Internet: a Xunta cae da burra e recuperará o contido de Flocos.tv na web da Agadic

• A páxina da Axencia Galega de Industrias Culturais mantén o enderezo agadic.info, pero actualiza o seu deseño e estrutura para dar cabida aos contidos multimedia, ás redes sociais e á actualidade xerada polo propio sector, entre outras novidades
• A sección Canle TV albergará o catálogo audiovisual anteriormente aloxado na plataforma flocos.tv
• Lamentablemente, será unha canle unidireccional e pérdese o progreso que supuña Flocos.tv, onde os espectadores-usuarios podían comentar e valorar cada produción audiovisual alí acubillada. A Consellería de Cultura pasa do 2.0 ao 1.0
  

Santiago, 5 de agosto de 2011.- A Axencia Galega das Industrias Culturais (Agadic) da Consellería de Cultura e Turismo estrea nova páxina web que, mantendo o seu enderezo www.agadic.info, actualiza o seu deseño e estrutura para dar cabida a novas seccións multimedia, ás redes sociais e aos contidos de actualidade xerados polo propio sector.

Así, xunto cos apartados de novas, carteleira e avisos relacionados directamente coa actividade da Agadic, incorpórase agora unha sección que, baixo o título Olladas, recolle noticias e eventos protagonizados polos propios profesionais das industrias culturais e clasificados por sectores: audiovisual, escena, música, etc.

Canle TV
Esta nova páxina está preparada, así mesmo, para albergar os contidos audiovisuais anteriormente aloxados na plataforma web flocos.tv, tal e como fora anunciado polo director da Agadic, Juan Carlos F. Fasero. Nestes momentos, estanse a desenvolver os axustes técnicos precisos para a visualización deste catálogo audiovisual directamente dende a web da Agadic, a través dunha nova sección denominada Canle TV.

A web da Agadic incorpora, ademais, dous novos apartados multimedia –Galería e Vídeos–, así como os vínculos ás redes sociais ás que a entidade da Consellería de Cultura se incorporou recentemente a través dunha canle propia en YouTube e unha páxina en Facebook.

Tamén se reestruturou e actualizou a información de carácter institucional e de servizo ao sector, que agora conta cun acceso directo ao apartado de Axudas, a través do que se informa puntualmente do estado das distintas convocatorias de subvencións da Agadic ao sector (industrias culturais e audiovisual). Programacións, proxección exterior, centros de produción, premios, publicación e prensa son outros dos apartados informativos desta web, desde a que se facilita o acceso, asemade, á intranet galescena.info como ferramenta de traballo para as compañías e programadores dos espazos adscritos ás redes e circuítos promovidos pola Agadic.

Posted via email from Certo.gl, o xornal dixital de Barbanza e Noia

Rianxo: do 10 ao 12, Campionato local de volei-praia por parellas, en Tanxil

Choverá? Fará sol? Andará o demo por Ferrol?

Rianxo, 5 de agosto de 2011. O Club Voleibol Rianxo, coa colaboración do Concello de Rianxo, organiza o Campionato Local de Volei-Praia, na modalidade de parellas que se desenvolverá dende o 10 ó 12 de agosto na Praia de Tanxil.

Os partidos celebraranse en horario de tarde quedando o prazo de inscrición xa aberto. Esta é totalmente gratuíta e estableceranse as seguintes categorías en función do número e idade dos inscritos.

• Masculino maiores: nados nos anos 97-96-95...

• Feminino maiores: nadas nos anos 97-96-95...

• Masculino menores: nados nos anos 98-99-00...

• Feminino menores: nadas nos anos 98-99-00...

• MIXTO: Categoría única.

• Federad@ + Non Federad@.

Para formalizar inscricións e ampliar información:

• Servizo de Deportes – Cuartel Vello . Praza Castelao. Tel: 981 86 63 81

• Pavillón Polideportivo de Rianxo. Tel.: 981 86 61 10

Posted via email from Certo.gl, o xornal dixital de Barbanza e Noia

Boiro: do 18 ao 21 de agosto, Festa de Exaltación do Mexillón en Cabo de Cruz

Posted via email from Certo.gl, o xornal dixital de Barbanza e Noia

Pesca: o Psoe esixe a dimisión da conselleira do Mar, Rosa Quintana, por incompetente

-A portavoz de Pesca do Grupo Parlamentario dos Socialistas de Galicia, Marisol Soneira advirte que a esperpéntica situación que se esta vivindo na planta de Xove “é unha boa mostra do caos que reina na Conselleira do Mar”

-“Salvando as diferenzas estamos vivindo a mesma situación patética da xestión do Goberno Fraga co Prestige”, asegura Soneira, quen lembra que naquela ocasión “paseamos un petroleiro por todo o Atlántico, e neste caso paseamos unha batea por toda a Mariña luguesa”

-Preguntouse quen Goberna os intereses pesqueiros de Galicia

- Lembrou que onte mesmo o PSdeG-PSOE denunciou publicamente “que o 40% da ameixa fina que se trasladou o novo asentamento de Xove morre nos primeiros cinco días”

Rosa Quintana na pasada Festa do Percebe de Aguiño

Santiago de Compostela, 5 de agosto de 2011. A portavoz de Pesca do Grupo Parlamentario dos Socialistas de Galicia, Marisol Soneira esixiu hoxe a dimisión da Conselleira do Mar, pola incompetencia na xestión das políticas de pesca e marisqueo que esta levando adiante a Xunta de Feijoo, e tamén pola falla de liderazgo e de peso político na aposta por un deseño dunha política pesqueira e marisqueira acordes coa realidade socio-produtiva de Galicia. 

Soneira advirte que a esperpéntica situación que se esta vivindo na planta de Xove “é unha boa mostra do caos que reina na Conselleira do Mar”, espetou.

A portavoz de Pesca replica que “salvando as diferenzas estamos vivindo a mesma situación patética da xestión do Goberno Fraga co Prestige”, lembra que naquela ocasión “paseamos un petroleiro por todo o Atlántico, e neste caso paseamos unha batea por toda a mariña luguesa”, insistiu.

Afirmou que “a día de hoxe non sabemos quen goberna os intereses pesqueiros de Galicia” e preguntouse, si é a Conselleira do Mar, Rosa Quintana, ou Pescanova, as confrarías, o Presidente Feijóo” e ironizou “ou un ente non identificado”, quen esta diante da política pesqueira da nosa Comunidade. Denuncia tamén que a día de hoxe “a Xunta aínda non explicou, quen, cando, onde, porque e en base a que estudios se tomou a decisión de fixar a reinstalación de moluscos en Moras (Xove)”, proclamou. 

Sinala ademais que tampouco deron explicacións sobre os índices de mortandade na zona de reinstalación de especies como a ameixa fina. Neste punto lembrou que onte mesmo o PSdeG-PSOE denunciou publicamente “que o 40% da ameixa fina que se trasladou o novo asentamento de Xove morre nos primeiros cinco días”. 

Por iso insistiu nas súas criticas “non sabemos se a enseada de Moras é o lugar idóneo para instalar estas especies”. E emprazou ao executivo autonómico a amosar os custes “deste dislate, e desta improvisación e das ocorrencias da Conselleira, Rosa  Quintana e o seu equipo”. 

E concluíu “por todo isto seria bo que Feijoo puxera ao fronte dos intereses pesqueiros e marisqueiros de Galicia a persoas acordes coa importancia que ten este sector para a estratexia económica de Galicia, porque senón el será o responsable único de toda esta desfeita”.

Outras leas nas que se mete Rosa Quintana:

Gaiolas de salmón: manifestación espontánea na Ría contra elas

Gaiolas de salmón na Ría: o Bng tamén se opón no Parlamento

Posted via email from Certo.gl, o xornal dixital de Barbanza e Noia

A Pobra: o boletín "Forte e claro" do Psoe denuncia o nepotismo do goberno local

forte e claro 13_Maquetación 1.pdf Download this file

Relacionada:

Denuncia: nepotismo e enchufismo descarado, di o Psoe

Antes, en Certo:

Política: prioridades que xa non lle importan ao alcalde

Moción do Psoe: A Corna precisa de limpeza

Posted via email from Certo.gl, o xornal dixital de Barbanza e Noia

A Pobra: o Psoe denuncia os cartos tirados no amaño dos xardíns de Valle Inclán

A Pobra, 5 de agosto de 2011. Segundo denuncia o Partido Socialista da Pobra, "fai un ano que os xardíns de Valle Inclán se pecharan por mor dunha remodelación por valor de 200.000 euros. Na obra colocouse un gran letreiro no que se dicía que se levantara acta notarial conforme as árbores  estaban enfermas, supoñendo que algún profesional avalara tales teses. Na inauguración, e segundo a nota de prensa da alcaldía con data do 10 de setembro de 2010, o Alcalde declaraba que os xardíns tiñan un gran problema: estaban enfermos. Así llo fixeron saber os distintos informes de enxeñeiros agrónomos de Tatiana Rodilla e a dirección de Medio Rural. Ditos enxeñeiros levaron a cabo un tratamento fitoparasitario contra pragas e enfermidades das árbores e arbustos. Despois de tantos tratamentos, de plantar 20 árbores xa grandes no mes de novembro todos esperábamos que tales tratamentos foran radicais e efectivos. Pois ben, nestes intres temos 26 árbores enfermas  e 20 mortas e gastamos 200.000 euros en combater tales doenzas".

Os socialistas engaden que no pasado outono, para acabar de rematar o asunto, "déuselle unha poda drástica e contundente ás árbores e algunhas delas xa non recuperaron despois de semellante corta. Disque lle cambiaron a terra por outra vexetal con máis de 70 camións de terra fértil e axeitada. Vistos os resultados é para botar a correr e non parar".

En resumo, "antes das obras tiñan tres árbores enfermas e por este motivo xustificaron esta inversión de forte impacto visual, (que é a que obtén os réditos electorais), primando a estética urbana sobre as necesidades que puideron paliarse con eses cartos. Agora, despois de gastar 200.000 euros ,(33 millóns das extintas pesetas), teñen 26 árbores  para recibir a extremaunción e agonizando e 20 xa defuntas (irrecuperables)", explican no Psoe pobrense, que rematan, en plan retranqueiro, louvando este "asesoramento e xestión eficaz e eficiente".

See the full gallery on Posterous

Posted via email from Certo.gl, o xornal dixital de Barbanza e Noia

A Pobra: van licitar a xestión da depuradora da Pobra ata 2013 por case dous millóns de euros

• A depuradora tratou máis de 2 millóns de metros cúbicos de augas residuais e 3.500 toneladas de lodos durante o ano 2010
  
• A infraestrutura hidráulica beneficia unha poboación de preto de 10.000 veciños do concello  
• O Goberno galego leva investido na xestión da depuradora, dende o ano 2005, máis de 5,7 millóns de euros e, inda así, cada pouco hai verteduras no Río Morto ou no mar sobre as que o concello fai a vista gorda

A Pobra do Caramiñal, 4 de agosto de 2011. O Consello da Xunta aprobou hoxe o acordo polo que a consellería de Medio Ambiente, Territorio e Infraestruturas investirá 1,8 millóns de euros na nova licitación do contrato de xestión da depuradora da Pobra do Caramiñal, situada na parroquia do Xobre. O orzamento será executado en tres anualidades, ata o 2013.
A Estación Depuradora de Augas Residuais (EDAR) da Pobra do Caramiñal, que ten unha capacidade para abastecer 30.000 habitantes, comezou a súa explotación no ano 2002. O sistema pode depurar un máximo de 600 metros cúbicos de auga por hora e funciona mediante un tratamento biolóxico, con aireación e nitrificación controlada. Durante o ano 2010, a EDAR chegou a depurar 2 millóns de m³ de auga e a tratar 3.500 toneladas de lodos, ademais de 150 toneladas de residuos graúdos e graxas.
O contrato de xestión da depuradora implicará o cumprimento dunha serie de obrigas por parte do adxudicatario: o mantemento das instalacións de forma ininterrompida para o seu correcto funcionamento, o tratamento dos lodos e graxas así como a supervisión dos parámetros das liñas de auga e lodos. Para isto, será preciso aplicar a liña de actuacións estipulada no Plan de Mantemento e Conservación da EDAR.

Ademais, dentro do contrato, compréndese a obriga de comunicar á Empresa Pública de Obras e Servizos Hidráulicos (EPOSH) a posible presenza de substancias ou materias perturbadoras nos procesos de tratamento. O primeiro contrato de explotación asinouse no ano 2005 e tivo un período de duración de 1,5 anos, que foi prorrogado ata os 18 meses. O segundo contrato tivo unha vixencia de 12 meses e foi prorrogado por 27 meses, ata este ano. O novo contrato rematará o vindeiro 2013, coa posibilidade de incluír novas prórrogas. O Goberno galego leva investidos máis de 5,7 millóns de euros na xestión desta depuradora.

Antes, en Certo:
A depuradora funciona mal

Posted via email from Certo.gl, o xornal dixital de Barbanza e Noia

Boiro: o conselleiro de Cultura visitou os castros de Neixón

• Roberto Varela asegura que a declaración como Ben de Interese Cultural deste xacemento "culmina o traballo dos últimos 15 anos" e soltou obviedades como que estes castros son "un gran polo de atracción na oferta de turismo da comarca".
• A consellería de Cultura non fai nada por divulgar estes castros e os seus achados dun xeito adecuado
  

Nos castros de Neixón semella que chove sobre mollado

Boiro, 4 de agosto de 2011.- O conselleiro de Cultura e Turismo, Roberto Varela, visitou esta tarde os castros de Neixón e o Centro Arqueolóxico do Barbanza. O conselleiro sinalou que a recente declaración como Ben de Interese Cultural dos castros de Neixón "culmina, en certo modo, o labor de recuperación e posta en valor -expresión que non se farta de repetir, como tantos outros políticos de todos os signos- que se ten feito nos últimos quince anos, un empeño no que a Xunta de Galicia contou coa inestimable colaboración do Concello de Boiro". O acto contou asemade coa participación do alcalde de Boiro, Juan José Dieste.

O titular de Cultura salientou na súa visita "o continuo esforzo que a Consellería de Cultura e Turismo está a facer pola conservación, difusión e posta en valor do noso patrimonio arqueolóxico, onde os Castros de Neixón ocupan un lugar moi destacado". Segundo informou -di a esaxerada nota da Xunta- Roberto Varela, estes xacementos castrexos "supoñen un gran polo de atracción na oferta de turismo cultural da rexión" xa que "compoñen un fermoso conxunto costeiro nun emprazamento que é posible que teña sido habitado polos nosos devanceiros dende hai máis de 5.000 anos". O conselleiro de Cultura e Turismo lembrou a súa visita o pasado luns ao Monte do Facho en Cangas e asegurou que "a mellor proba do noso compromiso coa protección do patrimonio arqueolóxico é o feito de que nas últimas semanas teñamos avanzado para a declaración como BIC destes dous xacementos, así como doutros castros sobranceiros como os de Baroña, Borneiro ou Saceda".

Urxencia aos arqueólogos para que devolvan pezas

Roberto Varela salientou asemade a importancia do papel do Centro Arqueolóxico do Barbanza así como "diversas campañas de escavación, consolidación e divulgación". O responsable de Cultura apuntou que desde a Xunta de Galicia estase a traballar para que o Centro "sexa recoñecido como colección visitable" para o que "estamos a urxir aos arqueólogos para que depositen os fondos de campañas anteriores no Centro". Deste xeito, o conselleiro informou que "xa foron entregadas as pezas da primeira das campañas arqueolóxicas".

O que non sabe Roberto Varela

Do que non falou Roberto Varela, porque pode que o descoñeza, é da primeira longametraxe documental da arqueoloxía galega, Neixón: Historia viva dun castro, de Lukas Santiago, e do urxente que sería que se proxectase no Centro Arqueolóxico de Barbanza ou en calquera outro lugar do Concello de Boiro, onde o tiñan vetado, alomenos ata o de agora, os do bipartito, coa anuencia e complicidade do arqueólogo do CAB. Ignoramos se o conservador Dieste continuará coa nefasta política cultural dos seus predecesores no goberno de Boiro.

Tamén sería axeitado, para que esa expresión tan sobada que emprega Roberto Varela de "posta en valor" significase algo, que a consellería que dirixe fixera un mínimo esforzo por divulgar os achados e publicacións científicas das últimas campañas, algo que polo de agora só fan os esforzados arqueólogos que alí estiveron ata 2008 en charlas por España adiante e polo estranxeiro, e no blog Arqueoneixón. Será por webs para darlle bombo na Consellería de Cultura! Ou por espazos físicos: poden proxectar o documental sobre estes castros e facer unhas conferencias -con comida castrexa ao final se se poñen estupendos- na Cidade da Cultura un día deses en que non se lle ocorra nada na improvisada axenda cultural dese gran burato a ceo aberto no que converteron o monte Gaiás.

Relacionadas:

Arqueoloxía: os castros de Neixón, declarados BIC

Castros de Neixón: charla en vídeo de Xurxo Ayán

Chafalladas: cambio de carteis en Neixón

Pode que lle interese:

Romaría de Neixón: é o domingo 14 de agosto

Posted via email from Certo.gl, o xornal dixital de Barbanza e Noia

Boiro: O Faiado 2 organiza novo roteiro por unha calzada do municipio o sábado 27 de agosto

Boiro, 4 de agosto de 2011. Gustoulles o pasado roteiro do 30 de xullo pola Calzada de Pa? Parece que non foron moitos os valentes, segundo se ven nas estupendas imaxes que tomou Antonio Parada, socio de O Faiado 2. Divisamos entre eses valentes ao recente premio "García Barros" de novela, o ribeirense Antonio Piñeiro e, como non, á infatigable presidenta de O Faiado 2, María Luísa López Otero.

Se lles van as camiñadas neste incerto mes de agosto -meteoroloxicamente falando-, teñen unha nova oportunidade o sábado 27. É un bo xeito de coñecer Boiro e a súa historia, de queimar calorías e tamén de facer novas amizades, ben máis carnais que as do Facebook. Por onde van ir? Escólleno vostedes cando saian! Por enriba, roteiros escollidos de xeito asembleario, como se fosen do 15M. Que máis poden pedir?

See the full gallery on Posterous

Posted via email from Certo.gl, o xornal dixital de Barbanza e Noia

Noia: del 12 al 14 de agosto, concentración motera "Ría de Noia"

Imágenes de la edición de 2010

El programa de actividades es el siguiente:

VIERNES 12:

- 20:00 Apertura de inscripciones
- 20:00 Ambientación musical
- 20:00 Reproducción continua Pantalla 50"(programa, ayuntamiento, patrocinadores)
- 20:00 Realización de tatuajes temporales
- 23:00 DJ y diversos sorteos a lo largo de la noche

SÁBADO 13:

- 10:00 Apertura inscripciones
- 10:00 Ambientación musical
- 10:00 Reproducción continua Pantalla 50"(programa, ayuntamiento, patrocinadores, GP de la Rep. Checa)
- 10:30 Exhibición de Karting y minimotos
- 11:00 Realización de tatuajes temporales
- 12:00 Ruta al ayuntamiento de Porto do Son con pinchada
- 15:00 Comida para inscritos
- 15:00 Exposición de coches de Rally
- 15:30 Exhibición de Karting, Quads y Trial
- 17:00 Exhibición Acrobática de Arrepiado Team, primer pase
- 18:00 Juegos en moto y regalo a los ganadores
- 20:30 Exhibición Acrobática con Arrepiado Team, segundo pase
- 22:00 Gran churrascada para inscritos
- 23:00 Prueba de decibelios
- 00:00 Desfile de antorchas por el casco antiguo de Noia
- 01:00 DJ y diversos sorteos a lo largo de la noche
- 02:00 Strippers masculino y femenino
Más sorpresas...

Los inscritos que lo deseen dispondrán de una zona de acampada tanto al aire libre como cubierta (en el pabellón polideportivo) donde hay duchas y agua caliente.

DOMINGO 14:

- 10:00 Apertura inscripciones
- 10:00 Ambientación musical
- 10:00 Reproducción continua Pantalla 50"(programa, ayuntamiento, patrocinadores, GP de la Rep. Checa)
- 10:30 Carreras de minimotos para los moteros mas intrépidos
- 10:30 Automodelismo
- 11:00 Realización de tatuajes temporales
- 11:30 Ruta al ayuntamiento de Outes con 2 pinchadas
- 13:30 Cierre de inscripciones
- 14:00 Comida, sorteos finales, entrega de trofeos y despedida de la fiesta

PRECIO DE LAS INSCRIPCIONES:
- 20 euros Inscripción Completa
- 10 euros Media Inscripción (sólo se venderán: Domingo 14)

CON LA INSCRIPCIÓN SE OBTIENE:

- 2 Comidas
- Gran Churrascada (Churrasco y mejillones)
- Postres - Aperitivos en rutas
- 1 pin conmemorativo de la concentración
- 1 camiseta conmemorativa de la concentración
- 1 llavero
- Trofeos y medallas
- Participación en infinidad de sorteos
- Derecho a acampada libre o en el pabellón (con agua caliente)
Y muchos obsequios sorpresa más...

SORTEOS QUE SE REALIZARÁN:

- Mono de cuero
- Cascos
- Cazadoras
- Guantes
- Botas
y más cosas que confirmarán en la web oficial:

http://moterosriadenoia.com

Relacionada: 

• Boiro: reportaxe da concentración de motos, polo P. Teixugo

Posted via email from Certo.gl, o xornal dixital de Barbanza e Noia