Ribeira: envían escrito ao Concello ante a continua caída de cascallos de cemento dende vivendas

Imaxe tomada o 8 de xuño no Malecón de Ribeira

Ribeira, 9 de xuño de 2012. Esta semana pasada foi enviado un escrito ao concello para que poña remedio á continua caída de cascallos dende vivendas, tanto antigas como máis modernas -estas últimas na zona do Malecón, como a da fotografía que ilustra esta información-.

O escrito, en castelán, íntegro:

"La seguridad de las personas es algo fundamental en nuestra sociedad actual de ahí la importancia en la prevención de riegos laborales y de cualquier otro tipo. Al mismo tiempo no es menos  importante la imagen que se ofrece de la ciudad, tanto a los vecinos como a los miles de turistas que nos visitan, y desgraciadamente en nuestra ciudad, en pleno casco urbano, abundan demasiadas viviendas en muy mal estado de conservación, con el consiguiente peligro para la integridad física de las personas.

 

  Los propietarios de las viviendas antiguas, en muy estado de conservación y literalmente abandonadas, son los primeros responsables de realizar las actuaciones necesarias para mejorar la imagen y la seguridad de las mismas y si no lo hacen ese Ayuntamiento tiene el derecho y la obligación de exigirlo. Así en la calle peatonal de la Rúa de Galicia, al lado y en frente de la entidad financiera de Caja España, se encuentran tres viviendas en un muy deficiente estado de conservación, con un riesgo evidente de provocar un accidente, en cualquier momento.

 

  No es la primera vez que de una de esas viviendas caen cascotes de cemento y tejas a la calle peatonal, por eso sería necesario prevenir los riegos y cerrar las mismas, con chapa o madera, evitando ver también el mal estado de conservación en las que se encuentran y en esas chapas de cierre colocar panales con fotografías de lugares turísticos de la ciudad, como se hizo en varios lugares del municipio. Es una manera también de promocionar un turismo de calidad".

Posted via email from Certo.gl, o xornal dixital de Barbanza e Noia

Ribeira: o buque "Irmáns García Nodal" celebrou portas abertas polo Día dos Océanos

 

Ribeira, 9 de xuño de 2012.- Ribeira foi un dos lugares escollidos pola Consellería do Medio Rural e do Mar da Xunta de Galicia para conmemorar o Día Internacional dos Océanos. Con tal motivo, no peirao comercial do Porto de Santa Uxía  celebrouse onte venres unha xornada de portas abertas no buque “Irmáns García Nodal”.

 

Esta embarcación do Servizo de Gardacostas ten 41 metros de eslora, 9,30 de manga e 5.500 cabalos de potencia. Foi construído en Marín en 2005 e, segundo indica o seu capitán Saúl Amado Tajes, dedícase aos labores de vixilancia, salvamento e contaminación no litoral.

 

Ademais de convidar á toda a veciñanza que desexe coñecer o barco, programáronse unha serie de visitas escolares co obxecto de sensibilizar á poboación acerca da importancia de coidar o medio ambiente dende a máis temprana idade.

 

Para cortar a cinta que deu inicio á xornada personáronse no peirao o alcalde Manuel Ruiz e a directora xeral de Desenvolvemento Pesqueiro, Susana Rodríguez Carballo. Esta última quixo resaltar a importancia que ten o desenvolvemento deste tipo de actos para concienciar á sociedade sobre o valor dos océanos e do que se está a facer para a súa protección e coidado. Pola súa parte, o rexedor municipal agradeceu á Consellería que pensase en Ribeira para realizar este acto e puxo en valor esta actividade de coñecemento, idónea para reflexionar sobre a importancia de coidar o entorno nun municipio que conta cun parque natural e un parque nacional.

Pode que lle interese:

• Ribeira: "Xuño da cultura e as artes". Programa definitivo

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: mostra na biblioteca sobre o cincuentenario das Letras Galegas

 

 

Ribeira, 9 de xuño de 2012.- Todos os veciños poden ver xa unha exposición na Biblioteca Municipal (situada na rúa Manuel Lustres Rivas) coa que se celebra os 50 anos do Día das Letras Galegas. A concelleira de Educación, Mª Carmen Vizcaya, acompañada do arquiveiro municipal José Antonio Otero e dos traballadores da instalación, foi a encargada de proceder á inauguración desta mostra, que forma parte do Xuño da Cultura e as Artes.

 

A exposición está promovida pola Real Academia Galega. A través de 50 carteis, reflíctense todos e cada un dos autores e autoras recoñecidos no Día das Letras dende que en 1963 se homenaxeara a Rosalía de Castro polo século da publicación de “Cantares Galegos”.

 

Os carteis posúen a particularidade de que as súas ilustracións foron creadas expresamente por deseñadores gráficos galegos de primeiro nivel (Alberte Permuy, Cuqui Permui, Rafael Cáccamo, David Carballal...) e están acompañadas con textos escritos para a ocasión por recoñecidos escritores vivos: Antón Riveiro Coello, Tucho Calvo, Fina Casalderrey, Teresa Moure, Luis G. Tosar, Ana Romaní ou Xabier Alcalá.

 

Selección literaria

Ademais, un espazo da instalación pública exhibe unha selección de libros dos autores homenaxeados neste medio século, e que proceden dos fondos da propia biblioteca. Hai alomenos un libro por cada escritor, salvo casos excepcionais como Rosalía ou Castelao, dos que hai expostos máis dun volume.

 

Entre as curiosidades literarias que se poden observar, figuran dende unha edición de “A esmorga” de Blanco Amor publicada en Buenos Aires e con portada de Luis Seoane, ata unha edición de 1973 do libro do Pai Sarmiento “Catálogo de voces gallegas”, pasando polas obras completas de Rosalía ou as últimas publicacións de Valentín Paz Andrade.

 

A edil Mª Carmen Vizcaya quixo agradecer a deferencia que tivo a Real Academia Galega para con Ribeira ao traer esta exposición e  aproveitou para convidar á xente de Ribeira a que faga uso dos servizos que ofrece biblioteca, recordando que no transcurso deste mes tamén abre os sábados de 11 a 13 horas.

Pode que tamén lle interese:

• Ribeira: "Xuño da cultura e as artes". Programa definitivo

See the full gallery on Posterous

Posted via email from Certo.gl, o xornal dixital de Barbanza e Noia

Rianxo: xogar ás torturas, ou as pegadas mentais que deixou a crueldade franquista

• Conclúe o III Seminario sobre a Memoria celebrado entre Melide e Rianxo do 1 ao 3 de xuño
  
• A represión franquista foi tan desapiadada nalgúns momentos, que incluso unha das asistentes ao Seminario, nena da posguerra, confesou ter xogado ás torturas en moitas ocasións

Parte dos asistentes no cemiterio de Iria, onde foron enterrados algúns presos republicanos do campo de concentración de Padrón

-       O Seminario estivo organizado polos DEPARTAMENTOS DE CIENCIAS SOCIAIS DO IES “FÉLIX MURIEL”, de Rianxo, e do IES MELIDE, e polo Movemento de Renovación Pedagóxica NOVA ESCOLA GALEGA.

-       A actividade central do Seminario consistiu no percorrido por algúns dos espazos ocupados polos campos de concentración franquistas, que foron numerosos nas Terras do Sar, de Muros-Noia e na Península do Barbanza.

-       Francisco Martínez, Quico, guerrilleiro que formou parte da partida do mítico Girón, acompañou outros coñecidos especialistas na Memoria nun percorrido que durou dous días e medio.

Detalle da estadía dos integrantes do Seminario nas minas de San Finx, en Lousame. 

Melide-Rianxo, 7 de xuño de 2012. O máis de medio cento de persoas asistentes ao Seminario, despois de realizado o traballo de campo programado, de visionar dous documentais sobre o tema e de participar en dúas conferencias cos campos de concentración como motivo central, elaboraron o documento de conclusións que se reflicte a continuación. Máis información na páxina oficial de Nova Escola Galega (http://www.nova-escola-galega.org).

1.     Valórase a actividade como un interesante exercicio de análise e comprensión dun feito histórico moitas veces descoñecido e, outras, declaradamente ignorado. Non se trata xa só de que fose analizado o fenómeno dos campos de concentración, senón que foi realizado un interesante exercicio humano de comprensión dunha realidade na que, en efecto, o verdadeiro protagonismo recae nas persoas.

2.     Constátase a necesidade de que as institucións públicas recoñezan plenamente os feitos relacionados coa represión franquista, pois só desde o recoñecemento oficial é posible lograr a plena igualdade de todos os cidadáns. É evidente que, na actualidade tal recoñecemento non está, nin moito menos, conseguido.

Os participantes en Muros, onde visitaron os lugares onde estiveron instalados dous campos de concentración

3.     A pesar de estar o Seminario principalmente centrado na guerrilla e nos campos de concentración na área xeográfica visitada, enténdese que o fenómeno da resistencia antifranquista debería contemplar tamén a resistencia pasiva ao réxime, que foi enormemente vigorosa e demorada no tempo. Particularmente, améntase o caso da loita contra os encoros (o de Castrelo de Miño, especialmente) ou contra a política forestal franquista.

4.     Constátase que a memoria escondida só sae á luz a base de estímulos que a desaletarguen. Estes estímulos só poden chegar, especialmente, a través da creación de espazos de reflexión e análise desa realidade que está agachada. No transcurso do Seminario, por exemplo, unha persoa cuxa familia ten sufrido unha inhumana represión durante anos, confesou que un dos seus xogos de nena consistía en xogar ás torturas, nin máis nin menos. Como se sabe, o xogo adoita reflectir en cada época a realidade do momento.

5.     Unha vez contrastadas as virtualidades didácticas que o fenómeno da resistencia ao franquismo e, particularmente, os campos de concentración ofrecen para o traballo de aula, constátase o escaso protagonismo que os deseños curriculares actuais lle reservan a esta cuestión. Enténdese que os programas deberían ser revisados neste sentido.

6.     Semella evidente que o franquismo acabou con 150 anos de formación de cadros dirixentes (políticos, sindicais, económicos, educativos…). Este feito resulta aínda na actualidade unha eiva para o desenvolvemento da nosa sociedade e cómpre telo en conta de cara á toma de decisións especialmente no ámbito educativo.

7.     Singularmente, constátase que a política franquista, especialmente a educativa, fixo desaparecer a riqueza da linguaxe necesaria para desenvolver o espírito crítico, e esta realidade faise evidente se se observa a escasa consciencia amosada polas novas xeracións sobre o momento económico e social que se vive na actualidade. Durante a transición, e ata os nosos días, deuse tamén un certo proceso de autocensura que levou a agochar contidos desta complexidade, que esixen tamén un coñecemento do que o profesorado en moitas ocasións non dispón. Este coñecemento só nos últimos tempos, e derivado dos resultados de certas investigacións e publicacións, empeza a saír á luz. Intentar superar esta situación é, sen dúbida, un dos retos máis importantes que debe considerar o sistema educativo.

En Rianxo, parte dos asistentes a carón do monumento que recorda os presos do campo de concentración da vila.

8.     Desde a óptica estritamente educativa, igualmente, debúxase como unha liña de traballo interesante aquela que tratase de analizar a represión no ámbito educativo. Igualmente, semella atinado afondar na posibilidade de  dar a coñecer experiencias didácticas levadas a cabo nas aulas para a recuperación da memoria histórica local. Desde esta perspectiva, incorporar a información directa recollida das familias do propio alumnado (testemuñas directas, fotografías, textos…) antóllase como unha estratexia didáctica con moitas posibilidades.

9.     As asociacións e colectivos que se interesan pola recuperación da memoria histórica teñen centrada a súa atención especialmente en retos de ámbito xurídico (recoñecemento das vítimas, levantamentos de fosas comúns…). Derivar as súas liñas de acción tamén cara ao ámbito educativo sería fundamental, precisamente porque acabaría creándose un fío para que as novas xeracións tivesen acceso ao coñecemento duns feitos moitas veces agachados pola historiografía oficial.

10. Ponse en evidencia tamén, o interese que a recuperación da memoria histórica esperta fóra do Estado. No Seminario estiveron presentes, por exemplo, unha investigadora francesa e outra californiana.

11. O deseño do Seminario, combinando o traballo de campo coa análise de documentos audiovisuais e, finalmente, co saber teórico de especialistas nesta época histórica, valórase como moi intelixente, porque xustamente pretendeu integrar diferentes fontes de información e investigación sobre o tema.

Posted via email from Certo.gl, o xornal dixital de Barbanza e Noia

Noia: piden no Parlamento Galego prazos para que a vila recupere o seu porto histórico

• O deputado do BNG Bieito Lobeira critica os “compromisos indefinidos” do presidente de Portos de Galicia e agarda que o cambio de cor política no Estado non estea sendo unha coartada para xustificar a paralización deste proxecto de rexeneración

Noia, peirao do Puxilgo, 1900

 

Noia, 7 de xuño de 2012.- A vila de Noia protagonizou hoxe no Parlamento de Galicia un anaco do debate entre os deputados, cando o do BNG, Bieito Lobeira, advertiu a Portos de Galicia que ten que abandonar as “ambigüidades” e os “compromisos indefinidos” e presentar o cronograma  cos prazos nos que se vai executar o proxecto de recuperación do porto histórico de Noia.

 

Lobeira, durante o debate na Comisión de Pesca do Parlamento dunha pregunta sobre este asunto, lembrou que "é obriga de Portos de Galicia dar cumprimento a un acordo unánime adoptado na Cámara, en setembro de 2010, co obxecto de devolver a Noia o seu dereito a posuír unhas instalacións portuarias dignas".

Noia, peirao do Marqués, 1900

 

Para o deputado nacionalista, anunciar un anteproxecto de revitalización que vai ser remitido ao goberno do Estado, como fixo o presidente de Portos na súa intervención, non significa cumprir o acordo parlamentario e non dá resposta á demanda dos veciños e veciñas de Noia, “que saben ben das potencialidades do ponto de vista produtivo e portuario do seu litoral”.

 

O presidente de Portos de Galicia negouse a dar prazos concretos, ante o que Lobeira afirmou que agarda "que non sexa o cambio de cor política no Estado o que se estea utilizando como coartada para xustificar a paralización das actuacións necesarias en Noia".

 

Lobeira lembrou que o fondo da ría "padece serios problemas de acumulación de lama, que cómpre posibilitar o atraque das embarcacións utilizando como referencia o dique actual e hai que rexenerar o esteiro, algo que os nacionalistas levamos reclamando, sen mudar a nosa posición, ao longo do tempo e nas distintas cámaras”.

 

Lobeira preguntou se a postura do PP segue sendo a mesma ou se mudou, pois o pasado mes de decembro votaba en contra dunha emenda do BNG aos orzamentos da Xunta para 2012 que reclamaba unha partida de 2 millóns de euros para recuperar este porto.

Pode que tamén lle interese en Noia:

Venres 8: os campións Gómez Noya, Iván Raña, Castro e Ruanova no Liceo

Sábado 9: andaina pola ruta das Fontes. Sae ás 10 do Concello

Sábado 9: "Retornos", coloquio co director e actores desta longametraxe

Exposición: sobre o balandro Joaquín Vieta, no claustro do Concello

Fusión de Concellos: Noia e Lousame, en proceso de diálogo

Agrup. nacionalista: celebran que se aparcase a retirada da escolleira

Posted via email from Certo.gl, o xornal dixital de Barbanza e Noia

Ribeira: constituído o Consello Escolar municipal nunha reunión

•  Nomeados por unanimidade os integrantes da Comisión Permanente
  

30º aniversario Ámbar: Festival Solidarios con Quico Cadaval, Tonhito de Poi, Roi Casal, Sonia Lebedynski e +. Venres 8 iesleliadoura.blogspot.com/2012/06/30-ani…

— Certo (@Certo) June 7, 2012

 

Ribeira, 7 de xuño de 2012.- O centro de interpretación do parque periurbano de San Roque foi o escenario elixido para desenvolver esta tarde a reunión constitutiva do Consello Escolar Municipal: un órgano consultivo e asesoramento en materia educativa que está formado por todos os estamentos relacionados con este ámbito no concello.

 

Á reunión de hoxe acudiron unha trintena de membros baixo a presidencia do alcalde. O rexedor local deu a benvida a todos os participantes e expresou a satisfacción do Concello por ter constituída por fin esta entidade. “Creo que este órgano nos vai servir para que no noso Concello poidamos ir dando pasos cara adiante, escoitando precisamente a quen desto sabe” , afirmou.

 

Ruiz Rivas tamén salientou que no ano de lexislatura transcorrida aprobáronse por unanimidade da Corporación tres importantes normas de participación: o Regulamento Orgánico Municipal, a normativa que regula este Consello Escolar e a do Consello Local de Pesca, ente que moi pronto será tamén constituído

 

No punto da orde do día de hoxe figurou o nomeamento dos membros da Comisión Permanente, que foi aprobado por unanimidade e que quedou do seguinte tenor: son membros desta comisión en representación dos profesores Xabier Santos González, Mª Manuela Abella Cruz e María Ángeles Lijó Figueiras (suplente: María Soledad Guevara Urquiola); entre os nais e pais, Lucía González Tubío e Irene Maneiro Paz (suplente: José Manuel Martín Morales); entre os designados polo Concello, Luis Teira Parada, José Antonio Rendo Rodeiro e Daniel Vázquez Dieste (suplente: Álvaro López González); e ademais dous alumnos. Tamén foron nomeadas por unanimidade catro comisións de traballo.

 

Cabe recordar que, de conformidade co seu regulamento, aprobado de xeito definitiva na sesión plenaria da Corporación de 7 de febreiro de, 2012, o Consello está formado polos seguintes membros:

 

      O alcalde ou membro da Corporación en quen delegue, como presidente do órgano.

 

      Seis representantes do ensino público: Daniel Gómez Ramil (proposto por CIG Ensino, do CEIP o Grupo), José Antonio Pérez Fernández (proposto por STEG, do IES Leliadoura), Mª Cristina Andrade González (proposta por CIG Ensino, do IES Nº 1), María Soledad Guevara Urquiola (proposta por CCOO Ensino, do CEIP Palmeira), Xabier Santos González (proposto por STEG, do CEIP de Olveira), e Mª Manuela Abella Cruz (proposta por CIG Ensino, do CEIP de Aguiño).

 

      Catro representantes do ensino privado: Juan José Fernández Ageitos (proposto por FSIE Galicia, do colexio Sagrado Corazón de Xesús de Castiñeiras), Manuel Álvarez Figueira (proposto por UXT Ensino, do colexio La Milagrosa de Oleiros), María Ángeles Lijó Figueiras (proposta por CCOO Ensino Privado, do colexio Galaxia) e María José Mariño Graíño (proposta por UXT Ensino, do colexio Bayón).

 

      Seis nais ou pais de alumnos e alumnas propostos polas federacións ou ANPAs: Lucía González Tubío, José Manuel Martín Morales, Francisca Vidal Ogando, Irene Maneiro Paz, Alberto Romero Bermo e María Jesús Paz Vázquez.

 

      Catro alumnos ou alumnas elixidos polos representantes do alumnado dos consellos escolares do municipio.

 

      Dez membros elixidos polo Concello: José Antonio Rendo Rodeiro (CIFP Coroso), Luis Teira Parada (CEIP Frións), Rubén Ruzo Noya (CEIP Aguiño), Francisco José Alonso Paz (CEP Carreira), Daniel Vázquez Dieste (CEIP Artes), José Marcote Suárez (Escola Náutico Pesqueira), Álvaro López González (Conservatorio Municipal de Música), Gonzalo Constenla Bergueiro (Escola Oficial de Idiomas), José Paz Cadaval (Asociación de Empresarios de Riveira) e José Antonio Pérez Sieira (Confraría de Pescadores de Riveira).

 

      Unha representante da Administración educativa proposta pola Xefatura Territorial da Coruña da Consellería de Cultura, Educación e Ordenación Universitaria: Isabel Serna Masía.

Ribeira: a XV Mostra de Teatro Infantil vai do luns 11 ao venres 15 de xuño post.ly/7fslg

— Certo (@Certo) June 7, 2012

Ribeira: veciñas e veciños de Carreira achegáronse a Pontevedra, Porriño e Mondariz-Balneario post.ly/7fpAl

— Certo (@Certo) June 7, 2012

Ribeira: este sábado 9 compiten arredor de trinta cans para o campionato de Agility de España post.ly/7foSr

— Certo (@Certo) June 7, 2012

Adiantamos o "Venres caníbal": Que queren de nós? Volta a preguntar Tamara, que tivo unha revelación nun sono.certo.es/index.php?page… O_0

— Certo (@Certo) June 7, 2012

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: a XV Mostra de Teatro Infantil vai do luns 11 ao venres 15 de xuño

• Nove actuacións con 145 pequenas actrices e actores

 

Ribeira, 6 de xuño 2012.- Un total de 145 pequenos actores e actrices van a participar no transcurso da vindeira semana na 15ª Mostra de Teatro Infantil de Ribeira: unha iniciativa adscrita ao Xuño da Cultura e as Artes que terá lugar entre os días 11 e 15 de xuño e na que se darán cita nove representacións.

A concelleira Elvira Pisos, acompañada do director do Grupo de Grupo Municipal Infantil de Teatro, Segundo Chiki Durán, e do técnico municipal Unai González, foron os encargados de ofrecer os detalles desta nova acción organizada dende o Departamento de Cultura, en colaboración con distintos colexios e ANPAs do municipio e coa Asociación Alfaia.

Unha das novidades desta edición é a participación dun conxunto dramático foráneo –o grupo infantil de teatro da Sociedad Liceo Pueblense- como resposta á deferencia mantida previamente pola entidade do concello veciño ao convidar ao grupo de teatro riveirense na súa mostra infantil.

Como xa é tradicional, o programa finalizará co desenvolvemento o último día dunha única función, a do Grupo Municipal de Teatro Infantil de Riveira, e a continuación celebrarase un acto de clausura.

O calendario estará composto do seguinte xeiro:

Luns 11

-         Grupo do ANPA do CEIP de Palmeira: “A consulta da doutora cataplasma (12 actores e actrices)

-         Grupo do Colexio A Milagrosa de Oleiros: “408” (13 actores e actrices)

Martes 12

-         Grupo do Colexio Bayón: “O dinosaurio Belisario” (25 actores e actrices)

-         Grupo do Colexio Galaxia: “O heroe tolo” (17 actores e actrices)

Mércores 13

-         Grupo ANPA do Colexio Bayón: “O Samhaín” (27 actores e actrices)

-         Grupo infantil de teatro do Liceo Pueblense: “Contos revoltos” (17 actores e actrices)

Xoves 14

-         Grupo do ANPA do Colexio Galaxia: “A raíña lambona” (8 actores e actrices)

-         Obradoiro de teatro do CEIP O Grupo: “II Feira das ideas e dos inventos” (16 actores e actrices)

Venres 15

-         Grupo Municipal Infantil de Teatro de Riveira: “Vaia maraña” (10 actrices).

Chiki Durán resaltou a colaboración de dúas compoñentes do Grupo Municipal de Teatro: Carmen Peña Otero e Celia García Pillado, pola axuda brindada na confección desta iniciativa.

Todos os días a mostra comezará ás 20 horas no Auditorio Municipal. A entrada é libre e gratuíta ata encher aforo.

Ribeira: veciñas e veciños de Carreira achegáronse a Pontevedra, Porriño e Mondariz-Balneario post.ly/7fpAl

— Certo (@Certo) June 7, 2012

Ribeira: este sábado 9 compiten arredor de trinta cans para o campionato de Agility de España post.ly/7foSr

— Certo (@Certo) June 7, 2012

Adiantamos o "Venres caníbal": Que queren de nós? Volta a preguntar Tamara, que tivo unha revelación nun sono.certo.es/index.php?page… O_0

— Certo (@Certo) June 7, 2012

30º aniversario Ámbar: Festival Solidarios con Quico Cadaval, Tonhito de Poi, Roi Casal, Sonia Lebedynski e +. Venres 8 iesleliadoura.blogspot.com/2012/06/30-ani…

— Certo (@Certo) June 7, 2012

Pode que tamén lle interese:

Charlas en Ribeira: os mércores de xuño, bebés felices

Curso o 14 de xuño: no Liceo, sobre preñez e adolescencia

Cultura: "Patrimonio etnográfico e arqueolóxico de Barbanza e Porto do Son" Nova edición ampliada e a cor

See the full gallery on Posterous

Programa Mostra Teatro Infantil Riveira.pdf Download this file

Posted via email from Certo.gl, o xornal dixital de Barbanza e Noia

Boiro: concerto de Balandraka este venres 8 de xuño e logo, final do Curota Sound

• Ás 23 horas, na Pousada das Ánimas
• 5 euros de entrada
• Logo, final do Curota Sound

30º aniversario Ámbar: Festival Solidarios con Quico Cadaval, Tonhito de Poi, Roi Casal, Sonia Lebedynski e +. Venres 8 iesleliadoura.blogspot.com/2012/06/30-ani…

— Certo (@Certo) June 7, 2012

Que alguén faga algo coas medallas Castelao porque, do contrario, este señor de Rianxo hase remexer na súa tumba!!

— Iria Mariño (@Parrulinha) June 7, 2012

La ciencia cuestiona que el ejercicio sea antidepresivo. Ya me parecía a mí que no soy el único gordo feliz que conozco tinyurl.com/6os52wd

— Luis Muiño (@Habitatunicorn) June 7, 2012

Venres 8 en Ribeira: concerto de Spinal Wins e Inllorfeis

Posted via email from Certo.gl, o xornal dixital de Barbanza e Noia

Ribeira: veciñas e veciños de Carreira achegáronse a Pontevedra, Porriño e Mondariz-Balneario

Ribeira, 7 de xuño de 2012. A Asociación de Veciños de Carreira vén de organizar unha nova viaxe na que misturaron aspectos lúdicos e culturais. Así, coñeceron tanto o Castelo de Soutomaior como os seus extensos xardíns nos que disfrutaron coa variedade de especies de camelias que a Deputación de Pontevedra cultiva neles.

Despois de comer en Porriño, -vila na que contemplaron obras do arquitecto local Antonio Palacios, salientando entre os visitantes o espectacular diseño da Casa do Concello-, desprazáronse a Vilasobroso para visitar o seu monumento máis coñecido, o Castelo de Sobroso. Posteriormente, a comitiva desplazouse a Mondariz-Balneario, onde se relaxaron no Palacio del Agua, despois de pasear pola vila e polas beiras do río Tea.

Próxima viaxe, a Vigo

Os máis de 50 excursionistas quedaron de novo encantados coa actividade programada pola asociación que preside Marivén Sampedro, que xa está deseñando a vindeira excursión que posiblemente achegue, a mediados do mes de xuño, ós viaxeiros carreirenses a terras próximas á “cidade olívica”, onde teñen previsto visitar o Templo Votivo do Mar, a exposición Dinousarios Park así como o Vigo Zoo.

Venres 8: concerto de Spinal Wins e Inllorfeis

Sábado 9: "Conecta", para a mocidade emprendedora

Ribeira: este sábado 9 compiten arredor de trinta cans para o campionato de Agility de España post.ly/7foSr

— Certo (@Certo) June 7, 2012

Posted via email from Certo.gl, o xornal dixital de Barbanza e Noia

Boiro: Aturuxo e Concello achegan posturas para que non se peche o local cultural

• Convocan a soci@s e simpatizantes a unha reunión no local este sábado 9 ás oito da tarde
  

Séchu Sende presentando un libro en Aturuxo

Boiro, 7 de xuño de 2012. A Asociación Cultural Aturuxo amosa nunha nota de prensa o seu "moderado optimismo" tralo ocorrido esta mañá na reunión entre o alcalde de Boiro e catro soci@s deste colectivo cultural.

A reunión deste xoves foi no Concello de Boiro, entre o alcalde, Juan José Dieste, o Concelleiro de Urbanismo, Fernando García Diéguez e catro soci@s de Aturuxo. A reunión, que durou máis dunha hora, na que se intercambiaron pareceres sobre o problema que nos ocupa, "entendemos que resultou productiva", sinalan dende Aturuxo. "Despois de achegar
posturas, chegouse a un principio de acordo para posibilitar a continuidade do local social
na dirección que hoxe ocupa: Rúa Principal nº118 Boiro. Polo que desde a Asociación Cultural Aturuxo queremos transmitir unha mensaxe de moderado optimismo, agardando que os acordos aos que hoxe chegamos se poidan facer efectivos o antes posible: niso confiamos plenamente", argumentan os activistas culturais.

Local de Aturuxo na rúa Principal de Boiro

"Como vimos decindo desde o inicio deste expediente, entendemos que nen Boiro, nen a
comarca da Barbanza se poden permitir perder un sitio de encontro e cultura, onde se realizan multitude de actividades nas que participan centos de veciños e veciñas. Reiteramos o noso agradecemento ás case 700 persoas que asinaron para que ATURUXO
non pechara, ás bandas, actrices, actores, e a veciñanza en xeral o inmenso apoio que
recibimos nestas semanas. Por último, só queremos transladar que as portas de ATURUXO seguen abertas a tod@s @s que queiran facer traballo pola cultura popular, pola lingua e cultura galegas, que queiran xuntarse e aprender xuntas. Aturuxo continuará traballando con máis forza ca nunca, ofrecendo unha alternativa a esta sociedade de consumo que nos pretenden impor. Convocamos a tod@s @s interesad@s á asemblea xeral que se celebrará no local este sábado 9 de Xuño ás 20.00, porque:
ATURUXO SOMOS TOD@S!
ATURUXO NON SE PECHA!", rematan.

Máis info:

www.aturuxa.blogspot.com

localsociabarbanza@gmail.com

Posted via email from Certo.gl, o xornal dixital de Barbanza e Noia