6.6.08

Faga windsurf en Portosín

Condicións idóneas, paisaxe espectacular, bo trato, que máis quere?

Horóscopo da Barbanza

Cousas que nunca publicaremos en Certo, pero que poden empregar se o desexan. Cada mes, barallen. E se acertan algo e se animan a contárnolo, marabilloso!!! Este texto foi escrito hai un ano. E serve o mesmo que entón, non porque sexa un clásico da literatura de videntes, senón porque é igual de científico. Non apto para espíritos sensibles. Non o deixe ao alcance de nenos: son especialmente crentes.

Aries: (21 de marzo ao 20 de abril). Como bo signo de lume, ollo cos mistos. Xa cho dixemos: quen xoga con lume acaba queimándose. Aprende a ter paciencia e coñécete a ti mesmo. Amor: as de Rianxo andan por ti, ben o sabes, e os de Lousame farán que te sintas unha princesiña. Saúde: usa un protector solar alto. O do melanoma non é broma. Fortuna: deixa de fumar se queres ver medrar o teu peto. Amaña xa eses papeles, mira que eres lento.

Tauro: (21 de abril a 20 de maio). O de ir aos San Fermíns era unha boa idea. Pero ás veces non hai tempo para todo. Outra vez será. Amor: Non farás máis que recibir bicos e agarimos. Pero antes terás que telos repartido a eito. Ollo cos de Noia. E coas de Muros, atención. Saúde: a operación menos kilos non sae con esas cervexiñas, ti, machiño, nin con esas olivas antes de comer, ti, mulleriña. Fortuna: a paga extra non dura nada. Xa avisamos, pero nunca sabe un cando parar, non é?

Géminis: (21 de maio ao 21 de xuño). Eres do máis interesante, cando calas. Non te metas en camisas de once varas, nin varees pexegueiros alleos. Logo di que non sabías nada. Amor: no verán tes tendencia natural a cambiar de parella. Non perdas a calma, este ano case non hai verán. E tanto as de Boiro como os da Pobra teñen praia, xa me entendes. Saúde: non collas tanto o elevador, que sigues vivindo en planta baixa. Deberías mover o esquelete. Incluso na cama, en compañía ou non. Fortuna: os orzamentos son os que son, como diría un bo político. O teu é menos do que é, así que apreta o cinto.

Cáncer: (22 de xuño ao 22 de xullo). Semella que tes o desasosego. Non paras, e iso pasarache factura cedo ou tarde. Amor: non mistures negocios e pracer. A mesa do despacho non é lugar. En Riveira andan á que salta e as de Porto do Son, non vexas. Saúde: pensas que esto é o Caribe e non, pon esa rebequiña, como che dicían na infancia. Fortuna: non che sobra, pero tampouco che falta. Cantos desexarían iso!

Leo: (do 24 de xullo ao 23 de agosto). Tes chispa, pero cando bebes poste pesado ou moi falangueira. Modérate. Se non bebes, ao mellor deberías mirar por qué. Eso si, tes que aprender a ser humilde para poder valorar ós que te queren. Amor: o teu non é atractivo, o teu é un auténtico imán para os do sexo oposto, e incluso para os/as do teu. Usa protección, sempre. Saúde: tes tendencia a ter os pés mollados. E as doenzas non se paran en barras. Sécate, oh. Fortuna: se segues a xogar tanto á lotería, vas ter premio, pero negativo. Contrólate, ou caerás na ludopatía. Non sempre toca en Rianxo.

Virgo: (do 24 de agosto ao 23 de setembro). Que tes tendencia ás manías, sabíamolo, pero tanto, tanto… Non te aceleres. Amor: espabila un pouco, ou verás pasar o sol pola porta. E a lúa está en Boiro, o sol, en Portosín. Saúde: os nervos afloran, deberías pensar que é o que che causa tanto estrés. E mandalo alí mesmo, alí. Fortuna: xa está ben de que che paguen as invitacións. Estírate algo.

Libra: (do 24 de setembro ao 23 de outubro). Adoitas pasar de rondón por todos lados, pero agora non che queda máis que ser protagonista. Aproveita. Amor: nótase que estás enamorado/a desde a Curota. Todo sairá ben, se ti queres. Saúde: o teu sempre foron as vías respiratorias, que necesitarían un desdobre como a vía rápida. A modiño. Fortuna: tes unha amizade que só che procura mimos. Compénsaa. Se é de Dodro, máis.

Escorpio: (do 24 de outubro ao 22 de novembro). Costou, pero esta a chegar a madurez á túa vida. Non foi sen tempo. Amor: eles arrasan en vilas de alcurnia como Noia ou Pobra, pero elas fan maghas en Rianxo e Boiro. Saúde: eses kiliños aínda se notan, pero tampouco te poñas como sílfide. Non fai falta. Fortuna: non por madrugar amence máis cedo. Ollo cos sablazos da familia, sobre todo da política. Os de Lousame apretan.

Sagitario: (do 23 de novembro ao 21 de decembro). Sempre estás soñando, co sol en inverno e coas néboa no verán. Céntrate. Amor: as de Vilagarcía cruzan a ría e os de Muros suben en moto. Saúde: os excesos coa comida e a bebida nunca lle fixeron ben a ninguén, de ningún signo. Fortuna: tes cambios á vista. Pero ao mellor non estás mirando.

Capricornio (do 22 de decembro ao 20 de xaneiro). Turras e turras. E volves a turrar. Como sigas así, non chegas ao turrón. Amor: as de Riveira son un pouco absorbentes e os de Noia están lanzados. Saúde: a cabeza tráeche de ídem. Máis que aspirinas, repouso. Fortuna: tes tantos frentes abertos que non sabes por onde se che van os cartos. Non es racional por tomar tanta ración en Padrón.

Acuario: (do 21 de xaneiro ao 19 de febreiro). O peor xa pasou. Colle aire e métete a todas esas oportunidades: están agardando. Amor: as de Outes lévanse o gato á auga e os de Padrón, uns ligan e outros non. Saúde: a ansiedade estaba a matarte. Sobre todo cando colles a estrada vella de Ribeira a Padrón. Así está ben: relax, que son dous días os que estamos aquí. Fortuna: non te deixes enganar, por comprar máis nas rebaixas non aforras máis, gastas máis e pensas menos.

Piscis: (do 20 de febreiro ao 20 de marzo). O dos paxariños preñados é o teu. Pero és feliz, que máis queres? Amor: as de Riveira están moi sensibles e os de Boiro xa se fan empalagosos. Saúde: o deporte nunca che tirou. Non comeces agora, poderías lesionarte. Fortuna: as mercas compulsivas non son o mellor remedio para o teu escaso orzamento. Déixate de tanto mercadiño, que se os martes en Boiro, os mércores en Pobra, os sábados en Ribeira e os domingos en Noia: non tes paranza!

Barrañentos xogando

Tirado de Club Voleibol Ribeira
Blogged with the Flock Browser

Twitter

Related Posts with Thumbnails Banner: Regale selva tropical