Muros: a nova secretaria de Compromiso X Galicia é María Sambade

Muros, 17 de setembro de 2012. Trala xuntanza mantida a semana pasada por membros de Compromiso, achegados,  veciños e veciñas de Muros, María Sambade resultou escollida como secretaria local de Compromiso X Galicia en Muros.

Sambade é profesora no colexio Ramón de Artaza de Muros e iniciouse na política hai tan só dous anos, ocupando a terceira posición na lista que encabezaba María Xosé Alfonso e saíndo concelleira eleita, cargo que ocupa na actualidade.

"Fartas da casta política"

Asegura que se sinte  honrada por dous motivos:  “en primeiro lugar porque os meus compañeiros e compañeiras depositaran esa confianza en min sen ningún tipo de reservas e en segundo lugar porque me identifico plenamente co proxecto de Compromiso por Galicia". Na súa intervención incidiu en que Compromiso nace para darlle unha luz de esperanza a aquelas persoas "que están fartas da casta política que antepón os intereses dos partidos aos verdadeiros problemas da cidadanía. A política de Compromiso x Galicia en Muros vai a estar destinada a xente, ao seu servizo. Quero que a política se faga cos pés na terra, solucionando os problemas reais dos veciños e veciñas”.

María Xosé Alfonso e María Sambade

O rumbo a seguir, segundo a nova secretaria local "é o que se ven facendo con María Xosé Alfonso, xa que a súa maneira de entender a política de actuar é a esencia de Compromiso X Galicia”. Fixo ademais un chamamento aos veciños e veciñas “ Chegou a hora de deixar de queixarnos, chegou a hora de comprometernos”.

Posted via email from Certo.gl, o xornal dixital de Barbanza e Noia

Dodro: 55 mulleres informáronse sobre violencia de xénero e remataron cunha noite de tupper-sex en Santa Cruz de Ribadulla

Dodro, 17 de setembro de 2012. Segundo informa hoxe a concelleira de Servizos Sociais e tenente de alcalde, Marisol Boga, na pasada fin de semana 55 mulleres de Dodro desfrutaron dun fin de semana en Santa Cruz de Ribadulla organizada pola Concellería de Servizos Sociais e Igualdade do Concello e subvencionada polo Concello e pola Secretaría Xeral de Igualdade da Xunta de Galicia. Alí realizaron visitas de ocio, participaron en charlas, debates e mesa redonda sobre violencia de xénero e desfrutaron na noite do sábado con risas, e tupper-sex. A experiencia foi valorada moi positivamente polas participantes que alongaron a noite do sábado ata a madrugada.

Nas charlas sobre violencia aprenderon a identificar unha violencia tanto psíquica como física, contaron cun letrado ao que formularon diversas preguntas e cunha muller víctima de violencia de xénero que lles contou a súa experiencia persoal.

Lo del tupper ha funcionado, ahora a por Rajoy. #AguirreDimite

— Sir Wesk(@jonaWesk) September 17, 2012

A Pobra: Isaac Maceiras escolle como pregoeiros do Nazareno a grandes coñecedores da nosa terra e cultura. Vexan: youtu.be/iA80X6JodYQ

— Certo (@Certo) September 17, 2012

Hoy en rianxo habia dos hombres vendiendo castañas y me dio la sensacion de que ya estabamos en invierno, que depresion mas grande :(

— Rocio Pérez Torres (@RocioPereeez) September 16, 2012

@esperanzaguirre #GraciasEsperanza por tu entrega todos estos años. Ánimo y adelante. ANF

— Alberto Núñez Feijóo (@Feijoo2012) September 17, 2012

Posted via email from Certo.gl, o xornal dixital de Barbanza e Noia

Ribeira: poderase ver "Compostela Iconográfica" ata o 2 de outubro no auditorio

• Esta exposición, con 24 esculturas de santos en materiais pobres, recibiu máis de 100.000 visitantes en Santiago
• A mostra está baseada nunha idea de El Patito Editorial e realizada polo artista madrileño Jack Mircala
  

Ribeira, 17 de setembro de 2012.- O Auditorio Municipal está a albergar dende o día de hoxe unha nova exposición titulada “Compostela Iconográfica. Una visión del siglo XXI”. Trátase dunha creación realizada polo artista madrileño Jack Mircala, o cal, empregando unicamente materiais tan simples como unhas tesoiras, cúter, pegamento de barra, cartolinas e lapis de cores, creou un total de 24 esculturas de santos cunha estética renovadora.

 

O proxecto é unha idea orixinal de El Patito Editorial e chega a Ribeira despois de ser exhibida en Santiago de Compostela ante máis de 100.000 visitantes. A mostra está patrocinada pola Deputación da Coruña, o Concello de Santiago e a Fundación Catedral e conta coa colaboración do Arcebispado de Santiago, Tesec Audiovisual e Carrís Hoteles.

 

A iniciativa pretende achegar aos máis novos e ao público en xeral as vidas de santos e os símbolos que caracterizan cada iconografía. A estética dos 24 santos está inspirada tanto no arte clásico (dende o Románico ata El Greco) como nas vangardas artísticas do século XX (expresionismo, construtivismo, minimalismo).

 

Jack Mircala

Jack Mircala é un dos artistas máis orixinais do panorama español do momento. Ilustrador e escritor, nas súas obras gráficas destaca a asimilación do mundo da ilustración clásica mesturado coas novas tendencias do cine e do debuxo máis vangardista.

 

Foi Premio Lazarillo de Ilustración polo libro “El acertijo de Valpul” en 2000 e traballa como ilustrador para as mellores editoriais españolas: Espasa, Anaya, Santillana, Bruño, Hiperión.

 

En 2010 publica con El Patito Editorial a primeira obra da colección El Baúl de las Sombras de Jack Mircala, co título Lóbrego Romance, Pálido Fantasma, e no vindeiro mes de novembro presentará o segundo título da mesma.

Ribeira: e ti, xa votastes para que Ana Peleteiro sexa proclamada Atleta Revelación Europea? Faino en Star european-athletics.org/european-athle… Grande!

— Certo (@Certo) September 16, 2012

Ribeira: o IES Leliadoura protesta ante a Consellería de Educación porque ten 18 ordenadores onde precisa 30 para im... post.ly/9KtDi

— Certo (@Certo) September 17, 2012

Ribeira: a praia de Corrubedo ten outro "aquel" en setembro. Cada paraíso ten o seu "aquel" segundo o mes! youtu.be/LHaLnswoNcQ vía @youtube

— Certo (@Certo) September 17, 2012

¿Cómo dice? “ Feijóo :“Sabía que el capital de las cajas estaba trufado de preferentes, pero no podía contarlo"ccaa.elpais.com/ccaa/2012/09/1…”

— Julia Otero (@julia_otero) September 16, 2012

 

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: o IES Leliadoura protesta ante a Consellería de Educación porque ten 18 ordenadores onde precisa 30 para impartir un ciclo

Ribeira, 17 de setembro de 2012. Logo de fachendear tan pimpante o conselleiro de Educación e candidato popular por Ourense ás vindeiras eleccións do 21O, Jesús Vázquez, de que o curso escolar comezaba con "absoluta normalidade" vaise vendo que non é así. O instituto ribeirense Leliadoura vén de presentar escrito de protesta do seu departamento de Administrativo dirixido á Consellería, en referencia á falta de equipamento informático para impartir axeitadamente os ciclos formativos. En concreto, nunha clase na que se pediron o ano pasado os equipos, só hai 18 ordenadores dun total de 30 que esixe a normativa.

Adxúntanse os documentos relacionados na normativa sobre as condicións coas que deben contar as aulas de ciclos e o escrito de protesta.

iesleliadoura.com

A Pobra: Isaac Maceiras escolle como pregoeiros do Nazareno a grandes coñecedores da nosa terra e cultura. Vexan: youtu.be/iA80X6JodYQ

— Certo (@Certo) September 17, 2012

Ribeira: a praia de Corrubedo ten outro "aquel" en setembro. Cada paraíso ten o seu "aquel" segundo o mes! youtu.be/LHaLnswoNcQ vía @youtube

— Certo (@Certo) September 17, 2012

@esperanzaguirre #GraciasEsperanza por tu entrega todos estos años. Ánimo y adelante. ANF

— Alberto Núñez Feijóo (@Feijoo2012) September 17, 2012

El de Aguirre es el segundo 'sinpa' más grande de la historia de Madrid, después del de Gallardón.

— FanDeGodard (@FanDeGodard) September 17, 2012

Es Histórico las #eleccionesgallegas tendrán dos candidatos de derechas:@feijoo2012 y @mariocondeconde #referendumYa #21O

— Oscar Sánchez Feijóo (@_Oscar_Sanchez) September 17, 2012

doc00817920120917133754.pdf Download this file

doc00818020120917133814.pdf Download this file

doc00818120120917133831.pdf Download this file

doc00818220120917133901.pdf Download this file

ESCRITO PARA A CONSELLERIA.doc Download this file

Posted via email from Certo.gl, o xornal dixital de Barbanza e Noia

Outes: a Cidade da Cultura acolle o congreso sobre Francisco Añón o xoves 4 e venres 5 de outubro

Outes, 17 de setembro de 2012. Segundo nos informa o coordinador do congreso sobre Francisco Añón Paz polo bicentenario do nacemento deste gran poeta de Outes, Xoán Mariño, esta cita vaise celebrar na Cidade da Cultura de Santiago de Compostela os vindeiros 4 e 5 de outubro.

calendario_congreso_Añón.rtf Download this file

Posted via email from Certo.gl, o xornal dixital de Barbanza e Noia

Noia: Anxo Fernández, da Costa da Morte, proclamouse campión galego de taekwondo

• Na categoría de cadete peso pesado
• Adrián Saborido, tamén de Carnota e do mesmo club, subcampión

Noia, 17 de setembro de 2012. Foi unha xornada histórica a desta fin de semana para o club Arte e Movemento e para a Costa da Morte: o pasado sábado Anxo Fernández convertiuse no primeiro campión galego de taekwondo que ten esa bisbarra curmá. Adrián Saborido chegou igualmente á final, e co mesmo mérito, pero tiveron que enfrontarse os dous compañeiros de clube e venceu Anxo, obtendo así Adrián Saborido o subcampionato galego cadete deste ano 2012.

Os dous deportistas teñen 14 anos e son veciños de Carnota. A competición celebrouse o pasado sábado en Noia. Tanto o seu entrenador Juan Carlos Díaz como Anxo e Adrián, levaban esperando esta competición toda a tempada xa que foran gañando nas distintas competicións ás que se presentaban, pero faltaba desputar o Campionato Galego, o título definitivo. Acadárono sen problemas, xa que no último combate da xornada, a final dos pesos pesados, estaban no tapiz dous alumnos do clube, compañeiros, amigos e veciños. Tanto o entrenador como os compañeiros do club danlles a noraboa e dende Certo sumámonos aos parabéns para estes deportistas que tanto prometen.

Posted via email from Certo.gl, o xornal dixital de Barbanza e Noia

Noia: Anxo Fernández, da Costa da Morte, proclamouse campión galego de taekwondo

• Na categoría de cadete peso pesado
• Adrián Saborido, tamén de Carnota e do mesmo club, subcampión

Noia, 17 de setembro de 2012. Foi unha xornada histórica a desta fin de semana para o club Arte e Movemento e para a Costa da Morte: o pasado sábado Anxo Fernández convertiuse no primeiro campión galego de taekwondo que ten esa bisbarra curmá. Adrián Saborido chegou igualmente á final, e co mesmo mérito, pero tiveron que enfrontarse os dous compañeiros de clube e venceu Anxo, obtendo así Adrián Saborido o subcampionato galego cadete deste ano 2012.

Os dous deportistas teñen 14 anos e son veciños de Carnota. A competición celebrouse o pasado sábado en Noia. Tanto o seu entrenador Juan Carlos Díaz como Anxo e Adrián, levaban esperando esta competición toda a tempada xa que foran gañando nas distintas competicións ás que se presentaban, pero faltaba desputar o Campionato Galego, o título definitivo. Acadárono sen problemas, xa que no último combate da xornada, a final dos pesos pesados, estaban no tapiz dous alumnos do clube, compañeiros, amigos e veciños. Tanto o entrenador como os compañeiros do club danlles a noraboa e dende Certo sumámonos aos parabéns para estes deportistas que tanto prometen.

Posted via email from Certo.gl, o xornal dixital de Barbanza e Noia

Deportes: Ester Navarrete e Alejandro Fernández gañan a XV Carreira Popular de Santa Uxía

• Rubén Caamaño e Isabel Sáez, vencedores do V Circuíto de Carreiras Populares "Concello de Riveira"
• Ramón Ignacio Folgar, Fernando Castro e David Sanisidro, mellores corredores locais
  

Ester Navarrete é do Club Atletismo Feminino Celta

Alex Fernández Rivera é do Ourense Atlético Academia Postal

Ribeira, 16 de setembro de 2012.- Alejandro Fernández Rivera, do Ourense Atl. Academia Postal, e Ester Navarrete Santana, do Club Atletismo Femenino Celta, erixíronse nos gañadores nas categorías masculina e feminina absolutas da décimo quinta edición da Carreira Popular de Santa Uxía, desputada esta mañá nas rúas da cidade de Riveira. Cuns tempos respectivos de 30:06 e 36:10, estes atletas alzáronse igualmente co Campionato Galego de 10.000 Metros en Ruta promovido pola Federación Galega de Atletismo.

En categoría masculina, acadaron o segundo e o terceiro lugar (tanto na carreira pedestre como no campionato autonómico) Manuel Hurtado Sanjurjo (31:21) e Rubén Caamaño Nieto (31:46), mentres que entre as mulleres obtiveron estes postos María Soledad Castro Soliño (38:02) e Isabel Sáez Batallán (39:53).

Polo que respecta á quinta edición do Circuíto de Carreiras Populares Concello de Riveira, Rubén Caamaño Nieto alzouse coa victoria ao obter un rexistro de 1:44:57 entre as catro probas de que constou a acción (ademais da de Santa Uxía, as probas do Corgo, A Guía e San Xián de Artes). Seguírono Ramón Ignacio Folgar (1:49:08) e Ernesto Buceta-Pouso (1:51:18).

Na modalidade feminina, a gañadora do circuíto foi Isabel Sáez Batallán (2:13:11), seguida de María José Chouza Santamaría (2:24:31) e Eva María Martínez Adega (2:38:53).

Tamén cómpre ser destacados os mellores corredores locais, que resultaron ser Ramón Ignacio Folgar, Fernando Castro e David Sanisidro.

Outras categorías

En canto ao resto de categorías, na modalidade junior masculina gañou a carreira popular Marcos Matabuena (40:18); na junior feminina, Sandra Sobreira (51:53); en promesa masculina, Carlos Esquilas (42:23); en senior masculina, Iván Docampo (32:22); en senior feminina, Marinela Mayo (47:27); en veteranos A masculina, José Manuel Fernández (32:48); en veteranas A feminina, Teresa Castro (40:50); en veteranas B masculina, Miguel Fernández (33:19), en veteranas B feminina, Teresa Corral (41:48) e en veteranos C mascuina, José Ramón Mato (38:44).

Todos estes corredores percorreron unha ruta de 10.000 metros, pero tamén houbo outras categorías nas que os participantes máis novos realizaron distancias máis apropiadas ás súas idades. Tal é o caso das modalidades benxamín (onde foron gañadores Pepe García e Clara Casais), alevín (Manuel Bello e Marta Fontao), infantil (Pablo Monteagudo e Lara Domínguez), cadete (Tariku Novales e Laura Rodríguez) e xuvenil (Enrique Martínez e Andrea González).

En total, foron uns 600 os corredores que se deron cita nesta décimo quinta edición da carreira, que estivo organizada polo Concello coa colaboración de Náutica A Poutada, New Balance, Buff, GU Energy Gel, Coca-Cola, Club Atletismo Santa Uxía, Cofradía da Dorna e os organizadores das probas do Corgo, A Guía e San Xián de Artes.

 

Posted via email from Certo.gl, o xornal dixital de Barbanza e Noia

Muros: o finado ex-alcalde nacionalista Domingos Dosil foi homenaxeado

• O portavoz nacional do BNG, Guillerme Vázquez, cualificouno como "bo e xeneroso, con determinación, compromiso e coraxe"

Muros, 16 de setembro de 2012. A Antiga Fábrica de Sal foi o escenario, onte en Muros, dunha cálida e moi concorrida homenaxe á memoria de Domingos Dosil, activista polos dereitos dos minusválidos, alcalde da vila e sobre todo, en verbas dos seus compañeiros de partido, "grande patriota e grande nacionalista galego", tristemente falecido.

Na homenaxe tomou parte o portavoz nacional do BNG, Guillerme Vázquez. Na súa alocución, o líder nacionalista gabou a “determinación, a coraxe e a convicción patrióticas” das que Domingos fixo gala durante toda a súa vida.

“Domingos”, dixo Guillerme, “tiña todo o que ten que ter un nacionalista galego: determinación, compromiso, coraxe”. “Era un home bon, claro que si; era un home xeneroso, por suposto que si”.

Entrega e traballo

O portavoz nacional destacou que a traxectoria vital de Domingos mostra que “a política é unha das actividades máis nobres que pode desenvolver un ser humano”. “Porque a política é iso, entrega e traballo na defensa dos intereses colectivos, traballo para construír unha sociedade e un mundo mellor para todos”, engadiu.

Concluíu Guillerme dicendo que “a mellor homenaxe que lle podemos render a Domingos é traballarmos duro con determinación, entusiasmo e ilusión para que o 21-O o pobo galego diga alto e claro que estamos fartos das políticas de recortes e que queremos outro estatus político para Galiza”.

Posted via email from Certo.gl, o xornal dixital de Barbanza e Noia

Noia: este luns 17 comezan obras de saneamento e subministro de auga en Bergondo

•  A obra ten un orzamento de 304.033,60 € e un prazo de execución de 6 meses
• A obra será realizada directamente polo Concello, o que permitiu a contratación de sete persoas ( un oficial e seis peóns) durante os seis meses do periodo da obra
• Ao remate, asfaltarase a zona e instalaranse pasos de peóns elevados para mellorar a seguridade viaria
  

As obras foran anunciadas o 18 de novembro de 2011

Noia, 16 de setembro de 2012. Estas obras consistirán na renovación de toda a canalización do subministro municipal de auga, eliminando o vello entubado en fibrocemento que está a sufrir continuas crebas, e substituíndoo por 1.944 metros liñais de tubería de auga de PVC. Ademais substituriranse 990 metros liñais de saneamento facendo separativo de fecais e pluviais para unir coa obra que está realizando a Xunta de Galicia pois o actual saneamento presenta numerosas deficiencias, o que está provocando filtracións e danos. Unha vez realizadas as conexións destes servizos básicos procederase ao asfaltado de 6.770 metros cadrados. Tamén está prevista a instalación de pasos de peóns elevados para a mellora da seguridade vial.

 

Tamén se poñerán pasos de peóns elevados, como se fixo na Barquiña

 

Desde o Concello estase coordinando coas empresas de servizo de gas, telefonía e electricidade para na medida do posible repoñer liñas, soterrando onde sexa posible, e aproveitar para que, onde se queiran instalar novas canlizacións destes servizos privados, poder facelo de xeito conxunto.

 

"Para o Concello é urxente a mellora de servizos básicos nesta zona, para corrixir as deficiencias en servizos municipais a unha poboación que medrou moito nos últimos anos, contando na actualidade con máis de 800 habitantes", explican dende fontes municipais.

 

Carencias

 

As principais carencias no barrio de Bergondo son no subministro de auga, xa que é a zona da vila máis afectada (xunto co barrio de Labarta) polos cortes no subministro dun servizo básico como é este vital e líquido elemento. Co cambio de canalización a PVC tamén mellorará a calidade de auga.

 

Asemade, está prevista nesta actuación a conexión da tubería de auga principal desde a Ponte de Noia ata Catro Camiños, onde conectará coa obra de substitución da canalización de auga desde Catro Camiños ao Pereiro e que se rematou hai un par de meses. Deste xeito quedará conectado en tubería de PVC de 16 atm desde a Ponte de Noia ata o depósito que alimenta Boa e Taramancos.

 

A obra está incluída no POS e está financiada polo Concello de Noia e pola Deputación Provincial de A Coruña.

Posted via email from Certo.gl, o xornal dixital de Barbanza e Noia