A Pobra do Caramiñal: tras anos de verteduras e desleixo, á Xunta acórdalle limpar os ríos do municipio

• As actuacións céntranse no desbroce de herbáceas e retirada de árbores caídas para facilitar o discorrer das augas e comezarán o vindeiro luns
• Medio Ambiente tamén está a estudar a adecuación doutros ríos como o Lérez, na súa desembocadura na aldea da Raña, e o Pedras

Estado do río Morto en maio deste mesmo ano

A Pobra do Caramiñal, 7 de setembro de 2012.- Nada como convocar unhas eleccións para que diferentes administracións comecen a facer algo por cuestións que veciños e oposición levan anos pedindo. Desta volta tocoulle á Consellería de Medio Ambiente, Territorio e Infraestruturas, a través de Augas de Galicia, que vai executar varias limpezas nos ríos do Concello da Pobra do Caramiñal tras a solicitude deste municipio, ao que lle veñen botando en cara o seu desleixo nesta cuestión lexislatura tras lexislatura. Trátase de tarefas de conservación nos ríos Morto, Lérez e Pedras.

Estes proxectos de limpeza céntranse en traballos de retirada de escombros, eliminación de árbores caídas e adecuación das marxes co fin de facilitar o discorrer das augas polo leito dos ríos. Con este tipo de actuacións preténdese o mantemento dos ríos e os seus entornos.

O primeiro dos ríos nos que se levarán a cabo melloras de conservación será o Morto, espazo no que se iniciarán os traballos o vindeiro luns, 10 de setembro. O proxecto céntrase en tres zonas: un primeiro punto no que existe unha taxea de sección reducida, un tramo intermedio no que o río está canalizado por un canal trapezoidal de escollera, así como un terceiro treito próximo a un colexio, na desembocadura.

As actuacións consistirán na limpeza de vexetación arbustiva, desbroce de herbáceas e retirada de madeira caída ao cauce. Estímase unha duración dos traballos de 2 semanas, cun importe de máis de 7.700 euros.

Lérez
A Xunta de Galicia tamén está a estudar un treito da desembocadura do río Lérez na aldea da Raña. Dende o punto de vista de mantemento e conservación do Dominio Público Hidráulico (DPH) estudarase o desbroce da masa de silvas existente na marxe esquerda, a efectos de mellorar a accesibilidade na zona de servidume.

Pedras
A Consellería de Medio Ambiente, na visita realizada a este río, comproba a existencia dunha canle de derivación cara a marxe dereita do río. Aprécianse indicios de actividade fluvial recente, como depósitos de areas soltas. Neste caso, Augas de Galicia estudará unha posible recuperación das condicións naturais do leito para mitigar os efectos de eventuais enchentes en propiedades colindantes ao río.

Posted via email from Certo.gl, o xornal dixital de Barbanza e Noia

Ribeira: programa das festas de Santa Uxía, o 11, 12, 14 e 16 de setembro

 

Santa Uxía de Ribeira, 7 de setembro de 2012.- A Concelleira de Cultura de Riveira presentou hoxe, acompañada dos técnicos municipais de Cultura Unai González e de Xuventude Mario Vidal, o calendario de actos que integrarán a festividade de Santa Uxía. Estenderanse durante os días 11, 12, 14 e 16 de setembro.

 

 

As actividades están pensadas para todas as franxas de idade. A programación estará conformada da seguinte maneira:

 

MARTES 11 DE SETEMBRO

 

10:00 h 21 bombas de palenque anunciarán o comezo da festa.

 

10:00 h Dianas e Alboradas a cargo do Grupo de Gaitas O Pichote de Palmeira.

 

20.00 h Novenario e Misa Solemne, na Igrexa Parroquial de Santa Uxía.

 

20:30 h FESTIVAL DE BAILE, no Auditorio Municipal a cargo da  Asociación Cultural Alfaia.

 

23:00 h Concertos da Mocidade, no Parque García Bayón cos grupos locais BELFAST e ROCK-FA-MI-DAS.

 

De xeito paralelo á actuación, no Parque García Bayón, desenvolveranse as PRIMEIRAS XORNADAS DE SEGURIDADE VIARIA, que inclúen ademais dos concertos anteditos unha degustación de cócteles sen alcol para sensibilizar á xuventude e á poboación en xeral acerca da incompatibilidade da condución coa inxesta de bebidas alcólicas. Esta degustación terá lugar de 23 a 00 horas. Tamén se emitirá o videoclip da campaña Libre interpretado por Jabon Blue coa colaboración de Luis Cobos. Colaboras as asociacións Abril e Renacer.

 

23:00 h Verbena coa espectacular orquestra MARAZUL, no Malecón.

 

MÉRCORES 12 DE SETEMBRO. DÍA DE SANTA UXÍA

 

10:00 h 21 bombas de palenque anunciarán o comezo da festa.

 

10:00 h Dianas e Alboradas a cargo do Grupo de Gaitas A Gandaina de Palmeira.

 

10:30 h XORNADA DE PINTURA AO ÁR LIBRE para nenos/as. Na Praza de España (a partir de 3 anos, inscrición libre e de balde no lugar da actividade). Coorganiza a Asociación Cultural Alfaia. Consistirá na creación dun mural colectivo de temática diversa con referencias á Patroa Santa Uxía.

 

11:00 h Pasarrúas a cargo da Banda de Música de Negreira.

 

12:00 h MISA SOLEMNE NA HONRA DE SANTA UXÍA cantada pola CORAL MONTEMAR. A continuación Procesión acompañada da Banda de Música de Negreira e o Grupo de Gaitas A Gandaina de Palmeira.

 

17:00 h Xornada Multixogo e de Xogos Populares, na Praza do Concello (ata as 20:00 h) Para nenos/as a partir de 4 anos.

 

17:00 h PRIMEIRAS XORNADAS DE DINAMIZACIÓN E PARTICIPACIÓN XUVENIL NA CULTURA URBANA. Nas Prazas Pablo Neruda e do Concello (ata as 22 horas). Colabora a Asociación Vella Escola de Noia.

 

Constará de obradoiros de graffiti, breakdance, beatbox (consiste na habilidade de crear música, ritmos, efectos, melodías, soamente cos recursos corporais, principalmente a boca); turntablism (técnica empregada por DJs de Hip Hop consistente en mover un disco de vinilo cara adiante e cara atrás sobre o prato do tocadiscos para crear un efecto parecido ao de raiar o disco –scratch- e que, ben empregado, axuda a construír ritmos musicais e frases melódicas.

 

19:00 h Acto de ENTREGA DA “MEDALLA DE OURO DO CONCELLO DE RIVEIRA” A ANA PELETEIRO E MARÍA VILAS, no Salón de plenos da Casa do Concello. Presidido polo alcalde Manuel Ruiz Rivas. Aberto ao público que desexe asistir.

 

20:15 h Finais da Liga de Verán de Fútbol Sala, categoría Senior, no Polideportivo da Fieiteira.

 

20:30 h CINEMA no Auditorio Municipal: “Los muertos van deprisa” de Angel de la Cruz”, gañadora de 9 Premios Mestre Mateo da AGA. Entrada de balde ata encher aforo!

 

22:30 h Verbena co grupo ACIREMA, no Malecón.

 

VENRES 14 DE SETEMBRO

 

12:00 h “TOUR EXPERIENCIAS GALICIA”, no Palco de Pedra do Malecón, todo o día!

 

Haberá tres Cursiños de Cociña (Show Cooking) con produtos de Galicia Calidade, de 35 prazas c/u para maiores de 16 anos; inscricións de balde no Auditorio Municipal ata o día 13 de setembro por rigorosa orde. Os cursiños serán ás 12 h – 17 h e 19 h. Tamén haberá un inchable para os cativos e un stand informativo.

 

DOMINGO 16 DE SETEMBRO

 

XV CARREIRA POPULAR SANTA UXÍA, esta proba é o “Campionato Galego de 10.000 metros en Ruta”. Organiza a Concellería de Deportes de Riveira.

Posted via email from Certo.gl, o xornal dixital de Barbanza e Noia

Noia: continuarán as escavacións no castro de Taramancos na zona de conexión co viaduto da variante

• O Bng asegura que, no caso de que os cidadáns desaloxen ao PP da Xunta, "traballaremos para a preservación do que en Taramancos vaia aparecendo"
• Na actualidade catalógase o que hai -e inda non apareceu ningunha información oficial sobre o atopado- e logo é demolido, coa conseguinte perda de patrimonio milenario para Noia

O castro de Taramancos segue a ser  unha incógnita, xa que a Xunta non informa sobre os achádegos alí producidos

Noia, 7 de setembro de 2012. Unha vez feitas as intervencións arqueolóxicas no castro de Taramancos, co obxectivo de construír o máis axiña posible o viaduto da variante noiesa, e de ficar á vista os restos, os memos foron catalogados por persoal especializado e acto seguido procedeuse á súa demolición pola empresa que está a construir a variante.

Unha das poucas estruturas que quedaban en febreiro deste ano

Este mes produciuse unha nova resolución da Dirección Xeral do Patrimonio Cultural, autorizando unha prórroga dos traballos de escavación entre os puntos quilométricos 0+740 e o 0+910 de data 13 de agosto último. Esta última autorización, segundo informa o concelleiro de Urbanismo, Bieito González, "coido que debe estar vinculada á solución que lle están a buscar á nova conexión rodada co lugar de Taramancos, desde a praia de Testal".

O citado edil engade que a posición pública do BNG "é ben coñecida: oposición á destrución do que alí apareceu e preservación do mesmo para o seu coñecemento público. Desde logo se se consigue o desaloxo do PP da Xunta de Galiza, está claro que o BNG fará unha política ben diferente, nesta e noutras cuestións, entendéndose que se traballará para a preservación do que alí vaia aparecendo".

Unha das cabanas castrexas que xa nunca poderemos voltar ver, pois foi arrasada

Agosto de 2011, detalle das escavacións

Aspecto do xacemento en maio de 2012

Posted via email from Certo.gl, o xornal dixital de Barbanza e Noia

Ribeira: o Psoe pide que se arranxen as perdas de auga na rede de subministro

Ribeira, 7 de setembro de 2012. O Psoe denuncia hoxe en nota de prensa que as redes de subministro de auga do municipio comezan a ser demasiado vellas e que cada vez perden máis líquido elemento. No seu comunicado, que reproducimos íntegro a continuación, piden que se arranxen estas deficiencias e se faga caso ás súas propostas.

El problema de las pérdidas de agua

 

• Numerosas tuberías que conforman las redes de distribución de agua urbanas comienzan a ser muy viejas. Pero no sólo es la edad el principal problema de las redes urbanas.
• En el deterioro de nuestras redes también influye poderosamente la escasa cultura de mantenimiento de sus gestores. En efecto, son muchas las tuberías instaladas hace sólo unas décadas que ya piden una pronta renovación.
• Las ciudades de la costa, que más que crecer han explotado, no han ampliado los diámetros de la red básica y,  consecuentemente, no pueden dar respuesta adecuada al crecimiento habido.

La agrupación socialista de Ribeira, ha recibido en los últimos meses, la denuncia y queja de usuarios y propietarios sobre el mal estado del suministro de agua en la localidad de Aguiño y A Mámoa, y la petición de hacer sentir su malestar.

Efectivamente, se han constatado en los últimos meses cortes en el suministro de agua potable, con intervalos de unos 15 días, debidos a fugas por rotura de la tubería de suministro, concretamente en las zonas de Listres y Cruce do Vilar, lo que provoca recelo y malestar en los desconcertados abonados.

Redes, pues, insuficientes, y deficientes que originan problemas de calidad y cantidad propiciando los cortes de agua.

Todo esto provoca inconvenientes,…, y no pocos. Al vaciarse las tuberías aparecen depresiones que posibilitan la entrada de aire y, lo que es aún peor, la entrada del agua previamente fugada. Dos efectos muy negativos en la red.

El segundo inconveniente, el reingreso de agua contaminada, es posible por depresiones en el interior de redes no estancas. Ese es el origen de las intrusiones patógenas; y de los más que posibles daños en aparatos de la instalación particular (termos, grifos, lavadora, lavavajillas, contadores).    

Conclusiones

• La sectorización del servicio mediante una red mallada para la prestación del servicio de agua potable, permitiendo el manejo hidráulico de las redes, controlar la continuidad, la presión, la calidad del agua distribuida. 

• Estas mejoras operativas permiten y facilitan la instalación de medidores de agua para que los usuarios paguen por lo que realmente consumen. Asimismo, permite controlar el agua no facturada. 

      Esta agrupación desea que se solventen los problemas de la deficiente distribución del agua potable, y que se tengan en cuenta las propuestas.

Posted via email from Certo.gl, o xornal dixital de Barbanza e Noia

Noia: Xaquín Fdez Leiceaga acada o primeiro posto nas votacións da asemblea local do Psoe para as listas electorais

Xaquín Fernández Leiceaga, na foto oficial do flickr do PSdeG-PSOE

• Sorpresa coa segunda máis votada, unha militante de base chamada María Teresa Gundín, que quedou a só dous votos de "Xocas", quen levou 30. O terceiro foi o ex-concelleiro noiés de Facenda, Lino García, con 26 votos.
• Xosé Manuel Lage Tuñas, un dos parlamentarios máis activos, quedou relegado a un quinto posto ao obter  tan só 23 votos, os mesmos que levou Rosana Mariño, ex concelleira de Tráfico
• Votaron 45 militantes, nun proceso de listas abertas, polo que podían emitir o voto por varios á vez.
• Este tipo de votacións en cada asemblea local do Psoe de Galicia non son vinculantes pero van amosando as preferencias dos militantes para escoller os diversos postos de saída nas listas -que non son abertas- electorais para as votacións autonómicas

• Tanto o parlamentario Xaquín Fernández Leiceaga como José Manuel Lage Tuñas son parte do sector crítico co actual líder do PSdeG, Pachi Vázquez, polo que non se agarda que ningún deles vaia nas listas electorais en postos de saída

Posted via email from Certo.gl, o xornal dixital de Barbanza e Noia

Boiro: o mércores 12 de setembro chega o camión de Galicia Calidade

• Un día antes, o 11S, en Noia
• En Muros estará o luns 10 de setembro
• A Ribeira chegará o venres 14
  

Boiro, 6 de setembro de 2012. O Tour Experiencias Galicia Calidade segue a circular por toda Galicia. A súa fin é a de achegar aos usuarios non só a calidade dos produtos do selo Galicia Calidade, senón tamén, ao mesmo tempo, as súas aplicacións na cociña.

E ten como obxectivo facelo da forma máis atractiva, interactiva e amena posible para así xerar no consumidor a maior sensación de cercanía posible, por iso, Galicia Calidade sae á rúa.

Contido do Tour

A actividade do Tour basearase principalmente, en impartir Showcookings e obradoiros de cociña por toda Galicia, concretamente tres no día, de aproximadamente 60 minutos cada un. Os horarios dos cursos son:

• 12:30
• 17:30
• 19:30

Cada un dos cursos inclúe a degustación dos produtos que se preparan e agasallos por parte de Galicia Calidade aos asistentes.

Hai que anotarse previamente

Cada un dos cursos ten unha capacidade de 35 persoas, que terán que apuntarse previamente no concello, ou o mesmo día do curso, no mesmo camión. O obxectivo prioritario con esta campaña son asociacións de amas de casa e de consumidores, así como calquera outro tipo de asociación de carácter local

Para apuntarse aos cursos con antelación, poden chamar ao teléfono 981842654, ou enviar un mail a turismo@boiro.org

Antes, en Certo:

Consumo: Muros, Boiro, Ribeira e Noia acollen Galicia Calidade móbil en setembro

Posted via email from Certo.gl, o xornal dixital de Barbanza e Noia

Ribeira: retoman o Banco de Tempo para este curso

•  Reunión o mércores 26 de setembro para xuntanza de cohesón grupal
• Onte houbo reunión para albiscar o futuro desta ferramenta veciñal que promove o Centro de Información á Muller
  

 

Ribeira, 6 de setembro de 2012.- No día de onte, de 19.00 a 20.30 horas, celebrouse a primeira xuntanza do novo curso do grupo de socios e socias que forman parte do Banco de Tempo de Ribeira. O obxectivo da mesma foi informar da reanudación do funcionamento da Secretaría do Banco de Tempo e a presentación da Axente de Tempo.

 

Así mesmo, a reunión convocouse coa intención de fortalecer a confianza entre os e as integrantes do grupo e fomentar o coñecemento mutuo e a comunicación interpersonal. As persoas asistentes fixeron unha valoración positiva e enriquecedora das anteriores experiencias de intercambios e actividades, debatendo dun xeito participativo as diversas actividades a levar a cabo nos vindeiros meses e fixando unha próxima xuntanza de dinamización e cohesión grupal para o día  26 de setembro.

 

Rede social

O Banco de Tempo ten como obxectivo poñer en valor o tempo das persoas e o que son capaces de facer xuntas. Esta rede social é un xeito de evitar o illamento persoal, onde todas as persoas teñen algo que ofrecer como coñecementos e experiencias que se poden compartir cós demais. Ten o mesmo valor intercambiar xestións administrativas que acompañar a unha persoa a compartir un paseo, xa que a medida de valor é o tempo non o servizo intercambiado. Este espazo de encontro e axuda mutua fortalece as relacións e comunicación entre as persoas dun xeito recíproco, dándose valores de empatía, confianza, solidariedade e axuda.

 

Este Banco de Tempo é un proxecto promovido polo Centro de Información á Muller de Ribeira –órgano adscrito á Consellería de Igualdade- e financiado pola Secretaría Xeral de Igualdade da Xunta de Galicia.

Contacto para facerse socia ou socio

 

Calquera persoa pode participar sendo socio/a do BdT, tan só debe inscribirse, de balde, na Secretaría do Banco de Tempo, localizada no Centro de Información a Muller (CIM) na praza 8 de marzo, contactando coa Directora do (CIM) Mª Dolores Crujeiras ou coa Axente de Tempo: Herminia Dios nos teléfonos 981 874 131, 981 873 409 ou 666 689 122.

Enderezos electrónicos: cim@riveira.com e hdios@aidsocial.com.

Sitio web: http://www.bancodotempo.com/

 

Ribeira: melloras no mercado provisional a suxerencia de praceiros e veciñanza post.ly/9BeKv

— Certo (@Certo) September 6, 2012

Colaboración: Manuel Venator fala hoxe en "Abogados del diablo" de presuntos trolls de internet. Terá razón? A ver! certo.es/index.php?page…

— Certo (@Certo) September 6, 2012

 

See the full gallery on Posterous

Posted via email from Certo.gl, o xornal dixital de Barbanza e Noia

Deportes: a Escola de Fútbol do Sálvora acepta inscricións ata o 23 de setembro

Ribeira, 6 de setembro de 2012. Ata o 23 deste mesmo mes ábrese o prazo de inscrición da Escola de Fútbol Sálvora, que outro ano máis seguirá mellorando a oferta deportiva no Concello de Ribeira.

¿A quen vai dirixida? 

A nenos e nenas nacidos nos anos 2004, 2005, 2006, 2007 e 2008  que dende a primeira semana de Outubro ata a última semana de Maio, disfrutarán á iniciación dun deporte colectivo como é o "Fútbol".
  

¿Cal é o obxectivo desta Escola?

  
Dous, son os obxectivos básicos de esta escola:

-Educativos: 

• Convivir de forma amistosa e cordial con nenos e nenas de idades similares, co obxectivo de ter novas amizades. 

• Mellorar nos hábitos de disciplina, adquirindo valores de respeto polos demais, polos materias, polo cumprimento de tarefas, actividades e demais funcións a realizar. 

-Deportivos: 

• Elaborar un método integral e globalizado no adestramento, adaptado  a nenos en idade de aprendizaxe. 

• Practicar o deporte do Fútbol, asimilando os principais contidos técnicos e tácticos que ofrece, tendo o factor diversión, como obxectivo principal.

¿ Cal é o custe da actividade?

O custe será de 18€/mensuais a razón de dúas horas semanais.

 ¿Cómo inscribirse na Escola de Fútbol Sálvora?

• Mediante correo electrónico: salvoracf@gmail.com, (datos a ofrecer: nome e apelidos, data nacemento, colexio, teléfono e persoa de contacto).
  

*Nota: Todos os alumnos que fixeron a reserva de praza non fai falta que se preinscriban.

www.salvoracf.blogspot.com

Posted via email from Certo.gl, o xornal dixital de Barbanza e Noia

Noia: aberta a preinscrición dende este venres 7 para un curso de teatro de outubro a xuño

Noia, 6 de setembro de 2012. A concellería de Cultura de Noia informa que de outubro a xuño vai desenvolverse un curso de teatro dirixido a personas de 8 a 99 anos.

A monitora será María Creo. 

Os interesados poderán apuntarse do 7 ao 28 de setembro no Departamento de cultura deixando os seus datos -nome, apelido, idades, enderezo- no  e-mail:  concha.allut@gmail.com.

Inscrición física dende o 21 de setembro. Reunión o 29

Tamén poden incribirse, a partir do día 21 de setembro, xa presentándose persoalmente, na Casa da Cultura de Noia.

Unha vez rematado o período de pre-inscrición todos os interesados terán unha reunión o día 29 de setembro ás 12:00 horas na Casa da Cultura para preparar o comezo do curso.

Posted via email from Certo.gl, o xornal dixital de Barbanza e Noia

Ribeira: melloras no mercado provisional a suxerencia de praceiros e veciñanza

•  Instalan 28 taquillas para vendedores e persoal da praza
• Acótase unha área para deixar cans, instálase mobiliario urbano e píntanse zonas de descarga
  

 

 

Ribeira, 6 de setembro de 2012.- O Concello está a realizar unha serie de melloras no Mercado Provisional que redunden tanto nun máis óptimo funcionamento do mesmo como na comodidade dos usuarios que cada día acoden a estas instalacións en demanda de produtos alimentarios.

 

Así, nestes momentos estase a proceder, a demanda dos propios praceiros, á instalación de 28 taquillas individuais destinadas a albergar as equipacións e utensilios tanto de cada un dos vendedores do recinto, como de persoal municipal que traballa no mesmo.

 

Carpintería da UAD

Estas 28 taquillas, distribuídas en tres módulos de tres metros de ancho por dous metros de alto, foron construídas por alumnos do obradoiro de carpintería do Servizo de Drogodependencias da UAD e están feitas en branco e granate, de forma harmónica cos cores empregados nos uniformes dos vendedores e outros elementos.

 

Así mesmo, outra das actuacións emprendidas é o pintado da zona de carga e descarga situada na zona traseira da carpa que alberga o Mercado Provisional, para evitar posibles obstáculos nestas tarefas polo estacionamento indebido de vehículos.

 

Por outra parte, a demanda da propia cidadanía do municipio foron implantadas outras melloras, entre as que destaca unha zona de cans na que están situadas catro argolas nas que atar os animais mentres os seus donos efectúan as súas compras no interior da praza.

 

Ademais, tamén a petición da veciñanza instaláronse outros elementos de mobiliario urbano en fronte do recinto, como son dous bancos e tres macetas.  O concelleiro Vicente Mariño estivo hoxe no mercado para supervisar os traballos.

Colaboración: Manuel Venator fala hoxe en "Abogados del diablo" de presuntos trolls de internet. Terá razón? A ver! certo.es/index.php?page…

— Certo (@Certo) September 6, 2012

Quisiera disculparme con los arquitectos y con todas las personase instituciones que se hayan podido sentir molestas con mi comentario.

— Esperanza Aguirre (@EsperanzAguirre) September 6, 2012

EL ABC DE NUESTROS DIRIGENTES ES: LO SIENTO, LO RETIRO Y HARÉ LO QUE SEA AUNQUE HAYA DICHO QUE NO LO IBA A HACER.

— masaenfurecida (@masaenfurecida) September 6, 2012

Cando Feijóo dixo "vapuléannos en Internet" non se refería á charla con @pararaparis Samo ama a Rajoy pero non llo di! certo.es/index.php?page…

— Certo (@Certo) September 6, 2012

See the full gallery on Posterous

Posted via email from Certo.gl, o xornal dixital de Barbanza e Noia