Boiro, 19 de abril de 2010. O próximo domingo dia 25 celebrarase no circuíto da Espiñeira en Boiro a primeira proba puntuable para o trofeo "Rías Baixas 2010" que organizan o club RC Barbanza de Boiro e o Club Team Pitufo Rc de Vilagarcia. Celebraranse dúas probas en cada circuíto segundo as seguintes quendas:
1. Boiro - 25 de Abril
2. Villagarcia - 30 de Maio
3. Boiro - 4 de Xulio
4. Villagarcia - 19 de Septembro
As probas celebraranse baixo normas AECAR (Asociación Española de coches a Radiocontrol) e seguirán o esquema habitual con entrenamentos controlados o sábado pola tarde. O domingo será a hora das mangas cronometradas e as subfinais donde somentes os 10 máis rápidos poderán pasar á final.
Servirá esta proba tamén como posta de largo do circuíto na competición oficial despois da proba inaugural do ano pasado e os traballos de mellora feitos nestes meses no trazado para a súa homologación por parte de AECAR.
Neste caso foi o delegado Rexional de AECAR, Fernando Abalo, o encargado de dar o visto bo, tanto ao trazado como ás medidas de seguridade suxeridas para que o circuíto estea dentro da normativa da asociación. Para esta proba está comprometida a presenza dalgúns dos pilotos máis rápidos de Galicia polo que o espectáculo, asegura Abalo, "estará asegurado". El mesmo ten confirmada a súa presenza como delegado rexional de AECAR, "non só para dar o respaldo á proba e ao club, senón tamén como director de carreira. Procurarei axudar ao clube local en todo o posible para a implantación no Barbanza desta modalidade deportiva", asegurou.
No hay comentarios:
Publicar un comentario