A Pobra: o Psoe denuncia que o alcalde vende agora como "marabillosa actuación" unha proposta que tumbou hai anos porque a propoñía a oposición

glorieta Escurís 85747.pdf Download this file

A Pobra, 14 de agosto de 2012. Segundo denuncia hoxe en nota de prensa o Psoe pobrense, "hai uns anos, durante o goberno do bipartito, fracasou un proxecto de seguridade vial para A Pobra que incluía varias actuacións ó longo da AC-305. Este proxecto foi botado abaixo polo PP que, habelenciosamente foi quen de manipular aos veciños e veciñas afectad@s polo mesmo. Este proxecto incluía unha rotonda para redistribuír o tráfico na zona da Devesa, (Escurís), e afectaba naquel intre a unha finca cuxos propietarios presentaron alegacións ao mesmo".

 

Explica a voceira do Psoe, Teresa García, que "agora o alcalde do PP Isaac Maceiras aparece vendendo una “marabillosa” actuación que contempla a construción da mesma rotonda e con afección da devandita finca, cando no seu día prometeulle solucionarlle o asunto para non seren expropiados forzosamente. Unha vez máis, demóstrase que cando na Xunta goberna o seu partido Isaac di “Sí señor” e cando gobernamos os demais fai manipulación política e demagóxica para conseguir votos fáciles".

 

Ao respecto de dita actuación e ante a falta de información por parte do goberno local, o PSdeG a través dos deputados Pablo López Vidal e José Manuel Lage Tuñas presentaron no Parlamento de Galicia unha pregunta escrita sobre “as razóns, os datos e as previsións respecto da construción dunha rotonda glorieta na estrada AC-305 Padrón- Riveira no Concello da Pobra do Caramiñal (publicada no BOPG 734 o 18 de xullo de 2012”.

modo @certoenfurecido TANTA FESTA DO MARISCO NA POBRA E NON VIMOS A ISAAC MACEIRAS VESTIDO DE NÉCORA NIN AOS SEUS CONCELLEIROS DE GAMBAS eló

— Certo (@Certo) August 14, 2012

@certo XI Travesia a nado Concello de Porto do Son twitter.com/pacodomartelo/…

— Francisco Calo (@pacodomartelo) August 13, 2012

Sanidade: este martes 14, na Pobra, ás 20:30, acto lúdico-informativo en defensa da sanidade pública post.ly/8mfjt

— Certo (@Certo) August 13, 2012

Posted via email from Certo.gl, o xornal dixital de Barbanza e Noia

Ribeira: máis dun cento de rapaces no bautismo de vela do Náutico esta fin de semana

• Integrantes do Club e do Concello presentaron a iniciativa

 

Ribeira, 14 de agosto de 2012.- O concelleiro de Deportes, Juan Luis Martínez, presentou xunto ao vicepresidente do Club Náutico, Ramón Doval e o secretario da mesma entidade, Enrique Cores, o comezo dun curso de iniciación á vela que está aberto á participación de ata 120 rapaces, xa sexan veciños ou visitantes.

Segundo afirmou Enrique Cores, “o obxectivo desta acción é que os mozos coñezan o mar, se divirtan, descubran os segredos do mar e se animen a practicar este deporte”.

Semana do Mar

Esta iniciativa, organizada polo Concello coa colaboración do Club Náutico, adscríbese ao calendario da Semana do Mar, na que se está levando a cabo diferentes actividades relacionadas co mar como cursos de windsurf, piragua, a regata de dornas tradicionais “Dorna de Prata” e o Campionato Internacional de Salvamento e Socorrismo Ocean Mar.

Para realizar o bautismo de vela cóntase coas instalacións do club Náutico de Riveira e co material da escola de vela. Utilizaranse as embarcacións seguintes: unha Neumática, dous Raqueros e unha Omega. A actividade, que se desenrolará os días 18 e 19, é gratuíta e está dirixida a rapaces nacidos entre os anos 1998 e o 2005. A sesión de cada día dividirase nunha clase teórica, montaxe da embarcación e unha clase práctica. En total, a duración do curso será de catro horas. Como máximo haberá 15 alumnos en cada sesión, que estarán divididos nos seguintes horarios:

Mañá:  de 10:00 a 12:00 e de 12:00 a 14:00

Tarde:  de 16:00 a 18:00 e de 18:00 a 20:00

Será necesario que se fagan a reservas das prazas antes do día 18 de agosto para poder planificar a actividade.  Os teléfonos de contacto son 648187172 e 981874739 o e-mail escuelavela@nauticoriveira.com

España en llamas: la infomación que nunca se publicó yorokobu.es/espana-en-llam… Por qué tanto misterio?

— Ricardo Cana (@rcana) August 14, 2012

Arias Cañete en 7 claves: tiene participaciones en empresas petrolíferas, cobra trienios como Abogado del Estado... goo.gl/Wpe3S

— quehacenlosdiputados (@que_hacen) August 14, 2012

modo @certoenfurecido TANTA FESTA DO MARISCO NA POBRA E NON VIMOS A ISAAC MACEIRAS VESTIDO DE NÉCORA NIN AOS SEUS CONCELLEIROS DE GAMBAS eló

— Certo (@Certo) August 14, 2012

See the full gallery on Posterous

Posted via email from Certo.gl, o xornal dixital de Barbanza e Noia

Boiro: este domingo, 19 de agosto, IX Exaltación do Mexillón en Cabo de Cruz

Posted via email from Certo.gl, o xornal dixital de Barbanza e Noia

Rianxo: este venres 17 de agosto actúa a de Santa Cruz de Ribadulla no Ciclo de Bandas de Música

Rianxo, 13 de agosto de 2012. A Escola de Música de Rianxo organiza este verán xunto co Concello de Rianxo o seu VIII Ciclo de Bandas - Concello de Rianxo.

O terceiro concerto terá lugar esta fin de semana dentro da programación do Verán Cultural 2012.

• NOITE DE ZARZUELA
• CONCERTO DA BANDA DE MÚSICA DE SANTA CRUZ DE RIBADULLA
• Director: José Rodríguez Ramos
• Soprano: Aída López
• Tenor: Diego Neira

• DÍA: venres 17 de agosto
• HORA: 21:30 h
• LUGAR: Praza Rafael Dieste

O resto de bandas participantes son:

BANDA DA ESCOLA DE MÚSICA DE RIANXO 


UNHA NOITE DE AMOR CON LELA
25 DE AGOSTO ÁS 21H30 NA PRAZA RAFAEL DIESTE

Posted via email from Certo.gl, o xornal dixital de Barbanza e Noia

Ribeira: listas as rúas Torreiro, Baniarrego, Fontenova e Transversal en Corrubedo

•  Están todas nos arredores da área portuaria
  

 

Ribeira, 13 de agosto de 2012.- O Concello informa de que xa está rematada a actuación dirixida á humanización e recuperación do casco histórico de Corrubedo e que afectaba a catro rúas situadas nas inmediacións da área portuaria: trátase das rúas do Torreiro, Bandiarrego, Fonte Nova e transversal a Fonte Nova. En todas estas vías procedeuse á pavimentación, saneamento e renovación de pluviais.

 

As rúas citadas caracterízanse por posuír numerosas vivendas nas súas marxes e rexistran unha grande afluencia de peóns para acceder ás praias da zona (principalmente O Prado).

 

Co fin de adecuar e humanizar a zona de actuación, demoleuse o pavimento e colocouse lousas de granito combinadas con adoquíns de granito abuxardado. Ademais, puxéronse colectores de PVC compacto para residuos fecais e colectores de PVC corrugado para augas pluviais.

 

O orzamento desta actuación ascendeu a 121.038,90 euros e o prazo de execución foi de 4 meses. A empresa Nemesio Ordóñez foi a adxudicataria da obra, que se enmarcou dentro do Plan Provincial de Obras e Servizos (POS 2011) da Deputación de A Coruña.

Ribeira: Lajareu por Barlovento celebra este sábado 18 o trofeo "Dorna de prata" post.ly/8mijf

— Certo (@Certo) August 13, 2012

Sanidade: este martes 14, na Pobra, ás 20:30, acto lúdico-informativo en defensa da sanidade pública post.ly/8mfjt

— Certo (@Certo) August 13, 2012

LAS DIETAS FRAUDULENTAS QUE COBRA CAÑETE DEL CONGRESO POR FINGIR QUE NO VIVE EN MADRID SON CULPA DEL CALOR Y DEL DESCONTROL DE LAS CC. AA.

— masaenfurecida (@masaenfurecida) August 13, 2012

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: Lajareu por Barlovento celebra este sábado 18 o trofeo "Dorna de prata"

• Dentro da programación da Semana do Mar
  

Imaxe do blog de Lajareu por Barlovento, en http://lajareu.blogspot.com.es/
 

Ribeira, 13 de agosto de 2012.- Dentro do programa da Semana do Mar e como actividade complementaria da feira Artemar Ribeira, a asociación cultural Lajareu por Barlovento organiza para este sábado día 18 de agosto a súa tradicional Regata do Carme ‘Trofeo Dorna de Prata”, unha iniciativa que conta coa colaboración do Concello.

Como é sabido, dende a constitución da citada asociación foi interese da mesma a recuperación da antiga Regata do Carme que disputaban os mariñeiros de Santa Uxía nas datas da festividade dende mediados dos anos cincuenta.

Con tal motivo, a entidade chegou a un acordo de colaboración co Concello que permitiu instituír o Trofeo Dorna de Prata, buscando que a participación doutros pobos da ría fose o máis numerosa posible así como a potenciación da relación dos pobos mariñeiros onde a dorna, como embarcación emblemática galega, aínda forma parte do seu patrimonio vivo.

O trofeo da Dorna de Prata consiste nunha figura labrada en prata dunha dorna coa fasquía típica das dornas desta banda da ría. Conséquena en depósito por un ano o club ou asociación de regatistas en que as súas tres primeiras dornas acaden a mellor puntuación.

Regulamentación

As inscricións –que son gratuítas- poderán realizarse no local social da asociación Lajareu por Barlovento, sito no peirao deportivo, ou na embarcación do xuiz de regata.

A data límite para apuntarse é o día 18 agosto, ata a primeira pitada antes da saída da proba. Ás 12 do mediodía abrirase a oficina de regatas e iniciarase o rexistro dos participantes. Ás 16.30 horas dará inicio a regata, cuxa hora de remate prevese para as 19.30 horas. A continuación terá lugar a entrega de trofeos.

En canto aos premios, porase en xogo a referida Dorna de Prata, que se entregará en depósito ao club vencedor e será exhibida en depósito no Concello correspondente por un tempo dun ano. Ademais, entregarase un trofeo a cada un dos tripulantes das cinco primeiras dornas clasificadas e un recordo da regata a todos os participantes.

Relacionada:

• Ribeira: windsurf, vela e piragüismo na Semana do Mar, do 13 ao 17 de agosto

Posted via email from Certo.gl, o xornal dixital de Barbanza e Noia

Muros: Compromiso X Galicia critica a PP e PSOE polo "esquecemento" deste concello á hora de gobernar

Muros, 13 de agosto de 2012. A precampaña segue quentándose en toda Galicia, e estas bisbarras non ían ser menos. Logo dos mítines que Feijóo e conselleiros do PP lanzan en cada inauguración que poden, tamén os partidos pequenos, como é o caso de Compromiso X Galicia, queren dar a coñecer aos cidadáns as súas propostas. O pasado venres en Muros foi esta formación recén creada a que fixo unha valoración da situación política a nivel comarcal e nacional. Manuel González, membro da executiva nacional de Compromiso X Galicia, explicou que esta formación conta con representación institucional en Lousame, en Outes e en Muros e sinalou que en todas as localidades da comarca existen agrupacións locais que xa levan certo tempo en funcionamento.

Henrique Monteagudo foi quen fixo unha exposición sobre o espírito de Compromiso X Galicia. Apuntou "a necesidade de que sexan os cidadáns sen clara vocación política os que a través deste novo partido tomen as rendas, xa que os partidos tradicionais (PP, PSOE E BNG) non foron capaces". Comentou ademais que Compromiso preséntase como "a casa común dos galeguistas e dos transformadores, collendo as achegas do galeguismo político e o soberanismo cívico, o progresismo inclusivo e a esquerda renovadora". Monteagudo asegurou que Compromiso impulsará a rexeneración da vida pública e a reforma das institucións e promoverá a participación cidadá na política, "asumindo como principios básicos a responsabilidade, a transparencia e a esixencia ética no desempeño de cargos públicos".

Tanto o PP como o Psoe se esquenceron de Muros

Por último, María Xosé Alfonso, portavoz e concelleira do Grupo Nacionalista de Muros e integrante de Compromiso X Galicia, presentou a realidade do concello. En primeiro lugar criticou a "falta de compromiso do goberno de Núñez Feijóo con Muros, xa que asegurou que “en Muros, como non goberna o PP, a Xunta esquécese dos compromisos adquiridos con este concello”. O primeiro olvido é o centro de día, construído hai xa bastante tempo e que non está en funcionamento. Outro exemplo deste esquecemento é a escola infantil que pese a ter todos os procedementos burocráticos avanzados segue sen poñerse en marcha. Pero non atacou só ao PP, senón que asegurou que "o goberno de Caridade González tamén se esqueceu deste noso concello de Muros” Puxo como exemplo desta parálise do goberno municipal socialista os orzamentos aprobados o pasado mes, "nos que grazas a abstención dos concelleiros nacionalistas se puideron aprobar". Dixo que se abstiveran porque aceptaron case todos os cambios que se plantexaban pola banda dos nacionalistas. Ademais, a concelleira nacionalista criticou o prezo dos amarres e comprometeuse a buscar unha solución a este problema que trae de cabeza a varios usuarios do porto muradano.

Máis información de Compromiso X Galicia:

Perfil Facebook

www.compromisoxgalicia.org

Posted via email from Certo.gl, o xornal dixital de Barbanza e Noia

Sanidade: este martes 14, na Pobra, ás 20:30, acto lúdico-informativo en defensa da sanidade pública

O Cantón da Leña é onde está a estatua de Valle, ao pé do museo do escritor

A Pobra, 13 de agosto de 2012. Mañá, martes 14 de agosto, ás 20.30 horas, na praza do Cantón da Leña, vai ter lugar un novo acto lúdico-informativo da Plataforma en Defensa da Sanidade Pública da comarca da Barbanza.

Como noutros actos semellantes, explicarán como nos afecta o decreto 16/2012 de abril a toda a cidadanía.

Posted via email from Certo.gl, o xornal dixital de Barbanza e Noia

Noia: o Concello pide que non desaparezan as oficinas liquidadoras dos Rexistros da Propiedade

PROPOSTA ALCALDIA.pdf Download this file

Outro dos servizos que pode cambiar coas novas propostas é o dos xulgados, pero desta volta Noia veríase beneficiada

Noia, 13 de agosto de 2012. A Xunta de Goberno Local deste Concello, que se vai a celebrar esta semana, adoptará, entre outros acordos, o relativo á esixencia á Xunta de Galicia da permanencia da Oficina Liquidadora do Rexistro da Propiedade de Noia.

A Xunta, segundo explica o Concello en nota de prensa, "ten a intención de non proceder á renovación do convenio que expira o 31 de decembro deste ano, en virtude do cal, os Rexistros da Propiedade prestaban os servizos, entre outros, de oficinas liquidadoras de diferentes tasas e impostos. Esta medida afectaríalle a todos os Rexistros da Propiedade, excepto aos das cidades da Coruña, Vigo, Lugo, Ourense, Pontevedra e Santiago. De proceder por parte do goberno galego á desaparición destas oficinas liquidadoras o Rexistro da Propiedade de vilas e cabeceiras de comarca pasarán a ser meros receptores, obrigando aos veciños interesados a acudir ás cidades antes citadas para realizar os trámites relacionados coa liquidación, ademais de perder o resto dos servizos que se lles viñan prestando".

En contra do equilibrio territorial

Para o tripartito noiés, "trátase dunha medida que vai claramente en contra do proceso de comarcalización dos servizos, e do equilibrio territorial, e demostra o nulo interese do goberno galego polo mantemento de poboación e actividade económica nas cabeceiras de comarca, nas vilas e nas aldeas; poñendo de manifesto un xeito de facer política que priva aos cidadáns destes lugares de disfrutar de máis servizos, incrementando a súa dependencia das grandes cidades".

No acordo que se vai adoptar na Xunta de Goberno Local a celebrar no día de mañá, ínstase á Xunta de GaliCIa a revocar a súa determinación de suprimir as funcións de oficinas liquidadoras que se realizan a través dos Rexistros da Propiedade de vilas e cabeceiras de comarcas, e que se renoven os convenios asinados até agora, nomeadamente o lle afecta a Noia.

Pode que tamén lle interese:

San Bartolomeu 2012: do xoves 23 ao domingo 26 de agosto

Fotografía: "De Sanxenxo ao Sáhara", no claustro en agosto

Posted via email from Certo.gl, o xornal dixital de Barbanza e Noia

Política: o Psoe pide transparencia e que se aclare "a farsa de Pilar Rojo cos coches oficiais"

• Lage Tuñas di que o PP que goberna a Xunta "non pode agocharse" e pide explicacións sobre o anuncio da presidenta do Parlamento de que hai un ano se eliminaban coches oficiais que resulta están en activo
• O Psoe reclama a Feijóo "transparencia" na administración autonómica para que os cidadáns recuperen a credibilidade na política
• Tuñas argumenta que a mentira da eliminación dos coches oficiais "é un bo exemplo da política propagandística do PP e da falsa austeridade de Feijóo"
  

Noia, 11 de agosto de 2012. A precampaña vén nesta ocasión tan polémica como a anterior, e cos mesmos obxectos: coches oficiais que están pero que din que non están e a oposición denunciando os feitos. Daquela era Feijóo acusando a Touriño, agora é ao revés, o Psoe acusando a Feijóo. O responsable da Área Institucional do Grupo Socialista, José Manuel Lage Tuñas respostou esta mañá ao Partido Popular de Galicia ao fío da pólemica aberta sobre o engano da Presidenta do Parlamento sobre a renuncia aos vehículos oficiais do Parlamento.

Lage tuñas tamén reclamou hoxe a Núñez Feijóo “transparencia” na administracción autonómica “para que os cidadáns poidan recuperar a credibilidade na política” e dixo que agarda que o PP se sume á proposta socialista para garantizar o acceso dos cidadáns aos documentos públicos

Os socialistas galegos revelaron no día de onte que “a Presidenta do Parlamento mentiulle aos galegos cando anunciou que renunciaba a flota de vehículos oficiais dos que dispoñía o parlamento fai un ano”.

Lage Tuñas considera que “o Partido Popular non pode agocharse diante da farsa de Pilar Rojo que fai un ano anunciou a eliminación dos coches oficiais do Parlamento e agora descúbrese que era mentira. Non debería pasar un día máis sin que o PP lle explique aos galegos como poden seguir mantendo a mesma flota de coches oficiais un ano despois de ter anunciado a súa eliminación”, sinala.

Feito da máxima gravidade

“Estamos diante dun feito da máxima gravidade” apunta Lage Tuñas e engade que “non vale tirar balóns fóra nin descalificar aos que descubren o engano, o que toca é que a Presidenta do Parlamento explique con urxencia as razóns polas que lle mentiu as galegas e aos galegos”.

“O PP non está en condicións de dar ningún tipo de lección mentras non aclare este asunto”.

O Portavoz da Área Institucional do Grupo Socialista vai máis alá e asegura que na “mentira da eliminación dos coches oficiais” pódese ver un bo exemplo da política propagandística do PP e da “falsa austeridade de Feijóo”.

O deputado socialista advertiu esta mañá ao Partido Popular que “a dereita non me vai a silenciar por moito que intente atacarme persoalmente. Cumplo coa miña obriga como deputado facendo propostas e fiscalizando como se gasta o diñeiro público”.

Feijóo e a transparencia

Lage Tuñas aposta ademais por dotar aos galegos cunha lei “que garanta a tódolos cidadáns o acceso a documentos públicos como xa pasa en moitos países de Europa e así evitar as mentiras e enganos propagandísticos como o da eliminación dos coches oficiais de Rojo”.

O deputado socialista defende dotar a Galicia “cunha Lei que garanta o acceso dos galegos e galegas a toda a información e documentación da administración pública.”

O responsable socialista considera que esta iniciativa incrementaría a capacidade de control e fiscalización da xestións dos recursos públicos por parte dos cidadáns e dos medios de comunicación social, “fortalecendo e ampliando a transparencia das nosas institucións”.

“Ningún representante público debería opoñerse a esta proposta, xa que a recuperación da credibilidade da política está en xogo”, alerta Lage Tuñas.

“Canta menos transparencia e máis zonas oscuras na política menos crédito entre os cidadáns. Nin a Xunta nin o Parlamento deben de ter zonas escuras nin espazos de sombra a ollos da cidadanía”, engadiu. Así, o parlamentario socialista apuntou que “non é de recibo nin xustificable que por exemplo que non se coñeza o convenio asinado polo presidente Feijóo coa compañía PEMEX, ou que se descoñeza o orzamento e a licitación das obras que hoxe se están levando a cabo no Parlamento por parte da presidenta do Parlamento”.

Explicou que “o PP está ocultando informes e documentos aos que debería ter acceso a cidadanía galega” e por iso reclama “transparencia e garantías para tódolos cidadáns no acceso á información pública.

Posted via email from Certo.gl, o xornal dixital de Barbanza e Noia