A Pobra do Caramiñal: do 14 ao 17 de setembro, Festas do Nazareno

Unha semana antes, en Rianxo:

• Rianxo: cartel das Festas da Guadalupe, do 7 ao 14 de setembro

See the full gallery on Posterous

Posted via email from Certo.gl, o xornal dixital de Barbanza e Noia

Porto do Son: a parede da "desfeita urbanística" da Arnela conta xa cun novo mural

Imaxes cortesía de Paco do Martelo

• Nunha das paredes máis vistas por todos os que atravesamos Porto do Son en vehículo agora acumúlanse entullos e lixo
  

Porto do Son, 24 de agosto de 2012. O ano pasado informamos da aparición dun primeiro mural:

Agora, a éste súmase outro máis, pintado tamén polos integrantes do campamento xuvenil que hai ao pé, como actividade artística. Mais ese sofá que leva tempo esquecido sen retirar polo Concello e o lixo e entullos que o acompañan deslocen o novo aspecto do muro.

Desfeita urbanística e vergoña política

Por que o bautizamos como a "parede da desfeita urbanística"? Esta foto explícao todo:

Logo pasou a ser o "muro da desvergoña política": namentres unha das promesas típicas dos políticos é manter limpa a súa vila, e cánsanse namentres están na oposición de criticar por estes asuntos, cando chega a campaña electoral non lles importa poñer os currunchos dos seus municipios así:

See the full gallery on Posterous

Posted via email from Certo.gl, o xornal dixital de Barbanza e Noia

Noia: o Festival Cantón Jazz, Blues & Funky celébrase o 30 e 31 de agosto e 1 de setembro

Noia, 24 de agosto de 2012. O III Cantón Jazz, Blues & Funky terá lugar os días 30 (xoves) e 31 (venres) de agosto, e o 1 de setembro (sábado). Aínda que adiantamos o cartel, a presentación será a vindeira semana na propia praza do Cantón de Noia.

O máis salientable desta edición é que o noiés Kin García presentará seu novo traballo discográfico ("Accipiter Gentilis"); The Lákazans, logo de trunfar no Curota Sound, achégase a conquistar Noia, co seu líder á fronte, o JRAN Fran Velo, integrante de Heredeiros da Crus e, para rematar, unha curiosa e potente fusión do funk co rock que traen os vigueses Phantom Club Band, que interpretarán temas do seu último disco, "Muchas noches, buenas gracias".

Os concertos son de balde e sufragados polos locais da praza: Tasca Típica, Resto Pub Trócolo  e Cafetería Babilonia, segundo informa o director artístico deste festival, Pablo Sax.

Posted via email from Certo.gl, o xornal dixital de Barbanza e Noia

Ribeira: novo aspecto do Carreiro en Aguiño

•  Colocaron cinco bancos e dúas balaustradas nas pontes
  

 

Aguiño, 24 de agosto de 2012.- O Concello informa da nova colocación de cinco bancos ao longo do Carreiro de Aguiño e de dúas balaustradas nas pontes do dique.  

 

Trala demanda dos veciños, decidiuse pór asentos para o descanso e acondicionar as pasarelas cuns quitamedos coa fin de ofrecer unha maior seguridade aos paseantes.

 

Ademais, o Concello púxose en contacto con Portos de Galicia para que se restableza a iluminación ao longo do camiño.

Ribeira: suspendida, por chuvia, a ximcana que se ía facer no Ceip Frións. Queda para a vindeira semana.

— Certo (@Certo) August 24, 2012

Así que el Gobierno de Rajoy lo formaban números uno, premios extraordinarios y gentes con brillantes carreras en EEUU...

— Carlos Taibo (@carlos_taibo) August 24, 2012

Solo la Administración del Estado se gasta 1,5 millones en el combustible de los coches oficiales bit.ly/PG0Dbn #15M

— Democracia real YA! (@democraciareal) August 24, 2012

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: unha nena de Chernobil recupérase durante o verán na cidade

•  Foi recibida hoxe polo alcalde, inda que xa leva tres anos vindo
  

 

Ribeira, 23 de agosto de 2012.- Maria Sheveleva Viktorovna ten só dez anos pero xa coñece as consecuencias do desastre sufrido en Chernobil. Afortunadamente agrupacións como a Asociación Ledicia Cativa fan que a saúde de rapaces, que se encontran na mesma situación que Maria, mellore considerablemente a través da acollida por parte de familias galegas durante o verán.

 

Este xa é o terceiro ano que a pequena vén a Ribeira, grazas á asociación, e pasa os meses de xullo e agosto coa familia de José Urbano Mariño Lago, quen asegurou que a nena “no verán pasado creceu ata tres centímetros e engordou catro kilos”.

 

Manuel Ruiz Rivas recibiu hoxe, xunto co edil de Servizos Sociais, Vicente Mariño, tanto ao pai como á rapaza na Casa Consistorial de Riveira para ofrecerlle un agasallo e animalos a seguir repetindo a iniciativa. Durante o encontro Maria respondeu a tódalas preguntas que lle fixo o alcalde nun perfecto castelán, asegurándolle que o que máis lle gustaba era ir á praia do Castro e ás cafeterías.  

 

Efectos beneficiosos

O clima e o aire limpo da zona ten efectos moi beneficiosos nos nenos afectados pola radiación. A esperanza de vida aumenta en dou anos e reducen as consecuencias da radioactividade no seu desenvolvemento entre un 30 e un 40% por cada verán que pasan aquí.

 

As persoas afectadas pola contaminación nuclear teñen unha esperanza de vida de 59 anos, ademais de contar con máis posibilidades de ter cáncer, danos graves no sistema nervioso e as defensas máis baixas.

Relacionada:

• Sanidade: din que é impresentable e inaceptable o que o goberno do PP quere facer cos inmigrantes

Ribeira: o San Cristovo recupérase este domingo 26 logo de corenta anos sen celebrarse post.ly/8yowe

— Certo (@Certo) August 23, 2012

Ribeira: este sábado 25 de agosto preséntase a novela de fantasía "La alianza de los tres soles", de Roberto Alhambra post.ly/8nXNz

— Certo (@Certo) August 23, 2012

 

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: roteiro de museos e ximcana de neurociencia para escolares

Ribeira, 23 de agosto de 2012.- Hoxe a edil de Cultura Elvira Pisos e o concelleiro de Turismo Anxo Orellán entregaron uns agasallos a preto de 50 rapaces que participaron nunha ruta polos museos de Ribeira integrada na VII Xornada de Sensibilización á Poboación Infantil e organizada dentro do programa Verán Cultural.

Os presentes estaban compostos por dous póster, diversos folletos informativos sobre o noso entorno, unha guía básica das árbores, un bolígrafo e un paquetiño con sementes para plantar. O mes pasado organizouse unha ruta por muíños e agora os rapaces tiveron a oportunidade de coñecer os diferentes museos do Concello, visitando o Centro de Interpretación e Parque de San Roque, o Museo do Gravado de Artes e o Museo Etnográfico de Artes.

Ademais fixeron diversos xogos, unha pequena ruta de sendeirismo, actividades predeportivas e animación, xa que segundo salientou Elvira Pisos, “a mellor forma de aprender é xogando”.

Ximcana de neurociencia e sensibilización sobre doazón de órganos e sangue

Por outra banda, a mesma Concellería de Cultura e Festexos, organiza, dentro da programación do VERÁN CULTURAL 2012 e nos obradoiros Verán Rechinán de Aguiño e Xoga con Nós de Riveira (CEIP Frións), coordinados polo Técnico de Cultura, Unai González Suárez, unha xincana sobre a neurociencia e a sensibilización sobre a doazón de órganos e sangue.

A iniciativa  persegue sensibilizar aos participantes (nenos e nenas de 2 a 7 anos) da importancia da saúde, da sanidade e da solidariedade na doación de órganos e sangue que salvan millerios de vidas diariamente en todo o mundo, estando Galicia e España á cabeza internacional deste tipo de doazóns.

A actividade levarase a cabo coma sempre, de xeito lúdico con animación e divertimento adaptado aos distintos grupos de idade participantes nos obradoiros (25 nenos/as en Aguiño e 130 nenos/as en Frións).

Levaranse a cabo 5 estacións nas que se traballaran os 5 sentidos: olfacto, oído, tacto, gusto e vista.

Na primeira deberán identificar olores cos ollos tapados, na vista deberan facer carreiras para coller as siluetas que se lle sinalen dunha caixa. No gusto, deberán probar diferentes sabores, igual que  no olfacto, nun saboreando e noutro arrecendo. No oído, farán un bingo de sons animais cotiáns.

A xincana comezará  as 1:00 h no CEIP Frións para os obradoiros Xoga con Nós. En Aguiño, comezará ás 10:00; pararán ás 11:00 h e retomarán as 11:30 h ata rematar.

Ao final da ximcana tanto en Frions como en Aguiño, farán un pin (insignia para colgar no peito, tipo chapiña), coa mascota da doazón de sangue do Centro de Transfusión de Galicia, que se chama “Pinga” é é unha gota de sangue animada. Ao mesmo tempo que realizan esta manualidade explicaráselles a importancia da doazón de sangue e órganos, indicando que España é pais punteiro (incluso agora mesmo, o número un) como doador. En caso de que chova, a actividade trasladarase a un día da vindeira semana.

Entrevistamos a Roberto Alhambra, autor de "La Alianza de los Tres Soles". Lo presenta este sábado 25 en Ribeira certo.es/index.php?page…

— Certo (@Certo) August 23, 2012

Ribeira: o San Cristovo recupérase este domingo 26 logo de corenta anos sen celebrarse post.ly/8yowe

— Certo (@Certo) August 23, 2012

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: o San Cristovo recupérase este domingo 26 logo de corenta anos sen celebrarse

•  É o patrón dos automobilistas -daí a beizón de vehículos- e de varios oficios
• Hai diversas historias deste santo, a maior parte delas copiadas de lendas pagás antiquísimas, da zona de Exipto (de África, non de Boiro)
  

 

Ribeira, 22 de agosto de 2012.- Este domingo, 26 de agosto, o San Cristovo volverá a percorrer as rúas do municipio tras pasar 40 anos dende a última celebración do seu día.

 

A edil de Cultura, Elvira Pisos, o edil de Seguridade e mobilidade cidadá, Víctor Reiriz, presentou hoxe o acto, que está coorganizado polo Concello e a Asociación Alfaia, xunto con as representantes da organización Puri Cores e Mª José Carreira.

 

A iniciativa xurdiu pola demanda dos veciños, polo que Puri Cores animounos a “que colaboren coa celebración pendurando bandeiras de España nos balcóns e ventás das casas por onde vaia a pasar a procesión”.

 

Pola súa parte, Mª José Carreira pediu que se unisen ao acto tódolos transportistas de Ribeira, xa que San Cristovo é o seu patrón. Ademais, salientou o feito de que “nesta edición os actos litúrxicos estarán dedicados ós falecidos por accidente de tráfico durante estes últimos 40 anos”.

 

Programa

O horario dos actos que se levarán a cabo no día de San Cristovo é:

10 horas – Ruada co grupo de gaitas “A Gandaina de Palmeira”

12 horas – Concentración de vehículos no Malecón, para súa Bendición.

12.30 horas – Misa Solemne na Honra de  San Cristovo, na igrexa de Santa Uxía, cantada pola “Coral Polifónica do Círculo Mercantil e Industrial de Ribeira”, dirixida por Antonio Fernández. Posterior procesión acompañada polo grupo de gaitas “A Gandaina de Palmeira”, con saída do Adro da Igrexa, Rúa de Galicia, Paseo do Malecón, Avda. García Bayón, Cruce de Padín, Rúa da Barreira, Avda. Miguel Rodríguez Bautista, Rúa Rosalía de Castro e Praza de Otero Goyanes (igrexa).

Lenda do San Cristovo

Teñen unha entrada moi completa na Wikipedia, aquí

Manuel Venator fala en "Soldaditos de papel" da recente sentenza a un maltratator condecorado en Afganistán certo.es/index.php?page… En fin...

— Certo (@Certo) August 23, 2012

Ribeira: ata o 27 de agosto para inscribirse na X Andaina Popular do 1 de setembro post.ly/8wt6k

— Certo (@Certo) August 21, 2012

Ribeira: o xoves 23, o gaiteiro Henrique Otero actúa no Ateneo Valle-Inclán ás seis da tarde post.ly/8wsZf

— Certo (@Certo) August 21, 2012

See the full gallery on Posterous

Posted via email from Certo.gl, o xornal dixital de Barbanza e Noia

Boiro: "Stop Desahucios" loita por impedir a poxa por unha vivenda da que queren desaloxar a catro membros dunha familia

O edificio non se corresponde coa información

Boiro, 22 de agosto de 2012. A plataforma Stop Desahucios do Barbanza vén de anunciar hoxe que nos vindeiros días vai presentar un escrito ante o Xulgado de 1ª Instancia de Ribeira para que se paralice a poxa dunha vivenda que, de non ocorrer doutro xeito, terá lugar o vindeiro 4 de outubro.

O procedemento de execución hipotecaria foi iniciado en 2009, por parte da agora desaparecida Caixa Galicia. Segundo explican dende a plataforma, este expediente é "un tanto anómalo toda vez que no seu momento o titular do préstamo hipotecario quixo, de xeito voluntario, ingresar unha cantidade de cartos na conta corrente para poder facer fronte ás cotas atrasadas do préstamo e o director daquela sucursal non llo permitiu, segundo consta nunha acta de requeremento notarial".

A familia boirense á que se pretende desafiuzar ten catro membros, dos cales só un obtén ingresos económicos para a unidade familiar. A plataforma "Stop Desahucios" está en contacto permanente e en negociacións cos máximos responsables da entidade financieira -hoxe o NovaGalicia Banco- para chegar a un acordo satisfactorio para ambas partes e evitar que siga o procedemento xudicial de execución hipotecaria e, porén, o desaloxo desta humilde familia barbanzana.

Antes, en Certo:

• Barbanza: "Stop Desahucios" percura sinaturas para evitar desaloxos. Vai por 700

Posted via email from Certo.gl, o xornal dixital de Barbanza e Noia

Noia: este xoves 23 preséntase "Latexos", poemario de Fdez Da Ponte que se agasalla na presentación

Noia, 22 de agosto de 2012. Mañá, xoves, 23 de agosto, terá lugar a presentación do poemario "Latexos", con composicións do autor estradense José Fernández da Ponte, en galego e castelán.

Será ás doce da mañá na casa da cultura "Avilés de Taramancos" e todos os asistentes obterán un exemplar do poemario.

Quen era Xosé Fernández da Ponte?

Nado en Tabeirós (A Estrada) en 1901. Estudou en Santiago de Compostela e exerceu o ensino privado en Lalín e A Baña. No ano 1923 obteu praza como mestre nas oposicións, quedando en Vinseiro (A Estrada). Na súa estancia como mestre nesa parroquia foi nomeado “Socio de Honor” pola “Sociedade de Hijos del Ayuntamiento de A Estrada” de Cuba. Tamén foi secretario do Sindicato  Agrícola e director durante nove meses do xornal “El emigrado”. No ano 1963 foille concedida “A cruz de Alfonso X, O Sabio”. Morreu na Baña no ano 1989, concello que nos é familiar estes días polo pasamento de Avelino Pousa Antelo, patriarca do galeguismo, que alí naceu en 1914.
(Foto do escritor e biografía tirada de "As nosas letras")

Que relación ten con Noia?

Un dos fillos de Xosé Fdez Da Ponte é Gustavo Fernández Da Ponte, o principal impulsor da reedición deste poemario como homenaxe a seu pai. Percorreu todos os lugares onde traballou seu pai e recompilou os poemas que agora están editados coa axuda do Concello de Noia. Gustavo Fernández vive en Bergondo, onde foi mestre durante moitos anos no colexio Felipe de Castro. Estará na presentación do libro, acompañado polo concelleiro de Cultura, Javier Rodríguez Vieites; polo profesor e escritor X. Amancio Liñares Giraut e por outro irmán seu, Baltasar Fernández da Ponte.

O acto terá unha clausura musical a cargo do grupo Saxtunes, logo do cal se agasallará aos asistentes cun exemplar de "Latexos".

 

                                                       

 

Posted via email from Certo.gl, o xornal dixital de Barbanza e Noia

Boiro: avance de programación do San Ramón de Bealo, do xoves 30 de agosto ao luns 3 de setembro

Xoves 30 de Agosto

Misa ás 11:30 horas con procesión dende igrexa de San Pedro ata capela do San Ramón.
Misa ás 12:00 horas, solemne, na honra do San Gregorio.

Verbena: de noite, coas orquestras Atenas e Combo Dominicano. Actuará tamén o grupo barbanzano The Lacazáns.

Venres 31
Día grande do San Ramón

Misas rezadas toda a mañá dende as oito. Solemne á unha da tarde no campo da Carballeira, coa procesión.

Verbena: orquestras Armonía Show e Cinema.

Sábado 1 de setembro

Misa: ás 12:30 horas na honra do San Roque, con procesión.

Verbena: orquestras Midas e Nebraska.

Domingo 2 de setembro

Misa: ás 11:30 horas a misa cantada e procesión da Virxe das Dores.
Verbena: Gran Parada e Samba.

Luns 3 de setembro

Misa: ás 11:30 horas, solemne na honra da Milagrosa. Logo, volta dos santos á igrexa parroquial en procesión.
Verbena fin de festa: Charleston Big Band e Paladium.

Domingo 9 de setembro:

O San Ramonciño pequeno: hai degustación de polbo e viño a prezos arranxados.

Posted via email from Certo.gl, o xornal dixital de Barbanza e Noia