Esta actividade, impulsada dende o Conservatorio Profesional de Música de Ribeira e organizada polo profesor de saxofón José Fungueiriño Ramos, está impartida polo mestre Rodrigo Vila, profesor do Conservatorio Superior das Illas Baleares.
A actividade xunta en Ribeira, unha fin de semana ao mes, a estudantes de saxofón do conservatorio local e de diferentes puntos da xeografía galega como Rianxo, Valga, Santiago, Sanxenxo, Pontevedra, Vila de Cruces, Vigo, Ourense, etc... Todos eles coa intención de intercambiar experiencias e mellorar e ampliar a súa formación arredor do saxofón.
Excelente anualidade
O concerto deste fin de semana pon remate a un excelente ano para os alumnos da aula, xa que tres deles (un dos cales é alumno ademais do conservatorio riveirense) acadaron o acceso ó grao superior no Conservatorio Superior das Illas Baleares, considerado un dos conservatorios con mellor nivel de saxofón do país.
O concerto contará coa colaboración de catro antigos alumnos da Aula que xa remataron os seus estudos superiores ou están a piques de facelo en Salamanca e Illas Baleares e que serven de exemplo para os máis novos.
Entrada libre e de balde.
Posted via email from Certo.gl, o xornal dixital de Barbanza e Noia
No hay comentarios:
Publicar un comentario