21.3.10

Fotografía: impactantes imaxes de faros


A nosa modesta aportación... co gallo de Xynthia, aquela brisiña mariña pola que todos quedamos na casa coma paparotes.
O resto: http://reflectionof.me/lighthouses

Posted via web from Posterous de Certo, o xornal virtual de Barbanza e Noia

Micoloxía: información ou incitación ao consumo de fungos psicoactivos?

Vía Menéame.net chegamos a esta páxina:
http://www.mind-surf.net/drogas/hongos.htm
Información para dar e tomar sobre os principais fungos con alcaloides que provocan alucinacións. No eido das drogas sempre hai debate: se informas sobre elas sempre haberá quen diga que estás incitando ao seu uso. Se non informas, o perigo tamén é real. Se as prohíbes, acadas o "grande" éxito que colleitamos dende mediados do século XX: nunca houbo tantas e fixeron tanto dano, non só nos seus consumidores últimos senón cos negocios criminais e a corrupción que seguen a xenerar.

Posted via web from Posterous de Certo, o xornal virtual de Barbanza e Noia

20.3.10

Curiosidades: acabouse o refrán "cando as ras críen pelo"

Si, amiguiñ@s, aquí a tedes. É africana, e ten máis pelo que Don Limpio.
Se queredes buscar un gremlin destes, na Wikipedia divos onde viven: http://es.wikipedia.org/wiki/Trichobatrachus_robustus
Atopámola vía http://www.microsiervos.com

Posted via web from Posterous de Certo, o xornal virtual de Barbanza e Noia

Deportes: dúas tripulacións de "Vela para todos" de Ribeira participaron na primeira proba "Access" que se organiza en Galicia

    Ribeira, 20 de marzo de 2010. A pasada fin de semana, 13 e 14 de marzo, disputouse en aguas de A Coruña o I Campeonato Galego de Vela Adaptada organizado polo Real Club Náutico da Coruña en colaboración coa Federación Galega de Deportes de Minusválidos Físicos (FGDMF) e a Delegación Territorial da ONCE en Galicia.

   No evento reuníronse participantes de varias clases diferentes de embarcacións  adaptadas (2.4mr, Access 303, Yatland 460 e Raquero Adaptado). O número de participantes foi de 30 personas pertencentes a 6 clubes galegos.

   Na modalidade Raquero a tripulación vencedora foi do RCN de la Coruña; Carmen Gómez, Marifé Álvarez e Curro Jiménez; en 2.4mr a victoria foi para o navegante do Club de Vela Escota de Vigo, Antonio Figueroa, en Access gañaron os regatistas do RCN da Coruña, Javier Mouriño e  David Rivera, e por último en Yatland 460 o vencedor foi Jesús Pombo, da Fundación María José Jove.

   A xornada do sábado presentouse chuviosa e desagradable, pero disputáronse varias mangas de clasificación. Para o domingo, o tempo deu un respiro e pudieron saír tódalas clases a competir, e aínda que en ocasións o vento subíu con intensidade, non houbo que reseñar incidentes importantes.

Dende o programa Vela para Todos de Ribeira, participaron na xornada do domingo dúas tripulacións,  Lisardo Calo e Domingo Ruíz,  e Carlos Fernández e Sergio Pouso, en sendos barcos Access 3.03. Destacaron os deportistas de Ribeira pola boa organización e o papel deportivo que conseguiron.

Esta é a primeira ocasión na que se organiza en Galicia unha proba deportiva en clase Access, unha embarcación de recoñecido prestixio internacional pola que o Programa Vela para Todos apostou dende o inicio, e que cada ano está a sumar novas incorporacións que van conformando unha pequena frota de barcos e deportistas en Galicia, unha das máis importantes de España nestes momentos.

Posted via email from Posterous de Certo, o xornal virtual de Barbanza e Noia

Dodro: o PP denuncia que o Plan do Litoral afectaría gravemente a Bexo, Imo, Tallós e A Igrexa e que o goberno local non informa


Bexo e outros núcleos quedarían sen desenrolo urbanístico de aplicarse o Plan do Litoral, di o PP
    
Dodro, 20 de marzo de 2010
(Nota íntegra do PP). O Partido Popular de Dodro quere comunicar que despois de transcurrir máis de mes e medio dende a presentación do Plan do Litoral, o equipo de goberno aínda non tomou ningunha iniciativa ó respecto, o que na nosa opinión supón unha grave irresponsabilidade. Segundo puido comprobar o Partido Popular despois de varias consultas e reunións informales con representantes da Consellería de Medio Ambiente, nin o PSOE nin o BNG aportaron ningunha indicación sobre os prexuizos que podería causar  ós veciños de Dodro a aplicación do Plan do Litoral dacordo co documento exposto a través da web da Consellería. A aplicación sen modificacións do Plan do Litoral afectaría gravemente ós núcleos de Bexo, Imo, Tallós e A Igrexa, de tal xeito que deixaría a estes núcleos prácticamente sen posibilidades de desenrolo urbanístico. Neste senso, o Partido Popular quere recordar que no pleno do 17 de outubro de 2008, tal e como está recollido na acta, xa apuntou a necesidade de que o novo PXOM estivera consensuado coa Xunta de Galicia no que ó Plan do Litoral se refería, de forma que a afectación deste Plan non fora superior á afectación marcada polo deslinde de Costas.  Pero unha vez máis o PSOE-BNG fixeron oídos xordos con conseguinte prexuízo para os veciños. Visto o resultado,  é evidente que en ningún momento o equipo de goberno se preocupou de conquerir un consenso que evitase unha maior afectación de terrenos e propiedades impedindo a edificación de vivendas nos mesmos.

      Novamente, o equipo de goberno PSOE-BNG está a actuar de costas ós intereses dos veciños de Dodro. Resulta sorprendente que despois de dous anos que se iniciou o Plan do Litoral tanto o sr. Díaz, alcalde de Dodro, como o tenente-alcalde do BNG, sr. Franco non amosasen o máis mínimo interés pola afectación do Plan do Litoral ó Concello de Dodro, máis aínda cando este Plan foi realizado co goberno bipartito PSOE-BNG na Xunta de Galicia. De non ter perdido tanto tempo na modificación do PXOM que agora se pretende aprobar, a afectación do Plan do Litoral prácticamente sería nula, pero tendo en conta que o PXOM aínda non está aprobado definitivamente, a influencia do Plan do Litoral podería dar ó traste cos obxectivos de desenrolo urbanístico de Dodro.

      As posibles consecuencias non serían outras que modificar novamente o PXOM, co retraso que eso implicaría, e a imposibilidade de crecemento de núcleos importantes de Dodro. Unha vez máis ponse de manifesto que as consecuencias de non querer escoitar ó Partido Popular páganas os veciños.

Novos contedores

      Por outra banda, representantes da Delegación de Coruña da Xunta de Galicia poideron confirmar definitivamente o Partido Popular de Dodro, tras a reunión mantida en días pasados, que ó Concello de Dodro se lle asignarán 15 novos contedores de basura, o que supón un incremento notable sobre o inicialmente previsto e que foi obxecto da última reunión mantida na Delegación da Xunta de Galicia.

Posted via email from Posterous de Certo, o xornal virtual de Barbanza e Noia

Rianxo: o sábado 27 de marzo no auditorio, Festival Folclórico Galego organizado polo Ballet folclórico boirense

Noia: un vídeo de hai 25 anos para "amigos de la nave del misterio" sobre a igrexa de Santa María A Nova

Non temos máis información que o visionado no vídeo. O audio córtase. Misteriosamente? (alguén lle taparía a boca a alguén, como pasa dende que o mundo é mundo, non?)

Posted via web from Posterous de Certo, o xornal virtual de Barbanza e Noia

Lousame: a banda de música abre canle en YouTube para ofrecer os seus concertos

19.3.10

Pesca: ábrese a veda este domingo 21 de marzo para case todas as especies


A licenza para pescar lampreas e outras especies de esteiro é a máis cara, 46,85 euros

Barbanza-Noia, 19 de marzo de 2010.- Este domingo non só chega oficialmente a primavera: tamén comeza a tempada de pesca 2010, de acordo coa normativa que regula esta actividade e cuxas competencias corresponden á Consellería do Medio Rural. Antes do inicio formal da campaña a Xunta editou unha completa guía informativa coas principais novidades deste ano, así como con diferentes datos sobre tipos e prezos das licencias, períodos hábiles, modalidades, horarios e tramos, que vai adxunta nesta nova.

90.000 licenzas o ano pasado

En Galicia expedíronse en 2009 un total de 90.198 licenzas de pesca, nas súas diferentes modalidades (para españois, estranxeiros residentes ou cidadáns da UE; segundo as especies; para pesca a flote, etc.). Foron case catro mil menos que na tempada de 2008, na que se emitiron un total de 94.187 licenzas.

As principais novidades desta tempada son o establecemento de novos tramos libres de pesca sen morte nos ríos Avia, Belelle, Iso, Ladroíl, Lor, Navea-Queixa e Támega; a apertura dos coutos de Caldas de Reis e Ponte Arnelas; un novo tramo de pesca sen morte no couto de Caldas de Reis e outro de iguais características no río Castro, afluente do Xuvia. Tamén se permitirá a pesca se morte no couto de San Tirso (nos lotes dous –Estreitos– e tres –Louredal–) e parcialmente no lote catro do couto da Pontenova (O Cairo).

Modalidades de pesca

No que atinxe ás modalidades de pesca, como regra xeral e para tódalas especies, só se autoriza a pesca con cana, sen prexuízo da regulamentación específica da anguía, angula ou meixón, a lamprea e o cangrexo vermello americano. En tramos de río, só se permite o emprego dunha cana por persoa, a unha distancia máxima do pescador ou pescadora de tres metros e dunha sacadeira ou un lazo como elemento auxiliar.

No que atinxe á pesca sen morte, autorízase unicamente a mosca artificial nas súas distintas modalidades e a culleriña cun só anzol e sen arponciño, quedando prohibido para tódolos efectos o engado natural. Ademais, especifícase que tódalas capturas deberán ser devoltas á auga inmediatamente despois da súa extracción.

Download now or preview on posterous
FolletoPesca10.pdf (2318 KB)

Posted via email from Posterous de Certo, o xornal virtual de Barbanza e Noia

Boiro: Portos fará unha nova rampla no norte do peirao de Escarabote a petición do clube náutico


Suporá un investimento duns 55.000 euros e implica case unha nova construción, polo estado en que se atopa

    Boiro, 19 de marzo de 2010.- Portos de Galicia acometerá nestes días o comezo das obras de construción dunha nova rampla e o acondicionamento da zona próxima da explanada da zona norte do porto de Escarabote. Esta actuación foi solicitada polo club náutico con cargo aos fondos do Plan de Investimentos en obras Menores (PIM) e suporá un investimento duns 55.000 euros.

   O acondicionamento da rampla implica practicamente unha nova construción polo estado no que se atopa. A ampliación do ancho desta rampla e a mellora da pendente que se pretende se executará para evitar rebasar a liña frontal do peirao. Por outra banda, o acondicionamento da zona próxima da explanada consistirá nun rebaixe de catro metros de ancho e de 75 centímetros de altura para adaptala á rampla e poder depositar as embarcacións na explanada dunha maneira cómoda.

Plan de investimentos en obras menores



    O Ente Público Portos de Galicia, está a executar obras de infraestrutura e inversións menores nos portos da provincia de A Coruña de acordo coas necesidades dos seus distintos usuarios como son as confrarías, clubs náuticos, asociacións e concesionarios e operadores portuarios, entre outros.
    Entre as actuacións realizadas por este programa figuran a reordenación de fondeos, limpezas de fondos mariños, defensas para os peiraos, casetas, remodelación de locais, galpóns e almacéns, pavimentacións e asfaltados de viais portuarios, mantemento e reparación en xeral de portalóns e reparación de superficies en lonxas, vestiarios, entre outros.

   Tamén figuran nestas partidas as correspondentes á colocación de alumeados nos portos e edificios de comercialización e venda de peixe, colocación e acondicionamento de escaleiras, tanto nos edificios como nos peiraos. Segundo as peticións recibidas, a maior parte corresponde ás efectuadas polas confrarías de pescadores.

Posted via email from Posterous de Certo, o xornal virtual de Barbanza e Noia

Twitter

Related Posts with Thumbnails Banner: Regale selva tropical