1.2.11

Lousame: os comuneiros de Camboño abordarán o problema da praga do piñeiro na súa vindeira asemblea do 19 de febreiro

Lousame, 1 de febreiro de 2011. A praga do piñeiro (nemátodo dos piñeiros) que está a afectar a varios concellos de Pontevedra comeza a preocupar nestas bisbarras. Na vindeira asemblea dos comuneiros de Camboño é un dos puntos do día a debater e procurarán informar sobre as medidas a tomar para evitalo.

A asemblea dos comuneiros Barbanza de Camboño é ás nove da mañá do vindeiro sábado 19 de febreiro. Se non van comuneiros abondo, a segunda convocatoria é pola tarde, ás sete e media, sempre no local social de Camboño.

A orde do día é a que segue:

1. Lectura e aprobación, se é o caso, da acta da Asemblea Anterior.

2. Aprobación se procede Balance de contas exercicio 2010.

3. Dar conta dos acordos tomados pola Xunta Reitora, e ratificación se procede.

4. Medidas a tomar contra a praga do piñeiro.

5. Dar conta das xestións e actuacións dadas en defensa da titularidade do Monte e seguintes pasos a dar.

6. Renovación se procede Convenio Gandeiros.

7. Permuta de terreo.

8. Altas e Baixas.

9. Outros asuntos de interese xeral.

10. Preguntas e propostas.

Dada a importancia dos temas a tratar, pregan asistencia e puntualidade.

Xunta de Galicia: uns 7 millóns de euros para erradicar a praga do piñeiro

A completa erradicación do brote do nematodo do piñeiro detectado nun exemplar situado no concello pontevedrés das Neves, así coma os labores de control e contención do mesmo vai supoñer para a Administración Autonómica un custe que “non vai ser menor de sete millóns de euros”, segundo a estimación feita esta mañá polo conselleiro do Medio Rural, Samuel Juárez, antes da reunión do Consello Forestal de Galicia convocada para tratar este asunto.

O titular de Medio Rural fixo estes cálculos tendo en conta a “reparación das zonas nas que haxa que actuar, coa limpeza de restos de corta e as medidas profilácticas que hai que tomar”. Juárez advertiu que “hai unha repercusión económica clara e a Xunta o que está tratando, xunto co sector, é que sexa a menor posible para o sector, asumindo a Administración a parte que lle corresponde dun xeito equitativo”.

En relación coas posibles perdas económicas que poida causar este brote, o conselleiro advertiu que “nestes momentos tanto as autoridades sanitarias galegas como as nacionais e comunitarias coinciden en que, dadas as características do brote e tendo en conta a época do ano na que estamos, é posible valorizar o produto que existe na zona”.

De feito, engadiu, “desde hai xa semanas estanse concedendo permisos de corta, os propietarios están vendendo a madeira e aquela que non se corte polos particulares na zona de 1,5 quilómetros arredor do foco vai ser obxecto dunha poxa pública que xa se está preparando; vai haber, pois, unha valorización do produto e as perdas vanse reducir de xeito notable”.

Caída á metade dos prezos?

Preguntado sobre a presunta baixada de ata un 50% dos prezos da madeira na zona afectada, Juárez dixo que a Xunta non ten, neste momento, “ningún dato fiable ao respecto”, para advertir a continuación que se están facendo ventas do produto por parte dos propietarios que así o decidiron e a industria nega estas baixadas.

O conselleiro quixo sinalar que “a cuestión dos prezos hai que tomala con moita precaución e nestes momentos cremos que o sistema que se adoptou é o máis equitativo para os propietarios, porque permite que eles fagan a erradicación pola súa conta e que a mesma se faga en tempo”. Doutra banda, o titular de Medio Rural insistiu na necesidade de limpar a zona “antes de que cheguen as temperaturas máis altas, sendo importante que o labor se faga dun xeito transparente, que permita a todos non ter ningunha dúbida de que o procedemento é o mellor posible”.
Samuel Juárez explicou que esta xuntanza do Consello Forestal de Galicia tivo como finalidade expoñer, por parte dos responsables da Xunta, as medidas tomadas desde o descubrimento do brote, as actuacións adoptadas ao longo dos últimos meses e as perspectivas neste momento.

Piden colaboración ao sector
O conselleiro da Xunta foi claro ao respecto: “Imos pedir a todo o sector a súa colaboración para conseguir este obxectivo e tratar entre todos que as cuestións e dúbidas que haxa se poidan ir delimitando e acordando co sector nun espírito de colaboración”.  Lembrou que está a piques de ser publicado no DOG un Decreto no que se declaran de utilidade pública as medidas de control deste brote e se definen todas as medidas que se van levar a cabo na zona.

Dixo ademais que a erradicación do foco xa se levou a cabo inmediatamente, no mes de novembro. Destruída totalmente a árbore infectada e as circundantes, neste intre están en marcha os traballos de corta por parte dos particulares e ampliouse de novo o prazo (ata o vindeiro 4 de febreiro) para a solicitude dos preceptivos permisos.

   Postura de Adega: máis prevención

Diante da propagación da praga do nematodo que está a afectar ás masas forestais de piñeiros do sur do país e as medidas de erradicación anunciadas pola por Medio Rural, ADEGA insta á Xunta a tomar medidas de carácter preventivo que eviten a proliferación desta doenza tanto a curto como a longo prazo. "Nos últimos anos vimos asistindo ao impacto de pragas novas en Galicia como este nematodo dos piñeiros ou o fungo dos ameneiros, alén das que xa evan con nós uns anos, como o gorgullo do eucalipto, ou xa endémicas (tinta do castiñeiro, pulguiña do carballo). Parece evidenciarse unha relación entre a extensión destes andazos e a globalización do mercado forestal, e entre a virulencia crecente dos episodios e o cambio climático. Diante destes desafíos, a Xunta non está a dar a talla, propoñendo cortas e fumigacións masivas mentres segue cunha política forestal miope, curtopracista, e orientada ao monocultivo de pirófitas, agora para usos enerxéticos", explica a Asociación para a Defensa Ecolóxica de Galicia.

A día de hoxe, aseguran no seu web, "non existen medidas que consigan controlar o nematodo do piñeiro (Bursaphelenchus xylophilus), unha vez detectado nas árbores, e ao tratarse dunha doenza de corentena, en cumprimento da normativa, está establecido a corta das árbores afectadas e o seu radio de acción. ADEGA é consciente dos danos que esta praga supón para as masas forestais de piñeiros e para os propietarios destas desde que chegou a Galicia através de Portugal (onde chegou en 1999 procedente de Norteamérica), e cuxo seguimento foi feito pola Estación Fitopatolóxica do Areeiro (Pontevedra)".

ADEGA considera que desde a Consellaría de Medio Rural "non se están a desenvolver todas as medidas e accións necesarias para frear a súa proliferación no presente e no futuro. Fronte a esta doenza, ADEGA propón tomar medidas preventivas de carácter integral para o noso monte, diversificando os seus produtos e servizos, apostando por medias ecosistémicas e polas especies frondosas autóctonas. O monocultivo de especies no que se basea a actual política forestal da Xunta, favorece a chegada de pragas e enfermidades, reduce a biodiversidade natural e hipoteca o futuro económico do noso rural. Dado que o noso monte ten que ser pensado en clave de futuro para as xeracións futuras, estas son medidas a medio e longo prazo, que deberían de estar xa postas en marcha".

ADEGA reclama ademais ao goberno galego que realice un importante esforzo para sensibilizar, informar e formar aos propietarios afectados e a toda a sociedade sobre estas pragas e enfermidades, facilitando así o establecemento e a aplicación de medidas preventivas que eviten a expansión da doenza e o declive progresivo do noso monte.

Posted via email from Certo.gl, o xornal dixital de Barbanza e Noia

Noia: a pintora Inés Abad Lamas colga paisaxes na casa da cultura ata o 15 de febreiro


Máis cadros desta pintora en Artelista.com, aquí

Noia, 1 de febreiro de 2011. Do 1 ao 15 de febreiro pódese visitar en Noia a exposición de pintura "A paisaxe como unha mirada de expresión. A figuración como unha mirada de sensacións" da pintora compostelá Inés abad Lamas. Está colgada na casa de cultura "Antón Avilés de Taramancos" e o horario de visita vai de 09:00 a 14:00 e de 18:00 a 20.00 de luns a venres.

Curriculum de Inés Abad (Compostela, 1975)

      Iníciome no mundo artístico no ano 1991, nun obradoiro de pintura no que experimento diferentes técnicas de debuxo (acrílico, óleo,...). En 1992 matricúlome na Escola de Artes Plásticas Mestre Mateo de Santiago de Compostela, onde desenvolvo un estudo máis individualizado do debuxo e da cor, partindo sempre dunha teoría clásica. 

      Paralelamente aos meus estudos académicos participo en conferencias, ciclos, ... no Museo de Arte Contemporánea, interesándome máis por coñecer diferentes estilos e outras disciplinas artísticas, para acadar un coñecemento da arte plástica dende outra perspectiva. 

      O estilo da miña pintura ten diversas influencias, dende os estilos clásicos ata outros máis atrevidos. A temática ten dous polos principais: os temas figurativos (matizando moito a figura da muller) dende unha liña de expresión clásica ata unha transformación máis expresionista e os temas de paisaxes que tamén inciden nunha nunha temática clásica e nunha temática expresionista. 
 

      O traballo que amoso nesta exposición, defínoo como A paisaxe unha mirada de expresión. A figuración como unha mirada de sensacións, ambos os dous conceptos únense  e desenvolven camiños paralelos, que reforzados por un xogo de cores enmarca a esencia da composición. 

      A temática das paisaxes desprende a esencia dunha pintura que transforma as formas pola cor  como mancha, que define a maxia do seu conxunto expositivo. 

      A temática figurativa somérxenos nun mundo de personaxes no que, a través da linguaxe plástica, as cores fan de fío condutor en toda a composición e transforman a esencia das cousas. 

      Mesturo a “sensualidade e cultura”, a “reflexión e emoción” nunha guerra íntima na que loito por plasmar no lenzo “outra realidade”, a que existe dentro de cada ser e cada cousa, na que se mira cos ollos pechados e fala o mundo das lembranzas.

      Accións

    • Exposición colectiva na Coruña, no MACUF (Museo de Arte Contemporánea Unión Fenosa) en axuda á  problemática do Prestige.
    • Participación na poxa de Arte Benéfica Pintando Sorrisos Asociación Agromar Café-Teatro Xesteira, Ourense 2006.
    • Participación no XIII Certame Galego de Artes Plásticas Xuventude, A Coruña 1999.

          Exposicións Individuais

          2010 – Café Balcón, O Grove.

          2006 – Café Hotel Tránsito dos Gramáticos, Santiago de Compostela.

          2006 – Galería Sargadelos, A Estrada.

          2004 – Centro Coordinador de Información e Documentación Xuvenil da Xunta de    Galicia, Santiago de Compostela.

          2002-2003 – Centro Socio Cultural de Vite, Santiago de Compostela.

          2002 – Restaurante Enxebre, Hostal dos Reis Católicos, Santiago de Compostela.

          2001 – Cafetería Agarimo, Santiago de Compostela.

          2000 – Pub Fuco Lois, Santiago de Compostela.

          1999 – Sociedade Liceo, Noia.

          1998 – Pub Joam Airas, Santiago de Compostela.

          1998 – Casa da Cultura “Casa do Coxo”, Rianxo.

          1997 – Café Literarios, Praza da Quintana, Santiago de Compostela.

          1995 – Café Pub Metate, Santiago de Compostela. 
     

          Exposicións Colectivas

          2002 – Galería La Campana, Santiago de Compostela.

          2001 – Galería José Lorenzo, Santiago de Compostela.

          1997 – Fundación Aurelio Aguirre, Centro Socio Cultural de Conxo, Santiago de   Compostela.


Posted via email from Certo.gl, o xornal dixital de Barbanza e Noia

Noia: o Bng oponse de novo á retirada da escolleira da ría, que cualifica como simple "operación estética"

A nacionalista Ana Pontón advirte de que o convenio asinado entre Portos de Galicia co Estado "inviabiliza na práctica a recuperación do porto histórico, un dos puntos recollidos na iniciativa aprobada cos votos do PP na Cámara galega"

Noia, 1 de febreiro de 2011.- A deputada do BNG Ana Pontón pedirá explicacións no Parlamento polo acordo ao que chegou Portos de Galicia co Estado, segundo o cal os 225.000 metros que ocupa a escollera en Noia pasan a ser titularidade do Estado, “o que supón unha renuncia de competencias totalmente inxustificada e inviabilizar na práctica o proxecto de recuperación do porto histórico da vila”.

Ana Pontón denunciou que con esta decisión se vulnera o acordo acadado na Cámara, a iniciativa do BNG, dun proxecto integral de rexeneración da Ría, “que é o que nós sempre defendimos”, e que incluía manter a titularidade galega do porto, revisar o proxecto de demolición da canle de aceso á vila para redactar un verdadeiro proxecto de saneamento, así como desenvolver as actuacións precisas para recuperar o porto histórico.

A deputada nacionalista lamenta o “cinismo” do PP por ter votado unha cousa no Parlamento e de seguido actuar na dirección contraria e advertiu que este comportamento, ademais da súa gravidade polo que significa de desprezo ao Parlamento e aos acordos que alí se toman, vai supor a perda dunha oportunidade histórica para Noia.

Para a parlamentaria, o que acaba de acontecer, non obstante, ao BNG "non lle colle de sorpresa porque durante o debate dos orzamentos votou en contra dunha partida específica proposta polos nacionalistas para o proxecto portuario de Noia".

O Bng local di que retirar a escolleira non suporá limpar a ría


Pola súa parte, o voceiro municipal do BNG nesta localidade, Bieito González, deixa claro que esta formación política vai seguir loitando e negociando para dar resposta á “lexítima demanda dos noieses e noiesas de abrir a vila ao mar”.

Trátase, insistiu, "de concienciar á cidadanía e ás forzas políticas e sociais sobre o potencial portuario que caracteriza Noia e así iniciar o camiño da súa recuperación para convertela no verdadeiro porto de Compostela, o que pasa, primeiro, por recuperar o porto e de seguido recuperar o resto do espazo”.

Bieito González reitera que malia as “intoxicacións”, nin a escolleira que agora pasa á titularidade do Estado é a causante da acumulación de lodos o esteiro, “como ben recoñeceu o propio Goberno central en resposta ao BNG no Congreso”, nin a súa retirada vai traer consigo a limpeza da ría, “só unha operación estética”, engade Ana Pontón.

Relacionada:


Rexeneración da Ría: máis preto, trala reversión de 224.000 m2

Posted via email from Certo.gl, o xornal dixital de Barbanza e Noia

31.1.11

Lingua galega: profesores do colexio de Aguiño participaron nunha xornada de formación como gañadores dun dos mellores proxectos de dinamización lingüística de 2010

Ribeira, 31 de xaneiro de 2011. Esta fin de semana pasada tivo lugar en Santiago de Compostela unhas xornadas de formación para facilitar a aplicación dos proxectos de dinamización lingüística educativa, organizadas pola Secretaría Xeral de Política Lingüística. Profesores do Ceip de Aguiño, en Ribeira, estiveron presentes, pois foron uns dos premiados o ano pasado polo seu proxecto de innovación en dinamización lingüística titulado "Onde a terra acaba e o mar começa".

Durante a xornada de formación, os equipos de dinamización da lingua galega dos centros de ensino premiados tiveron ocasión de presentar os seus traballos, que están a poñer en marcha no presente curso escolar. Así mesmo, dúas especialistas na materia, Ana Iglesias e Salomé Díaz, afondaron nas características que debe cumprir un bo proxecto de dinamización, ao tempo que facilitaron recomendacións de boas prácticas para a execución dos traballos gañadores, co fin de acadar uns resultados máis eficaces e eficientes.

Os gañadores dos Premios de Innovación en Dinamización Lingüística 2010, nos que participaron un total de 37 centros de toda Galicia, foron, ademais do CEIP de Aguiño xa citado, o CEIP de Quintela, en Moaña (Pontevedra), polo traballo En galego pola rede II; o CRA Mestra Clara Torres, en Tui (Pontevedra), grazas á iniciativa Unha andaina “Artic” en galego; o IES Perdouro, en Burela (Lugo), que se presentou co proxecto Dinamización sociolingüística de Burela: intervención dinamizadora da Sanidade; e, finalmente, o IES Rodeira, en Cangas (Pontevedra), polo traballo Que sorte falarmos en galego!

A través destas xornadas de formación, o departamento que dirixe Anxo Lorenzo busca axudar os equipos de dinamización, a través de recomendacións e pautas, no desenvolvemento dos seus proxectos de fomento do uso da lingua galega desde o ámbito educativo

Posted via email from Certo.gl, o xornal dixital de Barbanza e Noia

Natureza: defensores dos animais e xornalistas denuncian por agresións a cazadores de raposos

Barbanza-Noia, 31 de xaneiro de 2011. A sabotaxe á caza do raposo que lles anunciamos no noso Facebook para o 29 de xaneiro foi, como era de agardar, movida. A organización pola defensa dos animais Fundación Equanimal presentouse en Pontecaldelas con 150 activistas e leváronas. Non só eles. tamén lle caeu algún pau ou empuxón a algún xornalista que estaba a informar. 

Segundo contan os de Equanimal, os cazadores, ademais de insultalos, "golpearon brutalmente tanto a defensores dos animais como a xornalistas". Ante estas agresións, o Sindicato de Xornalistas Galegos emitiu un comunicado no que se piden accións legais contra estas actitudes violentas. Os activistas de Equanimal xa puxeron denuncia contra os cazadores presuntamente agresores.

Equanimal insiste en que a súa organización non é ecoloxista, senón de defensa dos animais. Non pretendían defender ecosistema algún ou algunha especie en concreto (o raposo neste caso) senón salvarlle a vida aos animais ameazados. Desta volta só se cazaron 37 raposos, unha cifra bastante inferior á do ano pasado, de 94.

As imaxes, aportadas por Equanimal, falan por si mesmas, e tamén se pode ler a denuncia interposta.

Posted via email from Certo.gl, o xornal dixital de Barbanza e Noia

Portos: a Sociedade Galega de Historia Natural denuncia o rápido incremento de portos deportivos e a lentitude das depuradoras

Fotografía da enseada de Boiro coa situación dos portos de Escarabote (arriba), Pobra do Caramiñal (esquerda) e Cabo de Cruz (dereita). O lado máis longo do triángulo ten menos de 4,5 km. Imaxen obtida do Sistema de Identificación de Parcelas Agrícolas, do Ministerio de Medio Ambiente e Medio Rural e Mariño (http://sigpac.mapa.es/fega/visor)

Barbanza, 31 de xaneiro de 2011. A SGHN vén de denunciar na súa web a lentitude con que se implantan as necesarias -e reclamadas xa varias veces por Europa- depuradoras nas rías galegas mentres os proxectos de Portos de Galicia para encher de portos deportivos o litoral avanzan a toda velocidade.

"Como recoñece expresamente o Plan de Ordenación do Litoral de Galicia, na nosa beiramar aínda faltan por poñer en marcha 22 das 91 depuradoras de augas residuais precisas para que a calidade das augas acade os niveis exisibles no século XXI nun pais da Unión Europea, mentres que na actualidade hai xa 11.600 puntos de amarre para embarcacións deportivas", explica a SGHN. "Mentres os proxectos de depuradoras se eternizan, os de embarcacións deportivas avanzan rápidamente, como mostran os dous proxectos presentados no último mes para construir un en Escarabote e outro en Cabo de Cruz, con 170 e 194 prazas de amarre, respectivamente, para embarcacións de ata 16 metros de eslora", argumenta

Porto de Escarabote, en Boiro. Vista xeral.

A SGHN vén de presentar as seguintes alegacións ós proxectos de ambos portos deportivos. Nelas piden o seguinte:

   1. Que os proxectos se adapten ás disposicións contempladas no Plan de Ordenación do Litoral e sexa sometido a Avaliación de Impacto Ambiental.
   2. Que os correspondentes estudios de AIA avalíen en detalle os efectos do proxecto sobre:
          * A dinámica das correntes na enseada de Boiro.
          * Os bancos marisqueiros Z3-C41-01 praia de Barraña e Z3-C41-01 banco de Barraña.
          * A zona de baño “Praia de Barraña”.
          * As comunidades de aves acuáticas que empregan a enseada de Boiro como lugar de invernada e repouso durante os pasos migratorios.
          * As necesidades presentes e futuras da flota de baixura e de servicio ós polígonos de producción de moluscos.
   3. Que os estudios de AIA xustifiquen a necesidade dun porto deportivo en Cabo de Cruz e outro en Escarabote, tendo en conta a existencia doutro na Pobra do Caramiñal, a menos de 4,5 km de distancia.
   4. Que os correspondentes estudios de AIA avalíen, a precios actuais, o importe dos fondos públicos investidos nos portos de Cabo de Cruz e Escarabote para fins pesqueiros, especifique si ditos investimentos incluían ou non fondos europeos (con detalle do programa e da cofinanciación) e cuantifique a porcentaxe dos mesmos que finalmente acabarían adicados a amarre de embarcacións de recreo particulares (de ata 16 m de eslora) no caso de levarse adiante o proxecto.


Web de referencia:
http://www.sghn.org

Posted via email from Certo.gl, o xornal dixital de Barbanza e Noia

Boiro: a biblioteca municipal organiza "Unha morea de contos" en febreiro e marzo

Boiro, 31 de xaneiro de 2011. A biblioteca municipal do Concello de Boiro, situada na Casa de Cultura, desenvolverá durante os meses de febreiro e marzo un programa que, baixo o título “Unha morea de contos”, pretende achegar o mundo dos libros aos nenos desde as primeiras idades. A actividade, que consiste na realización de sesións de contacontos e xogos, está dirixida a rapaces de 1º e 2º de Educación Primaria. 

Ademais do obxectivo citado, con esta actividade preténdese tamén promover o uso da biblioteca nos nenos de 4 a 7 anos e dos seus pais; manter a tradición dos contos orais e dar a coñecer contos tradicionais galegos  e doutras culturas do mundo. 

“Unha morea de contos” desenvolverase en febreiro e marzo na Biblioteca Municipal de 16.30 a 17.30 horas, e empezará o 3 de febreiro. A inscrición é gratuíta e pódese facer na Biblioteca (teléfono 981 848410). 

A actividade está  organizada e patrocinada polo Concello de Boiro.

Posted via email from Certo.gl, o xornal dixital de Barbanza e Noia

Noia: a rúa Corredoira estará cortada ao tráfico este martes 1 de febreiro por obras


Noia, 31 de xaneiro de 2011. A Concellaría de Tráfico de Noia informa que a rúa Corredoira (onde está a casa da cultura "Antón Avilés de Taramancos") estará mañá, martes día1 de febreiro, cortada ao tráfico. Este corte poderíase prolongar ata o mércores día 2. O motivo é o seu arranxo polo deterioro nas pedras da calzada da citada rúa. O corte de tráfico afectará ao tramo que vai dende Escultor Ferreiro ata o cruce coa Santísima Trinidade, que poderá quedar cortada tamén ao tráfico nalgún momento puntual de traballo.

Para a semana, o 7 de febreiro, cortada Santísima Trinidade


Infórmase ademáis que o vindeiro luns, día 7 de febreiro, está previsto cortar ao tráfico a rúa Santísima Trinidade, para acondicionala tralo notorio deterioro sufrido co incremento de tráfico rodado. Este plan de traballo podería sufrir modificacións en función das condicións climatolóxicas.
 

Posted via email from Certo.gl, o xornal dixital de Barbanza e Noia

Noia: a rúa Corredoira estará cortada ao tráfico este martes 1 de febreiro por obras


Noia, 31 de xaneiro de 2011. A Concellaría de Tráfico de Noia informa que a rúa Corredoira (onde está a casa da cultura "Antón Avilés de Taramancos") estará mañá, martes día1 de febreiro, cortada ao tráfico. Este corte poderíase prolongar ata o mércores día 2. O motivo é o seu arranxo polo deterioro nas pedras da calzada da citada rúa. O corte de tráfico afectará ao tramo que vai dende Escultor Ferreiro ata o cruce coa Santísima Trinidade, que poderá quedar cortada tamén ao tráfico nalgún momento puntual de traballo.

Para a semana, o 7 de febreiro, cortada Santísima Trinidade


Infórmase ademáis que o vindeiro luns, día 7 de febreiro, está previsto cortar ao tráfico a rúa Santísima Trinidade, para acondicionala tralo notorio deterioro sufrido co incremento de tráfico rodado. Este plan de traballo podería sufrir modificacións en función das condicións climatolóxicas.
 

Posted via email from Certo.gl, o xornal dixital de Barbanza e Noia

Volei: los equipos del Boiro retoman la buena dirección, con cuatro victorias y tres derrotas


Imagen de http://boirovoleibol.blogspot.com, donde hay otra crónica

Crónica de María Cortés

Recuperamos la senda de la victoria, el buen juego da sus resultados, y ahí están el fin de semana: 4 victorias frente a 3 derrotas. Aunque se podrá pensar, se puede mejor, claro, eso siempre, y siempre luchamos por ello. Y ahí seguiremos, arriba y subiendo!!!

1ª DIVISIÓN NACIONAL MASCULINA
ZALAETA 0-3 HIPESCAR BOIRO VOLEIBOL (16-25, 22-25, 18-25)
Contundente victoria de los chicos de HIPESCAR, dirigidos por Emilio Palacio, en tierras coruñesas. El HIPESCAR demostró una semana más que los automatismos y engranajes del equipo funcionan a las mil maravillas. No dieron opción a los locales en casi que ningún momento del partido. Bloqueo bien posicionado y orden táctica en la segunda línea hacían de la defensa boirense su punto fuerte una semana más. En cuanto al ataque cabe destacar la inteligencia del colocador boirense Iván Souto "Pas" eligiendo siempre la mejor opción para su equipo. La recepción boirense rozó la perfección un sábado más, con Cristóbal Álvarez y Manuel Pérez muy acertados en su función. Causaron baja para el partido Iago Vidal por lesión y Óscar Gómez por motivos personales.
Por el HIPESCAR BOIRO VOLEIBOL jugaron: Iván Souto "Pas", Narciso Abalo, Cristóbal Álvarez, Manuel Pérez Andrade, Jesús Vázquez "Pivot", Antón Pérez y Adrián Alves "chicho" (líbero). Como reservas estaban Daniel Eiras, Ignacio Cibeira "Frigu", Miguel Vázquez, Gustavo Romero y el juvenil Martín Herrera.
Con esta victoria el HIPESCAR consigue el liderazgo de la 1ª división nacional gracias a las derrotas del Club Vigo Voleibol y el Universidad de Valladolid frente CV Rianxo y San Sadurniño respectivamente. Los de Emilio Palacio visitarán el próximo sábado el equipo vallisoletano desde lo más alto de la clasificación gracias a un set average favorable, en u partido que parece vital de cara a las aspiraciones de los boirenses de acudir a la fase de ascenso a liga FEV Nacional.

2ª DIVISIÓN A GALLEGA MASCULINA
EMEVE LAB NUPEL B 2-3 REDESYL BOIRO VOLEIBOL (25-15, 8-25, 25-20, 12-25, 13-15) 
Como un bálsamo llega la victoria a domicilio del REDESYL, bajo las órdenes de Antón Pérez, que se encuentra con el triunfo tras las dos derrotas de la jornada anterior. El REDESYL recuperaba efectivos para esta disputa. El receptor Manuel Pérez "Cholo" viajaba por primera vez con el equipo tras superar su lesión muscular. El encuentro fue de ida y vuelta con alternativas para los dos bandos pero que cayó en saco boirense por la consistencia colectiva en los momentos importantes del partido. Cierto es que el equipo mostró otra cara muy diferente a la vista hace 7 días, pero debrerán hacer firme esta situación en las próximas fechas con buenas actuaciones, trabajo y compromiso en los entrenaiento.
Por el REDESYL BOIRO VOLEIBOL jugaron: Luis Luistres, Roberto Rodríguez "Tito", Xavier Sarille, Diego romero Fran López "Chepe", Antón Pérez y Juan Lorenzo "Doc". También jugaron Rubén Taibo "Mechas", Alén García, Manuel Pérez "Cholo" y Juan "Mande".

2ª DIVISIÓN AL GALLEGA FEMENINA
EMEVE LAB. NUPEL B 3-2 PROBOIN BOIRO VOLEIBOL (25-22, 25-22, 24-26, 18-25, 15-11) 
Sorprendente derrota del primer equipo femenino, el PROBOIN, en su visita al equipo lucense. Empezaba el partido con muchas dudas por parte de las nuestras, situación aprovechada por el EMEVE para llevarse los dos primeros parciales. Esto dejaba a las de Andrés Martínez en una situación muy complicada. Empezaba el tercer set para darle la vuelta al adverso marcador, y gracias a la habitual orden defensiva y la efectividad en el contraataque consiguieron llevarse los dos sets siguientes. El tie-break era merecido para ambos equipos. Las lucenses del Emeve aprovecharon mejor las situaciones en este parcial y consiguieron definitivamente llevarse el partido por un ajustado 3-2. Esta victoria aprieta más, si cabe, la clasificación de la 2ª División Autonómica femenina, en las que las boirenses del PROBOIN siguen manteniendo opciones de acudir a la fase de ascenso a 1ª División Nacional y siguen dependiendo de sí mismas.
Por el PROBOIN BOIRO VOLEIBOL jugaron: Ángela Triñanes, Luci Paz, Leonor Lorenzo, Alicia Novoa ,María Triñanes, Rebeca González y Carla Castro (líbero).

LIGA GALLEGA JUVENIL MASCULINA
EMEVE LAB. NUPEL B 3-0 TRILLIZOS BOIRO VOLEIBOL (25-16, 25-20, 25-20)
Derrota del Trillizos, bajo las órdenes de Andrés Martínez, en esta visita el Emeve. Con la importante baja de Diego Romero para este partido enfrentaban los boirenses la siempre complicada cancha lucense. Los continuos errores, sumados al acierto del rival, desembocaban en esta dura derrota del TRILLIZOS BOIRO VOLEIBOL.
Por el TRILLIZOS BOIRO VOLEIBOL jugaron: Ismael Martínez, Martín Herrera, Antón Pérez, Diego García, Miguel Lorenzo, Fran Dieste y Arsenio (líbero). También jugaron Xian Pérez, Daniel Vázquez y Abel Triñanes.

LIGA PROVINCIAL JUVENIL FEMENINA
BOIRO VOLEIBOL 3-0 MEXILLÓN DE OURO VOL. RIANXO (25-12, 25-19, 25-20)
Victoria en apenas una hora de juego de las juveniles del Boiro Voleibol en esta liga provincial juvenil femenina. Las de Juan Resúa salieron concentradas en hacerlo bien, mostrando grandes avances en su juego. Una gran racha de servicios por parte de Ana Bugallo (11 seguidos) metía en el bolsillo el primer parcial para las boirenses. En los dos siguientes la clave estuvo en el acierto en saque, que impedía a las rianxeiras construir jugadas claras de ataque.
Por el BOIRO VOLEIBOL jugaron: Patri, Andrea, Ana, Katy, Adriana, Ángela e Iria (líbero). Como reservas actuaron Sheila, Alba, Sara y Sindy.

LIGA GALLEGA CADETE MASCULINA
EMEVE LAB. NUPEL B  3-1 REYCA BOIRO VOLEIBOL (25-15
, 25-22, 22-25, 25-15)
Derrota del equipo cadete masculino del Boiro Voleibol, el REYCA. Los de Andrés Martínez tuvieron al otro lado de la red a un equipo con mucha más experiencia que supo mantener la calma y jugar con más criterio para llevarse el partido por 3-1.
Por el REYCA BOIRO VOLEIBOL jugaron: Xian Pérez, Abel Sánchez, Fran Dieste, Ismael Martínez, Daniel Vázquez y Raúl Lojo. También jugaron Lois Vázquez y Oscar Refojo.

LIGA PROVINCIAL CADETE FEMENINA
BOIRO VOLEIBOL  3-1  MEXILLÓN DE OURO VOL. RIANXO (14-25, 25-18, 25-18, 25-16) 
Cómoda victoria de las pupilas de Juan Resúa en un partido que empezaba con dificultades debido a las numerísimas imprecisiones de las locales, pero que a medida que avanzaba el partido se corregían y transformaban en acierto en saque, recepción y ataque. Cabe destacar la aportación de Ana Bugallo en ataque ya que se sigue manteniendo partido tras partido rondando los 20 puntos (19 en esta ocasión).
Por el BOIRO VOLEIBOL jugaron: Sheila, Ana, Sara, Alba, Katy y Alejandra. Como reservas esperaba su oportunidad Melissa y Andrea.

JORNADAS DE DEPORTE ESCOLAR (BENJAMINES, ALEVINES E INFANTILES)
Hasta Noia se desplazaron en la mañana del sábado los niños y niñas del Boiro Voleibol para competir en esta concentración del deporte en edad escolar. Un buen número de niños boirenses compitieron contra otras escuelas deportivas com las de Cee, Noia, Rianxo y Padrón. Fue una buena mañana de voleibol para todos en la que se apreció una vez más el buen trabajo que están haciendo los entrenadores del Boiro Voleibol con los más pequeños, demostrando que el futuro del club está en buenas manos.

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical