Cultura: nenas e nenos de nove colexios de Ribeira leron textos para homenaxear a Rosalía

Ribeira, 22 de febreiro de 2013. A concelleira de Educación, Carmen Vizcaya Sampedro, acompañou ós máis de 250 nenos de primaria que acudiron hoxe ó Auditorio Municipal de Riveira a unha homenaxe a Rosalía de Castro. En solitario, en parella ou en grupo recitaron poemas de “Cantares Gallegos” neste acto organizado desde o servizo de Normalización lingüística da Concellería de Educación do Concello.

O acto comezou ás once da mañá e tivo unha duración de hora e media na cal os nenos e nenas estiveron moi participativos e gozaron do traballo dos seus compañeiros.

Ó comezo da actividade seis alumnos de terceiro e cuarto da ESO do IES Nº1 presentaron unha curtametraxe do poema “Cantan os galos pra o día” que se pode ver na páxina da Asociación de Escritores en Lingua Galega, impulsores da idea. 

Logo da proxección comezou o recital infantil a cargo do alumnado de 4º de primaria.

- Os alumnos do colexio A Milagrosa recitaron de maneira coral “Has de Cantar”. 

- Os nenos e nenas do Colexio Bayón estiveron representados por Miriam e Alba que recitaron outro poema de “Cantares Gallegos” en solitario.

- Unha intervención en parella e outra coral é o que prepararon os nenos e nenas do Colexio Sagrado Corazón de  
Jesús.

- Os alumnos do CEIP Frións co poema “Fun un domingo”. 

- O colexio de primaria de Artes recitou en parellas, e dunha maneira moi orixinal o poema de Rosalía “Canta Meniña”. Ó terminar a súa mestra cantoulles como lle pedían, para sorpresa de todos, unha canción en ruso. 

- Tamén houbo idiomas estranxeiros na actuación dos nenos e nenas do colexio de Carreira. Recitaron dous poemas de “Cantares Gallegos”, o último en inglés lido por unha mestra nativa.

Con estas dúas propostas en ruso e inglés, os centros plurilingües de Riveira dan a coñecer o seu magnífico traballo de comunión de todas as linguas do mundo.

- Os alumnos dos colexios Galaxia e O grupo foron os máis numerosos. Subiron en grupos e por clases a amosar o seu traballo. 

- Os alumnos do Grupo recitaron acompañados de música. Os primeiros “Campana de Bastavales” e os seguintes ”Adios Ríos Adios Fontes” con música de  
Amancio Prada.

Para rematar o acto, todos os nenos e nenas recitaron ó unísono e postos en pé un anaco do poema “Cantarte hei, Galicia”.

Dende a Concellería de Educación do Concello agradécese a enorme participación na iniciativa tanto ós nove colexios que participaron coma ós mestres que se involucraron cos nenos. "Sen eles non sería posible", remata.

De quen sería a idea de poñer a Murguía cun ramo de flores diante da tumba da súa muller Rosalía? flic.kr/p/7BMv7a Faríase hoxe?

— Certo (@Certo) February 22, 2013

Cultura: actos de homenaxe a Rosalía de Castro previstos para esta fin de semana nas bisbarras de Barbanza e Noia post.ly/ADOED

— Certo (@Certo) February 22, 2013

See the full gallery on Posterous

Posted via email from Certo.gl, o xornal dixital de Barbanza e Noia

Cultura: actos de homenaxe a Rosalía de Castro previstos para esta fin de semana nas bisbarras de Barbanza e Noia

O acto principal será en Bonaval, Santiago, onde repousan os restos da Nai das Letras Galegas

Barbanza e Noia, 22 de febreiro de 2013. Segundo informa a Asociación de Escritoras e Escritores en Lingua Galega, as quendas e datas  para a multitudinaria homenaxe (tanto en espazos como en número de xente) a Rosalía de Castro esta fin de semana en Barbanza e Noia son as seguintes:

Poden consultar toda Galicia en:
http://axendaaelg.blogaliza.org/

Relacionadas:

• Ribeira: Rosalía, tamén homenaxeada o venres 22 e o domingo 24

• Ribeira: Altofalante homenaxea a Rosalía este sábado 23

• Noia: este sábado 23, conferencia sobre Rosalía e Cantares Gallegos

• Rianxo: Rosalía será protagonista 20 e 23

Posted via email from Certo.gl, o xornal dixital de Barbanza e Noia

Ribeira: orde do día do pleno do 25 de febreiro de 2013

Pleno febreiro.doc Download this file

Posted via email from Certo.gl, o xornal dixital de Barbanza e Noia

Cultura: o músico noiés Rodrigo Romaní, finalista en tres categorías dos XII premios do xornal La Opinión

• A mellor artista, mellor disco e mellor canción (Terras de Melide), co seu último traballo, "Arpas de Breogán"
  

O artista participou na última Semana Musical de Noia

Noia, 22 de febreiro de 2013. O noiés Rodrigo Romaní aparece como finalista nas tres categorías que se conceden nos galardóns do xornal coruñés La Opinión, segundo se deu a coñecer onte. "Nesta edición dos galardóns achamos unha mestura entre as candidaturas finalistas de artistas xa veteranos, cunha sólida traxectoria, e músicos que aportan traballos que supoñen o seu debut discográfico, como acontece con dous dúos que foron quen de entrar nunha lista sobranceira da que é difícil formar parte, e máis se temos en conta que este ano o xurado debeu valorar case un 30% máis de traballos que na edición anterior", sinalan os organizadores destes premios.

Explican que na "loita para ser a mellor peza atopamos unha canción do cuarteto A Cada Canto, unha composición de Óscar Fernández incluída na obra de Os Cempés e unha creación de Rodrigo Romaní, quen é un dos grandes protagonistas destes nomeamentos ao lograr entrar co seu Arpas de Breogán nas tres categorías (disco, canción e artista). Unha menos logrou outro home que tamén leva moitos anos de andaina no mundo do folk e que completa o cuarteto para mellor canción. O traballo de Pancho Álvarez como solista, tamén é integrante dende hai tempo da banda de Carlos Núñez, aparece tamén con opción de vitoria como mellor artista do ano".

Posted via email from Certo.gl, o xornal dixital de Barbanza e Noia

Noia: o Concello comunica á Fiscalía de Medio Ambiente a vertedura ao río San Xusto provocada pola empresa que fai a variante

Non é a primeira vez que as obras do corredor Brión-Noia enlaman o río San Xusto. Imaxe de setembro de 2010

Noia, 21 de febreiro de 2013. O Concello de Noia vai poñer en coñecemento da Fiscalía de Medio Ambiente unha das últimas verteduras que se produciron no río San Xusto, de onde collen auga da traída os habitantes de Noia.

Segundo puido saber este xornal, a xunta de voceiros do Concello de Noia, convocada a petición do PP, acordou por unanimidade dos grupos poñer en coñecemento de todas as administracións competentes as verteduras ao río San Xusto que provocaron problemas na captación municipal de auga. Segundo consta no informe do Seprona, unha das últimas incidencias foi provocada por movementos de terras de Puentes y Calzadas, empresa constructora que está a construír a controvertida variante noiesa.

Os informes realizados por Seprona foron postos en coñecemento da Axencia de Legalidade Urbanística, da fiscalía citada, de Augas de Galicia e de Conservación da Natureza, entes estes últimos que dependen, paradoxalmente, da Consellería de Medio Ambiente e Obras Públicas, a mesma que impulsa a construción da variante e que está dirixida por un conselleiro, Agustín Hernández, que traballou durante un tempo para a constructora Puentes y Calzadas.

Posted via email from Certo.gl, o xornal dixital de Barbanza e Noia

Mar: o Psoe galego esixe á Xunta que habilite plan de axudas polas perdas dos bancos marisqueiros de Noia, Barbanza e Arcade

7 POC mortandade bivalvos 150113 JRVAL 090002119.pdf Download this file

• Achácano ás riadas de decembro e xaneiro, pola excesiva auga doce nas praias
• O portavoz de Pesca socialista, José Ramón Val, advirte que a caída de orzamentos “non aportan ningunha expectativa de mellora” para o sector

 

Barbanza-Noia, 21 de febreiro de 2013. O portavoz de Pesca do Grupo Socialista, José Ramón Val, esixiulle hoxe á Xunta a posta en marcha dun Plan de Axudas específico para paliar as perdas ocasionadas polas riadas de decembro e xaneiro nos bancos marisqueiros de Noia, Barbanza e Arcade. O parlamentario socialista presentou unha iniciativa na que reclamou a entrega das prestacións “en tempo e forma”.

Val esixiu a posta en marcha de medidas específicas de apoio pola alta mortalidade que provocou o exceso de auga doce naquelas datas, e reclamou “celeridade” logo de constatar que a Xunta acumulou retrasos de ata 8 meses na concesión de axudas ordinarias ao marisqueo.

Inmundicia nos pósitos

O responsable socialista advertiu que a redución nos orzamentos da Xunta “non aporta ningunha expectativa de mellora, nin modifica absolutamente en nada esta situación”. Lamentou que “non haxa unha aposta crible para este sector, que está a ser abandonado polo goberno galego ata o punto de que a Comisión do Parlamento Europeo que visitou as rías nestas datas falou da inmundicia acumulada nos pósitos".

José Ramón Val dixo que o sector da baixura está paralizado hoxe en desacordo coa xestión da Xunta no reparto de cotas pesqueiras, centos de mariscadoras se teñen pechado na delegación comarcal da Xunta en Ribeira esixindo ser recibidas pola conselleira do Mar e varios patróns maiores de Arousa denuncian suposto trato de favor no peche de bancos marisqueiros e acceso ás axudas da Xunta. 

Lamentou que o goberno galego non teña actuado “de oficio” para apoiar a estas confrarías pola alta mortandade de bivalvos e que “teñamos que agardar dous meses a que os grupos parlamentarios traian as iniciativas para ver que o goberno galego non é quén de facer nada” xa que, dixo, “non hai ninguén limpando as rías nin traballando na rexeneración dos bancos”.

Criticou o “desgoberno” da Xunta diante da situación “realmente comprometida” do sector, que perdeu de maneira significativa o número de Permisos de Explotación –Permex- de 4.300 en 2009 a 3.900 en 2011, ao que se suma a caída de prezos en primeira venda e unha importante caída da produción.

Relacionadas:

• Mar: o GEMM alerta de moluscos invasores nas augas de Arousa

• Mar: o Bng apoia o amarre da flota polas cotas da xarda

• Ribeira: reunión do Consello Sectorial de Pesca

Posted via email from Certo.gl, o xornal dixital de Barbanza e Noia

Porto do Son: obradoiro de teatro para mulleres e curso de informática para nenos

• O prazo para anotarse ao obradoiro de teatro ábrese ata o luns 4 de marzo. Non é precisa experiencia previa
• O curso de informática comeza o xoves 28 de febreiro no edificio de usos múltiples
  

Cemit

A Rede Cemit vai poñer en marcha un novo obradoiro dedicado aos máis cativos da casa (de 5 anos para adiante). Dá comezo o xoves 28 de febreiro, na aula de informática ubicado no edificio de Usos Múltiples no núcleo de Porto do Son. O horario será de mañan de 12:30 a 13:30 horas. Con este novo obradoiro xa son 13 os que están en funcionamento nas diferentes Casas de Cultura do Concello. A Rede está a traballar para aumentar máis o número de obradoiros, xa que hai gran demanda por todo o municipio sonense.

Antes, en Certo:

• Porto do Son: "Sol de inverno" e "Redeiras", novos traballos de SonCine

Posted via email from Certo.gl, o xornal dixital de Barbanza e Noia

Infraestruturas: abren consultas para facer a declaración de impacto ambiental do acceso a Portobravo, en Lousame, dende o corredor Brión-Noia

• Este período de consultas ambientais estará aberto durante un mes, dende o día de hoxe, para a achega de observacións con incidencia ambiental no proxecto
• Este proxecto define un vial, cunha lonxitude dun quilómetro aproximadamente, que partindo da estrada Santiago- Noia (AC-543) conecte coa estrada de acceso a Noia AC-311 e coa estrada Augasantas- Noia (AC-308), evitando o emprego da actual intersección entre estas últimas estradas, situada na travesía de Noia

O novo acceso parte dende esta altura do corredor Brión-Noia

Lousame-Noia, 21 de febreiro de 2013.- A Consellería de Medio Ambiente, Territorio e Infraestruturas, vén de iniciar as consultas ambientais do proxecto de trazado e impacto ambiental para a mellora do acceso a Portobravo, no Concello de Lousame, coa finalidade de definir o alcance que debe ter o Estudo de Impacto Ambiental.

Esta nova conexión en proxecto permitirá que, partindo do enlace co corredor CG-1.5 Brión- Noia en Sampaio, a través da conexión posta en servizo recentemente coa AC-543, e discorrendo a través desta e do novo vial, os usuarios se acheguen ao núcleo de Portobravo por un itinerario mais áxil e seguro, evitando o tráfico de características máis urbanas da travesía de Noia.

A nova comunicación mellorará a accesibilidade ao Concello de Lousame, incrementará a seguridade viaria dos usuarios e reducirá o tempo de percorrido. Ademais permitirá o aumento do dinamismo socioeconómico da área de afección, sempre segundo a Xunta, que nunca cita as desfeitas ambientais en canto a flora e fauna e moito menos as debacles paisaxísticas que estas grandes infraestruturas xeneran.

No que se refire a características técnicas, o proxecto componse de tres elementos: as conexións co viario da zona, un viaduto sobre o río de San Xusto e un eixo de novo trazado a través de terreo forestal. A Consellería de Medio Ambiente considera dúas alternativas para o desenvolvemento desta conexión entre A Fialla, na AC-311, e Portobravo, que parten do noreste e noroeste deste núcleo, respectivamente. A Xunta de Galicia asegura, inda que logo está por ver e por cujmprir, que mediante este proceso de consultas ambientais introducirá no documento as medidas necesarias para minimizar ou eliminar a ocupación do terreo forestal e o efecto barreira para a fauna.

Posted via email from Certo.gl, o xornal dixital de Barbanza e Noia

Ribeira: Rodrigo Vila, ao saxofón este venres na igrexa de Santa Uxía

• O mestre vén de facer unha xira por Perú e Bolivia, onde impartiu clases maxistrais e concertos
   

 

Ribeira, 21 de febreiro de 2013.- O mestre da Aula Galega de Saxofón Rodrigo Vila ofrecerá mañá venres un recital para saxofón na Igrexa Parroquial de Santa Uxía ás 20.15 horas.

Este afamado pedagogo e concertista, nado en Vigo e que actualmente traballa como profesor no Conservatorio Superior das Illas Balears, acaba de chegar de Perú e Bolivia, onde foi invitado a impartir master class en ambos países e onde xa ofreceu  o concerto que mañá venres interpretará en Ribeira.

Rodrigo Vila ofrecerá un concerto de 45 minutos aproximadamente que abarca estilos dende o barroco ata o século XXI. Obras de J. S. Bach, Luciano Berio, François Rossé e Mauricio Sotelo forman parte do programa do recital.

Habana e Pequín

Ademais de continuar como profesor da Aula Galega de Saxofón, o mestre Rodrigo Vila  ten previsto de aquí ao verán novas master class e recitais en lugares como A Habana ou Pequín. 

Hai que lembrar que a Aula Galega de Saxofón  é unha actividade que organiza e desenvolve o Conservatorio Profesional de Riveira unha fin de semana de cada mes e  á que asisten 16 alumnos de saxofón procedentes de Ribeira e de outros puntos da xeografía galega.

Ribeira: o Concello organiza recital infantil e participa na Alborada Nacional para homenaxear a Rosalía post.ly/ADGSi

— Certo (@Certo) February 21, 2013

Lucía Méndez:"Los actores fueron bastante comedidos.Una gala de peluqueras, fontaneros o autónomos hubiera dicho cosas mucho peores al Gob."

— Adela Molina (@adelamolina) February 19, 2013

Uno de los mayores logros del capitalismo es hacer creer que sus medidas, sobre todo económicas, son meramente técnicas, y no ideológicas.

— Pablo(@Pablo_8_9) February 21, 2013

Rodrigo Vila - Aula Galega de Saxofón.doc Download this file

Posted via email from Certo.gl, o xornal dixital de Barbanza e Noia

Ribeira: o Concello organiza recital infantil e participa na Alborada Nacional para homenaxear a Rosalía

• O recital, con poemas de Rosalía, será este venres 22 no auditorio
• A alborada será parte da nacional que se organiza este domingo 24 en toda Galicia
  

 

Ribeira, 21 de febreiro de 2013.- Con motivo do 150 aniversario da publicación de “Cantares Gallegos”, de Rosalía de Castro, o Concello ten previsto poñer en marcha dúas actividades que conmemoren a efeméride dun fito tan importante para a historia da Literatura Galega.

Para dar conta dos detalles de ambas actividades, déronse cita no Consistorio local a concelleira de Educación, Mª Carmen Vizcaya, e a responsable do Servizo de Normalización Lingüística, Alicia Padín.

A primeira das accións terá lugar no día de mañá, venres 22, e está dirixida aos nenos e nenas dos distintos centros educativos do municipio. Tratase dun recital poético infantil que terá lugar de 11 a 12.30 horas no Auditorio Municipal.

O evento contará coa presenza de máis de 250 nenos e nenas de 4º de Primaria, que participarán nunha lectura coral do poemario da poetisa de Padrón.

Así mesmo, o evento dará cabida tamén á proxección sorpresa dunha curtametraxe realizada por alumnos do IES Nº1 sobre a homenaxeada. Esta peza fílmica será colgada nos vindeiros días na páxina web da Asociación de Escritores en Lingua Galega (www.aelg.org), promotores da iniciativa da creación audiovisual na honra de Rosalía.

Por outra banda, o domingo 24 de febreiro (día propio no que se cumpren 150 anos da publicación de “Cantares Gallegos”) vaise poñer en marcha unha Alborada para Rosalía de Castro interpretada por gaiteiros e músicos tradicionais, recollendo a iniciativa da Asociación Galega de Gaiteiros, a Fundación Rosalía de Castro e a Real Academia Galega.

Relacionadas:

• Ribeira: Altofalante homenaxea a Rosalía este sábado 23

• Noia: este sábado 23, conferencia sobre Rosalía e Cantares Gallegos

• Rianxo: Rosalía será protagonista 20 e 23

See the full gallery on Posterous

Posted via email from Certo.gl, o xornal dixital de Barbanza e Noia