Ribeira: ponencias xurídicas a cargo do Colexio Provincial de Avogados o venres 21 de setembro no auditorio

•  Dereito sucesorio galego, violencia de xénero e axilización procesal, asuntos a debater
  

Auditorio de Ribeira

Ribeira, 12 de setembro de 2012.- Por segundo ano, o Colexio Provincial de Avogados da Coruña celebrará unha xornada de conferencias xurídicas neste concello. Estas ponencias terán lugar no Auditorio Municipal o vindeiro día 21 de setembro, a partir das 11 horas.

A xornada comezará coa participación do presidente da Audiencia Provincial da Coruña, José Luis Seoane Spiegelberg, que ofrecerá unha ponencia dedicada ao Dereito Sucesorio Galego, despois da cal terá lugar un coloquio.

Ás 12.30 horas intervirá o presidente da sección 1ª da Audiencia Provincial da Coruña, Ángel Judel Prieto, cunha nova charla sobre Violencia de Xénero, seguida de coloquio.

Por último, xa ás 17 horas tomará a palabra Ángel Pantín Reigada, presidente da sección 6ª da Audiencia Provincial de A Coruña – Santiago, quen pronunciará a conferencia Medidas de Axilización Procesal antes de rematar o día co último dos coloquios organizados.

JORNADAS_RIBEIRA2012.pdf Download this file

Como se pode observar, este programa está en castelán. O idioma galego ten unha eiva importantísima neste aspecto da súa vida cotiá, como denuncia constantemente o ribeirense Carlos Callón, presidente da Mesa pola Normalización Lingüística

Pode que tamén lle interese:

• Ribeira: melloras no mercado provisional

• Ribeira: o 28 de setembro, no Liceo, envellecemento saudable

 

 

Posted via email from Certo.gl, o xornal dixital de Barbanza e Noia