanzas e diferenzas (históricas, sociais, lingüísticas…)".

Durante a semana pasada profesorado dos outros centros visitaron o centro educativo de Aguiño. Neste proxecto participa todo o claustro, alumnado e a Anpa.

Posted via email from Certo.gl, o xornal dixital de Barbanza e Noia