Noia: este sábado 18 de xuño, I Encontro Xuventude, con xogos de xeobusca, na Casa da Xuventude

Obxetivo principal

• Dar a coñecer os recursos da Dirección Xeral de Xuventude, os programas a través dun xogo de xeocaptura.
• Ofrecer ferramentas a asociacións e grupos informais para financiar proxectos.

 2.     Obxetivos específicos

• Dar a coñecer o programa de axudas “Iniciativa Xove” aos mozos e mozas.
• Dar unha alternativa de ocio saudable.
• Fomentar espazos e momentos de convivencia entre os mozos e mozas da zona.
• Facilitar o acceso aos programas e información da Dirección Xeral de Xuventude e Voluntariado.

Data e lugar:

Lugar: Casa da Xuventude de Noia

Horario: 11.00 a 13.30h

Data: 18 de Xuño de 2011

Destinatarios:

• Mozas e mozos entre os 14 e os 35 anos.  
• Asociaciónsxuvenísou prestadoras de servicios a mocidade. 
• Grupos musicais da zona

Estructura:

A primeira fase constarádunha presentación do Director Xeral de Xuventude por parte da Directora do EspazoXove de Noia.

Aproveitaremos este primeiro momento para presentar unha exposición dunha rapaza de Noia que se mostrará no EspazoXove e tamén para que as asociacións se presenten ao Director Xeral Ovidio Rodeiro.

Na segunda fase organizan os grupos para o xogo de xeobuscapor Noia, onde os participantes terán que atopar uns cofres que conteñen os distintos programas da Dirección Xeral de Xuventude e Voluntariado. Ao rematar a xeobusca Rogelio Rivas fará una exposición sobre os recursos en materia de axudas por parte da Dirección Xeral de Xuventude.

Custe:

Gratuíto

Inscricións:

EM. Borja.xuventude.eulen@gmail.com

T. 627.550.289

Posted via email from Certo.gl, o xornal dixital de Barbanza e Noia

Boiro: o Día das Peñas é o luns 4 de xullo. Prazo para anotarse ata o 30 deste mes de xuño

E xa nos adiantan que a Mostra das Culturas en Boiro é a fin de semana anterior ao Día das Peñas, o 2 e 3 de xullo. Con La Kinky Beat e The Blows!

Posted via email from Certo.gl, o xornal dixital de Barbanza e Noia

Noia: este sábado 18, partido de volta para que o Noia Fútbol Sala ascenda á División de Prata

Noia, 13 de xuño de 2011. Este sábado, 18 de xuño, ás 18:00 horas comeza no polideportivo municipal de Noia o partido da final do Play Off de ascenso á División de Prata. Xoga o Noia Fútbol Sala como anfitrión contra o Hospitalet Bellsport F.S

Na ida, o conxunto que dirixe Moncho Vázquez colleitou un resultado bastante negativo, (4-1). Pese á derrota, o gol do brasileiro Marcio deixa a eliminatoria aberta, polo que o equipo aínda ten posibilidades de lograr gañar a eliminatoria e conseguir o ascenso tan desexado polos afeccionados.

Chamamento aos seareiros para animar ao equipo

A organización quere facer "un chamamento á afección para que o sábado acuda ao Municipal de Noia a animar ao equipo local. Que a afección sexa o sexto xogador na pista!".

See the full gallery on Posterous

Posted via email from Certo.gl, o xornal dixital de Barbanza e Noia

Noia: o Plan Comarcal de Prevención de Drogodependencias colabora nunha investigación de tres universidades sobre adolescentes

• Trátase dun estudo sobre conflitividade e comunicación entre adolescentes e as súas familias
• Organízano unha facultade de Vigo, outra de Santiago e outra de Sevilla
  

Cóntanlle estes adolescentes ás súas familias que fan botellón e con que frecuencia? É unha das cuestións a estudar nesta investigación de dúas universidades galegas e unha andaluza

Noia, 13 de xuño de 2011. A Facultade de Ciencias da Educación e do Deporte da Universidade de Vigo en colaboración coa Universidade de Santiago de Compostela (Facultade de Psicoloxía) e a Universidade Pablo Olavide de Sevilla (Facultade de Psicoloxía) levan a cabo unha investigación sobre o nivel de conflictividade e a comunicación entre ambos proxenitores nas familias con fillos e fillas adolescentes. Segundo informou o técnico da UAD de Noia, David Saavedra Pino, o Plan Comarcal de Prevención de Drogodependencias desta bisbarra vai colaborar con este estudo.

A finalidade da investigación  é establecer un perfil do adolescente a a súas pautas de comunicación nas familias, así como a relación entre pautas comunicativas e consumo de drogas. A metodoloxía da investigación é mediante un cuestionario anónimo e confidencial autoadministrado.Durante o mes de septembro-octubro está previsto redactar o informe coa análise dos datos e coas conclusións da investigación.

Posted via email from Certo.gl, o xornal dixital de Barbanza e Noia

Ribeira: Ruiz Rivas intenta apagar o seu primeiro lume como alcalde, o conflito no instituto de Coroso

• O recén electo alcalde di que a escolarización dos alumnos do IES Coroso "terá lugar de forma racional e totalmente tranquila"
• Ruiz Rivas envía -no medio dunha reunión co presidente dos empresarios- unha mensaxe de tranquilidade a nais e pais sobre "os beneficios que a nivel de emprego traerá a Ribeira o centro integrado de Formación Profesional"
  

Ribeira, 13 de xuño de 2011.- No seu primeiro día de traballo como alcalde, Manuel Ruiz Rivas quixo manter unha xuntanza cos empresarios de Ribeira (representados na figura do presidente da súa asociación, José Paz Cadabal) no entendemento de que unha das primeiras prioridades que debe ter hoxe en día o Concello é o emprego, e que os que máis saben en materia de emprego son precisamente os empresarios.

Un dos aspectos que, por considerarse de capital importancia, foron tratados nesta primeira reunión entre Ruiz Rivas e Paz Cadabal foi o da formación, e sobre este punto ambos coincidiron en cualificar de "boa noticia" que Ribeira conte cun Centro Integral de Formación Profesional, "pois isto contribuirá á creación de emprego para a xuventude do municipio. Ademais, o alcalde quixo transmitir ao respecto unha mensaxe de tranquilidade aos pais e nais dos rapaces que están cursando no IES Coroso, no convencemento de que este tema non debe levar a preocupación, xa que o proceso de escolarización terá lugar de forma racional e totalmente tranquila.

Tres foron as razóns expostas por Ruiz Rivas para aducir esta tranquilidade:

1. Nunca houbo tanta oferta educativa como actualmente en Ribeira, ata o punto de que incluso sumando estes estudantes de ESO e Bacharelato aos outros dous institutos, a ratio alumnos/profesor seguirían estando incluso por debaixo dos índices recomendados;
   
2. Polas excelentes instalacións existentes nos centros de Secundaria do municipio (e a este respecto Manuel Ruiz quixo destacar especialmente a magnífica dotación de medios de que dispón o IES Leliadoura en informática e novas tecnoloxías);
   
3. Porque os institutos Número 1 (veciño a Coroso) e Leliadoura están equidistantes do centro de Ribeira.

Por outro lado, o rexedor subliñou as vantaxes de dispor dun Centro Integrado de FP, no que á oferta educativa ordinaria xa existente súmanse un ciclo de instalacións de produtos de calor; e ademais incorpórase unha oferta modular para adultos que constará de dous ciclos: instalacións eléctricas e automáticas e electromecánica de vehículos automóbiles".

Ademais, Ruiz Rivas anunciou que se seguirá traballando para ampliar esta oferta de formación, introducindo novos contidos que sexan acordes coas demandas de emprego existentes na contorna, como pode ser un ciclo de enlatado de conservas.

Mapa comarcal de FP

Abundando neste tema, o alcalde de Ribeira informou de que se está poñendo en contacto cos distintos alcaldes da zona para traballar na configuración dun mapa comarcal de Formación Profesional que propicie a existencia dunha oferta diversa e coordinada entre os distintos municipios: esta idea está sendo moi ben acollida polos seus interlocutores.

Pola súa parte, José Paz Cadabal subliñou que para el foi "un orgullo o feito de ser recibido polo novo alcalde neste seu primeiro día labora"l e compartiu a opinión de que o Centro Integrado de FP será moi beneficioso para o municipio. “Nós estaremos sempre a favor de que se faga unha formación de profesionais adecuada”, manifestou.

Na xuntanza de hoxe, o alcalde e o representante da patronal abordaron outros asuntos de interese para os empresarios, entre eles o do chan industrial: un punto no que falaron sobre a ampliación e mellora do polígono de Xarás e sobre a conveniencia de que o macropolígono sexa unha realidade no menor tempo posible.

Antes, en Certo:

• Coroso: non gustan nin os cambios nin o xeito de facelos no IES

• Nova lexislatura: discurso de investidura de Ruiz Rivas

Posted via email from Certo.gl, o xornal dixital de Barbanza e Noia

Ribeira: un cento de patinadores amosaron o seu talento no festival de fin de curso da Escola Municipal de Patinaxe

Ribeira, 13 de xuño de 2011. Un cento de patinadores de ambos sexos participaron o pasado sábado, 11 de xuño, no pavillón polideportivo de Sirves, no Festival de Fin de Curso da Escola Municipal de Patinaxe.  

Esta actuación constou dun total de 16 actuacións, a cargo non só de alumnos tanto da citada escola como do Club de Patinaxe de Riveira, senón tamén doutros centros de A Pobra e de Porto do Son. 

O eixo central do espectáculo, que estivo dirixido por Elena Rey coa axuda de Ana Cánibe, xirou en torno ao Circo do Sol, mesturando estilos tan dispares como o hip hop, o ballet clásico, a danza contemporánea ou o breakdance. 

O polideportivo de Sirves encheuse por completo para asistir ao espectáculo, que durou hora e media.

Aquel mesmo día, en Ribeira:

• Despedida: homenaxe a Luciano Fernández, ex concelleiro de Cultura

• Benvida: discurso de investidura de Ruiz Rivas

See the full gallery on Posterous

Posted via email from Certo.gl, o xornal dixital de Barbanza e Noia

Boiro: a entrega dos premios audiovisuais OlloBoi, este venres 17 na casa da cultura

Boiro, 13 de xuño de 2011. O certame audiovisual OlloBoi, que organiza o colectivo Rodaxe, cumpre este venres 17 co seu último capítulo nesta edición: a entrega de premios.  Será a partires das 9 da noite na casa de cultura "Ramón Martínez López".

Na gala van estar o multiplemente premiado Luis Avilés (director de cinema noiés) e Miguel de Lira, coñecidísimo actor por varias series de televisión. Ao concurso presentáronse máis de setenta traballos, entre os cales o público deberá escoller, por votación, o que mellor lle pareza. Os premios son os seguintes:

• Premios Rodaxe: 500 €
• Premio Impinxidela: 100 €
• Premio do Público: 100 €

Tamén haberá premio para o mellor traballo escolar e para o mellor proxecto en xeral.

Web de referencia:

http://rodaxe.info

Ligazón directa para ver os vídeos que participan: http://rodaxe.wordpress.com/olloboi-2011/participantes/

Posted via email from Certo.gl, o xornal dixital de Barbanza e Noia

Ribeira: homenaxean ao concelleiro de Cultura saínte, Luciano Fernández, cunha cea e estatua exclusiva

Ribeira, 12 de xuño de 2011. Onte pola noite, sábado 11 de xuño, nun restaurante local, todos os compañeiros/as que traballaron na Concellería de Cultura ribeirense durante os anos que foi concelleiro Luciano Fernández, organizáronlle unha cea de despedida. Alí agasallárono cunha figura do escultor de Aguiño Jontxu Argibay, que elaborou a súa última creación nunha serie limitada exclusiva. A peza en cuestión chámase "A despedida" e foi creada inspirada por este acontecemento. Os participantes na cea foron 18 persoas: Montse, Cuca, Paca, Elena, Manolo, Manolo Saborido, Juanjo, Cuchi, José O Cabo, Miguel Ruiz, Mario, Javier, Cristina, Chiki, Unai, Vicente, Paisal e Carmencita, ademais de Luciano e Mónica como convidados de honra.

See the full gallery on Posterous

Posted via email from Certo.gl, o xornal dixital de Barbanza e Noia

Cultura: a Fundación Cidade da Cultura escolle cen mozos como artistas "novos" para un encontro en setembro

Dossier encontro.pdf Download this file

• Aberto ata o 15 de xullo o prazo para inscribirse no “I Encontro de artistas novos. Cidade da Cultura de Galicia” que se celebrará entre o 4 e o 9 de setembro no Gaiás

• De entre os inscritos seleccionaranse só cen mozos, que poderán coñecer e compartir experiencias durante seis días con creadores xa consolidados no mundo da arte contemporánea, como Pierre Gonnord, Carles Congos, Rubén Ramos Balsa ou Fernando Sánchez Castillo

• A Fundación Cidade da Cultura correrá cos gastos de inscrición, aloxamento (en réxime de pensión completa no Monte do Gozo) e das visitas a museos e centros culturais galegos previstos no programa

• Dirixido polo ex director do MUSAC Rafael Doctor, o encontro organizará unha mostra na que exhibiranse trinta proxectos artísticos realizados polos participantes, co fin de dar a coñecer as súas creacións

O Monte do Gozo será a residencia dos novos artistas durante o encontro

Santiago, 11 de xuño de 2011.- A Fundación Cidade da Cultura de Galicia abriu xa o prazo para conseguir unha das cen prazas que se convocan no “I Encontro de Artistas Novos. Cidade da Cultura de Galicia”. Os interesados teñen ata o venres 15 de xullo para formalizar a súa inscrición. As bases, programa e documentación para facelo poden descargarse en www.cidadedcultura.org/programacultural.

O encontro, no que cen creadores novos convivirán durante seis días con artistas xa consolidados, con directores de museos, comisarios ou críticos de arte, está dirixido a artistas novos galegos, do resto de España e doutros países, cunha idade de entre 18 e 35 anos e que sexan estudantes ou licenciados en Belas Artes (ou titulación afíns), ou ben cunha traxectoria artística acreditada.

A Fundación Cidade da Cultura de Galicia correrá cos gastos de inscrición, aloxamento -en réxime de pensión completa no Monte do Gozo-, transporte diario entre o Monte do Gozo e a Cidade da Cultura, e viaxes previstos no programa para visitar outros centro culturais galegos, como o museo MARCO de Vigo.

Dirixido por Rafael Doctor Roncero, ex director do MUSAC e comisario independente, o encontro contará con artistas como Pierre Gonnord, Cristina Lucas, Ana Soler, Antonio Ballester, Carles Congost, Daniel Canogar, Victoria Diehl, Rubén Ramos Balsa, Fernando Sánchez Castillo, José Luis Serzo y Suso Fandiño. Xunta a eles, estarán directores de museos, como Miguel Von Haffe, responsable do CGAC ou Iñaki Martínez Antelo, del MARCO de Vigo.

Durante os seis días do encontro, os seleccionados participarán en conferencias e talleres sobre a situación da arte contemporánea. Ademais, para dar unha maior visibilidade aos novos talentos, organizarase “Foro Aberto”, onde trinta creadores terán a oportunidade de expoñeren os seus proxectos. Esta actividade permitirá tamén dar a coñecer as infraestruturas culturais dedicadas a arte contemporánea que existe en Galicia.

Posted via email from Certo.gl, o xornal dixital de Barbanza e Noia

Boiro: abre hoy la legislatura con una muestra sobre la Monarquía Española en el consistorio

• El Club Exxpopress presenta la muestra “Crónica da Monarquía Española”, que será visitada el miércoles por el periodista José María Íñigo.

 

Boiro. 15 de Junio de 2011. El hall de la Casa Consistorial de Boiro acoge desde hoy y hasta el próximo día 1 de julio la exposición titulada Crónica da Monarquía Española, organizada por el Club Exxpopress y perteneciente a la colección privada del periodista Suso Souto. La muestra, formada por medio centenar de periódicos de diversas cabeceras y decenas de revistas, hace un amplio repaso a los momentos históricos que marcaron el rumbo de la Monarquía en España, desde la coronación del Rey Alfonso XIII en 1902 hasta la muerte de Don Juan de Borbón en 1993, pasando por la proclamación de la Segunda República, la Guerra Civil, la Dictadura, la transición a la Democracia, la intentona golpista del 23F, etc.

La colección hace asimismo un repaso a los acontecimientos más importantes ocurridos en el seno de la Familia Real, como la boda de Don Juan de Borbón y Doña María de las Mercedes en 1935; el entierro de Alfonso XIII en 1941; la boda de Don Juan Carlos y Doña Sofía en 1962; el bautizo de Don Felipe en 1968; el nombramiento de Don Juan Carlos como sucesor en la Jefatura del Estado en 1969; la proclamación de Don Juan Carlos como Rey de España en 1975 o la muerte de Don Juan de Borbón en 1993.

Uno de los ejemplares de la muestra es una publicación de 1927 editada en Argentina con motivo de las Bodas de Plata del reinado de Alfonso XIII (que se presenta hoja por hoja para que el público pueda ver las numerosas fotografías que incluye). El montaje de la Expo lo completan fotos de gran tamaño de Alfonso XIII, Don Juan de Borbón, Don Juan Carlos I y el Príncipe Felipe, así como periódicos que recogen en sus portadas acontecimientos históricos tan relevantes como el lanzamiento del primer cosmonauta al espacio (Yuri Gagarin), la celebración del Concilio Vaticano II, la muerte de Kennedy, el asesinato de Luther King o la llegada del hombre a la Luna.

La exposición será visitada el miércoles día 15 a las 20.00 horas por el popular periodista y presentador de TV José María Iñigo, quien posteriormente presentará su libro Cien españoles y el Príncipe, a las 20.30 horas en el Centro Social boirense.

Crónica da Monarquía Española.docx Download this file

Posted via email from Certo.gl, o xornal dixital de Barbanza e Noia