27.9.11

Ribeira: organizan campamento para formación continua de monitores de tempo libre este sábado 1 de outubro

Campamento_monitores



Ribeira, 27 de setembro de 2011.- Ribeira vai ser escenario ao longo do sábado 1 de outubro dunha actividade que ten a dobre intención de fomentar a formación continua dos profesionais do tempo libre e á vez servir de espazo no que se dean cabida actividades lúdicas e divertidas. Trátase do Campamento para Monitores, que cumpre a súa segunda edición e vaise celebrar no Hotel Río Azor. 

O evento está promovido pola Asociación Cultural, de Ocio e Tempo Libre Arrecó, coa colaboración doutras entidades como a Consellería de Traballo e Benestar, Kayak Amextreme, Hotel Río Azor, Golfiño e Sx Sportiba. A concelleira de Xuventude, Aroa Fernández, e o presidente de Arrecó, Mario Vidal, foron os encargados de explicar polo miúdo os detalles da iniciativa. 

O campamento está dirixido principalmente a monitores e directores de tempo libre, pero tamén é idóneo para mestres, educadores sociais, pedagogos, psicólogos, animadores socioculturais, e todos os interesados en recibir unha formación vivencial no ámbito da educación non formal. 

Outdoor Training

Os alí presentes traballarán baixo a innovadora metodoloxía do Outdoor Training, que se serve da natureza como aula e a aprendizaxe experimental como método, co propósito de reflectir a través de actividades no medio natural e a súa posterior análise, un ambiente similar ao cotián. 

Pola mañá en horario de 10 a 13 horas se farán distintos obradoiros para que os participantes reciban unha formación continua no campo do tempo libre. Os obradoiros serán: iniciación ás técnicas básicas de montaña (rapel, tirolina, ponte mono, ponte tibetano,... a cargo do alpinista e garda civil Andrés Villar Murillo), iniciación ás danzas do mundo (que impartirá Lola Pérez Carreira) e cancións de animación, por Ana Domínguez Chouza). 

A partir das 13 horas e ata as 19 horas levaranse a cabo as actividades de Outdoor-Training. Haberá unha parada para comer todos os participantes xuntos. 

A partir das 22 horas haberá unha cea de despedida e entrega de diplomas. Está prevista a visita a esta acción do director xeral de Xuventude da Xunta, Ovidio Rodeiro. 


O prezo para asistir a esta actividade é de 30 € e as prazas cubriranse por orde de inscrición. Xa hai máis de 40 persoas interesadas e a organización espera superar a medio centenar, cifra alcanzada na edición do ano pasado.

Posted via email from Certo.gl, o xornal dixital de Barbanza e Noia

Cultura animalista: Inflitrados en las becerradas de Algemesí, en Valencia


EQUANIMAL DOCUMENTA EL CRUEL FESTEJO  DE "LAS BECERRADAS DE ALGEMESÍ" (VALENCIA)

 
Hoy, 27 de septiembre, a las 00:00h de la madrugada se llevó a cabo en Algemesí (Valencia) el cruel festejo conocido por becerradas de Algemesí. La Fundación Equanimal, defensora de los animales, estuvo allí de incógnito obteniendo imágenes para documentar este horrible festejo taurino en el que 10 inofensivos becerros a penas sin cuernos que no han llegado a los 2 años de edad, son toreados, reciben banderillas para morir finalmente a estoque. Todo ello de manos de jóvenes "aficionados a los toros".

Los becerros sufren una lenta y larga agonía; después de ser toreados, se les clavan banderillas de acero de 8 cm en numerosas ocasiones en patas, pecho y hasta cuello, que les provocan profundas heridas y graves pérdidas de sangre. Los animales desamparados intentan huir desesperadamente emitiendo gritos desgarradores e incluso dirigiéndose a la puerta por dónde salieron.

Son muy frecuentes los casos en que son atravesados varias veces por una espada de 80 cm con el sonido de fondo de risas y gritos del público. Con las banderillas clavadas y desgarrando su cuerpo finalmente el animal cae al suelo donde un matarife intenta rematarlo con la puntilla, pero como suele "fallar" se la clava repetidamente incluso hasta decenas de veces. En todo este proceso el animal todavía sigue vivo y agonizante incluso hasta que lo transportan y lo entierran. No son por ello pocos los casos en los que el becerro todavía está vivo cuando es enterrado.

Pueden descargase imágenes de vídeo del cruel festejo aquí.

Adjuntamos fotos.

Equanimal ha llevado a cabo durante este año una campaña con la organización holandesa CAS International en la que realizaron numerosas acciones por la abolición de la tauromaquia en distintos puntos del estado. Imágenes de una de las originales acciones en un barco antitaurino por la ría de Bilbao aquí.

La Fundación Equanimal NO es una organización ecologista, sino de defensa de los animales. No protegemos los ecosistemas o las especies, sino a los animales en tanto que seres que pueden sufrir y disfrutar.


Fundación Equanimal
www.equanimal.org



Posted via email from Certo.gl, o xornal dixital de Barbanza e Noia

Dodro: obradoiro de apoio escolar para conciliación, para nenos de 6 a 12 anos

Presentacion_1

Dodro, 27 de setembro de 2011.O luns 26 de setembro presentouse o "Taller de apoio escolar para a conciliación", que se realiza por primeira vez en Dodro organizado pola Concellería de Xuventude e Familia que dirixe María Fernández.

 
Este obradoiro está dirixido a rapaces/as de 6 a 12 anos e impártese na Casa da Cultura de luns a venres de catro a sete da tarde. O programa xurde "co firme propósito de axudar e facilitar a conciliación da vida familiar e laboral", explican dende o Concello. Nestes obradoiros os rapaces realizarán as tarefas e traballos da escola así como o estudo. Váiselles familiarizar co uso das novas tecnoloxías, potenciaráse a lectura e a expresión oral e escrita e realizarán actividades complementarias lúdicas e formativas.
Os obradoiros este ano son totalmente gratuitos, xa que asume o custo total o concello.

Posted via email from Certo.gl, o xornal dixital de Barbanza e Noia

Dodro: "Mar Achega" levou a veciños ata Fisterra o pasado luns 26 de setembro

Fisterra

Dodro, 27 de setembro de 2011. A Concellería de Cultura, Voluntariado e Asociacionismo organizou o pasado luns día 26 dentro da Campaña "Mar Achega" da Consellería do Mar, unha excursión a Fisterra que tivo unha gran aceptación por parte da veciñanza.

Dentro do programa realizaron unha visita guiada ao Castelo de San Carlos, fixeron un percorrido pola zona marisqueira e un paseo pola lonxa de Fisterra. Despois poideron ver unha demostración en directo de cociña con peixe e degustar á hora do xantar a base de produtos do mar certificados.
Xa pola tarde realizaron visitas guiadas á lonxa e a antigos lugares de interese da actividade pesqueira.

Posted via email from Certo.gl, o xornal dixital de Barbanza e Noia

Noia: o alcalde amosa a súa preocupación pola pouca transparencia da Xunta sobre o castro de Taramancos e acúsaa de "tentar agochar que a decisión de eliminar os restos

71093-Artigo 9.-Copia informes aparación restos xacemento arqueolóxico en Taramancos-Noia.pdf Download this file

  • "A eliminación do xacemento é un mero trámite administrativo para a Xunta de Galicia, mentres para os noieses e noiesas supón unha enorme perda do noso patrimonio e da nosa historia, ademais de supor a perda dun enorme atractivo turístico", critica o alcalde Rafael García Guerrero
  • Os socialistas pediron no Parlamento información e copia dos informes do achado neste enorme poboado de Taramancos Vello, sito no lugar da Espiñeira
Media_httpfarm7static_svpvf

Imaxe de onte do castro sen unha das estruturas circulares que antes se podían ver (abaixo)
Media_httpfarm7static_beddk

Noia, 27 de setembro de 2011. O concello de Noia amosa "a súa preocupacion pola falla de información e transparencia por parte da Consellería de Medio Ambiente no tratamento dos xacementos de Taramancos", comeza nunha nota de prensa o alcalde, o socialista Rafael García Guerrero.

O alcalde engade que "desde a administración municipal noiesa considérase que desde a Xunta de Galicia non están mantendo a necesaria colaboración entre as administracións, sen información e tentando agochar que a decisión de eliminar os restos está tomada desde o primeiro intre que apareceron. Non se buscou en ningún momento alternativas que permitiran as conservación dos restos arqueolóxicos. A eliminación do xacemento é un mero trámite administrativo para a Xunta de Galicia, mentres para os noieses e noiesas supón unha enorme perda do noso patrimonio e da nosa historia, ademais de supor a perda dun enorme atractivo turístico".

Para García Guerrero, "baixo a escusa de escavar baixo as edificacións castrexas e romanas, estase a desmontar todo coa perda irreversible que supón, e só ten sentido se se parte dunha premisa: a eliminación do xacemento".

Desprezo ao patrimonio e ao medioambiente do Goberno Feijóo

O alcalde noiés non dubida en afirmar que "o goberno de Feijóo amosa nas súas políticas un total desprezo da conservación do patrimonio e do medioambiente. Créanse proteción de espazos naturais e do patrimonio, pero á hora da verdade só son de aplicación para os particulares. As administracións, no canto de dar exemplo, empregamos de xeito abusivo o recurso do "interese xeral" para obviar as protecións e amoldalas aos intereses politicos".

E remata: "Para Concellos como o de Noia, onde a propiedade privada está tan afectada por lexislacións sectoriais resulta difícil explicarlle aos veciños e veciñas a razón de que nas súas fincas non poden facer certas cousas e as administracións si. Para os que temos que aplicar un plan especial de proteción dun Casco Histórico, non é doado abrir un expediente sancionador a un veciño porque pinta dunha cor incorrecta unha fiestra, mentres as administracións eliminamos un xacemento arqueolóxico".

A repercusión desta destrución, no portal do Consello da Cultura Galega

"O alcalde de Noia, Rafael García Guerrero, denunciou onte no seu perfil de Facebook a desaparición de parte dos sectores escavados no sitio arqueolóxico de Taramancos, incluíndo unha vivenda completa da Idade do Ferro, polo que se aprecia na fotografía publicada por Guerrero. Tratábase dunha escavación de urxencia debido á aparición de restos antigos no trazado do novo vial de Noia, e que paralizara as obras do vial. Os achados desvelaron a existencia dun poboado moi antigo, da Idade do Ferro, de tipoloxía totalmente inusual en Galicia, xa que non está fortificado, e parece estar vinculado a actividades de explotación do medio mariño. culturagalega.org solicitou información ao respecto á Consellería de Cultura, responsable da liberación da cautela administrativa sobre o sitio arqueolóxico, pero o departamento autonómico non contestou ata o momento.
O subliñado é noso.

Onte, en Certo:


Posted via email from Certo.gl, o xornal dixital de Barbanza e Noia

Cultura galega: bases e xurados da presente edición dos Premios da Crítica de Galicia

PREMIOS DA CRÍTICA GALICIA_BASES_2011.pdf Download this file

  • Chegan á 34 edición, que se vai fallar o 22 de outubro, sábado, en Vigo
  • A entrega farase baixo o lema "Eis o canto eterno dunha terra", collido de Lois Pereiro

Media_httpfarm5static_nmwjt

Barbanza-Noia, 27 de setembro de 2011. A xunta directiva da Fundación dos Premios da Crítica Galicia aprobou as bases que rexerán a convocatoria que recoñecerá o traballo da creación cultural galega realizado o pasado ano 2010. Nesta 34ª edición os premios abranguen seis modalidades: «Creación literaria», «Investigación», «Música», «Iniciativas Culturais», «Artes Plásticas e Visuais», e «Artes Escénicas e Audiovisuais». A xunta directiva acordou por unanimidade suprimir a modalidade de «Galego Egrexio» coa intención de recuperar o espírito fundacional dos premios, alicerzados sobre o recoñecemento do labor creativo anual en cada un dos eidos da creación cultural e investigación en Galicia, así como pola existencia na actualidade doutros importantes recoñecementos, tanto institucionais como cívicos, a traxectorias a prol da cultura galega. 

Outra das novidades da presente convocatoria é a creación de dúas novas modalidades a de Ártes Plásticas e Visuais» e a de «Artes Escénicas e Audiovisuais», así como a ampliación do descritor da modalidade de «Creación Literaria», onde poderán ser premiables obras de narrativa, poesía, ensaio, textos dramáticos, guións, xornalismo de opinión, incluíndo a creación literaria infantil e xuvenil, publicadas ao longo do ano 2010. 

O xurado de cada unha das modalidades estará formado por sete persoas, que terán competencia exclusiva para establecer os criterios de valoración (calidade, incidencia social, oportunidade, novidade…) de cada unha das candidaturas concorrentes. Con todo, o recoñecemento da excelencia e da relevancia para a cultura galega que ofrezan as achegas a considerar, deberá ser a guía sobranceira no seu proceso de avaliación. Así mesmo, naquelas manifestacións culturais que precisen da intervención do idioma este será o galego. Todas as producións que se consideren premiables en cada unha das modalidades poderán ser presentadas polos seus autores, editores ou promotores ás secretarías dos xurados. Así mesmo, cada un dos membros dos xurados poderá presentar cantas candidaturas considere oportunas para a súa valoración polo resto dos membros.

A xunta directiva nomeou as seguintes persoas como membros dos xurados de cada unha das modalidades:

Creación Literaria: Suso de Toro (escritor, gañador da edición 2010 de Creación Literaria), Manuel Forcadela (escritor, gañador da edición 2010 de Ensaio), Isabel Soto López (crítica literaria), María Xesús Nogueira (profesora USC), Carme Pérez-Sanjulián (profesora UDC), Eulalia Agrelo Costas (investigadora do Centro Ramón Piñeiro) e María López Sández (secretaría, Fundación Premios da Crítica Galicia).

Investigación: María Xosé Agra Romero (catedrática USC), Senén Barro Amenedo (catedrático USC), Miguel Barros Puente (gañador da edición 2010 de Investigación), Domingo Docampo Amoedo (Catedrático UDV), Uxío Labarta Fernández (profesor de Investigación CSIC), Isabel Mociño González (investigadora do Centro Ramón Piñeiro) e Blanca-Ana Roig Rechou (secretaría, Fundación Premios da Crítica Galicia).

Música: Joám Trilho (Ars Gallaeciae, gañador da edición 2010), Victor Carou (director do Auditorio de Galicia), Ramón Castromil (pianista), Uxía Senlle (cantante), Xurxo Souto Eiroa (escritor), Berta Fresco (profesora de piano do Conservatorio de Vigo) e Antón Pulido (secretaría, Fundación Premios da Critica Galicia). 

Iniciativas Culturais: Natalia Balseiro (enxeñeira cultural), Chelo Loureiro Vilarello (produtora), Manuel Gago (director de culturagalega.org), Manuel P. Rúa (técnico de cultura), Alfonso Blanco Torrado (crego, presidente da Asociación Cultural Xermolos), Daniel Salgado (xornalista) e Marcos Lorenzo (secretaría, Fundación Premios da Crítica Galicia).

Artes Plásticas e Visuais: Enrique Acuña (gañador da edición 2010 de Artes da Representación), Antón Castro (crítico de arte, profesor da UDV), Mercedes Rozas (crítica de arte), Manuel Vilariño (fotógrafo), Alfonso Penela (arquitecto), Jaime Asensi (ilustrador e deseñador gráfico) e Antón Sobral (secretaría, Fundación Premios da Crítica Galicia).

Artes Escénicas e Audiovisuais: Manolo González (profesor), Euloxio Ruibal (dramaturgo), Nerea de Valenzuela (crítica), Cristina Domínguez Dapena (directora teatral), Camilo Franco (crítico), Miguel Castelo (director de cine) e Comba Campoy García (secretaría, Fundación Premios da Crítica Galicia).

O ditame dos xurados desta 34ª edición dos Premios da Crítica Galicia será  coñecido o 22 de outubro de 2011 no decurso dunha cea que se celebrará  en Vigo, no Hotel Os Escudos, baixo o lema «Eis o canto eterno dunha terra», sintagma acuñado polo poeta Lois Pereiro, a quen rende homenaxe a sociedade galega este ano.

Máis información:

Blog da Fundación dos Premios da Crítica Galicia, onde se publicarán as noticias sobre a presente convocatoria e sobre a traxectoria destes premios.

Posted via email from Certo.gl, o xornal dixital de Barbanza e Noia

Boiro: Comoxo celebra o San Miguel o 29 de setembro e o 1 e 2 de outubro

Media_httpfarm7static_cqzjm

Ou estamos un pouco espesos ou cóstanos interpretar ben o cartel este ano... Agardamos que sexan máis intelixentes ca nós!

Posted via email from Certo.gl, o xornal dixital de Barbanza e Noia

Boiro: vaise reformar o parque de bombeiros, segundo se aprobou esta mañá no pleno da Deputación

 
Boiro, 27 de setembro de 2011. Os integrantes do pleno do Consorcio Provincial Contraincendios e Salvamento da Coruña reuníronse esta mañá na sede da Deputación Provincial da Coruña para, entre outros asuntos, autorizar diversas obras de mellora dos parques de Boiro e Betanzos.
 
Media_httpfarm5static_mdtta

No de Boiro vaise revestir por fóra o edificio co obxecto de continuar coas obras de mellora xa iniciadas nos últimos meses. Na actuación vanse invertir 90.000 euros.
 
No transcurso da sesión escolléronse novos membros da Xunta e da Deputación no pleno do Consorcio. Santiago Villanueva, como representante da Xunta, foi escollido presidente do organismo autónomo; e Diego Calvo, como representante da Deputación, será vicepresidente. Como tesoureira actuará Mariel Padín, vicepresidenta da institución provincial. Por parte da Xunta incorporouse tamén ao pleno a nova delegada, Belén do Campo.

Posted via email from Certo.gl, o xornal dixital de Barbanza e Noia

Estradas: a Deputación abre prazo para adxudicar obras de mellora da seguridade viaria entre Noia e Cabo de Cruz

  • O orzamento da obra é de 273.000 euros e conta cun prazo de execución de oito meses
Media_httpfarm5static_vfdpc

A estrada a amañar pasa pola restaurada aldea de Moimenta, en Boiro

Noia-Barbanza, 27 de setembro de 2011. A Deputación da Coruña publicou no Boletín Oficial da Provincia de hoxe o anuncio da próxima contratación mediante procedemento aberto da obra de mellora da seguridade viaria na DP 1105 de Noia a Cabo de Cruz.

O organismo provincial, mediante o Servizo de Patrimonio e Contratación, pon en marcha o proceso de adxudicación nestas obras, que suporán a construción de sendas peonís entre o p.q. 7,230 ao 7,930 de Moimenta e do 11,170 ao 11,980 en Comoxo, ambos no Concello de Boiro, coa intención de mellorar a seguridade viaria da zona.

 O orzamento da devandita infraestrutura ascende a 273.989,84 euros incluído o imposto sobre o valor engadido. As obras contarán cun prazo de execución de oito meses. O procedemento de adxudicación terá un único criterio de valoración referente ao factor prezo.

Posted via email from Certo.gl, o xornal dixital de Barbanza e Noia

Rianxo: preselecionan a un orientador laboral


Rianxo, 27 de setembro de 2011. O Concello de Rianxo convoca unha praza de Orientador/a Laboral (contratación laboral temporal) para o programa: Información, orientación e búsqueda de emprego.

Bases e solicitudes no Rexistro Xeral e na páxina web do Concello.
Prazo: tres días hábiles contados a partir do seguinte ao da publicación.

Web do Concello de Rianxo: http://portelo.rianxo.com

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical