Ribeira: continúa este curso a Escola de Fútbol "Sálvora"

Escuela de Futbol Sálvora C.F. 2011-2012.doc Download this file

Máis información en

www.salvoracf.blogspot.com

Posted via email from Certo.gl, o xornal dixital de Barbanza e Noia

Dodro: o Concello xa se adianta á campaña de Nadal e recolle xoguetes

Dodro, 9 de setembro de 2011. A Concellería de Servizos Sociais e Igualdade do Concello de Dodro crea un novo programa (neste concello, pois é moi vello, por exemplo, en Radio Nacional) de cara ó Nadal: UN NENO, UN XOGUETE, UNHA ILUSIÓN.

Con este programa preténdese poder suplir as carencias do sector máis desfavorecido en datas tan sinaladas como o Nadal. O programa arranca cunha recollida de xoguetes que se realizará nas oficinas de Servizos Sociais durante todo o ano. Todas as persoas que o desexen poderán colaborar aportando os xoguetes de xeito altruísta coa comunidade na que vive. Os xoguetes poderán ser de todo tipo sempre que estean en bo estado.

Risa

Por outra banda, a mesma concellería colabora co Centro de Día de Dodro na posta en marcha do Obradoiro de Risa e Movemento Creativo. O taller será todos os luns de 16:30h a 18:00h no local municipal do Centro de Día para veciños de máis de 60 anos. Está aberto o prazo de inscrición ata o 26 de setembro, día en que comeza o obradoiro.

cartel risa e movemento creativo[1].pdf Download this file

Posted via email from Certo.gl, o xornal dixital de Barbanza e Noia

Lousame: a Banda de Música abre os prazos de matrícula para estudar ou aprender a tocar instrumentos

Lousame, 9 de setembro de 2011. A Banda de Música de Lousame -constituída en asociación cultural "Prudencio Romo" tamén- abre os prazos de matrícula para a Escola de música de Lousame neste curso 2011/2012. 

      As materias impartidas son as seguintes:

• Música e movemento (para nenos de 4 a 7 anos)
• Linguaxe musical (para nenos a partir de 8 anos)
• Aprendizaxe dun instrumento:
• Frauta
• Oboe
• Clarinete
• Saxofón (alto, tenor ou barítono)
• Fagot
• Trompeta
• Trompa
• Trombón
• Tuba
• Percusión

      As clases impartiranse nos locais da banda na Casa da Cultura de Portobravo ou na escola do Sanguiñal (San Roquiño-Tállara), así como no local social de Cruído en función da materia de que se trate e comenzarán no mes de outubro (día 3). 

      Os impresos de matrícula podense recoller na conserxería do Colexio da Silva ou na Casa da Cultura e o prazo de matrícula está aberto ata o día 7 de outubro de 2011. A matrícula realizarase entregando o impreso na Casa da Cultura en horario de 09:00 a 14:00 e de 19:00 a 21:00, enviando os datos por correo electrónico á dirección banda@concellodelousame.com ou por teléfono nos números 676982604 (César) ou 652808122 (Fernando). 

      Máis información no teléfono 676982604 (Banda de Lousame) ou na direccion de correo banda@concellodelousame.com. 

Posted via email from Certo.gl, o xornal dixital de Barbanza e Noia

Atletismo: 250 adultos corren este sábado 10 na Carreira Popular de Santa Uxía

• As categorías inferiores da competición correrán o 1 de outubro
• Na proba decídese o gañador absoluto en categoría feminina e masculina no cuarto circuito de carreiras populares "Concello de Riveira"
  

Ribeira, 8 de setembro de 2011- A 14ª edición da Carreira Popular de Santa Uxía volta o 10 de setembro ás rúas da cidade cun importante cambio con respecto a convocatoria anteriores. Ese día tan só competirán as categorías adultas, é dicir, os corredores nados ata o ano 1993 ; mentres que os de menor idade o farán o día 1 de outubro co obxectivo de aproveitar o inicio a próxima semana do curso escolar para facer unha maior difusión do evento e sumar máis participantes.

Entre as sete categorías que se darán cita este sábado (é dicir, as modalidades júnior, promesa, senior, pre-veteráns, veteráns A, veteráns B e master) hai inscritos 250 participantes e a organización aspira a reunir entre 800 e 900 persoas en total se se teñen en conta as seis categorías inferiores que participarán o 1 de outubro: pitufos, banxamín, alevín, infantil, cadete e xuvenil.

O evento está organizado polo Concello de Riveira coa colaboración da Asociación As Miñoteiras, A Poutada, New Balance, Coca-Cola e os promotores das outras tres probas que compoñen o cuarto Circuíto de Carreiras Populares: A Guía, O Corgo e Artes. O concelleiro de Deportes Juan Luis Martínez xunto co técnico municipal Miguel Ruiz foron os encargados de explicar os pormenores da celebración.

A cita do sábado dará comezo ás 18.30 horas na Avenida do Malecón á altura da oficina de Turismo e constará de 3 voltas de 3.333 metros cada unha polo casco urbano. Con respecto ao percorrido do ano pasado, eliminouse o tramo que se realizaba polo peirao comercial.

Entre os 250 deportistas inscritos destaca a presenza da gañadora do ano pasado, Ercilia dos Santos Machado (o vencedor masculina fora o lituano Roberta Geralavicius), e dunha nutrida representación de atletas portugueses así como do triatleta Javier Fontao.

Mérito deportivo

Cabe salientar que a firma patrocinadora New Balance escolleu este acontecemento para facer entrega do trofeo ao mérito deportivo por toda unha carreira a un corredor que será desvelado no acto protocolario de entrega de trofeos.

A proba servirá  ademais para dirimir o vencedor da cuarta edición do Circuíto de Carreiras Populares Concello de Riveira. Nestes momentos, na modalidade masculina o atleta local Ramón Folgar avantaxa en 70 puntos a Ernesto Buceta; mentres que na feminina as posibles aspirantes son Isabel Saez (2.940 puntos), Marinela Caamaño (2.900 puntos) e Silvia Deira (2.800 puntos).

A organización quere solicitar a comprensión aos veciños polos cortes de tráfico que se van producir (principalmente no Malecón) e agradecer o apoio dos patrocinadores e colaboradores, así como de Protección Civil e da Policía Local.

Inicio de tempada para o Club de Atletismo de Santa Uxía

O club de Atletismo de Ribeira comeza o curso escolar e ten, entre outras actividades, unha escola de iniciación ao atletismo, para nenos entre 6 e 14 anos que dura ata finais de maio. Amén diso, divulga e promociona o atletismo en Ribeira; planifica e segue os entrenamentos e competicións dos seus atletas e participa en canta fase comarcal, campionato comarcal, galego ou provincial e carreiras populares se lle presenten. 
                   
O Club Santa Uxía comezou a súa andaina o 2008 e dende entón os seus atletas participaron en campionatos escolares, trofeos provinciais e campionatos galegos. A directiva é da opinión de que a práctica deste deporte "favorece a creación e reforzo de hábitos deportivos para a mellora da saúde de nenos e mozos".  Con este obxectivo vai facer unha campaña de divulgación e promoción do atletismo na que visitará centros escolares de Ribeira para que os máis cativos coñezan de preto o atletismo.

See the full gallery on Posterous

Posted via email from Certo.gl, o xornal dixital de Barbanza e Noia

A Pobra: cartel do Nazareno 2011, festas que van do venres 16 ao luns 19 de setembro

Pode que tamén lle interese:

Libro: este venres 9, presentación dun de María Isabel Muñoz

Turismo: visitantes de Carral no Museo Valle Inclán

Motos Antigas: o 10 e 11 de setembro, V Xuntanza Internacional

Fotografía: "Os Adeuses" e fotos de Olláparo, en setembro

Nuevas Tecnologías: desde septiembre, notificaciones del catastro por Internet

Posted via email from Certo.gl, o xornal dixital de Barbanza e Noia

Ribeira: marketing turístico para cubrir contedores de lixo, en plan Potemkin

• O concello pon un soporte de promoción turística para ocultar contedores na rotonda de Padín
• Irase facendo noutras zonas do municipio paseniñamente
  

Ribeira, 8 de setembro de 2011.- Co obxecto de diminuír o impacto visual que provocan algúns dos contedores de superficie en certas zonas da cidade, o Concello de Ribeira informou hoxe que vai instalar arredor deles unha serie de soportes informativos que servirán ademais para facer promoción dos recursos turísticos do municipio. 

O primeiro destes paneis promocionais xa se pode observar na rotonda de Padín, confluencia que serve de principal zona de entrada e saída ao casco urbano de Ribeira. O parque dunar e o dolmen de Axeitos son os motivos cos que está decorada esta estrutura. 

Nas próximas datas colocaranse outros soportes semellantes pero con motivos distintos ante outras illas de contedores localizadas en zonas da cidade con gran tránsito de vehículos ou peóns, e non se descarta que de ter éxito a iniciativa se expandan polas parroquias no futuro. 

O Concello desexa "que a cidadanía acolla con respecto a iniciativa, que constitúe outra fórmula máis para embelecer o pobo". Ou sexa, que non os esbandallen os túzaros de case sempre ás primeiras de cambio.

Así enganaba Potemkin a Catalina II a Grande, emperatriz de Rusia

A todos nos gusta ver os nosos pobos engalanados e que se coiden os detalles e se tapen, como fai neste caso o Concello de Ribeira, o que pode resultar desagradable á vista. Parécenos unha boa iniciativa, sobre todo cando é explicada e transparente.

Un personaxe sinistro que pasou á historia, non só polas súas ruindades, senón por esaxerar e enganar co asunto do embelecemento dos pobos foi Gregorio Potemkin, militar ruso que tivo por amante á mesmísima emperatriz Catalina a Grande. A ela fíxolle crer que coa súa terrible conquista de Crimea, un auténtico xenocidio levado a cabo por el e o seu exército, a zona mellorara moitísimo. Como Catalina non o cría, decidiu viaxar ata alí: cando Potemkin se veu acurralado, argallou uns decorados de cartón pedra para que dende a enorme carruaxe da emperatriz só se viran aldeas marabillosas. Aquel "tour de Crimea" supuxo que só se pintaran as fachadas das casas que daban ao camiño, que se levaran aos vellos e enfermos lonxe dos seus pobos, que árbores e setos de papel tapasen o máis feo daquela zona masacrada. Obrigouse, baixo ameazas de morte, a sorrir á xente antes asoballada. Os lugares por onde Catalina pasaba non existían: eran decorados, onde ata o gando pastaba enerxicamente porque o fixeran pasar fame días antes. As enciclopedias soviéticas chamaron ao engano de Potemkin "o maior da historia deste país". 

 

Posted via email from Certo.gl, o xornal dixital de Barbanza e Noia

Ribeira: este venres, 9 de setembro, conferencia en Carreira sobre a historia desta parroquia na tradición oral

Ribeira, 8 de setembro de 2011. Mañá, venres 9 de setembro, ás 21:00 na casa de cultura de Carreira terá lugar a Conferencia "Historia de Carreira segundo a tradición oral", a cargo de Juan Francisco Ramallo Dorca. Organiza a activa asociación veciñal de Carreira.

Posted via email from Certo.gl, o xornal dixital de Barbanza e Noia

Noia: subvención da Consellería de Economía para dotar de mobiliario urbano "con identidade propia" o casco histórico

• Dentro do proxecto, elaborado polo Concello, chamado Remocicar II, cun orzamento de 100.400 euros. Economía paga o 70% do montante e o Concello o 30%
• A concelleira de Comercio, Mónica González Eiras, di que este investimento "permitirá mellorar a imaxe do Casco Histórico e potenciar a zona comercial. Imos consensuar cos empresarios o programa a través da Mesa Local de Comercio"
• Preténdese crear unha liña de mobiliario propia para o casco vello noiés, que o diferencie do resto de Galicia
  

Noia, 7 de setembro de 2011. A Dirección Xeral de Comercio da Consellería de Economía e Industria da Xunta de Galicia vén de conceder unha subvención para equipamentos comerciais no Casco Histórico de Noia a través da convocatoria do programa de subvencións para a modernización de equipamentos comerciais: Ágora Recomercia 2011 para zona peonís comerciais. 

O proxecto realizado polo concello e denominado Remocicar II ten un orzamento de 100.400 euros e servirá para instalar mobiliario (bancos, bolardos, papeleiras, puntos de información ao consumidor, xardineiras), sinaléctica, iluminación de baixo consumo e outros elementos. A finalidade é crear unha liña de mobiliario propia para o Casco Histórico de Noia, e que permita homoxeneizar os distintos compoñentes do mobiliario público.

Un dos elementos afectados será a sinaléctica. Na imaxe, a sinalización de Pedrachán, proxecto premiado varias veces

A subvención da Dirección Xeral de Comercio cobre o 70% do orzamento de 100.400 euros, aportando o resto o Concello de Noia, e está  dividida en dúas anualidades, unha para o 2011 de 56.224,00 euros e para o 2012:  44.176,00 euros. 

A concelleira de Comercio Mónica González Eiras considera "moi importante este investimento xa que permitirá mellorar a imaxe do Casco Histórico e por tanto potenciar a zona comercial. Para eso consensuaremos coa Asociación de Empresarios Noia Histórica a implementación do programa a través de Mesa Local de Comercio. Debemos seguir traballando na mellora do noso casco histórico, para iso son esenciais este tipo de medidas que complementan outras liñas moi importantes como as de rehabilitación de vivendas no casco histórico que se levan desde a concellería de Urbanismo de Bieito González, para a mellora global do Casco Histórico que é un dos principais atractivos da nosa vila, ademais de concentrar boa parte da actividade comercial da mesma". 

Mobiliario identitario noiés

Noia conta con patrimonio e lendas abondo para fixar unha imaxe distinta do resto de Galicia

González Eiras destaca que unha das singularidades do proxecto é que os equipamentos comerciais que se instalarán serán deseñados especificamente para o casco histórico noiés, "fuxindo de elementos estándar que existen noutras vilas. Preténdese un mobiliario identitario propio do noso casco histórico; un casco histórico como o noiés precisa de elementos específicos diferenciados doutras zonas ou vilas para o que se creará unha liña identitaria exclusiva. Ademais tentaráse na medida do posible que os elementos sexan elaborados por artesáns da nosa vila". 

Na actualidade existe unha mestura de elementos de distintos estilos e marcas, e en moitos casos en mal estado, ou en número insuficiente, o que dá  unha imaxe deteriorada dos equipamentos públicos, "por iso neste programa preténdese crear unha liña homoxénea e coherente para todo o Casco Histórico, que vala para mellorar o servizo de cara aos veciños e dea unha excelente imaxe de cara a clientes e visitantes", remachou a concelleira.

Pode que tamén lle interese:

Urbanismo:  "fóra de ordenación", para arranxar as desfeitas do "ti vai facendo"

Rehabilitación: comeza a novena fase, con 22 actuacións

Arqueoloxía: Capítulo 0 adícalle unha entrada a Taramancos Vello

Ponte da Chaínza: están a destapala. Dous metros de altura no arco!

Posted via email from Certo.gl, o xornal dixital de Barbanza e Noia

Outes: este venres 9 de setembro preséntase "Aquelar", nova asociación cultural

Outes, 7 de setembro de 2011. Este venres, 9 de setembro, a partires das 21:30 terá lugar a presentación oficial da Asociación Cultural “ Aquelar”, que terá como principal foco de acción o concello de Outes.

O obxectivo principal desta organización é "marcar a axenda local no eido cultural, deportivo, músical e xuvenil en Outes", sinalan os responsables. Este sábado presentan a directiva, a cal será a encargada de
materializar todas aquelas ideas que xurden dentro da asociación cultural.

O acto de presentacións consistirá nunha foliada e ademáis os asistentes darán boa conta dunha churrascada de balde namentres soa música ambiental. O lugar elixido é o antigo Bar “ O Baixo”.

Antes, en Outes:

Arqueoloxía: "Terra de Outes" pronúnciase a prol da conservación completa do atopado en Taramancos Vello

Memoria histórica: quen era Luis Barrena?

Xardín da memoria: onde asasinaron a Barrena

Posted via email from Certo.gl, o xornal dixital de Barbanza e Noia

A Pobra: este venres, 9 de setembro, presentan "Coche Amarillo, Gorra de Plato, Ropa Tendida y Perro"

Boceto cartel presentación libro.pdf Download this file

A Pobra, 6 de setembro de 2011. O vindeiro venres 9 de setembro ás 21:00 h. vai ter lugar no auditorio do Museo Valle-Inclán, a presentación do libro “Coche Amarillo, Gorra de Plato, Ropa Tendida y Perro”, unha obra de tinguidura autobiográrfica escrita por María Isabel Muñoz Sotés, unha madrileña avogada e xornalista íntimamente ligada á Pobra do Caramiñal desde que, no ano 1955 veu pasar por primeira vez a tempada estival nesta vila xunto coa súa familia.. 

A través dun vocabulario sinxelo vai narrando as súas vivenzas desde a máis tenra infancia ata os derradeiros anos e consegue captar a nosa atención para levarnos ó longo de diversos episodios cos que non podemos evitar botar a vista atrás e darnos conta de tantas vivenzas que hoxe son tan habituais e que no seu tempo eran tan curiosas, como aquel no que describe como foi a unha inauguración de curso cunha amiga montada nunha vespa e acabou saíndo fotografada en xornais e revistas. 

Aínda hoxe segue achegándose María Isabel á Pobra no verán e noutras ocasións se lle resulta posible, e a mesma Pobra do Caramiñal axudouna en moitos momentos para atopar a inspiración que fixo posible que estas memorias viran a luz.

Posted via email from Certo.gl, o xornal dixital de Barbanza e Noia