Dodro, 14 de marzo de 2011. O Partido Popular de Dodro denuncia hoxe en nota de prensa "a irresponsabilidade do goberno PSOE-BNG do Concello de Dodro, e de xeito particular, a da tenente-alcalde Rei Mariño, ó anunciar a realización de actos institucionais na Casa do Regadío, unha obra que incumpre o regulamento de Espectáculos Públicos, á parte doutras ilegalidades urbanísticas, tal e como figura no informe técnico que o Partido Popular dou a coñecer a través da súa páxina en internet".
Para os conservadores dodrenses, "a realización de actos que deberan ser culturais e sen ningún trasfondo partidista, vanse convertir de feito en actos de apoio ó BNG e á sua candidata Rei Mariño, que sen ningún reparo, vai tentar utilizar a persoas alleas á política para os seus propios intereses de cara á campaña electoral". Consideran os populares que a actual tenente-alcaldesa de Dodro "está actuando con absoluto desprezo cara os resultados da inspección urbanística, confundindo claramente a valentía política coa ousadía más ignorante, e sen ter en conta o máis mínimo a prudencia e respecto á legalidade que debe primar no exercicio de todo cargo público".
O PP de Dodro reitera e conclúe que "é absolutamente irresponsable utilizar a persoas que puideran descoñecer a ilegalidade da obra da Casa do Regadío como respaldo persoal ó BNG, pois o único que vai conseguir a sra. Rei Mariño é convertilas nos seus cómprices involuntarios para vergonza de todo o Concello de Dodro".
Relacionadas:
Primavera cultural: presentacións de libros e charlas sobre arqueoloxía
Cultura en marzo: actividades polo Día da Muller Traballadora
Posted via email from Certo.gl, o xornal dixital de Barbanza e Noia
No hay comentarios:
Publicar un comentario