31.12.12

Noia: o actor Ricardo de Barreiro colga dende o venres 4 de xaneiro os seus debuxos no Liceo

Noia_ricardo_de_barreiro

Noia, 31 de decembro de 2012. A Sociedade Liceo de Noia organiza a unha nova mostra de arte que será inaugurada este vindeiro venres 4 de xaneiro ás 20:30 horas. Desta volta, o artista invitado é o actor natural de Lousame Ricardo de Barreiro, que tamén é pintor e debuxante.

De Barreiro espuxo os seus traballos en varias salas de Galicia, con títulos como  "Dende o modernismo ata o cubismo irónico", "A tinta da vida" ou "O baile dos recordos"

Tamén colabora en diversas revistas culturais como "A Caramuxa", "Leña verde" e a do IES "Virxe do Mar" de Noia ("Casa da Gramática"), tanto escribindo como debuxando. Entre as súas creacións está "Colección Acibeche" (literatura, pintura e interpretación).

Posted via email from Certo.gl, o xornal dixital de Barbanza e Noia

Ribeira: este xoves, 3 de xaneiro, "El fraude democrático en España"

La_foto

Ribeira, 31 de decembro de 2012. Prosegue a presentación de libros de "indignados" neste país. Agora chega ao Ateneo Valle Inclán "El fraude democrático en España", do profesor da Universidade de Santiago de Compostela Juan Rico Lenza. Nel analízase o que moitos consideran, como é o seu caso, a fraude que supón o sistema instalado no noso país, onde os políticos fan lobby para presentarse a unhas eleccións e logo gobernan só para as elites ou directamente para os seus. E cando sacan maiorías absolutas, como é o caso actual, gobernan facendo xusto o contrario do que prometeran, coa conseguinte fraude -sinónimo de estafa- que isto supón e a evidente deslexitimación da política e da democracia.

Rico Lenza fala no seu libro de cleptocracia e partitocracia, dous termos que baleiran de contido unha democracia propiamente dita. Teñen toda a información sobre o libro na web do autor, aquí

Posted via email from Certo.gl, o xornal dixital de Barbanza e Noia

Rianxo: propostas lúdico-culturais ata a Cabalgata de Reis

  • EXPOSICIÓN DE PINTURA E ESCULTURA do artísta rianxeiro LUÍS NOYA
  • DATA: do 21 de decembro ao 19 de xaneiro
  • LUGAR: Centro Sociocultural-Auditorio de Rianxo
Máis información

  • Luns 31 de decembro - Fin de Ano

GRAN BAILE DE FIN DE ANO

A partir das 18.00 h – Praza Castelao

Organiza: Asociación de Hosteleir@s de Rianxo

 

FESTA ANINOVO

A partir das 01.00 horas – Centro Cultural de Taragoña

Organiza: Asociación Festival Antrospinos


Máis información
CABALGATA DE REIS: SÁBADO 5 DE XANEIRO

Dende as 17.30 horas na Praza de Castelao estará instalado un Belén Vivinte, onde pastores e pastoras acompañarán con panxoliñas e bailes ao neno Xesús, a Virxe María e San Xosé.

Despois dun percorrido polo Paseo da Ribeira, Melchor, Gaspar e Baltasar achegaranse a realizar unha ofrenda no Belén Vivinte.  Posteriormente, ás 19.00 horas, serán recibidos polas autoridades na Casa do Concello onde se dirixirán aos nenos e nenas rianxeiros/as e para rematar repartirán caramelos.

A Cabalgata de Reis está organizada polo Concello de Rianxo en colaboración, entre outras, as seguintes entidades; Asociación Cabalar de Rianxo, Liceo Marítimo Rianxeiro, Asociación Sociocultural Fogo-Fatuo, Asociación Cultural Vai de Roda, Anpa Irmáns Insua do CRA e a Escola de Música de Rianxo.

BAILE DA NOITE DE REIS

O concello de Rianxo e a Asociación de Xubilados e Pensionistas de Rianxo organizan para o sábado, 5 de xaneiro de 2013, o Baile da Noite de Reis e que contará coa actuación de Silvia Ferré. Comeza ás 21:00 horas no Club de Xubilados de Rianxo (Confraría de pescadores Virxe do Carme, baixo)

Posted via email from Certo.gl, o xornal dixital de Barbanza e Noia

28.12.12

Ribeira: este sábado 29, gala da Federación Galega de Atletismo

  • Segundo o Concello, haberá máis de 200 asistentes
Media_httpfarm5static_ldgvt

En Ribeira tamén se fai unha gala do deporte cada ano


Ribeira, 28 de decembro de 2012.- Máis de 200 persoas –entre atletas, adestradores, xuíces e representantes de clubs- recalarán mañá na cidade de Ribeira para asistir á tradicional Gala da Federación Galega de Atletismo, que nesta ocasión terá lugar a partir das 20.30 horas na sede do Instituto Social da Mariña.

No transcurso do evento serán premiados máis de 70 atletas que destacaron polos seus méritos acadados. Entre estes, hai que destacar os correspondentes ao mellor atleta de Galicia do ano 2012, nas categorías sub 23, absoluta e veterana, todas elas nas modalidades masculina e feminina. O nome destes galardoados desvelarase durante o propio acto, despois de que tivese lugar un proceso de votación online para dirimir aos vencedores.

Entre as autoridades que está previsto estean presentes na cita de mañá figurarán, ademais do presidente da Federación (Isidoro Hornillos) e a maior parte da xunta directiva, o subdirector xeral de Deportes da Xunta, Carlos Gómez; o alcalde Manuel Ruiz; a vicepresidenta da Deputación da Coruña, Mariel Padín; a deputada da Diputación de Pontevedra Begoña Blas; ou os concelleiros de Deportes de A Coruña, A Pobra e Ribeira.


Posted via email from Certo.gl, o xornal dixital de Barbanza e Noia

Muros: charla e debate sobre o timo das preferentes e subordinadas ás 20:30 horas deste sábado 29

Charla_preferentes

  • No restaurante O Castelo, organizada por integrantes de Compromiso por Galicia

Muros, 28 de decembro de 2012. Mañá, sábado 29 de decembro, vai ter lugar ás 20:30 h. no restaurante O Castelo de Muros unha charla-debate sobre as consecuencias que están tendo e poden ter para os usuarios ou posibles usuarios de Novagalicia Banco todo o que está acontecendo con esta entidade. Falarase de preferentes e subordinadas, da supresión de oficinas e de postos de traballo, da desaparición da obra social e toda esta desfeita.

Contarase coa presenza de Manuel Pérez Arias e Xoán Antón Pérez Lema, presidente e secretario respectivamente de Agaprofi (Asociación galega de afectados por produtos financieiros). É un acto aberto a toda a cidadanía no que posteriormente se poderá debater libremente cos concelleiros María Xosé Alfonso Torres, de CxG; José Manuel Quintela Fernández e María Sambade Lloréns (CxG).


Posted via email from Certo.gl, o xornal dixital de Barbanza e Noia

27.12.12

A Pobra do Caramiñal: Ámbar marca o seu 30 aniversario cun monolito na rúa Castelao

  • A delegada territorial da Xunta na Coruña participou no acto de conmemoración e aproveitou para soltar un mitin sobre "o ben" que o está facendo o goberno de Núñez Feijóo no eido dos servizos sociais


A Pobra do Caramiñal, 27 de decembro de 2012.- A delegada territorial da Xunta na Coruña, Belén do Campo, participou hoxe na Pobra do Caramiñal na celebración do 30 aniversario da asociación Ambar, dedicada á atención das persoas con diversidade funcional. O acto consistiu na inauguración dun monolito na honra da entidade e dos seus colaboradores diante do centro sociocomunitario do municipio, na rúa Castelao.

Acompañada polo alcalde, Isaac Maceiras, e pola presidenta de Ámbar, Milagros Rey, Do Campo aproveitou para felicitar á asociación pola labor desempeñada ao longo destas tres décadas. “A comarca do Barbanza ten a gran sorte de contar cunha asociación destas características, que contribúe a crear unha sociedade máis igualitaria, máis inclusiva e máis integradora”, indicou.

A representante do Goberno galego na provincia subliñou a importancia de que as entidades sociais e as administracións vaian da man na prestación dos servizos. Así, destacou a posta en marcha por parte da Consellería de Traballo e Benestar do Plan de Acción Integral para as persoas con discapacidade. Trátase dun documento de consenso que establece unha estratexia transversal na que participan todos os departamentos da Xunta. Do Campo tamén recordou o compromiso expresado hai uns días polo presidente da Xunta, Alberto Núñez Feijóo, de blindar en 2013 os fondos destinados ao mantemento das entidades de discapacidade. Desta forma, a contía que recibirán o vindeiro ano será a mesma ca dos convenios da área social deste último exercicio, que acadou os tres millóns de euros.

“Nun momento de especial dificultade económica, a Xunta de Galicia amósase sensible cos colectivos que traballan a prol das persoas con discapacidade, pois entende que entidades como Ambar constitúen un piar básico para mellorar o seu benestar”, manifestou a delegada territorial.

Ámbar conta na actualidade cun grupo social de máis de 1.100 persoas. Desde a súa fundación en 1982, a entidade foi aumentando progresivamente a súa cobertura ás persoas con diversidade funcional e ás súas familias, ata estender os seus servizos aos concellos da Pobra, Ribeira, Rianxo, Boiro e Porto do Son. Ademais, está integrada nas asociacións do movemento asociativo de diversidade funcional de ámbito provincial e autonómico, formando parte da Federación Provincial da Coruña e da Confederación Galega (Cogami).

Como xa ven sendo habitual, os usuarios do centro ocupacional e de día da Asociación AMBAR celebrarán esta tarde na discoteca Tonos de Boiro a chegada de fin de ano.

FESTA DE FIN DE ANO ADIANTADA

Por outra banda, ÁMbar informou de que hoxe xoves 27, a partir das 17:00 da tarde e ata as 22:00 da noite, persoal e usuarios festexarán por todo o alto e ataviados coas súas mellores galas, a festa de fin de ano na discoteca Tonos de Boiro.  Na festa non faltarán música, sorpresas e ata as doce badaladas.

ÁMBAR agradece a colaboración do xerente da discoteca pola cesión de uso da mesma.




Posted via email from Certo.gl, o xornal dixital de Barbanza e Noia

Muros: sentenza en contra do Concello por botar fóra á concelleira María Xosé Alfonso Torres nun pleno

  • A alcaldesa socialista, Caridade González, inda non esgotou os recursos pero sairá dos petos dos veciños de Muros pagar as costas deste xuízo
  • O pleno da polémica foi no que se aprobaron as retribucións da alcaldesa, que deste xeito son declaradas ilegais, pois todo acordo tomado logo da expulsión da devandita concelleira é nulo. A Caridade González axudáralle a aprobar ese punto, curiosamente, o Partido Popular.
  • O avogado que representa ao Concello é tamén asesor xurídico da alcaldesa e cobra 2.000 euros/mes por dous días á semana que aparece pola casa consistorial, denuncia a concelleira María Xosé Alfonso

Muros, 27 de decembro de 2012. "Despois de inmnumerables recursos postos polo concello por fin hai sentenza, UNHA SENTENZA QUE ME DÁ A RAZÓN e declara nula a miña expulsión e os acordos posteriores, ademáis de pasarlle as costas do proceso ao concello pola temeridade e mala fe amosada", explica hoxe en nota de prensa a concelleira nacionalista María Xosé Alfonso Torres (na imaxe coa sentenza que condena ao Concello de Muros).

Xa hai convocado pleno extraordinario a causa desta sentenza

"A sentenza non é firme e seguramente a recurran, pero a PROBA EVIDENTE

DE QUE A ALCALDESA RECOÑECE QUE A EXPULSIÓN FOI ILEGAL E UN CLARO
ABUSO DE PODER PARA SACAR ADIANTE AS SÚAS RETRIBUCIÓNS E NON TEN
POSIBILIDADES DE GAÑAR UN RECURSO A ESTA SENTENZA  é que no mesmo día
que se coñece a sentenza convocou un pleno extraordinario e urxente para aprobar os acordos (retribucións) que anula o xuiz. ACORDO QUE SACOU ADIANTE COS VOTOS FAVORABLES DO PP NUN CAMBIO RADICAL", argumenta a edil citada.

"A alcaldesa non é impune e debe acatar as leis"

Segundo a concelleira, antes no Bng e agora en Compromiso por Galicia, "isto demostra que a alcaldesa non é impune e debe ser igual que todos nós, e acatar as leis. Vinme na obriga de acudir aos tribunais para defender os meus dereitos fundamentais e fareino sempre que se vulneren".

Un avogado do Concello cunha actitude reprochable, segundo o xuíz

Alfonso Torres salienta tamén a actitude do avogado representante do Concello, que tamén é o asesor xurídico que a alcaldesa ten contratado no Concello. Tal e como o xuíz expón no punto terceiro dos fundamentos de dereito (a sentenza pódena ler nesta información na súa totalidade) tivo que ser advertido polo xuíz en numerosas ocasións, actitude pola que
os veciños e veciñas de Muros terán que aboar as costas deste proceso. "Así que botando contas, ben caro nos sae aos muradáns e muradás este asesor, cobra máis de 2000 €/mes por acudir dous días á semana ao concello, e hai semanas que só vén un día, á parte cobra por representar ao concello en procesos como este do que falamos e por se isto fora pouco , pola súa actitude, o concello ten que aboar as costas de a saber cantos procesos xudiciais (porque aquí xa temos un)", remata María Xosé Alfonso Torres.


Foto_sentenza

SENTENZA DEREITOS FUNDAMENTAIS (MARÍA XOSÉ ALFONSO) (1).doc Download this file

Posted via email from Certo.gl, o xornal dixital de Barbanza e Noia

Deportes: Ribeira beca a dezaséis deportistas locais non profesionais

Ribeira, 27 de decembro de 2012. A Casa Consistorial de Ribeira foi escenario hoxe dun acto simbólico de entrega de becas a 16 deportistas non profesionais do municipio que acadaron os méritos necesarios para recibir esta achega do Concello. O alcalde Manuel Ruiz e o concelleiro de Deportes Juan Luis Martínez foron os encargados de dirixirse aos presentes e felicitalos pola excelente traxectoria deportiva que están a levar nas súas respectivas especialidades.

 

Nesta ocasión, segundo tivo oportunidade de explicar o edil Martínez Queiruga, a contía repartida entre todos estes deportistas ascendeu a 5.850 euros, distribuídos en base a unha serie de criterios que incluían o mellor resultado en campionatos oficiais rexionais, nacionais e internacionais, a categoría ou a continuidade na práctica deportiva. A beca mínima foi de 155,70 euros e a máxima de 467,11 euros.

 

Os deportistas becados foron Alejandro Vidal Álvarez, María Vilas Vidal, Ana Peleteiro Brión, Virginia Villar Soria, Manuel Ángel Parada Folgar, Francisco Javier Sieira Rodríguez, Lara Ouviña Martínez, Adriano Jiménez Dosantos, Ángel Parada Martínez, Miguel Martínez Murás, Ainara Brión Cameán, Manuel Davila Lustres, Miguel Cobas López, Laura Dosil Gago, Manuel Parada Martínez e Pablo Chouza Oujo.

 

Ruiz Rivas quixo transmitir a súa felicitación -tanto aos propios deportistas como aos seus clubs, técnicos e pais- polo excepcional traballo que están facendo e avanzou que dende o Concello se están a barallar distintas fórmulas poder incrementar o ano que vén tanto a contía das becas como o número de deportistas que podan beneficiarse delas.

De igual xeito, o rexedor local incidiu na importancia que ten a práctica do deporte para crecer como persoa e aludiu ao respaldo que teñen de parte do pobo de Ribeira. “Sentímonos orgullosos cada vez que vemos a un de vós en calquera lugar do mundo destacando”, afirmou.




 


Posted via email from Certo.gl, o xornal dixital de Barbanza e Noia

Ribeira: un Nadal cheo de actividades para grandes e cativ@s

  • Este serán, Nadal Pelegrín e Entremáns Danza

 

Ribeira, 27 de decembro de 2012.- As actividades organizadas dende a Corporación Local para este Nadal terán no día de hoxe dous notables acontecementos lúdicos.

Por unha parte, o Nadal Pelegrín: a proposta que o Concello ofrece para as parroquias deste municipio e que, tras un notable éxito de público na tarde pasada en Corrubedo, desembarca hoxe ás 17.30 horas na Casa do Mar de Palmeira para facer as delicias dos nenos e maiores que alí acudan, co show “Os Pallasos do Nadal”. De balde.

Doutra banda, o Auditorio Municipal dará  cabida ás 19 horas a unha función de Entremáns Danza, titulada “Amediometrados-Alehop”. Está pensada para nenos e nenas a partir dos sete anos e o acceso é gratuíto.

Concerto de Confraternidade

Cabe destacar outros eventos feitos en días pasados, como o caso do Concerto de Confraternidade celebrado o día de Nadal na Igrexa de Santa Uxía, que deu cabida á actuación da Coral Polifónica Municipal de Ribeira e da Coral Polifónica do Círculo Mercantil. Ao remate, o alcalde Manuel Ruiz entregoulles un agasallo conmemorativo e felicitou as festas a todos os presentes e ás corais.

Doutra banda, o pasado día 21 celebrouse o acto de clausura do Obradoiro de Cociña e Repostería de Nadal, coa presenza da concelleira de Cultura Elvira Pisos que entregou cadanseu diploma aos 25 alumnos participantes. A acción tivo lugar nas aulas formativas da rúa Cristóbal Colón.




Posted via email from Certo.gl, o xornal dixital de Barbanza e Noia

Ribeira: o Concello súmase á moda de apoiar o comercio local nestas datas

  • Un cento de bandeirolas pola cidade lémbranlle á veciñanza que sería bo e necesario que se mercase ao pé da casa

 

Ribeira, 27 de decembro de 2012.- Coa fin de estimular a actividade comercial en Ribeira durante a época de Nadal, o Concello vén de lanzar unha nova iniciativa promocional consistente na colocación pola cidade de banderolas dirixidas a lembrar á cidadanía a importancia de apoiar ao comercio de proximidade. A súa mensaxe, “mercando no teu concello fas un bo nadal“. Tod@s sabemos dos estragos que fai entre a poboación de cada concello de Barbanza e Noia a case imperiosa necesidade de ir aos grandes centros comerciais de Santiago, Coruña e mesmo Vigo ou norte de Portugal, non só polos prezos máis competitivos, senón pola diversidade de actividades de ocio que se atopan nas grandes cidades.

Para facer fronte a esta estampida de veciñ@s que se van ás grandes áreas urbanas, dende a tarde de onte estanse a instalar un cento destas banderolas ao longo das rúas e prazas do casco urbano, así como nos diferentes accesos á cidade (avenida da Coruña, avenida de Ferrol, estradas dende O Vilar e O Touro, etc...).

Deste xeito, dáse resposta a unha demanda planteada por algúns propietarios de pequenos e medianos negocios, que solicitaban máis promoción nestas datas tan importantes a fin de ver incrementadas unhas ventas que, ata o de agora, non están a acadar o nivel do Nadal pasado.

Outras iniciativas

Esta iniciativa vénse engadir a outras accións nas que participa o Concello co mesmo obxectivo. Dende a carpa promovida pola Federación de Empresarios de Barbanza  con financiamento da Deputación ata o completo programa de actividades organizado en conxunto coa Asociación de Empresarios de Ribeira, que inclúe unha ludoteca posta en marcha en distintos días, unha charanga para animar as rúas de Ribeira e Palmeira, a celebración de obradoiros na rúa (maquillaxe, postais de Nadal, abalorios, globoflexia...), a instalación de inchables de Nadal ou as mascotas animadas, que pasearán polas rúas, prazas e mesmo establecementos comerciais da cidade, saudando e repartindo caramelos.





Posted via email from Certo.gl, o xornal dixital de Barbanza e Noia

Ribeira: "SuperHumanos" preséntase este venres 28

Ribeira, 27 de decembro de 2012. Pacho Ayaso, coautor xunto con Jorge Vázquez do libro "SuperHumanos", estará na presentación desta obra en Ribeira mañá, venres 28 de decembro, ás 19 horas no anexo á Biblioteca Municipal de Ribeira.
Para máis información poden consultar a web e o facebook do libro:
http://superhumanos.es/
https://www.facebook.com/SomosSuperHumanos




 

Invitacin_superhumanos_riveira

FichaSuperHumanos.pdf Download this file

Posted via email from Certo.gl, o xornal dixital de Barbanza e Noia

Ribeira: O Apalpador vén a cidade da man de Altofalante


Ribeira, 27 de decembro de 2012. A asociación cultural Altofalante vai traer o Apalpador a Ribeira para presentárllelo aos nenos e á cidadanía en xeral. A súa comitiva, que sairá ás 17.30 da Praza do Concello e percorrerá as rúas da cidade, vai estar formada por un Apalpador que repartirá doces, uns acompañantes que entregarán folletos explicativos sobre a figura, e un grupo de músicos que lle darán alegría ao asunto. 


Esta actividade encádrase dentro dun movemento de actuación máis amplo, que por numerosos concellos de Galiza, mediante o traballo de asociacións, colexios e concellos, busca recuperar o papel do mítico personaxe no Nadal galego. A tradición do Apalpador (ou Pandingueiro) mantense viva nas comarcas do leste de Lugo e Ourense (como se ve no documentario realizado pola Gentalha do Pichel: “e há de vir o Apalpador”, que se pode ollar en youtube). Consiste nun xigante carboeiro que baixaba das montañas ás casas o 24 ou o 31 de decembro a apalpárllela barriguiña aos meniños, para ver se estaban ben alimentados, e desexarlles que tivesen fartura o resto do ano. Ademais, deixáballes regaliños e castañas (os doces daqueles tempos).


O Apalpador é a versión galega dunha tradición común na vertente atlántica europea, que se manifesta con diversos nomes segundo o lugar, como é o caso do Olentzero vasco. "Desde Altofalante cremos que é enriquecedor recuperar esta figura propia e relacionada co medio natural e co noso entorno, para que se abra sitio nun espazo até o de agora monopolizado por figuras fóraneas vinculadas ao consumismo e á propaganda comercial, como Papá Noel, ou de carácter estritamente relixioso coma os Reis Magos. O Apalpador, encargado de atender só os nenos galegos, seguro que ten máis tempo para escoller bos presentes que saiban ilusionar os nosos cativos", argumenta Carlos Lixó, recén escollido presidente de Altofalante.



Posted via email from Certo.gl, o xornal dixital de Barbanza e Noia

A Pobra: outra polémica comida de Nadal

  • Ante as críticas da voceira socialista, o alcalde asegura que a comida págaa enteira o restaurante Chicolino de Boiro, concesionario por 20 anos do restaurante que está enriba do mercado municipal
  • Na comida, en teoría para traballadores do Concello, hai moita xente á que nunca se viu traballar nel, ademais de integrantes da prensa local

Foto_cea_pobra
Captura de pantalla do Facebook de OQPDAD

A Pobra do Caramiñal, 27 de decembro de 2012. Por se non abondase coas polémicas das comidas da terceira idade, que ano tras ano se producen por seren consideradas un despilfarro só entendible como busca de votos no caladeiro deste segmento de poboación, desta volta o Concello da Pobra voltouna a armar coa de Nadal.

O pasado xoves, 20 de decembro, celebrouse unha comida de Nadal no restaurante Chicolino de Boiro. A ela asistiron, segundo conta o dixital pobrense "O que pasa día a día", máis dun cento de traballadores do Concello da Pobra do Caramiñal "que desfrutaron de boa compaña ata ben entrada a tarde". Ata aí, todo "normal", dentro do que cabe, pois non parece moi lóxico que unha comida dos traballadores dun concello se faga no municipio veciño, deixando o beneficio económico fóra. Mais a lebre non saltou pola noticia do dixital pobrense, que é o que aporta as fotos na rede, senón pola reacción do alcalde da Pobra, o conservador Isaac Maceiras, ás críticas no Facebook da portavoz socialista, María Teresa García Guillán. Tanto lle molestaron que respostou por dúas vías: o seu blog da alcaldía e a web do PP da Pobra, ademais de rebotalo no seu facebook persoal que intitula "A Pobra Caramiñal" e no que sae a súa foto como se a súa faciana representara a todo o municipio.

Na réplica do alcalde chama a atención a explicación sobre esa estrana cláusula nun prego de condicións dunha concesión pública:

"Para quen non o saiba, cousa que ela se está informada, os traballadores e traballadoras da Pobra, así coma o Goberno Municipal, todos os anos celebran un xantar de Nadal pagado integramente pola empresa Chicolino.

E moitos, preguntaranse, e por qué a empresa Chicolino lle paga unha comida. Pois o motivo é ben sinxelo. Cando esta empresa concursou para a concesión do Restaurante do Mercado Municipal, dentro do seu prego de condicións, ofrecía unha comida de Nadal para todos/as os/as traballadores/as do Concello da Pobra do Caramiñal.

Polo que todos os anos cando todas as empresas celebran o Nadal cos seus empregados, no Concello tamén o celebramos todos xuntos, sen que isto supoña gasto algún para as arcas municipais, senón o de celebrar un día de ledicia todos os/as compañeiros/as xuntos".

Isto en si mesmo é un escándalo: hai unha cláusula nesa concesión -sería ben que o alcalde a amosase, inda que é ben complicado para a oposición pedir papeis nese concello- para darlle unha comida de gañote aos traballadores do Concello (incluídos políticos) a costa dos cartos de todos (a concesión é pública, é unha cesión dunha instalación do Concello, na praza de abastos, para poñer un restaurante). E inda se permite na web do PP darlle leccións á oposición por denuncialo:

"Polo que sí señora Teresa os traballadores e traballadoras municipais, xunto cos representantes dos grupos políticos do BNG e do PP, celebran todos xuntos unha comida de Nadal, á que vostede non asiste, porque non quere ou porque igual non ten con quen compartila, xa que o seu lema é enfrontarse a todos e todas as veciñas e veciños deste Concello e non compartir momentos de ledicia con eles.

De todas formas e seguindo como noso lema de concordia e confraternidade desexámoslle que o vindeiro ano entre no seu corazón con máis solidariedade, con máis concordia e con menos enfrontamentos.

Felices Festas!!"

En Certo preguntámonos:

  1. Será legal, pero é lexítimo que se empregue unha concesión municipal para beneficiar só aos traballadores do Concello e prensa afín?
  2. Onde está a ética de empregar os cartos de todos, nestes tempos "difíciles para todos" como o mesmo Concello da Pobra se encarga de lembrarnos na súa postal de Nadal, en pagarlle unha comida nun restaurante de Boiro a máis de cen persoas?
  3. A terraza de Chicolino comezou a funcionar en 2006: como tardamos tanto en enterarnos, ou tardou tanto en aclarar Isaac Maceiras, que esta comida de Nadal -só para traballadores do Concello- era pagada por esta empresa de Boiro?

Unha concesión moi "mimada"

Media_httpfarm5static_cqmff

O restaurante "A Terraza de Chicolino" está nunha situación privilexiada na Pobra, enriba do mercado municipal e fronte á praia e o porto. Nalgunha web sobre turismo e gastronomía chegan a calificar as súas vistas como "as mellores de Barbanza". A concesión foi aprobada en maio de 2005 e a empresa Chicolino acordou investir 250.000 euros e contratar a 14 persoas. O restaurante ten zona de comedor de 233 metros cadrados e unha terraza de 91. Ao seu interior pode accederse dende a praza de abastos, pero tamén hai entrada independente, de xeito que o horario do establecemento hostaleiro non estea marcado polo do mercado. Comezou a funcionar a mediados de 2006.

Neste mercado municipal da Pobra, que está noviño, anda cada pouco a meter cartos a Deputación e a facer campañas para promocionalo, do cal, evidentemente, benefíciase o restaurante (cos cartos de todos tamén).

Concesión que reporta 8.000 euros ao ano

Segundo consta nos orzamentos 2012 e 2011, ao municipio da Pobra repórtalle en ingresos por cafetería do mercado municipal de 8.000 euros/ano. Algo ben barato se temos en conta a superficie da que dispón, o lugar privilexiado no que está e as continuas melloras que pagamos todos cos cartos da Deputación.


E quen é Chicolino? A empresa máis coñecida da zona polo seu negocio de vodas e comunións en Exipto (Abanqueiro, Boiro). E que tamén ten dende este mesmo ano uha empresa "auxiliar" que se chama Happy Park e fai parques infantís, pistas de pádel e instalacións de ocio semellantes. A data de constitución da empresa foi o doce de abril deste ano 2012 e, vese que naceu con boa "estrela" pois este mesmo verán poñía en Boiro (concello gobernado tamén polo PP con maioría absoluta como A Pobra) un dos seus parques, que custou máis de 60.000 euros.

Media_httpfarm9static_ndrej

 

Como se observa, parte deste parque foi pagado pola Deputación con cargo ao plan PAC -2 (PLAN ANTICRISE), inda que non está claro se a crise é de Happy Park ou do Concello de Boiro, o máis endebedado da zona logo da obra faraónica do Concello, que foi derrubado e feito de nova planta polo ex alcalde Jesús Alonso, conserveiro conservador dono de Jealsa-Rianxeira e antigo empregador do actual alcalde, Juan José Dieste.

 

Posted via email from Certo.gl, o xornal dixital de Barbanza e Noia

26.12.12

Ribeira: arranxarán a rúa Pedra da Aiga en Palmeira

A obra foi adxudicada por un importe de 44.740 euros

 

O CONCELLO DE RIVEIRA RENOVARÁ OS SERVIZOS DA RÚA PEDRA DA AIGA, EN PALMEIRA

 

A NOVA REDE DE DRENAXE IMPEDIRÁ QUE EN ÉPOCAS DE CHUVIA SE ACUMULE AUGA NAS FINCAS COLINDANTES

 

Ribeira, 26 de decembro de 2012.- O Concello vén de adxudicar unha actuación en virtude da cal se verán renovados os servizos da rúa Pedra da Aiga, na parroquia de Palmeira. O importe da obra ascende a 44.740,88 euros e a empresa Construcciones Pazo de Axeitos, S.L., será a encargada de executala.

Actualmente, a rúa Pedra da Aiga non dispón de rede de drenaxe de augas pluviais, razón pola cal en épocas de chuvia é frecuente que se produzan problemas de acumulación en leiras colindantes. O pavimento actual é de formigón. 

O proxecto elaborado ao efecto polos técnicos municipais prevé a construción dunha rede para drenaxe de pluviais, ademais da renovación dos servizos de auga potable e saneamento. Unha vez rematadas estas accións, a rúa será pavimentada con adoquín prefabricado de formigón.

Así, será colocada unha tubaxe de polietileno de alta densidade de 90 milímetros de diámetro para o abastecemento de auga potable e outra de PVC corrugado de 315 milímetros para pluviais. En canto a saneamento, instalarase unha tubaxe de PVC liso de 315 milímetros.

Pavimentación

Para a pavimentación combinarase adoquín de formigón gris con outro de cor vermella, ambos con dimensións de 20x10x8 centímetros.

A rúa contará coa pendente lonxitudinal e transversal suficiente para que a auga superficial sexa conducida ata as arquetas sumidoiro proxectadas. Na liña de pluviais disporanse arquetas cada 20 ou 25 metros.

 

Posted via email from Certo.gl, o xornal dixital de Barbanza e Noia

Ribeira: os torneos de Unicef e Residencial Mirador de Padín dan remate ao 2012 na Fieiteiradeportivo

 

Media_httpfarm9static_duuxd

 

Ribeira, 26 de decembro de 2012.- Proseguindo co calendario de competicións para estas datas de Nadal, mañá e pasado mañá terá lugar no polideportivo de A Fieiteira, en horario de tarde, o Trofeo Unicef de Fútbol Sala: un campionato no que terán cabida un total de catro categorías -prebenxamín, benxamín, alevín e infantil-.

 

Este é o cadro de emparellamentos:

 

XOVES 27 DECEMBRO

 

1º PARTIDO CATEGORIA ALEVÍN

15.00

XUÑO

X AGUIÑO A

 

1º PARTIDO CATEGORIA BENXAMIN

15.35

G1) X AGUIÑO A

G1) ATL RIVEIRA B

16.10

G2) ATL RIVEIRA A

G2) X AGUIÑO B

 

1º PARTIDO CATEGORIA  PREBENXAMÍN

16.55

XUÑO 

ATL RIVEIRA B

 

CATEGORIA INFANTIL

17.30

G1) O CASTRO

G1) X AGUIÑO B

18.05

G2) ATL RIVEIRA B

G2) X AGUIÑO A

 

2º PARTIDO CATEGORIA ALEVÍN

18.40

PERDEDOR 1

X AGUIÑO B

 

SEGUNDO PARTIDO CATEGORIA BENXAMIN

19.15

G1) PERDEDOR

G1) XUÑO 

19.50

G2) ATL RIVEIRA A

G2) X AGUIÑO B

 

SEGUNDO PARTIDO CATEGORIA INFANTIL

20.25

G1) PERDEDOR

G1) ATL RIVEIRA A

21.00

G2)  PERDEDOR

G2) DESCANSA CF

 

VENRES 28 DECEMBRO

 

CATEGORIA INFANTIL

15:00

G1) GAÑADOR

G1) ATL RIVEIRA A

15:35

G2)  GAÑADOR

G2) DESCANSA CF

 

SEGUNDO PARTIDO CATEGORIA PREBENXAMÍN

16.10

PERDEDOR 1

ATL RIVEIRA A

 

3º PARTIDO BENXAMIN

16.55

G1) GAÑADOR

G1) XUÑO

 

 

FINAIS

ALEVÍN

17.30

GAÑADOR 1

X AGUIÑO B

INFANTIL

18.05

1º CLASIFICADO G1

1º CLASIFICADO G2

PITUFOS

18.40

ATL RIVEIRA

SALVORA

BENXAMIN

19.15

1º CLASIFICADO G1

1º CLASIFICADO G2

PREBENXAMINS

19.50

GAÑADOR 1

ATL RIVEIRA A

 

PREBENXAMINS:XUÑO, ATL RIVEIRA A, ATL RIVEIRA B

BENXAMINS: G1) XUÑO, ATL RIVEIRA B, X AGUIÑO A            G2) ATL RIVEIRA A, X AGUIÑO B

ALEVINS: XUÑO, X AGUIÑO A, X AGUIÑO B

INFANTIS: G1) O CASTRO, X AGUIÑO B E ATL RIVEIRA A;    G2) ATL RIVEIRA B, X AGUIÑO A, X DESCANSA CF

TROFEO MIRADOR DE PADÍN

Ademais, esta fin de semana terá lugar no campo de céspede artificial de A Fieiteira un acontecemento deportivo enmarcado no programa de eventos organizados pola Concellería de Deportes para este Nadal. Trátase do Primeiro Trofeo Residencial Mirador de Padín de Fútbol: cita dirixida ás categorías cadete e xuvenil.

Na categoría cadete mediranse un total de sete equipos: Crocha Balompié C. F., Xuventú Aguiño, Atlético Oleiros, Carreira C.F., Sálvora C.F. e Atlético Riveira.

En canto á categoría xuvenil, participarán: Crocha Balompié C. F., Carreira C.F., Atlético Riveira, Xuventú  Aguiño “A” e Xuventú Aguiño “B”.

 

O cadro de emparellamentos e horarios é o seguinte:

     
 

SABADO 29 DECEMBRO

 

Horario

 

Categoría

09.30

GRUPO 1:  CROCHA BALOMPIE C.F.- SD XUVENTU AGUIÑO

CADETE

10.15

GRUPO 2:  ATL OLEIROS – CARREIRA C.F.

CADETE

11.00

GRUPO 1:  Perdedor – SALVORA C.F.

CADETE

11.45

GRUPO 2:  Perdedor – ATL RIVEIRA

CADETE

12.30

GRUPO 1:  Gañador – SALVORA C.F.

CADETE

13.15

GRUPO 2:  Gañador –ATL RIVEIRA

CADETE

     

16.00

GRUPO 1:  CROCHA BALOMPIE C.F. - CARREIRA C.F.

XUVENIL

16.45               

GRUPO 2:  ATL RIVEIRA-S.D. X AGUIÑO “B”

XUVENIL

17,30

GRUPO 1:  Perdedor – X. AGUIÑO “A”

XUVENIL

18.15

GRUPO 2:  Perdedor – ATL. OLEIROS

XUVENIL

19.00

GRUPO 1:  Gañador – X. AGUIÑO “A”

XUVENIL

19.45

GRUPO 2:  Gañador –ATL. OLEIROS

XUVENIL

 

DOMINGO 30 DECEMBRO

 

10.30

FINAL

CADETE

11.45

FINAL

XUVENIL

Posted via email from Certo.gl, o xornal dixital de Barbanza e Noia

Boiro: propostas culturais para a última semana deste ano 2012

O xoves, 27 de decembro,  proxección de O Apóstolo na Casa da Cultura ás 21:00h


O venres 28, ás 20:00h na Casa da Cultura, teatro para familias e infancia

 

O venres, 28 de decembro, concerto de Skarallaos no Curral de Marqués(Taragoña) ás 23:45h

Posted via email from Certo.gl, o xornal dixital de Barbanza e Noia

Ribeira: Flor de Toxo organiza viaxe á neve en febreiro de 2013

  • A preinscrición remata o 1 de xaneiro e custa 40 euros. O resto págase na última semana de xaneiro
Media_httpfarm6static_xavgr


Ribeira, 26 de decembro de 2012. A Asociación xuvenil e cultural Flor de Toxo organiza un viaxe á neve (Estación de San Isidro- León) na primeira fin de semana de febreiro.

INCLÚE:

-Autobús

-Albergue (noite do sábado ao domingo, con cea e almorzo)

-Aluguer de equipo de esquí ou snowboard *as persoas que dispoñan de equipo propio teñen un desconto de 16€

-Forfait.

Sería a saída de Ribeira o venres 1 de febreiro sobre as 23:30 e o regreso domingo 3 DE FEBREIRO sobre as 21:00 hrs. Á volta o bus fará parada en Santiago de Compostela (na zona de San Lázaro) para os que queiran quedar e tamén se parará tanto na ida coma na volta na Pobra do Caramiñal, Boiro e Rianxo se é preciso.

A preinscrición será ata o día 1 de xaneiro e pagando un sinal de 40€. O resto pagarase na semana anterior á viaxe. As persoas preinscritas que finalmente non acudan á viaxe non teñen dereito á devolución, pois eses cartos son para pagar bus e albergue e non devolven os cartos.

Máis info: asociacionflordetoxo@gmail

.com e telf. 669 999 302


Posted via email from Certo.gl, o xornal dixital de Barbanza e Noia

Ribeira: este venres, 28 de decembro, concentración de "Stop Desafiuzamentos" na praza do Concello


     
Ribeira, 26 de decembro de 2012. O vindeiro día 28, venres, terán lugar en moitas vilas e bisbarras galegas unha serie de concentracións, convocadas polas diferentes Plataformas de "Stop Desafiuzamentos" de Galicia. No Barbanza, será en Ribeira. A concentración comezará ás 20:00 horas, na Praza do Concello, co obxeto de lembrar que dende o 2.007 se produciron máis de 400.000 execucións hipotecarias, coa evidente inxustiza social, unha vez que as familias desafiuzadas non son culpables, senón víctimas dun sistema financeiro atroz que prima o capital por riba dos dereitos individuais e colectivos de todos nós. 
 
Dende as diferenes Plataformas "Stop Desafiuzamentos" de Galicia ESIXEN, entre outras cousas:
 
    - Responsabilidades políticas e penais no conxunto da banca estatal.
    - Paralización de todos os procesos de desafiuzamento.
    - Dación en pago con efecto retroactivo.
    - Parqué de alugueiro social das vivendas incautadas pola banca. 
 
"Facemos un chamamento a toda a cidadanía para participar na concentración na Praza do Concello de Ribeira e agradecemos a colaboración da central sindicial da C.I.G, que son os responsables de facer todo o labor de información, publicidade e organización en xeral das diferentes concentracións, en toda Galicia", sinalan dende a plataforma "Stop Desafiuzamentos" da Barbanza.



Posted via email from Certo.gl, o xornal dixital de Barbanza e Noia

Lousame: o domingo 30 de decembro, Festival de Nadal da Escola de Música

  • Na casa da cultura de Portobravo ás 18:00 horas


Lousame, 26 de decembro de 2012. O vindeiro domingo, día 30 de decembro, ás 6 da tarde na Casa da Cultura de Portobravo terá lugar o festival de Nadal da Escola de Música de Lousame. Intervirán a maioría dos alumnos da escola de música en diversas formacións instrumentais así como en actuacións solistas. O evento pecharase coa actuación da Banda infantil e xuvenil da Escola de Música de Lousame xunto cun coro formado polos nenos da materia de Música e movemento, que interpretarán conxuntamente varias panxoliñas. 



Posted via email from Certo.gl, o xornal dixital de Barbanza e Noia

23.12.12

Dodro: este luns 24, xornada benéfica con obradoiros para nen@s de 10 a 14 horas

Xornada benefica2012.pdf Download this file


Dodro, 23 de decembro de 2012. A Concellería de Deportes do Concello de Dodro organiza mañá, luns día 24 de decembro, unha Xornada benéfica con obradoiros para nen@s en horario de 10 a 14 horas.

Durante a xornada realizarase unha recollida de alimentos non perecedeiros que posteriormente serán coordinados e distribuidos pola concellería de Servizos Sociais e Igualdade.

A xornada será no pavillón polideportivo municial e os nenos/as poderán divertirse con hinchables, talleres, música, animación infantil... 

Para máis información as persoas interesadas poden acudir ao departamento de Deportes do concello ou chamando ao 981 802 532.

 

Posted via email from Certo.gl, o xornal dixital de Barbanza e Noia

22.12.12

Ribeira: morre un compostelán ao esvarar dunhas rochas namentres pescaba en Couso


Ribeira, 22 de decembro de 2012.- Segundo informou hoxe o gabinete de prensa do Concello de Ribeira, un home de 41 anos de idade e residente en Santiago de Compostela (con iniciais E.A.R.) morreu no día de hoxe tras caer ao mar mentres estaba pescando en Couso, na parroquia ribeirense de Aguiño.

Foi un acompañante do varón fallecido quen deu a voz de alarma sobre o suceso. Segundo parece, o home esvarou da roca dende a que estaba pescando e tras golpear cunhas pedras foi arrastrado pola marea.

Inmediatamente desplegouse un amplo dispositivo de búsqueda por terra, mar e aire. O Grumir de Ribeira foi alertado ás 14.50 horas polo 112. Tamén participaron no operativo os helicópteros Pesca Un e Helimer, a embarcación Salvamar, a Garda Civil do Mar, 14 voluntarios de Protección Civil (entre eles, tres buzos), axentes da Policía Nacional e da Policía Local.

Finalmente, o cadáver foi localizado ás 17.45 horas na praia do Vilar á altura da caseta dos socorristas, tras ser descuberto por un transeúnte. A previsión é que sexa trasladado ao CHUS de Santiago para facérenlle a autopsia.

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical