12.11.12

Porto do Son: a fotógrafa Asun Adá expón no Centro de Interpretación de Baroña durante este mes

Porto_do_son_asun_ada
Máis información sobre esta creadora en

http://asunada.com

http://fotoasunada.blogspot.com.es

Pode que tamén lle interese:

Porto do Son: teatro e pintura en novembro

 

 

Posted via email from Certo.gl, o xornal dixital de Barbanza e Noia

escribiu Unknown ás 10:58:00 0 falaron
etiquetas , , ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

11.11.12

Dodro: a "fusión branda" con Rois e Padrón dá un novo paso co convenio en emerxencias e medio ambiente

  • Os tres concellos desenvolverán un proxecto piloto de funcionamento dos grupos locais de atención ás emerxencias e ao medio ambiente
  • O convenio segue as directrices do protocolo asinado o pasado 20 de xuño entre o Goberno galego e as Deputacións para unha mellor cooperación territorial
  • Detrás destas "fusións brandas" está a Deputación, que non dá conseguido fusións reais, e menos en concellos con alcaldes de distinta cor política, porque custaría perder votantes

 

Dodro_rois_padron1 Dodro_rois_padron
See the full gallery on Posterous

Tanto Dodro como Rois e Padrón están gobernados polo Partido Popular. Fotos da Xunta realizadas por Conchi Paz

Dodro, 11 de novembro de 2012.- O conselleiro de Presidencia, Administracións Públicas e Xustiza, Alfonso Rueda, e o presidente da Deputación da Coruña, Diego Calvo, asinarono pasado venres 9 un convenio de cooperación cos concellos de Dodro, Rois e Padrón para o desenvolvemento dun proxecto piloto de funcionamento dos grupos locais de atención ás emerxencias e ao medio ambiente.

Unha fusión que non o é tanto

Mediante o convenio, establécese un grupo estable de emerxencias e medio ambiente que atenderá aos tres concellos, "sen menoscabo da atención noutros ámbito territoriais en situacións de risco, emerxencias, catástrofe ou protección do medio ambiente", explica a Xunta en nota de prensa. Na sinatura do convenio estiveron os alcaldes de Padrón, Rois e Dodro, Antonio Fernández, Ramón Tojo e Valentín Alfonsín, respectivamente, todos eles do Partido Popular, así como o conselleiro de Presidencia e o presidente da Deputación, Diego Calvo, quen está detrás destes movementos cara a fusión branda de concellos, xa que non consigue ningunha fusión real, tralos escasos resultados e a contestación á unión de Oza dos Ríos e Cesuras.

Outra experiencia en fusións negadas cando saltaron á palestra -e sacouna este xornal precisamente- é a de Noia e Lousame. Xa estaba falado todo a tres bandas entre os alcaldes dos dous municipios e o presidente da Xunta, Núñez Feijóo, e, en canto saíu á luz, o ex alcalde de Lousame e hoxe deputado no Parlamento, Santiago Freire, negou a maior aos seus veciños, nunha clara hipocrisía e recollida de velas. Os veciños botábanse a el no Facebook do Concello e preferiu mentir antes que dar a cara, aproveitando ademais que ían convocar eleccións e todo quedaría no aire ao irse da alcaldía. En Noia goberna un tripartito e en Lousame segue o PP, que imaxinaba unha fuxida de votantes da gaivota en canto se deixara absorber polo concello máis rico e con maior poboación.

Padrón sería o concello de cabeza

A xestión, coordinación, dirección, organización e funcionamento do servizo será realizado polo concello de Padrón, que, entre outras funcións, será o encargado de coordinar os grupos, seleccionar ao persoal e da instalación, reparación e mantemento de infraestruturas. Durante estes labores de coordinación o concello de Padrón estará baixo as instrucións e supervisión da Dirección Xeral de Emerxencias e Interior da Xunta de Galicia. Se a fusión fose real, serían Dodro e Rois, ao ser máis pequenos, os concellos absorbidos por Padrón.

Entre outras actividades, o grupo de emerxencias e medio ambiente encargarase de intervir en incendios forestais e urbanos; manter en condicións óptimas a rede de estradas de titularidade autonómica; intervir en situacións derivadas de riscos naturais ou inducidos polo home; así como de colaborar coas autoridades competentes en aglomeracións de persoas e nos distintos plans de emerxencias e protección civil, tanto municipais como autonómicos.

O convenio de hoxe sigue as directrices do protocolo asinado o pasado 20 de xuño entre o Goberno galego e as Deputacións para unha mellor cooperación territorial, e no que se estableceron os acordos básicos para fortalecer a xestión, reducir as duplicidades e optimizar a prestación de servizos públicos, coma é o caso deste convenio que maximiza as cooperación entre os tres concellos e a Deputación de A Coruña.


Antes, en Dodro:

Posted via email from Certo.gl, o xornal dixital de Barbanza e Noia

escribiu Unknown ás 18:21:00 0 falaron
etiquetas ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Rianxo: o venres 23 de novembro, I Festival Solidario a prol de Cáritas

  • Actuarán Tonhito de Poi, Xurxo Souto, o gaiteiro Xosé Romero con Maruxa, Esther Carrodeguas, a Escola de Música rianxeira, Silvia Ferré e Alfredo Susavila e Mariú
  • Módico prezo de entrada: 5 euros

Rianxo_festival

Posted via email from Certo.gl, o xornal dixital de Barbanza e Noia

escribiu Unknown ás 11:02:00 0 falaron
etiquetas , , ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

9.11.12

Ribeira: este luns, 12 de novembro, charla sobre o xeito de facerse escola asociada da Unesco

  • Na sala multimedia do Paseo do Malecón, ás sete da tarde

Ribeira, 9 de novembro de 2012. A Asociación socio-educativa IMER (Instituto de Mediación Educativa de Ribeira), responsable do Servizo de Mediación Educativa de Ribeira, celebrará o vindeiro luns 12 de novembro, ás 19:00 horas, na Sala Multimedia de Ribeira (Paseo do Malecón nº 22), a conferencia “Como ser unha Escola Asociada Unesco” a cargo de Dª Luísa Márquez Rodríguez, coordinadora autonómica e membro da unidade de coordinación estatal da Rede PEA-UNESCO.

O IMER é unha asociación integrada por profesorado mediador que recentemente fundou esta entidade para, entre outros obxectivos, divulgar a cultura da convivencia e da Paz. Con esta fin, o IMER ten previsto celebrar nos próximos meses varios actos abertos ao público co obxectivo de difundir diversas actividades pedagóxicas novidosas que potencien a cultura da paz e das boas prácticas educativas.

Con este primeiro acto "pretendemos dar a coñecer e potenciar na nosa bisbarra as denominadas Escolas Asociadas UNESCO. Creada en 1953, a rede do Plan de Escolas Asociadas da UNESCO -denominadas comunmente Escolas UNESCO- é unha organización mundial constituída por máis de 9.000 institucións educativas espalladas por 180 países. As entidades que as integran, dende centros de ensino infantil e primaria ata secundaria e formación profesional, traballan en pro da cooperación e comprensión internacional, a paz, os dereitos humanos, o diálogo intercultural e o desenvolvemento sostible, así como a posta en práctica da educación de calidade. A Xunta Directiva do IMER teñen o pracer de invitar a todos os docentes, equipos directivos, ANPAS e toda persoa interesada a asistir a este acto", explican os organizadores en nota de prensa.




Posted via email from Certo.gl, o xornal dixital de Barbanza e Noia

escribiu Unknown ás 16:44:00 0 falaron
etiquetas ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Ribeira: este luns, 12 de novembro, charla sobre o xeito de facerse escola asociada da Unesco

  • Na sala multimedia do Paseo do Malecón, ás sete da tarde

Cartel_ribeira

Ribeira, 9 de novembro de 2012. A Asociación socio-educativa IMER (Instituto de Mediación Educativa de Ribeira), responsable do Servizo de Mediación Educativa de Ribeira, celebrará o vindeiro luns 12 de novembro, ás 19:00 horas, na Sala Multimedia de Ribeira (Paseo do Malecón nº 22), a conferencia “Como ser unha Escola Asociada Unesco” a cargo de Dª Luísa Márquez Rodríguez, coordinadora autonómica e membro da unidade de coordinación estatal da Rede PEA-UNESCO.

O IMER é unha asociación integrada por profesorado mediador que recentemente fundou esta entidade para, entre outros obxectivos, divulgar a cultura da convivencia e da Paz. Con esta fin, o IMER ten previsto celebrar nos próximos meses varios actos abertos ao público co obxectivo de difundir diversas actividades pedagóxicas novidosas que potencien a cultura da paz e das boas prácticas educativas.

Con este primeiro acto "pretendemos dar a coñecer e potenciar na nosa bisbarra as denominadas Escolas Asociadas UNESCO. Creada en 1953, a rede do Plan de Escolas Asociadas da UNESCO -denominadas comunmente Escolas UNESCO- é unha organización mundial constituída por máis de 9.000 institucións educativas espalladas por 180 países. As entidades que as integran, dende centros de ensino infantil e primaria ata secundaria e formación profesional, traballan en pro da cooperación e comprensión internacional, a paz, os dereitos humanos, o diálogo intercultural e o desenvolvemento sostible, así como a posta en práctica da educación de calidade. A Xunta Directiva do IMER teñen o pracer de invitar a todos os docentes, equipos directivos, ANPAS e toda persoa interesada a asistir a este acto", explican os organizadores en nota de prensa.




Posted via email from Certo.gl, o xornal dixital de Barbanza e Noia

escribiu Unknown ás 16:43:00 0 falaron
etiquetas ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

8.11.12

Dodro: o Concello usará as subvencións de Agader para empedrar a casa da cultura e mellorar a escola infantil

  • Co seu importe só faltan uns 44.000 euros para pagar as dúas obras, que poñerá o Concello

Media_httpfarm4static_emjpk

Dodro, 8 de novembro de 2012. O goberno do Concello de Dodro comunica que lle foron concedidas dúas subvencións por parte da Axencia Galega de Desenvolvemento Rural (AGADER) por importe de 120.647 euros. Estas subvencións permitirán acometer dúas obras no Concello de Dodro que suman un total de 164.000 euros. A primeira delas é a pavimentación en pedra da praza pública da Casa da Cultura, cuxo importe total ascende á cantidade de 43.801 euros, e que permitirá unha mellora significativa do entorno.

Media_httpfarm4static_gineg

A segunda das obras e de máis importe corresponde á mellora da escola infantil de Dodro. Dende os últimos anos vense reclamando por parte dos pais e profesionais unha reforma que permita un mellor uso das instalacións, algunhas das cales están inutilizadas polo seu estado. O actual goberno do Concello asumeu dende o primeiro momento esta reforma como unha prioridade, facendo as xestións oportunas que permitiran acometer a obra necesaria. E así, menos dun ano e medio máis tarde, conseguiuse a financiación necesaria para acometer a obra. O importe total ascende a 121.000 euros, e suporá unha mellora significativa das instalacións.

O Concello de Dodro terá que desembolsar 44.000 euros para poder facer esas obras "o cal non resultará nada fácil, pero confiamos en poder obter os recursos necesarios e seguir mellorando os servizos e instalacións públicas, e non perder esta oportunidade para o noso Concello", sinalou a tenente de alcalde, Marisol Boga.

 
Ademais, acaba de rematarse o asfaltado de varios camiños, unha obra que supuxo unha inversión de 38.000 euros, e que se consideraba moi necesario dado que nos últimos anos as estradas do Concello apenas tiveron mantemento, o cal supuxo un grave deterioro do firme.

Pode que tamén lle interese:


 

Posted via email from Certo.gl, o xornal dixital de Barbanza e Noia

escribiu Unknown ás 18:33:00 0 falaron
etiquetas ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Ribeira: o Concello merca por 430.000 euros a NovaGalicia Banco a biblioteca municipal

  • Vaise redistribuír a biblioteca, que antes só ocupaba 300 metros, reubicar a persoal de cultura e crear dous espazos polivalentes para diferentes actividades
  • O luns que vén, 12 de novembro, xa vai ter a primeira actividade, coa presentación do libro da Deputación sobre o pintor Manuel Ayaso

Media_httpfarm9static_dgamd

O alcalde, en parte da instalación mercada polo Concello

Ribeira, 8 de novembro de 2012.- O Concello amplía a súa oferta de instalacións de carácter cultural despois de ter formalizada esta mesma mañá a compravenda do segundo andar do edificio número 20 da rúa Manuel Lustres Rivas 20: sede da actual Biblioteca Municipal, que estaba a ocupar en precario 300 dos máis de 900 metros cadrados que ten a planta.

O alcalde, Manuel Ruiz Rivas, visitou hoxe esta infraestrutura e fixo partícipe aos medios de comunicacións acerca dos plans que ten reservado o Executivo para este novo espazo de titularidade pública, que foi adquirido á entidade intervida polo Banco de España Novagalicia Banco.

A compra do recinto vai permitir non só garantir a continuidade da biblioteca nas mesmas instalacións (o cal podía correr risco en función das necesidades que puidese ter a entidade financeira), senón ademais a súa ampliación e redistribución con vistas a solucionar determinadas eivas provocadas pola convivencia nun mesmo espazo da propia biblioteca, da sala estudo, da área de lectura e da sección destinada ao uso de ordenadores.

Máis horarios de exposición

A adquisición tamén redundará  nunha mellor optimización do labor do persoal municipal, xa que os traballadores de Cultura que están no Auditorio serán reubicados neste edificio, o cal, combinado co persoal da Biblioteca, propiciará maiores horarios de atención ao público, especialmente coa visita a exposicións a horas en que o Auditorio estaba habitualmente pechado.

Finalmente, o inmoble acollerá dous novos espazos que veñen a paliar outras tantas carencias que tiña o Concello: un salón de actos para a realización de cursos, presentacións literarias e outros eventos de semellantes características e unha sala de usos múltiples de máis de 200 metros cadrados de superficie, pensada fundamentalmente para a celebración de exposicións, que será adaptable e reconvertible en tres estancias independentes.

Precisamente, a primeira destas instalacións -o salón de actos- serán estreadas xa o próximo luns día 12 coa presentación ás 20 horas dun libro que, nunha coidada edición a cargo da Deputación Provincial de A Coruña, recolle unha antoloxía da obra do artista local Manuel Ayaso.

Pago en tres prazos anuais

A compravenda foi formalizada por 430.000 euros, dos cales 20.000 se fixeron efectivos esta mesma mañá. Haberá dúas novas entregas, de 205.000 euros cada unha, nos anos 2013 e 2014. 

Presentación do libro sobre Ayaso

Media_httpfarm9static_rhqde

As instalacións adquiridas no día de hoxe polo Concello de Ribeira no andar onde está ubicada a Biblioteca Municipal van ser estreadas xa o vindeiro luns, día 12 de novembro, coa presentación do libro que, editado pola Deputación Provincial da Coruña, recolle unha coidada e ampla selección antolóxica do pintor Manuel Ayaso.

O acto, de acceso libre, terá lugar ás 20 horas no salón de actos existente no devandito inmoble e contará  coa participación da vicepresidenta da Deputación, Mariel Padín, do alcalde de Ribeira e tamén deputado provincial Manuel Ruiz, e do propio artista, nacido en Aguiño no ano 1934.

O libro, que forma parte da colección Grandes Pintores da Deputación, abarca dende os primeiros traballos realizados por un xoven Ayaso (pertencentes a súa etapa de estudante nos Estados Unidos entre 1953 e 1956) ata as obras máis recentes, como as que forman parte da serie Entredous, elaboradas conxuntamente co pintor noiés Alfonso Costa. A relixión, o mar, o antroido ou os seus retratos e autoretratos son algunhas das temáticas características do autor e que están contidas ao longo das máis de 300 páxinas da publicación.

Prologado polo poeta e editor Miguel Anxo Fernández Vello, o volume intercala textos alusivos ao artista de Mercedes Rozas, Eva Veiga, Carlos García Bayón, Ermin R. Biel ou Enrique García Hernáiz. Tamén hai un texto escrito polo propio Manuel Ayaso no que recolle lembranzas da súa nenez.



Posted via email from Certo.gl, o xornal dixital de Barbanza e Noia

escribiu Unknown ás 18:19:00 0 falaron
etiquetas ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Ribeira: este sábado, 10 de novembro, presentan "Veroto el romano. El nacimiento de Galicia"

  • Ás 20:00 horas no Auditorio Municipal
  • O autor é o palmeirán José Vicente Domínguez
  • O libro, en castelán, xa está dispoñible nas librarías


Media_httpfarm8static_deqfu

Ribeira, 8 de novembro de 2012.- Teófilo Comunicación presentará o vindeiro sábado día 10 nun acto público que terá lugar no Auditorio Municipal, a publicación “Veroto el romano. El nacimiento de Galicia”, un novo libro escrito polo autor ribeirense José Vicente Domínguez, que xa se atopa á venda nas librarías de toda Galicia.

A obra, escrita en castelán e que resposta ao estilo de novela histórica, ten como escenarios os montes e vales da península do Barbanza -reduto do noroeste afastado do dominio de Roma-  e amosa a dignidade e coraxe coas que os poboadores castrexos aceptaron sen dobregarse a Pax romana acadada polo emperador Augusto. A través das novas e das opinións dos autores clásicos, o autor desta interesante narración relata ao longo de duascentas páxinas, episodios, lendas, e costumes que desde antigo fundamentaron o feito diferencial galaico.

Quen é José Vicente Domínguez?

O autor do libro é o ribeirense, nado en Palmeira, José Vicente Domínguez. Foi capitán da marina mercante e de pesca, ocupou cargos directivos na administración autonómica, e foi un activo empresario en diferentes áreas -construción naval, turismo e  acuicultura-; tamén e durante cinco anos adicouse á política asumindo distintas responsabilidades no seo da formación socialista riberense.

Este é o sétimo título da súa dilatada obra, na que vén demostrando o seu profundo amor a Galicia, e que vai desde o ensaio á novela, pasando polo relato, con títulos como “La Raíña”, “Allá está Pancho”, “Así éramos en Benencia”, ou “Con el sol en la popa” e “O anxelote e outros relatos”.


Posted via email from Certo.gl, o xornal dixital de Barbanza e Noia

escribiu Unknown ás 17:43:00 0 falaron
etiquetas ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Noia: programación da Semana Musical, do martes 20 ao domingo 25 de novembro

[[posterous-content:pid___0]]Noia, 8 de novembro de 2012. Segundo informa o concelleiro de Cultura noiés, Javier Rodríguez, "este ano a Concellería de Cultura apoia máis que nunca á organización da Semana Musical, organizada dende fai 36 anos pola Coral Polifónica de Noia, e faino cunha programación na que destaca a alta calidade e sobre todo unha gran participación de artistas noieses, que farán desta unha edición especial".

Programación da XXXVI Semana Musical de Noia

Día 20 - Conservatorio Municipal de Noia
Día 21 - Kin García trío (presentando o seu novo disco "Accipiter Gentilis")
Día 22 - Dúo Mara
Día 23 - Francisco Luengo e Xurxo Varela
Día 24 - Banda Municipal de Lousame e Coral Polifónica de Noia
Día 25 - Rodrigo Romaní (presentando o seu novo disco "As arpas de Breogán")

Do 20 ao 25 de Novembro ás 20:30h na Igrexa de San Martín





Posted via email from Certo.gl, o xornal dixital de Barbanza e Noia

escribiu Unknown ás 10:47:00 0 falaron
etiquetas ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

7.11.12

Ribeira: o Concello formalizará mañá a adquisición da biblioteca municipal

Antes, en Certo:


Urbanismo: é un pelotazo para NovaGaliciaBanco a venta da biblioteca municipal?

Ribeira, 7 de novembro de 2012.- Está previsto que no día de mañá se formalice a adquisición por parte do Concello do local anexo á Biblioteca Municipal de Ribeira.

A tal efecto, o alcalde Manuel Ruiz Rivas visitará ás 12.30 horas estas instalacións, na rúa Manuel Lustres Rivas número 20, de case 1.000 metros cadrados de superficie, e explicará aos medios informativos cales son os plans que o Executivo ten reservado para este novo espazo municipal.

Poxas das empresas que concorreron á licitación das pistas rurais de A Tasca e Frións

En sesión de hoxe tivo lugar no Consistorio a apertura dos sobres B do proxecto de dinamización e de inclusión social a través do deporte en pistas rurais, o que implica a construción no municipio de dúas novas pistas polideportivas de 40x20 metros, situadas en A Tasca (Aguiño) e Frións (Carreira). Cofinanciada pola Axencia Galega de Desenvolvemento Rural (AGADER), esta actuación ten un prezo de licitación de 116.795,07 euros, IVE incluído.

Unha vez abertos os citados sobres B, as ofertas económicas presentadas resultaron ser:

    Galitec Desarrollos Tecnológicos S.L.:   96.195 €
    Instalaciones Deportivas Gallegas, S.L.: 102.434,07 €
    Sport Equipalia, S.L.     107.622,71 €
    Happy Park, S.L.     87.597,95 €


Acto seguido, os servizos técnicos do Concello procederán a estudar as devanditas ofertas para ver se se cumpre coa normativa,  antes da efectiva adxudicación do proxecto.

Tapiado de baixo comercial por salubridade

Por outra banda, o Concello tamén informou hoxe de que, vistos os preceptivos informes e por motivos de saubridade pública, dende a Concellería de Sanidade se adoptou a decisión de tapiar a parte da cristaleira do baixo comercial de Miguel Rodríguez Bautista, esquina Mariño de Rivera, que aparecera descuberta hai uns días. A tal efecto, operarios municipais realizaron esta mesma mañá os labores oportunos. Esta medida ten lugar con independencia de que segue o seu curso o expediente administrativo aberto polo Concello.



Posted via email from Certo.gl, o xornal dixital de Barbanza e Noia

escribiu Unknown ás 16:01:00 0 falaron
etiquetas ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks
Suscribirse a: Entradas (Atom)

Twitter

Related Posts with Thumbnails Banner: Regale selva tropical