7.11.12

A Pobra: denuncian o desleixo do Campo da Alta, inaugurado hai cinco anos

A Pobra do Caramiñal, 7 de novembro de 2012. Segundo denuncia hoxe en nota de prensa o Psoe pobrense, "con data do 18 de setembro do ano 2007, o alcalde Isaac Maceiras, e o entonces presidente da Deputación, o socialista Salvador Fernández Moreda, acompañados por unha ampla comitiva inauguraban o campo da Alta. As obras consistiron na renovación por completo do terreo de herba natural, dotar ao estadio dun novo sistema de rego e drenaxe, ademais da instalación dunha varanda, o pintado de muros e campo e reformas nos vestiarios. Estas obras tiveron un custe de 260.000 euros pagados exclusivamente pola Deputación".

Lameira cheirenta

Os socialistas aseguran que pasou só un lustro "e o campo de fútbol xa está destrozado pola falta de mantemento. Cando chove o céspede é unha auténtica lameira, e sen non chove desprende cheiro pola acumulación da auga, hai malas herbas en vez de céspede ademais de numerosas calvas no mesmo".

"Como vimos dicindo dende hai anos, o mantemento das instalacións municipais é deficiente, cortase a herba soamente unha vez ó mes, o rego continúa funcionando aínda que chova e ninguén o vixía, non se trincha o terreo de xogo, a varanda que circunda o campo está apuntalada para que non caia, a rede perimetral para evitar que os balóns saian fora está esnaquizada ou non existe, o pintado do campo o teñen que facer os equipos, etcétera".

Queixas dos clubs

O Psoe asegura que os clubs "levan anos queixándose e advertindo dos problemas do campo aos responsables do goberno municipal para tratar de evitar o deterioro, sen que os responsables municipais fagan algo ó respecto. Como é costume deste equipo de goberno non se adoptan medidas correctoras e continúa un ano máis o deterioro do campo. Tal abandono está permitindo que os arredores, e mesmo o campo, sexan utilizados como almacén de sinais, vallas e de outros materiais do Concello, que non deberan estar no interior dun recinto deste tipo. O mesmo abandono sofren as pistas de atletismo con valos crebados, os valos de obstáculos cheos de lixo ou a escala dos xuíces destruída", como se pode observar nas imaxes que aporta o grupo municipal socialista.

See the full gallery on Posterous

Posted via email from Certo.gl, o xornal dixital de Barbanza e Noia

A Pobra: denuncian o desleixo do Campo da Alta, inaugurado hai cinco anos

Lameira cheirenta

Queixas dos clubs

See the full gallery on Posterous

Posted via email from Certo.gl, o xornal dixital de Barbanza e Noia

Noia: o Concello márcase como obxectivo solventar os problemas de auga e saneamento en Labarta logo de cumprirse un ano sen crebas na traída xeral

A concelleira de Obras e Servizos, Marisa Lorenzo Blanco, realizou un balance moi positivo do funcionamento da nova traída xeral

Noia, 7 de novembro de 2012. Hai un ano, a finais de outubro de 2011, rematouse a obra da nova canalización de auga dende a Estación de Tratamento de Auga Potable ao centro urbano de Noia, cun investimento de 350 mil euros. A tubaxe foi en fundición todo o tramo desde a Estación de tratamento de Augas (en Vilarvello) ata a Ponte de San Lázaro. Procedeuse a eliminar a vella canalización de fibrocemento, totalmente escachada e con perdas neste tramo que superaban o 40% do caudal. Esta actuación foi feita por administración polo Concello, coa conseguinte contratación de persoal para esta obra.

Segundo informou a concelleira, "desde que finalizou a obra, hai un ano, non houbo ningunha avaría nin corte no subministro xeral. Se ben aínda existen zonas na rede secundaria que padecen moitos cortes, especialmente na zona de Labarta, na canalización principal non se interrumpiu nin unha soa vez o subministro".

Cero avarías

Para Lorenzo Blanco a principal mellora está no indicador de crebas: "a media antes desta intervención superaba máis dunha rotura ao mes, deixando a toda a vila sen o subministro de auga potable. Neste último ano pasouse a cero avarías".

Outra das zonas da rede secundaria con máis problemas, Bergondo, está nestes momentos en obras, coa substitución de máis 1.944 metros canalización de auga en fibrocemento a PVC (ademais de obras de saneamento e melloras na estrada). Prevéndose a finalización das obras para o mes de xaneiro.

Ademais da eliminación total das roturas na rede principal, reducíronse notablemente as perdas, aumentando a presión na rede de subministro de auga municipal. E por outra banda o cambio de canalización, eliminou as filtracións evitando a entrada de lixo na rede. O principal incidente no último ano foi a turbidez no subministro municipal de auga producida no mes de outubro deste ano por mor dun vertido ilegal no río San Xusto, debido a un recheo no Concello de Lousame.

A concelleira de Obras e Servizos de Noia, Marisa Lorenzo, tamén sinala a mellora do subministro de auga na Zona Histórica desde que se instalou unha válvula redutora que reduciu a presión e evitou as constantes crebas na zona.

O obxectivo para o 2013 é solucionar definitivamente os problemas de auga e saneamento na zona de Labarta, rematou.

Onte, en Certo:

Libro: o técnico de Drogodependencias de Noia, David Saavedra, presenta un este vernes 9 en Catoira

Noia-Muros: vareada de Europa ao goberno de Feijóo pola nefasta xestión das gaiolas de salmón na ría

Noia: o Concello promete reabrir a piscina en decembro se ten que resgatar a concesión

Posted via email from Certo.gl, o xornal dixital de Barbanza e Noia

6.11.12

Música: "Forraje" dá un concerto o sábado 17 na sala Aquarium de Xuño, en Porto do Son

Presentan en primicia os temas do seu cuarto disco
Darán repaso a toda a súa discografía
Estarán acompañados por "Perversión Española", que versionea ás 22:00 e "Entrelíneas", que toca ás 22:45
"Forraje" comeza sobre as 12 da noite
Entrada anticipada 6€ / taquilla 8€
Xa á venda en "A Reixa tenda" de Santiago, "Pub Olimpo" de Pobra, "Bar Samba" de Ribeira e na propia sala Aquarium de Xuño

Canle xerada por Youtube sobre Forraje en

este venres temos concerto na Sala Aquarium (Xuño, Porto do Son) xunto La Yegua 2.0 a eso das 22:00! alí nosvemos xente!
— RUXE-RUXE (@ruxeruxe) November 5, 2012

Posted via email from Certo.gl, o xornal dixital de Barbanza e Noia

Turismo: Arousa Norte dá por finalizado o concurso en Redes Sociais e dá paso a #ArousaTurismo Blogweekend

Máis de 80 frases e alcance internacional, disque
Esta fin de semana veñen blogueiros relacionados coa divulgación de viaxes e destinos turísticos
No seu informe, adxunto a esta noticia, os de Arousa Norte consideran medios dixitais aos tradicionais de papel con versión web e obvian a Certo, que leva máis de cinco anos na Rede informando, tamén no eido turístico, sobre Barbanza e que tamén dá publicidade ás iniciativas desta mancomunidade que vive de fondos públicos

Barbanza, 6 de novembro de 2012. A Mancomunidade de Municipios Arousa Norte finaliza o concurso en Redes Sociais para a promoción turística do xeodestino Rías Baixas - Ría de Arousa.

O concurso, que comenzou o 16 de outubro e rematou o 29 de outubro, tivo como resultado máis de 80 frases participantes e un alcance internacional. A fin do concurso dá paso a #ArousaTurismo Blogweekend, o evento dirixido a prefesionais do sector turístico ao que están invitados os tres gañadores do concurso e co que finalizará a campaña de comunicación.

#ArousaTurismo Blogweekend terá lugar os días 8 e 9 de novembro e contará coa participación de bloggers especializados con recoñecemento a nivel nacional. Contarán, entre outros, coa participación de blogueiros especializados con recoñecemento a nivel nacional como Edurne Baines (www.vivirgalicia.blogspot.
com.es), Luís Rodríguez Hernández (www.lusonrh.com), Jose Miguel Redondo (www.elrincondesele.com) ou María Victoria Rodríguez (www.diariodelviajero.com).
"Estamos convencidos de que esta acción é un acontecemento turístico e cultural que presenta un enorme interese a nivel local e autonómico", aseguran dende esta mancomunidade turística.

Un curioso informe, feito á machada

Certo, medio independente onde os haxa, como ben saben os nosos lectores e os alcaldes desta bisbarra, sexan da cor política que sexan, leva informando sobre esta bisbarra máis de cinco anos. Tamén das iniciativas, algunhas ben plantexadas e outras chuscas e despilfarradoras -como a dos sinais atrapaturistas- de Arousa Norte para fomentar o turismo. Non temos pelos na lingua -niso consiste a liberdade de expresión- para criticar o que non nos parece ben feito ou para suxerir outros xeitos de levar a cabo estas actividades de divulgación turística.

Na información onde promocionamos ese concurso aludíamos a que Arousa Norte só escolleu o castelán e dúas redes sociais americanas para promocionar o xeodestino. En Certo apostamos polo galego, pois, parafraseando ao rianxeiro Castelao "inda somos galegos pola graza do idioma" e polas redes creadas na terra, como é o caso de Cabozo. Sería por este motivo que non saímos no informe de Arousa Norte? A que lle chaman medios dixitais estes "técnicos"? Á versión web dos vellos diarios en papel, que nunca publicarán os seus informes enteiros como vimos facendo nós, nin engadirán información complementaria?

12_ArousaTurismo_blogweekend_ndp_gal.pdf Download this file

Posted via email from Certo.gl, o xornal dixital de Barbanza e Noia

Cultura: o técnico de Drogodependencias de Noia-Muros presenta un libro coeditado con Manuel Isorna

Este venres 9 de novembro, no Concello de Catoira

Noia, 6 de novembro de 2012. O técnico de Prevención de Drogodependencias de Noia-Muros, David Saavedra Pino, presenta este venres en Catoira o libro titulado "Prevención de drogodependencias y otras conductas adictivas", que escribiu e coordinou xunto con Manuel Isorna, profesor da Facultade de Educación de Vigo.

O libro, editado por Pirámide, pódese mercar por internet no seguinte enderezo: http://www.edicionespiramide.es/libro.php?id=3237349

Invitacion_Presentación_del_Libro_PREVENCION.pdf Download this file

Información tomada da páxina web da editorial Pirámide:

Saavedra Pino, David

David Saavedra Pino es diplomado en trabajo social por la Universidad de Santiago de Compostela y especialista universitario en Riesgos Psicosociales en Jóvenes y Adolescentes por la Universidad Pablo Olavide de Sevilla y la Fundación de Ayuda contra la Drogadicción. Actualmente desarrolla su labor profesional como técnico de prevención de drogodependencias en las Comarcas de Noia-Muros. Anteriormente trabajó como educador de menores tutelados por la Xunta de Galicia, educador de menores inmigrantes no acompañados y como trabajador social en un CAMF. Asimismo, colabora como docente en diversos cursos y desarrolla ponencias y conferencias en jornadas y congresos. Es coordinador del grupo de trabajo del área de prevención para la elaboración del Plan Gallego de Conductas Adictivas 2011-2016, Consellería de Sanidade (Xunta de Galicia) con la colaboración de GMV (2010), y ha elaborado el estudio Actitudes y percepciones hacia el consumo de drogas en la población escolar de 14 a 17 años de Noia-Muros (2004). Es el fundador y administrador del blog sobre prevención de drogodependencias:http://prevenciondrogodependencias.blogspot.com/

Isorna, Manuel

Manuel Isorna Folgar es doctor en Psicología y máster en Drogodependencias por la Universidad de Santiago de Compostela. En la actualidad ejerce como profesor asociado en la Facultad de Educación de la Universidad de Vigo y como coordinador del programa de prevención de las drogodependencias de los ayuntamientos de Catoira, Dodro, Padrón, Pontecesures, Rois y Valga; este trabajo ha sido reconocido a nivel nacional en el año 2011 con el tercer premio de la Federación Española de Municipios y Provincias y el primer premio de la fundación CREFAT (Cruz Roja) en el ámbito educativo en 2012. Toda una vida profesional y personal ligada a la prevención de las drogodependencias y al deporte le han llevado a realizar diversas investigaciones en estos ámbitos y diversas publicaciones de reconocido prestigio.

Posted via email from Certo.gl, o xornal dixital de Barbanza e Noia

Empresas: Arousa Norte promove o emprendemento co exemplo de dez novos empresarios

O prazo de participación está aberto ata o 19 de novembro
Só para emprendedores que abriran o seu negocio entre 2009-2012 que sexan de Ribeira, Rianxo, A Pobra ou Boiro

As ideas de negocio de dez novos emprendedores dos municipios de Arousa Norte serán explicadas a través dun vídeo que se emitirá en páxinas web, medios de comunicación e redes sociais

Arousa Norte está constituída polos catro concellos de Barbanza

Barbanza, 6 de novembro de 2012.- "Emprender en tempos de crise é posible e isto é algo constatable no exemplo dado por moitos emprendedores da zona que, grazas á súa tenacidade, esforzo persoal e seguridade nun mesmo, foron quen nos últimos tempos de plasmar as súas ideas e desenvolver novos negocios con grandes doses de creatividade e innovación", din dende a Mancomunidade de Municipios Arousa Norte.

Neste contexto, o proxecto “Novos emprendedores de Arousa Norte” nace para facer promoción do fenómeno do emprendemento e a creación de empresas entre a sociedade, a través da divulgación dunha selección de novas experiencias empresariais que están a ser desenvolvidas nesta bisbarra de Barbanza, alcumada turisticamente Arousa Norte.

O proxecto materializarase na creación dun vídeo no que se entrevistará a dez emprendedores que explicarán a súa idea de negocio, ademais de exhibirse as instalacións dos seus locais comerciais e algúns dos produtos ou servizos que ofrezan. Deste xeito, reflectirase como unha idea se converte nunha idea de negocio, explicando os pasos que tiveron que seguir para facela efectiva: a busca de recursos, a elección de servizos, a fixación de prezos, etc...

Son destinatarios deste proxecto aqueles homes e mulleres que creasen a súa empresa dende o ano 2009 en diante e teñan o seu domicilio social en A Pobra, Boiro, Rianxo ou Ribeira.

Bases de participación

As bases de participación serán publicadas no blog de emprego http://arousanortemprego.wordpress.com e, de xeito simultáneo, lanzarase unha campaña de difusión e captación de participantes. Os interesados terán ata o día 19 de novembro para anotarse na iniciativa.

2012.09.14_BASES_SELECION_EMPRENDEDORES.pdf Download this file

Logo de recibir todas as instancias de participación, procederase á selección dos empresarios en base aos criterios de selección definidos nas bases. Quedarán en lista de reserva os participantes posteriores ao décimo posto.

A mancomunidade encargarase de dar publicidade a este vídeo en redes sociais como facebook ou youtube, no blog de emprego da propia mancomunidade, en webs de promoción do emprendemento e nos medios de comunicación.

Máis de cen mil visitas ao blog de emprego de Arousa Norte

Co inicio da Axencia de Emprego e Desenvolvemento Local na Mancomunidade Arousa Norte decidiuse como primeiro proxecto a difusión de información e asesoramento relevante a demandantes de emprego, empresarios e emprendedores.

Así o 8 de marzo de 2011 nace http://arousanortemprego.wordpress.com/ como plataforma virtual de recursos para a prospección de emprego. Xa pasaron das cen mil visitas, cunha media de 400-500 diarias que se vai incrementando.

A información que nel se recolle é a seguinte:

Publicación diaria de un resume de ofertas de emprego

É o apartado máis seguido polo usuarios do blog de emprego e cada vez máis demandando. Realízase un resume das ofertas de traballo que se atopan en diferentes portais web de emprego, sinalando o posto, a empresa, o lugar de traballo e a data de publicación. Ó insertar o enlace dese portal no nome da oferta ós usuarios resúltalle máis fácil a súa inscrición, á par de que se colabora na súa busca activa de emprego.

Asesoramento online na busca activa de emprego

Observando que a maior parte dos usuarios desta axencia se comunican a través do blog de emprego e das súas redes sociais. Veuse a posibilidade de asesoralos virtualmente a través de artigos sobre como realizar entrevistas de traballo, as tarefas a realizar na busca de traballo entre outras moitas.

Difusión e resume diario de diferentes subvencións

O apartado de subvencións vai dirixido a emprendedores, empresarios, desempregados, asociacións e outros colectivos. Publícase diariamente as subvencións que van saíndo para cada colectivo e resúmese as principais características.

Publicación da formación existente na comarca e arredores

Este apartado é o segundo máis visto polos usuarios, de aí a importancia da súa actualización. Recóllese información de formación de diferentes institucións e publicase semanalmente.

Publicación de bolsas de formación prelaboral

Saíron varias convocatorias de bolsas que ofrecían formación e experiencia profesional en entidades públicas de forma remunerada. A maior parte delas van dirixidas a titulados universitarios.

Difusión de concursos

Entre a variedade de concursos publicados, descatan os de empredemento; por exemplo o concurso que a finais de setembro lanzou Benetton: o desempregado do ano. Pon en valor que cada desempregado ten un oficio e anímaos a crear o seu proxecto de empresa cunha dotación económica.

Elaboración de informe estatístico do desemprego e da ocupación

Trimestralmente realízanse informes do paro e da ocupación ( segundo sectores, grupos de idade, sexo, concellos...) e publícanse informes sociolaborais de outras entidades.

Formación online sobre mellora empresarial

Analizando algunhas empresas e servizos da comarca, detectouse cal era o fallo que se repetía en moitas delas e que prexudicaba a continuación do seu negocio. Necesitaban formación en marketing empresarial pero moitas delas non o solicitaban por descoñecemento ou por falta de tempo. De aí que mellor idea que ofrecer dita información ou formación en forma de artigos a través do blog de emprego.

El paro registrado sube en 128.000 personas y llega a 4.833.521 en octubre. FATIMA BAÑEZ EMBUSTERA DIMITA.eldiario.es/economia/regis…
— Generación 15-M #14N (@G15M) November 5, 2012

Los datos del paro desmienten a Bañez: El paro sube en octubre 128.242 personas. El total d parados llega al récord histórico d 4.833.521
— Juan López de Uralde (@juralde) November 5, 2012

Fátima Báñez, ministra de Empleo: "estamos saliendo de la crisis" 25% de paro, 5,7millones de desempleados. ¿Cuan idiotas nos creen?
— Juan Diego Botto#14N (@JuanDiegoBotto) October 30, 2012

Posted via email from Certo.gl, o xornal dixital de Barbanza e Noia

Noia: a piscina reabrirá en decembro se a rescata o Concello

É "previsible" que haxa que rescatar a concesión e o Concello mesmo tilda de "ridículos" os argumentos e alegacións dados dende a empresa que a leva ata agora, con informes técnicos "chapuceiros"

Noia, 6 de novembro de 2012. Segundo informa hoxe o Concello de Noia en nota de prensa, "ante o previsible incumprimento da orde dada á concesionaria da piscina para que arranxe as intalacións e abra antes do 16 de novembro, o Concello está traballando na adopción de medidas administrativas para garantir a reapertura en condicións da instalación municipal a primeiros de decembro".

Calcando a situación de Boiro, que o Concello noiés non vai permitir

Polo visto, dende o Concello están a estudar varias opcións para garantir a continuidade do servizo, e inclúen "previsiblemente" a resolución do contrato. Segundo fontes municipais, "os argumentos e alegacións dados desde a concesionaria son ridículos, presentando informes técnicos chapuceiros. E están seguindo un procedemento calcado ao que pasou coa piscina de Boiro, coa diferencia que o Concello de Noia non vai permitir a interrupción do servizo".

Medidas contundentes

Para o equipo de goberno tripartito noiés, "a prioridade é a continuidade do servizo en condicións, polo que unha vez rematado o prazo han se tomar medidas contundentes contra as infraccións cometidas pola concesionaria, especialmente polo incumprimento da orde de arranxar e reabrir en quince días. Unha vez se acabe o prazo concedido á empresa para solucionar as deficiencias sen que o fagan, o Concello comunicará aos usuarios e aos traballadores as medidas adoptadas. Asemade, desde o Concello de Noia estanse analizando os danos e prexuízos causados para iniciar as oportunas reclamacións á empresa: que non pensen que poden prexudicar á nosa vila, aos traballadores, e aos usuarios e saír indemnes".

Noia: os arquivos fotográficos do Esteirán, do 9 de novembro ao 5 de decembro na casa da cultura post.ly/9jB8g
— Certo (@Certo) November 6, 2012

este venres temos concerto na Sala Aquarium (Xuño, Porto do Son) xunto La Yegua 2.0 a eso das 22:00! alí nosvemos xente!
— RUXE-RUXE (@ruxeruxe) November 5, 2012

CUANDO PASA ALGO CHUNGO, LO MEJOR ES IRSE LEJOS. ESO LO SABE HASTA ANA BOTELLA.
— masaenfurecida (@masaenfurecida) November 6, 2012

A Consellería de Economía e Industria destinou a dedo 450.000€ a La Voz de Galicia, El Correo Gallego e El Progreso para facer propaganda.
— Verbas Núas (@VerbasNuas) November 6, 2012

Posted via email from Certo.gl, o xornal dixital de Barbanza e Noia

Noia: a piscina reabrirá en decembro se a rescata o Concello

É "previsible" que haxa que rescatar a concesión e o Concello mesmo tilda de "ridículos" os argumentos e alegacións dados dende a empresa que a leva ata agora, con informes técnicos "chapuceiros"

Calcando a situación de Boiro, que o Concello noiés non vai permitir

Medidas contundentes

Noia: os arquivos fotográficos do Esteirán, do 9 de novembro ao 5 de decembro na casa da cultura post.ly/9jB8g
— Certo (@Certo) November 6, 2012

este venres temos concerto na Sala Aquarium (Xuño, Porto do Son) xunto La Yegua 2.0 a eso das 22:00! alí nosvemos xente!
— RUXE-RUXE (@ruxeruxe) November 5, 2012

CUANDO PASA ALGO CHUNGO, LO MEJOR ES IRSE LEJOS. ESO LO SABE HASTA ANA BOTELLA.
— masaenfurecida (@masaenfurecida) November 6, 2012

A Consellería de Economía e Industria destinou a dedo 450.000€ a La Voz de Galicia, El Correo Gallego e El Progreso para facer propaganda.
— Verbas Núas (@VerbasNuas) November 6, 2012

Posted via email from Certo.gl, o xornal dixital de Barbanza e Noia

Noia: os arquivos fotográficos do Esteirán, do 9 de novembro ao 5 de decembro na casa da cultura

Actividade do "Outono fotográfico" que recolle un periodo de fotos da bisbarra feitas entre 1966 e 1977
Pódese ver na casa da cultura "Antón Avilés de Taramancos", grazas ás curadoras María Esteirán e Sabela López Pato, dende o venres 9 de novembro (inauguración ás 20:30) ata o mércores 5 de decembro

Esteiro, de onde era Esteirán, arredor de 1925. Foto de Ruth Matilda Anderson

Noia, 6 de novembro de 2012. María Esteirán, filla de José Esteirán (José Piñeiro Priegue, 1930-2002), recolle nesta mostra unha pequena escolma do traballo realizado polo fotógrafo entre 1966 e 1977. Trátase dunha primeira cata no arquivo do fotógrafo, que abrangue máis de catro décadas. A selección oscila entre o retrato individual e a ocupación do espazo público: rondallas, eventos deportivos, etc., pero tamén amosa a actividade marítima e pesqueira nos portos e a exhibición do poder.

No marco do “Outono fotográfico” e grazas á financiación do Concello de Noia e ás aportacións individuais de máis de trintas persoas -entre veciños de Noia, compañeiros de profesión de Xosé Esteirán, xente da cultura e amigos-, sae á luz un fotógrafo de oficio, autodidacta, que, como a maioría dos fotógrafos locais da época, empregaba os recursos que tiña á man, pero que destaca pola atención e o esmerado coidado nos retratos de grupo, así como pola súa capacidade para mirar “entre-portas”, para explorar os bordos do que acontece diante da cámara, que abre o obxectivo, durante a visita dunha dignidade eclesiástica a unha escola, e documenta o aspecto xeral dunha aula a comezos dos setenta, ou que nos deixa imaxes do que ocorre na cociña durante a celebración dun banquete de voda. A súa é unha perspectiva xenerosa co mundo e coa xente.

Está previsto que trala mostra en Noia a exposición itinere a Celanova, onde se poderá ver na Casa do Poetas.

Quen era o Esteirán?

Xosé Piñeiro Priegue, Pepe Esteirán, naceu en Esteiro en 1930. Tras o servizo militar, á idade de 26 anos, asume as rendas do negocio familiar e trasládase a Noia, vila na que seu pai, Maximino, xa se establecera como fotógrafo na década dos corenta. O periplo familiar coa fotografía comezara anos antes, nas feiras, onde Maximino acudía como tratante de gando e aproveitaba as transaccións para realizar retratos e complementar así os seus ingresos.

En 1956, ano no que Esteirán se instala en Noia, a difusión da fotografía de carné permite a expansión do negocio, que agora abarca retratos de estudio, vodas, bautizos e todo tipo de eventos. Durante anos percorreu en moto a comarca coa súa cámara, chegando a ser un personaxe moi querido. Dende os noventa colaborou como reporteiro gráfico en El Correo Gallego, actividade que seguiu realizando ata outubro de 2002, ano do seu pasamento -do que se cumpre este ano o décimo aniversario-.

A conservación do seu arquivo debémoslla a Pilar Pérez Santos, con quen casou en 1969 e que durante anos se ocupou da administración do negocio. Hoxe as súas fotografías saen á luz grazas ao traballo da súa filla, a tamén fotógrafa María Esteirán.

Antes, en Certo: