Barbanza, por Certo

5.2.13

Porto do Son: espectaculares tomas aéreas nun vídeo turístico deste municipio

Foi realizado por Aeromedia, empresa adicada á fabricación e operación con drones oktokopter e UAV orientados á industria audiovisual en

Galicia

http://www.aeromedia.es

Posted via email from Certo.gl, o xornal dixital de Barbanza e Noia

4.2.13

Noia: programa oficial do Entroido

E no Liceo de Noia:

Entroido: programa da Sociedade Liceo de Noia

Posted via email from Certo.gl, o xornal dixital de Barbanza e Noia

A Pobra do Caramiñal: Economía e Industria achega oficios artesanais aos cativos do colexio Salustiano Rey

O programa ten por obxectivo concienciar á sociedade, comezando polos máis novos, do valor do produto feito á man
Como novidade nesta edición os estudantes elaboran papel e aprenden técnicas de encadernación
O programa, que iniciou a súa andaina no 2011, chegou xa a case 4.000 alumnos e alumnas de educación infantil, primaria e secundaria

A Pobra do Caramiñal, 4 de febreiro de 2013.- A Consellería de Economía e Industria presentou hoxe no CEIP Salustiano Rey Eiras da Pobra do Caramiñal o módulo O gremio da seda do programa didáctico “Enredando, artesanía na escola”, unha iniciativa organizada pola Fundación Centro Galego da Artesanía e do Deseño que ten por obxectivo achegar os oficios artesanais aos rapaces para que poidan coñecelos e valoralos en maior medida.

“Enredando, artesanía na escola”, que se iniciou en 2011, chegou xa a case 4.000 alumnos e alumnas de educación infantil, primaria e secundaria de toda Galicia. Durante este curso estase a celebrar en 22 localidades galegas, ofrecendo aos alumnos a oportunidade de coñecer de preto o sector da artesanía. Ademais de achegarlles aos estudantes o procedemento da obtención da seda desde o coidado dos vermes ata a extracción e enfiado da seda dos casulos, como novidade preséntase o módulo Do papel ao libro.

A finalidade é que cada un dos participantes elaboren artesanalmente 25 follas empregando os materiais e a mestura de fibras de bambú e de eucalipto seguindo as indicacións que, con anterioridade, un artesán explica aos alumnos e os docentes nun exercicio práctico en cada un dos centros educativos. Con posterioridade os alumnos e docentes realizarán unha práctica de encadernación dun libro coas follas elaboradas na primeira fase seguindo a técnica de catro buratos, supervisada polo artesán.

Con esta iniciativa, a Consellería de Economía e Industria persegue concienciar á sociedade do valor do produto feito á man, comezando polos máis novos, así como presentarlle aos rapaces a artesanía como unha alternativa para o seu futuro laboral. Deste xeito, contribúese a favorecer o relevo xeracional nos oficios máis tradicionais e promóvese o desenvolvemento da artesanía galega a través da formación de futuros artesáns creadores, trasladando aos cativos o valor engadido da artesanía no que se refire á súa creatividade, patrimonio cultural e tradición.

Antes, en Certo:

Turismo: a Fitur todos os alcaldes de Barbanza a facerse a foto

Posted via email from Certo.gl, o xornal dixital de Barbanza e Noia

Porto do Son: nove grupos de punk-rock no Kurrala Rock en Xuño, o sábado 16 de febreiro

Relacionado:

Música: "La Yegua Gris", fusión de grupos de Ribeira, inicia xira por Galicia

Pode que tamén lle interese:

Colaboración: "A música do purgatorio", por Javier Ferreirós

Posted via email from Certo.gl, o xornal dixital de Barbanza e Noia

Ribeira: Arrecó organiza este mes unha viaxe á neve, á estación ourensá de Manzaneda

Será o sábado 23 e domingo 24 deste mes de febreiro
75 euros adultos e 65 menores, prezo que inclúe todo

Ribeira, 4 de febreiro de 2013. A Asociación Arrecó volve organizar outra actividade lúdica. Desta volta trátase dunha fin de semana en familia na neve. Os días 23 e 24 de febreiro desprazaranse ata a Estación de Montaña Oca Nova Manzaneda.

"Estivemos dándolle voltas á cabeza e pensamos que a mellor maneira de estar todos
xuntos e disfrutar dunha boa fin de semana é estando aloxados nos apartamentos
Queixa, que están situados na propia estación e teñen habitacións múltiples. Collemos a
modalidade de pensión completa, para deste xeito despreocuparnos de todo e tan só
pensar en pasalo ben", aseguran dende o ente organizador.

Características da viaxe

Saída de Ribeira: sábado día 23 de febreiro ás 09 horas da estación de buses.
Saída de Manzaneda: domingo día 24 de febreiro ás 17.30 horas.
Prezo: Adultos: 75 €.
Nenos: 65 €.
O prezo inclúe: Autobús, guía acompañante durante toda a viaxe, aloxamento dunha
noite nos apartamentos Queixa (entrada o día 23 ás 17 horas e saída o día 24 ás 12
horas), cea do sábado e almorzo e xantar do domingo.
As prazas son limitadas e cubriranse por orde de inscrición. A inscrición queda aberta
desde o día 04 ata o 15 de febreiro ou ata agotar as prazas.
Para formalizar a inscrición hai que mandar un correo electrónico ou facer unha
chamada de teléfono e despois facer o ingreso en:
TITULAR: Asoc. Cultural Arrecó
C/C: 2080 / 0373 / 20 / 3000032479
Entidade: Novagalicia Banco.
Ordenante: Nome do participante.
Concepto: Viaxe a Manzaneda.

Antes, en Certo:

Ribeira: do 15 ao 17 de marzo, viaxe á neve

Posted via email from Certo.gl, o xornal dixital de Barbanza e Noia

Muros: a alcaldesa apoia a presentación da novela dun escritor novel local este domingo, 10 de febreiro

invitación La eternidad en 231 días.pdf Download this file

Muros, 4 de febreiro de 2013. O vindeiro 10 de febreiro, este domingo, ás 12:30 horas, no
restaurante O Castelo de Muros -rúa Rosalía de Castro, 1 baixo), terá lugar a presentación do libro “La eternidad en 231 días”, do autor muradán Francisco Javier Lestón Fernández, que edita Finis Terrae_ediciones.

A obra vai do aillamento do seu protagonista ata que unha muller, Raquel o saque del e o leve a unha viaxe con data de caducidade. Francisco J. Lestón publica deste xeito a que é a súa primeira novela, coa que agarda emocionar e seducir ao lector, que, asegura, acabará coñecendo un pouco máis de si mesmo.

O acto de presentación do libro estará presidido pola alcaldesa de Muros, a socialista Caridade González e tamén contará coas intervencións do Presidente de Sorum, Domingo
Guerra París e do mesmo autor da obra.

Posted via email from Certo.gl, o xornal dixital de Barbanza e Noia

Lingua galega: nace a Asociación de Medios en Galego, da que Certo forma parte

Barbanza e Noia, 4 de febreiro de 2013. Tempos Novos, Novas da Galiza, Galicia Confidencial, Que Pasa na Costa, este xornal Certo que están a ler, Radiofusión, de Luns a Venres, Praza Pública, O Compás e Valminor.info son os impulsores da "Asociación de Medios en Galego", un grupo que ten coma obxectivo afortalar os medios en galego, consolidar un espazo de comunicación na lingua propia ou contribuir á profesionalización do sector dos medios en galego, entre outros.

A asociación, que xa foi rexistrada na Xunta o pasado venres, está aberta a outros medios de comunicación. Polo momento, Sermos Galiza amosou a súa intención de integrarse na mesma. Esta iniciativa ten a súa orixe na experiencia Vitaminas para o Galego, impulsada o pasado ano que desenvolveu varias actividades xornalísticas e culturais en defensa do noso idioma, como a que tiveron ocasión de ver os rianxeiros na iniciativa "Móllate polo galego".

Obxectivos

Os principais obxectivos da nova Asociación de Medios en Galego serán defender os intereses dos seus asociados favorecendo así o afortalamento dos medios de comunicación en galego. Tamén contribuir ao proceso de asentamento do sector dos medios de comunicación de información xeral na lingua propia de Galicia e á consolidación dun espazo de comunicación en galego fomentando a presenza pública, tanto individual como conxunta, dos medios de comunicación neste idioma.

Esta asociación tamén contribuirá á profesionalización do sector de xeito que as empresas se doten de estruturas sólidas que garantan a proxección de cada medio conseguindo a independencia económica e represetnará ao sector diante das distintas administracións en todo aquelo que afecte aos medios de comunicación en galego.

Tamén debaterá colectivamente os temas de interese para o sector e asesorará ás entidades produtoras de medios integradas para facer fronte aos problemas profesionais comúns, promoverá iniciativas lexislativas e administrativas que beneficien ao sector. Ademais, desenvolverá accións, eventos e campañas de sensibilización tendentes a visibilizar na sociedade a existencia dos medios de comunicación en galego, intercambiará coñecementos e información entre os membros da Asociación e promoverá proxectos comúns e contribuirá ao proceso de normalización lingüística.

Socios

Serán soci@s as persoas físicas ou xurídicas cuxa actividade principal sexa a produción e tratamento de información calquera que sexa o seu soporte e que, entre outros requisitos, utilicen o galego, teñan unha periodicidade non superior a un mes, teñan unha vida mínima anterior á constitución de seis meses e que máis do 70% da súa extensión ou tempo de emisión estea adicada a contidos non publicitarios. Non poderán formar parte da asociación os organos de expresión de administracións públicas ou entiades

dependentes, partidos políticos, organizacións sindicais, patronais e colexios profesionais, así como calquera outra de análoga natureza, nin as asociación ou entidades que se atopen incursas en procesos concursais ou de disolución, ou que manteñan débedas con traballadores ou ex traballadores.

Os medios interesados en formar parte desta asociación poden informarse enviando un mail a vitaminasgalego@gmail.com

Un paso máis na defensa do galego nos medios de comunicación. Nace Asoc. Medios en Galego @mediosengalego ow.ly/i/1t2Q0
— VitaminasParaOGalego (@vitaminasgalego) February 4, 2013

@temposdixital @novasdagaliza @gconfidencial @quepasanacosta @certo @radiofusionga @lvxornal @prazapublica @compasdacosta @valminorinfo
— Asc.Medios en Galego (@mediosengalego) February 4, 2013

Posted via email from Certo.gl, o xornal dixital de Barbanza e Noia

Política: Manolo Seijas, coordinador comarcal de Compromiso por Galicia para a bisbarra Muros-Noia

Lola Caramés será vicecoordinadora

Muros-Noia, 4 de febreiro de 2013. Logo de ter elixido os secretarios e secretarias locais, CXG iniciou na tarde do sábado pasado unha xuntanza aberta a cidadanía para constituír a súa executiva na comarca. O primeiro punto na orde do día era a elección do coordinador comarcal, a candidadatura de Manolo Seijas foi aprobada por unanimidade dos presentes. Na súa intervención Seijas agradeceu o apoio recibido “Grazas por confiar en min para encabezar este proxecto na comarca, aínda sendo moi novo”. Asegurou que “a mocidade no momento de crise non só económica senón tamén social, debe xogar un papel fundamental no mundo da política”. Recordou que “Compromiso non é patrimonio da militancia, nin tan sequera dos simpatizantes, Compromiso é e debe ser patrimonio de todos os cidadáns, que teñen que ver en nós un instrumento útil para resolverlle os seus problemas. Temos pois que escoitar aos nosos veciños e veciñas en xuntanzas abertas nas que poidan participar quen queira e se sinta cómodo”.

O mozo galeguista de 21 anos, Manolo Seijas, está a rematar os estudos de Ciencia Política no seu último ano, compaxina esta carreira universitaria cun ciclo superior en Administración e Finanzas. Galeguista convencido, Seijas comezou a militar no nacionalismo hai xa catro anos e ocupou o posto de vicecoordinador comarcal de Compromiso Por Galicia na anterior executiva comarcal. Actualmente pertence ao claustro da Universidade de Santiago e xunta de Facultade de Ciencia Política. Logo de ser nomeado coordinador, o propio Seijas propuxo a Lola Caramés como vicecoordinadora comarcal e foi ratificada polo conxunto dos participantes.

Executiva recén nomeada

Conformarán deste xeito a executiva comarcal de Compromiso Por Galicia en Muros e Noia as seguintes persoas. Como secretarios locais, María Sambade por Muros, Xosé Manuel Ramos por Outes, Xoán Ramos por Mazaricos, Xurxo Louro por Noia e Sonia Ares por Lousame. Como vicecoordinadora queda Lola Caramés, como coordinador Manolo Seijas e o membro representante da Mocidade Nacionalista Galega (mocidades de CXG) será Ricardo Alborés.

Posted via email from Certo.gl, o xornal dixital de Barbanza e Noia

Ribeira: case lista a rede de auga e o saneamento no lugar da Revolta, en Castiñeiras

Só falta repoñer o pavimento afectado para completar a actuación

Ribeira, 4 de febreiro de 2012.- O Concello informa de que a actuación consistente na instalación de redes de auga potable, saneamento e pluviais en A Revolta, lugar situado na parroquia de Castiñeiras, xa está na recta final, e unicamente falta repoñer o pavimento dunha actuación que foi executada pola empresa Excavaciones Nima, S.L. O importe é de 76.856,92 euros. A zona obxecto de actuación carecía dos servizos de auga potable, saneamento e pluviais.

Co obxecto de solventar esta carencia, o Concello dispuxo unha actuación que inclúe, no que respecta ao abastecemento de auga potable, a colocación de 300 metros de tubaxe de polietileno de alta densidade, cun diámetro de 75 milímetro.

Polo que respecta ao saneamento, instaláronse 226 metros de PVC compacto de 315 milímetros de diámetro e 49 metros de tubaxe de polietileno de alta densidade de 90 milímetros.

En canto a pluviais, situouse unha tubaxe de PVC corrugado de 315 milímetros de diámetro e 115 metros de lonxitude. Tamén se dispuxeron 8 arquetas sumidoiro e cinco pozos de rexistro. Todas as canalizacións foron soterradas en gabia. O pavimento afectado vai ser reposto cunha mestura bituminosa tipo D-12. A actuación adscríbese ao canon de saneamento derivado da adxudicación do servizo de augas.

Boiro: Algo cheira a podre en Cabo de Cruz. Doadores ilegais ao PP gañaban contratos irregulares coa Xunta galiciaconfidencial.com/nova/13120.htm…
— Certo (@Certo) February 4, 2013