A Pobra do Caramiñal: Novas Xeracións colaborou con Cáritas na Operación Quilo

 A Pobra, 21 de marzo de 2011. A formación política Novas Xeracións da Pobra do Caramiñal acabou o día 19 de Marzo coa campaña solidaria "Operación Quilo" a favor de Cáritas, coa entrega dunha gran cantidade de produtos alimenticios para axudar ás familias pobrenses con máis necesidades.
Con esta iniciativa, Novas Xeracións da Pobra do Caramiñal "renova o seu compromiso co colectivo de Cáritas", explicou o presidente dos mozos populares, Eloy Sobrido García, quen, acompañado dos seus compañeiros, expresou o seu agradecemento "á xente que participou na campaña", Prometeu "seguir traballando polos que máis o necesitan" e, pola súa banda, "Turi", o presidente de Cáritas expresou o seu agradecemento aos de Novas Xeracións e convidou "ao resto de partidos políticos a que tomen exemplo".

See the full gallery on Posterous

Posted via email from Certo.gl, o xornal dixital de Barbanza e Noia

Volei: o Hipescar Boiro, campeón de Primeira División Nacional a falta de una jornada

Crónica de María Cortés Ayaso

GRAN FIN DE SEMANA!!!! Y no solo porque son más victorias, sobre todo porque ha sucedido LA VICTORIA, esa que le da al HIPESCAR el campeonato de la 1ª División Nacional Masculina a falta de una jornada. Asímismo, nuestras chicas del PROBOIN están cada vez más cerca de su respectivo campeonato, dependiendo tan sólo de ellas si consiguen la victoria frente al San Sadurniño la próxima semana. Orgullo es la palabra que puede definir lo que sentimos por nuestros jugadores, pero no tan sólo de estos equipos, si no de todos, que han demostrado su gran mejoría semana a semana, y nos han hecho disfrutar de este deporte que tanto nos llena. 

PRIMERA DIVISIÓN NACIONAL MASCULINA

AULE 0-3 HIPESCAR BOIRO VOLEIBOL (19-25, 20-25, 20-25)

VICTORIA DEL HIPESCAR BOIRO VOLEIBOL en tierras leonesas por un claro 0-3, que le permite proclamarse CAMPEÓN DE LA 1ª DIVISIÓN NACIONAL MASCULINA  a falta de una jornada para el cierre de esta competición. Los de Emilio Palacio tenían una cita con la historia del club ante un siempre combativo rival como es el AULE, y no se desaprovechó la oportunidad que la competición ofrecía para alcanzar el ansiado título. El encuentro estuvo marcado por el acierto de los jugadores del HIPESCAR en recepción y contrucción de ataque, motivo que impedía a los locales acercarse en el marcador durante el primer parcial. En el segundo set más de lo mismo. Precisión en recepción y colocación y una orden sobresaliente en defensa, acompañado de contundencia en el ataque por todas las posiciones. permitían al HIPESCAR llevarse con autoridad este segundo set. El tercero fue una copia de los anteriores, en el que los nuestros ofrecían su mejor cara, siendo conocedores de la trascendencia y  la importancia que este choque tenía para el equipo y para todo el club en general

Por el HIPESCAR BOIRO VOLEIBOL jugaron: Iván Souto "Pas", Narciso Abalo, Miguel Vázquez, Cristóbal Álvarez, Óscar Gómez, Jesús Vázquez "Pivot" y Adrián Alves "Chicho" (líbero). Como reservas actuaron Manuel Pérez Andrade, Gustavo Romero, Ignacio Cibeira "Frigu" y el juvenil Antón Pérez

https://blogger.googleusercontent.com/img/b/R29vZ2xl/AVvXsEiQc9GufZT76Lmbg6oLyp5fIgrdNdAUiJvc1qbrsGySuBZXF_ONDfazlxBAuLT7Uj73vjX39ylzI4AktHjG6fkfU_jJrQzIK-7l_CTRUCsWduVK5iC86htlqDrMaXgaBWIK6UB99a8dwFB8/s1600/DSC_0421.JPG

¡¡¡¡ENHORABUENA HIPESCAR, LO MERECÉIS!!!!

SEGUNDA DIVISIÓN A MASCULINA

CV VAGALUME 3-1 REDESYL BOIRO VOLEIBOL (23-25, 25-17, 25-19, 25-11)

Derrota a domicilio del REDESYL. El inicio del partido presentaba un REDESYL aplicado en recepción y con un eficaz ataque por ambas bandas, lo que hacía daño al sistema defensivo de los ferrolanos. Con un nivel en bloqueo e intensidad más que aceptable los de Antón Pérez se anotaban el primer set por un ajustadísimo 23-25 ante un combativo equipo que pelea por la victoria final en la 2ª División. El segundo set empezó con mucha igualdad en el marcador, pero llegados a la mitad del mismo la defensa local empezó a inquietar a nuestros jugadores, que tampoco conseguían construir un juego con la fluidez deseada. El tercer set fue similar al anterior. Fuerte defensa local y nerviosismo del REDESYL cuando el marcador está en contra. En el último set los errores de los boirenses hicieron todo el trabajo al Vagalume, que basando su juego en la constancia y el orden en el sistema bloqueo-defensa conseguían hacerse con el set y el partido con menos problemas de los previstos.

Por el REDESYL BOIRO VOLEIBOL jugaron: Rubén Taibo "Mechas", Roberto Rodríguez "Tito", Fran López "Chepe", Juan Resúa, Manuel Pérez "Cholo", Xavier Sarille y Juan Lorenzo "Doc" (líbero). Como reservas estaban Diego Romero, Adrián Armental "Nara" y Juan "Mande".

SEGUNDA DIVISIÓN A FEMENINA

PROBOIN BOIRO VOLEIBOL 3-0 CALASANCIAS CORUÑA B (25-15, 25-23, 25-21)

Cómoda victoria en 3 sets de nuestras chicas del PROBOIN, que dominaron el juego durante todo el partido. La tónica del buen juego se mantuvo durante todo el partido, en el que las boirenses se mantuvieron en todo momento por encima en el marcador. El Calasancias se acercó en algún momento, pero tan solo a causa de fallos por las boirenses, sobre todo en ataque y recepción. Pese a ello, en ningún momento hubo temor de que pudieran alcanzar la victoria. Sólo se acercaron algo más en el 3º set, pese a lo cual las nuestras se mantuvieron arriba y consiguieron la victoria final. Un ataque seguro, marcado en la posición 3, una defensa y recepción fuerte fueron las claves para la victoria del PROBOIN, que las acercaba más al primer puesto de su categoría.

Por el PROBOIN BOIRO VOLEIBOL jugaron: Ángela, María, Leo, Luci, Rebe, Carol y Carla (líbero). También actuaron Anael, Sara y Luisa.

https://blogger.googleusercontent.com/img/b/R29vZ2xl/AVvXsEiKmSb16ESVMLSjcNsKMK9ZZnT3ZaD0yPL1peBE3WP0YUtLWecgtLulgv_hW5clvPB0M_lX30eEczQJe5BD43HB6-byZF9qBMI1BZlphoBRR5hCv9E7ctw1VKDEsVpVooZdo9TR5aBiY2yl/s1600/CIMG1812.JPG

PROBOIN BOIRO VOLEIBOL 3-0 XAV CAMBADOS (25-23, 25-19, 25-20)

El domingo nuestras chicas consiguieron una nueva victoria amplia. El PROBOIN volvió a demostrar un juego impecable, en el que no dieron opción a las jugadoras de Cambados. En el primer set las visitantes se acercaron en el marcador por fallos del PROBOIN en recepción y algún error en las colocaciones. El PROBOIN llevó a cabo ataques contundentes, que aunque efectivos chocaban con la defensa del Cambados. Pero gracias a sus fallos en saque nuestras chicas consiguieron llevarse la victoria final. En los otros 2 sets el Cambados ya no tuvo opciones. El PROBOIN se mostró seguro, con un buen ataque de sus centrales, y una fuerte defensa y recepción, manteniéndose en todo momento seguras y sin dudas en el posible resultado, siempre favorable. 

Por el PROBOIN BOIRO VOLEIBOL jugaron: Ángela, María, Leo, Luci, Rebe, Carol y Carla (líbero). También jugaron Anael, Sara, Luisa y Alicia.

Gracias a esta nueva victoria, el PROBOIN BOIRO VOLEIBOL se pone como líder de su categoría, asegurándose su participación en la fase de ascenso a la 1ª División Nacional Femenina, y dependiendo exclusivamente de sí mismas para mantener esta posición y hacerse finalmente con el campeonato. 

LIGA GALLEGA JUVENIL MASCULINA

TRILLIZOS BOIRO VOLEIBOL descansa

LIGA PROVINCIAL JUVENIL FEMENINA - SEMIFINAL PLAY OFF FASE INTERZONAL JUVENIL FEMENINA

AD XIRIA ASESORIA CERVANTES 1-3 BOIRO VOLEIBOL (20-25, 21-25, 25-20, 21-25)

Victoria de las chicas de Juan Resúa en esta semifinal del play off interzonal ante un duro rival como es el equipo de Carballo. El partido empezaba con nuestras dudas en defensa y recepción, motivo por le el cual las locales conseguirían cierta ventaja en el marcador, que se vería neutralizada momentos después por el acertado saque de las boirenses. La motivación del equipo fue in crescendo a medida que el set avanzaba para finalizar con victoria. Durante el segundo set, la tónica fue idéntica a la vista en el primero. Poder con el saque de las boirense y con las de Carballo jugando a remolque en el marcador. En el tercer set volvieron las dudas; AD Xiria conseguía una amplísima ventaja en el comienzo del set que las nuestras irían reduciendo para terminar con el claro 25-20. Comenzó el cuarto set con nuestras chicas muy concentradas, causa más que suficiente para que dominasen el set desde el principio hasta el fin. 

Por el BOIRO VOLEIBOL jugaron: Patri, Ana, Katy, Andrea, Evelyn, Ángela y Sheila (líbero). También jugaron Sandra, Adriana y Sindy.

LIGA GALLEGA CADETE MASCULINA

CALASANCIAS CORUÑA 3-2 REYCA BOIRO VOLEIBOL (24-25, 16-25, 25-23, 25-11, 15-13)

Ajustada derrota por 3-2 del REYCA en su desplazamiento a la ciudad herculina. El partido empezaba con los de Boiro más acertados que el rival, por lo que pronto se distanciarían en el marcador basándose en la continuidad de su juego y la no concesión de errores a su rival. Poco a poco la chispa boirense iría decreciendo y los coruñeses apretarían el marcador hasta el 24-26 final. El segundo set fue un reflejo de lo que es el juego del REYCA esta temporada. Orden e intensidad defensiva, y acierto en el contraataque, motivos más que suficientes para anotarse el parcial con comodidad. En el tercer set, la confianza excesiva le jugó una mala pasada a los boirenses, que con el partido muy encaminado llegaron al final del set con posibilidades de victoria los fallos en saque les dio la victoria por la mínima al Calasancias. En el cuarto set nuestros cadetes desaparecieron del campo. Infinidad de errores e imprecisiones del REYCA le ponían en bandeja a los herculinos por un claro 25-11. De esta manera se llegaba al tie-break, en el que el Calasancias, con trayectoria ascendente sería ganador por la mínima.

Por el REYCA BOIRO VOLEIBOL jugaron: Xian Perez, Fran Dieste, Daniel Vázquez, Abel Sánchez, Ismael Martínez y Alfonso Rey. También jugaron Lois Vázquez, Raúl Lojo y Óscar Refojo.

De nuevo enhorabuena a nuestros jugadores

Posted via email from Certo.gl, o xornal dixital de Barbanza e Noia

Política: o Bng levou varias demandas da comarca da Barbanza ao debate sobre o Estado da Nación. O PP rexeitounas todas

2011-03-18Propostas-BNG-Debate-estado-da-Nación-Barbanza.pdf Download this file

Barbanza, 21 de marzo de 2011. O Bng sinalou en nota de prensa que as demandas da bisbarra da Barbanza "foron levadas, en forma de Propostas de Resolución ao Parlamento Galego polo Grupo Parlamentar do BNG no debate sobre o Estado da Nación. En concreto, as demandas presentadas foron relativas as melloras no Hospital da Barbanza, ao Polígono Industrial da Barbanza, a adopción de medidas para a defensa da viabilidade das frotas galegas de baixura, e de defensa do sector mexilloeiro galego. Lamentablemente, todas elas foron rexeitadas polo Partido Popular, incluido o candidato á alcaldía de Ribeira, amosando así a falla de interese pola comarca e, nomeadamente, polo noso concello".

Posted via email from Certo.gl, o xornal dixital de Barbanza e Noia

Mar: o PP loitou cando estaba na oposición contra as gaiolas de salmón de Arousa, que agora quere impoñer dende a Xunta na Ría de Muros-Noia

Captura de pantalla da web do Partido Popular onde clamaba polo "mellor mexillón do mundo" contra as gaiolas de salmón

Noia, 19 de marzo de 2011. As hemerotecas son teimudas e axudan, como é neste caso, a pescar as contradicións dos nosos políticos. Cando o PP estaba na oposición fartouse de clamar contra o bipartito que ocupaba a Xunta pola instalación experimental de gaiolas de salmón na Ría de Arousa. Da mesma empresa que agora as quere fondear no polígono mexilloeiro Muros C. Chega ao goberno o Partido Popular e dende a súa Consellería de Mar defende todo o contrario. Como se pregunta un veciño de Noia no facebook estes días, con motivo desta polémica, "lo que habría que investigar es si alguien está "engordando" a los peces de San Caetano". Non é de estranar que se desconfíe destas viraxes dos políticos. Vexan o que hai arquivado na páxina web do Partido Popular de hai apenas dous anos e compáreno co discurso da conselleira Rosa Quintana destes días -non verán por ningún lado que aludan aos informes científicos a favor- (as negriñas son nosas):

"O voceiro de Pesca do PPdeG  teme que se este poñendo en perigo o mellor mexillón do mundo ante a ameaza dos produtos empregados para a cría de salmón na Ría de Arousa

O PPdeG critica que as continuas contradicións de Pesca, que primeiro permite a instalación de xaulas para despois negar a concesión á empresa, pode supor un gasto de 1 millón de euros das arcas públicas, que é a cantidade que reclama como indemnización a empresa afectada
O voceiro de Pesca solicita que finalicen os enganos dos responsables da Consellería e que se retiren as xaulas como aseguraron no seu momento que ían facer

Santiago, 6 de xaneiro de 2009.- O voceiro de Pesca do PPdeG, José Manuel Balseiro Orol, denunciou hoxe “os continuos enganos e despropósitos da Consellería de Pesca ao respecto da introdución de salmón en xaulas na Ría de Arousa o que está a provocar graves prexuízos na Ría ao negarse a retiralas como habían asegurado”. Balseiro Orol teme que se este poñendo en perigo o mellor mexillón do mundo, ademais do peixe e o marisco da Ría xa que os produtos empregados para a cría deste salmón nas nosas rías, pensos e  medicamentos, acaban por prexudicar segundo coinciden en asegurar todos os axentes do sector pesqueiro, expertos, científicos, mexilloeiros e cofradías.

Na Consellería de Pesca “son totalmente conscientes, malia que o oculten, que a cría de salmón nas nosas rías é inviable e desaconsellable pola súa evidente perniciosidade” indicou Balseiro e aínda así deron o seu visto bo a un desafortunado experimento de implantación de xaulas experimentais no polígono de bateas Ribeira C, nas proximidades da illa de Rúa.

DESCONTROL ADMINISTRATIVO DE 1  MILLÓN DE EUROS

Para o voceiro de Pesca as continuas contradicións da Consellería de Pesca, que nun primeiro momento permite a instalación das xaulas, para despois negar a concesión á empresa encargada do cultivo do salmón, e finalmente continuar sementando dúbidas de si permitirá ou non este tipo de cultivo pode “pasar unha factura carísima a todos os galegos”. Deste xeito o deputado popular indicou que responsables da Consellería teñen admitido, en conversacións con membros do sector estrativo que a empresa afectada pode reclamar máis dun millón de euros polos prexuízos causados.

“1 millón de euros a conta do descontrol administrativo do departamento que dirixe a socialista Carmen Gallego”indicou Balseiro quen cualificou de “disparatado” o custe do experimento da Xunta bipartito. E “de ser certo esta indemnización millonaria deberían pagala os dirixentes da Xunta e non todos os galegos” .

Balseiro Orol criticou que a Consellería de Pesca non este a ofrecer as explicacións oportunas e o as distintas xestións desenvolvidas pola mesma “está a ser unha sucesión de despropósitos de imposible xustificación”.

O PPdeG reclama que a Consellería asuma o compromiso formal e inequívoco de abandonar en Galicia todo intento de levar adiante a experimentación con este cultivo acuícola “e que de mostras de criterio axeitado xa que a actual Xunta parece ter esquecido que o seu primeiro deber é traballar a prol dos pescadores, mariscadores e mexilloeiros e nunca en contra dos seus intereses”.

O voceiro de Pesca  solicita que finalicen os enganos dos responsables da Consellería, que aseguraban que ían retirar as xaulas de salmón se non o facía a empresa e que realmente tan só significou “unha mentira mais” xa que as xaulas seguen no seu sitio e agora son os pósitos os que teñen que ameazar con retiralas.

SAÚDOS, GABINETE DE COMUNICACIÓN DO GRUPO PARLAMENTARIO POPULAR DE  GALICIA "

Antes publicamos:

• Mar: tregua coas gaiolas de salmón trala protesta en Santiago?

• Noia: manifestación espontánea na Ría contra as gaiolas de salmón. Este venres, en Santiago, con políticos incluídos

• Mar: Quintana di que non pasa nada coas gaiolas de salmón

Posted via email from Certo.gl, o xornal dixital de Barbanza e Noia

Ribeira: a Cofradía da Dorna estreou sede baixo o palco de pedra do Malecón

Ribeira, 19 de marzo de 2011.- A Real e Ilustre Cofradía da Dorna estreou no día de hoxe nova sede: trátase do local situado baixo o Palco de Pedra do Paseo do Malecón, que tradicionalmente viña realizando a función de camerino para os artistas que actuaban alí.

Antes de pasar a uso da Cofradía, o baixo foi obxecto dunha profunda rehabilitación a cargo do Concello. A actuación consistiu na substitución de portas e ventás, repicado de teitos e paredes, limpeza do local e construción dun novo sanitario a maiores do que xa había. O orzamento global do arranxo ascendeu a 16.000 euros.

Ata o acto de inauguración do novo local achegáronse numerosas persoas que quixeron festexar a ocasión. Entre eles, os tenentes de alcalde de Ribeira Dolores Elorduy e Vicente García; o concelleiro de Cultura, Luciano Fernández; e a edila de Educación, Juana Ermitas Crugeiras.

O presidente da Dorna, Arturo González, agradeceu no nome da entidade a presenza dos asistentes e a axuda do Concello, e desexou unha longa estadía da Cofradía na nova sede.

See the full gallery on Posterous

Posted via email from Certo.gl, o xornal dixital de Barbanza e Noia

Boiro: a Xunta aproba o plan especial de infraestruturas e dotacións no monte de Comoxo

Unha das razóns que fundamentan a ubicación dun centro residencial de atención a persoas con discapacidade neste núcleo de Boiro é a situación do concello, en termos de accesibilidade e de boa comunicación cos centros hospitalarios de Ribeira e Santiago

Vista xeral de Comoxo

Boiro, 19 de marzo de 2011.- A Consellería de Medio Ambiente, Territorio e Infraestruturas notificou ao Concello de Boiro a aprobación definitiva do Plan especial de infraestruturas e dotacións no monte de Comoxo. Con este informe a entidade municipal ten a aprobación para a construción neste núcleo dun centro residencial de atención a persoas con discapacidade psíquica da península do Barbanza, que rexentará Amicos.

Unha das razóns que xustifican a ubicación desta infraestrutura neste punto do concello coruñés é súa situación en termos de accesibilidade desde diversos puntos e a de boa comunicación cos centros hospitalarios de Ribeira e Santiago.

Ademais, o plan fundamenta o emprazamento desta dotación en solo rústico na inexistencia de terreos dispoñibles para este uso nos solos urbanos nos concellos de Boiro, Ribeira, Pobra do Caramiñal, Porto do Son, Lousame, Rianxo e Noia; nin solos urbanizables de Boiro que contan con plan parcial aprobado. O plan especial foi aprobado provisionalmente polo Concello en pleno na sesión do 25 de xaneiro de 2011.

Relacionada:

Amicos: presentou o seu proxecto residencial en Comoxo

Posted via email from Certo.gl, o xornal dixital de Barbanza e Noia

Mar: preto dun milleiro de persoas manifestáronse en San Caetano contra as gaiolas de salmón. A conselleira Quintana reuniuse cos patróns das confrarías

Noia, 18 de marzo de 2011. Entre 700 e un milleiro de persoas manifestáronse esta mañá fronte as dependencias en San Caetano, Santiago, da Xunta de Galicia para protestar pola instalación de dúas áreas experimentais con gaiolas para criar salmón no polígono bateeiro Muros C.

De Noia partiron moitos coches particulares e seis autobuses completos, mentres que doutras zonas da Ría de Muros-Noia se sumaron numerosos autocares e tamén máis turismos con mariñeiros, mariscadoras e xente relacionada co mar para apoiar a protesta. Había representantes de todos os partidos políticos de Noia, excepto do PP, aínda que na manifestación ningún deles ostentou as súas cores. Como se puido ler nas redes sociais "por unha vez os políticos de Noia xúntanse por algo, aínda que agora na precampaña xa estean a darse puñaladas como de cote". Botouse en falta representantes do PP de case todos os concellos da bisbarra, aínda que si apareceron os de Outes, como se criar salmón en gaiolas fora algo ideolóxico. Tamén se botaron en falta políticos de Porto do Son e semella que en Muros o asunto só lle importa aos do Bng.

 A manifestación transcorreu sen incidentes, como calquera acto deste tipo, cos seus berros pertinentes, ata que apareceu Rosa Quintana, momento no cal os berros colleron aínda máis volume. A conselleira de Mar non se arredou e pediu falar cos representantes das confrarías, e subiron con ela ao seu despacho os patróns maiores. Os medios tradicionais fartáronse de louvar esta actitude, cando debería ser normal que un representante dos cidadáns se apreste a falar cos representados e negocie directamente con eles se a situación o require.

En que quedou todo?

Van estudar as instalacións de gaiolas de salmón e todo o que iso conleva a fondo durante unha semana. As confrarías presentarán contrainformes aos que ofrece a Xunta. Segundo o sentir de moitos dos manifestantes, o que pretende a Xunta é gañar tempo. Outros tamén se pronunciaron no sentido de que queren facer parva á xente, pois a ninguén se lle ocorre comparar as augas das nosas rías con Escocia ou Noruega, pois o mellor mexillón do mundo, sen antibióticos nin piensos nin cobre ou dispensadores de osíxeno, como levan as gaiolas de salmón, danse en Galicia e en ningún outro lugar do mundo.

Que di oficialmente a conselleira de Mar?

Mantense nas súas trece, defendendo o que din as empresas instaladoras. A nota oficial:

Rosa Quintana: “a responsabilidade que teño neste Goberno é defender o mundo o mar de Galicia e que non perdamos as nosas potencialidades”

Santiago, 18 de marzo de 2011.- A conselleira do Mar, Rosa Quintana, mantivo esta mañá un encontro con representantes do sector da zona de Muros-Noia tras convidalos a que coñeceran toda a información da que dispón o Goberno de Galicia en relación co traslado de dúas xaulas de salmón a esa Ría. Fíxoo tras baixar a atoparse con eles na concentración que esta mañá parte do sector realizou ante o edificio da Xunta en San Caetano.

A máxima responsable en materia pesqueira en Galicia, insistiu unha vez máis en que o traslado do proxecto experimental das gaiolas de salmón da ría de Arousa á ría de Muros-Noia está avalado por informes técnicos do Clúster de Acuicultura e da Universidade de Vigo. Nun exercicio de transparencia de cara ao sector insistiulles en que “a única que non está escondendo nada debaixo da mesa son eu” e incidiu en que “a responsabilidade que teño neste Goberno é defender o mundo do Mar de Galicia e non permitir que perdamos as nosas potencialidades”.

A conselleira fixo fincapé en que estes informes de organismos independentes foron realizados en base á documentación que cedeu o sector da zona á Consellería e requeriulle que “se teñen máis información que a aporten”, tal e como fixo a Consellería con transparencia absoluta, xa que “non temos nada que ocultar”, engadiu.

“Esta foi unha autorización que se realizou no ano 2008, naquel momento fixéronse as primeiras experiencias na Ría de Arousa e non houbo ningún problema naquel momento”, insistiu. A titular de Mar solicitou ao sector argumentos científicos que avalen as teorías que expoñen e laiouse de ter escoitado argumentos sen fundamento coma o da bióloga dunha confraría da zona que sostiña que os bancos marisqueiros poderían mudar a zonas C se as xaulas se instalaban alí. A Conselleira tildou esta afirmación de “auténtica aberración” xa que esta clasificación microbiolóxica se fai exclusivamente en base á presenza de coliformes fecais que se atopan como consecuencia exclusiva das augas residuais urbanas”. En todo caso, insistiu en que “a pesar de ser doutora en Bioloxía non vou discutir máis cuestións técnicas” e en que o que pretende é que entendan os informes de organismos independentes que realizaron informes científicos “e non os buscaron en Internet”, tal e como se está a basar parte do sector en varias das súas manifestacións.

Rosa Quintana argumentou que a Xunta non pode “deixar de desenvolver Galicia nin perder oportunidades coma esta” que, se sae adiante, permitirá crear máis de 300 postos de traballo na comarca. Neste sentido engadiu que “Galicia ten que usar as súas potencialidades da mellor maneira posible” e lembrou que haberá unha comisión de seguimento bimensual da que participará o sector, para analizar o impacto deste proxecto, “polo que non teñen por que ter ningún tipo de medo”.

O asunto non acaba máis que comezar. E nestes tempos de precampaña e campaña electoral, todos os ventos son contrarios para a conselleira, por máis que os seus compañeiros de partido nos municipios afectados (PP), excepto os de Outes, procuren non incomodala.

See the full gallery on Posterous

Posted via email from Certo.gl, o xornal dixital de Barbanza e Noia

Política: Psoe e Xunta enfróntanse polo emprego de vehículos oficiais. Do aforro ao despilfarro

Mentres que a Xunta di que aforrou máis de 1,3 millóns de euros nos gastos do parque móbil desde que puxo en marcha o seu plan de restruturación, o Psoe asegura que Feijóo leva mercado "máis de 600 vehículos para a Xunta en menos de dous anos, cun coste preto de 10 millóns de euros. Esta é a dobre moral do PP, aí se ve a suposta austeridade"

A Xunta asegura que "excepto os vehículos adicados a altos cargos, o resto destínase diariamente a labores como inspeccións, extinción de incendios ou repartos; en ningún caso se utilizan para fins particulares", mentres que o Psoe denuncia que cargos directivos do goberno "están usando para desprazamentos privados vehículos propiedade da Xunta de Galicia". 

Santiago, 18 de marzo de 2011.- A Xunta de Galicia quere lembrar que na actualidade hai 59 vehículos para altos cargos menos que na lexislatura pasada, o que significa unha redución de máis do 40 por cento. O Goberno de Alberto Núñez Feijóo ten reducido o número de vehículos do parque móbil destinados ao transporte de altos cargos da Xunta de 143 a 84 unidades, os chamados coches oficiais. Os restantes vehículos chamados de servizo, un total de 279, adicanse ao persoal dependente da Xunta para a realización das tarefas que teñen encomendadas, non levan condutor e en ningún caso se usan para fins particulares. Todos eles seguen ademais un estrito control, con partes de saídas diarios, quilometraxe e gastos.

Hai que salientar que foi este Goberno, ao pouco de chegar, o que puxo en marcha o Plan de Reestruturación do Parque Móbil da Xunta, que ten permitido xa un aforro de máis de 1,3 millóns de euros en gastos correntes de funcionamento desde que se puxo en marcha.

O Plan foi aprobado polo Consello da Xunta en outubro de 2009 cos obxectivos cos obxectivos de racionalizar e optimizar os recursos, mellorar o servizo e as condicións de traballo do colectivo de condutores, e acadar un aforro de 1,5 millóns na lexislatura. O último balance do seu cumprimento, presentado en xaneiro deste ano, rebelaba xa que non só se está a cumprir, senón que incluso supera os obxectivos marcados, producindo unha redución nos gastos de 1,3 millóns de euros, englobando aforros en peaxes, combustible, pneumáticos e reparacións, seguros, vestiario de condutores e taxis.

O aforro derivado do plan produciuse en base ás medidas concretas adoptadas no funcionamento do parque móbil, así como polos cambios producidos na estrutura da Xunta de Galicia, principalmente pola redución do número de altos cargos, entre os que destacan as delegacións territoriais, que como xa é sabido pasaron de ter 52 delegados provinciais a 5 territoriais.

Doutra banda, no relativo á adquisición de vehículos nesta lexislatura, o que se fixo foi renovar alugueiros de coches que viñan de atrás e que remataron a súa vixencia. Estes vehículos son os destinados a servizos das distintas consellerías, e son utilizados diariamente para labores como inspeccións, extinción de incendios, vixilancias ou reparto de correspondencia, entre outras; sen que en ningún caso se permita a súa utilización para fins particulares.

Por último, e sen prexuízo do anteriormente exposto, o conselleiro de Presidencia Administracións Públicas e Xustiza, Alfonso Rueda, mostra a súa disposición a comparecer no Parlamento galego e ofrecer as explicacións pertinentes, como noutras ocasións. Así mesmo, espera que o grupo parlamentario que solicitou a súa comparecencia a formalice e non faga como outras veces nas que anunciou comparecencias, preguntas ou peticións de comisións de investigación en actos de prensa e finalmente botouse atrás.

Namentres, na nota e imaxes do Psoe:

O portavoz da área institucional do Grupo Socialista José Manuel Lage, acusou hoxe ao goberno galego permitir o usor fraudulento de recursos públicos por parte de cargos de libre designación do Goberno que preside Alberto Núñez Feijóo, xa que asegurou que fan uso de vehículos do parque móbil da Xunta para fins privados e uso persoal.

Por iso anunciou que rexistrou unha iniciativa na Cámara Autonómica na que reclama a comparecencia urxente do Conselleiro da Presidencia para explicar esta situación.

O parlamentario socialista remarcou que “o 99% dos empregados públicos son exemplares e asisten ao seu traballo facendo uso do seu vehículo particular ou utilizando o transporte público”, pero denuncia que “hai unha grupo de privilexiados que dispoñen de vehículos do parque móbil da Xunta para desprazarse aos seus domicilios particulares, algúns incluso vivindo a 600 metros do seu posto de traballo”, subliñou.

En rolda de prensa e amosando as fotos nas que se constata esta anómala situación dixo que “mentres Feijóo presume de austeridade, hai cargos de libre designación do seu goberno que utilizan vehículos da Xunta para fins particulares”.

Cargos de libre designación en 5 consellerías

O parlamentario socialista dixo que segundo os datos dos que dispón nestes momentos o Grupo Parlamentario Socialista podemos dicirlles que está situación fraudulenta afecta alomenos a cinco consellerías do Goberno Galego, e pode estar supoñendo un coste superior aos 132.000 euros anuais. É dicir “podemos estar falando de máis de 40 cargos de libre designación que fan uso de vehículos para servicio persoal, en cinco consellerías diferentes”.

Lage Tuñas dixo que “Rueda terá que vir a explicar ao parlamento como se está xestionando os o parque móbil da Xunta de Galicia e terá que amosar quen autorizou as prácticas fraudulentas e a utilización privada de vehículos públicos”.

José Manuel Lage afirma que estes vehículos son utilizados por cargos de libre designación elixidos polo Goberno Galego e que ocupan subdirección xerais, vicesecretarías xerais ou xefaturas de servizo.

Feijóo mercou máis de 600 coches en menos de dous anos

Lembrou que Núñez Feijóo “chegou á Xunta a lomos dun Audi”, pero advertiu que neste dous años de lexislatura a Xunta mercou máis de 600 vehículos, o que supón un custe de perto 10 millóns de euros.

“Feijóo mercou en menos de dous anos máis de 600 vehículos para o parque móbil da Xunta, unha media de un coche por día. Unha realidade que constrata cos máis de 90 vehículos dos que prescindiu o goberno de Feijóo a pesares de ter menos de 100.000 km. É a dobre moral do Partido Popular e do seu presidente”, afirmou Lage Tuñas.

Derroche maiúsculo

Acusou a Feijoo de presumir de austeridade “cando vemos que teñen unha dobre moral evidente; estamos diante dun derroche maiúsculo”. Di que tódolos días circulan vehículos propiedade da Xunta con dirección a Lugo, Coruña, Pontevedra e incluso se utilizan para desprazarse en Santiago.

Ademais lembrou que só teñen dereito a facer uso dun vehículo oficial segundo a normativa vixente, os directores xerais, secretarios xerais ou os conselleiros. Ademais para facer uso do mesmo hai que ter unha orde de saída por parte do organismo competente.

Lage Tuñas desmontou en rolda de prensa a suposta austeridade do presidente da Xunta e do seu goberno ao asegurar que “por unha banda envíanlle circulares aos funcionarios para que fotocopien a dobre cara e traballen casi en penumbra, pero polo outro lado autorizan o uso particular de vehículos públicos para un grupiño selecto de cargos de libre designación”.

Asevera que “o Conselleiro da Presidencia Alfonso Rueda é o responsable do parque móbil da xunta de Galicia”, e di que por iso “terá que dar explicacións en sede parlamentaria porque estamos diante dun escándalo maiúsculo”.

Na súa intervención Lage Tuñas aludiu a utilización vehículos da Consellería de Sanidade por parte da Subdirectora xeral de réxime administrativo, da Subdirectora xeral de Saúde Pública, do Subdirector Xeral de Programas de Fomento de Estilos de Vida Saudables e do Vice-secretario Xeral de Sanidade. Dixo que tamén están afectadas as consellerías de Sanidade, Medio Rural, Medio Ambiente, Presidencia (EGAP) e a Consellería do Mar (Portos de Galicia).

Louvou aos funcionarios de San Caetano

Tamén louvou aos funcionarios da Xunta, e explicou que os traballadores do edificio administrativo de San Caetano pagan o seu autobús ou o tren e se algún ten que quedar pola tarde por algún motivo, non colle un coche da Xunta e marcha con él para a súa casa.

Debe ser cortada de raíz

Lage Tuñas considera que “primeiro queremos saber quen é o responsable político deste uso indebido dos fondos públicos de tódolos galegos e galegas e ao renglón seguido corresponde poñerlle coto a este derroche”.

Por ultimo emprazou ao Goberno de Feijoo a erradicar esta situación de inmediato. E resumiu “esta práctica debe ser cortada de raíz xa que aí si se está facendo uso indebido de fondos públicos, favorecendo a uns poucos privilexiados”, concluíu.

O Bng tamén fai unha denuncia similar:

Piden investigar o uso do vehículo oficial da Consellería do Mar en Ribeira

See the full gallery on Posterous

62414-CPP-Urxencia-Utilización vehículos parque móbil Xunta Galicia.pdf Download this file

Posted via email from Certo.gl, o xornal dixital de Barbanza e Noia

Noia: presentado o IV Certame de Pintura ao aire libre "Juan José Fernández Leiceaga (Sesé)

O gañador do ano pasado, o catalán Josep Morales, asinando a súa obra

Noia, 18 de marzo de 2011. Esta mañá tivo lugar a presentación do certame de pintura ao aire libre máis emblemático da bisbarra, e un dos poucos que se organizan en Galicia, o "Juan José Fernández Leiceaga", que acada xa a súa cuarta edición. Como é habitual en Certo, adxuntamos as bases íntegras, para que todos aqueles que queiran participar poidan facelo este ano, que cae no Día do Libro, o sábado 23 de abril, no medio das festas tradicionais noiesas do San Marcos.

BASES

O Concello de Noia (A Coruña) convoca o IV Concurso de pintura ao aire libre “Juan José Fernández Leiceaga” (Sesé) con motivo da celebración da Feira de San Marcos 2011  


BASES: 


1.- Poderán participar todas aquelas persoas que o desexen. 


2.- Dito certame terá lugar na Vila de Noia o sábado 23 de abril de 2010. 


3.- O tema obrigado do concurso será o casco urbano e arredores da Vila de Noia. 


4.- As obras poderanse realizar en calquera técnica: óleo, acrílico, acuarela, etc. 


5.- O tamaño das obras será de 50 cm. Como mínimo e un máximo de 120 cm. en calquera dos seus    lados. A organización non aporta materiais nin soportes 


6.-INSCRICIÓN e SELADO DAS OBRAS :  o día 23 de abril  na casa consistorial do Concello de Noia de 8:30 h. a 12:30 h. terá lugar a inscrición e selado das telas ou do soporte elixido  polo artista.  


7.- RECEPCIÓN DAS OBRAS: poderase facer en dúas quendas, de 10:00 a 14:30 e de 15:30 ata as 17:00 h., hora na que se dá por rematado o tempo de realización e presentación das obras no Concello de Noia.

 Os traballos realizados quedarán expostos ata as 21:00 h.. 


8.- PREMIOS:

                        1º Premio…………………………………..2.000 €

                        2º Premio…………………………………..1.500 €

                        3º Premio…………………………………..1000 €

                        Accésit     ………………………………..     250 €

                        Accésit     ………………………………..     250 €

                        Accésit     …………………………………    250 €

Haberá tres recoñecementos para rapaces menores de  11 anos con tres trofeos.

 
Está ademais pendente o coñecer se haberá algún premio económico máis polas aportacións da antiga Obra Social de  Caixa Galicia e a Fundación Otilia Millares e Noia.

Os premios estarán suxeitos á lexislación fiscal aplicable, realizándose o seu pago mediante transferencia bancaria. Porén os gañadores deberán presentar no Concello de Noia certificación da conta bancaria na que desexen recibir o premio. O pago realizarase nos cinco días hábiles seguintes á presentación da devandita certificación. 


9.- O XURADO estará composto polas seguintes persoas: 


    Presidente: Alfonso Costa Beiro

Secretario/a: Traballador/a do Concello de Noia

Vocais: O concelleiro delegado de cultura, festexos e mocidade e catro persoas de recoñecido prestixio dentro do mundo da arte.

A súa decisión será inapelable e basearase na análise de calidade e do valor artístico das obras presentadas a concurso, así como que as obras se adapten ao tema obrigado do concurso; o casco urbano e os arredores da Vila de Noia. 


10.- FALLO DO CONCURSO: os membros do xurado emitirán o fallo do concurso  ás  18:00 horas no Salón de Plenos  e a continuación realizarase a entrega dos premios. 


11.- As obras galardoadas co primeiro, segundo , terceiro premio quedarán en propiedade do Concello de Noia, así como, todos os dereitos de reprodución.

As obras premiadas deberán ser asinadas polos artistas.

As obras gañadoras dos tres accésits serán devoltas aos seus autores. 


12.- EXPOSICIÓN de 18:00 a 21:00 h. no 1º andar da Casa do Concello permanecerán expostas  todas as obras que participaron no concurso, incluídas as premiadas. As obras non premiadas e os accésits  permanecerán expostas  para a súa posible venda.  


MERCADO da ARTE:

Como actividade complementaria a este concurso organízase un mercado da arte no que se mostrarán e venderán, unicamente, obras dos artistas que participan nesta terceira edición do concurso. O artista poderá deixar a súas obras no momento de facer a inscrición. As obras non necesitan estar enmarcadas.

O Mercado da arte abrirase ao público en horario de 12:00 a 15:00 e de 17.00 a 21:00 h. na planta baixa do claustro da Casa do Concello.

A organización velará polo coidado das obras, aínda que non se responsabiliza dos danos que puideran sufrir durante a exposición. 


13.- Os autores poderán  retirar as súas obras, tanto as presentadas no concurso como as expostas no Mercado de Arte, a partir das 21:00 horas do mesmo día 23. No caso de non  retirar as obras en prazo, estas  pasarán a ser propiedade do Concello. 


14.- A participación neste certame implica a total aceptación destas bases.  


Noia,  18 de marzo de 2011 


José Manuel González Canabal

Concelleiro de Cultura, festexos e mocidade

IMPORTANTE: A organización entregará, aos participantes no Concurso,  un bocadillo e refresco  a partir das 12:00h na Casa do Concello.

Os interesados en participar no Mercado da Arte terán que confirmar a súa participación no  correo: sesecertamen@gmail.com

Posted via email from Certo.gl, o xornal dixital de Barbanza e Noia

A Pobra: inaugurado o novo local de ensaio, que conta con dúas salas independentes e unha para gravación de maquetas

Este proxecto forma parte do programa da Xunta “xuventudémúsica” para o fomento da creatividade musical entre a mocidade, que vén substituír ao que comezou o anterior goberno da Xunta, a Rede Nsaio

En Boiro contan cun local similar dende hai varios anos

A Pobra do Caramiñal, 18 de marzo de 2011.- O director xeral de Xuventude e Voluntariado, Ovidio Rodeiro, inaugurou hoxe o local de ensaio de A Pobra do Caramiñal, no que a Consellería de Traballo e Benestar leva investido máis de 140.000 euros desde 2009.

Esta instalación foi posta en marcha grazas ao convenio de colaboración asinado entra o departamento autonómico e o concello da Pobra. O local de ensaio levouse a cabo nun inmoble municipal, situado no Camiño Ancho, no lugar de A Figueira, que foi ampliado, reformado e acondicionado.

O novo local conta con dúas salas independentes para ensaio, un local de gravación dixital de maquetas, un vestíbulo, un despacho auxiliar e un aseo. Ademais da obra civil, o proxecto tamén contemplou a insonorización das salas, o equipamento musical e o sistema de gravación.

Este ano 2011 será o ano onde máis locais de ensaio se abrirán para os grupos de música xove. Onte foi aberto un local de Curtis, situado no Espazo Xove desta localidade, e nos vindeiros meses poranse en funcionamento 7 salas no complexo de Vigo, 1 local en Verín e outro en Valga.

Todas estas actuacións inscríbense no programa da dirección xeral de Xuventude denominado “xuventudémúsica”, dirixido a fomentar a creatividade musical entre a mocidade, que tamén inclúe certames, accións formativas, edicións de CDs e concertos.

Posted via email from Certo.gl, o xornal dixital de Barbanza e Noia