Ribeira: no décimo aniversario do parque das Illas Atlánticas, escolares do municipio poderán coñecelo

• Os guías do Parque visitarán 12 colexios para trasladarlle aos rapaces os valores naturais e culturais deste espazo natural
• Tamén se convoca un premio entre os alumnos participantes que consiste nunha visita guiada, a un dos arquipélagos do Parque Nacional

As Cíes forman parte deste parque das Illas Atlánticas

Ribeira, 6 de febreiro de 2012.- A Xunta de Galicia retoma un ano máis o programa de educación ambiental Coñece as Illas Atlánticas, dirixido a alumnos de 4º curso de Educación Secundaria Obrigatoria. Nesta edición 400 alumnos de 12 colexios dos municipios de Vigo, Bueu e Ribeira (concellos da área de influencia socioeconómica deste espazo protexido) coñecerán os valores naturais e culturais deste espazo natural, dun xeito ameno e cunha metodoloxía participativa.

A illa de Sálvora pertence a Ribeira e tamén forma parte do parque

Eurante este mes de febreiro, un equipo de guías interpretes do Parque Nacional mostrará aos rapaces no propio centro educativo os valores naturais do parque coa axuda de imaxes e vídeos e lles proporán unha serie de actividades coas que se pretende que os estudantes se impliquen e conciencien sobre a conservación deste espazo protexido.

A quenda para os de Ribeira, en concreto para o colexio "Sagrado Corazón" de Castiñeiras, é o vindeiro xoves 16 de febreiro. Os alumnos dos colexios asistentes, que previamente solicitaron a inclusión neste programa, participarán nun concurso cuxo premio consistirá nunha visita guiada a un dos arquipélagos do Parque Nacional, que se fallará a finais deste semestre.

Posted via email from Certo.gl, o xornal dixital de Barbanza e Noia

Noia: programa de Entroido 2012

PROGRAMA ENTROIDO 2012.doc Download this file

Posted via email from Certo.gl, o xornal dixital de Barbanza e Noia

Outes: o sábado 11 de febreiro inaugúrase o Muíño Grabiel, de máis de dous séculos e medio

Outes, 4 de febreiro de 2012. O vindeiror sábado 11 de febreiro, ás 12 da mañá, a asociación Terra de Outes vai levar a cabo a inauguración do Muíño Grabiel, cuxa restauración levou a cabo coa axuda da Deputación da Coruña.

No acto, que terá lugar no Río de Outes, onde está ubicado o muíño, intervirán Manuel Ruíz, deputado provincial, Carlos L. Crespo, alcalde de Outes e Xoán X. Mariño, presidente da sobredita asociación.

Na imaxe que acompaña esta información vese o remate dos traballos de rehabilitación e aparecen nela membros da asociación Terra de Outes: Xesús Mato, Xoán Mariño (ambos á esquerda da foto) e Xosé Manuel Vázquez (dereita), xunto con Rafael Fontenlos (2º pola dereita), responsable dos traballos de rehabilitación do muíño e Manuel Vidal (abaixo), veciño de quen partíu a iniciativa de recuperación deste elemento patrimonial con máis de 250 anos de antiguidade.

Empanadas feitas coa fariña moída no mesmo Grabiel

Para celebrar o acontecemento, a ACC Terra de Outes convida aos asistentes a saborear as empanadas elaboradas coa fariña deste muíño, cuxa degustación estará animada por un grupo de cantareiras de Outes.

Posted via email from Certo.gl, o xornal dixital de Barbanza e Noia

Sociedade: sabotearon por sexto ano consecutivo a caza do raposo en Lousame, Noia, Ames, Padrón, Brión e Rois

Barbanza-Noia, 4 de febreiro de 2012. Activistas da Fundación Equanimal sabotearon esta mañá por sexto año consecutivo o Campionato de España de Caza de Rapososque tivo lugar desta volta nos montes da contorna de Rois, Lousame, Brión, Padrón, Ames e Noia.

Todos os anos os cazadores, explican dende esta fundación, "amosan a súa hostilidadesobre quen defendemos aos animais e incluso a cámaras de TV. Durante a xornada de  hoxe houbo novamente tensión nos montes galegos: os cazadores intentaron obstaculizar o traballo dos activistas de Equanimal e mesmo pincharon as rodas dos coches a variosdeles. Solicitaron, asemade, a membros da Garda Civil que realizaran identificacións e rexistros  indiscriminados, que nos pararan os vehículos e mesmo nos intimidasen". Os cazadores, explican, "esforzáronse especialmente en ocultar toda a información relativa ao campionato: indicaron unha data falsa na súa web e tampouco especificaron  en que lugar se concentrarían antes e despois da cacería". Malia todo, activistas chegadosde todos os puntos do estado salvaron a algúns raposos das balas dos cazadores. O obxectivode Equanimal é salvar o maior número de vidas posibles e reivindicar a abolición da caza, así como o cese de apoios das institucións como a Xunta e do fomento que se pretende na novalei de caza entre os menores. "Para construir un mundo respetuoso e sen violencia temos que rexeitar prácticas como aa caza, pois perpetúan valores de indiferenza e desprezo co padecemento de outros individuos e que provocan a morte e sufrimento de millóns de animais. Debemos educar ás vindeiras xeracións no respeto, con independencia da súaraza, sexo ou especie á que pertenzan", rematan os de Equanimal.

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: Francisco Sánchez Fraga presentou o libro "Santa María del Cabo de Corrubedo"

Ribeira, 4 de febreiro de 2012.- A presentación do libro “Santa María del Cabo de Corrubedo (coto del mismo nombre)” congregou na noite de onte na Casa do Mar da parroquia a máis dun cento de veciños que non se quixeron perder un acto que contou coa presenza do autor da obra, Francisco Sánchez Fraga, co deputado provincial Santiago Freire, co alcalde, Manuel Ruiz Rivas, e co senador e ex-alcalde José Luis Torres Colomer. 

Editado pola Deputación Provincial de A Coruña, o libro traza a través das súas 210 páxinas ilustradas con máis de 350 fotografías unha completa radiografía do cabo e o pobo de Corrubedo. Segundo manifestou Francisco Sánchez Fraga, esta publicación “es ante todo la expresión máxima de mi cariño por Corrubedo y del respeto por sus gentes, entre las que tengo familiares y amigos”. En especial, salientou a colaboración recibida de Fernando Vilariño, quen lle fixo partícipe das investigacións particulares que el levara a cabo, e do finado Francisco do Ranco, home que con 95 anos lle relatara numerosos detalles do modo de vida das xentes do pobo na época da súa xuventude. 

Santiago Freire quixo felicitar a Francisco Sánchez por este gran traballo, mentres que Manuel Ruiz Rivas puxo de manifesto a grande importancia que teñen publicacións como esta para que non caia no esquecemento a longa historia de Corrubedo e do municipio riveirense en xeral. “É importantísimo recordar o que fixeron por nós os nosos antergos”, dixo. 

Dende o ano 919

O autor, profesional na reserva do Grupo Especial de Actividades Subacuáticas (GEAS) da Guardia Civil, relata a historia de Corrubedo dende o primeiro dato coñecido no ano 919, no que aparece como señorío dependente do mosteiro de San Paio de Compostela, e vaise demorando ao longo de 45.000 palabras en distintos aspectos ligados coa localidade, como as súas lendas, a vida e costumes dos habitantes do pobo (incidindo en cuestións diversas como as súas actividades cotiás, os seus alcumes, as súas casas ou as súas marcas de pesca), a beleza das súas paisaxes e os seus naufraxios. 

Naufraxios

A este último respecto, Sánchez Fraga cataloga ata 150 incidentes marítimos graves nas súas costas, que causaron a perda de máis dun centenar de buques e centenares de mortos. Entre eles, o autor destacou onte os tráxicos naufraxios do Captain (afundido en 1870, 472 mortos e 18 sobreviventes), o Dom Pedro (afundido en 1895, 89 mortos e 39 sobreviventes, algúns deles rescatados por dornas de Corrubedo) e o Salier (afundido en 1896, 281 mortos, ningún sobrevivente). 

Valentín Paz Andrade, homenaxeado este ano nas Letras Galegas

A publicación remata plasmando o reflexo de Corrubedo na literatura por medio da pluma de autores como Bouza Brey, Ramón Cabanillas, Castelao, Antón Zapata, Gerardo Diego, José María Castroviejo ou Valentín Paz Andrade. “Todos ellos se acordaron de Corrubedo en sus obras, generalmente con admiración y respetuoso temor por su salvaje naturaleza”, resaltou.

Antes, en Certo:

Ribeira: o festival de murgas e comparsas repartirá 6.000 euros en premios o martes de Entroido. Bases!

• Turismo: Arousa Norte recolleu o premio da Once polo turismo accesible para cegos

• Ribeira: Ramiro Carregal loita contra o cancro cun premio

 

See the full gallery on Posterous

Posted via email from Certo.gl, o xornal dixital de Barbanza e Noia

Literatura: convocado o certame "Cartas de amor" de Radio Fene

• Prazo ata o 14 de febreiro para presentarse
• Tamén valen cartas de desamor e abandono
  

Barbanza-Noia, 3 de febreiro de 2012. Disque "Veinte poemas de amor y una canción desesperada" de Pablo Neruda é o libro de poesía máis vendido do mundo. Iso fala do éxito literario dunha temática inagotable como o amor. Das variadas e múltiples perspectivas de abordar o asunto poden falar os convocantes do certame de cartas de amor de Radio Fene. A iniciativa cumpre 13 anos e xira dende o dia da Candeloria -2 de febreiro, cando casan os paxariños- e o San Valentín, 14 de febreiro, dia dos namorados.

Tamén cabe o desamor

A persoa que resulte gañadora do certame recibirá como premio unha cea para 2 persoas e a estancia dunha noite no Hotel Pazo Libunca de Narón. Poderá gozar do galardón nun cuarto doble ou en dous individuais. Faise esa precisión porque en varios dos certames preséntaronse cartas de desamor, algunha moi desgarrada pero cunha indudable calidade literaria. Varios anos os gañadores non puideron gozar co premio. Un ano porque a persoa gañadora narraba a historia dun abandono, noutra ocasión foi unha rapaza menor de idade e o 2010 un xornalista en paro que non tivo medios para achegarse a Ferrol.

As persoas que desexen participar poden enviar unha carta de amor en lingua galega antes do 11 de febreiro, e baixo plica,  ao enderezo: Radio Fene. Casa do Concello. 15500 Fene (A Coruña). Tamén se poden enviar por correo electrónico a direccion@radiofusion.eu

O próximo 14 de febreiro, Dia de San Valentín, patrono dos namorados, saberase o gañador desta cita que conta entre os premiados con autores como Emma Pedreira, Adela del Río, Xosé Montero, Dolores Couceiro, Emilio Ontañón, Francisco Maceira, Alicia Fernández Rodriguez,  Pablo Jablonski, Jorge Melero e Oscar Calvo. Polo xurado pasaron entroutos escritores como Bieito Iglesias, Xosé Manuel Sarille, Manuel Forcadela, Estíbaliz Espinosa, Cesáreo Sánchez Iglesias, Mario Regueira, Iria López Teijeiro, Xosé Leira, Rosa Aneiros, Dulce López Rivera e a bibliotecaria Sonia Iglesias.

Posted via email from Certo.gl, o xornal dixital de Barbanza e Noia

Porto do Son: os escolares do obradoiro de cinema do instituto difunden o lugar de Tarrío na Rede

Pode parecer unha aldea como outra calquera pero non: cada aldea galega é un mundo. Cada unha está configurada dun xeito distinto: cos seus bimbios, os bugallos dos seus carballos, as súas corredoiras coas silveiras nos arredores, os seus regatos pequenos e grandes, as súas fontes monumentais ao pé de muros inzados de hedriñas... Cada aldea nosa é segundo a miremos. Velaquí a visión, xa dispoñible para todo o mundo na Rede, dos alumnos de audiovisual de SonCine, o obradoiro de cinema do instituto de Porto do Son.

Pode que tamén lle interese comprobar como viron estes outros lugares:

Posted via email from Certo.gl, o xornal dixital de Barbanza e Noia

Turismo: Arousa Norte recolleu o premio da Once polos seus paquetes turísticos accesibles para invidentes

• A entrega dos V premios Solidarios Once Galicia, tivo lugar o xoves 2 de febreiro nun hotel da Coruña.

Barbanza, 3 de febreiro de 2012. Estes Premios Solidarios ONCE-Galicia recoñecen a labor, as iniciativas e as accións de persoas, institucións e entidades que se distinguiron polo seu esforzo a favor da igualdade, a integración social e a accesibilidade universal das persoas cegas ou con outras discapacidades e tamén dos máis desfavorecidos.

Os paquetes de turismo accesible para persoas con discapacidade visual  da Mancomunidade Arousa Norte recibiron o galardón  na categoría de Accesibilidade e Igualdade.

Á entrega asistiron, entre outros,  o actual presidente da Mancomunidade de Municipios Arousa Norte e alcalde do Concello de Ribeira, Manuel Ruiz Rivas; o alcalde do Concello de Rianxo, Adolfo Muíños Sánchez;  o alcalde do Concello da Pobra do Caramiñal, Isaac Maceiras Rivas; o alcalde do Concello de Boiro, Juan José Dieste Ortigueira; en representación da xerencia da Mancomunidade, Pablo López Pérez; en representación da Rede de Empresarios Turísticos de Arousa Norte, Arturo Fajardo; a animadora turística da Mancomunidade de Municipios Arousa Norte , Irene Maneiro Paz.

O acto conducido pola presentadora de TV Martina Canicoba e estivo presidido polo presidente da Xunta de Galicia, Alberto Núñez Feijoo; o presidente da Once, Miguel Carballeda Piñeiro e o alcalde da Coruña, Carlos Negreira  Souto.

O presidente da Mancomunidade de Municipios Arousa Norte recolleu o galardón das mans de Miguel Carballeda Piñeiro , presidente da Once. Ruiz Rivas agradeceu á Once e ao xurado este galardón e fixo un recoñecemento expreso ós predecesores da Mancomunidade “como os verdadeiros valedores deste proxecto” ; “ós empresarios da comarca que creeron no proxecto e traballaron por el” así como á Secretaría Xeral para o Turismo.

Destacou a satisfacción que supón este premio en aras da solidariedade para os catro alcaldes xa que Arousa Norte aposta pola calidade e non pola cantidade. Grazas aos paquetes de turismo accesible para cegos os visitantes, dixo, "poden sentir a riqueza  desta comarca"  e animou ao resto de concellos galegos a sumarse a este tipo de iniciativas.

Pode que tamén lle interese:

Ribeira: do 24 ao 26 de febreiro, viaxe á neve dentro do programa "En marcha" post.ly/55qMT

— Certo (@Certo) February 3, 2012

Os do Monte Pindo non se resignan á teimudez do PP: montepindo.org/2012/02/asocia… Manifa o 14 de abril, Día da República, por certo...

— Certo (@Certo) February 3, 2012

A Pobra: programación do Entroido 2012 post.ly/55mft

— Certo (@Certo) February 3, 2012

Boiro: organizan un roteiro fotográfico por Bealo o vindeiro sábado 11 de febreiro post.ly/55k2R

— Certo (@Certo) February 3, 2012

 

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: do 24 ao 26 de febreiro, viaxe á neve dentro do programa "En marcha"

• Custa 135 euros que inclúen todo para unha fin de semana de esquí
• Teñen preferencia os mozos de Ribeira, pero tamén se poden apuntar doutros concellos
• Hai 50 prazas
  

Ribeira, 3 de febreiro de 2012.- As Concellerías de Xuventude e Igualdade programan para os próximos días 24, 25 e 26 de febreiro de 2012 unha viaxe á Estación Invernal de San Isidro (León), que está dirixida aos mozos e mozas maiores de idade e se incardina dentro do programa municipal ‘En Marcha’. 

O prezo da actividade é de 135 euros, importe que inclúe autobús, guía técnico acompañante, desprazamentos na estación, aloxamento no Hostal “Pico Agujas” en réxime de media pensión (almorzo e cea), forfait para dous días e seguro de actividade. Opcionalmente pódese contratar os seguintes extras: seguro de accidente en pistas (+ 20 € os 2 días), aluguer de material de esquí: + 15 € (os 2 días), aluguer de material de snow: + 38 € (os 2 días), aluguer de casco: + 5 € (os 2 días) e clases particulares (+ 5,50 persoa/hora; para grupos de 7 a 10 persoas). 

A expedición partirá da estación de autobuses de Santa Uxía os venres 24 de febreiro, ás 15.30 horas, e regresará o domingo 26 ás 17.30 horas. O prazo de inscrición ábrese este luns (terán preferencia os mozos do municipio ribeirense pero tamén se poden apuntar doutros lugares). O número de prazas é limitado (50). 

A Estación Invernal de San Isidro encóntrase situada na Cordilleira Cantábrica ao Norte da provincia de León e no termo municipal de Puebla de Lillo (bisbarra do Alto Porma), estendéndose entre unha altitude de 1.500 a 2.100 m. sobre o nivel do mar. Con 31 Km. de dominio esquiable, a estación conta con 31 pistas para a práctica do esquí e o snowboard, así como snowpark, pista de esquí de fondo, itinerarios e múltiples rutas fóra de pista. As pistas e remontes mecánicos están repartidos en catro sectores, Cebolledo, Requejines, Riopinos e Salencias - A Raia, perfectamente comunicados entre si e, dependendo da zona de que se trate, o esquiador ten a posibilidade de elixir unhas ou outras segundo o seu nivel de esquí sexa de iniciación, medio ou alto. 

Máis información e inscricións: 

Oficina Municipal de Información Xuvenil   Oficina de Deportes

Casa da Xuventude.       Auditorio Municipal

Avda. da Constitución s/n      Praza dos Mariñeiros s/n

Tel. 981 83 52 89       Tel. 981 83 56 50

xuventude@riveira.com      deportes@riveira.com

www.riveira.com     

Posted via email from Certo.gl, o xornal dixital de Barbanza e Noia

Noia: a Sociedade Liceo convoca o seu IX Certame de Relatos

IX CONCURSO DE RELATOS.pdf Download this file

• 1.000 euros de premio para o relato gañador
• Prazo de presentación ata o 1 de abril
• Fallo do xurado, o Día das Letras Galegas, que este ano se adica a Valentín Paz Andrade
• O relato será publicado na revista "Alameda", que edita o Liceo noiés

Noia: o venres 17 de febreiro remata prazo para anotarse no "Vacacións en paz". Amplíase. Falta unha familia post.ly/4pF5I vía @Certo

— Certo (@Certo) February 3, 2012

Noia: o novo cemiterio parroquial de Argalo contará con licenza municipal a vindeira semana post.ly/55nn5

— Certo (@Certo) February 3, 2012

Tamara Peña, hoxe, no Venres Caníbal: "Cando me pasa a min vexo a toda a humanidade sinalándome co dedo por bigotuda!" certo.es/index.php?page…

— Certo (@Certo) February 3, 2012

Posted via email from Certo.gl, o xornal dixital de Barbanza e Noia