Así se recolle no convenio subscrito esta mañá, na sede da institución provincial, polo presidente da Deputación, Salvador Fernández Moreda, e o alcalde noiés, Rafael García Guerrero. A achega provincial representa o 72% do importe total do proxecto, que ascende a 348.706,99 euros.
As obras consistirán na substitución do actual terreo de xogo por céspede de herba artificial última xeración, tipo Mondoturf, de 95 x 62 metros, con marcaxe para campo de fútbol 11 e fútbol 7, rede de rego de auga, de recollida de pluviais e equipamento.
A rede de rego contará con seis canóns tipo Rain Bird, colocados sobre postes de aceiro, e cuxo control se realizará cun programador de seis estacións. O equipamento do campo incluirá dúas porterías de fútbol 11 e dúas porterías abatibles de aluminio para fútbol 7, bandieríns de esquina e bancos.
As novas instalacións contribuirán a mellorar as condicións de xogo no campo noiés e permitirán un uso máis intensivo deste, cun menor mantemento.
Con este, son xa máis de 70 os campos de fútbol de herba artificial construídos pola Deputación da Coruña nos municipios da provincia, cun investimento que supera os 28 millóns de euros.
Antes publicamos:
Campo de césped artificial: en San Lázaro. Obras en marzo
Posted via email from Certo.gl, o xornal dixital de Barbanza e Noia
No hay comentarios:
Publicar un comentario